Miqtë e Librit, Tirana Videos

LAMTUMIRË RAMAZAN Shkoi edhe muaji më i dashur dhe miku më i njohur ndër myslimanët - Ramazani, muaji i agjërimit, mëshirës, lutjeve; muaji i shpalljes së Kur’anit, muaji në të cilin nuk u kursye ndihma dhe favori hyjnor. Ti shkove duke zbatuar ligjin e Zotit, e për përshëndetje të fundit po na lë festën e Bajramit, por a thua i ke pranuar lutjet, faljet e namazeve, agjërimin, pendimet, të mirat dhe bisedat tona?! Megjithatë, dyert për pendim i ke lënë të hapura, duke na treguar se si thotë Allahu (xh.sh.) në Kur’an: Thuaj: “O robërit e Mi, që e keni ngarkuar veten tuaj me gjynahe, mos e humbni shpresën në mëshirën e Allahut, se në të vërtetë Allahu i fal të gjitha gjynahet. Vërtetë, Ai është Falësi i Madh dhe Mëshirëploti”. (Zumer, 53) Edhe për ne, shqiptarët, ishe i mirëseardhur, sepse na ofrove durim, bekim, mirësi e njohuri të thellë. Na bëre me dije se në Kur’an është dituria, mençuria, pasuria e pafund dhe e vërteta absolute. Ishe prej atyre që së pari i ftove ata të agjërojnë, të mbjellin virtytin e dashurisë dhe të largojnë nga zemrat e tyre ligësinë, smirën, hidhërimin, inatin, etj. Pastaj i ftove që të bëhen dinjitozë, të sinqertë, të butë, të mëshirshëm, të pastër, duke na bërë të heqim dorë nga punët e ndaluara. Na mësove të duam njëri-tjetrin për Allahun (xh.sh.) dhe na bëre të kuptojmë më thellë se ç’është vllazërimi Islam. Tashmë po dalim nga muaji i bekuar i Ramazanit me fuqi, energji dhe vullnet të akumuluar për gjatë gjithë vitit vijues. Jemi më të bindur dhe e ndjejmë veten më të përgatitur shpirtërisht e moralisht, të mobilizuar dhe të gatshëm për Ramazanin tjetër. Së fundi e lusim Allahun të na i pranojë të gjitha adhurimet që kemi bërë gjatë këtij muaji; agjërimin, lutjet, faljet e namazeve, leximin e dëgjimin e Kur’anit, sadaka-i fitrin dhe të gjitha veprat e tjera të mira

Rreth rrugëtimit 30 vjeçar i "Dritës Islame"

✅ Departamenti i Shkencave Islame në Kolegjin Universitar Bedër, pas një përvoje 10-vjeçare, për vitin akademik 2021-2022 ofron për herë të parë dy programe studimi tërësisht në gjuhën angleze 🇬🇧: ➡️ Bachelor në Shkenca Islame ➡️ Master Shkencor në Studime Religjioze, me 3 profile: 1️⃣ Dialog Ndërfetar 2️⃣ Edukim Fetar 3️⃣ Lidership Fetar Gjithashtu, në gjuhën shqipe 🇦🇱 ofrohet programi ➡️ Master Shkencor në Shkenca Islame. Kolegji Universitar Bedër - 10 vjet në emër të vlerave! Kontakt: 📲 +355 67 34 27 001 📧 [email protected] 🌐 www.beder.edu.al

Libri: “JETA E SAHABËVE” – Botim i KMSH-së “Sa u përket besimtarëve të parë, prej muhaxhirëve dhe ensarëve, Allahu është i kënaqur me ata dhe me të gjithë të tjerët që i pasuan me vendosmëri e përkushtim në besim; edhe ata janë të kënaqur me Atë. Allahu ka përgatitur për ata kopshte nëpër të cilat rrjedhin lumenj dhe ku do të jetojnë përgjithmonë. Kjo është fitorja madhështore!” (Teube, 9/100) Abdullah ibni Omeri (radijallahu anhu), teksa flet për sahabët, shprehet me këto fjalë: “Ata që duan të ndjekin një rrugë të drejtë, le të ndjekin rrugën e të parëve të tyre. E ata janë sahabët fisnikë të të Dërguarit të Allahut (sal’lallahu alejhi ue sel’lem). Ata janë më të mirët e umetit të tij. Më të thellët, për sa i përket dijes, më të pastrit nga zemra; me pak fjalë, njerëz për të cilët është i pamundur kundërshtimi i ndonjë prej cilësive të tyre. Ata janë një shoqëri aq e lartë, sa që Allahu i Madhërishëm i pa ata të denjë për Profetin e Tij më të zgjedhur, Muhamedin (paqja e Zotit qoftë mbi Të). Ishte pikërisht kjo shoqëri me të cilët Ai e mishëroi fenë e Vet. E meqë është kështu, ejani edhe ju, përftoni moral prej moralit të tyre, e ecni në të njëjtën rrugë ku ecën dhe ata, sepse ata nuk janë tjetër, veçse shoqëria më e zgjedhur e Profetit tonë të dashur (sal’lallahu alejhi ue sel’lem). Ju betohem për Zotin e Qabes, se ata patën ecur në rrugën e drejtë.” * Botimin më të fundit prej dy vëllimesh të Komunitetit Mysliman të Shqipërisë, “Jeta e Sahabëve” mund ta gjeni në librarinë “Miqtë e Librit” pranë institucionit në Tiranë. * Gjithashtu mund ta porosisni nëpërmjet myftinive në qytetet ku jetoni.

Botimet KMSH