FESTIVAL DI TUMBA

Posibilidat pa lès di Músika pa Prinsipiantenan

WILLEMSTAD – Manera ta konosí, for di luna di mei 2024, AMAK pa medio di e proyekto Optimalisashon pa Nivel Musikal, ta dunando lès na músikonan ku tin un tiki eksperiensia i ku lo risibi lèsnan mas avanasá pa nan oumentá nan konosementu musikal.

Aktualmente tin masha hopi petishon pa algun músiko ku tin menos konosementu musikal, ku kier haña formashon musikal. Pa e motibu ei, AMAK lo krea e oportunidat na un grupo limitá di músikonan, ku por ser konsiderá komo prinsipiante, pa risibí formashon musikal durante di e periodo di sèptèmber pa desèmber próksimo.

Por yama o manda whatsapp na e number 563-6368 i duna bo informashonnan pèrsonal, pa despues direktiva di AMAK aprobá bo atmishon.

Pues kòrda ku ta un kantidat limitá lo por bini na remarke i nos ta sugerí pa tuma kontakto o yama pa mas tardá djaluna dia 19 di ougùstus 2024, via di e number 563-6368.

Atentamente

Direktiva di AMAK

Mirando e interes grandi ku tin AMAK a habri e posibilidat pa:

OPORTUIDAT PA SIGUI KURSONAN DI PIANO, GUITARA I RITMO

WILLEMSTAD -- Mirando e interés haltu den e proyekto di Optimalisashon di Nivel Musikal, AMAK a krea e oportunidat pa esnan ku ta interesá i no por a start mesora na luna di mei pa inskribí pa tres disiplina. Ta trata aki e disiplina di Piano, Guitara i Sekshon di Ritmo.

Manera ta konosí, luna pasa AMAK a duna inisio na un proyekto piloto ku ta duna e posibilidat na nos músikonan lokal ku ya sa toka i tin eksperensiá den músika, pa nan haña un formashon mas profeshonal.

Esnan ku ta interesá pa na e momentunan aki, djòin e proyekto aki, por aserka AMAK libremente na +599 9 563 6368 pa asina ei registro bo mes.

No tin nada mas mihó ku un músiko ku sa músika te den su profundo di teoria i práktika. Hasi músika bon ta algun grandi.

E GRAN KOMPOSITOR I MUSIKO BIBI GONET A BAI LAGA NOS

WILLEMSTAD - Direktiva di AMAK a tuma nota ku Golbert “Bibi” Gonet den oranan tempran di awe mainta a bai sosegá. Aunke nos ta konsiente ku durante último tempunan Bibi tabata tin kebrante di salud, pero nos ningun a spera ku e despedida lo a bini asina rápido.

Bibi Gonet ta un tremendo perkushonista i tambe un tremendo kompositor. Hopi di e komposishonnan eksitoso di e agrupashon musikal ERA kantá pa entre otro Boy Thode, ta kreashonnan di e gran músiko aki. Durante hopi aña Bibi Gonet a forma parti di e agrupashon musikal ERA.

Bibi Gonet a demostrá su kapasidatnan musikal tambe komo kompositor durante Festivalnan Un Kanto pa Kòrsou, pero tambe su aporte Musikal den diferente komposishonnan ku a partisipá na Festival di Tumba.

Bibi Gonet tabata un músiko ku un karakter firme ku na momentu ku esaki ta nesesario, e ta trese su opinionnan den un forma stret dilanti, ku despues ta resultá di ta opinionnan balioso pa logra un produkshon final eksitoso.

Direktiva di AMAK ta deseá su mama, demas famia i su koleganan den músika hopi forsa ku e pèrdida sensibel aki. Farándula di Kòrsou no a spera ku Bibi Gonet lo a bandoná e mundu aki na un edat hóben.

Nos ta konvensí ku Bibi Gonet lo por konta ku un lugá den Reino Selestial.

Ku su alma sosegá na pas.

Direktiva di AMAK

ATA BO OPORTUNIDAT PA STUDIA MUSIKA SI YA BO TA MUSIKO. SCAN O MANDA WHATSAPP NA +5999 5636368

OPORTUNIDAT PA FORMASHON MUSIKAL MAS AVANSA PA MUSIKONAN AKTIVO DEN GRUPONAN KULTURAL

WILLEMSTAD -- Direktiva di AMAK kontinuando ku un trayekto di mas ku 20 aña ta sigui ku su esfuersonan pa elevá nivel musikal di nos músikonan lokal. Ta konosí ku e Musikal proyekto di Formashon Musikal ku AMAK i Instituto pa Formashon a realisá durante kultismo añanan, a duna su fruta i klaramente por mira den konsiertonan grandi manera Festival di Tumba, kantadó mayó i konsiertonan internashonal, ku hóbennan ku a atkerí e konosementu musikal profeshonal aki, a duna muestra ku nan ta un bon músiko.
Durante e último Festival di Kantadó Mayo p.e. tabata notabel ku tin un kantidat di hóben ku talento ta partisipando na e evento aki. Ta bèrdat tambe ku p.e. durante Festival di Tumba tin un skarsedat di agrupashonnan musikal i komo tal hopi hóben kantante i kompositor ta ser privá di un partisipashon.
Relashoná ku e situashon aki, AMAK a elaborá un proyekto pa durante un periodo di 7 luna duna hóbennan ku ya kaba ta aktivo den farándula, pero ku tin falta di un formashon musikal adishonal, e oportunidat pa forma parti di un proyekto pa formashon musikal na nivel mas haltu.
Direktiva di AMAK a reserva un fondo limitá pa yuda kubri gastunan di partisipantenan hóben ku ya kaba ta aktivo den farándula lokal, pa di e forma a ei por krea mas gruponan musikal, sea ku e hóbennan ta keda huntu o ku nan ta forma parti di e agrupashonnan musikal eksistente.
Direktiva di AMAK lo duna un sosten finansiero pa di e forma ei redusí e tarifa di lès mas abou posibel. E disiplinanan ku lo ser trata durante di e trayekto di formashon aki ta: Guitara, Bass, Piano, Perkushon, Trompèt i Trombon.
E intenshon ta pa e lèsnan aki kuminsá medio luna di mei i ta p’esei ta urgi tur esnan interesá pa inskribí pa mas tarda 30 di aprel, mandando un WhatsApp na +5999 563-6368 i ei lo bo risibí e link kaminda bo ta yega e formulario. E formulario ta e google form aki https://forms.gle/ajVsDVkfqBRK34Tw8
Si den kaso ku Direktiva di AMAK logra haña mas donashon for di komersio, tin hasta posibilidat pa e kursonan bira grátis.
Importante ta pa inskribí pa bo forma parti di e trayekto aki. Kòrda bon ku e método ku AMAK ta usa ta unu hopi efisiente i ta notabel kon eksitoso esnan ku a sigui e formashon musikal di AMAK ta dunando fruta den farándula di Kòrsou.



Direktiva di AMAK







https://www.facebook.com/share/p/ZpD3XpAaVb9wUEAj/?mibextid=WaXdOe

EDUKASHON MUSIKAL 2024 Esaki ta un formulario pa registra hobennan musiko aktivo pa sigui desaroya

Durante un enkuentro sosial ku a keda organisá resientemente pa e 5 finalistanan den Festival di Tumba, esta e kantante, kompositor i areglistanan, a hasi uso di e oportunidat pa otorgá tantu Presidente komo Vise Presidente di Hurado un regalito di apresio pa nan tremendo trabou desplegá e aña aki.

Un anochi di yama danki i rekonosementu na Partner i Spònsernan.

Djárason anochi AMAK a demostrá su apresio na su Partnernan (Branding i Gold) i Spònsernan i a duna rekonosementu na kada un di nan ku di un òf otro manera a kontribuí finansieramente òf ku nan servisio/ produkto pa nos tabata tin Festival di Tumba 2024 super eksitoso. Tur Branding Partner i Spònser a risibí un bunita “token of appreciation” ku e título di e tumba ganadó 2024 ; “Tera kòrda mi ken mi ta”

Alabes Partnernan i Spònsernan riba e anochi aki por a risibí un presentashon di e “analitics” di social media, un resúmen di “exposure” ku nan a risibí durante di Festival di Tumba i “upgrade” ku tabata tin den e infrastruktura di Curaçao Festival Center pa ku Festival di Tumba 2024. Tabata un anochi masha ameno unda AMAK a mustra su Parternani Spònser kon importante nan kontribushon ta pa Festival di Tumba, nos Músikonan i nos Kultura.
Nos Parternan i Spònsernan a bira e promé nan pa eksperensiá e aftermovie di Festival di Tumba 2024. E aftermovie Festival 2024 lo
Keda publiká riba e app “Nos Tumba” pa públiko por presensia esaki.

https://www.facebook.com/share/p/gW4YAcZyeu82ZADv/?mibextid=xfxF2i

FESTIVAL DI TUMBA 2024 tabata fantástiko!

The Soemanta BLOG a kapturá momentunan inolvidabel pa nos rebibá e emoshon!

E much’i pia tera ku honor a bai ku e korona. Ta su aña!

Ban kanta ku n’e:

Tur loke nos mester, for di tera nos lo hañ’e.

Ta esensial pa nos tin pia riba tera.

Tera kòrda mi ken mi ta!

📸:

Nos tòp 4 finalistanan di Festival di Tumba 2024 ta... Raynor "Raey" Lauffer, Dibo Doran, Rubertico “Benoni” Balentien, i Albertico “Tico” Libiee.
Kada un ta un i kompetensia tabata fuerte e aña aki. Pabien ku boso presentashon fenomenal!🎉

E hurado na kas aki tabata skèrpi! Esaki ta e 3 personanan ku nan Top 5 tabata fiho.

Pabien na boso kada unu.

1. Genov Gonet - 2 Pasashi JetAir (na balor di FL.800,-)
2. ⁠JeanTal Dorothea - Fèrf Global Paint (na balor di 1000,-)
3. ⁠Faruzaila Dorothea - Fèrf Global Paint (na balor di fl.500)

At'e Tumba, At'e Tumba!
Kòrsou su di 52 Rei di Tumba ta konosí!🎉👑
Pabien na Sharrel "Adjatay" Denisia, nos Rei di Tumba 2024 ku tei sigui deleitá nos pueblo ku su tumba ganadó 'Tera Kòrda MI ken MI ta'.💃🕺 Ban disfrutá di dje durante di e temporada i biba ku nos Rei di Tumba.

Wak pa bo no keda afó!
Esaki ta bo último chèns pa eksperensiá Festival di Tumba 2024 den Red Carpet!🔴🎟️ Un kantidat di karchi limitá ta optenibel ahinda na porta di Festival Center for di 5or di atardi. Pues no duda pa yega!

Pa bo karchi di sekshon general, bish*tá un di e puntonan di benta:
-Tur filial di Sentronan di Pago di Tu y Yo
-24 uur uit de muur
-Ticketpoint na Zeelandia
-Around the clock na Rio Canario
-ESO Events
-Fun Miles

Tambe bo por kumpra karchi di sekshon general na porta di Festival Center.

Djabièrne... ta un tabla lo bula!

Esaki ta e lista di partisipante pa e anochi final di Tumba 52.

Ta Rei of Reina?!!👑

Asina ta gosa of laga!