Fel Zawya El Be3eeda - في الزاوية البعيدة

تشكيل فيه مشاكل
تغييرات متأخرة
مفيش خطة تقريبا بنرمي لليمين وخلاص
تريزيجيه للمباراة التانية بيقلبها لصالحك هو وإمام وانت مش عارف تستغله
مفيش دفاع إطلاقا
الفريق عايز يلعب بس متكتف
الحمد لله اننا صعدنا بس والله فعلا لو ماصلحناش الأخطاء هانخرج الدور الجاي

تشكيل منتخب مصر:

الشناوي
فتوح / منعم / حجازي / هاني
مروان عطية
حمدي فتحي / إمام عاشور
مرموش / مصطفى محمد / زيزو

طب ليه هاني طالما حمد فتحي موجود وكان ممكن يغطي تقدم عمر كمال ؟ ليه لازم يبقى فيه حاجة تقلش في التشكيل ؟ ربنا يستر

#مصر والرأس الأخضر
2024

كده كوت ديفوار مسكت الآله الحاسبة وشكلها مش معانا 🤦🏻

مباراة محترمة جدا من منتخب موريتانيا رغم الهزيمة .. أداء رجولي لحد اخر ثانية رغم ان الامكانيات (والتوقعات) مكانتش في صفهم لكن ادوا بشكل مميز جدا

في الوقت نفسه انجولا هجوميا مميزة لكن على المستوى الدفاعي فيه اخطاء كتير لازم تتصلح

المجموعة كدا يتصدرها أنجولا وبوركينا ب ٤ نقاط ، يليها الجزائر ب نقطتين ثم موريتانيا صفر نقاط

الجولة القادمة مباراة الجزائر وموريتانيا هاتبقى من نار

شوف لما خرجت النني وشك نور إزاي ؟
طبعا الحمد لله إننا ماخسرناش وكان لينا كذا فرصة في اخر تلت ساعة بس ده لا يعني إن احنا كويسين احنا بس استغلينا خطأين رجعونا للمباراة تاني .. لكن فيه مشاكل كتير في التشكيل والطريقة وحتى التغييرات .. الميزة الوحيدة هي عودة الروح
التفاصيل لاحقا

للأسف .. اللاعيبة مرعوبة .. بطء شديد جدا في بناء اللعب وتحركات كلها تقريبا مكشوفة .. وحتى لما بنفرغ مساحات لحد عشان يجري مش بنمرر له عشان مش بيرفعوا وشهم من على الارض وبيختاروا الاسلم وهو التمرير للخلف .. كانت ناقصة كمان هزة نفسية بإصابة صلاح ...

برضه نفسي افهم يا نني انت ومرموش وحمدي إزاي قدوس يستلم وسطكم ويطلع منكم بالسهولة دي ......

للاسف فيتوريا ركب دماغه وصمم على النني جمب فتحي وإمام عاشور .. مع تواجد عمر كمال على اليمين يبقى نقلق من المساحات في ضهرنا وربنا يستر ...

لسه بنكمل كلام عن المنتخبات المرشحة للفوز بلقب الأمم الأفريقية 2024 المقامة بكوت ديفوار ، وبنختم حديثنا بالكلام عن أسود الأطلس منتخب #المغرب

طول عمر المنتخب المغربي من المنتخبات القوية اللي ليها طابع خاص وأسلوب مميز وبيعتبر دايما من المرشحين للبطولة نظراً لإمتلاكه تشكيلة قوية من اللاعبين المحترفين بالدوريات الأوروبية اللي ساعدوه على إحتلال المركز الرابع بكأس العالم قطر 2022 تحت إدارة المدير الفني الوطني وليد الركراكي

المنتخب المغربي وصل نهائي أمم أفريقيا مرتين وفاز بها عام 1976
البداية كالعادة من القائمة المستدعاة وهي:

Goalkeepers: Yassine Bounou, Munir Mohamedi, Mehdi Benabid

Defenders: Achraf Hakimi, Noussair Mazraoui, Yahya Attiat Allah, Nayef Aguerd , Romain Saiss, Yunis Abdelhamid, Chadi Riad, Abdel Abqar, Mohamed Chibi

Midfielders: Amir Richardson, Sofyan Amrabat, Oussama El Azzouzi, Selim Amallah, Bilal El Khannouss, Azzedine Ounahi, Ismael Saibari, Amine Harit

Forwards: Hakim Ziyech, Amine Adli, Abde Ezzalzouli, Sofiane Boufal, Tarik Tissoudali, Youssef En-Nesyri, Ayoub El Kaabi

المنتخب المغربي من المنتخبات المرنة في فلسفتها، بينوع بين طريقة 4/3/3 و طريقة 4/2/3/1 ، أمام المنتخبات الأضعف بتعتمد على الإستحواذ وتجميع اللعب ثم تحرير الظهير الأيمن أشرف حكيمي ، مع مراعاة اللعب على الناحية اليسرى بشكل اقل نتيجة إلتزام يحيى عطية الله دفاعيا وميل الأجنحة اليسرى للدخول للعمق لعمل البينيات أو التسديد
أما أمام المنتخبات القوية فالمغرب بتلعب تحت الكورة بدفاع منخفض وبتعتمد على التحولات والضربات الثابتة اللي بيمتلكوا أكثر من منفذ مميز زي حكيمي و أمين حارث و حكيم زياش ، مع إمتلاكهم للاعبين مميزين في ضربات الرأس زي سايس وأجرد ويوسف النصيري

التفاصيل في الصور

لسه بنكمل كلام عن المنتخبات المرشحة للفوز بلقب الأمم الأفريقية 2024 المقامة بكوت ديفوار ، والمرة دي الحديث عن بطل النسخة الماضية منتخب السنغال

السنغال لم يكن لها تواجد قوي وسط دول أفريقيا كرويا لحد جيل 2002 مع الحاج ضيوف وبابا ديوب والمدرب الحالي أليو سيسيه وخاليلو فاديجا وهنري كامارا اللي وصل نهائي البطولة وخسر بركلات الترجيح امام الكاميرون ووصل لدور ال8 في كأس العالم 2002

بعد إعتزال الجيل ده بدأت السنغال في التخبط لحد ما ظهر جيل جديد هو الجيل الحالي اللي بيدربه المنتخب السنغالي زي ما قلنا أليو سيسيه و وصل لكأس العالم 2022 وصعد لدور ال16 ووصل لنهائي أفريقيا 2019 وفاز بالفعل ببطولة 2022

البداية كالعادة من القائمة المستدعاة وهي:

Goalkeepers: Edouard Mendy, Mory Diaw, Seny Dieng

Defenders: Youssouf Sabaly, Kalidou Koulibaly, Moussa Niakhate, Abdou Diallo, Formose Mendy, Abdoulaye Ndiaye, Abdoulaye Seck, Fode Ballo-Toure, Ismail Jakobs

Midfielders: Lamine Camara, Pape Matar Sarr, Krepin Diatta, Cheikhou Kouyate , Pape Gueye, Nampalys Mendy, Pathe Ciss, Idrissa Gana Gueye

Forwards: Nicolas Jackson, Abdallah Sima, Boulaye Dia, Sadio Mane, Habib Diallo, Iliman Ndiaye, Ismaila Sarr

الملاحظات اللي هاقولها دي مبنية على اخر 4 مباريات قبل التوقف الحال أمام كل من:
الجزائر (ودية) / الكاميرون (ودية) / جنوب السودان (تصفيات كأس العالم 2026) / توجو (تصفيات كأس العالم 2026)

بيلعب سيسيه عادةً بطريقة 4/3/3 وبيعتمد غالباً على:
الحارس Edouard Mendy
المدافعين Koulibaly و Niakhate
الأظهرة Jacobs , Kephren Diatta
الوسط P. Sarr و Idrissa Gueye
وطبعاً Mane و Ismaila Sarr

أمام الفرق القوية بيميل سيسية للتأمين واللعب تحت الكورة والإعتماد على المرتدات ، أما أمام الفرق الأقل فا طبعا بيمسك كورة أكتر

برضه من الحاجات اللي لاحظتها هي إن الفريق مش بيخلق كم فرص كبير ، غير إن بيكون فيه رعونة في التعامل مع الفرص خاصةً أمام الفرق الصغيرة

التفاصيل في الصور

كأس الأمم الأفريقية 2024
#مصر و موزمبيق

الشوط الثاني

زي ما قلنا بين الشوطين .. تضييع الاهداف واحنا اصلا مش محصنين ممكن يكلفنا كتير .. استقبال هدفين من اخطاء ساذجة ضيع علينا نقطتين وكان ممكن يبقوا تلاتة لولا ستر ربنا ...

هانتكلم عن الماتش بالتفصيل لاحقا ..

كأس الأمم الأفريقية 2024
#مصر و موزمبيق

-بنضيع كتيييييير جدا ومجهودنا ممكن يضيع بكورة واحدة عرضية في ضهر محمد حمدي .... لازم جول تاني نأمن بيه

للاسف شفت تشكيل مصر والنني بيلعب جنب حمدي فتحي وزيزو في الوسط
ده معناه حاجة من اتنين .. الأولى لو النني هايلعب ٦ فاحنا هانعاني في الخروج بالكورة وكمان هانعاني واحنا بنستقبل اللعب لأنه مش مميز دفاعيا بالعكس، احنا دايما دفاعنا بينكشف في وجود النني كلاعب رقم ٦ (زي ماتش سيراليون) ده غير ان حمدي مش هايفيدك كلاعب رقم ٨ غير في تكملته جوا المنطقة كراس حربة تاني وممكن يضيفلك قوة دفاعية شوية مع محمد حمدي وتريزيجيه لكن كتدرج بالكورة مش هاتلاقيه

الحاجة التانية بقى لو حمدي فتحي هو اللي لعب ٦ ودي كارثة .. حمدي مميز جدا كقاطع كرات لكن ضعيف في الخروج بالكورة ، وهاتبقى خسرت تكملته جوا ال١٨ وحطيت النني ٨ وهو اصلا غير مميز في التكملة الهجومية ..

في رأيي كان بدأ بمروان عطية بدل النني افضل بصراحة ..

مش باتابع مباراة نيجيريا وغينيا الاستوائية بتركيز ، بس لفت نظري كمية الفرص المهدرة من سايمون موزيس واوسيمين .. رغم سيطرتهم على الشوط التاني كله تقريبا

مباراة إفتتاح الأمم الأفريقية 2024

vs

الشوط الثاني

-بداية الشوط غينيا بيساو بتحاول تخرج بالكورة من اليمين وبدون النجاح في الوصول للمرمى .. لكن الفرصة اللي جاتلهم كانت عن طريق التحول بعد قطع الكورة من اورييه الظهير الايمن البديل من تلت ملعبه!

-كوت ديفوار بدأت الشوك التاني بتحفظ شوية وبطىء في الريتم مع تغيير في طريقة الخروج بالكورة (زي نهاية الشوط الأول) بتواجد سانجاري ع الدايرة وتواجد كيسي وسيكو فوفانا كلاعبين رقم ٨ والاعتماد على المدافع الايسر نديكا مع سانجاري وفوفانا في الخروج بالكورة .. وبعد الهدف التاني اعتمد على المرتدات والكرات المباشرة للأطراف

-اطراف كوت ديفوار هي مصدر كل الخطورة فعلا لامتلاكهم لاعبين مهاريين .. في الشوط الأول من اليمين والشوط التاني من الشمال

-فوز مستحق لكوت ديفوار من وجهة نظري

مباراة إفتتاح الأمم الأفريقية 2024

vs

الشوط الأول

-كوت ديفوار بينوع بين الضغط العالي و البلوك المتوسط من وسط الملعب بشكل ٤-١-٤-١

-التحضير بيبدأ غالبا من على اليسار ناحية غيسلان كونان وبيميل فرانك كيسي (أو سانجاري) و الجناح الأيسر (اللي بيتبادل عليه بوجا وبامبا) لعمل مثلث بتطلع عليه الكورة ، بعد كده بيحاولوا يخترقوا من احد الجناحين

-في حين إن غينيا بيساو بتحاول تقابل ببلوك متوسط برضه بشكل مقارب ل ٤/٤/٢ بس بسهولة بيتضرب من جهة اليمين (اللي هي يسار كوت ديفوار)

-هجوميا بقى غينيا بيساو بتحاول تستغل اخطاء لاعبي كوت ديفوار في للتمرير لعمل التحولات زي كورة خطأ سينجو اللي تسببت في فرصودة محققة، أو بيلعب هجمات منظمة عن طريق الأطراف لكن مانجحتش بشكل كبير

-تمركز سيكو فوفانا على حدود ال١٨ للتسديد زي ما كنا بنقول وقت تحليل كوت ديفوار ، سجل منها هدف وسدد كرة في العارضة

-مجملا رغم تضييع غينيا بيساو لفرصة محققة إلا إن كوت ديفوار تستحق التقدم لأنها سيطرت وخلقت فرص اكتر واستغلت فرصة منهم وسجلت بالفعل .. لما نشوف الشوط التاني هايكون الوضع ايه

بنكمل سوا الكلام عن الفرق المرشحة لبطولة الأمم الأفريقية 2024 بكوت ديفوار ، وانهارده هانتكلم عن منتخب الكاميرون
المنتخب الكاميروني توج باللقب الأفريقي 5 مرات أخرهم 2017 على حساب منتخبنا في النهائي لكنه من بعد إعتزال جيل إيتو وسونج وجيريمي والبيقية مابقاش بنفس القوة لكنه بطبيعة الحال يظل من كبار القارة ومن أبرز المرشحين

هانبدأ كالعادة بالقائمة المستدعاة للبطولة:

Goalkeepers: Andre Onana, Fabrice Ondoa, Devis Epassy, Simon Ngapandouetnbu

Defenders: Christopher Wooh, Junior Tchamadeu, Nouhou Tolo, Darlin Yongwa, Oumar Gonzalez, Harold Moukoudi, Jean Charles Castelletto, Malcom Bokele, Enzo Tchato

Midfielders: Olivier Ntcham, Yvan Neyou, Doualla Wilfried Nathan, Ben Njongoue Elliott, Andre-Frank Zambo Anguissa, Olivier Kemen, Leonel Atebynamo

Forwards: Vincent Aboubakar, Francois Regis Mughe, Georges-Kevin Nkoudou , Clinton Njie, Karl Toko Ekambi, Faris Moumbagna, Frank Magri

بيدرب المنتخب الكاميروني اللاعب السابق الأسطوري ريجوبيرت سونج اللي صعد معاهم لكأس العالم 2022 بقطر وخرج من دور المجموعات رغم فوزه على البرازيل بهدف للا شيء

الملاحظات اللي هانتكلم عليها مبنية على اخر 4 مباريات للمنتخب الكاميروني قبل التوقف الحالي نظرا لقلة المصادر والمباريات دي أمام كل من:
روسيا (ودية) / السنغال (ودية) / موريشيوس (تصفيات كأس العالم 2026) / ليبيا (تصفيات كأس العالم 2026)

في المباريات دي إعتمد سونج على طريقة 4/3/3في أول مباراتين ، ثم أمام مورسشيوس إعتمد على 3/4/3 قبل الإعتماد على طريقة 4/2/3/1 أمام ليبيا

وأبرز اللاعبين اللي اعتمد عليهم هما: الحارسين Onana و Ondoa
المدافعين Wooh و Moukoudi و Oumar Gonzalez والظهير الايمن Castelletto
المحور Kunde و Sambo Anguissa
الجناح Mbeumo المصاب ومش هايلعب البطولة
والمهاجم Vincent Aboubakar

تفاصيل اللعب في الصور

لسه بنتكلم عن أبرز المنتخبات المشاركة في بطولة الأمم الأفريقية 2024 ، وإنهاردة هانتكلم عن مرشح أخر للقب وهو منتخبنا المصري
منتخب #مصر هو صاحب الرقم القياسي للتتويج بالبطولة برصيد 7 ألقاب أخرهم عام 2010 ، غير إنه وصل للنهائي مرتين في أخر 3 نسخ وخسر أمام الكاميرون والسنغال على الترتيب

هانبتدي كالعادة بالقائمة المستدعاة:

حراسة المرمى: محمد الشناوي - أحمد الشناوي - محمد أبو جبل - محمد صبحي

الدفاع: أحمد حجازي - محمد عبد المنعم - علي جبر - ياسر إبراهيم - أحمد سامي - محمد هاني - عمر كمال - أحمد فتوح - محمد حمدي

الوسط: حمدي فتحي - إمام عاشور - محمد النني - مروان عطية - أحمد سيد "زيزو" - مهند لاشين - محمود حمادة

الهجوم: محمد صلاح - مصطفى فتحي - محمود حسن "تريزيجيه" - عمر مرموش - مصطفى محمد - محمود عبد المنعم "كهربا" - أحمد حسن "كوكا"

منتخب مصر تحت قيادة روي فيتوريا البرتغالي في أولى تجاربه مع المنتخبات وبعد سنة ونص في قيادة المنتخب حقق فيهم نتايج مقبولة مع العلم انه ماوجهش لسه منتخبات قوية في إختبار رسمي

الملاحظات اللي هاذكرها مبنية على أخر 5 مواجهات للمنتخب المصري أمام كل من:
زامبيا (ودية) / الجزائر (ودية) / جيبوتي (تصفيات كأس العالم 2026) / سيراليون (تصفيات كأس العالم 2026) / تنزانيا (ودية إستعدادية لبطولة الأمم)

فيتوريا بيعتمد على الورق على طريقة 4/3/3 بتعديل بسيط هو ترك حرية الحركة لصلاح وعدم الإلتزام بمهام الجناح الأيمن تاركاً المهمة إما لعمر كمال حال لعبه أو لزيزو حال لعب محمد هاني
إعتمد فيتوريا على كذا أسلوب نتيجة عدم ثبات ال3 لاعبين اللي في وسط الملعب وده هانشوفه في الصور

زي ما قلنا ، هانتكلم عن ابرز الفرق المشاركة في بطولة الأمم الأفريقية 2024 ، والمرة دي هانتكلم عن الSuper Eagles ، المنتخب النيجيري
نيجيريا من المنتخبات اللي ليها باع طويل في كرة القدم الأفريقية ، شاركت في كأس العالم عدة مرات وتوجت بذهبية أوليمبياد أتلانتا 1996 ، غير فوزها ببطولة الأمم الأفريقية عام 1980 و 1994 و 2013
طبعا مرت نيجيريا بفترة إنحدار في المستوى وغابت عن كأس العالم 2022 بقطر ، بس بالتأكيد تظل من المرشحين للفوز باللقب أولا لتاريخها ثانيا لإمتلاكها لاعبين مميزين على رأسهم أفضل لاعب أفريقي Victor Osimhen

هانبدأ كالعادة بالقائمة المستدعاة وهي كالتالي:

Goalkeepers: Stanley Nwabili , Francis Uzoho, Leke Ojo

Defenders: William Troost-Ekong, Bright Osayi-Samuel, Ola Aina, Zaidu Sanusi, Bruno Onyemaechi, Semi Ajayi, Calvin Bassey, Chidozie Awaziem, Kenneth Omeruo

Midfielders: Wilfred Ndidi, Raphael Onyedika, Joe Aribo, Frank Onyeka, Alex Iwobi

Forwards: Kelechi Iheanacho, Samuel Chukwueze, Moses Simon, Ademola Lookman, Victor Osimhen, Victor Boniface, Ahmed Musa, Sadiq Umar

اتفرجت على أخر 5 مباريات لمنتخب نيجيريا أمام كل من: ساو تومي وبرينسيب (تصفيات كأس الأمم) / السعودية (ودية) / موزمبيق (ودية) / ليسوتو (تصفيات كأس العالم 2026) / زيمبابوي (تصفيات كأس العالم 2026)

بيدرب المنتخب المدرب Jose Peisero اللي درب الأهلي في مصر ومانجحش وهرب سريعا للبرتغال من جديد وواضح جدا التذبذب من النتايج وتغيير طريقة اللعب أكثر من مرةز
بيسيرو إعتمد على طريقة 4/4/2 في 3 مباريات وإعتمد في مباراة على 4/3/3 ومباراة بطريقة 4/2/3/1
فاز من ال 5 مباريات دول بمباراتين وتعادل في 3 ، إستقبل فيهم 6 أهداف وسجل 13 (منهم 6 في مباراة ساو تومي وبرينسيب)
أبرز اللاعبين اللي شاركوا بإستمرار هما:
الحارس Uzoho
المدافعين S. Ajayi و Bassey
الظهير الأيسر Onyemaechi
لاعبي الوسط Iwobi و Oneyka
الأجنحة Simon Moses و Lookman
والمهاجم Boniface
علما بأن Osimhen كان غاب للإصابة عن أخر 3 مبارايات

الملاحظات التكتيكية في الصور

زي ما قلنا ، هانتكلم عن ابرز الفرق المشاركة في بطولة الأمم الأفريقية 2024 ، والبداية هاتكون من المجموعة الأولى ومنتخب البلد المضيف منتخب الكوت دي فوار

الفريق الإيفواري فريق كان دايماً بيكون من المرشحين للبطولة وقايمته دايماً كانت بتضم نجوم محترفين أمثال دروجبا و يايا تورية ومع ذلك فازت باللقب مرة واحدة عام 2015 ، بعد كده مرت بمرحلة إنعدام وزن وفي 2024 بتستضيف البطولة في محاولة للعودة للواجهة الكروية الأفريقية من جديد

أول حاجة القائمة المستدعاة للبطولة:

Goalkeepers: Yahia Fofana, Charles Folly, Badra Ali

Defenders: Serge Aurier, W***y Boly, Ismael Diallo, Ousmane Diomandé, Ghislain Konan, Evans N’dicka, Odilon Kossonou, Wilfried Singo

Midfielders: Jean-Thierry Amani Lazare, Idrissa Doumbia, Seko Fofana, Ibrahim Sangaré, Franck Kessié, Jean-Michael Seri

Forwards: Simon Adingra, Jonathan Bamba, Jérémie Boga, Sébastien Haller, Karim Konaté, Christian Kouamé, Jean-Philippe Krasso, Max-Alain Gradel, Oumar Diakité, Nicolas Pépé

الملاحظات الي هانقولها كانت بناءا على أخر 5 مباريات للمنتخب الإيفواري أمام كل من:
ليسوتو (تصفيات كاس الأمم 2024) / المغرب (ودية) / جنوب أفريقيا (ودية) / سيشل (تصفيات كأس العالم 2026) / جامبيا (تصفيات كأس العالم 2026)

منتخب كوت ديفوار إعتمد في 3 مباريات على طريقة 4/3/3 وفي مباراة على طريقة 3/4/3 وأخرى ب 3/5/2 ، علماً بإن مبارياته اللي ب 3 مدافعين كانت أمام أضعف خصمين اللي هما ليسوتو وسيشل

بيعتمد دايماً على اللعب المباشر تجاه الأجنحة زي ما هانشوف الصور
عنده مشاكل تقنية في خط دفاعه سواء الرقابة أو التمركز أو حتى في السيطرة على الكرة قرب مناطقه بتخليه مع الضغط او المرتدات ممكن يستقبل أهداف

أكثر اللاعبين مشاركة وأبرز اللاعبين:
الحارس Yahia Fofana ، المدافع Evan Ndicka
لاعبي الوسط Ibrahima Sangare , Franck Kessie , Seko Fofana ، والمهاجم Sebastian Haller

هانتكلم على الأفكار التكتيكية في الصور

بإذن الله على مدار الكام يوم الجايين هانتكلم في بوستات على المنتخبات المرشحة للفوز ببطولة الأمم الأفريقية 2024
تابعونا

إتكلمنا الفترة اللي فاتت عن مراكز وأدوار اللاعبين على أرض الملعب وإزاي ممكن يتم توظيف اللاعب في نفس المركز بكذا دور ، وده بوست مجمع بكل الحلقات

الحلقة الأولى: حارس المرمى
https://www.facebook.com/FelZawya.ElBe3eeda/posts/pfbid0aH8hPvYx4jt39JmDcdshVm2AYvGaAe8CMnu6MRxkyKAHQ86MoGc31sxyYRbM61B5l

https://www.facebook.com/reel/1795985247515185

الحلقة التانية: المدافعين
https://www.facebook.com/FelZawya.ElBe3eeda/posts/pfbid0KSLfZjNSVnze8e3z1htEe5gnBA2t1yZvySkzVMWTgrmWgR385dTq6rEcyVVkZDXol

https://fb.watch/pj22By8Z74/

الحلقة التالتة: الأظهرة
https://fb.watch/pj24EKsjON/

الحلقة الرابعة: 1) لاعب الوسط رقم 6
https://fb.watch/pj28JgdaVb/

الحلقة الرابعة: 2) لاعب الوسط رقم 8
https://www.facebook.com/reel/3591488287766828

الحلقة الرابعة: 3) لاعب الوسط رقم 10
https://fb.watch/pj2cR9ZByC/

الحلقة الخامسة: الأجنحة
https://fb.watch/pj2f01n2nq/

الحلقة السادسة: المهاجمين
https://fb.watch/pj2gBuPBQc/

من وجهة نظري ، النادي #الأهلي محتاج توجيه الشكر للجنة التخطيط ولأمير توفيق وإعادة هيثم عرابي للنادي مع إنشاء لجنة كشافين (Scouting) ويا ريت لو هيثم يتعين مدير رياضي (Sporting Director)

الأهلي عنده نواقص واضحة جدا .. الأهلي محتاج قلبي دفاع (مع منعم وياسر) مع توجيه الشكر لربيعة ومتولي ، محتاج ظهير ايسر عشان يكون مع معلول والدبيس (يفضل محمد حمدي او فتوح) ، محتاج جناحين مع توجيه الشكر لعبد القادر وطاهر وإعارة كريستو لإكتساب خبرات طالما مش هايلعب ، مهاجم أجنبي مكان موديست (ولو مش لاقيين عندكم بادجي أو ازارو) مع مهاجم محلي مع توجيه الشكر لصلاح محسن ..

استمرار كولر طبعا شيء مفروغ منه لأن حتى لو عنده اخطاء بس الراجل بجد عامل شغل رائع

#كأسالعالمللأندية٢٠٢٣
#الأهلي و #فلومينينزي

الشوط التاني

-للاسف السذاجة الهجومية للاهلي واهدار الفرص استمروا في الشوط التاني حتى بعد استقبال الهدف الاول

-الفريق البرازيلي بدأ ضاغط الأهلي ومانعه من التحولات لحد ما جت فرصة للشحات وبعدها كهربا ..

-ضربة جزاء في منتهى السذاجة من تاو .. وبعدها اهدارات من تاو وطاهر
-ضغط لاعبي الأهلي في الشوط التاني كان اه خطير في اوقات لكن في الاغلب كان سيء جدا وخروج فلومينينزي بالكورة كان بيبقى سلس خاصة بعد الهدف الاول وتوتر لاعبي الأهلي

هارد لك للأهلي اخر فرصة للوصول لنهائي البطولة دي قبل تغيير نظامها .. ونتمنى له التوفيق في مباراة المركز التالت

#كأسالعالمللأندية٢٠٢٣
#الأهلي و #فلومينينزي

الشوط الأول

-الأهلي بدأ المباراة ضاغط فلومينينزي من مناطقه وكان مسيطر على المباراة بس بدون فرص مؤكدة لحد كورة فلومينينزي الاولى اللي جات في العارضة .. بدأ بعدها الفريق البرازيلي يدخل الماتش

-فريق ممتاز في التمريرات والأهلي في اوقات كتير مكانش متميز في عملة افتكاك الكورة لحد مابتوصل لتلت ملعبنا

-فرصتين لكهربا وفرصة لتاو مع شبه محاولات للشحات .. ماينفعش الاهدار بالطريقة دي في المستوى ده ..

-الأهلي يستطيع الفوز .. محتاج ثبات وضغط اكثر حدة في الشوط التاني مع استغلال الفرص اللي ممكن تجيله