https://www.facebook.com/101566076036784/

ElbaSh_CrocheT

مين هنا بيحب طائر الفلامنجو؟🦩
وهو مين مبيحبوش!😁 🦩
ميدالية فلامنجو رقيقة ولذيذة جدا لبنوتة رقيقة💟
من خيوط قطن ناعمة ولونها هادي، هتضفي شكل مميز جدا على مفاتيحك أو شنطتك💗
مين قال عايز😁💝
افتكروا أنه جزء م الأرباح هيروح لحبايبنا❤️🖤💚🤍
#فلامنجو

30/10/2023

بصوا بصوا زرافتي الحلوة🦒أنا مبسوطة بيها اوي يجماعة💛
بوك مارك بشكل جديد ومميز بجد، يعني مش متخيلين كنت مبسوطة ازاي وأنا بشتغله، ولونه هادي ومريح للعين🌿
وطويييل، زرافة بقا😂🤎
متاح التحكم في الطول.
تنفع هدية رايقة ومميزة جدااا لشخص بيحب القراءة💛💛
افتكروا أنه في نسبة م الربح باذن الله طالعة لحبايب القلب💚❤️🤍🖤
#زرافة🦒 #زرافة

27/10/2023

اللهم احفظهم.. اللهم الطف بهم.. اللهم انصرهم..
استغفروا بنية نصر غزة.. استغفروا واذكروا الله واقرأوا قرآن بنية نصرهم
الدعاء يعتبر جهاد معهم..
يارب

26/10/2023

في بيتنا ثعلوب🦊
طاقية جديدة مميزة لطفل مميز، ربنا يبارك فيه ويحفظه🧡
على شكل ثعلوب لذوذ، من خيوط كوتن جولد الرقيقة على بشرة الأطفال لأنه أكتر من نصفها قطن صافي، ف مش هتسبب أي حساسية🤍
هدية لطيفة لو عندك طفل صغير ف العيلة✨😁

20/10/2023

الواحد ملوش نفس ينزل شغل بسبب الل بيحصل والله.. ولكن إن شاء الله هننزل الجديد الفترة الجاية.. وهيكون في جزء م الربح للأوردرات الجديدة تبرع لل بالي بالكم❤️🤍💚🖤

08/10/2023

اوردر جديد🤍🤺
مبروك لصحبته🥰❤️

05/10/2023

صباح يوم إجازة مناسب جدا لإعطائنا ريفيوهاتكم الجميلة 🌚♥️
ادخلوا على البيدج وشرفونا من هنا✨
نقبل النقد برده بس براحة🙊
ريفيوهك مش بس بيفرح قلب شخص.. ده بينقذ ريتش بيدج😂😅

01/10/2023

اوردر جديد من عرض البوك ماركس نفتتح بيه أول يوم دراسة..
مبروك لصاحبته 😅

29/09/2023

اول شغل الشتا السنادي 💙
جوانتي بدون اصابع لزوم الدراسة، من صوف خامة حلوة بتدفي ومش بتوبر ✨
حبوه معايا🥰

27/09/2023

صاحبة أول سلحوفة تبدي رأيها 🥺♥️♥️
تتهني بيها يارب🐢💚
العميل الل بيبعت ريفيو بيخطف قلبي والله😂💚

#🐢 #سلحفاة

24/09/2023

أنا من النوع اللي مش بيحب ينزل من البيت بشنط 🤺
وف نفس الوقت لازم أنزل بالمية بتاعتي وأدويتي 🙆🏻‍♀️
ف جت ف بالي الفكرة دي🤍
كفر لزجاجة المياه.. مع بوك صغير لأي حاجة 🌼
مكرمية مصري ف يستحمل الهري بصراحة 😂
وبالنسبالي عاملاه كتف وهو ممكن يتعمل كروس حسب الطلب💜
بصراحة سهل عليا كتير✨

21/09/2023

اوردر صغير وميدالية صغيرة مميزة لبنوتة مميزة🌟
متاح تنفيذها ب ١٠ ✨
مش مجسمة 🤺

18/09/2023

اوردر جديد وريفيو حلو اوي🥺💚💚🐢

#🐢 #سلحفاة

16/09/2023

Guess what is coming soon😌🧡

13/09/2023

New order 💚
طقم سلاحف إنما ايه.. حوار😂💚🐢
شكلهم عجبني بصراحة تحسهم سلاحف النينجا 😂🤺🥷
#🐢 #سلحفاة

11/09/2023

الورد مرسال سلام يساهم في التّقارب وازدياد الألفة بين الناس🌼
عند مشاهدتك للورود ينتابك إحساس جميل، كأنّها شخص يقول لك سأجعل الحياة جميلةً من أجلك.🌺
وعشان أهمية الورد عملنالكم مزهرية بسيطة من شيء موجود بشكل مبالغ فيه في كل البيوت✨
عشان يبقى سهل على أي حد أنه يجيبها 🤍
متاح طلبها بالبرطمان أو عملها على برطمان من عندكم💛
هاتوا الورد وحطوه في المزهرية وضيفوا لمسة رقيقة لبيوتكم وهادوا بيه حبايبكم ✨
وممكن تحطوه عالمكتب عشان يفتح نفسكم عالمذاكرة 🥲

09/09/2023

بناء على رغباتكم عرض البوك مارك والتوك اتمد لآخر الشهر دا كمان🤍😌✨
يلا مستنيين ايه بسرعةة بسرعة المدارس قربت🙆🏻‍♀️

06/09/2023

المكرمية دخلت معانا في اللعبة على خفيف😉
كوستر مكرمية صغنن ✨
عشان الدراسة داخلة بقا والمشروبات الساخنة ممكن تبوظ المكتب فده بيساعد في الحفاظ عليه 🤍
وقماش ف بيتغسل بسهولة كل فترة ✨
هننزل أشكال كوسترات تاني قريب ف انتظرونا
وهنعملكم عروض تحفة😌
متاح عمل (كوستر +غطاء مج) طقم مناسب جدا كهدية 🤍

03/09/2023

فوتوسيشن لأحب حاجة اشنغلتها لقلبي💜🌻
شنطة فون بلوني المفضل مع زهرة عباد الشمس الل بتدي منظر جميل مبهج لأي حاجة تضاف ليها، ومع الموفي بقا عاملة شغل عالي اوي 💜💜
اسيبكم تستمتعوا بالجمال دا✨
خيط سلسلة يستحمل مرمطة المشاوير والجامعة
حجم مناسب للفون 📱
متاح التنفيذ 🆕
🌻

01/09/2023

مسابقتنا انتهت وانتهت معاها عروضنا
والقمورة دي هي الل فازت معانا في مسابقة التفاعل 🤍
وتم التواصل معاها واختيار البوك ماركس كمان🌟
مبروك عليها وتتهمى بيهم 🦋

31/08/2023

أنا بحب العملا بتوعي💙
انتظروا التفاصيل قريبا✨

28/08/2023

Hey, I am Baymax ❤️
رفيق رعايتك الصحي✨
ميدالية صغننة طولها ٥ سم تقريبا ❤️❤️
متاح إضافة الأيدين بس أنا عجبتني كدا😂🙈
وسعرها عبيط جدااا
اونلي ١٥ جونيه✨
يلا مستنيين ايه لقطة لقطة🙈

28/08/2023

متنسوش مسابقتنا هتخلص كمان يومين❤

مسابقة مسابقة مسابقة 🖇️🌟
عشان المدارس قربت قررنا نفرحكم بهدية صغنونة ولطيفة ♥️
أكتر كومنتين هيجيبوا لايكات على البوست دا هيكسبوا ٤ بوك مارك كليبس من اختيارهم💛
بشرط:
١-لايك للبوست
٢-شير للبوست واعمله بابلك ومنشن للصفحة
٣- منشن لصحابك ف الكومنتات واعملهم انفايت للصفحة🤺
المسابقة هتتقفل آخر الشهر 🌚
يعني يوم ٣١-٨ الساعة ١٢ بالظبط😌
يلا شدوا حيلكم ورونا الهمة 🤺

26/08/2023

25/08/2023

جديد 💜🤎
موسم المدارس جاي وكدا الحقوا هاتوا التوك من عندنا ✨
عندنا خصم بمناسبة المدارس اسألوا عليه 🙆🏻‍♀️

22/08/2023

بمناسبة اقتراب المدارس 🙆🏻‍♀️
عملنالكم عروض على البوك ماركس 🤍
العروض مستمرة لآخر الشهر بسسس⚠️
-أي ٤ بوك مارك من الأشكال دي ب ٢٠ ✨
(بشرط يكون في كتكوت واحد لا أكثر)
(متاح الشكل يكون قلب برده♥️)
-أي ٣ كتكوت ب ٢٥ بدل ٣٦ ✨
(أيوة زي ما مكتوب كدا 🙆🏻‍♀️)
-البوك مارك بشكل الكاندي 🍬 أو عباد الشمس🌻 ب ١٠ بدل ١٥✨
(العرض دا على التوكة برده )
هنزلكم الألوان المتاحة في الكومنتات 🌼
يلا الحقوا هاتوا عشان مش هنكرر الموضوع دا كتير😂💔

19/08/2023

العميل الل يصورلك المنتج بعد الاستلام رزق والله😂😂💙💙
مبروك على صحبته🌼🌼
#خرز

16/08/2023

ودع الأحزان ياذوووق 🐢💚💚
سلحفاتي الصغيرة🙆🏻‍♀️💚💚
السلحفاة راحت البحر وأنا لا 🥲😂💔
بجد أنا حبيتها اوي والله
هتضفي شكل لذوذ خالص على ميدالية المفاتيح ✨
مبروك على صحبتها
#سلحفاة
#🐢

13/08/2023

هي فكرة جديدة ومختلفة ف حبيتها💙
إدخال الخرز مع الكروشيه طلع مسلي اوي✨
تعليقة للموبايل عشان معرفش اسمها الحقيقي ايه😂🙆🏻‍♀️
وسعرها بسيط خالص فعلا المرادي.. ١٠ بس.. يابلاش بجد ✨
#خرز

10/08/2023

طاقية صيفي جديدة🤍
تنفع بونيه تحت الحجاب
وتنفع للجدات الل بيحبوا يلبسوا حاجة خفيفة في البيت✨🌼
معمولة من خيط كوتن جولد يعني قطن نضيف جدا ✨
متاح التنفيذ بمقاسات مختلفة🙆🏻‍♀️

07/08/2023

نيو اوردر✨
طقم بروشات 🙈
مبروك على صحبتهم
#بروشات

05/08/2023

جيالكم ببوك محبب لقلبي 💜
ديزاين جديد رايق وفيه جيوب للكروت وجيب للفلوس✨
بخيوط المكرمية الل تعيش معاكي وتقدري تغسليها 🌻
أسيبكم تستمتعوا بالصور 🤍
والسعر في الصور بالمناسبة وصغنن خالص 😌😉