انتى وطفلك

البوست ده لماما وبس 🧑‍🍼
ايوا ليكي انتى 😉 مانتى اصلا اساس كل حاجه ❤️
هنتكلم النهاردا عن تقسيم الاولويات وكمان ازاى تنظمى وقتك كاام 💡📝🕛

علشان كل ما ماما تبقي مبسوطه وكويسه كل ما ده هينعكس على اطفالها وعلى اسرتها تعالو نشوف ازاى 🤗

1️⃣ النوم البدرى والصحيان بدرى ده هيطول معاكي اليوم والوقت 🕛 وهيخليكي تعرفي تقسمي كل مسؤولياتك وكمان النوم بدرى مفيد جدا لجسمنا واكيد لاطفالنا .
2️⃣هجيب ورقه وقلم ؟ نعم ورقه وقلم انتى بتهزرى صح ؟
لا مش بهزر انا والله بتكلم جد 😃
هتجبيهم او ع نوت الموبيل بتاعك وهتبدأى تسجلى كل المهام اللى حابه تنجزيها فى اليوم من نزول وزيارات ومطبخ واكل وغسيل وووو ومتنسيش نفسك ايوا نفسك 💡👑
يعني تخصصي لنفسك وقت ليكي انتى وبس يكون لاهتمامك الشخصي او المهنى لو بتشتغلي 🙈
3️⃣ابدا انفذ الخطه اليوميه اللى رتبتها لنفسي وطبعا الترتيب بيكون ع حسب الاهم بالنسبه لك فالاقل اهميه وهكذا ...
وكل ماتنفذى حاجه بالاقلم علمى عليها انها خلصت ✅ صدقيني ده هينعكس عليكي براحه نفسيه وطاقه ايجابيه .
4️⃣خلصت كل حاجه وكملت يومى على اجمل وجه
حاجه سخنه بقي اشربها ☕ ده وقت الماما وبس مش مسموح لحد يقتحم عليكي اقري كتاب، اسمعى موسيقي ارسمى، ارقصي، اعملى اى حاجه بتحبيها 😻💃😃😃
ودمتم اقوياء 💪

ابنى لما يغلط 😔
اضربه وازعق له ❎
افهمه غلطه وأساعده نصلحه سوا ✅

ابنى لما يعيط ويصرخ 😭
اسيبه واطنشه ❎
اخده فى حضنى واقوله انى حاسه بيه وافهم سبب عياطه✅

أنسب وقت لخلع الحفاضة اليومين دول


(مهمة مش سهلة أبداً لكن أنتِ قدها 💪 تعالي بينا نتعلم أزاي تعودي طفلك علي خلع البامبرز وأمتي تبدأي 👇).

🔸ابدئي في الصيف زي الأيام دي. ☀️

🔸 متبدئيش قبل ما يوصل عمره سنة و نصف
، لكن لو قبلها بشرط لازم الطفل يكون بيمشي لوحده وإدراكه كويس وبينفذ الأوامر، ودايماً البامبرز بيبقى ناشف أكتر من ساعتين وده معناه أنه بدأ يقلل من معدل التبول.👌

🔸بلاش مقارنة بطفل غيره، كل طفل وله إمكاناته،
وكمان مش كله بيحتاج بوتي، ممكن يقعد على القعدة على طول وممكن لا ✋

🔸فرغي نفسك أسبوعين و اوهبي وقتك للمهمة العظيمة دي.يعني مستعدة جسدياً ونفسياً، مفيش امتحانات ولا مشاكل في الشغل أو على ولادة مثلا.💛

🔸اخلعي الحفاض طوال اليوم (يعني يلبسه وقت الخروج أو النوم بس) .

ويلبس هدوم سهلة الفك بدون أزرار. وياسلام لو يختار غياراته الداخلية الجديدة بنفسه ويحس أنه كبير 💙👱‍♂️

🔸كل ساعة لساعتين قعديه في الحمام أو علي البوتي من خمس لعشر دقائق، خصوصاً بعد ما يصحى من النوم وبعد الوجبات.

🔸كلميه كتير في الموضوع ده حتى لو كلامه قليل أو مش بيتكلم ، هيفهم 🙏

🔸شجعيه كل ما يقعد في الحمام حتى لو ما معملش حاجة ،صقفي له و غني له 🤩

🔸هو لسة بيتعلم ،طبيعي يبقى فيه خساير و هدوم بتتوسخ و أرض بتتملي بي بي 🤐

🔸بلاش ضرب أو زعيق أو شدة وطولي بالك كتييييير 🙏

🔸راقبي حركاته زي أنه يستخبى أو يجلس القرفصاء أو يمسك في أعضاؤه دي علامات معناها يللا جري ع البوتي أو القعدة. 🏃‍♀️

🔸استخدمي طريقة المحاكاة أو التمثيل، خلي لعبته المفضلة تقعد في الحمام و شجعيها هيتأثر 💁‍♀️

🔸هيفضل كام مرة يغلط في التقدير و يعمل عملته بعد ما يقوم من الحمام بدقائق 😣

🔸لما يحقق التارجت و يعمل المراد في الحمام احتفلي معاه و حسسيه بالإنجاز ♥️💪

🔸كتري عدد المشجعين له، باباه و إخواته و المجتمع و الناس 👏👏

🔸لو بيخاف من الحمام حببيه فيه، هاتيله سلم أو قاعدة صغيرة وستيكرات ملونة تكسر رهبته 🏟️

🔸أقل من سنة و نصف في أمهات نجحت بس مش شرط كل التجارب تكون زي بعض.وعلى فكرة ده نجاح وهمي في الغالب 🤷‍♀️

🔸لو نجحتي في خلع الحفاض بالنهار حليتي ٩٠٪ من المشكلة. ✍️

🔸لحد ٥ سنين مقبول يبل سريره بالليل، بعد كده اكشفي👌

🔸قللي سوايل و فواكه بالليل و ما تنيميهوش زعلان 🤚

🔸عوديه يدخل الحمام مباشرة قبل ما ينام.

🔸مع الوقت علميه الخصوصية في خلع ملابسه و دخول الحمام و علميه النضافة بعد الحمام 😇

🔸اتعبي شوية في الأول هترتاحي كتير 🤩🤩

🔸همسة في أذن الأب؛ لو سمحت اوعى تزعل مراتك في المرحلة دي و تقبل كل شيء منها و إلا قوم أنت بالمهمة دي يا بطل 💪.

🔸الانتكاس وارد جدا وده ممكن يحصل لمدة أسبوع ولا حاجة مش عاوزك تحبطي أو تزهقي ده بيحصل وحيرجع تاني كويس 💙

🔸لو فشلتي لمدة أسبوعين كاملين
مفيش مشكلة، شهرين كده وجربي تاني، الدنيا مخلصتش .(والتكرار يعلم الشطار) 😇💪

هنتكلم فى اول بوست النهاردا وانا بالنسبه لي كأم ❤️
من اهم البوستات وهوا ازاى اكون علاقه سليمه بيني وبين طفلي اللى على اساسها هقدر اساعد طفلي انه يكتسب مهارات كتير وكمان ده هيزود ثقته فى نفسه وزياده تفاعله مع الاشخاص اللى حوليه 🧑‍🤝‍🧑

١_ تخصيص وقت لليوم يكون لطفلي فقط ... اسمعه وهوا بيحكي ... اقراله قصه .. نلعب لعبه ثنائيه .
٢_حضن (تواصل جسدي) كل يوم .. خصصي حضن كل صباح يومياا وقبل النوم .
٣_التقليل والبعد عن الاجهزه والشاشات مثل التلفزيون والهواتف ... لان اطفالنا انعكاس لنا
٤_كوني سنداً لطفلك ، اشعري طفلك بأنك موجودة لمساعدته إن كان على خطا أو صواب ، لأنكما تشكلان فريقاً في الحياة
٥_حددي طريقه الكلام مع طفلك بشكل يناسب عمره و درجة تطور فكره.