MANORHARY

#တြိဂံတော်ရာသီဥတု

နာကျင်ဆို့နင့်မှုတွေကို တို့ထိ တီးခတ်မိတဲ့အခါ
တြိဂံရောင်တွေ တဖွဲဖွဲ ရွာကျလာတယ်
ကျိန်စာဟာ အချွန်အတက်တွေခြံရံလို့ ခရီးဆိုက်လာခဲ့ပေါ့

စစ်မှန်သော ချစ်ခြင်းမေတ္တာမှာ အသံမပါဘူး (တိတ်ဆိတ်ငြိမ်သက်)
ဆူညံသံတွေကြားလိုက်တိုင်း ဗုံတိုပတ်မတွေသာတွေ့နေရပါလျက်
လက်ခုပ်သံတွေကလည်း ရိုးရာမပျက်

သွေးပျက်ဖွယ်ရာ ကိုယ်ရည်သွေးမှုတွေကိုတွေ့လိုက်တိုင်း
ဒရောသောပါး နားခဲ့တဲ့ ဗျိုင်းတွေက တရားခံ
အမှန်တရားဟာ လောကပါလတရားလိုပဲ စောင့်ဆိုင်းရလွန်းတယ်

ဘယ်ဆီဘယ်ဝယ်ပတ်ပျိုးကို ပြန်ပြန်ကျော့လိုက်ကြတိုင်း ..
သမိုင်းဟာ စိတ်ဒါဏ်ရာတချို့နဲ့. သွေးညှီနံ့တွေစို့လို့
ကိုယ့်တရားကိုယ် အရောင်ပြန် ပြန်ချွတ်နေရတယ်. ..

တြိဂံအဆိပ်တွေကတော့ တရိပ်ရိပ်တက်လာခဲ့ပြီ ..
ကံကြမ္မာကလည်း ထောင့်ကျဉ်းဆန်သည်ထက် ဆန်လာ …
ငါ.. တိတ်ဆိတ်စွာ... ငုံ့ကိုင်း .. စောင့်ဆိုင်း.. နေမိ .. ..
တြိဂံတစ်ခုရဲ့ တည်တံ့ ခိုင်မာမှုမျိုး နဲ့.

#မနော်ဟရီ
#၂၀၂၁နိုဝင်ဘာ_၂၀၂၂ဇန်နဝါရီ

#အရင်ဘဝ

ပြတင်းပေါက်တွေကိုပိတ်မထားခဲ့မိပါပဲ..
ဘာဆိုဘာမှ မမြင်ရတော့တာကြာပြီ..
ဖြာကျနေတဲ့နေရောင်ကအစ
စိမ်းလန်းအိပ်မက်တွေအဆုံး ..
စိတ်နဲ့မှ မခေါ်လိုက်မိရင်
အစဉ်တစိုက် မှောင်မိုက်နေခဲ့သလိုမျိုး ..

ကြယ်နံ့မူးမူးအရပ်တွေကိုမျှော်ကြည့်မိတဲ့အခါ
နံရံပေါ်က ရက်စွဲအသေတွေက
တဖျောက်ဖျောက်ကွာကျလာတယ်...
ကြယ်တွေမှအဆိပ်တက်တတ်တာမဟုတ်ပါဘူးလေ
ကိန်းဂဏန်းအသေတွေကလည်း
အချွန်အတက်တွေနဲ့ ... သွေးပျက်ချင်စရာပါ

လွမ်းမိနေတုန်းပါပဲ...
စိတ်ကိုတဆုံးထိပစ်တင်လိုက်တိုင်း
ကိုယ်ပါ လွင့်မျောလိုက်ပါသွားနိုင်တဲ့ သက္ကရာဇ်တွေ
သက်တံကိုထုပ်ပိုးသိမ်းဆည်းလာနိုင်ပြီး
ရေတံခွန်လို အရှိန်ပြင်းခဲ့ဖူးတဲ့နေ့ရက်တွေ

တကယ်ပါ..
ငါ .. မကြာခဏချောင်းကြည့်မိချင်နေတဲ့
အဲ့ဒီပန်းရုပ်စုံမှန်ပြောင်းလေးထဲက
အယူတိမ်းမှုလေးဟာ
ဘဝရဲ့ တစ်ခုတည်းသော မှိန်းချက်လေးသာပါပဲ
အမြဲတမ်းစိမ်းလန်းနေစေချင်ခဲ့တာ

ရာဇဝင်တွေပြောင်းပြန်လန်သွားရလို့...
ရင်ဘတ်တွေကဟောင်းလောင်း . . .
အကြောင်းနဲ့ အရင်းနဲ့ ပေါက်ကွဲခဲ့ရမှုမှာ
ငါတို့ဟာ တစစီ တနေရာစီ လွင့်စဉ်
မီးရထားတွေမြင်လိုက်တိုင်းမှာ
ငါက... အငွေ့တလူလူနဲ့
ဆောက်တည်ရာမဲ့ ..

တကယ်ပဲ ဘဝပြောင်းသွားခဲ့ရတာလား..
အရာရာဝေခွဲမရတဲ့ တစ္ဆေတစ်ကောင်လို..... ..
မျက်ရည်စက်တွေပေါ်တွဲခိုနေမိ..
သတိလက်လွတ်ပန်းတွေက တရစပ်ပွင့်တယ်
မချိတင်ကဲမိုးတွေက မနားတမ်းရွာတယ်..
အသိတရားကတော့ ခပ်ငွေ့ငွေ့ပဲကျန်တော့ရဲ့
အရှိတရားအတိုင်း တွားသွားတက်လာတတ်တဲ့
ဥသြသံတွေကိုကြားရတဲ့အခါတိုင်း ..
ငါက ..
အပြန်လက်မှတ်ဝယ်မထားမိတဲ့သူတယောက်လို
စတုတ္ထမြောက်ဘူတာရုံလေးမှာ
တိတ်တိတ်ကလေး .. ငိုလို့ ..

#မနော်ဟရီ
#၂၃/၈/၂၃
#မနော်ဟရီလက်ရေး

ဒီလိုပဲပေါ့ကွာ
လောကရဲ့ဆားတွေ အငွေ့ပျံပျောက်ဆုံးသွားရတဲ့
မောဟရာသီတစ်ခုထဲပိတ်မိနေချိန်ပေါ့...

ရာသီတစ်ခုဟာ ဘယ်လောက်ထိကြာတတ်လဲ ?
ကမ္ဘာလိပ်ကြီးတွေမီလိုက်နိုင်တဲ့ ရာသီဥတုအမျိုးမျိုး
ဝင်ကစွပ်လေးတွေ ဘယ်လိုမှ မသိနိုင်သလိုမျိုး....

ကမ်းစပ်ကကြယ်တွေကိုလိုက်ကောက်ကြတဲ့အခါ
ကောင်းကင်တော်ရဲ့ရာသီဥတုဟာဘာအရောင်လဲ
အမှောင်တွေကိုနင်းလိုက်မိတိုင်း မုန်တိုင်းဟာ အနံ့တသင်းသင်းနဲ့

ဒီလိုပဲပေါ့ကွာ
အချိုမသိသူအတွက်
အခါးကိုပဲ အရသာခံလိုက်ရတာပါပဲ

#မနော်ဟရီ