Xikmad News Online

Raisalwasaare Xamze Abdi Barre oo shaaca ka qaaday in lacago laga jarayo Wasiirada iyo shaqaalaha dowladda.

Ra'salwasaaraha Xukuumada fedraalka Somali Xamze Ali Barre ayaa wareegto uu soo saaray ku faray wasiirka Maaliyada in 20% laga jaro Mushaarka ay qaataan wasiiradda Xukuumadda iyadoo sidoo kale Shaqaalaha joogtada iyo kuwa aan joogtada aheyn ee qaato gunooyinka laga jari doono 5% lacagaha ay qaataan.

Mushaar jarida ayaa lagu sheegay in lagu xoojinayo howlgalada iyo dagaalada lagula jiro Alshabaab si dalka looga xoreeyo.

Mushaar jarida ayaa socon doonto muddo 3 bilood ah iyadoo la furi doono Akoon lacagahaas lagu shubo.

Shirka golaha wadatashiga Qaran oo maanta ka furmay Muqdisho.

Shirkan oo uu shir gudoominayo madaxwaynaha dowladda fedraalka Somali Xasan Sh. Maxamud ayaa waxaa ka qeybgalaya madaxda dowlad goboleedyada iyadoo qodobadda diirada lagu saarayo ay ka mid yihiin dardargalinta dagaalada lagula jiro Alshabaab.

Sidoo kale waxaa ka mid ah qodobadda shirka horyaal heshiiskii Shidaal ee dhawaan dowladda Fedraalka Somalia saxiixday iyadoo madaxda dowlad goboleedyada ay ka soo horjeesteen heshiiskaas.

Dhinaca kale Heshiiska Saxiixa Shidaalka ayaa dowladdii h**e ee Farmaajo waxa ay ku tilmaantay mid sharci daro ah iyadoo iska laashay.

Shirkan maanta ka furmay Muqdisho ee golaha wadatashiga Qaran waxaa sidoo kale goob joog ka ah Raisalwasaare Xamze Cali Barre iyo Giuddoomiyaha gobolka Banaadir Madaale.