我愛歐．瑞．強 Swisshongkongfamily

Ha! 朱古力大戰 🇨🇭✌️

Lindt wins battle of the chocolate bunnies Lindt & Sprüngli’s foil-wrapped chocolate bunnies deserve protection from copycat products, Switzerland’s highest court has ruled.

O no! A sad day for Switzerland as my Swiss hubby described 😭🎾

See Federer's speech in below link if you can't be bothered to read

https://fb.watch/fz22_KyOXj/

I'm enjoying the summer so much and too lazy to write anything lately, but this is useful infor 😊

《Art Basel - Nacht des Glaubens 2022》

好開心响巴塞爾見到呢張poster貼到周圍都係，呢個係今年Art Basel 嘅其中一個項目，好難得有咁多個歐洲國家一齊搞呢個Art & Faith嘅活動。講明係Art Basel 嘅項目，就一定唔會悶蛋啦！除咗有不同express arts 活動外，仲有rock concert 丶歌舞表演丶晚上仲有slient disco 。Silent disco係乜嚟？其實我都未玩過 😆 主辦單位會每人派一個headset，等你隨着音樂跳舞，你high 時又唔會擾民，個concept幾得意，我諗外人望落去會幾搞笑! 今晚我會在場co facilitate其中一個叫 “Paint your prayers “ community art項目 ，响附近住嘅朋友，隨時drop by 同我say hi & 一齊玩！大會預計今晚會有10000 visitors ，好興奮 🤩🤩🤩 FYI，我哋位置係响Tinguely fountain ⛲️ 後面

想知仲有乜玩👇🏻
https://www.nachtdesglaubens.ch/
#巴塞爾 #巴塞爾藝術展

In case anyone need it?☺️

Camps for Kids in the School Breaks - Basel Life If you would like to keep your kids busy during the Fasnacht school break, various organizations offer day camps for all age groups.

瑞士果然係訓練網球好手嘅勝地，細過家人投資响我身上嘅金錢，同埋以往日以繼夜嘅網球練習，都唔夠我呢兩日响巴塞爾嘅intensive training咁犀利。呢邊嘅烏蠅多到阿媽都唔認得，呢兩日我拎住烏蠅拍當網球拍反手打死咗差不多30隻烏蠅，終於領悟到快丶狠丶準嘅道理😂 黐線㗎，以前响香港加英國同美國三個地方住，夾埋都冇試過一年內打死咁多隻烏蠅。唔怪之瑞士國寶Federer媽媽話佢從來冇响Federer細個時”谷”佢學網球，而係由得佢多方面嘗試，家下我明白啦🤪

P.S. 啱啱諗住搵Federer張相無聊吓，點知發覺佢2013年時真係幫Nike拍咗個以拍烏蠅為主題嘅廣告🤣 Photo credit SportBuzzBusiness.fr

#瑞士生活 #巴塞爾 #移民生活 #不能哭只能笑

I love this place! Go check it out when you hv time! Tix now on discount 😊

Ticket-Promotion until 4 June

呢間嘢D waffles 好得，價錢仲好Ok (勁大份同consider 係瑞士價😜） ，突然有啲返咗美國嘅感覺 🤣😋

P.S. 冇嘢要慶祝，只不過佢好有❤️，將隻碟畫到靚靚，抵讚！
#瑞士生活 #巴塞爾 #巴塞爾有乜食

GAME ON Kiddos!! and that’s probably why my phone is not working now, lol 😂

#瑞士生活 #移民生活 #親子活動 #混血寶寶

走咗去Zürich食韓燒😝 Finally found a good place for Korean BBQ. Great beef, small portions though 😝 Thanks Vivian for taking me there 😘

#瑞士生活 #蘇黎世有乜好食

比個仔呃咗，以為佢對恐龍好有興趣，所以帶咗佢去恐龍公園玩。點知去到佢淨係掛住响沙池掘恐龍蛋，我同老公O晒嘴，呢啲平時屋企都有得玩啦！重點係沙池入邊根本就冇恐龍蛋，只係得恐龍骨，但佢點都唔信我哋喎😂 一場嚟到，都想佢望吓不同恐龍嘅品種，所以氹佢同老竇一齊做完成問答遊戲後有獎品！不過唔知係唔係因為售票處個display有隻小恐龍同恐龍蛋，所以誤導咗佢，當佢知道獎品係一張海報後，簡直晴天霹靂，忍唔住發脾氣！不過啲細路真係好難捉摸，當我哋諗住佢係覺得唔好玩時，點知第日佢又lur我再去，仲要將張海報周圍show俾人睇，連新識嘅Auntie都唔放過，真係反眼🙄🙄

如果有興趣，呢個係公園嘅網址：https://www.dinoworld.ch/
不過我覺得比較適合年紀大啲，或好鍾意恐龍嘅小朋友去多D，因為個公園冇乜其他嘢玩或睇，小食部嘅零嘢食同其他主題公園一樣，又貴又唔好食。入場費大人CHF 12，三歲以上小童 CHF 8。
#瑞士生活 #移民生活 #恐龍 #親子活動 #混血寶寶

《森林Campfire bbq 🔥》

港童又長知識啦！唔係講緊我個仔，係講緊我自己 😂

幾個禮拜前第一次跟老公同個仔去Campfire燒烤，因為知道到達終點就有嘢食，所以係我有史以來去森林遠足行得最快的一次😁 我哋除咗食物之外，乜嘢都冇帶，因為瑞士D森林有燒烤爐及已砍好嘅柴供應，至於枝燒烤“叉”係老公用新鮮樹枝刨出嚟嘅！咁樣都唔係最堅，最堅係我見到隔離五歲個細路已好熟手哋揸住把瑞士軍刀響度刨樹枝，搞到我勁唔好意思，自己一D求生技能都冇😳

成件事比我想像中好玩同好feel，長知識之餘，又識到新朋友，冇錯，相中嗰家人本身我哋係唔識嘅，阿仔仲要攞人啲薯片食，哈哈，不過我都請番佢食棉花糖😊 話時話，原來用柴燒嘅棉花糖仲好食過用炭燒！下次我要燒雞翼 (🎶燒雞翼我鍾意食🎶😆)
#瑞士生活 #移民生活 #親子活動 #森林遠足

This might cheer someone up today 😆 Come visit us in Switzerland soon, Federer's fans 😉🎾

#瑞士

Schöni Oschtere🥳🥳🥳 Hope everyone had a wonderful Easter celebration! 一年一度嘅 Easter egg hunt 又嚟料，之前一個禮拜要求阿仔要特別乖，因為要儲到三粒星星先可以有得去Easter egg hunt😜 佢都嘗試好努力合作㗎啦，因為佢知道獎品係㗎識噴水嘅大消防車😁 不過小朋友concentration span比較短，去到見到啲朱古力兔同朱古力蛋，就唔記得咗其實我哋應承咗佢有份禮物，中段時搵到嫲嫲送嘅車仔，已經想停下來， 要我同老公猛咁大大聲俾點士，先激發到佢鬥志繼續玩落去😆 另外我哋又要同個太陽競賽，因為估唔到阿仔係逐粒逐粒蛋咁放落個籃喥，所以玩到一半D朱古力兔已經開始溶😂 下次我會醒目㗎啦，其實唔使放咁多朱古力，因為阿仔見到架車仔（只係細嗰㗎 ），已經眼睛發亮，唔想再搵其他嘢。不過好彩份大禮物收得密，佢最後先搵到，如果唔係佢淨係掛住玩新玩具唔搵啲蛋，就嘥晒我啲心機啦！
其實我而家好後悔買咗咁多嘢朱古力，睇嚟下半年任何朋友聚會、生日會等我都係整朱古力cupcakes丶蛋糕及甜品🧁🍰🎂🍩 😜

#瑞士 #瑞士生活 #親子活動

復活節係瑞士嘅大節，雖然而家好多本地人都已經冇信教，但係節日傳統及氣氛仍在。復活節當然又點少得朱古力呢(瑞士喎！)，其實我哋已經買咗好多復活兔及復活蛋比阿仔Easter egg hunt，點知今日出街一轉，未入舖頭已有朱古力派，去超市買兩支水，收銀姨姨又送隻朱古力鴨仔俾阿仔，去餐廳食飯又送Mövenpick雪糕俾佢食，去買盒餅比奶奶，老闆又送多幾塊😍 我同老公講笑，其實下年我哋唔使預備任何朱古力，今日只係去咗兩間商店，就已經咁多嘢送，出年叫阿仔好似Halloween咁trick or treat，淨係行多幾間商店就連Easter egg hunt 都可以慳返啦🤪

#瑞士 #瑞士生活 #歐洲傳統節日

一日之差...
真係好痴線呀啊！

雖然停咗雪，但係都仲係凍到阿媽都唔認得😂🌬🌫🌧❄

#瑞士 #瑞士生活

Goodbye 2 weeks of sunshine (in which I was in self isolation for 1 week), now bloody raining and snowing again. Thanks for reminding me that "it feels like -3C"! 🤬🤬

#瑞士生活

Charming little medieval town Murten 🥰

#瑞士 #瑞士生活 #瑞士旅行 #親子活動

《Glacier Garden Luzern /盧塞恩冰川花園》

趁住呢排有陽光，冇咁凍，我哋一家去咗Glacier Garten 睇億年冰川浮雕🥰 冰川花園包含可追溯到 20,000 年前嘅最後一個冰河時代嘅kettle basin，以及 2000 萬年前來自亞熱帶海洋地區嘅化石貝殼和棕櫚葉，通過“地質”設計的入口門戶，就可潛入館內新建嘅地下地質大廳，進入一個石化的海濱，其最古老的組成部分已有 10 億年歷史。岩石畫廊盡頭嘅樓梯同電梯通向 Sommerau，可以欣賞到阿爾卑斯山嘅景色，成個設計都整得好有feel，好值得去睇。另外佢仲有個鏡子迷宮，我個仔第一次入去嘅時候就即刻撼頭埋鏡，陰公豬，不過第二次玩嘅時候已經知"訂"啦！

想提一提，雖然館內設計好靚，但我覺得安全就麻麻，樓梯扶手啲窿窿好大個，所以有細啲嘅小朋友記住要昅住過佢哋，如果唔係有機會跌咗落去🙀

Website: https://gletschergarten.ch/

#瑞士 #瑞士生活 #冰川 #盧塞恩 #親子 #親子活動

《冇sponsor嘅分享, Yum😋》

到而家我都仲未食慣啲瑞士嘅口味，亦嫌佢啲零食唔夠多元化，除咗間唔中靠啲老友同老表救濟我之外，有時想買英美食品又嫌呢邊價錢太貴。有美國朋友介紹咗呢個website: https://afoodave.ch/，雖然大部份都係美國嘅食品，但係都有少部分英國食品賣，例如我兒時鍾意食嘅朱古力威化餅、軟糖丶復活蛋、同埋食羊扒唔少得嘅mint jelly都有😊 焗蛋糕嘅材料亦都好齊全，Golden syrup 丶Black treacle 丶toffee bits 丶soft dark and light brown sugar 都有 （好似瑞士人焗蛋糕係唔興用self raising flour，呢個網站都有）所以忍唔住影張相俾大家睇吓，價錢响瑞士來講算係好公道，同埋送貨又快，星期三定落order，今日星期五已送到，買滿CHF150 免費送貨 📦

#瑞士生活 #民以食為天

《Basel Fasnacht 巴塞爾嘉年華🥳》

Fasnacht （嘉年華）係瑞士嘅大慶典，其中以位於巴塞爾嘅嘉年華最大及最有特色，差不多646年歷史，並被列入UNESCO 聯合國教科文組織非物質文化遺產名錄。嘉年華起源有不同說法，當中最普遍嘅就係以前啲農夫會帶起恐怖嘅面具嚟嚇走寒冷冬天，迎接春天嘅來臨 。嘉年華為期三日，小朋友唔使返學之餘，好多大人都有假放唔使返工😂 唔好以為呢個嘉年華只係俾人dress up丶扮吓嘢，乘機狂隊酒同賣嘢咁膚淺，其實每年响呢三日大部份舖頭都會關門，而嘉年華嚟講都算冇乜嘢食😝 不過都明嘅，因為佢個重點擺响嘉年華會內唔同嘅藝術表演及花車巡行，其中會加入社會政治話題、故事和時事以典型嘅巴塞爾方式進行交流：自豪、witty及幽默。佢哋好興play with words丶作歌同寫啲詩詞潤下你之餘，又可以提高公眾意識，所以就算啲人未必接受佢帶出嘅政治議題，但係都會覺得幾好笑而唔會因此嗌大交 。佢哋又會一啖砂糖一啖💩，派單張講出佢嘅花車嘅意念及政治話題同時，又派啲糖、花或酒送俾你，但又兜頭兜面張啲confetti 倒落你度，真係唔知好嬲定好笑🤪

尋日有㗎花車我特別鍾意，佢係諷刺啲市民自私唔做好防疫措施，但政府又請唔夠醫護人員令到佢哋由護士變成奴隸咁，造型好盞鬼！可惜因為疫情，所以今年冇平時咁壯觀咁列隊式花車巡行，不過始終停辦左兩年，大家都好期待，所以氣氛好好，大家玩得好開心🤩🤩🤩

#瑞士 #瑞士生活 #巴塞爾 #巴塞爾有乜玩 #嘉年華

Let the carnival begin 🥳🥳🥳

瑞士人一向好重視嘅Fasnacht （嘉年華）由於疫情關係停辦咗兩年，今年終於都返嚟啦! Post住兩張相先，聽日繼續😊

#瑞士生活

以前我唔明啲樹葉點飛入四面都有玻璃圍住嘅火車站候車室，而家我明啦! 🤣
(好想 # 無聊的細路同埋唔係我個仔🤦🏻‍♀️)

#瑞士生活
#混血寳寶

終於連瑞士都出手，令本來沉重嘅心情好番好多🙏🏼
等我處理完手頭上比較棘手嘅case後，會努力post番啲嘢㗎喇😊 大家保重，加油💪🏼❤️



https://www.admin.ch/gov/en/start/documentation/media-releases.msg-id-87386.html?fbclid=IwAR12cQ4qHctCNr8sfp_at24W_vXOMTDfckAweFYSV_fAyLV8LnABRYa1UzA

Switzerland adopts EU sanctions against Russia Current information from the Federal Administration. All press releases from the Federal Administration, the departments and offices.

👇 Exactly how I felt when I first heard that we don't have to wear a mask anymore in most places in Switzerland 🤣 Too early to tell whether it's a good thing or not, but it's just nice to be able to see faces again. Take care everyone ❤💪

當情人節D情侶好sexy咁品嚐chocolate covered strawberries 🍓時，我哋屋企食蕉 🤣

祝大家遲來的情人節快樂❣

恭喜發財！祝大家虎年進步、身體健康、出入平安、心想事成、不勞而獲！🥳🧧❤🎊

瑞士呢邊都係冇乜過年嘅氣氛㗎啦，都係出吓街同D朋友飲飲食食😝 本身諗住自high幫個仔cosplay扮黃百萬開心吓， 可惜香港訂嘅新年衫同裝飾都未收到，唯有屋企有乜就用乜！茶几上個獅頭其實係隻狗嘅舞獅衫，不過佢勁憎，咁多年佢都冇盡過責為我哋表演舞獅，所以決定拆個獅頭用嚟做住裝飾先啦😜

呢幾日終於慢慢咁收到老友寄來嘅包裹，其中仲收到氣質美女@karen lok自己寫嘅揮春，忍唔住要post下，順便分享埋呢幾日阿仔拜年時影嘅相，enjoy ❤

#瑞士生活 #移民生活 #農曆新年 #混血寳寶

哇哈哈，好掛住香港啲小食，比個friend 響WhatsApp引誘完後，忍唔住上YouTube學整砵仔糕，不過原來屋企啲碗唔夠深，整咗出嚟一拮竹簽就會裂開，所以最後用espresso 杯頂住先 😂

#瑞士生活 #移民生活

有冇人估到呢排我哋鍾意食D咩東南亞零食呢？lol 🤣 冇計啦，呢度啲零食唔好食，試咗好嘅就要入貨㗎啦。呢隻泰式蛋捲味道似細個食嘅嘉頓牛油蛋捲咁，好正！

响Basel火車站附近間阿超買 (CHF 1.90/pack)，應該仲有好多貨，如果買唔到, 而我哋又未食晒嘅話，同你分享又點話，隨時call我😉😋

#瑞士生活 #巴塞爾有乜好嘢食 #移民生活

唉～睇少一眼就作反，唔係講緊個仔，係講緊個大嘅！🤦🏻‍♀️😩

P.S. 其他家長或小朋友千祈唔好學，雖然架車係完全處響唔郁嘅狀態之下，但係咁樣做都唔啱，我老公已經俾休班工作人員人話咗😤

Frozen ❄❄❄ - 講完 😂

#瑞士生活 #巴塞爾親子好去處

救命呀! 🤣

#瑞士生活
#親子 #親子活動

《久違了的港式奶茶☕️》

死covid搞到我返唔到香港，除咗啲friend同屋企人外，最掛住就係香港嘅地道美食😭 好彩有朋友搬來瑞士之前跟師傅學識整港式奶茶請我飲，今次係我兩年來第一次飲到真正奶茶，簡直開心到想喊！另外仲有餐蛋麵 （呢邊唔似英國美國咁周街都有午餐肉賣，食得到牛肉午餐肉都好開心）丶新鮮出爐蛋撻，同埋手制藍棗糖，真係好滾動啊！多謝🌹 & 🟦！😉🤗😘

P.S. 人都係犯賤㗎啦，以前我响美國住嘅時候，“懶”健康，係從來都唔食午餐肉嘅，每次見到啲一罐罐嘅午餐肉仲藐嘴添，而家搬咗嚟瑞士就知死啦... 😭😭😭

#瑞士生活 #移民生活

《Three Kings 🤴🏻 Day 》

1月6號係🇨🇭 嘅Three Kings Day，咦，點解阿仔咁"幸運"年年都抽中麵包內嘅公仔，可以做國王一日嘅？😉😜
由於上年已經講過個典故，今年懶得寫囉（冇錯，呢個所謂blogger真係好鬼懶😂）有興趣嘅，就睇呢條link https://www.swissinfo.ch/eng/a-taste-of-tradition-at-epiphany/1824350

P.S. 睇嚟未來呢兩日又係我自己一個隊晒啲包，唉～真係唔肥都難… 😩

#瑞士 #瑞士生活 #歐洲傳統節日 #親子 #親子活動

好有抱負的一個畫面，其實阿仔只不過想追電燈柱上隻雀仔🕊😆
What are your dreams and/or resolutions for 2022? 🥰

《又係時候開壇作法😝》

以前好鍾意食raclette，不過嚟咗瑞士後怕咗，所以一年一度或一年兩度先開壇作法一次😆 多謝西蒙family响法蘭西買俾我哋嘅凍蟹丶鵝肝及法包等我哋有得加餸，同埋葉家送嘅有機茶包@noustea ，因為瑞士人食raclette係要有茶送㗎，Himalayan Repose嘅茶味同芝士出奇哋夾！其實呢邊未到新年，不過有小朋友就要預早食先，同埋可以趁太陽未落山去行吓消化下啲咁heavy食物！祝大家新嘅一年健康丶平安及快樂，同埋疫情快啲走啦！

#瑞士 #瑞士生活

Eat Bake Love - that concludes our Christmas (Only showing some of the food we had, as the rest are already in our tummies 😝) Belated Merry Christmas everyone, hope yours is filled with love, joy and blessings 👼🌟❤

#瑞士生活 #移民生活 #歐洲傳統節日

又到聖誕，又到聖誕 👼🌟🎄

好開心老友帶我哋去間靚靚嘅老字號咖啡室朝聖順便嘆番個下午茶，其實佢入邊嘅裝修都好靚，不過我哋見條龍咁長就懶得等啦，凍凍地響出邊嘆番杯出名嘅熱朱古力同食返件餅都幾有feel，有興趣嘅就去幫襯下啦https://www.cafe1842.ch/

#瑞士 #瑞士生活 #蘇黎世有乜好食