Naqib Ghazniwal

مينه که غم دی خو دا غم ښکلی دی
سترګې که ژاړي خو دا نم ښکلی دی

اې ته څه عجیبه یې شبګېرې دې ښکلي
ديدن خوږ دی فراق دې لا قسم ښکلی دی

که مینې دې جنت راباندې پرېښود
آدم یم بیا به هم وایم غنم ښکلی دی

چې دې مینه خپلول غوښتل نقيبه
نو دې ولې په ښکاره ویل چې صنم ښکلی دی

د نیمې شپې سندرې خوند کړي
څوک به مین وي چا به یار بایللی وينه

💔څومره درد 😭👆

ته چې لاړې درپسې مې زړګی وران شو
راشه ناوخته شو او بیا ځلې باران شو

چې د حسن اور زما په زړه کې لمبې وکړې
مازديګر وو شاته یې وکتل روان شو

د مسلمان لپاره مخ پر لمر عبادت چېرته کېږي؟
خو دومره وایم چې بې تا مې ژوندون ګران شو

که یعقوب غوندې مې سترګې پسې ووزي
ګمان مې نشته چې یوسف بیا د کنعان شو

نقيب پوهېږمه چې مینه کې تاوان به وکړي
منصور په مینه کې په دار او هم قربان شو

مينه زموږ کار نه وو خو وشو
زړه وو هیڅ اختيار نه وو خو وشو

چې د اوربل غوټۍ دې په سپين مخ باندې خورې شولې
د ژمي منځ وو بهار نه وو خو وشو

چې مې د زړه پوستې ستا د سترګو جنګ کې فتحه شوې نه وې
ارام زړه وو ناقرار نه وو خو بس وشو

چا ویل د ژمي شپې اوږدې وي خو نه
ما څو تصویرونه یې کتلو سهار نه وو خو وشو

کافرې سترګې اړولی اوربل نقيبه های
شپه د جمعې وه انتظار نه وو خو بس وشو.

د پاک خدای په نامه چې ډېر زیات مهربان دی