Meabed Gym

تم بحمد الله تغيير اسم الجيم الىwolverine gym
تغيير الاجهزة باجهزة مستوردة
وتغيير المكان لمساحة اكبر فى نفس المبنى
للاستفسار
01003892827
01063910640واتس

كل عام وحضراتكم بخير

عودة العمل فى الجيم ابتداء من اليوم السبت 24/7
من الساعة8ص
الى الساعة2بعد منتصف الليل
للاستفسار 01003892827

الكل راجع للجيم عشان فورمة الصيف والاجازة بدأت ومعبد جيم فرع الحصري فى انتظاركم بعروض ومفاجأت ومجموعة من افضل المدربين
ك ابو يحيى
ك طارق اسكندر
ك ادم الشيمى
للاستفسار 01003892827

معبد جيم
العرض شغال ل30/6/2021
الاشتراك الشهرى 250 ج
3شهور 600ج

معبد جيم
مواعيد العمل من الساعة الثامنة صباحا إلى الساعة 2صباحا
ابتداء من الاحد16/5/2021

تقبل الله منا ومنكم صالح الاعمال
كل عام وانتم بخير

تم اغلاق فترة للسيدات ابتدأ من اليوم24/2/ 2021
الجيم 24ساعة رجال
للاستفسار 01003892827

#نصيحه
☢️ وإنت رايح الجيم خد معاك فوطة تمسح بيها عرقك من على الأجهزة

☢️ ماتتمرنش بجهاز واحد في الجيم كله طول اليوم وتخلي الناس تقف وراك طابور

☢️ ما تتكلمش وتفتح مواضيع وإنت بتتمرن وركز في تمرينك علشان تستفيد

☢️ خد معاك هيدفون تسمع فيها مزيكا وتتجنب الناس الرغاية اللي بتيجي الجيم تتناقش في مشكلة حيوان الكوالا

☢️ الدامبل اللي خلصت لعب بيه رجعه مكانه .. لو سمحت ☺️

☢️ ساعد الناس في التمرين علشان تلاقي اللي يساعدك .. ولو مابتعرفش تساعد إعتذر بشياكة

☢️ ماتقولش لحد إنت خاسس على فكرة .. خليك في حالك أرجوك

☢️ بعد ما تخلص لعب بالبار ال ٣٠٠ كج فضي منه الأوزان وماتسبهوش وتمشي وتلبسه للغلبان اللي بعدك علشان يفضيه

☢️ حاول ماتزعجش الناس اللي حواليك وبطل تقول عااش عااااش .. إتمرن في صمت

☢️ لو حد مبتدأ سألك عن حاجة ماتعرفهاش قوله ماعرفش وخليه يسأل كابتن الجيم

☢️ بلاش تندمج مع الأغاني اللي بتسمعها في الهيدفون وتبدأ تكتشف موهبتك وتسمع الناس صوتك اللي غالبا هيكون جميل قوي

☢️ ما تشيلش وزن تقيل من غير مايكون معاك زميل واقف يأمنك

☢️ الدامبل اللي خلصت لعب بيه رجعه مكانه .. لو سمحت ☺️

☢️ لو بتتمرن في جيم ميكس ماتبصش للبنات وهي بتلعب سكوات

☢️ الأحسن إنك ما تتمرنش في جيم ميكس

☢️ إتأكد إنك إستخدمت مزيل العرق بتاعك قبل ما تروح التمرين

☢️ ماتشربش من إزازة حد حتى لو إستأذنته ووافق مُحرج .. هات معاك ماية

☢️ ما تقولش لحد إنه بيلعب غلط لو ماطلبش منك

☢️ الدامبل اللي خلصت لعب بيه رجعه مكانه .. لو سمحت ☺️

☢️ ما تروحش الجيم لو مش هتلتزم بكل اللي إتقال فوق
️

عرض الموسم للاشتراك الشهرى 350ج+شهر هدية
العرض لمدةاسبوع يبدا 10/1/2021
ينتهى 17/1/2021
للاستعلام
01003892827

العرض شغال لاخر ديسمبر2020
الاشتراك الشهرى 250ج
3شهور 600ج
مواعيد العمل للرجال كل يوم من الساعة 3عصراالى الساعة8ص

عرض خاص بالسيدات الاشتراك الشهرى 200ج
3شهور 500ج
نهاية العرض 30/11

عرض خاص للرجال
الاشتراك الشهرى 250ج
3شهور 600ج
نهاية العرض30/11

يعلن معبد جيم عن تشغيل فتره السيدات بالجيم من يوم الخميس القادم بتاريخ 1/10/2020
لتكون المواعيد من الساعه 9 صباحا إلي الساعه 4 عصرا يوميا
ما عادا الجمعه 👌💪
لمزيد من المعلومات برجاء الاتصال برقم 01067529060
ك اسماء

نعتذر عن غلق الجيم اليوم الأربعاء 23/9/2020لوجود عطل فى عداد الكهرباء وسيتم اصلاح العطل فى الصباح الباكر بأذن الله

ان شاء الله مواعيدنا رجعت تاني زي الاول وبالإجراءات الاحترازيه 😃👌
الجيم شغال 24 ساعه يوميا ما عدا الخميس من الساعه 9 صباحا إلي الساعة 12مساءا



معبد جيم ف انتظار الجميع 💪💪⁦❤️⁩

معبد جيم فرع الحصري يعلن عن مواعيد العمل الجديدة بداية من 15/7/2020
من الساعه 5ص إلى الساعة 11م
كل يوم
مع اخذ الاحتياطات الأزمة للوقاية من الكورونا

معبد جيم ف انتظاركم ياابطاااااال 💪

الحمد لله بعد قرار رئيس مجلس الوزراء بعوده النشاط الرياضي وفتح الجيمات هنبدأ ف اسقبال الاعضاء بدايه من غدا السبت 27/6 والالتزام بالاجراءات الاحترازيه لعدم انتشار العدوي والحفاظ ع سلامة الاعضاء وعدم دخول اي لاعب بدون ارتداء الكمامه حفاظا ع سلامته

ونسأل الله العفو العافيه
اداره Meabed Gym فرع الحصري 💪💓

إلى كل الأعضاء بالجيم فرع الحصري يتم استقبال المشتركين من الساعة 8ص إلى 6م كل يوم
للاستفسار 01003892827

الاوميجا 3 ❤️ مفيش حد مسمعش عنها ✋🏻

الاوميجا 3 كل الناس بتتكلم عنها و معظم الناس بتستخدمها ❤️

تعالى نشوف ايه هى الاوميجا ؟

♦️هى تعتبر من الاحماض الدهنية اللى جسمك مش بيعملها و بنحصل عليها من الاكل 🍤 و المكملات الغذائية 👌🏻

▪️ فوائد الاوميجا 3 🤔 ؟

الاوميجا ليها فوائد كتير جدااا ❤️ زى مثلا

١) تنشيط و تقوية صحة القلب و انك لو بتاخد احتياجك منها دة بيمنعك من امراض قلب كتير و أمراض الاوعية الدموية ❤️

٢) تقليل من الدهون الثلاثية و دى اللى بتسبب لمعظم الناس تصلب الشرايين

٣) بتساعد جدا ف التحسين من الحالة النفسية و التقليل من الاكتئاب ✋🏻

٤) تنشيط الذاكرة و التركيز و دى مهمة جدا عشان ناس كتير بيعانوا منها 👌🏻✋🏻

٥) التقليل من خطر إصابة بضغط الدم المرتفع ✋🏻

دى بعض الفوائد للاوميجا و اهمهم 👌🏻

♦️ طب ايه هى مصادر الاوميجا 3 ؟

اهم مصدر للاوميجا هو المأكولات البحرية ❤️🍤 و اهمهم السردين و السلمون و الماكريل

و موجودة ف بذور الشيا و الكتان و الجوز 👌🏻

بسم الله الرحمن الرحيم
الحمد لله بعد قرار رئيس مجلس الوزراء اليوم سوف يتم فتح الجيم وبدأ العمل من تاريخ 15/6/2020
ونحن ف انتظار عملائنا الكرام بأذن الله تعالي
💪⁦❤️

صحتك اهم .
حرصا من إداره الجيم علي سلامه الجميع
وتنفيذا لقرار مجلس الوزراء
سيتم غلق الجيم ابتداء من اليوم 15/3/2020 وسيتم اضافه مده الغلق تلقائيا للاشتراك وسوف نوافيكم بالتطورات بأذن الله Meabed Gym

🔰 7 طرق لتقوية المناعة ضد فيروس كورونا 🥵💪

1️⃣ اتبع نظام غذائي صحي 🥑🍤

الأكل الصحي مفيد للصحة غير الأكل العادي اللي بيفتقد عناصر مهمة للجسم، اتباع نظام غذائي مناسب لجسمك بيعزز ويقوي الجهاز المناعي لأن الأكل الصحي غني بالمغذيات المفيدة للجسم.

النظام الغذائي لازم يحتوي على الفواكه والخضراوات اللي بتحتوي على الفيتامينات ومضادات الأكسدة.

قلل أو إلغي السكر والدهون الضارة والأطعمة المصنعة، لو مش هتعرف تاخد احتياج جسمك من الفيتامينات من النظام الغذائي بتاعك لأنك محتاج تخس مثلا، تقدر تستشير الطبيب أو المدرب لتناول مكمل غذائي من الفيتامينات والأوميجا 3 وهكذا.

2️⃣ إتمرن وكن نشيطاً بشكل مستمر 🚴⁦🏋️⁩🏊

النشاط البدني بيقوي المناعة وبيساعد الجسم على محاربة العدوى والفيروسات.

اتمرن مش أقل من 30 دقيقة لمدة 3 أيام في الأسبوع على الأقل، زي تمارين المقاومة، المشي، الجري، السباحة، وهكذا
التمرين بينشط الدورة الدموية وله تأثير مضاد للالتهابات في الجسم.

3️⃣ حاول تقلل مستوى الإجهاد النفسي والتوتر 😌

الإجهاد النفسي أو الـ Stress بشكل مستمر بيأثر سلبياً على جهاز مناعة الجسم.

الإجهاد النفسي على المدى القصير مش بيؤذي الجسم بس لو استمر فترة طويلة بيأثر على جهاز المناعة وبيخليك عرضه للفيروسات والأمراض.

حاول تقلل من مستوى الإجهاد النفسي عندك، واتعلم تقول لا لأي شخص في أي وقت وحاول تستغل وقتك صح في أنشطة مفيدة لحالتك النفسية ولجسمك زي ممارسة الرياضة والقراءة وهكذا.

4️⃣ إحصل على قسط كاف من النوم 😴⁦❤️⁩

قلة النوم أو حرمان جسمك من النوم بيقلل من كفاءة الجهاز المناعي في الجسم، النوم بيحسن من وظائف المخ والتركيز والذاكرة خصوصاً مع تقدم السن.

نام مش أقل من 7 أو 8 ساعات يومياً، ولتحسين جودة نومك اتأكد ان الغرفة مظلمة وهادئة .. حاول تحافظ على مواعيد نومك ليلاً مع قيلولة بالنهار مش أكتر من 45 دقيقة.

لا تتناول المشروبات التي تحتوي على الكافيين في وقت متأخر من اليوم.

لو عندك مشاكل في النوم لازم تستشير طبيب لتحديد الأسباب.

5️⃣ حافظ على وزن صحي لجسمك.

لو بتعاني من زيادة الوزن وزيادة نسبة الدهون ممكن يأثر سلبياً على الجهاز المناعي.

لازم تتبع نظام غذائي لتقليل الوزن والتخلص من الدهون الزائدة وطبعاً مع تمرين مقاومة أو حديد للحفاظ على الكتلة العضلية في جسمك لأن فقدان الكتلة العضلية ممكن يأثر سلبياً على الجهاز المناعي لجسمك

6️⃣ إقلع عن التدخين 🚭

المواد الكيميائية الموجودة في السجائر بتتلف أنسجة الرئة وبتزيد من خطر الإصابة بمرض السرطان، وكمان بتسبب أمراض الجهاز التنفسي والتهاب الشعب الهوائية والإلتهاب الرئوي، واحتمالية الإصابة بالفيروسات.

لتحسين المناعة في جسمك، حاول تقلع عن التدخين بنفسك أو باستشارة طبيب.

7️⃣ اخرج بشكل شبه يومي في الهواء الطلق 🌞

يساعد فيتامين د على تقوية جهاز المناعة، في حالة اذا كان فيتامين د منخفض في الجسم لازم تستشير الطبيب للتوصية على استخدام مكملات غذائية أو وصفة طبية أخري.

قضاء وقت في الهواء الطلق بيخلي جسمك يستفيد بفيتامين د بشكل طبيعي من التعرض لأشعة الشمس، اخرج في الأوقات اللي الشمس مش بتكون قوية أوي فيها.

💥 اعمل شير للبوست علشان الكل يستفيد ⁦❤️

No pain No gain 💪👌

Meabed Gym ❤️💪

نظرا لسوء الاحوال الجويه والعاصفه الترابيه وحفاظا منا ع سلامه المشتركين
قررنا غلق الجيم اليوم
وذلك للظروف القهريه
Meabed Gym

اهميه الكرياتين للعضلات والجسم 💪
🔰 الكرياتين ⁦❤️⁩💪

الكرياتين هو المكمل الأكثر فعالية في العالم لإضافة كتلة عضلية، اكتشفوا ان تناوله لمدة 5 لـ 7 أيام بيزيد من الوزن وحجم العضلات بشكل كبير ودا نتيجة انه بيزود المياه في العضلات بشكل سريع في البداية. 💪💪

على المدى الطويل، الكرياتين بيساعد كمان في نمو ألياف العضلات من خلال الإشارة إلى المسارات البيولوجية الرئيسية وتعزيز الأداء الرياضي.

في دراسة اتعملت على نظام تدريبي لمدة 6 أسابيع، المشاركين اللي استخدموا كرياتين قدروا يزيدوا حوالي 2 كيلو عضلات أكتر من الأشخاص اللي اتمرنوا من غيره.

مكملات الكرياتين بتزيد من مخازن الفسفوكرياتين (فوسفات الكرياتين) في العضلات، يساعد الفوسفوكرياتين في تكوين ثلاثي فوسفات الأدينوسين (ATP)، وهو الجزيء الرئيسي اللي بتستخدمه الخلايا للحصول على الطاقة ولجميع وظائف الحياة الأساسية.

أثناء التمرين يتم تكسير الـ ATP لإنتاج الطاقة، لكن معدل إعادة تكوين ATP جديد أبطاً من استخدامه ودا بيقلل شويه من الأداء الرياضي في التمرين.

يجي هنا دور الكرياتين اللي بيزود بشكل سريع مخازن الفسفوكرياتين، ودا بيخلي الجسم ينتج ATP بشكل أسرع وبالتالي بيزود من الأداء الرياضي خصوصاً أثناء التمرين عالي الكثافة. ⁦🏋️⁩

الكرياتين يمكن أن يغير العديد من المسارات الخلوية التي تؤدي إلى نمو عضلي جديد. على سبيل المثال، يعزز تكوين البروتينات التي تخلق ألياف عضلية جديدة.

الكرياتين يمكن أن يرفع مستويات عامل النمو الذي يشبه الأنسولين (IGF-1)، وهو هرمون يشجع الزيادات في كتلة العضلات

كمان مكملات الكرياتين بتزيد من المحتوى المائي للعضلات، دا معروف باسم Volumization الخلية واللي من خلاله بيساعد على زيادة الكتلة العضلية.

معلومة كمان مهمة ان الكرياتين يمكن أن يقلل من مستويات الميوستاتين، ودا العدو الخفي عن توقف نمو العضلات.

دور الكرياتين المباشر هو إنتاج ATP ودا معناه انه بإمكانه تحسين أداء التمرين عالي الكثافة بشكل كبير.

⁦⬅️⁩ الكرياتين بيحسن حاجات كتير كمان منها:

⁦1️⃣⁩ القوة بشكل عام
⁦2️⃣⁩ الجري السريع
⁦3️⃣⁩ التحمل العضلي
⁦4️⃣⁩ مقاومة التعب
⁦5️⃣⁩ كتلة العضلات
⁦6️⃣⁩ الاستشفاء
⁦7️⃣⁩ أداء المخ

الكرياتين هيفيدك بغض النظر عن مستواك حتى لو مبتدئ، في كل المراحل سواء تنزيل الدهون أو زيادة الكتلة العضلية.

دراسة وضحت ان الكرياتين بيحسن الأداء الرياضي في التمرين عالي الكثافة بنسبة تصل لـ 15%.

⬅️ الدراسات دي كلها اتعملت على الكرياتين مونوهيدرات Creatine Monohydrate.

⁦⬅️⁩ الكرياتين مش لازم تعمله تحميل في جسمك، وأفضل وقت تاخد فيه هو بعد التمرين 5 جرام مع كارب سريع الامتصاص.

☠ ١٠ نصايح عامه لفورمتك ☠

1️⃣التغذية والدايت أهم جزء سواء عايز تبني عضلات او تنشف 💪 (٧٠% تغذية ، ٣٠% تمرين)

2️⃣خد من ١.٦ إلي ٢ جرام بروتين لكل كيلو من وزنك .. مش لازم تصرف كتير وتأكل عشة فراخ في اليوم اكتفي بإحتياجك وهتشوف نتيجة🐔

3️⃣إحسب سعراتك الحرارية وشوف إحتياجات جسمك .. لو مشيت بالبركة هتلاقي النتائج بتتأخر او مش هتلاقي نتيجة 🖊🗒

4️⃣إشتري ميزان أكل عشان مفيش دايت محترم ينفع من غيره .. سيبك من دايت البركة دة ⚖️

5️⃣المكملات الغذائية مش هي الأساس .. لو مش بتاكل كويس والدايت مش مناسب لإحتياجك يبقي بترمي فلوسك في الأرض 💵

6️⃣أيام الراحة مهمة عشان جسمك يحصله إستشفاء وعضلاتك تزيد .. العضلات بتتعمل بالراحة والتغذية وبعد كدة التمرين 🕺

7️⃣إشرب مياة كتير طول الوقت وخلي الإزازة في إيدك .. من غير المياة طاقتك هتقل و هيجيلك إصابات كتير 💦

8️⃣إستخدم المالتي فيتامين وكرياتين واوميجا ٣ .. من أهم المكملات اللي هتفيدك

9️⃣إلعب كارديو (جري - نط الحبل - عجلة ) سواء بتنشف او بتضخم هيفيدك في كل الحالات 🏃‍♀️🏃‍♂️
Ahmed meabed

صباح الفل ع الجميع💪⁦⁦❤️⁩

زي معودناكم ع المفاجأت معبد جيم بيقدملكم احدث العروض 💪👌ولفتره محدوده 👌
يلا مستنيين اي ❤️💪
عروض ومفاجأت مش هتلاقيها غير ف معبد جيم فقط💪⁦❤️⁩👌

Meabed Gym 💪💪

علشان انتشر جدا مكمل الكرياتين ومعظم الناس متعرفش عنو اي حاجة
📛الكرياتين 📛
⛔️هو مركب عضوي مكون من ثلاث احماض امينيه (الارجنين -الچيليسين-الميثيونين )
⛔️يتم تخليق الكرياتين في الكبد و الكلي والبنكرياس ولكن بنسبه قليله تقريبا ١.٥ جم
⛔️الكرياتين موجود في اللحوم الحمراء ولكن صعب التحصل عليه لان كجم لحم يحتوي علي اقل من ٥جم كرياتين وأعلي نسبه كرياتين في الطعام موجوده في الرنجه لكل كجم رنجه تقريبا ٦.٦ جم
⛔️من خلال النقطه السابقه يتضح ضروره استخدام مكمل الكرياتين ومن هنا تبدأ الاسئله المهمه 🤔
⛔️هل الكرياتين مكمل آمن ؟
اكثر مكمل علي الإطلاق تم عمل أبحاث ودراسات عليه هو الكرياتين (اكتر من ٦٠٠ دراسه) كلها اثبتت فاعليته كمكمل آمن وضروري لزيادة قوه التحمل وزياده حجم العضلات
هناك إحصائيه ان كل ٣من اصل ٤ ابطال حاملي الميداليات الاوليمبية يتناولون الكرياتين باستمرار
⛔️هل الكرياتين له آثار جانبيه ؟
له آثار جانبيه ولكن سهل التغلب عليها بمنتهي البساطة
⛔️ماهي الاثار الجانبيه للكرياتين ؟
١-قد يسبب الكرياتين مغص وإسهال اذا لم تلتزم بالجرعات الموصي بيها (٥جم يوميا او بحد أقصي ٢٥جم يوميا لمده اسبوع عند التحميل ) وايضاً عند استخدام الكرياتين علي معده فارغه
٢-اذا كنت تعاني من الصلع الوراثي هناك دراسه وحيده تقول ان استخدام الكرياتين يذيد من الصلع الوراثي ويفضل استخدام شامبو نيزورال لتفادي هذه المشكله
٣-مشاكل في الكلي في حاله قله شرب المياه بشكل دوري علي مدار اليوم فيما لايقل عن ٤لتر
انا تعمدت صياغة الاثار الجانبيه بهذا الشكل لتنبيه المستخدم ولكن فعليا هيا اثار سهل التغلب عليها تماما
⛔️يفضل عدم استخدام الكرياتين للأطفال دون ١٨ عاما والحوامل ومرضي الكبد والكلي
⛔️ما هي اهميه الكرياتين ؟
تكمن اهميه الكرياتين في آليه عمله في الجسم (انا هطلع لايف ان شاء الله اشرح ده بالتفصيل )وبدون الدخول في متاهات بكل بساطه من مصادر الطاقه في الجسم حاجه اسمها ATP ودي بتنكسر منها مجموعه فوسفات فيتولد طاقه وتتحول ال ATPالي ADPومجموعه منفصله من الفوسفات لكي تتحد ال ADPمره ثانيه مع الفوسفات لتكون ال ATP يحتاج الجسم الي ٤دقايق تقريبا من هنا تأتي اهميه الكرياتين اللي بيعمل علي حمل مجموعات الفوسفات وربطها ب الADPوبالتالي تتحول الي عمله الطاقه المطلوبه ال ADP ومع مرور اسبوع أوحد أقصي ٣اسابيع تكون هناك مخازن مليئة بال ATP والتي تمد الجسم بالطاقه فتسطيع كلاعب حديد او عداء مسافات قصيره او لاعب باور ليفتنج تحمل أوزان اثقل والقيام بتكرار اكثر وبالتالي تزيد الكتله العضليه
⛔️تعالو بقي نعرف الكرياتين بيشتغل ازاي في الجسم عشان نعرف مدي أهميته 😉
في ٣انظمه الجسم يقدر يتحصل بيها علي الطاقه
رقم ١_نظام الطاقه الهوائي (Aerobic Energy system )وده بيولد الطاقه ببطيء
رقم ٢_نظام الطاقه اللا هوائي (Anaerobic Energy System )وده بيولد الطاقه أسرع من الهوائي
رقم ٣_نظام الفوسفوچين (Phosphagen Energy system) وده بقي أساس عمل الكرياتين زي ماهوضح حالا
العمله الأساسيه لتوليد الطاقه في الجسم هيا ال ATP ودي اختصارا ل (-Adenosine Tri phosphate ) وهو عباره عن جزيء ادينوسين معاه ٣ مجموعات فوسفات لما بتنكسر احدي روابط ال ٣مجموعات فوسفات عن المركب ده بتنتج الطاقه اللي بتستخدمها في رفع وزن ثقيل بشكل مفاجيء و يتحول مركب ال ATP الي مركب ال (ADP) (Adenosine +2phosphate groups) اللي هو عباره عن الأدينوسين +٢فوسفات فقط وتبقي مجموعه الفوسفات المنكسرة ركز معايا بقي في النقطه 😉 هنا بقي يأتي دور الكرياتين كمكل مهم وضروري جدااا انه بيحمل مجموعه الفوسفات المنكسرة دي ويربطها تاني ب ال (ADP) لكي تتحول الي عمله الطاقه الأساسيه في الجسم اللي هيا ال (ATP) زي ما وضحت
سؤال بيطرح نفسه هنا يعني انت عاوز تقول ان من غير الكرياتين مش هتتولد الطاقه في الجسم 😏🤔؟
هقولك لا هتتولد ولكن هتحتاج وقت اكثر فقط
📛جرعات الكرياتين
فيه طريقتين الأولي انك تحمل الكرياتين بمعني انك تاخد ٢٥ جم كرياتين مونوهيدريت يوميا مقسمه على ٥ مرات كل مره ٥ جم لمده اسبوع فقط وبعدين تاخد الجرعه الثابته ٥ جم يوميا
الطريقه الثانيه (ودي اللي بفضلها خاصه للمبتدئين) انك تاخد ٥ جم يوميا بشكل ثابت ومستمر طول ايام السنه حتي ايام الراحه (طالما بتحافظ علي شربك لكميه المياه المناسبه لجسمك)

علشان تنجح اقرأ البوست دا ⁦❤️⁩💪

حيز الراحة أو منطقة الراحة Comfort Zone عبارة عن الحيز الجميل المريح بالنسبة لكل انسان في الدنيا.. اللي انت متعود تعمله كل يوم بشكل مريح ومفيش أي حاجة بتضايقك فيه.. المكان اللي بتحس فيه بالأمان والراحة وسهولة التحكم في كل حاجة في حياتك.

بداية النجاح في أي حاجة بتعملها في حياتك هو انك تحاول تخرج من حيز الراحة دا لمكان جديد اسمه "الخوف" Fear Zone

منطقة الخوف هتحاول ترجعك دايما لحيز الراحة القديم بتاعك تاني عن طريق انك تفضل تدور على أعذار زي "أنا مش قادر أستحمل" و "أنا بعمل كل دا ليه في نفسي"، حتى لو ثقتك في نفسك كانت قوية هتفضل تسمع آراء سلبية علشان ترجع تاني لحيز الراحة القديم الجميل بتاعك. 😌

منطقة الخوف النفسية دي وقتها مش طويل خالص .. يعني ممكن تستمر أسبوع أو شهر بالكتير، وانت لو استحملت هتكون دي فعلا أول خطوة حقيقة لتحقيق هدفك. 😄💪

يعني مثلا أول أسبوع في الدايت بيكون صعب دايما .. استحمل الوقت القصير دا علشان تدخل في مرحلة أو منطقة جديدة اسمها منطقة "التعلم" Learning Zone 🤔

في مرحلة "التعلم" دي بتبدأ تحدد التحديات والمشاكل الحقيقية اللي ماكنتش مدركها في مرحلة الخوف وتبدأ تتعلم أكتر وتطور من نفسك علشان تقدر تحل المشاكل دي ودا بيخليك تقدر تطور حيز الراحة القديم بتاعك وتتعود على حيز جديد من الراحة.

الدورة دي بتتكرر طول عمرك في أي حاجة بتعملها زي الدايت والشغل وهكذا.. ومع كل دورة من دي بتدخل مرحلة أو منطقة اسمها ال Growth Zone وهي عبارة عن انك تلاقي أهداف جديدة لحياتك وتحقق أحلامك ⁦⁦❤️⁩

ببساطة عاوز تنجح في أهدافك اخرج من حيز الراحة الحالي بتاعك لحيز راحة جديد عن طريق الدورة اللي اتكلمت عنها 💪

‏‎🔥 🚩 مش عارف اجيبهالكم ازاي🚩🔥
مع مفاجآت معبد جيم
🔥🎁عرووووض وخصومات مش موجودة غير عندنا وبس 🔥🎁 من انهاردا إلى ٣١/٣/٣٠٢٠
‏‎تخسيس / قوة بدنيه / كمال اجسام ? فيتنس / كروس فيت / تأهيل بدني لكافة الاختصاصات الرياضية ضمن صالة مكيفة ومجهزة بأحدث الاجهزة الرياضية. 🏋️♀️
‏‎🏅🏅تحت اشراف البطل العالمى ك: امير معبد
‏‎وتدريب ك:احمد معبد
وبالنسبة للسيدات لهم نصيب 🦁 معانا
مش بس هتغيرى شكلك وتنزلى وزنك كمان هتتعلمى مهارات خاصة مش عند اى حد غيرنا لتقوية
الأعصاب /لياقة بدنية /وأنظمة غذائية مع متخصصين
زومبا / ايروبكس/رقص شرقى/مدربة خاصة (بدون برايفت)⬅️
لأننا متخصصون منذ أكثر من ٤٠عاما
يعنى هتخسى هتخسى مع معبد جيم 💪💪

مش بس كدا كما نتميز ونعلن عن خصومات لعملائنا مع معظم الأطباء المشهورين فى جميع التخصصات 🔥💪
‏‎مواعيد خاصة للسيدات ⬅️ من١٠ صباحا إلى ٤ مساء
‏‎ومواعيد خاصة للموظفات ⬅️
‏‎ 💪
‏‎
‏‎
‏‎

‏‎📌 مواعيدنا 24 ساعة
————————————
‏‎العنوان: ميدان الحصرى-ابراج الاميريكية-اعلى كشرى التحرير-مدخل ابن البحر
————————————
‏‎‏‎‏ Facebook: MeabedGym
‏‎‏📞 Call us : 01018671641 خاص للسيدات
‏📞 Call us:01204804889
————————————

💥💥💗🎈عرض خاص ومفاجاه من meabed gym ولفتره محدوده من🎉🎊 19\1\2020 الي 31\1\2020 1-اشتراك شهر واحد فقط ب 350ج وعليه شهر هديه 2- اشتراك 3 شهور ب 800ج وعليهم 3 شهور هديه 3- اشتراك 6 شهور ب1300ج وعليهم 6 شهور هديه 4- اشنراك سنه12شهر ب2000ج وعليهم سنه 12شهر هديه وانتظرونا دايما بمفاجات تانيه كتييييييييييير هتلاقيها عندنا وبس ف meabed gym العنوان- ميدان الحصري-ابراج الامريكيه-اعلي كشري التحرير للاستعلام- 01092092275 ك/احمد معبد🎊🎁🎁🎈❤️💥

الغمر بالماء البارد ممكن يقلل الحجم العضلي !

🔰دراسه لسه طالعه جديد من يوم في (the journal of physiology) 2019
غمروا رجل اللعيبه في ماء بارد حوالى 8 درجات - لمده 20 دقيقه و الرجل التانيه في ماء عادي 30 درجه
لقوا انه ( بيقلل ) تخليق البروتينات في العضلات ( MPS ) و بتقلل قدره العضلات على استيعاب البروتين و الاحماض الامينيه

🔰 استخدام الغمر بالماء البارد ( بعد التمرين ) ولمده او بكثره ممكن :
1/ يقلل الاشارات البنائيه
2/ يقلل تخليق البروتين في العضلات
3/ يقلل الحجم العضلي
4/ ياثر بالسلب على القوة العضليه

الصيام المتقطع مش سحر لخساره الدهون

🛑فيه دراسه سنة 2017 .. قارنت بين نظام ( تقليل السعرات ) و بين ( الصيام يوم ) بنفس السعرات الحراريه
الدراسه استمرت لمده 12 شهر ( سنة كامله ) .. المجموعتين عاملين نفس العجز في السعرات الحراريه .. وبياخدوا نفس الكميات

◀️النتيجه .. مفيش اى فرق في (خساره الوزن ) بين المجموعتين

https://www.ncbi.nlm.nih.gov/pubmed/28459931

🔰وده من أحد الادله ان الصيام مش اداه سحريه لحرق الدهون ولا حاجه .. هو مجرد وسيله مساعده او منظمه ليك عشان تنظم سعراتك واكل
🔰فيه ناس الصيام هو اللى بيساعدهم انهم يبطلوا اكل .. و فيه ناس تانيه بتحب تقسم وجبتها و الصيام ممكن يعملها هبوط

🛑العبره في الاخر هو بالسعرات الحراريه …
لو جسمك محتاج 2000 كالوري عشان وزنه يفضل ( ثابت ) و انت عملت صيام متقطع و اكلت 2500 كالوري … وزنك هيزيد ! رغم انك عملت صيام
وده لانك اكلت ازيد من سعراتك الحراريه
🔰فمهم جداً تحسب سعراتك و تحدد كميات اكلك سواء كنت هتعمل صيام متقطع او هتعمل دايت عادي جداً

🛑طب انا عملت صيام متقطع وخسيت بدون حساب سعرات ؟!
ده طبيعي جداً .. بعد لما كنت بتاكل مقليات و سكريات على مدار اليوم و مدي بطنك 20 ساعه اكل .. فلما تيجي تحط نفسك في 16 ساعه صيام .. و قدامك 8 ساعات يادوب تاخد وجبتي
فاكيد هتاكل بتاع 1200 - 1600 كالوري .. فاكيد وزنك هيقل و هتخس ..
🔰لو طبقت نفس الكالوريز على الدايت العادي هتخس نفس المقدار بردوا .. الفكره انك مش بتحسب سعراتك

🛑التمرين و الصيام المتقطع …
عملت بوست مخصوص عنه هنا .. و قلت ان ممكن الصيام ياثر على جود التمرين http://bit.ly/34AK65n

🛑 بعض مميزات الصيام ...
فيه دراسات لقت ان الصيام ممكن يبقي ليه ميزات تانيه زي ( تقليل الالتهابات - تقليل ضغط الدم - تقليل ال LDL - ممكن يبقي مفيد للوقايه من بعض امراض القلب - ممكن يبقي مفيد في تثبيت الكتله العضليه - ممكن يعلي ال REE بسبب norepinephrine .. )

https://www.ncbi.nlm.nih.gov/pubmed/17374948
https://www.ncbi.nlm.nih.gov/pubmed/17929537
https://www.ncbi.nlm.nih.gov/pubmed/20300080
https://www.ncbi.nlm.nih.gov/pubmed/10837292

🔰 للعلم الميزات دي تقدر تحققها في الدايت المتوازن بس بشرط انك تبقي فاهم ازاى تدير الدايت بتاعك صح .. لان معظم المميزات دي اتحققت لما الناس خست على الصيام فده شيئ طبيعي

🛑الميزه المنتشره ان الصيام المتقطع بيرفع الجي اتش GH = Growth Hormone و انه بيقلل الانسولين و ده بيفيد في البناء العضلي او الاستشفاء .. ( ميزه مش قوية ) .. رغم انتشارها في الوسط الرياضي ... صحيح فيه كذا دراسه انه بيعلي الجروث هرمون لكن ده على مدي صيام يوم كامل لكن صيام القصير لمده 16 ساعه لسه محتاجين دراسات اكتر

وهل الارتفاعات دي تقارن بالارتفاعات في الجي اتش اثناء النوم مثلا او فعاله في تحسين الادء في التمرين ؟! لا

🔰 الدراسات الى ذكرتها عل الناس اللى بتتمرن و هم صايمين دليل قوي انه الجي اتش لم يحسن اى داء او اوزان او استشفاء افضل .. لان كل كميات الجي اتش الطبيعيه المفروزه ضعيفه خصوصاً ان عدد ساعات الصيام مش طويله ..

🔰الاهتمام بجوده النوم و عدد ساعات النوم اهم في الاستشفاء من اهتمام بمستويات الجي اتش على مدار اليوم او بعد التمرين
https://www.ncbi.nlm.nih.gov/pmc/articles/PMC297368/
https://www.ncbi.nlm.nih.gov/pubmed/4302913

الاوزان الخفيفه - العدات الكتيره .. وعلاقتها بالتعب و الارهاق ( دراسه جديده )

🔰الاوزان الخفيفه - عدات كتيره .. بتسمي Low Load - High Reps و كنت كاتب عنها موضوع
وانها تقدر توصلك لنفس ( الحجم العضلي ) بتاع الاوزان التقيله لكن مش نفس القوة العضليه
وعملنا عليه بوست شامل بالدراسات وازاي تقدر تدمج بينهم .. تقدر تشوفه هنا http://bit.ly/34aJPFH

🔰طلعت لينا دراسه جديده .. منشوره 2019 في ( International Journal of Sports Medicine ) المصدر هنا http://bit.ly/2PRgj24

◀️لقت ان الناس اللى لعبت ( عدات كتيره 25-30 عده - اوزان خفيفه للانهيار ) حسوا ( بعدم رااحه discomfort - تعب و جهد مبذول أكثر more effort ) مقارنه بالاوزان المتوسط عدات 8-12 اللى حسوا براحه و سعاده في اداء التمرين

◀️تعليقي : ان الدراسه دي فعلاً واقعيه .. ناس كتيره مش بتحب تلعب عدات كتيره اوزان خفيفه للانهيار .. لانها بتاخد منه وقت طويل - بيحس فيه تعب وارهاق أكثر .. ممكن متبقاش ممتعه لبعض الناس
◀️لكن خلينا ناخد بالنا ان الدراسه كانت على ( تمارين مركبه ) زي bench press, squat on a hack machine, and lat pulldown
وبصراحه رخم جداً (متعب جداً ) اني ادخل 25 -30 عده بنش بريس بوزن خفيف ! و كمان اسكوات و سحب عالى و هاك اسكوات .. و بتالى الموضوع هيبقي مختلف شوية في تمارين العزل
◀️بعض الناس ممكن تحس بمتعه اصلاً في انه يلعب تمارين العزل ( عدات كتيره ) انا ممكن العب تفتيح صدر على الكابل ( 20-25 ) عده و بيبقي بالنسبه ليا ممتع لكن لايمكن ادخل بنش بريس 25 عده

◀️فالنتيجه منطقيه … وده للاسف واقع بشوفه كتير في الجيم .. بعض الكباتن اللى بتدخل الناس تمارين حره مركبه باوزان خفيفه وعدات كتيره .. و المتدرب مش مبسوط و لا مرتاح للتمرين

🔰 نقطه كمان و هي ( الانهيار ) الوصول للانهيار ساعات بيبقي مزعج و متعب جداً عن بعض الناس
وده اللى بنقدر نشوفه في دراسه حديثه 2019 منشوره في ( Scandinavian Journal of Medicine & Science in Sports ) المصدر http://bit.ly/2PSf42B
قارنوا مجموعتين بيلعبوا ( One Leg Ex. ) مجموعه بتوصل للانهيار بنظام ال BFR و المجموعه التانيه مش بتوصل للانهيار بنظام ال BFR بردوا
لقوا الاتنين زاد حجم عضلاتهم عادي .. لكن المجموعه اللى وصلت للانهيار حسوا بتعب و عدم راحه أكثر