Mohamed Tohami

"ما هو المجال الذي يمكن أن أحقق فيه أكبر نجاح؟"

السؤال ده ذكي جدا

لإني أظن إن صاحب السؤال عارف إنه ممكن ينجح في أي مجال .. لإن النجاح ليه سنن وقوانين لو اتبعتها هتحقق إنجازات كبيرة

بس الذكاء في السؤال يكمن في كلمة "أكبر نجاح"

والحقيقة قد تختلف معايا أو تتفق ولكن لو قرأت التاريخ كويس وتعمقت في سير وقصص الناجحين هتكتشف إن في عنصر مشترك رئيسي في كل النجاحات العظيمة والإستثنائية في الحياة

العنصر ده هو "الشغف"

إزاي وصلت للإستنتاج ده؟

من لحظة قراءتي لكتاب "الخالدون مائة" (ترجمة أنيس منصور) وأنا مهووس بفكرة الأثر وإزاي الواحد يسيب ميراث وبصمة في الحياة

إزاي تخلي حياتك أطول بكتير من عمرك

بعد الكتاب ده وأنا بتابع بشغف شديد قصص الناجحين في مختلف المجالات

من كتب، وأفلام وثائقية ومقالات وفيديوهات، ولقاءات عملتها بنفسي من سنة ٢٠٠٧ لحد إنهاردة مع ناجحين وقادة فكر بارزين في مجالاتهم

والكلمة اللي كنت دايما بسمعها في كل قصة نجاح بتعرف عليها هي كلمة "شغف"

لما تكون بتحب المجال، بتقدر تبدع فيه وتحقق إنجازات إستثنائية

وده لأسباب كتير من أهمها على الإطلاق إنك وإنت شغال مش مستني نتيجة علشان تشعر بالسعادة أو الإنجاز

إنت مجرد ما بتشتغل في الحاجة اللي بتحبها بتبقى مبسوط وبتنسى الدينا واللي فيها

وده بالتأكيد بيخليك تخرج أحسن ما عندك والعالم هيشوف منك إبداع ماشافوش من حد قبل كدة

علشان كدة أنا دايما بسأل عن الشغف في أي استشارة بعملها في البزنس

لإن غياب العنصر ده بيخلي البزنس هزيل وبيتسبب في مشاكل كبيرة جدا في المبيعات …

لإن ببساطة العميل دلوقتي بيحب يشتري الحاجة المعمولة بشغف وبيحس بالفرق جدا ... وبيحب يكون جزء من قصة ملهمة مش مجرد معاملة تجارية

علشان كدة الشغف أداة تسويقية مالهاش مثيل

وأول حملة تسويقية بنصح أي حد إنه يعملها بسميها

“حملة قصة الشغف”

إنك تحكي للناس عن شغفك والأسباب اللي دفعتك تبدأ البزنس ده

إنت مش متخيل التأثير المهول للحملة دي بيبقى عامل إزاي

وده ناقشته بالتفصيل في كتابي الجديد
RESONANCE

الخلاصة، إن المجال اللي ممكن تحقق فيه أكبر نجاح هو مجال شغفك

لإنه المجال الوحيد اللي هيخليك:

- مبسوط وإنت شغال
- وبتسعد الناس بالإبداع اللي بتقدمه
- وتحقق نجاح مادي وكمان معنوي كبير جدا

فلو عاوز نساعدك خطوة بخطوة إنك تكتشف شغفك وتحوله لبزنس ناجح، اشترك دلوقتي في برنامج

الأرباح مش كفاية بسبب التضخم؟!

"٣ نماذج لمشاريع لا تتطلب رأس مال"

رأس المال من أكبر المعوقات في عالم ريادة الأعمال

بس في حاجة في قمة الغرابة بلاحظها

في نوعين من الناس

١. نوع عنده فكرة كبيرة جدا ودرسها كويس وفعلا محتاجة رأس مال ضخم علشان تتنفذ

٢. ونوع تاني مفكرش أصلا وبيظن إن في المطلق الواحد محتاج رأس مال كبير علشان يبدأ بزنس

النوع الأول إتكلمنا عنه كتير وقولنا مرارا وتكرارا إن لو دي أول تجربة ليك في البزنس ما ينفعش تبدأ بفكرة كبيرة لإن بالتأكيد ماعندكش مهارات إدارة رأس المال الضخم اللي إنت داخل بيه

أما بقى اللي بيظن في المطلق إن رأس المال ضرورة في البزنس، خليني أقولك على ٣ نماذج عمل لا تتطلب رأس مال كبير وكمان سهل جدا إدارتهم جنب وظيفتك الحالية

١. نموذج النصح والإرشاد (الخبير)

بتحول معرفتك و خبرتك لدخل من خلال تقديم استشارات أو تدريب للناس اللي محتاجة تتعلم منك

٢. نموذج الخدمات المهنية

بدل ما تنقل معلومات، إنت بتنفذ الخدمة اللي محتاجها الشخص مباشرة. زي مثلا تصميم المواقع، الحسابات، تصوير، تطبيقات الموبايل، إلخ

وكل ما كانت الخدمة تقدر تنفذها عن بعد يكون أفضل علشان ما تبقاش مقيد بمكان معين

٣. نموذج المنتجات اليدوية الفاخرة

بتعمل منتجات يدوية فاخرة الصنع عند الطلب … وبتقدر تسعرها بهامش ربح كبير لإن معمول فيها فن مخصوص ومميز

كل رأس المال اللي هتحتاجه علشان تبدأ بزنس بنموذج من دول لا يمكن أن يتعدى بأي حال من الأحوال ٢٠٪ من مدخراتك

و٨٠٪ من المبلغ ده غالبا هيستثمر في التسويق وبناء البراند بتاعتك بشكل احترافي

أرجو من كل حد بيقرأ المقالات اللي بكتبها عن معضلة رأس المال إنه ينشر الفكرة لإنها أصبحت فكرة سخيفة لا أساس لها من الصحة

ساهم معايا في تحرير الناس من التعلق برأس المال وصناعة أمل ليهم في حياة مليئة بالحرية والشغف

لو عاوز تحول شغفك لبزنس ناجح، اشترك الآن في برنامج

إزاي تبيع لأعلى شريحة في المجتمع؟

"خسرت كل فلوسي وخايف أبدأ تاني"

ناس كتير مش قادرة تبدأ بزنس بسبب محاولة سابقة اتسببت في خسارة كبيرة

وطبيعي يكون في تردد وخوف كبير من المحاولة مرة تانية

بس ده بالظبط اللي بنحذر منه باستمرار

إنك أول بزنس تبدأوا في حياتك المفروض رأس ماله لا يتعدى ٢٠٪ من مدخراتك

لإن ده تلقائي هيجبرك تفكر في أفكار مشاريع في حدود خبرتك كمبتدئ في عالم البزنس

مهما وصلت لمناصب إدارية عليا في وظيفتك، لو هتبدأ بزنس خاص لأول مرة في حياتك فلازم تعتبر نفسك مبتدئ ولازم تاخد المشوار خطوة خطوة

بس في أمرين كويسين حصلوا لازم تاخد بالك منهم

١. التجربة الأولى أكيد علمتك دروس كتير جدا هتخليك أقوى وفرص نجاحك أكبر في المحاولة التانية

٢. لو جربت تبدأ بزنس باسلوب جديد ومختلف عن أول مرة، يبقى أكيد هتحصل على نتيجة مختلفة

وفي النهاية، مش ممكن يعني حلمك ينتهي بعد أول محاولة فاشلة

أنا مقدر إنه أمر مؤلم … بس ده فصل طبيعي في أي قصة نجاح ملهمة

تخيل نفسك هتقف على المسرح في يوم من الأيام وهتحكي قصتك الملهمة من الإخفاق لقمة النجاح

هتكون فخور بنفسك وهيكون عندك رصيد كبير من الخبرة والحكمة تنقلها للناس وتديهم أمل إنهم ما يتخلوش عن حلمهم

توكل على الله وابدأ من جديد بمنهجية مختلفة تعظم فيها الإستمتاع وتقلل فيها المخاطرة

لو عاوز تحول شغفك لبزنس ناجح، اشترك الآن في برنامج

"مش بعرف أتعامل مع السوشيال ميديا"

ناس كتير بتواجه صعوبة إنها تبدأ بزنس بسبب الأمور التقنية اللازمة للتسويق على السوشيال ميديا

مش هضحك عليك ... العصر ده هو عصر التكنولوجيا

وتطبيقاتها في ريادة الأعمال أصبحت ضرورية جدا علشان هي فعلا بتسهل عملية التسويق والتواصل مع العملاء المستهدفين

وفي بداية مشروعك لازم هتتعلم تقنيات جديدة وإزاي تتعامل معاها بنفسك لغاية ما تحقق أرباح تسمحلك تستعين بناس شاطرة في الأمور دي

ولكن التحدي ده بيسلط الضوء على أمرين مهمين جدا

١. لا يمكن هتحقق أهداف كبيرة وجديدة عليك بنفس العقلية والمهارات الحالية اللي عندك

فلازم تتقبل فكرة التعلم والتطور المستمر علشان تقدر تِكبَر و تكبّر حياتك

٢. أوزن حجم التحدي بحجم الحلم

هل التحدي أكبر من حلمك وللا حلمك أكبر بكتير من إن تحدي صغير زي ده يمنعك من تحقيقه؟

إحنا اتخرج من عندنا قصص نجاح كتير كانوا صفر في التكنولوجيا وكانوا أول مرة في حياتهم يعملوا حساب شخصي على السوشيال ميديا

ولكن علشان حلمهم كان كبير فتحوا عقولهم وقلوبهم للتطور والتعلم

وصدقني لما تتعود على التكنولوجيا الحديثة هتكتشف إنها نعمة كبيرة وبتسهل جدا نجاحك في ريادة الأعمال

لإن الوصول للعملاء أصبح أسهل وأرخص بكتير عن زمان

لو عاوز تحول شغفك لبزنس ناجح، اشترك الآن في برنامج

"كيف تحصل على تمويل لمشروعك؟"

السؤال ده صح بس بيتسأل في الوقت الغلط

معظم اللي بيسألوا السؤال ده بيكون المشروع عبارة عن فكرة فقط لا غير

وبيظنوا إن المفروض يكون في شخص يؤمن بيهم وبفكرتهم ويديهم الدعم المادي اللازم لتنفيذ الفكرة المليارية اللي بيحلموا بيها

مش قادر أقولك الحجم المهول من الناس اللي بيفكروا كدة وفعلا مؤمنين تماما إن ده ممكن يحصل … أو المفروض يحصل

في حقيقة الأمر … حتى لو افترضنا إنك شوفت ده حصل مع حد زمان … دلوقتي مستحيل يحصل

الشخص الوحيد اللي ممكن يستثمر في فكرتك هو والدك أو حد من قرايبك اللي هيديلك فلوس علشان يجبر بخاطرك مش أكتر

فكر فيها … إنت لو ربنا فتحها عليك في يوم من الأيام … وأصبحت مستثمر في شركات ناشئة

… وقدامك مئات أو آلاف الشركات الناجحة اللي بتبحث عن مستثمر علشان تكبر وتتوسع

إيه اللي يخليك تسيب الشركات دي وتستثمر في فكرة في دماغ شخص مجهول ما عندوش أي خبرة سابقة في البزنس

السؤال عن التمويل بيكون صح بعد ما تنفذ مشروعك وتبدأ تحقق أرباح ومعدلات نمو كبيرة علشان تكون الصفقة مغرية للمستثمرين

غير كدة السؤال ده هيكون مش في محله تماما

صدقني لو معتقد إن فكرة مشروعك محتاجة مستثمر يبقى إنت بتفكر في فكرة مشروع ضخمة وأكبر بكتير من امكانياتك

لإنك مهما وصلت لمناصب إدارية عليا في وظيفتك ... خبرة البزنس حاجة تانية خالص

وحتى لو حصلت المعجزة ولاقيت مستثمر ، خبرتك المحدودة مش هتخليك قادر تدير بزنس بهذا الحجم وهتعرض نفسك لمخاطرة كبيرة

المستثمر بييجي بعد تنفيذ الفكرة بنجاح وبعد وصولك لمعدلات نمو مرتفعة

وقتها تقدر تقدم في حاضنات أو مسرعات الأعمال، أو الجهات الاستثمارية المختلفة في بلدك .. واللي تقدر توصلها من خلال بحث بسيط على جوجل

لو عاوز تبدأ من الصفر رحلة تحويل شغفك لبزنس ناجح، اشترك الآن في برنامج

"٤ خطوات لبدء بزنس ناجح في مجال شغفك"

الطريقة التقليدية لبدء أي مشروع تجاري بتكون كالآتي

١. تحديد فكرة المشروع

٢. دراسة الجدوى وخطة العمل

٣. إذا كانت نتيجة الدراسة إيجابية تبدأ في توفير رأس المال وتنفيذ المشروع

طبعا الطريقة دي فيها مشاكل كتيرة جدا، أبرزها مرحلة دراسة الجدوى اللي نادرا ما بتكون موضوعية

لإنك بتكون متحمس لفكرتك جدا وغالبا بتغفل عن أمور في غاية الأهمية أثناء الدراسة وبتتفاجئ بمشاكل كبيرة وقت التنفيذ

علشان كدة احنا طورنا نظام ريادي بسيط جدا وحصلنا بسببه على عدة جوائز عالمية في الابتكار في مجال ريادة الأعمال

النظام ده مكون من ٤ مراحل … كل مرحلة بتجاوب على سؤال بسيط جدا

١. أنا بحب إيه؟

إيه المجال اللي عندك فيه شغف كبير وحابب تبدأ فيه البزنس بتاعك

فهنا نقطة البداية مش فكرة المشروع. البداية هنا بتكون اختيار المجال/السوق اللي بتحبه وعاوز تنجح فيه

٢. اللي سبقوني عملوا إيه؟

ودي مرحلة جوهرية. إنت بتدرس السوق بشكل موضوعي تماما لإن ماعندكش فكرة محددة بتحاول تدرس جدواها

إنت فقط بتستكشف أفكار المشاريع الناجحة في مجال شغفك اللي متنفذة بالفعل سواء في بلدك أو حول العالم

وبتشوف ابداعات اللي سبقوك والأفكار المميزة اللي من خلالها تم توظيف الشغف بتاعك في مشاريع تجارية ناجحة

٣. أنا هعمل إيه مختلف؟

وهنا بتحدد فكرة مشروعك وشريحة العملاء المستهدفين بناءا على اللي شوفته في المرحلة السابقة

لإن دراسة السوق هتفتحلك أفكار لا محدودة … سواء هتكتشف فراغ أو احتياج هتكون أول واحد بيملاه أو فرص تحسين وتطوير لأفكار متنفذة وناجحة بس ممكن تكون أفضل

٤. هحقق أرباح إزاي؟

إزاي فكرة المشروع تتحول لقيمة ملموسة في صورة منتج أو خدمة العميل هيشتريها

وإزاي هتقدر تنفذ حملات تسويقية ناجحة توصلك لعميلك المستهدف وتقدر تبيعله بسهولة

زي ما إنت شايف النموذج ده مختلف بشكل كبير عن الطريقة التقليدية وبيضمن نجاح مشروعك لإن الفكرة مستوحاة من احتياج حقيقي في السوق إنت اكتشفته مش مجرد فكرة في دماغك تحمست ليها بس السوق مش محتاجها

دي كانت نظرة سريعة جدا جدا على النظام اللي خرّج مئات من قصص النجاح في كل مجال ممكن يخطر على بالك

فلو عاوز نساعدك خطوة بخطوة إنك تحول شغفك لبزنس ناجح، اشترك دلوقتي في برنامج

"إزاي تبدأ بزنس بدون ما تترك وظيفتك"

معظم الناس بتشوف ريادة الأعمال أمر فيه مخاطرة كبيرة

وده لسببين رئيسيين

١. الخوف من الفشل وخسارة رأس المال

٢. الخوف من ترك الوظيفة والمرتب الثابت

أحنا لما بدأنا برنامج
Passion To Profit
من ١١ سنة، كانت ومازالت دعوتنا الأساسية هي إنك لازم تبدأ بزنس صغير جنب الوظيفة

ولما البزنس يبدأ يكبر وأداؤه يستقر تقدر تستقيل وتتفرغ ليه

لإنك لو عملت كدة السببين اللي فوق مش هيكون ليهم تأثير

البزنس اللي هتبدأوا جنب الشغل بطبيعة الحال لازم هيكون صغير وبرأس مال بسيط

لإنك لو هتبدأ بزنس بفكرة كبيرة ورأس مال ضخم يبقى لازم تتفرغ ليه من أول يوم … وده طبعا فيه مخاطرة كبيرة

وفكرة إنك تجيب حد يديره وإنت في الشغل إنساها تماما (لأسباب ممكن نناقشها في مقالة تانية)

فهنا إنت هتبدأ بزنس صغير برأس مال بسيط وإنت لسة في الوظيفة … وبالتالي مافيش أي مخاطرة

التحدي الحقيقي هنا بيبقى في طريقة الإدارة والوقت وتوقعاتك من البزنس الجانبي ده

معظم الناس بتظن إن البزنس الجانبي دوره إنه يدخل أرباح تساوي أو تتخطى المرتب بتاعك

وإنك مش هتسيب الشغل غير لما ده يحصل

وأنا حابب أقولك إن ده صعب جدا جدا إنه يحصل ولو فضلت متمسك بالفكرة دي هتحط ضغط كبير جدا على نفسك وعلى البزنس بتاعك

لإن حسب طبيعة البزنس تحقيق مبيعات وأرباح كبيرة ممكن يتطلب حجم شغل ووقت كبير

ولإن ده غير متاح جنب وظيفتك هتفضل طول الوقت حاسس إن الحاجة اللي المفروض تاخد يوم بتاخد أسابيع

وده لإنك عاوز بسرعة تكبر وتتوسع علشان تحقق أرباح تساوي مرتبك

في حين إن كل ما تملك هما ساعتين أو تلاتة كل يوم … وأحيانا الويك إند كله ممكن تتفرغ فيه وتضحي بوقت بيتك وأولادك

فبعد شوية الأمر بيبقى مجهد نفسيا ومش بتبقى مبسوط وبتفقد الشغف اللي بدأت بيه

ولذلك لازم تعرف كويس إيه هدف مرحلة البزنس الجانبي والمطلوب توصله قبل ما تاخد قرار الاستقالة وإنت مطمئن

البزنس الجانبي هدفه تحقيق مبيعات مستقرة ومربحة … مش التوسع وتحقيق أرباح كبيرة

مبيعات مستقرة يعني إنت قادر توصل لعملائك المستهدفين بسهولة … وقادر تقنعهم وتبيعلهم بسهولة

وفي طلب متزايد على اللي بتقدمه، ولكن إنت موقف لإنك وصلت للسعة القصوى للخدمة بتاعتك

وأهم حاجة إنك لو خصمت من المبيعات اللي حققتها مصاريفك يتبقى ربح ولو بسيط

في الحالة دي إنت كدة وصلت لنموذج عمل مستقر ومربح

لكن كل الفكرة إن الأرباح مش كفاية ومش بتساوي مرتبك لإن سعة الخدمة بتاعتك محدودة ووصلت بالفعل لأقصاها

ومش الحل إنك تحرق نفسك وتشتغل أوقات أطول علشان تحقق أرباح أعلى

لإن ده يأثر على كل شئ ومش دليل على أي حاجة

البزنس الجانبي تنتهي مرحلته ويعتبر ناجح أول ما تحقق مبيعات مستقرة ومربحة بشكل مستمر لمدة تتراوح ما بين ٣-٦ شهور

لو ده تحقق يبقى مشروعك ناجح وجاهز للتوسع ولو تفرغت ليه هتقدر تاخده وتطير لأفق أعلى بكتير مما هو عليه دلوقتي

حافظ على شغفك وخليك عارف إن ريادة الأعمال رحلة ممتعة … كل مرحلة فيها بتؤهلك للي بعدها

لو عاوز تاخد أول خطوة في رحلة تحويل شغفك لبزنس ناجح، اشترك الآن في برنامج

📚 Exciting Announcement: "Resonance" is Now in Print! 📚

I'm thrilled to share some fantastic news with you all! The hard copy of my latest book, "Resonance," is officially available via Kotobna! 🥳

If you've been eagerly waiting to hold a physical copy in your hands, now's the perfect time to order yours. 📖✨

Thank you for your incredible support, and I can't wait to hear your thoughts on "Resonance."

Happy reading, everyone! 📚

✍ Discover why some brands leave a mark while others fade!
In this book, Mohamed Tohami lays out simple yet powerful strategies to make your brand truly unforgettable.
📌"Resonance" by Mohamed Tohami
Order it via B***a service for Delivery which is available throughout Egypt and pay upon receipt, through this link:
https://bit.ly/Kotobna-OrdersEG
For any inquiries call us on:
01220222242

"قالولي هتسيب الهندسة وتبدأ من الصفر"

بتجيلي رسايل كتير مضمونها كالآتي

"معقول أسيب مجال دراستي وشغلي وابدأ من الصفر في مجال شغفي؟"

"هل فعلا هقدر أنجح؟"

خليني أحكيلك قصة سهير عبد العاطي

هي جدة

انضمت لبرنامج
Passion To Profit
من ١١ سنة

وفي أقل من سنة من انضمامها بدأت البزنس بتاعها

وكرمناها في المؤتمر السنوي اللي بنعمله وبنكرم فيه قصص النجاح اللي اتخرجت من البرنامج

وهي بتستلم الجائزة قالت الآتي

طول عمري كنت عايشة علشان أبسط غيري

كنت بنت مطيعة لأهلي

وبعدين زوجة مطيعة لجوزي

وبعدين أم ممتازة لأولادي

وبعدين جدة طيبة لأحفادي

وكان نفسي قبل ما أموت أعمل حاجة لسهير … حاجة ليا أنا … بتبسطني أنا … حاجة بإسمي

والحقيقة قصتها مثال ملهم ومحرج في نفس الوقت للشباب في سن ال ٣٠ وال ٤٠ وعايشين مستسلمين لماضيهم وخايفين من التغيير

سهير بدأت من ١٠ سنين بزنس في مجال فن يدوي بسيط إسمه باتش وورك

وإنهاردة ما شاء الله هي براند كبيرة ورقم واحد في مجالها

برغم تحدي السن، والتكنولوجيا و اللغة وحاجات تانية كتير

ولكن لو قابلتها هتلاقيها أكثر شبابا من ناس أصغر في السن بس تحس إنهم عواجيز

عواجيز بسبب حياتهم المفتقدة للروح والشغف

تقدر تشوف قصة سهير على الموقع
https://www.tohamihub.com

أنا كمان قالولي هتسيب ٥ سنين دراسة و١٠ سنين شغل في الهندسة وتبدأ في مجال مش معروف

وكان ردي بسيط

مش هخلي الماضي يتحكم في مستقبلي

أنا لو هعيش سنة واحدة بس بعمل اللي بحبه هموت وأنا في قمة الرضا

بس خد بالك … ده مش هيحصل في يوم وليلة

وأنا عمري ما بقول للناس سيب شغلك واجري ورا شغفك

لإن أنا نفسي ماعملتش كدة

دعوتي دايما إنك تبدأ مشروع صغير في مجال شغفك جنب الشغل

ولما المشروع ينجح ويكبر … تقدر في الوقت المناسب تستقيل وتتفرغ ليه

الوقت لسة قدامك … قرار واحد بس بيفصلك عن الحياة اللي بتحلم بيها من زمان

قرار إنك انهاردة … دلوقتي … تاخد أول خطوة في إنك تعيش حياتك باسلوبك مش باسلوب مفروض عليك

مع تغيير تدريجي بسيط في يومك واسلوب حياتك هتوصل لحلمك الكبير باذن الله

لو عاوز تحول شغفك لبزنس ناجح اشترك الآن في برنامج
>>
Passion To Profit
الحاصل على عدة جوائز عالمية في التأثير والإبتكار في مجال ريادة الأعمال

اضغط هنا لتفاصيل الاشتراك الآن
https://www.tohamihub.com

- منصة تعليمية بتقدم محتوى غني وعملي فريد من نوعه
- الإنضمام لمجتمع إيجابي و داعم إلى أقصى درجة
- موجهين معتمدين بيساعدوك في كل خطوة
- مقابلة قصص نجاح ملهمة للاستفادة من خبراتهم وتجاربهم

اشترك الآن
https://www.tohamihub.com

"عندي خبرة عملية … إزاي أحولها لبزنس"

الخبرة العملية اللي اكتسبتها من خلال دراستك وشغلك مهمة، ولكن في البزنس بتكون خادعة جدا

لإن الشخص بيظن إنه طالما فاهم في مجاله كويس، هيقدر يعمل بزنس ناجح

بس في حقيقة الأمر البزنس علشان ينجح لازم تجتمع ٣ خبرات، أقلهم أهمية هي الخبرة العملية أو التقنية في المجال

الـ ٣ خبرات كالآتي

١. خبرة المجال

وهنا يكفي إنك تكون ملم بالأساسيات … وده هيكون أمر طبيعي لو ده مجال شغفك

أما إذا احتجت درجة خبرة أعمق … فيا إما تدرس أو تشتغل علشان تكتسبها بنفسك أو ببساطة توظف معاك حد عنده الخبرة دي

٢. خبرة السوق

ودي الأهم على الإطلاق

إنك تكون فاهم كويس جدا جدا طبيعة السوق في مجالك … واحتياجات العملاء ومشاكلهم و مميزات وعيوب المنتجات والخدمات المطروحة من قبل المنافسين … إلخ

وأنا بشوف إنك لازم تكتسب الخبرة دي بنفسك … مش كفاية إنك تجيب شركة تعملك دراسة للسوق

وهنا الشغف بيلعب دور كبير جدا … لإنه بيخلق عندك الفضول إنك تعرف كل كبيرة وصغيرة تخص السوق في مجالك وإنك تخلق شبكة علاقات قوية تدعمك.

٣. خبرة البزنس

إنك تكون فاهم أساسيات البزنس وبالأخص التسويق

إزاي تعمل منتج منافس، وإزاي توصل لعميلك المستهدف وتقنعه يشتري منك، وإزاي تخلق لنفسك مكانة قوية في السوق … إلخ

بالإضافة طبعا لفهم أساسيات الحسابات والأرقام وتقييم الأداء وغيرها من الأمور الإدارية خصوصا لو عندك فريق عمل يتخطى الخمس أشخاص

في النهاية إنت بتكتسب الخبرات دي كلها علشان تقدر تقدم حل “مميز” لمشكلة عند فئة محددة من الناس

لإن هو ده البزنس ببساطة

"حل مشكلة مقابل ربح"

الخبر الكويس بقى إن على الرغم من إن الكلام ده يبدو صعب وممكن يخليك تتساءل إزاي هقدر أبني كل الخبرات دي لوحدي

إلا إن في الحقيقة إحنا خلينا اكتساب الخبرات دي بيحصل بسلاسة من خلال مهام بسيطة بتقوم بيها في برنامج
Passion To Profit

لإن لو إنت بتعمل حاجة بتحبها، اكتساب الخبرات دي هيكون متعة كبيرة وهيحصل بشكل تلقائي من غير ما تحس

لو عاوز تحول شغفك لبزنس ناجح اشترك الآن في برنامج

"كيف تقنع الناس بخدماتك؟"

في البداية لازم نتفق على حاجة مهمة جدا

مافيش نسبة إقناع بتصل لـ ٪١٠٠

يعني لو كان في طريقة تقدر بيها تقنع أي حد بأي حاجة كان هيبقى الرسل و الأنبياء أولى بالطريقة دي

طبيعي جدا إنك في بداية مشروعك تلاقي نسبة الرفض أكبر بكتير من نسبة القبول

ولذلك علشان أي بزنس يكبر وينمو لازم يكون عنده القدرة إنه يوصل لعدد كبير من الناس

بحيث إن العدد القليل اللي هيقتنع ويشتري يكون بيحقق ليك الأرباح اللي إنت بتستهدفها علشان تكمل وتكبر البزنس

يعني مثلا عادي جدا إن يجيلك ١٠٠ رسالة و ٢ أو ٣ بس هما اللي يشتروا

ومع الوقت هتقدر تبني سمعة للبراند بتاعك وهتكون قدرتك على الإقناع أعلى بكتير.

ولكن في العموم علشان تزود من قدرتك على إقناع العميل المستهدف لازم يتحقق ٣ شروط

١. انه يكون محتاج الخدمة أو المنتج اصلا. لانه مثلا بيحل ليه مشكلة كبيرة

٢. ان المنتج بتاعك يكون فيه ميزة عن البدائل الاخرى المتاحة

يعني لو العميل يقدر يحل مشكلته بمنتج أو خدمة أفضل من بتاعتك فأكيد مش هيشتري منك

٣. ان يكون عندك اثبات انك تقدر توفي الوعد بقدرتك على حل المشكلة

يعني مثلا آراء العملاء السابقين، جوائز حصلت عليها، مشاهير استخدموا المنتج بتاعك، تقديم تجربة مجانية، إلخ

وبكدة هتكون قادر تقنع عميلك المستهدف إن خدمتك مفيدة ليه وإنك من أفضل الاختيارات اللي ممكن يشتري منها

لو عاوز تحول شغفك لبزنس ناجح اشترك الآن في برنامج

إزاي تلاقي وقت تبدأ بزنس جنب شغلك؟

“عدم وجود وقت كافي لإني مرتبط بشغل”

ده واحد من أكبر التحديات اللي بسمعها بتخلي الشخص مش قادر يبدأ بزنس

بس الحقيقة أول ما بسمع التحدي ده بعرف علطول إن بدء بزنس خاص مش أولوية عند الشخص

لإن سر الوقت في كلمة واحدة

“الأولوية”

خليني أسألك

عمرك قبل كدة لعبت رياضة ودخلت بطولات جنب دراستك في المدرسة أو الجامعة؟

عمرك قبل كدة عملت دراسات عليا جنب الشغل؟

هل قمت بجميع التحضيرات والتجهيزات للجواز جنب الشغل؟

هل قدرت تقوم بكل مسؤوليات مولود جديد جنب الشغل؟

كلنا عندنا تجارب من النوع ده

طيب إيه الفرق؟ اشمعنا البزنس مش لاقيله وقت؟

ببساطة علشان لسة مش أولوية.

إنت مصنفه تحت بند الحاجات اللي نفسك فيها

نفسي ألعب رياضة بس مافيش وقت

نفسي أسافر المكان الفلاني بس مش لاقي وقت

نفسي أقعد وقت أطول مع ولادي بس مش لاقي وقت

وهكذا

حاجات كتير نفسك فيها لكن حتى الآن مش أولوية

والمقصود بأولوية هنا مش إنك توقف كل حاجة تانية في حياتك وتركز في الشئ ده بس.

المقصود إنك تبدأ تحدد ليه وقت مقدس في يومك وفي أثناء الوقت ده مافيش أي حاجة تانية تاخد مكانه

أحنا بننصح كل المشتركين في برنامج
Passion To Profit
إنهم يفرغوا نص ساعة فقط كل يوم يشتغلوا فيها على خطوات البرنامج

مع الوقت العادة بتتكون والنص ساعة تلقائيا بتبقى ساعة وساعتين و تلاتة و بتقدر تلاقي وقت وأنت مبسوط ومرتاح

احنا عندنا قصص نجاح لسيدات وأمهات عندهم شغلهم وبيتهم و أولادهم ورغم كل المسؤوليات دي عملوا بزنس

وعندنا رجالة بيشتغلوا أكتر من شغلانة وعندهم بيت وأولاد وبرضه قدروا يعملوا بزنس جنب التزامات الشغل والبيت

الفرق في شدة الرغبة وحجم الحلم

لما الحلم يكون كبير هتتخلق الدوافع وهتلاقي الوقت

فلو إنت جاهز ومستعد تخلي البزنس أولوية في حياتك علشان تبدأ تعيش باسلوبك مش باسلوب مفروض عليك، اشترك دلوقتي في برنامج

هل ممكن تبدأ بزنس بدون خبرة؟

إجابة السؤال ده ممكن تكون مفاجأة ليك

هو أصلا لازم تبدأ بزنس بدون خبرة

ماعندكش بديل آخر

إزاي الكلام ده؟

خلينا الأول نعرف معنى كلمة
"خبرة"

حسب بعض تعريفات القاموس، الخبرة هي

نتاج ما مرّ به الشَّخص من أحداث أو رآه أو عاناه، مجموع تجارب المرء وثقافته ومعرفته

وفي تعريف آخر الخبرة هي

العِلْمُ بِالشَّيْءِ ومَعْرِفَتُهُ على حَقِيقَتِهِ

وده معناه إن الخبرة بتيجي بعد مرحلتين

١. المعرفة

٢. التطبيق

أول حاجة لازم تتعلم عن الشئ كويس جدا وبعدين تبدأ تطبق اللي اتعلمته

ومع الوقت هتتجمع عندك مجموعة من المعرفة و التجارب اللي تخلي عندك خبرة في الشئ

علشان كدة أول مرة هتبدأ فيها بزنس طبيعي جدا إنك هتعمل كدة بدون خبرة

بس في طريقتين لاكتساب الخبرة

١. تبدأ بدون علم وتكتسب الخبرة من التجربة والخطأ (مدرسة الحياة)

ودي بشوفها في ناس كتير للأسف … يقولك أنا معايا مبلغ هجرب أبدأ بيه مشروع … وأنا مش متوقع أنجح … بس الواحد أكيد هيتعلم من أخطاؤه ومن التجربة

٢. تتعلم كويس الأول وتبدأ تطبق تحت إشراف موجه بينقلك خبرته في كل خطوة

ودي أذكى طريقة تكتسب بيها خبرة

لإن حتى لو غلطت مش هتكون غلطات فادحة و مؤلمة

مجرد أخطاء بسيطة هيتم تداركها بسرعة

الطريقة التانية دي هتختصر عليك سنين من التجربة والخطأ وهتوفر عليك فلوس كان أولى إنك تستثمرها في نفسك

بس للأسف مش بشوف ناس كتير بتختار الطريقة دي

معظم الناس بتظن إنها هتقدر تجرب لوحدها أو بتقول
"لسة هقعد أتعلم … أنا ماعنديش وقت لكدة"

و اللي بشوفه سائد جدا إن مجموعة أصدقاء بيجتمعوا ويبدأوا مشروع مع بعض وفاكرين إن بمجموع خبراتهم هيقدروا يشغلوا المركب

مع إن ولا واحد فيهم اشتغل على مركب قبل كدة ... أقصد عنده خبرة في البزنس قبل كدة

باختصار

عدم وجود خبرة أمر طبيعي

وعلشان تكتسب الخبرة في البزنس

أول حاجة اتعلم بزنس كويس

وبعدين ابدأ طبق اللي اتعلمته بشكل تدريجي على مشروع صغير في الأول

ولو عاوز توفر وقت و تتجنب الكثير من الأخطاء الفادحة، خلي معاك موجه يساعدك وينقلك خبرته أثناء رحلتك

لو عاوز تحول شغفك لبزنس ناجح اشترك الآن في برنامج

إزاي أتأكد من شغفي؟

الشك في الشغف عامل بالظبط زي العلاقات

عارف المشهد المشهور في الأفلام لما يكون البطل قاعد مع حد وبيسأله عن إحساس الحب الحقيقي بيبقى عامل إزاي؟

أو إزاي الواحد يتأكد إن مشاعره دي حب حقيقي مش إعجاب أو إنبهار؟

علشان كدة أنا متفهم تردد الواحد وعدم ثقته في صدق إحساسه … هل ده فعلا شغفي واللا لأ؟

بس الحقيقة في البزنس الأمر أسهل بكتير من العلاقات

لإن الشغف هنا بيكون تجاه المجال اللي عاوز تبدأ فيه بزنس

وعلشان تتأكد من صدق الشغف تجاه المجال ده بص على الماضي

لو المجال ده بتحبه من زمان وقصته معاك مستمرة من فترة طويلة … ممكن حتى ترجع لأيام الطفولة … يبقى ده ختم الاستدامة

و لازم تتحرك بكل ثقة في تحقيق نجاح كبير في المجال ده

حتى لو بتحب مجالات تانية … مافيش أي مشكلة

لإنها هتكون فرص لمشاريع أخرى تعملها في المستقبل لو حبيت

من أهم قواعد النجاح اللي اتعلمتها في حياتي هي:

"السعي سر الهدى"

ربنا بيهدي للخير الشخص اللي بيسعى … مش الشخص اللي قاعد مستني كل حاجة تجيله لحد عنده

أكتر حاجة بتعطل تقدم الإنسان ونجاحه في حياته هي إنتظار إجابة كل الأسئلة المحيرة قبل البدء في السعي

صدقني … عمرك ما هتعرف الإجابات كلها وأنت قاعد في مكانك … لازم تبدأ بالمتاح وكل حاجة هتبان وتوضح أكتر في الطريق

دي سنة الحياة … لو فضلت تقاوم ومش مصدق الفكرة ومستني كل الإجابات والضمانات تجيلك الأول هتفضل محلك سر

لو عاوز تحول شغفك لبزنس ناجح اشترك الآن في برنامج