Abd_ellatef wahshny

ولو رجع الزمن مرة
ولو رجع ٢٠٠ مرة
مكنتش هتردد ولا مرة
وهحبك
ولو كل نصيب العالم اجتمع ضدى على بُعدك
هرجع برضو واقول بحبك🖤

مش زعلان
ولو على الخسارة فا كسبت نفسى
اه كسرتى قلبى
واه بكيت عليكى
واه كنت بشوف الدنيا بعنيكى
واه كنت بحبك وكنت فى حبك سلطان يبيع الدنيا
لأجل تجمعنى لحظة بيكى
مش زعلان
مش زعلان لكن ندمان على الوقت اللى ضاع هدر
على القلب اللى حبيتو وهجر
على اللى قالى فى يوم بحبك ولما حبيتو واتعلقت بيه فجر💔

ملعونة حياتى علشان سمحت
انك يوم تدخلى فيها
عملتلك ايه بس يا قلبى
علشان تفضل تبكى عليها
انساها وعيش زى ما عاشت
واكرها بشكل مفيش زيو
وانسا امانك ليها وقت ما خافت
ده قضاء ربك ولعلو
يكون الخير فى بعادها ونعيش بعديها
وعارف انو كلام فاضى
ولا هعرف انسا ولا هعرف اكره
ولاحتى هعرف اعيش بعديها
وهفضل العن فى الايام
لحد ما ابطل ابكى عليها💔

قالولى لو لقيت شخص يسندك يوم امسك فيه وتبت
قولتلهم انا عندى اصحاب يسندو الايام
وبوجودهم الخير ينبت
بتذيد معاهم الضحكة وتبقى صافية
بتحلا الدنيا بيهم وبتبقا دافية
اصحابى يا اجدع خلق فى الدنيا
يا نور وضى لعنيا و سند ليا وقت ما اميل
يا احسن ناس وقت ما بقع ليا تشيل🖤🖤

ليه داما ببقا و مبتخلاش
استنيت كتير الحب
وحتى الحب برضو مجاش
حتى الحب مطلعش ليا منو نصيب
حبيت الكل وكل اللى بحبو بيبعد ويغيب
كنت بسيب حالى وعنى بغيب بس عمرى ما اسيب حد حبيتو
وكل اللى بيدخل حياتى بكون ليه شايلة وبتحمل
وبكون ليه اهلو وناسو و بيتو
🖤

ولو رجع الزمن مرة
ولو رجع ٢٠٠ مرة
مكنتش هتردد ولا مرة
وهحبك
ولو كل نصيب العالم اجتمع ضدى على بُعدك
هرجع برضو واقولك بحبك
🖤🖤

اى شئ ليه طاقة..
ولازم لأخر فى كل علاقة..
هرد على البُعد بالبُعد..
ومش هسمح لنفسى اندم كمان مرة..

#كرهتها
وبيسألونى ليه كرهتها
تفتكرو لو فى يوم كان قلبها هو اللى بادء
تعالو نبدل المواضع
تاخد مكانى واخد مكانها
هل..كانت هتسأل كل يوم وتستنى سؤالى
هل..كانت هتشغل دماغها ياترا ايه دلوقتى حالى
كانت هتسهر تفكر فيا
تنام وتقوم عليا
وتتبنى حياتها بيا
هل..كانت هتتمنى تعيش عشانى
نفسها تشوف حنانى
هل كانت هتكون مكانى
تقريباً كده القلب اللى بادء
بيكون دايما هو القلب المكسور
بيعيش باقى حياتو فى ضلمة
وبيفارق النور
مجبور
علشان حب حد محبهوش
نام صحى صبح ملك شخص بغير ارادتو
غريب جداً القلب ده
بيمشى لناس هو عارف ايه مصيرهم معاه
بيخلق كدبة وبيجبرك تصدقو
بيسحبك لموجعة عاليه بثقة
وهو عارف انكم هتغرقو
وخلانى احب واحدة
واجبرنى اشوف مشاعر زايفة
فين حبها دلوقتى وهى بتقولى خايفة
خلانى حبيت واحدة
مشاعرها مع الوقت اتبدلت
مشاعرها انطفت
مشاعرها اترمت
مشاعرها ماتت
مشاعرها اختفت
حبها راح
او اساسا مكانش من البداية
مقدرش اأكد اذا كان نابها من الحب نصيب
ودلوقتي شايفة الويل من بعدى
بس ازاى وهى اللى اختارت بوعدى
هى اللى قالت نبعد شوية عن بعض
وسايبانى لوحدى ادوق عزاب البوعد
وهى بتضحك فى بوعدى عادى
يبقى حبيت لوحدى
ويمكن حبت هى كمان
بس مكانش مكتوب لحبنا حياة
وبكدة يبقى ده النصيب ولازم نأمن بيه
ولا يمكن كانت عارفة
ما هى كانت باصة وشايفة
وكان كل قرار للعلاقة خارج منها
لوقا هى اللى قايلة
فراق هى اللى قايلة
وكنت انا اللى شايل مش هى اللى شايلة
كنت مستحمل علشان كان نفسي اكمل
بس زى ما قلبى جبرنى احبك
عقلى هيجبرنى انساكى
وخلاص هيخلى قلبى يقولها وبكل فخر
انو أخيراً مبقاش فارق معاه وجودك
و انو حط خط مابينو وبين حدودك
وانو خلاص مش هيقدرك
ودلوقتى بس اقدر اقولها وبكل حب وكل راحة
انى خلاص مابقيتش احبك
او انى بقيت #بكرهك
🖤🔥

انا نقطة سودة وسط بياضكم⚪
انا الحسنة وسط سيئاتكم👌
🖤🔥

من فترة افترقنا وكل واحد راح لحالو
كان انتهى الموضوع بالنسبة ليكى
بس بالنسبالى لسه
قولت اسيبها فترى تهدى
شوية ويمكن نرجع تانى زى الاول ويمكن اكتر
ندى بعض فرصة نوحش بعض
ولحد دلوقتي نسيانى
ومن اول يوم غياب ليكى واحشانى
فى كلام كتير عايز اقولهولك
بس فى حاجات تانية اكتر منعانى
كونك بتوحشينى وانا مبوحشكيش
فهمينى ازاى
هو انا بس اللى حبيتك وانتى محبيتيش
بيغلبنى لوحدى الشوق ومبيغلبكيش
معداش طيفى من جنبك
مدقش حبى يوم على بابك
صابنى بس الحزن ولا صابك
مبتسهريش الليل ولا باجى على بالك
طيب قولتيلى ازاى بحبك فهمينى
لو بتمثلى عليا الدور فا براڤو اقنعتينى
استاذة فى التمثيل
دكتورة فى الكدب
بتتسلى بيا ليه شايفانى حبة لب
قولتلك انى بحبك وبيكى بعيش
اترجيتك تفضلى ومتبيعيش
متسيبيش قلبى اللى حبك
زلتينى لما اتأكدتى انى عشقتك خلاص
اتكبرتى عليا وبدء يقل بالتدريج حبك
كنت اهبل وعبيط وكان بيزيد فيكى حبى
من يوم ما مشيتى مشيت معاكى حاجات كتير
اهتمامى بالناس وخوفى انى اخسرهم
بقيو شئ عادى بالنسبالى
وبقيت عادى ابعد واخسرهم
علقتينى بيكى ليه ما دومتى عارفة انك ماشية
سهرتينى معاكى ليه وانتى حاطة للموضوع اخر
مش هجمل واكمل وهجيب من الاخر
اترجيتك كتير من بعد ما مشيتى تفكرى فى الموضوع تانى
طلع عادى بالنسبالك جرحى وعادى اعيش وحدانى
اى شئ ليه طاقة
ولازم لأخر فى كل علاقة
هرد على البُعد بالبُعد
ومش هسمح لنفسى اندم كمان مرة
ندمت مرة على حبك
فا اعتبرينى خلاص بطلت احبك
وان قلبى رمى أخيراً طوبة قلبك
وانى خلاص وانى تمام
وان معادش لحبك فى قلبى مكان
وانى عرفت خلاص ارجع امشى لقدام
وان حبك هو اللى كان جايبنى لورا
وان قلبى اللى عاش طول عمرو مكبرك
خلاص بطل يقدرك
هابين قدام العالم انك بقيتى بالنسبالى عادى
و انى أخيراً بطلت احبك
او
🖤🔥
متنساش اللايك لو عجبتك
وكومنت برأيك 🖤

قصيدة جديدة بكرة 🖤🔥
تفتكرو هتبقى حزن وكأبة برضو ولا هغير المرة دى😂💔

🖤🔥
دمرتينى....
حلفتى انك باقية ومش ماشية
وان عمرك ما هتعيشى من غيرى
وعدتى بتكملة المشوار وحلفتينى افضل
وبيكى علقتينى
وفى الاخر مشيتى وسيبتينى
جرحتينى وببعادك كسرتينى
يامه قولت فى حبك شعر
ويامه سهرتلك الليل
لقيتينى ماسك فى حبل حبك ومتعلق
رخيتى الحبل من عَندك
عَاندت عِندك
واهتميت اكتر رميتى حبلك خالص
طيب ما كان بناقص
بناقص حبك ليا من الاول
مش جيت فى مرة وقولتلك بلاش من دلوقتى نكمل
وقولتى لا
لا يمكن ابداً اكون غير معاك
ولا يمكن عينى تشوف سواك
طيب مشيتى ليه فجأه
ليه جرحتينى
ليه كسرتينى
ليه تزهقى وتقتلينى
زنبها ايه المخده تشرب دموعى كل يوم بالليل
زنبها ايه النجوم تسمع شكوتى ل الليل
زنبو ايه قلبى
بعد حبك يشوف بُعدك
بيقولو بعد كل جرح بيموت من قلبنا جزء وانا خلاص معادش جوايا اماكن حتى للجروح
فا خلاص ولا انتى ولا غيرك والحب بالنسبالى بقى ممنوع
اتحرق قلبى مرة ومصدقت نارو هديت ومفيش احتمال ل رجوع
خليكى فاكرة ان لكل حرق علامة دايمة مبتختفيش
جرحك ليا معلم جوايا ومبيتنسيش
وخليكى فاكرة ان الجرح بالجرح والحزن بالحزن والبادء اظلم
وهيجى يوم واخد بتارى وساعتها متزعليش
ياستى ياريتنى فى حياتك مدخلت
ياريتنى بيكى متعلقت
ياريتك فى الاساس ما جيتى
اويتك وقت ما بكيتى
وفى وقت حزنك احتويتك
ما عقلى قالى الحب كدبة
ياريتنى صدقتو ورميتك
بس قلبى مطاوعنيش
قالى انك باقية وفكرنى بوعدك ليا
ومن ندمو دلوقتى مش فاكرلك غير جرحك فيا
داويت الجرح الخارجى بس النزيف كان داخلى
بيقتل فيا كل ما افتكرك
ياستى ياريت اموت بس ما اعيش وافتكرك
وجعى كبير وجرحى اليم محدش هيحس بيه غيرى
ومين هيحس بيك غيرك
طول ما انت كاتم جواك قافل على نفسك باب اوضتك
مبتتعرفش فى المرايا على انعكاس صورتك
انعكاسك فى المرايا غرقان دموع
ومخدتك تقلت
اكتسح السواد تحت عينك
مبتتكلمش غير بينك وبينك
وجعك مش باين لحد غيرك
الموت ليك هيبقى المنقذ الوحيد من عذاب الفراق
نفسك تنسى الماضى اللى فات
بس ازاى وانت عايش على الذكريات
مش قادر تنسى شخص اذاك
عايز تنساك
فى كل خطواتك ذكرا ليهم معاك
يا اخى ياريت تموت ولا تفضل عايش
مش عارف تنساك.

🖤🔥
لايك وكومنت برأيك
ومتنساش الشير لو عجبتك🖤

بإذن الله دى هتبقى صفحتى على الفيسبوك اللى هنزل عليها بعد كده قصايد الشعر بتاعتى والڤيديوهات والشغل بتاعى كلو
ادعولى بالتوفيق 🤲🖤
وإن شاء الله محتوايا هيعجبكم👌🖤