احمد بن عثمان Ahmed ben Othman

Tu pourrais aussi aimer

شاعر

24/10/2023

غزه تستغيث فهل من مغيث

17/10/2023

والله إنه ليحزن القلب، وتدمع العين،،
ولانقول إلا ماقال ربنا،، إن لله وإن إليه راجعون،،
وإن لفقدك ياإبراهيم لمحزونون،،
ادعو لأخيكم بلمغفرة والرحمه لعلاها تكون
ساعة إجابه واستجابه

أحمد بن عثمان

20/08/2023

نبقى البيت الي مربط كي لوشــاك
كي تقره يبــــــــــانلك كلش متموم

مايتعوج مايميلش هاك وهــــــــاك
مثل الصاشم لاضرب يرحل ملموم

الشاعر أحمد

05/08/2023

خطرات نـــــولي بشعري نتفنن
نكتب بيت يعاوض قصيده واثنين

وخطرات نولي جويح ما نوزن
نكتب بيت نعود حـــاير في لخرين

أحمد

27/05/2023

فوتنا ونفوتوهــــــــــــو هذا المنكر
ونكتم غيضى ياما ف الڨلب ندس

وندسو فى داخلي نا مـــــــــانجهر
وخلي سهمو داخل الـــكبده يغرس

درتك خو والخو سوايع مــــــايغدر
وڨلبو طيب مــــــــايدور وماينكس

تــهدر في ضهري وف الغيب تخسر
تاكل في لحمي شفاي وتفـــــــارس

طـــــــــايح ليا وين مارحت تمنشر
وعين المولى دايمـا ف الضلم تعس

نوكل ربي نشكي لــــــــــــــيه نخبر
وهو عـــــــــالم مراه ذاالڨلب تلمس

هاهي إيهانة السب والشتم تتكرر وتجدد
لقد صار أحمد يزكي فلان وفلان لماله
ونقوده وجاهه،
نهدروها ب الدارجه أحسن باه يفهموها اللجميع
لبواعيش ڨاع ناس ليا واحبابي وخاوتي
والله مانفرق بين ذاك وذاك،
الصوره الي تدخل للباجه والصفحه انتاعي
ندير عليها بيت وزوج بشي الى نقدر عليه،،
هذا وش كاين،،
وميش غير البواعيش فقط،،
والله كاين ناس من ومن والله مانعرفهم مايعرفوني،،
كانو يرسلولي صور أحيانا
يقولولي أحمد يرحم والديك لبينا هذا الرغبه
والحمد لله والله ماخليت واحد،،
وماقصرت وماخسرت في حق واحد،،
ومن بعد يعيطلك يسبك ويبهدلك،،
والله غير بواعيش ميش الي بعاد عليا
ربي يهدينا ويهديهم.. نحسب روحي نكتب
ونمثل ف الوطن وف العرش انتاعي
ساعه جابلي ربي كنت غالط..
ضرك خاوتي الى كنت غالط انصحوني
بلاك كشما فيا كاش عيب،، بلاك
انا راني غالط ياخاوتي،،
وأكيد رايح نتقبل النصحيه مهما كانت
والسماح ياخاوتي

أحمد بن عثمان...

09/04/2023

عيانا ذا الفقر مرمدنا يـــــــــاسر
وفشلنـــــــا ولات نوضتنا بسيف

وحليل المسكين مــــانجم يصبر
وراه يخمم مايطيڨ يفطر ضيف

الله يحسن لحوال
الله يحسن لحوال
صحه صيامك وربي يتقبل منا ومنكم

أحمد

12/03/2023

القدس

يــــــــامقدس حنيت ليك بقيت نفر
والله غالب حالتي مـــــــاسمحتليش

الله غــــــــــــــالب مالڨيت منين نمر
دونك جات فجوج وجنود مغاشيش

جيتيني فى وسط ذ العبد الكــــــافر
مين نفوت وبــــاه نعڨب هذ الجيش

شكيتك هنتي على نــــــــاسك ياسر
بـــــاعوك رخيسه صبحتي ماتعنيش

واذا جاك الوحد من جودو خـــــاطر
لازم ب الــــــــــــعسه ولازم بتفتيش

ماطڨنا يــــــــــــاخاوتي هذا المنظر
خلاص دهور حــــــالنا ومرار العيش

حـــــــــــبك يسري داخلي راه يڨطر
مثل الدم على المعارڨ مـــــانخفيش

عزيزه عني ســــــــــــارقه مني لعمر
نهواهـــــــا والحب وحدو مايكفيش

والى ڨلت انـــــــــــــحبها لازم تـفخر
وانت ثاني حبها مــــــــــاتحسدنيش

قــــــــــــــــادر ربي ينصرك هو قادر
وبيدو ياك الميته تحيـــــــــا وتعيش

ينصرهــــــــــــا وايجي نهار وتتحرر
والعبد الى هـــــــــــــانها لنار يطيش

أللهم انصر القدس ضالمة أومضلومة
يارب العالمين

08/03/2023

بمناسبة 08 مارس

نهديلك م الڨلب كلمه نلفضها
ونڨلك مبروك يــّـاحره ذ العيد

مّانكرهشي طول يوم نرددهـا
نلفضها ونڨولهــــا ونزيد نعيد

ونهديلك ورده وبيتين معـاها
ونفرح ناوياك هـذا يوم سعيد

بمناسبة هذا اليوم السعيد
أتقدم بجزيل الشكر لكل مرءة
جزائريه بدون استثناء على ماتبذله من جهد
وأقول لها
عيد سعيد وعمر مديد يارب
لها ولكل النساء العربيات عامه

07/03/2023

نبقي نفخر دايمــــــــا نمدح لحباب
ونذكرهم لكان خلاو خصــــــــــايل

يحلى شعري من خصايلهم يطياب
كى تقراه يعود بيتو يتمــــــــــــايل

صباحيه طيبه للجمطع
للقراء وللمستمعين ولكافة الشعراء
والناقدين
وتحيه خالصه لهذا الرجل الطيب
عبد القادر بن ساحه

ربي يطلق سراحو

أحمد بن عثمان

06/03/2023

رثاء سليمان جبوري رحمه الله
وأسكنه فسيح جناته

الشاعر أحمد بن عثمان

05/03/2023

اغفر ذنبي يــــــالله حبيت نتوب
وفك سراحي قيد نفسي طاولني

واغسل ڨلبي يالله من كل ذنوب
واغفرلي مافات واتجــــاوز عني

لا إله إلاّ أنت سبحانك إني كنت من الظالمين

أحمد بن عثمان

02/03/2023

رثاء

الحاج البوزيدي رحمه الله وأسكنه فسيح جناته

01/03/2023

كونو في الموعد غدا بإذن الله
على الساعة 8:00 مساءا
وذالك لحضور حفل زفاف
بن عثمان مصطفى

27/02/2023

طيارات صافت وسط المطار
هذي طارت ذيك نزلتلو منهيه

ومع الطيره خلفت ڨداه غطار
عوض الرعد تكلمت برڨ مشاليه

وحفضنا ربي الحڨنا شاو نهار
ويامحلاه تراب جده وماليه

يتبع... لقائلها
دعواتكم بتوفيق لخونا رشيد صفراني
ولأمه
متوجهان فى هذه السعات شور البقاء المقدسه
لتعديتهم مناسك العمره
حج مبرور
وذنب مغفور
وسعي مشكور
وتجارة لن تبور
له ولكل من توجه
شور البقاع المقدسه

نسرين أحمد

25/02/2023

هلكني رعد نزيم جاني عڨب الليل
ع الصحره مرڨوم برڨو يشالى

وعلى قاشي بسكره وبلاد نخيل
غيمو طاح رواڨ داير ضلاله

ومانلڨاش رفيڨ من ناس تاويل
ينسيني ف الهم فى كل مسالى

وعلى الڨلب الي معدم راه عليل
وقت الي ينسى تزيدو شعالى

يتبع....

اللهم ماارزقنا الغيث
ولاتجعلنا من القانطين

صباحيه طيبه للجميع
أحمد

22/02/2023

كلمه خطرتلي على خويا ف البال
وڨلت بربي نمدحو ليلة لــخميس

مدح حبــابي دين ف الرڨبه مزال
مـــــانوفيهش ڨد مانوزن ونقيس

تحياتي لشيخنا الفاضل
الخيثر دحماني ادعولو ب الخير والبراكه
وادعو ربي يحفضو ويخليه

أحمد بن لحاج عثماني

22/02/2023

ميدانك ميدان صاعب يــــــاطفله
وانا جُندي داخلو نـــّـــــاقص لڨراد

سهمك برك ادمى الڨلب على غفله
وخلى ماره مانفع فيها تضمــــــــاد

الشاعر أحمد

21/02/2023

بلادي
ميش خساره فيك وصفي كى نوصف
وصف بلادي كل شـــــــــــــاعر يتمناه
وزين بلادي مــــــــــــاشبع منو واصف
ومهما يوصف مايجيبو فى معنـــــــاه
حتى انـــــــــاي ملت ليهم درت الصف
وڨلت ندون غير بيت الى طڨنـــــــــاه
جيت مسهل غــــــــــــابلي كلش وتلف
عدزنا ماطڨنا على حرف كتبنـــــــــاه
ميشي كى لحظ الــــــــمواطن تختالف
ماتلقى فيها هنا مـــــــــــــــــــاتسحلاه
مهمـــــــــــــا عشت تضل فيها متخوف
قاشي جابد حــــــــــان برك على بعظاه
حتى لــــــــــــــــــو تعيش تبقى مطرف
وديمه وحداني العبد وماتشفــــــــــــاه
وطنك غــــــــــــالي راه ف العد تصنف
وراه ينافس فى دول ولى بشنــــــــــاه
والغالي يبقى الغلا مـــــــــــــــــايتخلف
والى غاب وضاع من يدك تنســـــــــــاه
تــــــــــــاريخو معروف من بكري شرف
وصافي ناقي مـــــــــــــــــاتبدل كما راه
شعبو ثـــــــــــــــــابت مايبيع ومايخلف
ومن بكري يبقي الخير ويتمنـــــــــــــاه
ومن بكري شجاع عينومـــــــــــــاترجف
وراكم شفتو ماصرى ف الى سيـــــــــاه
فرڨ جيش فرانســــــــــــــــا راح مكتف
وكمن قوه ردها ع الوطن حمــــــــــــــاه
وكمن روح اسبلت ع الــــــــــوطن تشف
وماتت تتمنى الخير الى شفنــــــــــــــاه
ولو نحسبهــــــــــــــــــا كامله عدي يتلف
قاشي ياسر سال دمو ڨـــــــــــــاع هداه
شعب يـــــــروح وشعب من بعدو يخلف
وهيهات الى مات نسلو ودفنـــــــــــــــاه
ولولا همـــــــــــــــا مارجع ذ الوطن وقف
ولولا هما كان الاستعمــــــــــــــــــــار داه
من حقك يــــــــــــــادمع عنهم كى تذرف
ومن حقك يــــــــــاڨلب كى تحزن موراه
كى نقرى ذوك الصفـــــــــــــاحي نتأسف
ونلڨاها ڨداه راحت يــــــــــــــــــــاحسره
تبقى ذكري شعبها عنهــــــــــــــــــا واقف
يحييها ونهــــــــــــــــارها جــــامي ينساه
وتـــــــــــــــــاريخو ماهوش تاريخ مزيف
وباين راه ڨبالنــــــــــــــــــــــا ڨاع قريناه
ماتمحيهش ذ الدول كى تتحــــــــــــــالف
وهو هو راه كمـــــــــــا دونــــــــــــــــــــاه
ريتهم مزالت تــــــــــــــــــــــــحوم ترفرف
ونجمه حمرى شاهده ألي ڨلنــــــــــــــــاه
خيرو وافر مـــــــــــــــابخل شعبو وڨسف
وياسر حتى م الدول من دعمنــــــــــــــاه
وياسر م الى ســــــــــــاكنو حبو ب الخف
ولى منـــــــــــا عاد جار وجاورنــــــــــــاه
وكمن لاجع مـــــــــــــــــــال ليه دار كتف
وعـــــــــــــــــاش معانا ماسمع واحد نواه
حبو يسري داخلي محـــــــــــــــــال يجف
ويبقى ڨلبي دايما ينبض بسمــــــــــــــــاه
دزيري حر نڨولهــــــــــــــــــــا ضرك نحلف
ونتفخر والــــــــــــــفخر من صغري نهواه
من ثمر حبيت برك انـــــــــــــــــــاي نقطف
ومن حبو نضمت لبيوت مدحنـــــــــــــــاه
بوعيشاوي راه ذ الشـــــــــــــــــــاعر عرف
وأسمو أحمد جــــــــــــاب منضومو وهداه
وختمهـــــــــــــــــا بصلاة طه زين الوصف
محمد غدوة الأمه تترجــــــــــــــــــــــــــاه

الشاعر أحمد بن عثمان

16/02/2023

كان
كان يڨولي يـــــــــاوليدي رد البال
انوصيك وصايتي وفيهــــــــــــالي
فى ذ النيه كون ماضي مثل خلال
ولى يديك مصيرها راهو خـــــالي
تتمثلك كى زرع عـــــــرڨو يطوال
متمايل فى طلعتو زين وعـــــــالي
وحين تخشو ق عجاريدو تذبــــال
ذاك الخير بطلعتو ڨــــــــاع خفالي
اعط خدو لتراب بلا م ســـــــــــال
هموم الدنيه كــــــــــــامله خلهالي
تايه مابين المكــــــاحل مثل غزال
والصياده شــــــــــــــاده ڨاع توالي

إلى آخر الأبيات

رسولنا الحبيب.. عليه الصلاة والسلام
يقول أذكرو محاسن موتاكم
ولاكن من منا لايذكرو هذه الصورة
وهذه المحاسن
نريد دعواتكم لهذ الرجل الطيب
المقدم رحمه الله
براكة البواعيش

أحمد بن عثمان

15/02/2023

نسمات

ياسر م الي بات فى شطك حـــاير
ســـــــايل دمعو ق على ولدو نواح
وياسر م الي حن ليك ايجي خاطر
ومن كثرت همو اتحلولو لـــــجراح
وياسر م الي بات فى شطك سـاهر
يدي ليلو فيك حتان تصبــــــــــاح
وياسر م الي صاد من وسطك خير
وحين تأمق بـــــــــانلو ڨداه صلاح
حبك ســــــاكن ف الڨلوبه دار وكر
وتفتنت بكمــــــــــالها عافت لمراح
مـــــاترحمش الي همل فيك اتبحر
وياسر م الي قــاومو خرجو سُماح

الشاعر أحمد

14/02/2023

معاك معاك نشڨ ن الغيوم معاك
والله يالوكـــــان تڨصد للمجهول

كى تدخل بيـا بحر ونعوم حذاك
بوعيشاوي حر مانخشى ذ الهول

تحيه للبواعيش لحرار
أهل الهمه والكرم والجود والسخاء
تحيه لأصحاب القلوب الطيبه
تحيه لكل المشاهدين
لكم مني سلام
وألف تحيه... الشاعر أحمد بن عثمان

11/02/2023

09/02/2023

الجزائر
حن الڨلب وزاد بعد الحن شحن
ونار شواقك حرڨتو كى راه نساك
راه نفر هذ الفريسه ليك اركن
يأس نادم راه دار الصلح معاك

ألجزائر
بلادك زينه رد بالك يـــــــامفتون
وماهما عنك هانت تضل عزيزه
ومهمارخست مانضن عليك تهون
تبقى روح وساكن الڨلب غريزه
نتخيلها كــــــــــامله هى ذ الكون
خيمتنا وتضل ف الوسط ركيزه

الشاعر أحمد بن عثمان

05/02/2023

نتفخر مابين لوطـــــــــــــان نزكيك
ونهزك كمــــــــــــا نهز انا شــــــــاني

وحدك ديمه ســــاكن الڨلب مخليك
ومحــــــال الى نزيد من غيرك ثاني

حبك يسري سال كى سير امجاريك
لاح شواقو داخلي راه كســــــــــاني

بــــــروح وبــــــــدم وولادي نفديك
ميش خساره فيك يــــــــاقرة عيني

وين نبان مع الى ضحـــــــــاو عليك
قاشي ياسرماحصاهش ديـــــــواني

تدمع عيني كى نحوم على ماضيك
نتــــــــــأسف ونعود م الحزن نعاني

صبرنا والمولى كرمنــــــــا فزنا بيك
وريح شعبك م الشقى ورجع هـاني

انحبك ونضل ماتمسك نــــــــــابيك
كــــلمه خرجت م الجوارح ياوطني

عــــاطي عاهد مانروحش ونخليك
والى رحت نحن ونجي لمكـــــــاني

مانكره ونمل م الـــــــــشعر انحييك
كل قصيده راك فيهـــــا عنوانــــــي

الشاعر احمد بن عثمان

03/02/2023

حن الڨلب

حن الڨلب وسامحك بعد الى صار
وادعــــــالك حتى وراكي هضمتيه

ياما قاسى من عذابك طول دهــار
فى قفصك مسجون لاحد اينجيـه

يراجي فيك يضل صـابر طول نهار
طڨتي عنو م الـــــــــفريسه نفرتيه

راهو طاب على جمر ولفيح النـــار
وقرى حذرو بعد مــــــاراكي بعتيه

سوڨك واعر مـــــــــايوالم لتجـــار
والى ج ف الطارفه ڨاع درستيـــه

ميشي غرضك راك ياڨلبي مضرور
راني حـــــــاس بكيتك عندي مده

تتوجع من داخلك عنهـــــــا مقهور
وهي بعد الى صرى دارت وعــــده

خلاتك وجنــاح م الجنحه مكسور
معطوب ومــــاصبت ياڨلبي نجده

انسلي من عطبتك وطفـــــات نور
وخلاتك فى ليل سعــــــاتو سوده

العـــــاشق من عادتو يبقى معذور
والى لومو راه غــــــــــالك ياساده

الشاعر أحمد بن عثمان

27/01/2023

ريح الڨبله
ريح الڨبله والسحاري يــامحلاه
كى يتنسم خاطرك ياخي يفجيه

محلا ليلو لاضوا ڨمرو وتــــــلاح
ولاح بنورو ذ السحاري ماتكفيه

ولا زادوه شيوخنا كامل يوضـاح
يتوضح ويبـــــان لدارڨ يصحيه

نسمات.. أحمد بن عثمان

21/01/2023

ضــــاڨت روحي ياما ڨلت انحوس
نضرب دوره ف الـخلا ضايڨ حالي
نڨصد نزله عدهم فى بــــالي عرس
وهذ القاشي ندهو وحد لقـــــــــالي
وحين لــــــــحڨنا ماقدرتش نتنفس
وقاشي يــاسر ماخطرش على بالي
وبدات الفرســــــــــان ڨدامي تلبس
وتهبط فى خيلها من لـــــــــــــعلالي
وانا لاهي قا مع وحد الفـــــــــارس
يحدث فيــــــــا دار ب الخيل بدالي
شوقني للخيل ن عــــــدت نهطرس
وضربني ڨرواحهم زاد هبـــــــــــالي
دار ودودر جــــــــــابلي كيدار ملس
يكرو فيه اثنين مربوط اڨبــــــــالي
ويوصي فيا على العود وحـــــــارس
وڨلي راهـــــــــــــو غير مهر كلخالي
وزدت كريت الكاميو جــاي محمس
ضرك نلعب فوڨ عودي ونشـــــــالي
وحين الي جبتو اما سمعت ذ الحس
وڨالتلي وجبتلي يابوهــــــــــــــــالي
بديت نساعف فى اما عدت نسـايس
خايف منهـــــــــــــــا لاتخسر تفوالي
بـــــديتو ب الحنه على الراس نملس
وزدتو م الكرعين ذ الـــــــعود هدالي
نـــــسرج فى عودي وڨلبي متحمس
دونك ليا يامــــــــــــــــــــا هـ شديلي
ڨلت الــــــــــــيوم نخرجو نانسفرس
نــــــــلوح الجعبه ف السما هـ دلالي
وزدتو زوج امهــــــــــار بيهم يتونس
وتـــــــــاكل عنو كي شريتو ن غالي
ومــــــــــــــا فرحانه تفور وتكسكس
وتعرض ف الجيران ڨاع على جـالي
وحين طلڨو خيلهم عودي كــــوكس
هبط راسو عاد فى الارض فـــــــالي
نوميه على شـــــــاكله عودي يترس
يفريني بيا بلول والتــــــــــــــــــــالي
ونعڨب يـــامخلوق من فوڨو نغطس
ودخل راسي فـــــــات مابين رجالي
وحين صحى غبـــارهم عدت نفلفس
داخل فى برنوس ضيڨلي حـــــــالي
ونتفڨد فى جبهتي ن عدت نــــــمس
ونلڨه روحي ذ البغل مـــــــــــاخلالي
وضرب راسي فى ركــــــابيه وحبس
نفاتو ذ السنين فى وسط نســـــــالي
مرغني تمراغ ن عــــــــــــــاد يعفس
بـــــــــــــيه الخلعه فاز والسرج مدلي
ودارت ليا ناما جـــــــــــــــات داوس
ڨلتلها ف الخيل ن معطيــــــــــــــالي
ڨلتلي بيع الــــــــــــــــحبوبه يافالس
وداوي روحك يــــــابني واسمع فالي
راهو رفسك ذ الـــــــبغل خلاك عدس
وهذ سوڨك يابني ديمه خــــــــــالي
بايت طول الليل ف الـراي موسوس
وغــــــــــــــاضتني هذ البغل كلخالي
وڨلبلي ڨاع الـــــــــنوامر مين حبس
ومـــــــــابان البرنوس ن من سروالي
عدت مهبط غير راسي ومطــــــابس
دايخ من كثر تشلويح امــــــــــــــالي

الشاعر احمد

19/01/2023

وحين طلڨو خيلهم عودي كوكس
هبط راسو عاد فى الارض فالي

نوميه على الشاكله لزرڨ يترس
يفريني بيا بلول والتــــــــالي

ونعڨب يامخلوق من فوڨو نغطس
ودخل راسي فات مابين رجالي

وحين صحى غبارهم عدت نفلفس
داخل فى برنوس ضيڨلي حالي

ونتفڨد فى جبهتي ن عدت نمس
ونلڨه روحي ذ البغل ماخلالي

وڨلبلي ڨاع النوامر حين حبس
ومابــــان البرنوس ن من سروالي

إلى آخره.... الشاعر أحمد