Dr Hazem Raafat

عيادة دكتور حازم رأفت
استشاري طب الأطفال وحديثي الولادة
تهنئكم بشهر رمضان المبارك
أعادة الله علينا بالخير و البركات

عيادة دكتور حازم رأفت
استشاري طب الأطفال
تتمنى لكم عام جديد
يحمل الخير و التفاؤل
دمتم في حفظ الله
‏hazemkidscareclinic

حشرات الشعر تمثل حاله من التوتر و الرعب في اي بيت.
يمكن لان وجودها مرتبط في ذهن الناس بقلة النظافة و عدم العناية الكافية بالطفل.
لمس الطفل لشعره بيد غير نظيفة لا يسبب انتقال حشرات الشعر.
الحقيقة هي بتكون عدوى ذي أي حاجة تصيب الطفل في مرحلة ما قبل الحضانه و مرحلة التعليم الاساسي.
ممكن تنتقل عن طريق استخدام فرشة شعر من شخص مصاب إلي الطفل أو النوم مكان طفل مصاب أو تلامس شعر الطفل مع شعر شخص مصاب.
تحتاج إلي علاج جميع افراد المنزل مع ضرورة غلي جميع المفروشات التي تلامس شعر الطفل.
تحتاج إلي الكشف مع طبيب متخصص للتفرقة بين حشرات الشعر و قشر الشعر العادي و الفطريات التي تصيب فروة الرأس.

١)تشتت انتباه الأطفال و عدم تركيزهم في المذاكرة له اكتر من سبب.
٢)عادة الأم أو الأب عايزيين حل للمشكلة من الآخر و أسهل حاجة هي (اكتبلنا يا دكتور علاج يساعدة على التركيز) دون الرجوع إلي الأسباب اللي عملت كده.
٣)الطفل بطبعه بيحب الحركة و الانطلاق و علشان نخليه يغير من طبيعته الحركية الي طبيعه اقل حركية و جلوس فترات للمذاكرة مش حاجةً سهلة.
٤)النوم في موعد ثابت و تنظيم مواعيد الأكل مهم جدا في تحسين القدرة العقلية.
٥)محاولة تقسيم المواضيع الكبيرة الي عدة مواضيع صغيرة و الاعتماد على المؤثرات البصرية ذي الأشكال أو الفيديوهات التوضيحية.
٦)اختيار موعد مناسب للمذاكرة يعني لازم يكون الطفل مش مجهد بدنيا يعني مش بعد مايكون الطفل صحى ٦ الصبح و راح المدرسة و رجع الساعه ٣ او ٤ و عنده بعد كده تمرين عايزاه يرجع يحل واجب الرياضة اللي محدش فهمه.
٧)عدم اللجوء الي التوبيخ اللفظي أو الجسدي لانه بيخلي الطفل يتمادى في عدم تركيزه و يجيله ما يسمى mental block.
٨)لازم برده الأب و الأب يكونوا منظمين لان ده بينعكس مباشرة على الطفل.
٩)إعطاء ڤيتامينات تحتوي على مادة الأوميجا يساعد على تحسين الكلام و الذاكرة و التركيز بشكل عام.
١٠)مهم جدا اننا نتأكد إن الطفل مش بيعاني من أي تشنجات عصبية ما تسمى بنوبات الغياب و هي إن الطفل أو الطفلة بيكون في عالم آخر فعلا مش سامع أو حاسس بحاجة لمدة من ١٠ ثواني الي ٣٠ ثانية و بعدها بيسترجع وعية و مش فاكر أي حاجه ولا إن كان في حد بيكلمه.ده بيحتاج عمل مجموعة من الفحوصات اهمها طبعا رسم كهربا المخ في المراكز المتخصصة.

*ڤيتامين ( د ) مهم لجميع المراحل العمرية.
*نقص ڤيتامين ( د ) شائع حدوثه في الأطفال لعدم التعرض إلي أشعة الشمس فترة كافية.
*لبن الأم يحتوي على كميات بسيطة جدا من ڤيتامين (د ) لذلك يتم إعطاء نقط ڤيتامين (د ) بعد الولادة مباشرة.
*نقص ڤيتامين (د ) يؤدي إلي اضطراب في مستوى الكالسيوم بالدم ينتج عنه لين و تقوس بالعظام و تأخر بالمشي.
*يعاني الأطفال من عدوى الجهاز التنفسي المتكرر و التهاب الأذن الوسطى في حاله انخفاض مستوى ڤيتامين ( د ) بالدم.
*التعرض إلي أشعة الشمس من الساعة ٩ الي ١١ صباحا /من الساعة ٤ الي ٦ مساءا مهم جدا لتنشيط عملية تكوين ڤيتامين ( د ) بالجسم.

تلون البول باللون الأحمر بيعمل حالة من الخوف و التوتر عند الأم أو الأب.
عمر الطفل بيحدد بنسبة كبيرة القرار اللي بياخذه طبيب الأطفال.
لو طفل أقل من ٦ شهور لازم يروح أقرب مركز أو مستشفى طواريء للتأكد من عدم وجود انيميا أو أماكن آخرى بها نزيف.
لو عمره أكبر من كده التحاليل بتلعب دور مهم جدا في معرفة السبب خصوصا تحليل البول اللي بيقولنا هل فعلا في دم في البول ولا لاء و السبب فين.
مهم جدا نكون متأكدين إن السبب فعلا من مجرى البول مش بسبب جرح سطحي في الجلد أو بسبب جرح في منطقة الشرج.
بعض العلاجات و الإكثار من أكل البنجر يؤدي الي احمرار لون البول.

هو تحليل يتم عمله من كعب القدم للأطفال حديثي الولادة للكشف عن اختلال افراز هرمون الغدة الدرقية.
بيتعمل في مكتب الصحة يوم السبت والثلاثاء من كل اسبوع و قبل مرور ٧ أيام من الولادة.
مهم جدا لان نقص هرمون الغدة الدرقية يؤدي إلي اضطرابات في النمو العقلي الخاص بالطفل حديث الولادة.
مؤخرا تم إضافة تحليل أمراض التمثيل الغذائي مع تحليل الغدة الدرقية في نفس اليوم.

# ڤيروس الانفلونزا الموسمية من الڤيروسات المسببة لنزلات البرد المختلفة و التهاب الشعب الهوائية للأطفال بصفة عامة و الأطفال المصابين بحساسية الأنف و الصدر و ناقصي المناعة بصفة خاصة.
# ينشط ڤيروس الانفلونزا في فصل الشتاء.
# التطعيم هدفه رفع درجة مناعة الطفل لڤيروس الانفلونزا فقط وليس منع نوبات البرد المختلفة في فصل الشتاء.
# يحتوي التطعيم على ٤ فصائل من ڤيروس الانفلونزا المتحور المتوقع انتشاره في فصل الشتاء من العام الحالي.
# مسموح إعطاءه للأطفال بعد عمر ٦ شهور و لاتوجد دراسات على من هم اقل من ذلك.
# التطعيم في صورة حقنة عضلية بالفخذ أو الكتف حسب عمر الطفل / الطفلة.
# لا يتم إعطاء التطعيم في حالة وجود ارتفاع في درجة الحرارة أو في حالة وجود حساسية لإحدى مكونات التطعيم.

النخالة البيضاء تصيب الأطفال في مراحل العمر المختلفة .
ممكن تيجي في البنات و الأولاد عادي.
ملهاش أي علاقة خالص بنقص الحديد ولا بنقص الڤيتامينات ولا عدم أكل الخضروات.
الفحص الطبي يساعد في التفرقة بينها و بين البهاق و التينيا الملونة.
#

وجع في رجلي يا ماما ممكن تضغطي عليها علشان تخف.
ده جملة مشهورة في العيادة.
بس في مشكلة إن عادة الأم و الطفلة أو الطفل مش بيكون قادر يحدد مكان الوجع فين بالظبط و مش بيكون قادر يحدد مده زمنية لبداية المشكلة.
طبعا مع استشارة أهل الخبرة ذي الأقارب أو الصيدلي أو فني المعمل بيستقر التشخيص على روماتيزم بالعظم علشان كان بيجيله ادوار التهاب باللوزتين كتير و يعملوا أشهر تحليل في المعامل على الإطلاق و هو تحليل سرعة الترسيب والحقيقة ده آخر سبب ممكن طبيب الأطفال يفكر فيه.
هو الوجع ممكن يكون سببه ايه؟؟؟؟
من أهم الأسباب هي الشوكة العظمية بكعب القدم و بتعمل وجع غير محتمل و يتم تشخيصها بعمل أشعة عادية على كاحل القدم.
في أسباب تانية كتير يتم تحديدها بالكشف عند طبيب الأطفال و طلب الفحوصات و التحاليل اللازمة.

لا تخلو طواريء أطفال أو استقبال مستشفيات أطفال من طفل أو طفلة وقع على راسه.
يرجع إلي زيادة حركة الأطفال بصفة عامة في السن ده و كمان يرجع الي قلة خبرة من الأهل اللي ممكن يسيبوا طفل على السرير أو كرسي أو كنبه اعتقادا منهم إنه مستحيل يقع.
لذلك بقول أي أم/ أب عندهم طفل عمره أقل من سنه وعينهم مش هتكون عليه للحظات بسيطة (أثناء الرد على تليفون / استخدام الحمام / الصلاة/ غسيل الأيدي) أفضل شيء انهم يحطوو الطفل على الأرض.
طيب بفرض إن الطفل وقع خلاص على راسه نعمل ايه في البيت ننزل نكشف بيه ولا نستنى شوية؟؟؟؟؟؟!
انزل اكشف بالطفل في الحالات الآتية:
١)عمره أقل من سنه.
٢)وقع من ارتفاع ٣ متر.
٣)وقع من ارتفاع ضعف طول الطفل.
٤)فقدان للوعي.
٥)نوبات قيء متكررة.
٦)تشنجات عصبية.
٧)عدم القدرة على استرجاع الأحداث قبل و بعد السقوط و ده بيكون في الأطفال الكبار شوية.
٨)أي طفل عنده مشكلة في عوامل التجلط و السيولة بالدم.
٩)أي طفل عامل جراحة بالمخ.
١٠)صداع مستمر بعد حدوث السقوط.
١١)حدوث جرح قطعي بالرأس أكبر من ٥ سم.

الحمى التيفودية من الأمراض التي تصيب الجهاز الهضمي للأطفال باختلاف اعمارهم.
فترة حضانة الميكروب من ٣ أيام الي ٦٠ يوم.
تظهر الأعراض بعد اسبوع الي اسبوعين من الإصابة بالميكروب.
الأعراض مشابهه للنزلات المعوية التقليدية ( ارتفاع في درجة الحراره/ قيء / اسهال/ ألم بالبطن / احمرار بالجلد في منطقة الصدر).
بعض الأطفال تحتاج إلي محاليل وريدية في وحدات الطواريء في حال حدوث جفاف.
مهم جدا تشخيصها مبكرا لأنها تؤدي الي التهاب بالكبد / التهاب بالمفاصل / التهاب بالبنكرياس.
مزرعة البراز مهم جدا لتشخيصها و ليس تحليل البراز العادي.
تحتاج الي مضادات حيوية لفترة من ٧ ايام الي ١٤ يوم ولا يوجد دور لمطهرات المعدة العادية المنتشرة التي تعطى بدون خبرة.
النظافة الشخصية / تطهير الأيدي / غسيل اليد قبل تناول الطعام أو الشراب / عدم تناول الوجبات السريعة خارج المنزل بصفة متكررة / ضرورة غسيل اليد بعد الخروج من دورات المياه أو التغيير للطفل / التأكد من خلو العاملين في مجال الطعام من ميكروب التيفود عن طريق عمل مزرعه البراز بصفة دورية من أهم طرق الوقاية والحفاظ على صحة اطفالنا.

ليه فحص الأذن مهم؟؟؟؟

فحص الأذن مهم جدا لان في مشاكل كتيرة ممكن اكتشفها بمجرد فحص أذن الطفل بواسطة منظار الأذن:
١) أي طفل بيشتكي من حرارة خصوصا لو عمره أقل من سنه ممكن مع الفحص نلاحظ التهاب في طبلة الأذن و ده يطلق عليه التهاب أذن وسطى و طبعا عدم علاجه يؤدي الي ارتشاح بالأذن الوسطى و ضعف بالسمع.
٢)في اطفال بيكون عندها شمع بكميات كبيرة.
‏٣)swimmers ear ده عدوى بكتيرية بقناة الاذن بسبب تراكم الماء داخلها خصوصا أثناء ممارسة رياضة السباحة علشان كده لازم تنشيف الأذن أو ارتداء واقي الأذن.
٤)بعض الأطفال ممكن تحط خرز /ورق داخل الأذن و بعض الحالات ممكن ألاقي حشرات وتكون شكوى الطفل مجرد هرش بالأذن.

عيادة دكتور حازم رافت استشاري طب الاطفال و حديثى الولاده و تغذية الاطفال تهنأكم بعيد الأضحى المبارك أعاده الله علينا بالخير و اليمن و البركات . يتم استئناف العمل بالعيادة يوم الأربعاء من الساعة ٦ الي ٩ مساءا دمتم في رعاية الله. يتم التواصل عن طريق التليفون الأرضي و الحجز بأسبقية الحضور.

ابنك صوته عالي.
مش بيرد عليكي حتى و هو قاعد في مكان هادي مش مشغول باللعب.
دايما صوت التلفزيون عالي و بيقرب منه.
في المدرسة على طول مش مركز.
الكلام عنده متأخر.
كل ده علامات لضعف السمع عند الاطفال و من اشهر اسبابها التهاب الاذن الوسطى من ادوار البرد المتكرره او الحساسية الانفية او تضخم اللحمية.
لو الطفل كبير شوية ممكن يشتكي و يقول انه مش سامع كويس لكن في الاطفال اقل من ٤ سنوات صعب شوية انهم يعبروا علشان كده لازم الاهل يكونوا على درجه عالية من الوعي ويلاحظوا اطفالهم في المواقف اليومية المختلفة.
ضغط الأذن و رسم السمع من أهم الفحوصات اللي بطلبها لأي طفل لو في شك بسيط انه مش بيسمع كويس لان الموضوع بيأثر على الطفل نفسيا و علميا و بيخليه مادة خصبة للتنمر.

بلاش نضغط على الطفل أو الطفلة و نخليهم ياكلوا بالعافية لإن ده بيسبب عقده و كراهية للأكل بصفة عامة.
هل معنى كده اننا نسيبهم من غير أكل ؟؟؟؟ لاء طبعا بس بلاش نخلي محور اليوم كله في الأكل وإن لو الطفل مكلش تبقى مشكلة كبيرة. احنا بناكل علشان نعيش مش بنعيش علشان ناكل.
١) الطفل جواه طاقة لازم يخرجها علشان يبدأ يحس بالجوع يعني لو طول اليوم قاعد في البيت مش بيتحرك أو دائم اللعب بالتليفون أو مشاهدة التلفزيون معدل الحرق الخاص بالجسم هيكون قليل و بالتالي مش هيجوع فعلا .
٢)لو الطفل بقالة فترة مش بيشوف حد أو أطفال في نفس سنه بيدخل في مرحلة زهق و اكتئاب زي الكبار بالظبط و مش بيحب ياكل.
٣)لو الطفل نومه مش مظبوط بيسهر كتير و بيصحى الساعه ٣ أو ٤ العصر برده مش هياكل لإن حصل خلل في الساعة البيولوجية للطفل.
٤)إعطاء الطفل وجبات نشوية أو حلويات أو كيك بصفة دورية بيقلل الشهية.
٥)الاكثار من شرب العصائر و اللبن على مدار اليوم بيقلل الشهية.
٦)في طفل ميقدرش ياكل وجبات (فطار ،غذاء ، عشاء) لكن بيحب يلقط على مدار اليوم كميات صغيرة على فترات متقاربة ده طفل طبيعي معندوش مشكلة.
٧)نحاول نركز على الأكل اللي طفل بيحبه وبلاش نحاول نخلية ياكل من الأكل اللي حضرتك عملاه لإن الطفل له شخصية ومن حقه يكون له رأي في الأكل اللي بياكله لإن أكيد حضرتك أو جدته أو باباه في أكل مش بتحبوه.
٨)مفيش مانع ان الطفل ياخد ڤيتامينات يوميا كعامل مساعد مع الأكل.
٩)آخيرا بلاش مقارنات مع أطفال آخرى
تابعي نمو طفلك أو بنتك لو وزنها كويس و طولها كويس و معندهاش مشاكل في النمو أو الأسنان مفيش قلق خالص.

دكتور مساء الخير
اهلا بيكي يا فندم
حفيدتي عندها السرة منتفخة شوية؟؟؟
لما تيجي تعيط أو تعمل حمام ألاقيها زادت.
ده باختصار قصة الفتاء السري اللي بشوفة بالعيادة و ده إجابات لبعض الأسئلة :
١)هل ده خطر؟؟؟
لاء
٢)علشان الأم بتسيب البيبي يعيط كتير أو بسبب إنه بيحزق كتير؟؟؟
لاء
٣)هل المستشفى هي السبب أثناء وضع كلبس السرة و قطع الحبل السري بعد الولادة؟؟؟؟
لاء
٤)محتاج تدخل جراحي؟؟؟؟
ممكن يحتاج و ممكن لاء على حسب حجمه و عمر البيبي و وزنه.
٥)هل له علاج طبي ( أدوية /حزام السرة)؟؟؟؟
لاء لكن العلاجات اللي بتستخدم هدفها تقليل ظهوره أو تخلي حجمه ثابت أو يزيد ببطء.
٦)أخو البيبي أو أخته كانوا زي الفل هل ده بسبب اللبن الصناعي؟؟؟؟؟؟
لاء
الفتاء السري سببه ضعف في عضلات البطن و مسألة ظهورة هي مسأله وقت مش اكتر و عدد كبير من الأطفال بيتحسنوا بدون تدخل جراحي.

مساء الخير يا دكتور .
اهلا يا فندم ،
انا جاية النهارده علشان تشوف حل للاستاذ
طبعا الاستاذ ده اللي هو طفل مش باين من المكتب .
ايه المشكلة يا فندم،
عصبي جدا مش بيسمع الكلام وعلى طول مغلبني و مزهقني معاه . اصل يا دكتور باباه برده كده عصبي .
طبعا ده حوار من آلاف الحوارات اللي بتحصل في العيادة.
طيب ايه السبب ؟؟؟؟؟
١)نوم الطفل مش منتظم.
٢)طول اليوم ماسك التليفون أو قدام التلفزيون.
٣)مفيش تواصل بين الأم / الأب و الطفل.
٤)معاقبة بالطفل بالضرب أو بالمقارنة بأطفال آخرى.
٥)التقليل من شأن الطفل في المناسبات العامة.
٦)عدم إعطاء الطفل الفرصة في التعبير عن مشاكلة.
٧)التعامل مع الطفل على انه ملوش شخصية ولسه صغير و مش فاهم و ملوش رأي.
٨)الخلافات المتكررة بين الأب و الأم أو في البيت قدام الطفل بيرسخ في عقل الطفل إن الصوت العالي و الضرب و العصبية هو ده الحل في الحصول على ما يريد.
٩)التنمر و خصوصا في حالة معاناة الطفل من وزن زائد أو قصر القامة.
١٠)البخل في إعطاء الطفل حقه من المدح خصوصا في التصرفات الكويسة و الحميدة.

لو سمحت يا دكتور عايزة اجيب لبن للبيبي و ميهمكش الفلوس المهم يكون حاجة نضيفة.
لو سمحت يا دكتور محتاجة اجيب لبن للبيبي يكون سعره معقول وفي المتناول.
طيب قبل الإجابة، هو حضرتك محتاجة لبن للبيبي ليه؟؟؟؟
بيقولوا إن اللبن عندي قليل/ البيبي مش بيشبع. طيب حضرتك عرفتي منين إنه مش بيشبع .يا دكتور بيعيط على طول كل ماحطه على السرير يعيط ولما اشيلة يسكت طيب بيعمل براز كويس ايوه يا دكتور كتير !! وزنه بيزيد ايوه يا دكتور !! في صفراء لاء الحمد لله الحاجات ده هي اللي بناءا عليها بندخل اللبن المساعد و طبعا لو في مشكله كبيرة عند الأم تمنعها من الرضاعة الطبيعي لذلك ٩٠٪؜ من أسباب ادخال اللبن الخارجي (الصناعي) بيكون بسبب كلام الأم سمعته من زميلتها /جارتها/والدتها/حمتها/قريبتها وكله بيكون بناءا على تجارب سابقة.
طيب هل فعلا في لبن كويس و لبن وحش
الاجابة طبعا اكيد.
طيب ايه افضل لبن ؟؟؟؟؟ طيب هنكتبهم بالترتيب لو فرضنا إن في ١٠ أنواع لبن يبقى رقم واحد الي رقم تسعة هو لبن الأم ثم لبن الأم بعد كده تيجي باقي الأنواع المختلفة للبن الصناعي. طيب في نوع لبن صناعي افضل من نوع ؟؟؟؟ مش هنقدر نقول كده لكن في نوع مثلا للأطفال اللي عندهم ارتجاع و في نوع خالي من اللاكتوز و في لحساسية الالبان و في للاطفال ناقصي الوزن و المبتسرين و في نوع بيقلل من حدوث الغازات و المغص عند الرضع وفي الانواع التقليدية (مرحله اولى و تانية و تالتة) النوع بيحدده طبيب الأطفال المعالج مش الصيدلي ولا دكتور النسا و لا الاقارب لان كل طفل بعد الفحص الطبي و الوزن يتم اعطاءه نوع لبن مناسب لحالته.
مش معنى إن في لبن كويس مع طفل يبقى كويس مع ابنك أو بنتك .
Bestformulaever

الدكتور حازم رأفت/ استشاري طب الأطفال وحديثي الولادة وتغذية الأطفال يهنئكم بحلول عيد الفطر المبارك 🌷

مع تمنياتنا لكم ولأطفالكم بوافر الصحة والعافية👶🏻🌷

ويسعدنا استقبالكم في عيادة الدكتور إبتداءً من يوم الأربعاء ٤ مايو من الساعة ٦-٩ م🌷

للحجز ⬅️ يمكنكم الإتصال بالرقم
01095577490📲
أو عن طريق رسائل الصفحة 📩





#عيدالفطر

أمهات كتير بعد ولاده البيبي بتكون عاملة مجموعة أسئلة لطبيب الأطفال و طبعا واحد من ضمن الأسئلة ده هو ال pacifier أو السهاية أو التيتينه.
من ضمن المعتقدات اللي اتربينا عليها إن التيتينة بتخلي الطفل يتأخر في الكلام أو بتخلي الأسنان معووجة طبعا الكلام ده مش مظبوط لإن الحركة اللي طفل بيعملها أثناء تواجد الpacifier ( التيتينه) في الفم هي نفس الحركة الي بيعملها أثناء تواجد الببرونة الخاصة بالرضاعة و كمان هي نفس حركة الرضاعة من صدر الأم فلو كانت التيتينه بتعمل اعوجاج بالأسنان يبقى كمان الببرونة بتعمل كده و الرضاعة الطبيعي بتعمل كده و طبعا ده عمرنا ماشوفناه خالص.
طيب هل في شروط يجب نتبعها قبل استخدام الpacifier؟؟؟؟؟
١)التعقيم مهم جدا جدا لأنها ممكن تنقل ميكروب للبيبي عن طريق الفم و التعقيم مش معناه ماء و صابون لكن توضع في ماء سبق غلية أو توضع في معقم الببرونات.
٢)يكون في اكتر من واحدة لان المفروض تتغير كل ٤ ساعات.
٣)عدم مسك التيتينه من الجزء المخصص لفم البيبي.
٤)طبعا من الأفضل يكونوا كلهم نفس النوع و نفس الشكل و نفس brand كمان لو ممكن ويكون ليها غطا علشان لو وقعت من فم البيبي تقفل لوحدها.
٥)عادة في الأول هنتعب شوية لحد ما نلاقي نوع مريح للبيبي لان بالظبط شراء تيتينه للبيبي شبه شراء ملابس لشخص انت مش عارف مقاسه و بتجيب وانت و حظك ممكن تجيب هدوم واسعه أو ضيقة كذلك التيتينه ممكن تطلع كبيرة أو صغيرة.
ثبت في المقالات العلمية إن استخدام التيتينه يقلل من معدل نوبات توقف التنفس في الأطفال حديثي الولادة خلال الثلاث شهور الأولى.
طيب يعني من الآخر اعمل ايه ؟؟؟؟؟
لو حضرتك البيبي بتاعك بيرضع طبيعي كويس و بينام معاكي عادي وانت مستحملة و معندكيش مشكلة في الرضاعه فترات طويلة يبقى طبعا بلاش منها.
أما لو حضرتك معندكيش قدرة لفترات رضاعة طبيعية طويلة أو بترضعي لبن خارجي و الطفل طول الوقت عايز الرضاعة علشان ينام لكن مش علشان جوع يبقى طبعا مفيش مشكلة من استخدامها بعض الوقت ومفيش أي ضرر طالما اتبعنا الإرشادات السابقة.

الالتهاب الكبدي الفيروسي (أ) يؤدي الي:
ارتفاع درجة الحرارة ، الشعور بالضيق ، فقدان الشهية ، الإسهال ، الغثيان ، ألم في البطن ، البول داكن اللون ، (اصفرار العين والجلد). تختلف شدة الأعراض من طفل الي آخر.
ينتقل فيروس التهاب الكبد الوبائي أ (HAV) من خلال تناول طعام وماء ملوثين أو من خلال الاتصال المباشر مع شخص مصاب.
يرتبط خطر الإصابة بعدوى التهاب الكبد الوبائي (أ) بنقص المياه الصالحة للشرب وسوء الصرف الصحي والنظافة.
يصاب (90٪) من الأطفال بفيروس التهاب الكبد A قبل سن 10 سنوات.
فترة حضانة التهاب الكبد الوبائي (أ) من 14 إلى 28 يومًا.
يكون التعافي من الأعراض بطيئًا ويمكن أن يستغرق عدة أسابيع أو شهور.
يتوفر تطعيم عبارة عن حقنة عضل بالفخذ لا تتجاوز نصف ملل بداية من سن السنة للاطفال و يتم اعطاء التطعيم على جرعتين بينهم فترة لا تقل عن 6 شهور.

الاطفال من سن ٢ الي ١٠ سنوات هم الاكثر عرضه لنزيف الانف.
الإصابة المباشرة للأنف بسبب رياضة عنيفة أو تصادم غير مقصود من أهم أسباب حدوث نزيف الأنف و يجب التأكد من عدم وجود كسر بالأنف أو تورم لان ده محتاج تدخل سريع.
يوجد اسباب اخري ذي (جفاف الانسجة المخاطية الداخلية للانف /جسم غريب داخل الانف / انحراف الحاجز الانفي/التهاب الجيوب الانفية بسبب حساسية انفية او عدوى بكتيرية/ الاكثار من وضع الاصابع بالانف ).
مهم جدا إننا نحسس الطفل بالامان و انه ميقلقش و الام و الاب يكونوا هاديين اثناء التعامل مع الطفل.
خطوات مهمه في التعامل مع نزيف الانف :
١)الضغط على الانف من ٥ الي ١٠ دقائق.
٢)وضع الرأس لاعلى.
٣)تجنب وضع الطفل في وضع افقي نائما على السرير.
٤)وضع الثلج على الانف.
٥)نقط موضعية بالانف تساعد على تقليل النزف.
٦)نقط موضعية بالانف بها مضاد حيوي لتجنب حدوث عدوي بكتيرية بالأنف.
مهم جدا اننا نتجنب إعطاء الطفل الاكل الساخن او الحار / عدم إعطاء شاور بواسطه ماء ساخن او تنظيف الانف بواسطه ماء ساخن/ عدم الافراط في اعطاء مضادات الالتهاب لانها تزيد من سيولة الدم / وضع محلول ملح او سبراي ماء البحر داخل الانف خصوصا في الايام شديده الجفاف/ عدم مزاولة الرياضات العنيفة او يتم استخدام واقي جيد للانف و الوجة.
بعض الحالات تحتاج الي تدخل جراحي في حالة وجود نزيف شديد يصعب ايقافه بالطرق التقليدية/ وجود كسر بالانف / وجود امراض مزمنة بالدم تمنع حدوث تجلط بالدم و ايقاف النزف.

بمناسبة شهر رمضان الكريم ده اكتر سؤال يتم تداوله بالعيادة. دكتور انا بصوم شهر رمضان .طبعا صح أو غلط ده مش قراري أنا لأن في دار إفتاء وظيفتها تجاوب على مثل هذه الأسئلة و عن طريق التليفون كمان. لكن أنا هنا بجاوب من وجهة النظر الطبية وليس أكثر و ده هيختلف حسب طبيعة تغذية الطفل و عمره و حالته الصحية.
الكلام ده ينطبق فقط على الأم اللي حالتها الصحية كويسة و مش بتعاني من أي مشكلة طبية تمنعها من الصيام.
١)أي أم بترضع لبن خارجي ( لبن صناعي) و مفيش أي رضعات طبيعي خالص تصوم طبعا و ده مش محتاج سؤال.
٢)أي أم بترضع طبيعي فقط و مفيش أي لبن صناعي مع الرضاعة الطبيعي و البيبي عمره ٤ شهور فأقل الصيام صعب لأن ده هيأثر على كمية اللبن اللي داخله للبيبي.طبعا الكلام ان الأم تتسحر كويس و تشرب تلات لتر سوايل في السحور مثلا علشان لما تيجي ترضع طبيعي اثناء فتره الصيام يكون في لبن مش مظبوط.
٣) أي ام بترضع طبيعي مع لبن صناعي ( لبن تكميلي ) أي ان كان عمر البيبي تصوم طبعا مفيش مشكله لانها ممكن تخلي الرضاعه الصناعي التكميلية اثناء الصيام و الرضاعه الطبيعي بعد الفطار حتى معاد السحور عادي خالص.
٤)أي أم بترضع طبيعي فقط و الطفل أكثر من ٦ شهور و بدأ ياخد وجبات و يشرب سوايل خارجية ذي العصائر و المياه و خلافه ممكن برده تصوم لان ممكن اثناء فتره الصيام نعتمد على الوجبات و السوايل عادي خالص و الام ترضع عادي بعد الفطار حتى موعد السحور.
المهم منسمعش كلام حد و نفكر قبل ما نعمل أي حاجةً و نسأل أهل الذكر و الخبرة بلاش نقلد و خلاص .كل أم هي أكتر واحدة على دراية بصحتها و حالة ابنها او بنتها علشان كده القرار ده محتاج تريث.

يصيب الاطفال من سن ٥ الي ١٥ سنة.
ينتشر في فصل الشتاء و بداية فصل الربيع.
فتره حضانه الميكروب من ١ الي ٤ ايام.
تظهر الاعراض فجأة بنوبة حرارة مرتفعة و صعوبة في البلع زي باقي الادوار التي تصيب الاطفال.
في البداية اللسان بيكون ابيض و متورم بعد يومين بيكون لونه شديد الاحمرار و الطفل بيكون مش قادر ياكل أي حاجة.
احمرار بالجلد بعد ١٢ ساعة الي ٤٨ ساعة من ظهور الحرارة مع فقدان للشهية و الم بالجسم .
يحتاج الي مضاد حيوي بجرعات مظبوطه لفتره من اسبوع الي ١٠ ايام مع ضروره الاهتمام بالحفظ الجيد للمضاد الحيوي .
عدم استكمال العلاج او اي خطأ بجرعات العلاج يؤدي الي مضاعفات اهمها حمى القلب الروماتزمية و التهاب المفاصل و التهاب بالكلى.

عيادة دكتور حازم رأفت استشاري طب الاطفال
تهنئكم بشهر رمضان الكريم. يستمر العمل بالعيادة يوميا من السبت الي الخميس من ٨ الي ١٠ مساءا

قبل اي مناسبة مهمة أو خروجه حلوة و بعد عناء كل أب و أم في اختيار لبس مناسب للبيبي و بعد اهتمام الأم بأدق التفاصيل في اختيار الألوان و الطقم و عناء الأب في ربط الكارڤات ييجي الكابتن الصغير أو العروسة الصغيره يبوظ كل ده عن طريق قشطه صغيره تحمل في طياتها معاني كتير من تغيير خطط و احلام و الغاء عزومات و تأخير على فطار أو مناسبات.
القشط من الحاجات المتكرره و من المقالب اللي بتحصل بشكل يومي و اكتر من ٤ مرات في اليوم على الأقل.
جزء منه بسبب طرق تغذية خاطئه الأم بتعملها مع البيبي و جزء منه بسبب عدم تكريع الطفل و جزء منه بسبب استخدام لبن صناعي غير مناسب.
لازم نفرق بينه و بين الارتجاع لان في فرق كبير بينهم و ده بيكون عن طريق الفحص الخاص بالبيبي عند طبيب الاطفال المتخصص.
وزن البيبي مهم جدا لان بيدينا مؤشر عن السبب في حدوث ذلك.
الحركه الزائدة للطفل أو الرضاعة أثناء التواجد في المواصلات العادية بيلعب دور مهم جدا في زيادة القشط.

يصيب الاطفال في اي سن بداية من عمر سنه حتى ١٨ سنه.
عدوي فيروسية تصيب الجهاز التنفسي.
بعض الحالات تتعرض للفيروس عن طريق ملامسه جلد شخص مصاب.
التشخيص في البدايه متشابة مع عدد من الفيروسات التي تصيب الاطفال بشكل عام.
يتم تأكيد التشخيص عن طريق ظهور الآثار الجلدية المشهوره لفيروس للجديري المائي و هي حبوب عالية عن الجلد تحتوي على سائل شفاف تظهر في منطقه الظهر و البطن في البداية ثم تنتشر الي باقي مناطق الجسم وليس العكس.
تظهر الاعراض الجلديه بعد ٥ ايام من الاصابه بالفيروس و اثناء تلك الفتره ( قبل ظهور الحبوب بالجلد) يعاني الطفل / الطفله من الحراره / الرشح/ السعال/ فقدان الشهية / آلآم بالحسم.
متوفر تطعيم الجديري المائي للاطفال بداية من عمر سنه بالمراكز الطبيه المختلفه.
hasrash #

التحكم في البول بيكون من الحاجات المهمة في مراحل نمو و تطور أي طفل / طفلة.
ممكن يكون الطفل/ الطفلة معرفش يتحكم في البول نهائيا أو ممكن يكون اتحكم في البول فتره من الوقت و بعد كده فقد السيطرة على البول.
بيحصل في الذكور أكتر من الإناث.
مهم جدا نستبعد وجود التهاب في مجرى البول/امساك / عيوب خلقية في مجرى البول أو المثانة البولية/ مرض السكر .
عاده بيكون في عامل وراثي (أحد الاقارب من الدرجة الأولى) عنده نفس المشكلة.
العلاج بيبدأ من سن ٥ سنوات و جزء كبير منه بيعتمد على الجانب النفسي زي التشجيع و عدم العنف و التنمر على الطفل أو تعمد احراجه قدام الناس و ان الطفل يقلل شرب السوايل قبل النوم.
جزء تاني من العلاج بيعتمد على تنبية الطفل بنزول البول.
اخيرا العلاج الطبي و ده بيحتاج الطفل يستمر عليه من ٣ الي ٦ شهور .
problems

من أشهر اسباب زيارات عيادات الاطفال بشكل عام و عيادات حديثي الولادة بشكل خاص هو ارتفاع نسبة الصفرا بالدم.
الصفرا الفسيولوجية (الطبيعية) هي اللي بتحصل اول اسبوع من الولادة و اللي بيحدد هي طبيعية ولا لاء هو طبيب الأطفال لأن الصفرا بتختلف حسب اختلاف الوزن و العمر و فصيله دم الأم.
عدم التعامل الجيد مع الصفرا يؤدي الي اضطرابات بالجهاز العصبي و حاسة السمع.
عدم الالتزام بالرضاعة أو ترك البيبي فترات طويلة بدون رضاعة لانه نايم من أهم اسباب ارتفاع نسبة الصفرا .
بعض الحالات تحتاج الي علاج ضوئي لتقليل نسبة الصفرا و ده بيكون في وحدات العناية المركزه للأطفال حديثي الولادة.

الأنيميا ( انخفاض نسبة الهيموجلوبين بالدم ) من أشهر الأمراض شيوعا في الأطفال من عمر سنة الي ٥ سنوات.
أنيميا الفول بالتحديد مش معناها أنيميا علشان الطفل مش بياكل فول كفاية لكن بسبب أن الفول دخل بدري للطفل ضمن الوجبات المجهزة للطفل عن طريق الأم.
في اقتناع سائد أن الطفل لو مأكلش فول يبقى فاته كتير و ممكن يأثر على نموه و لازم ياكل فول زي أخواته و ابن عمه و بِنَت خاله و ابن الجيران و ابن جارتي ( لازم نعمل زي ما كل الناس بتعمل ).
اللي محدش يعرفه أن الفول في عدد من الأطفال بيسبب أنيميا عنيفة و تكسير بالهيموحلوبين و ارتفاع نسبة الصفرا بالدم مع اول حبه فول يدخلوا للبيبي أو الطفل و ممكن الطفل يحتاج نقل دم لو كانت الأنيميا عنيفة.
لازم نتأكد من الأب أو الأم هل في حد منهم عنده أنيميا تكسيرية بسبب تناول الفول أو مشتقاته قبل مناخد قرار ادخال الفول للبيبي أو الطفل ضمن الوجبات.
ممكن أي أب أو أم يطمنوا على ابنهم أو البيبي انه معندوش أنيميا الفول عن طريق تحليل واحد بسيط بنعمله للبيبي أو الطفل عن طريق الدم في أي معمل كويس.
بعض العلاجات ممنوع تناولها للطفل يتم معرفتها من قبل طبيب الأطفال في حال تم التأكد من وجود أنيميا الفول عند الطفل .
#

الحساسية من الأمراض المزمنة التي تصيب الأطفال .
ممكن الچين المسبب للحساسية تظهر اعراضه في اي مكان ذي مثلا ( العين / الجيوب الأنفية/ الصدر / الجهاز الهضمي / الجلد).
الحساسية الأنفية عند الأطفال من أشهر أسباب زيارة طبيب الأطفال.

انخفاض درجة الحرارة في فصل الشتاء / التعرض للتدخين / البخور / القطط/ العصافير / الكلاب / الروايح النفاذه /الكلور / معطرات الجو / الديتول / العطور / الأتربة / عوادم السيارات كل ده اسباب تؤدي الي اضطراب في الجيوب الانفية و زياده الرشح الصادر منها.
تتشابه اعراض الحساسية الأنفية مع (نزلات البرد العادية و ايضا مع تضخم اللحمية). السعال سمة اساسية لمريض الحساسية الأنفية وعلشان كده ادوية السعال التقليدية بالصيدليات مش بتجيب نتيجة في اغلب الأطفال.

ًًمهم جدا إن الطفل ياخد وقت كافي من النوم لأن النوم خصوصا بالليل فترات منتظمة يساعد على افراز هرمون النمو لدى الأطفال و طبعا كلنا عارفين اهمية الهرمون ده.
في أطفال بيكون عندهم مشكلة في الحصول على ساعات متصلة من النوم أو صعوبة في بداية النوم بسبب مشاكل بالجهاز التنفسي زي تضخم اللحمية أو الحساسية الأنفية.
لو ابنك أو بنتك أثناء النوم بيكون أو بتكون في تنفس من الفم أو صوت تنفس عالي أثناء النوم أو بيقوم من النوم كتير بسبب صعوبة في التنفس أو في تغيير في الصوت الخاص بالطفل أو تغيير في مخارج بعض الحروف طول الوقت صيف أو شتا كل ده مؤشرات لتضخم اللحمية.
طيب ليه الموضوع ده مهم لان تضخم اللحمية يؤدي الي التهاب بالأذن الوسطى مع احتمالية حدوث ارتشاح خلف طبلة الأذن و كلهً ده بيأثر على جودة السمع الخاص بالطفل أو الطفلة.
زيارات طبيب الأطفال تفيد في التشخيص المبكر / طلب الأشعة المناسبة التي تساعد في التشخيص / التأكد من عدم وجود أسباب آخرى لصعوبة التنفس زي حساسية الصدر أو التهاب الشعب الهوائية.
#

طول فترة الشتا. بشوف في العيادة الأم عندها برد أو رشح أو كحه أو حرارة . طبعا كله مش كورونا الحمد لله 😄لكن بكون مستغرب لما اسأل الأم أو المقيمين معاها هو حضرتك بتلبسي ماسك اثناء الرضاعة طبعا الإجابة المعتادة لاء يا دكتور . طيب ليه يا مامي ؟؟؟؟؟؟؟؟ صمت بسيط من الأم أو اللي قاعدين معاها و بعدين كلهم بيقولوا نفس الإجابة علشان يا دكتور ياخد مناعة أو الإجابة الأشهر على الإطلاق هو عنده مناعة يا دكتور واخذها مني أثناء الحمل . طبعا ده مش مظبوط لأن أي عدوى بالجهاز التنفسي في السن الصغير ده ممكن تحتاج أن الطفل يدخل حضانة أو يتحجز بالمستشفى و كمان يا مامي لو حضرتك جالك برد معنى كده إن حضرتك معندكيش مناعة من الفيروس اللي جالك و طبعا فاقد الشيء لا يعطيه يبقى ازاي البيبي مش هيتعدى أو ياخد الدور . رجاءا الاهتمام بارتداء الكمامة اثناء التعامل مع البيبي أو الرضاعة لأن الوقاية خير من العلاج . #

١)من أشهر أنواع الحساسية الغذائية التي تصيب الأطفال هي حساسية الألبان.
٢) ٧ ٪؜ من الأطفال خلال السنة الاولى يعانوا من حساسية الألبان.
٣) تحدث نتيجة التعرض لأول مرة لمشتقات اللبن ( الجبنه البيضا / القريش/ الزبادي/اللبن البقري او الجاموسي /اي منتج داخل في تكوينة لبن ).
٤)ممكن تيجي في الأطفال اللي بترضع طبيعي لو كانت الأم بتاخد منتجات ألبان كتير في الوجبات على مدار اليوم.
٥) في نوعين من حساسية الالبان : النوع الأول الأعراض بتظهر في خلال دقايق من تناول مشتقات اللبن و النوع الثاني الأعراض بتظهر بعد ساعات أو ايام من تناول مشتقات اللبن .
٦) تؤثر حساسية الألبان على الجهاز الهضمي او الجهاز التنفسي او الجلد.
٧) تورم بالوجه /الفم/حول العين،
التهاب بالجلد او اكزيما جلدية لا تستجيب للعلاجات التقليدية / اسهال /امساك /قيء/آلام بالبطن/ صعوبة في التنفس / رشح بالأنف / كحه ضيق في الشعب الهوائية)من أهم الأعراض التي تظهر بسبب حساسية الألبان.
٨)تتشابه أعراض حساسية الألبان مع العديد من الأمراض التي تصيب الأطفال خلال السنة الأولى لذلك زيارة طبيب الأطفال تفيد في تحديد العلاج المناسب / وضع نظام غذائي لتجنب منتجات الألبان / طلب بعض الفحوصات الطبية/اختيار نوع اللبن المناسب/ التأكد من عدم وجود حساسية من سكر اللاكتوز التي تتشابه الي حد كبير مع حساسية الألبان.