عياده الدكتور ميلاد ناعوم استشاري الأطفال و الحميات
استشاري الاطفال و الحميات الطبيب المثالي للنقابة العامه للأطباء عام ٢٠٢٠
14/09/2024
كل عام وحضراتكم بخير
12/09/2024
كل سنه وحضراتكم طيبين
بنستعد للمدارس
والمناعه يادكتور
اول مابيروحوا المدرسه بيبتدوا يتعبوا
كحه لوز سخونه
كل دي امراض التكدس والاختلاط بين الاطفال لمده طويله
الحلول
تهويه الفصول
تقليل الكثافه
واللي نقدر احنا نعمله
الوقاية
اكل مظبوط
يعني خضار طازج زي البقدونس الجرجير مع السندوتشات
بيض جبنه فول بلاش اللانشون مالوش لازمه و المربي سكريات كتير
ومعاهم ثمره فاكهه
جوافه برتقال كمثري تفاح
الملابس تبقي مناسبه للجو
يعني اللبس الكتير هايخلي في عرق زياده و بعدها نزلات برد
ممكن الصبح يلبس الجاكت و يخلعه لما الجو يدفي مفيش مشكله
غسيل الايدي ونعلمهم الطريقه السليمه شئ اساسي
ربنا يسلم
د ميلاد
04/08/2024
جدول التطعيمات الاضافيه
04/08/2024
الاضافات الغذائيه
جميع المأكولات المحفوظه و المصنعه مش بس فيها مواد حافظه لا
دي بتحتوي علي
الوان صناعيه
مكسبات طعم
مكسبات قوام
مواد رافعه
مبيضات
بدائل للبروتينات الحيوانيه
زيوت مهدرجه
كل الحاجات دي مواد كميائيه تفوق خطورتها المضادات الحيويه و المسكنات
يعني الام تجي تقولي من فضلك يادكتور مش عايزه مضاد حيوي علشان المناعه و الطفل بياخد مواد كميائيه اشد خطوره من المضاد بكتير
مفيش احسن من اكل البيت الطازج
الخضار
الفواكه
اللحوم
البيض
اللبن
ربنا يمتعكم بالصحه
دمتم بخير
01/08/2024
احب افهمكم يعني ايه كلمه
مكمل غذائي
اللي بتبقي مكتوبه علي بعض انواع الادويه المستخرجه من مكونات طبيعيه
الكلمه دي مش معناها ان الدوا ده فيه غذا للطفل او فيتامين
لا
الكلمه دي بتدل علي ان الدوا مستخرج من مكونات طبيعيه و الدوا ده ممكن يكون دوا كحه او مغص او مساعد علي الهضم او ملين او مضاد للحموضه وهكذا وممكن كمان يبقي فيتامين او فاتح شهيه
يبقي معني كده انه دوا زي باقي الادويه و بيستخدم لتخفيف اعراض او علاج بعض الامراض و برضوا مينفعش نستخدمه من نفسنا لانه ممكن يتعارض مع بعض الادويه الاخري
ودمتم بخير
د ميلاد ناعوم
02/07/2024
اصغر احفاد جدو زايد
منورين
24/06/2024
الاجهاد الحراري
ضربه الشمس
الجفاف
النزلات المعويه
كلها نتيجه التعرض لحراره الجو و الرطوبه العاليه
ده مش وقت الملابس التقيله خالص
نخفف اللبس علي قدر الامكان
نبعد عن الملابس المصنوعه من الالياف الصناعيه
يعني الملابس تبقي قطنيه خفيفه
نشغل التكييف
نشغل التكييف
مش هاييعمل مشكله
نشغل المراوح علي درجه معقوله مع التهويه
الاطفال متخرجش في الشمس بقدر الامكان
سوائل كتير فواكه عصائر طبيعيه بدون سكر
غسيل الايدين باستمرار
اكل الشارع غالبا بايظ وهايعمل نزلات
نخلي بالنا
وربنا يعديها علي خير
13/04/2024
عايز اوضح حاجه
الاكل غير الصحي و الاكل الملوث و الاكل الفاسد
الاكل غير الصحي ده اكل قيمته الغذائيه ضعيفه و ممكن يكون فيه اضافات غير صحيه زي انواع البطاطس الشيبس و النودلز و المقرمشات كلها فيها نسبه دهون عاليه و نشويات كتير و مضاف اليها مكسبات طعم و الوان صناعيه و مواد حافظه و حاجات تاني كلها مواد كيميائيه ممكن تكون ضاره
اما الاكل الملوث ده اي نوع اكل معرض للجو و مش متغطي او معمول بطريقه مش نضيفه و معرض للذباب و ده غالبا بيبقي اكل المطاعم و كمان ممكن يكون الاكل سليم بس ايد الطفل مش نظيفه و ده يخليه ملوث و الاكل الملوث بيعرض طفلك للنزلات المعويه و الالتهاب الكبدي A ومرض التيفود
اما بقي الاكل الفاسد فده اللي مش محفوظ بطريقه سليمه يعني خارج التلاجه و ده بيعرض الطفل للتسمم الغذائي
دمتم بصحه و سعاده
د ميلاد ناعوم
21/03/2024
25/02/2024
فصل الربيع
طبعا ده في مصر مش من اجمل فصول السنه ولا حاجه
لانه بالنسبه لمريض الحساسيه فصل متعب جدا
حبوب لقاح الازهار مع التراب بتاع رياح الخماسين و سخونه الجو اللي بترفع نسبه الرطوبه كل دي عوامل بتأثر علي مرضي حساسيه الربو و الجيوب الانفيه
طبعا الوقايه خير من العلاج
ارتداء الكمامه في الاماكن المفتوحه
استعمال البخاخات الملطفه للانف زي بخاخات ماء البحر
ادويه الحساسيه و خصوصا ادويه الجيل الثالث زي الفيكسوفينادين
الحفاظ علي ترطيب الجسم بشرب السوائل باستمرار
البعد عن الاغذيه ذات المحتوي العالي من السكريات
وكمان المشروبات الغازيه و الايس كريم
الاكثار من اكل الفواكه و الخضروات الطازجه
دمتم بخير و صحه
د ميلاد ناعوم
الفيتامينات و مناعه الطفل
هل تعاطي الفيتامينات يقوي المناعه
المناعه عباره عن جهاز متعدد يشمل جميع اجهزه الجسم
والمناعه هي المسؤله عن مكافحه الامراض المعديه
الفيروسيه
البكتيريه
الفطريه
الطفيليه
وكمان المناعه مسئوله عن مكافحه الخلايا السرطانيه
يبقي المناعه ضد كل نوع من الامراض مناعه متخصصه لكل مرض و ده مش بس بيحتاج فيتامينات
المناعه القويه تحتاج
تغذيه سليمه متوازنه
اسلوب حياه صحي
رياضه
بكتيريا نافعه سليمه في الجهاز الهضمي
يبقي مفيش حاجه اسمها بياخد فيتامين لرفع المناعه
طبعا الفيتامين مهم لكن لازم معاه
طعام صحي
رياضه
او نلخصها
Good healthy life style
دمتم بخير
مسائكم سعيد
دايما في البرد محتاجين نخلي بالنا من حاجه مهمه جدا
مش التعرض للجو البارد هو اللي هايجبلنا البرد و النزلات الشعبيه
انما احنا بيجيلنا برد نتيجه التعرض المفاجئ لإختلاف درجات الحراره
يعني مينفعش نخرج من البيت المقفل و الدافي جدا للشارع علي طول
بيجيلنا برد نتيجه الغرف المقفوله و كلها مشبعه بالميكروبات نتيجه لقله التهويه
بيجيلنا البرد من رذاذ العطس و الكحه لشخص مريض
نخلي بالنا من اسباب العدوي
و ربنا يحفظ الجميع
11/12/2023
طبعا احنا في ذروه انتشار الفيروس المخلوي التنفسي
وهو في حد ذاته مش بيعمل ادوار تقيله و بيخف بدون مضاد حيوي في خلال كام يوم و بيستجيب بسرعه لخوافض الحراره و جلسات البخار احيانا
بس !!!!!!!
في شويه علامات تحذيريه تقول ان الدور مبقاش بس فيروسي و ان ابتدا يبقي معاه ضيوف تانيه تقال الدم زي بكيتيريا المكورات الرئويه او غيرها
يعني
النهجان بيزيد
الحراره مش بتنزل حتي مع الخوافض
الطفل مرهق جدا و مش قادر علي الحركه
بلغم اخضر او ممخط بدم
دي كده علامات الخطوره اللي ممكن تقول ان الطفل بقي عنده نزله شعبيه رئويه او حتي التهاب رئوي
والكلام ده يستدعي التدخل الطبي السريع
نخلي بالنا
ربنا ينجي اولادنا
د ميلاد
الارتجاع و الترجيع
عند حديثي الولاده
الارتجاع
مشكله وظيفيه مش مرض عضوي
وده عند حديثي الولاده اهم سبب ليه
الرضاعه الزياده بس
مفيش حاجه تاني
ابنك بيعمل براز بإنتظام
ببزيد كويس في الوزن
يبقي ده
Over feeding
زياده في كميه الرضاعه مش اكتر
وده عند معظم الاطفال حديثي الولاده
ونذكر ان الموضوع طبيعي مش محتاج علاج
اما الترجيع فده مرض عضوي معاه اعراض تانيه زي الاسهال الشديد او السخونه و ده مختلف تماما عن الارتجاع عند حديثي الولاده
ربنا يحفظ الجميع
د ميلاد
قبل زحمه الفصول
مفيش حاجه اسمها دوا يرفع المناعه
المناعه عايزه
غذا سليم
رياضه
تجنب الزحمه
تهويه جيده
و نوم كافي
علاج الديدان المعويه
علاج الانيميا و سوء التغذيه
تجنب المضاد الحيوي
المسكنات
و الكورتيزون بدون داعي
ربنا يحفظ الجميع
يعني ايه مرض فيروسي
يعني مينفعش معاه المضاد الحيوي و غالبا لو المريض اخده هايطول فتره المرض و ممكن يعمل مضاعفات
بلاش منجريش عالمضاد الحيوي قبل منتأكد من احتياج المريض ليه
قربنا خلاص
المدارس
فطار كويس
مشروبات دافيه قليله السكر
جوافه
برتقال
موز
مهم جدا الاغذيه الغنيه باوميجا ٣ و الحديد
علشان التركيز يزيد
كبده
بيض
لبن
سمك
كل سنه وانتم طيبين
13/08/2023
الايام دي مع انتشار الذباب و ارتفاع درجات الحراره في زياده ملحوظه في حالات الالتهاب الكبدي الفيروسي A و ده مرض فيروسي معدي عن طريق الاكل الملوث بالفيروس او عن طريق افرازات الشخص المريض او حامل المرض
المرض بيصيب الاطفال حتي سن البلوغ و نادرا مايصيب البالغين المرض له تطعيم و تطعيمه فعال و يقي من المرض
و كمان المرض بيدي مناعه قويه بعد تمام الشفاء يعني صعب ان حد يجيله مرتين
من اعراض المرض القئ و الام البطن و اصفرار العين مع ارتفاع كبير في الانزيمات الكبديه ونسبه الصفراء بالدم
علاج المرض يتلخص في الراحه التامه و نظام غذائي مرتفع في النشويات و منخفض الدهون و البروتين
و علاج الاعراض المصاحبه للمرض زي ارتفاع درجه الحراره والام البطن و القئ
محاليل الوريد مفيده في حالات القئ الشديد حتي التحسن
المرض بيخف في خلال اسبوعين و مبيسبش اثر علي الكبد و مبيعملش مرض مزمن
04/08/2023
اهم المهارات اللي لازم ندرب الطفل عليها قبل مرحلة #النطق و #الكلام
للحجز و الاستعلام ت ٠١١٢٣٤٠١١٤٣
الاكل الجاهز ولا اكل البيت
مشكله كل يوم
طبعا اكل البيت
طيب ممكن ناكل ايه من الاكل الجاهز
النشويات زي الكشري سريعه الفساد و مكوناتها كتير و في الصيف ممكن متبقاش مضمونه
المشاوي الطازجه قليله الدهون
مفيش مشكله
الحلويات الشرقي و الغربي بكميات معقوله و تكون محفوظه بالتلاجات و مفيش ذباب و مكان نظيف و مضمون
السندوتشات زي الفول و الطعميه مشكلتها في السلطه اللي غالبا ملوثه و نوعيه زيت القلي ياريت نبعد عنها
العصائر الطازجه مشكلتها في التلوث
القصب و الفواكه عليها ذباب كتير و بعض الفواكه مش بتبقي سليمه وقت عصرها
المعلبات بجميع انواعها غالبا غير صحيه
كل سنه و كلنا طيبين
عيد مبارك ان شاء الله
مع دخول الاجازه وبدايه ايام العيد في حاجات لازم ناخد بالنا منها
اولا الفاكهه
مفيش حاجه اسمها فواكه مرشوشه ولا الكلام ده
في فواكه فاسده من سوء التخزين
البطيخ المرمي علي الرصيف في الشمس ايام طويله ده فاسد و فيه بكتيريا ضاره و بيسبب نزلات معويه
الفواكه اللي قشرتها مش سليمه او مرضانه من الشمس و سوء التخزين دي برضوا مضره جدا
يعني لازم نخلي بالنا الفواكه تبقي طازجه و سليمه وياريت نشتريها من مكان ميكنش معرضها للشمس
ثانيا
الدولسي و الايس كريم
كتير التلاجات بتنطفي عليها و تفسد داخل المحلات
ياريت نمنعها خالص و نستبدلها بالعصير الطبيعي البيتي او زبادي الفواكه الطبيعيه
مش الزبادي اللي بطعم الفاكهه
ثالثا الذباب
ده موسم تكاثر الدبان و علشان كده لازم نخلي بالنا لان في حاجات لو جه عليها الذباب مش هانعرف ننضفها زي العيش يبقي لازم نغطي الاكل و نغسل ايد الطفل و وشه قبل الاكل مباشره
رابعا فساد الطعام
الاكل في الصيف مينفعش يقعد برا التلاجه خالص لانه بيفسد اسرع مما نتصور
نخلي بالنا لان امراض الصيف كتيره
ربنا يحفظ الجميع
Click here to claim your Sponsored Listing.
Category
Contact the practice
Telephone
Website
Address
Beni Suef
Opening Hours
| Monday | 11am - 11pm |
| Tuesday | 11am - 11pm |
| Wednesday | 11am - 11pm |
| Thursday | 11am - 11pm |
| Saturday | 11am - 11pm |
| Sunday | 11am - 11pm |
مستشفي الحياه التخصصي
سمسطا/شارع الجلاء
Beni Suef, 082
مستشفى الحياة التخصصي بسمسطا - حاصلة على درجة الجودة
مستشفى السلام الخيرى بنى سويف
شارع طوسون/بجوار السيدة حورية
Beni Suef, 62511
مستشفى السلام الخيرى - خدمات طبية متكاملة
مركز الحسين الطبي - El-Hussien Medical Center
طريق الفيوم/نزله كوبري السادات/اتجاه الازهري/قبل مدرسه الصفوه
Beni Suef
عيادات - معمل تحاليل - صيدليه - طوارئ
مستشفى زهور الحياه
بني سويف , الفشن , ش الابراهيمية/ش عماد الدين
Beni Suef, 62621
مسشتفي زهو الحياة بالفشن خدمة 24 ساعة عناية مركزه ,عمليات جراحي , قسطرة قلب, نسا وتوليد
مركز فجر للطب النفسى وعلاج الادمان
الشارع الرئيسي بنى سليمان الشرقية
Beni Suef, ٦٥٢١١
مركز علاج نفسى و إدمان المخدرات
فليمنج
ميدان الزراعيين بجوار نقابة الزراعيين/شارع عبد السلام عارف
Beni Suef, 082
مركز طبي للعدسات اللاصقه و النظارات الصناعية جميع الما
مركز فجر للطب النفسي وعلاج الإدمان
Beni Suef, 62512
مركز فجر للطب النفسي وعلاج الإدمان يستخدم البرامج والم
بداية حياة لعلاج تأخر الحمل وأطفال الأنابيب
بنى سويف/شرق النيل/الحى الاول/رقم 120/أمام كليه تعليم صناعى
Beni Suef, 62517
حقن مجهري وأطفال أنابيب تلقيح صناعي وأمراض ذكورة وأشعه4D وولادة
عيادة دكتور/ افرام ماجد فكرى
بنى سويف/برج الشيماء/أرض الحرية شارع بورسعيد ( الإبراهيمية ) بجوار كلية تجارة أعلى دار العيون/الدور الثالث , Beni-Suef University
Beni Suef
عيادة دكتور افرام ماجد فكرى أخصائى الأمراض الباطنية والصدرية والتدرن