St.Kurilose Prayer Fellowship - Bahrain

മലബാർ സ്വതന്ത്ര സുറിയാനി സഭ സൺഡേ സ്കൂൾ സമാജത്തിന്റെ ഭാരവാഹികൾക്ക് അഭിനന്ദനങ്ങൾ...

ശരിക്കും എന്തൊരു സൗന്ദര്യമാണ് ഈ കാഴ്ചക്ക്...

“ MGOCSM കലാമേളയുടെ ഉത്‌ഘാടന സമ്മേളനമാണ് വേദി. നന്ദി പറയുവാനുള്ള നിയോഗം MGOCSM യൂണിറ്റ് സെക്രട്ടറി പ്രിയപ്പെട്ട ആരോൺ മാത്യു ബെന്നിക്കാണ്. ഒരുപക്ഷെ ഇത്ര വലിയ വേദിയെ അഭിസംബോധന ചെയ്യുമ്പോൾ ഏതൊരാൾക്കും ഉണ്ടാകുന്ന പരിഭ്രമം ആരോണിനും ഉണ്ടായതുകൊണ്ടാവാം ചെറിയ തോതിൽ വിറയലും, ശബ്ദവിന്യാസത്തിലെ വ്യത്യാസവും പ്രസംഗത്തിൽ പ്രകടമായി. ഇത് കണ്ടുകൊണ്ടിരുന്ന യോഗത്തിന്റെ ഉദ്ഘാടകൻ അഭിവന്ദ്യ ഗീവർഗീസ് മാർ യൂലിയോസ്‌ തിരുമേനി സാവധാനം ഇരിപ്പിടത്തിൽ നിന്ന് എഴുന്നേറ്റു.. ആരോണിന്റെ അടുക്കൽ ചെന്ന് മൈക്ക് വാങ്ങി.. "മോനെ.. നീ പറഞ്ഞോ ഞാൻ മൈക്ക് പിടിച്ചോളം" പിന്നീട് നന്ദി അർപ്പണത്തിന്റെ സമയം അത്രയും അഭിവന്ദ്യ തിരുമേനി മൈക്രോഫോൺ പിടിച്ചു കൂടെ നിന്നു. ആരോൺ തന്റെ നിയോഗം ഭംഗിയായി പൂർത്തിയാക്കി സദസ്സിന്റെ നിറഞ്ഞ കയ്യടിയോടു കൂടി ഇരിപ്പിടത്തിലേക്ക് മടങ്ങി. അവിടെ ഉണ്ടായിരുന്ന ഞങ്ങൾ എല്ലാവരും ഈ കാഴ്ചയുടെ.. അല്ല... ആ ഉൾകാഴ്ചയുടെ സൗന്ദര്യം ആസ്വദിക്കുകയായിരുന്നു.

ശരിക്കും... പരിശുദ്ധ സഭ ഇങ്ങനെ ചേർത്ത്പിടിക്കുമ്പോൾ നാം എങ്ങനെയാണ് വീണുപോകുക..?

ഉറപ്പാണ്... തലയുയർത്തി നാം നമ്മുടെ നിയോഗങ്ങളിലേക്ക് പ്രയാണം ചെയ്യുക തന്നെ ചെയ്യും.”
✍🏾: റവ ഫാ വിവേക് വർഗ്ഗീസ്

മലബാർ സ്വതന്ത്ര സുറിയാനി സഭാ സൺഡേ സ്കൂൾ സമാജത്തിന്റെ പുതിയ ജനറൽ സെക്രട്ടറിയായി ഫാ. അഫ്രേം അന്തിക്കാട് തെരഞ്ഞെടുക്കപ്പെട്ടു. സഭാ പരമാധ്യക്ഷനും സൺഡേ സ്കൂൾ സമാജം പ്രസിഡന്റുമായ അഭിവന്ദ്യ സിറിൾ മാർ ബസ്സേലിയോസ് മെത്രാപ്പോലീത്തായുടെ അധ്യക്ഷതയിൽ ഞായറാഴ്ച ചേർന്ന സഭാ സൺഡേ സ്കൂൾ സമാജത്തിന്റെ പൊതുയോഗത്തിലാണ് പുതിയ സെക്രട്ടറിയെ തെരഞ്ഞെടുത്തത്. സമാജത്തിന്റെ ജോയിന്റ് സെക്രട്ടറിയായി ശ്രീ. ബാബു മാസ്റ്റർ, സമാജം ട്രഷററായി ശ്രീ. ബിജോയ് മാത്യു എന്നിവരെയും പൊതുയോഗത്തിൽ തെരഞ്ഞെടുത്തു. സഭാ വൈദീക ട്രസ്റ്റിയായ ഫാ. തോമസ് കുരിയനാണ് നിലവിൽ സമാജം വൈസ് പ്രസിഡന്റായി സേവനമനുഷ്ഠിച്ചു വരുന്നത്.

മലബാർ സ്വതന്ത്ര സുറിയാനി സഭയുടെ കീഴിലുള്ള Bahrain സെന്റ് കുറിലോസ് പ്രയർ ഫെല്ലോഷിപ്പിന്റെ , ആഭിമുഖ്യത്തിൽ വിശുദ്ധ കുർബാന സെന്റ് ക്രിസ്റ്റഫർ ദൈവാലയത്തിൽ നടത്തപ്പെട്ടു. വിശുദ്ധ കുർബാനയ്ക്ക് സഭയുടെ സൺഡേ സ്കൂൾ സമാജം ജനറൽ സെക്രട്ടറിയും, ചാലിശ്ശേരി സെന്റ് ഓഗ്യൻസ് പള്ളി വികാരിയും ആയിരിക്കുന്ന ഫാദർ ഗീവർഗീസ് ചെമ്മണ്ണൂർ അച്ഛൻ കാർമികത്വം വഹിച്ചു. വിശുദ്ധ കുർബാനയിൽ പരിശുദ്ധ യാക്കോബായ സുറിയാനി സഭയുടെ ബഹറിൻ സെന്റ് പീറ്റേഴ്സ് ഇടവക വികാരി ഫാദർ ജോൺസ് ജോൺസൺ സംബന്ധിച്ചു.
വിശുദ്ധ കുർബാനയിൽ നിരവധി വിശ്വാസികൾ സംബന്ധിച്ചു. കുർബാനന്തരം സ്നേഹവിരുന്ന് ഉണ്ടായിരുന്നു.
കുർബാനയിൽ സംബന്ധിച്ച കുട്ടികൾക്ക് ബൈബിൾ ചിത്രങ്ങൾ അടങ്ങിയ പുസ്തകം സമ്മാനിച്ചു.

മലങ്കര മാർത്തോമ്മാ സുറിയാനി സഭയുടെ വിശുദ്ധ എപ്പിസ്കോപ്പൽ സ്ഥാനാഭിഷേകത്തിനായി തിരുവല്ല എസ്സ്.സി. സെമിനാരി മൈതാനത്ത് തയ്യാറാക്കിയിരിക്കുന്ന താൽക്കാലിക മദ്ബഹായുടെ കൂദാശയ്ക്ക്, മലബാർ സ്വതന്ത്ര സുറിയാനി (തൊഴിയൂർ) സഭയുടെ പരമാധ്യക്ഷൻ അഭി. സിറിൾ മാർ ബസേലിയോസ് മെത്രാപ്പോലീത്താ നാളെ വൈകിട്ട് 6:30ന് മുഖ്യകാർമ്മികത്വം വഹിക്കും.

മാർത്തോമ്മാ സഭയുടെ എപ്പിസ്കോപ്പൽ സ്ഥാനാഭിഷേകത്തിനായുള്ള താൽക്കാലിക മദ്ബഹായുടെ കൂദാശ പരമ്പരാഗതമായി തൊഴിയൂർ മെത്രാപ്പോലീത്തായാണ് നിർവ്വഹിക്കുന്നത്.

Happy Birthday Beloved Thirumeni H.G.Cyril Mor Basselious

https://www.youtube.com/live/FnhkhdpShzQ?feature=share

https://youtube.com/-kin

Please subscribe our page

St'Kurilose Prayer Fellowship Kingdom Of Bahrain - YouTube Share your videos with friends, family and the world