TREND Agency

كل عام وانتم بخير بمناسبة المولد النبوي الشريف ❤️

Trend agency تتمنى لكم عيداً سعيداً ❤️

لو كنت فاكر إن الحكاية انتهت والعصابة خلصت تبقى بتحلم..
عشان احنا كتير أوي.. ومبنخلصش😎
الإجرام الحقيقي لازم يتمتع بلمسة فنية وإدارية عالية.. عشان محدش ينخور ورانا🧐
وزى ما فيه عناصر أساسية.. فيه كمان إمدادات خارجية من أفراد عصابتنا موجودين معانا بشكل Remotely..

وأخيراً.. إليكم الجزء التاني من عصابتنا الموقرة😌

حابين نتكلم معاكم في موضوع شائك جداً وفي منتهى الخطورة ألا وهو "متلازمة زرار ال Enter"🧐
بعد عدة أبحاث عملناها داخل الشركة والمجتمع المحيط اكتشفنا حالة نفسية متعددة الأعراض وسميناها "متلازمة زرار ال Enter"

من سنين طويلة وعينا على الدنيا لقينا كل واحد فينا بيتعامل مع زرار ال Enter بشكل مميز وصل مع بعض الناس لشكل عدواني
الموضوع ده مهم؟!.. اه مهم جداً فوق ما تتخيل😎

طب خلينا نفسر أكتر..
الحقيقة إنه الإنسان مننا بيذاكر كتير أوقليل بس بيكون عارف مجهوده وقدراته وعارف ومتأكد إنه هيجيب تقدير معين مش هيطلع براه _مع استثناءات في بعض الجامعات الموقرة_
المُهم إنه رغم معرفتك الشديدة بالتقدير اللي هتوصل ليه إلا إن لحظة تحميل الموقع وظهور النتيجة بيبقى ليها نشوة وإحساس مختلف تماماً حتى لو النتيجة اللي ظهرت انت مش متفاجئ بيها..
حاجة كده شبه ال First look بتاع الفرح بس على صغير كده😁

الحقيقة إنه زُرار ال Enter بيحقق جزء من نفس الإحساس ده بس بشكل أبسط.. بمعنى إنك بتكون عارف انت أنجزت إيه بس مستني تبص على الصورة النهائية الكاملة

طب إيه كمان؟.. عادة ما بيتعلق زُرار ال Enter بلحظة الانتهاء من شيئ انت بتعمله Save مثلا أو هتنتقل للحاجة اللي بعدها فده معناهه إنك انتهيت من اللي قبلها 🤷

الإحساس ده يشبه اللحظة اللي بتخلص فيها فقرة من كتاب أو بتخلص فيها صفحة.. ويا محلا اللحظة اللي كنت بتقفل فيها Chapter من المنهج أو Record المحاضرة خلص😍

كل دي لحظات انتصار صغيرة بتحس فيها إنك انجزت شئ بغض النظر انت فهمت ال Chapter أوركزت في ال Record ولا لأ🙄

كل ده يشبه إلى حد كبير لحظة الضغط على زُرار ال Enter
ومن هنا عايزين نقولك انت مش شرير وعندك عدوانية مع هذا الزُرار المسكين لا خالص.. كل مافي الأمر إنه بيحفزك أكتير وبيزود الحماس جواك

وبما إن معظمنا بيشتغل على الكمبيوتر وبيستخدمه كتير ومع اختلاف النفوس البشرية فطبيعي تختلف الأسباب لكل واحد ولكن معظمها بتصب في نفس الاتجاه..

لكن بعد الردود المختلفة اللي جاتلنا من كل واحد بيعمل التصرف الغير مقصود ده.. عايزين نعرف منك انت كمان بتعمل كده ليه ومتحاولش تنكر إنك بتعمل كده🤨
اكتبلنا في الكومنتات وهنستنى نعرف رأيك❤️

Sometimes simple designs are more creative than other designs.
we focus on presenting our clients with the best image✨
Here are our designs for "Dental resort"

مش محتاج تعمل أكتر تصميم مُتكلف بأكتر عدد من ال Elements عشان يطلع تصميم حلو..
واحنا في Trend بنهتم بتقديم أفضل ال Designs لأفضل عميل..
وده جزء من شغلنا لمركز "Dental resort"❤️

في احدي ليالي الصيف الدافئة كان في اتنين رايقين قاعدين على قهوة عبده في امان الله، وفجأة جتلهم فكرة مشروع متخرش المايه 🔥
قرروا انهم يعبوا الهوا في ازايز ويبيعوه بسعر 10ج للإزازة الواحدة
وبحسبة بسيطة لقوا انهم لو باعو 1000 ازازة في الشهر هيدخلهم 10000ج أرباح 🤑

بس بقت المشكلة ازاي يقدروا يبيعوا 1000 ازازة في الشهر 🤔
قالوا سهلة، يعملوا اعلانات على فيسبوك بـ1000ج كده يشبرقوا بيها الدنيا ويبيعوا ويقعدوا يعدوا الفلوس على انغام ميليونير ميليونير 😎

بس اسمحلي اقولك إنهم لو صرفوا مليون جنيه على التسويق مش هيبيعوا برضو
التسويق مش هينفع المنتج الردئ واللي محدش عايزه، حتى لو بالطبل البلدي زي ما بنقول 🙄
أول وأهم حاجة في عملية التسويق ان الناس تبقى محتاجة المنتج ده أصلاً وانه يبقى بيحللهم مشكلة
وخد بالك اننا لما بنقول منتج ردئ مبنقصدش المنتج اللي خاماته رديئة، لإن لو في منتج خاماته رديئة بس سعره رخيص والناس عايزاه يبقى ناجح تسويقياً، لأنه كده هيكون حقق الـMarketing mix المظبوط ✅

الناس بتفتكر التسويق ده سحر (خصوصاً إعلانات فيسبوك)، فاكرين انهم لو دفعوا 10ج هيحققوا 1000ج ارباح بغض النظر عن اللي بيبيعوه
مع العلم ان اهم حاجة في العملية التسويقية هي المنتج نفسه.
قبل ما تفكر تسوق أي منتج اسأل نفسك هل الناس عايزينه ومحتاجينه وبيلبي عندهم need معين ولا لا؟

قولنا لو شوفت حد بيبيع هوا في ازايز (منتج ملوش لازمة) قبل كده وكان رد فعلك إيه ساعتها؟

Look, smell and taste 😋
No one can eat something without likes its look.
So, here's your food styling pics with our great customer. "FCF dessert lounge & drinks"
العين بتاكل قبل اللسان..
عشان كده بنهتم جداً بتقديم صور منتجات الطعام لعملائنا بأفضل وأوضح شكل..
وده جزء من شغللنا للعميل المميز جداً "FCF desert lounge & drinks"❤️

صباح الخير عندنا إعلانات إيه النهاردة؟!

الإعلانات حالياً بقت كتيرة لدرجة إنك ممكن تتفرج على إعلان وتنسى إنك شوفته أو تنسى هو كان بتاع شركة إيه والغرض منه بيعلن عن أنهي منتج❗

نفتكر واحنا صغيرين إعلان "زيرو تلات سبعاااااات خمسسستلاااف"
الإعلان بقالو حوالي 15 سنة ولسه معلق في دماغ كل واحد سمع الإعلان أو اتفرج عليه بالرغم إنه اتعرض في فترة كانت الإعلانات ليها مساحة ضيقة جداً من التليفزيون ومكنتش بالتكرار اللي بيحصل دلوقتي
لكن قدر الإعلان يحقق السهل الممتنع بأبسط إمكانيات واعتمد بس على ال Creativity صح👌

طب احنا كده مسكنا نقطة مهمة.. يعني عشان اعمل إعلان كويس يوصل للناس اعمل أغنية أو حاجة تعلق معاهم؟! .برضو لأ🤷‍♂️
خلي بالك دايماً وانت بتعتمد على ال Creativity لازم توظفها لخدمة هدفك من الإعلان
بمعنى إنك متخرجش برة الصندوق لدرجة إننا منعرفش انت خرجت روحت فين ولا بتعمل إيه 🤦‍♂️
افتكر دايماً إننا مش بنتنافس مين اكتر واحد Creative ❌
احنا بنتنافس مين أكتر واحد Creative في الوصول لهدفه ✔️

طب نرجع ل زيرو تلات سبعات خمستلاف.. الإعلان هنا كان عنده غرض أساسي وهو إن أى حد محتاج للخدمة بتاعته يكون عارف هيوصل ليهم ازاى بأسهل طريقة وفي أى وقت زى ما صيدليات (19011) عملت بالظبط👌
لإنه مفيش أسهل من رقم تليفون عشان تقدر توصل لمكان أو شخص.. ومفيش أصعب من إنك تحفظ كل الأرقام اللي بتحتاجها بس الإعلان هيخليك تحفظها

يبقى أنا..
هنا قدمتلك الخدمة بتاعي ✔️
عملت حاجة Creative لفتت انتباهك ✔️
وظفت ال Creativity بتاعتي في العرض الأساسي من الإعلان✔️

قولنا إيه اكتر إعلان Creative شوفته وعلق معاك🤔

الأهم من الشغل هو تظبيط الشغل..
والموظف لازم يتظبِط عشان يعرف يظبِط الشغل😎
احنا في Trend بنحب الشغل المظبوط اللي طالع بنفس راضية ودماغ رايقة💃

لذلك قررت شركتنا الموقرة تخصيص يوم كُل اسبوع للعمل خارج الشركة في أى مكان رايق.. لتقديم شغل عَالّرايق😌

Nothing is more important than our client identity.
So, we present you one of our great works with a great customer.
BENO❤️

متفكرش مرتين عشان تقرر تبقى واحد من عملاء وشركاء نجاح Trend agency..
بنضمنلك High quality ل Visual identity تعيش العمر كله👌

دوق طعم الغنى وال Luxury يا فقير😠

تعالو نفكر مع بعض..
ليه الكومباوندات والمدن الجديدة بتعمل إعلان طويل على التليفزيون.. في حين إن الـTarget customer بتاعها مش محتاج يشوف اعلانها في التلفزيون أصلا 🤔

_ كلنا عارفين إن تسويق العقارات قايم على شراء داتا العملا والتواصل معاهم على التليفون أو واتساب بس عمرنا ما نروح نقول🤫

طب ليه الاعلانات دي بتواجه موجة من الاستنكار والهيخو هيخو كبيرة جدا من الناس؟!
_انا لو جيت قولتلك إني هنزل چيم رجالي اعرض منتجات Skin care للبيع!!
لو محدش حفل عليا ولا ضربوني فأقل حاجة إنه محدش هيشتري مني..
يعني باختصار.. وانت بتفكر تروج لمنتج معين لازم تفكر المنتج ده رايح لمين ومين اللي هيشتريه والأهم وحط تحت الأهم 100 خط⛔
الأهم إنك تسأل نفسك العميل اللي هيشتري ده موجود فين! عشان نروح نبيعلو في المكان اللي هو فيه

طب يعني شركات العقارات الكبيرة دي كلها مش فاهمة أ ب تسويق ومسمعوش عن حاجة اسمها Ads Placement؟!
_لأ طبعا هما فاهمين كل حاجة
بس احنا في عصر ال Show والناس هتنبهر لو قولتلهم انا طالع اصيف في المالديڤ على عكس لو قولتلهم انا طالع جزيرة مالي..
مع إن مالي هى أجمل جزيرة في المالديڤ🙄

طيب برضو هما صح ولا غلط استاذ غسان متسيبنيش😥
_الحقيقة إننا منقدرش نقول هما صح ولا غلط
بس نقدر نقولك اعمل الصح!
وظف ال Ads Placement بتاعتك في مكانها الصح..
بمعنى إنك لو عايز تبيع شقة في الكومباوند بتاعك فهتجيب داتا العملا اللي ممكن يشترو وكلمهم وحقق التارجت بتاعك بسرعة

ولو عايز تعلي من اسم الكومباوند بتاعك اعمل إعلان وهات ممثلين كتير وأغنية جميلة وخلي الناس كلها تتكلم عنه عشان لما تشتري داتا العملا بتوعك ترضي غرورهم بإنهم هيشترو مكان مصر كلها عارفة إنه luxury جداً

ال Ads Placement اتغيرت أوي يا لينا🥺

قولنا ايه رأيك في الموضوع الشائك ده🧐..

في كل فيلم حول العالم لما البطل بيحب يوصل لهدف..
بيقرر يجوب البلدة بحثاً عن مجرمين بمواصفات معينة يساعدوه للوصول لهدفه🎯

احنا كل مجرم عندنا تم اختياره بعناية ودقة..
تعالو ناخد فكرة عن كل مجرم في Trend ونعرف إيه تهمته🧐
سيداتي ساداتي.. نقدم إليكم مجرمين الـ Marketing في Trend agency...

هيقولي بقا التيت والشريط وكاني وماني ودكان الزلباني..
اه هنقول..
تاني وتالت وعاشر ومش هنزهق عشان ده لُــب الموضوع
وركزلي أوي على كلمة "لُــب" 👌

المزيج التسويقي أو كما يُطلق عليه العجم.. "Marketing Mix"
باختصار شديد جداً هو أهم العناصر اللي لازم تحددها قبل ما تدخل السوق عشان تبيع المنتج بتاعك وهما أربع عناصر "4Ps" بالنسبة للمنتجات

1-Product
كل حاجة تخص المنتج بتاعك بمعنى كل حاجة حرفياً..
يعني مثلا وظيفته وممكن يقدم إيه للجمهور والفايدة منه وشكل المنتج وكيفية استخدامه والفرق بينه وبين المنافس والمميزات اللي فيه عن غيره😎..
يعني كل اللي العميل محتاج يعرفه عن منتجك دلوقتي وبعدين

2-Place
لو جيت قولتلك أنا هنزل الصعيد ابيع عوامات ومايوهات!! هتقول عليا عبيط🤷
مهم جداً وانت بتجهز للمنتج بتاعك قبل ما ينزل السوق إنك تعرف هتبيعه فين ولمين

مهم كمان إنك تعرف تنتشر صح..
بمعنى إنك لو ملقتش زبادي جُهينة عند البقال اللي تحت بيتك والبقال اللي على أول الشارع واللي قدام شغلك واللي في كل شبر بتمشي فيه في الشارع يبقى فيه غلط في توزيع الزبادي

وطبعا مش كل المنتجات بتنتشر بنفس الطريقة فمثلا بتلاقي توكيل العربيات موجود بعدد معين محدود جدا في البلد كلها

يبقى هتخلي بالك هتبيع منتجك فين ومساحة انتشارك هتكون قد إيه👌

3-Price
السعر ده قصة كبيرة لوحده محتاج شرح 3 سنين عالأقل بس احنا هنختصر في سطور قليلة🧐

وانت بتحدد السعر لازم تاخد في اعتبارك التكاليف بتاعتك من حيث كل جنيه اتصرف على المنتج وميبقاش كل همك الشاغل هو سعر المنافس أو إنك تحقق مكسب وبس

ومع ذلك لازم على قد ما تقدر برضو تحط المنافس في الاعتبار وتبقى عارف فرق السعر اللي بينكم سببه مثلا اختلاف ال quality أو اختلاف ال Fixed assets أو أى شئ آخر

آخر حاجة بقا لازم تركز مع الفئة المستهدفة ليك وتعرف السعر بتاعك هيناسبهم ولا لأ

4-Promotion
الاعلانااااااااااات 📢
مرة واتنين وعشرة لازم تعرف عميلك إنت بتبيع إيه
لازم توصلهم بكل الطرق اللي تقدر عليها واللي متقدرش عليها تتعلم وتعرف إزاى تقدر عليها🧐
ال Traffic مطلوب وبالتالي لازم تخصص ليه وقت أكبر و Budget مناسبة💰

من هنا نقدر نقول إننا اختصرنا ال Marketing Mix أشد اختصار

استنى عندك✋
ضيفلنا أكتر في الكومنتات وقولنا نسينا إيه أو حابب نتكلم أكتر عن إيه👀

زى ما بتهتم بتقديم منتجك بأفضل جودة..
احنا بنهتم بتقديمك للجمهور بأفضل شكل👌

وإليكم جزء من شغلنا في ال Visual identity لعميلنا المميز جداً.. أحباب المصطفى✨

Visual identity can lead you to your audience Easily by being well-arranged and having your individual identity👌
So, we present you "أحباب المصطفى" Visual identity.. one of our great work✨

عارف السهل الممتنع؟.. اه
شوفته؟.. لأ
يبقى متعرفوش

48 ثانية من البساطة واللطافة قدرو يوصلو الخدمة الجديدة اللي بيقدمها البنك الأهلي 👌
وأخيراً إعلان بدون مشاهير وعلى العكس تماماً..
وشوش مصرية أصيلة بنشوفها كل يوم في الشارع، وحوار بيحصل قدامنا كل شوية في كل بيت

من غير ما ياخدك في أغنية ويلف بيك لفة طويلة.. لأ عمل قعدة عرب كده وصباح الخير بص انتو بتتخانقو على سحب الفلوس وكده واحنا هنسهل عليك الموضوع ده وبتاع ماشي سسس سلا سسلام

البنك الأهلي حقق المعادلة الصعبة
_وضوح الفكرة✅
_ميزانية قليلة✅
_مدة الإعلان قليلة✅
*وأخيراً لقينا حد معترف بإن فيه وظيفة اسمها موديل اعلانات🙄
_عدم وجود مشاهير✅

الإعلان Totally جميل جدا وخفيف على القلب.. شكرًا البنك الأهلي

استنى عندك🧐..
قولنا رأيك في الكومنتات وشوفت الإعلان ازاى؟

لينك الإعلان في أول كومنت..

فلسـطىـں عرٮـٮـه وسٮـطل عرٮـٮـه 🇵🇸
كلنا نقدر ندعم القضية إلكترونياً ومتصدقش أى حد بيحاول يحبطك أو يقلل من اللي بنعمله
طب إزاى نقدر ندعمها بأفضل طريقة؟.. افتح الصور للآخر👇

أول طريق لقلب الجمهور.. عينيه
وعشان كده تركيزنا دايما في Trend نقدم أفضل تصميم Creative.. لأفضل منتج✅
ده جزء من شغلنا مع مطعم وجدي للمشويات.. واحد من أكتر العملاء المميزين في Trend

This is how we introduce our clients..
Creative way is the favorite way👌

اسأل أكتر عن خدماتنا التسويقية
Ask for more >>> 01101013040

عيد سعيد عليكم جميعاً ❤️
واحلى كحك وبسكوت عليكوا 😋

عيد سعيد وكحك لذيذ للجميع.. ما عدا اللي جايبين كحك من ايتوال🙄

1_سمعنا قصة زمان لواحد كان نفسه يتشهر ويطلع في الجرايد فقرر يعمل جريمة ويطلع في صفحة الأحداث❌

ده بالظبط اللي "ايتوال Etoile" عملته
الحقيقة إنه عنصر الجذب من أهم عناصر الإعلان بس الحقيقة الأهم إن عنصر الجذب يكون إيجابي ليك وللمنتج بتاعك
اعلان ايتوال بالفعل بقا تريند لكنه تريند للنقد والتريقة
هيجي واحد محنك يقولي ماهو كده حقق غرضه وبقا منتشر
هقولك طب هو ايتوال مستني يعمل ضجة واسمه يتردد بأى شكل عشان يتعرف؟!
الدعايا السلبية دي ممكن تمشي مع حد لسه بيبدأ يتعرف ونفسه الاسم بتاعه يتكرر مع الناس كتير مش brand كبير واسمه بالفعل معروف ومن أشهر المنافسين في مجاله🤷

النتيجة النهائية.. إعلان سئ ومقزز بكل المقاييس🤝

2_ العبد❤️
أحمد كامل صوت شبابي محبوب ولطيف وعبدالباسط حموده صوت مميز جدا ودمه خفيف وشعبيته كبيرة بين فئات وأعمار مختلفة
سكان العمارة والأهل اللي بيزورو بعض ب علب وأطباق الكحك عمل حتة نوستالجيا لطيفة من على طرف المعلقة كده تخلي الإعلان قريب لقلبك
أغنية خفيفة بتتكلم عن المنتج نفسه مش بنغني لأجل الغنا وخلاص زى السائد في معظم الإعلانات

إعلان totally جميل جداً متنفذ بشكل السهل الممتنع
بسيط ورتمه سريع ويعلق معاك.. وخلافنا يروح بكحكاياااااااااه❤️

قولنا رأيك في الإعلانين ومين أكتر واحد عجبك🙄