Omar Kamel

ممكن الناس ما يتفقوش معايا، ويعتبروا إن الكلام ده شديد، بس ده رأي لازم يتقال.

أنا زهقت من الناس، يعني مش مهم إن كانوا عرب ولا أجانب، اللي بيحاولوا يسيئوا لحماس علشان يحافظوا على سمعتهم الإنسانية. دول نفس الناس اللي عايزين يذكروك طول الوقت إن حماس دي مش فلسطين وفي فلسطينيين مش عاجبهم حماس.

كل الكلام ده مالوش لازمة.

مش لازم يعجبك اللي بتعمله حماس أو العنف اللي بتستخدمه. الحرب مأساة، والاحتلال ده نوع من الحروب. أكيد في وحوش في الطرفين، بس في طرف واحد هو اللي بيحتل. مفيش حد يقدر يعامل الناس بوحشية، يسجنهم ويظلمهم كل يوم، وبعدين يشتكي لو معجبوش رد فعلهم.

فكرة إنك بتتوقع من المقاومة تلتزم بالأخلاق اللي أنت مرتاح تعيش بيها، دي فكرة سطحية وغبية.

وكمان من العنصرية انك تفترض إنك إنت هتتصرف أحسن منهم لو كنت تحت الاحتلال، وإنك هتحافظ على "إنسانيتك" لما حياتك كلها مليانة ظلم. لما رجالك بيتقتلوا، أطفالك بيتسجنوا، مستشفياتك بتتدمر، مزارعك بتتجرد، مياهك مقطوعة او ملوثة، إمداداتك الغذائية بتقطع، وحياتك كلها عايشها تحت نظام فصل عنصري بيشوف أطفالك كـ "تهديد سكاني"، وجنوده بيقتلوا حوامل ويحطوا على التيشرتات "رصاصة واحدة، قتيلين"... مفيش حد يقدر يقولك إزاي تقاوم. مفيش حد.

فـا - لأ، مش معقول أنا أنتقد حماس، مهما كان رأيي في اللي بيعملوه أحيانًا.

اللي بيحدد لغة المقاومة هو لغة الاحتلال. لو معجبكش شكل المقاومة، يبقى في جهة واحدة بس تقدر تلومها: الاحتلال.

فين الحديقة دي؟ الاطفال لو لعبت هنا هتتشحور إصابات. في طفل في العالم تديله 'حديقة' بلاط يلعب فيها؟ انت عايزين تقتلوا العيال؟

قالك "الشهداء"..

فعلاً.

المكوك الفضائي المصري "حورس 1" ينطلق من جوار الاهرامات في عام 1959.

إحنا شعب بيهري.

لو كنا فعلاً مهتمين بالشخصيات التاريخية المصرية زي كليوباترا او غيرها، كنا عملنا إحنا افلام عالمية ومسلسلات على مستوى عالمي تحكي عن الشخصيات دي، ونعملها زي ما إحنا شايفنها صح، بمصداقة تاريخية مبنية على تاريخ موثق وخبراء في التاريخ المصري والفرعوني - ونترجمها ونسوقها في العالم كله او حتى ننتج نسخ باللغة الانجليزية ونبيعها للمنصات العالمية.

ساعتها كنا إحنا هنكون المصدر الموثوق بيه. واي حد تاني يحاول يمس تاريخنا هيكون هو اللي بيقلد وهيكون معروف انه نص كم.

لكن إحنا فالحين نعمل مسلسلات رمضان، وأفلام العيد، ومقالب رامز زفت، ومش بنخاف على تاريخنا وتراثنا غير لما الأجانب بيطرطروا عليه.

قالك بيسرقوا مننا كليوباترا!

العقل الحلزوني.

الكذب عمره ما بيكون طيبة.

‏الطيبة انك تقول الحقيقة للي محتاج يسمعها، وباطيب طريقة تقدر تقولهاله.

‏مش دائماً بننجح في النص التاني، انما لازم دائماً نعمل الجزء الاولاني.

"الزمن" - من البوم "ممنوع النتظار" :)

الزمن - عمر كامل | El Zaman by Omar Kamel أغنية الزمن من البومي "ممنوع الإنتظار" - متوفر على كل منصات الإستماع. AI Animation Music Video :)

كليب جديد لاغنية 'شفشق' -

من البوم ممنوع الانتظار 🙂

شفشق - عمر كامل - ممنوع النتظار | Omar Kamel - Shafshaq أغنية شفشف من البوم ممنوع الانتظار

:)

مقدرتش اقاوم :)

"ممنوع الانتظار" على انغامي.

Mamnou3 El Intizar ‏عمر كامل · ألبوم · 2021 · 10 أغنية

نصيحة في العام:

الدكاترة بيحبوا ينصحوا بالولادات القيصرية لكن في اغلب الأحيان بيفضوا ده لأسباب غير سوية. أولاً - القيصرية بتسمح للدكتور انه يولد عدد اكبر من الستات في نفس الوقت اللي كان هيستغرقه في توليد ست واحد ولادة طبيعية وطبعاً بيكسب منها أكتر لان العدد الاكبر بيدفع اكتر بالذات ان كده كل ولادة بقى فيها بنود ومصاريف جراحية - مش بس توليد.

المشكلة في الولادة القيصرية ان فعلاً في دراسات بتأكد ضررها على الأطفال - الدراسة اللي هاعملها لينك هنا بتأكد ان الأطفال اللي مولودين قيصرياً بيكون الجهاز المناعي بتاعهم أضعف - وبيزيد عندهم احتمالية ان يجيلهم ربو وحساسيات و الداء السكري صنف 1 و مرض الاضطرابات الهضمية. ده مش كلام فاضي - ده الدراسة بتأكد ده. ودي دراسة معمولة سنة 2012 - فالموضوع مش إكتشاف جديد.

بمعنى اصح - أي دكتور ينصحك بولادة قيصرية بدون الحاجة الطبية لها - يبقى باصص في محفظته - مش في صحة جنينك.

Cesarean section and development of the immune system in the offspring - PubMed This review examines the relation between the mode of delivery and development of the immune system in the offspring. Recent epidemiological studies provide evidence that elective cesarean section (CS) is associated with aberrant short-term immune responses in the newborn infant, and a greater risk....

Still tilting at windmills.

إسمع "الزمن" - اغنية عمر كامل الجديدة من البوم "ممنوع الانتظار" دلوقت على انغامي!

الزمن ‏عمر كامل · أغنية · 2021

رأيي (من غير اي حرق) في فيلم سبايدرمان الجديد - بالانجليزي بقى معلش 🙂

Spider-Man: No Way Home — Spoiler-Free But Love-Heavy Review Spider-Man: No Way Home is everything any real fan of Marvel or Spider-Man could ever have hoped for, and a little more. I won’t give away…

رايح كمان ساعة ومتحمس حماس طفولي بصراحة 🙂

تحديث: شوفوا الفيلم. لو بتحب الشخصية وبالذات لو شفت الافلام القديمة كلها - الفيلم ده هدية جبارة.

إستمع الى البوم "ممنوع الانتظار" - موسيقى مصرية مستقلة. متوفر الان على جميع منصات الإستماع!

ممنوع الانتظار by عمر كامل Stream and Save ممنوع الانتظار - Distributed by DistroKid

البوم ممنوع الإنتظار لعمر كامل (مش عمر كمال) متوفر الان على جميع المنصات! موسيقى مستقلة - بعضها روك بعضها إندي.

اللأغاني: شفشق، الوحش الكاسر، تمام، بعيد، مش عارف، غالي، تدريب، المهم، اول مرة، والزمن.

كل اللينكات موجودة على الصفحة دي!

وأتمني يعجبكم انشاء الله!

ممنوع الانتظار by عمر كامل Stream and Save ممنوع الانتظار - Distributed by DistroKid

مجموعة من الرجال في افغانستان يطالبون بإعادة افتتاح مدارس البنات في البلد 🙂

Miraqa Popal on Twitter “A group of young and old men riding motorcycles have launched a campaign to reopen girls' schools. https://t.co/AwS7KF6lTj”

عادي عادي. ده بقى حالك يا مصر.

قالك "المجلس الاعلى للعلاقات العامة وحقوق الانسان"!

البوم ممنوع الإنتظار خلاص حملته على المنصات كلها وهينزل كامل يوم 15 ديسمبر! اللأغاني: شفشق، الوحش الكاسر، تمام، بعيد، مش عارف، غالي، تدريب، المهم، اول مرة، والزمن.

كل اللينكات لكل المنصات هتكون موجودة على الصفحة دي:
https://distrokid.com/hyperfollow/omarkamel/mamnou3-el-intizar

وأتمني يعجبكم انشاء الله!

Mamnou3 El Intizar by Omar Kamel Stream and Pre-save Mamnou3 El Intizar - Distributed by DistroKid

معلش - اعذروني - البوست ده للكبار فقط.

ادي عينة من الناس اللي فاكرين نفسهم مسلمين واللي واقفين مع هاني شاكر علشان خاطر الاخلاق والتربية.

تلاقيه حاطط في بروفايله "لا الله الا الله ومحمد رسول الله" وبعدين شوفوا اسلوبه…

فهمتوا؟

بدأ كلامه بانه بيسالني انا "مين" علشان انتقد كلام هاني شاكر.

واضح ان هاني شاكر عياله مشغلينله مهرجانات في البيت طول النهار وبيحاول يطلع غضبه على الناس.

الصول هاني.

من يدير النقابة وتحبه السلطات... هاني شاكر حاكم المشهد الموسيقي في مصر - رصيف 22 تراجعت نقابة الموسيقيين في مصر مساء أمس الاثنين، 9 أغسطس/ آب، عن قرار أصدره نقيبها هاني شاكر بمنع المطربة اليمنية بلقيس من الغناء في مصر.وجاء القرار الأول لشاكر بذري....

وضحت :) ؟

أولاً - انا عمر كامل مش عمر كمال ومزيكتي روك، مش مهرجانات. ده للتوضيح.

ثانياً - دي اغنية اسمها "مش عارف" - ثالث اغنية من البوم "ممنوع الانتظار" ونزلت النهاردة وباقي الالبوم نازل يوم 15 :)

هتلاقوها على سبوتيفاي وانغامي وابل ميوسيك ويوتيوب.

ثالثاً - انا معنديش اي مشكلة مع عمر كمال ولا مع كل مغنيين المهرجانات، بس بوضح علشان ناس كتير يظهر بتتلغبط :)

Mish 3arif by Omar Kamel Stream and Save Mish 3arif - Distributed by DistroKid

"مش عارف" - ثالث اغنية من البوم "ممنوع الانتظار" نزلت النهاردة :)

هتلاقوها على سبوتيفاي وانغامي وابل ميوسيك ويوتيوب.

Mish 3arif by Omar Kamel Stream and Save Mish 3arif - Distributed by DistroKid