Asset

🎁علشان عرض واحد مش كفاية
عملنا 3 عروض بمناسبة الجمعة البيضاء علي جميع الخدمات التسويقية في Asset🔥🔥🔥

✅خصم 50% علي إدارة الصفحات👇
-خطة تسويقية
-10 بوستات شهرية
-10 تصميمات
-10 كتابة محتوي
-دراسة للسوق والمنافسين
-تقرير شهري

✅خصم 30% علي تنيفيذ اي فكرة تصميم لعرض او فكرة حابب تنفذها

✅خصم 40% علي تصميم الهوية البصرية 👇
-لوجو
-كروت شخصية
-المطبوعات والنثريات
-أعلام
-اليونفورم
-بروتوفليو الشركات
-بنرات

➖➖➖➖➖➖➖➖➖➖➖
لتفاصيل أكتر عن خدماتنا التسويقية كلمنا على رسائل الصفحة أو
اتصل بنا : 01028428646

✅جانب من تصميمات السوشيال ميديا لأحد عملائنا
🟩العميل : مطعم 109 _ المنصورة _
🟩البروجكت : تصميم منيو إلكتروني للرد علي رسائل واستفسارات العملاء
🟢هدفنا نضيف قيمة فعلية لحياة عملائنا و متابعينا
تابعونا 💚
➖➖➖➖➖➖➖➖➖➖➖
لتفاصيل أكتر عن خدماتنا التسويقية كلمنا على رسائل الصفحة أو
اتصل بنا : 01028428646
#ِِASSET #مشروع #تسويق

هل بينضحك علينا بسهولة ؟ وليه؟🧐
مع إن العقل البشري هو أعقد آله علي وجه الأرض الا إن دايما فيه مناطق مش هيخدمك فيها و ممكن يعطل أو ياخد قرار يضرك أكتر ما يفيدك

النهارده هنتكلم عن واحده من المشاكل الكبيرة الي بتواجه عقلك 👇
🟢عقلك صعب جدا ياخذ قرار منفصل عن المحيط اللي حوليه فلو رسمت ليك دايرة علي الارض وسألتك الدايرة دي صغيرة ولا كبيرة صعب جدا ترد عليا .... والرد الوحيد المنطقي هو " بالنسبة لإيه بالظبط " قرارك صعب جدا يتواجد في الفراغ من غير مقارنته بقرار أسوء او افضل أكبر او أصغر ….

🟢في ظاهرة علماء الاقتصاد السلوكي بيسموها " anchoring " وهي ببساطة ان العقل بيبني قرارته علي اخر معلومة كانت متخذنة جواه فلما تلاقي المواصلات غليت و حاسس انك متضايق وانت بتدفع اغلي ده مش لان الرقم في حد ذاته كبير لكن لانك مش قادر تنسي انك امبارح كنت بتدفع أقل

🟢تطبيقات الظاهرة كتيره و بنتعرض ليها بأشكال مختلفة يوميا , اكتر من اننا نسردها ليك في بوست واحد من غير ما تزهق مننا
فمثلا
➖ ليه ب 100 بدل 300؟ لأن خصوصا لو منتج جديد وأول مرة تشترية لو قلتلك ب 100 وسكت عقلك هيبدأ يفكر …. ما يمكن هو اصلا ب 50 …. هل ممكن ألقيه في مكان تاني ارخص من كده ؟ , لكن لما تعرف انه كان ب 300 عقلك بيكون مستريح وهيعتبرها فرصة بل هيكون سعيد بعد اخذ قرار الشراء

➖ ليه دايما تلاقي 3 اختيارات S و M وL او جولد و سيلفر و برونز لنفس السبب المسوق هنا عاوز عقلك يستريح وهو بياخد القرار وحتي لو مش هتشتري ب 300 في الأغلب هتشرتي ب 150 وانت مبسوط

➖ المطاعم الكبيرة اكتشفوا ان لما الأصناف الغالية تكون في أول المنيو المبيعات بتذيد ليه؟ لانك لما تبني توقعاتك من اول سعر علي رقم كبير بعد كده مش هيكون عندك مشكلة انك تاكل حاجه بتحبها بسعر اقل حتي لو متعود تشتريها من مكان تاني بسعر ارخص

وعليه ….

لو صاحب بزنس خلي بالك متسبش عميلك تايه وخلي قرار الشرا سهل وبسيط , خلية سعيد انه اشتري منك بدل ما ضميرة يأنبه انه ممكن يكون انضحك عليه وان المنتج ده ممكن يكون ارخص في مكان تاني.

ولو بتشري خليك دايما مركز و احتياجك للمنتج او الخدمة هو المعيار الأساسي للاختيار مش بس لان المنتج عليه خصم او هتاخد واحد كمان هدية

🟢هدفنا نضيف قيمة فعلية لحياة عملائنا و متابعينا
تابعونا 💚
لتفاصيل أكتر عن خدماتنا التسويقية كلمنا على رسائل الصفحة أو
اتصل بنا : 01028428646
#ِِASSET #مشروع #تسويق

نظام " متواجد " هيضمنلك تكون متواجد بين منافسيك بصورة احترافية ومميزة من غير تكلفة مبالغ فيها أو عبئ مادي كبير

دا وقت التطوير 🕐 شركتك محتاجة خدماتنا التسويقية 👇
✅إدارة منصات السوشيال ميديا
✅الخطط التسويقية
✅كتابة المحتوي
✅بناء الهوية البصرية
✅تصميمات السوشيال ميديا
✅اعلانات ممولة
✅منتاج الفيديو

🟢هدفنا نضيف قيمة فعلية لحياة عملائنا و متابعينا لتفاصيل أكتر عن خدماتنا التسويقية كلمنا على رسائل الصفحة أو
اتصل بنا : 01028428646

#ِِASSET #مشروع #تسويق

❤️🤍🖤ذكري إنتصار المجيدة🖤🤍❤️

أحسب ميزانيتي التسويقية إزاي ؟
🟩سؤال مهم جدا تفكر فيه كويس لانك لو حسبت ميزانية أكتر من الازم كده هتخسر فلوس كتير ولو كانت أقل من الازم فبرده بترمي فلوسك علي الأرض لانك مش هتوصل للنتيجة اللي انت عاوزها

🟩طب ايه الحل 👇
فيه 3 اجابات للسؤال ده

✅لو انت موجود في السوق من فترة والناس تعرفك و المنتج مطلوب فمتوسط ميزانيتك يفضل لا يقل عن 5 % من المبيعات المتوقعة يعني لو هدفك تبيع ب 100 ألف يبقي ميزانيتك التسويقية 5 ألاف ده في حالة المنتج , في حالة الخدمة الرقم ده يبدأ من 15 % من حجم المبيعات المتوقع

✅ لو انت لسه بتبدي في المجال وعميلك لسه ميعرفش انت مين ولا ايه بيميزك فالرقم ده بينضرب X 2 يعني علي الأقل 10 % في حالة المنتج و 30 % في حالة الخدمة

✅اخر اجابة هي اثتثناءات لازم تكون مدركها وطبعا ده لا يغير النسب الطبيعية اللي اتكلمنا عليها مثلا في حالة العقارت فالنسبة دي ممكن تنزل ل 1 او 2 % او انت براند كبير جدا زي الشركات الانترناشونال فالميزانية التسويقية في كتير من الحالات لا تتعدي ال 5 % وعلي العكس لو انت نازل باختراع جديد في صورة منتج او خدمه و محدش سمع عنها حاجه قبل كده ولسه بتبني كل حاجه من الأول فالنسبة هتزيد عن المتوسط اللي اتكلمنا عليه في أول حالتين.

🟢هدفنا نضيف قيمة فعلية لحياة عملائنا و متابعينا
تابعونا 💚
➖➖➖➖➖➖➖➖➖➖➖
لتفاصيل أكتر عن خدماتنا التسويقية كلمنا على رسائل الصفحة أو
اتصل بنا : 01028428646
#ِِASSET #مشروع #تسويق

✅جانب من تصميمات السوشيال ميديا لأحد عملائنا
🟩العميل : تيتانيوم جيم _ المنصورة _

🟩البروجكت : تصميم لوجو لكل كلاس ينفذ داخل الجيم

🟢هدفنا نضيف قيمة فعلية لحياة عملائنا و متابعينا
تابعونا 💚

➖➖➖➖➖➖➖➖➖➖➖
لتفاصيل أكتر عن خدماتنا التسويقية كلمنا على رسائل الصفحة أو
اتصل بنا : 01028428646

#ِِASSET #مشروع #تسويق

💹التواجد علي السوشيال ميديا لم يعد رفاهية , تميز بين منافسيك
في "ASSET" هتلاقي كل الخدمات التسويقية اللي هتساعدك تظهر مشروعك التجاري بشكل احترافي.

دا وقت التطوير 🕐 شركتك محتاجة خدماتنا التسويقية 👇

✅إدارة منصات السوشيال ميديا
✅الخطط التسويقية
✅كتابة المحتوي
✅بناء الهوية البصرية
✅تصميمات السوشيال ميديا
✅اعلانات ممولة
✅منتاج الفيديو

🟢هدفنا نضيف قيمة فعلية لحياة عملائنا و متابعينا لتفاصيل أكتر عن خدماتنا التسويقية كلمنا على رسائل الصفحة أو
اتصل بنا : 01028428646

#ِِASSET #مشروع #تسويق

💚 كل عام وأنتم بخير 💚
#ِASSET

أكيد من لو شوفت البوست ده
💚بمناسبة المولد النبوي الشريف💚
🎁 10 تصميمات سوشيال ميديا ب 500 ج فقط 🎁
وخصم يصل ل 50 % علي إدارة الصفحات
💚كل عام وأنتم بخير💚

➖➖➖➖➖➖➖➖➖➖➖

🎁العرض ساري لمدة 48 ساعة

✅للتواصل و للمذيد من المعلومات
اتصل بنا : 01283499425
#مشروع #تسويق

✅جانب من تصميمات السوشيل ميديا لأحد عملائنا
🟩العميل : مطعم (شارع 109) _ المنصورة _
🟢هدفنا نضيف قيمة فعلية لحياة عملائنا و متابعينا أكتر من مجرد حاجه بتقرأها أو بتشوفها وبتعجبك او متعجبكش وبعدين تعديها لحاجة تانية
تابعونا 💚

➖➖➖➖➖➖➖➖➖➖➖
✅للمذيد من المعلومات
اتصل بنا : 01283499425
#مشروع #تسويق #ِAsset

استغل الفرصة🥇
لو صاحب شركة أو بتبيع منتج أو خدمة فرصك التسويقية كتير و النهاردة واحد منها

👈مش شرط تكون محل حلويات علشان تستغل الحدث تسويقياً
✅فمثلا
➖لو انت جيم قول للناس تعمل ايه و تحذر من ايه
➖لو انت دكتور اسنان غطي الموضوع من زاوية صحة الأسنان
➖لو انت عيادة تخسيس حذر الناس من مخاطر السكر الكتير
➖لو مكنتش اي واحد من دول فمتنساش علي الأقل تقول لعميلك💚 كل سنة وانت طيب 💚

المولد النبوي الشريف يوافق : ليلة 26 و نهار 27 من شهر سبتمبر

➖➖➖➖➖➖➖➖➖➖➖
✅للمذيد من المعلومات
اتصل بنا : 01283499425
#مشروع #تسويق

✨عاوز تدرس منافسينك
تعالى نديك خبرة سنين ونوفر عليك وقت و مجهود سنين

🟢النهاردة في أول asset بنقدم ليك صفحة واحدة لو مليتها صح هتعرف كل حاجه محتاج تعرفها عن منافسيك ، فلو انت 👇👇
➖مدير تسويقي في شركة
➖شغال في الأبحاث التسويقية
➖صاحب شركة وحابب تشتغل بنفسك علي التسويق لشركتك
➖لسه بادئ في المجال ومش فاهم بتدرس المنافسين ازاي

🟢واحد من اسرار نجاح اي بيزنس هو دراية إدارتة بالسوق والمنافسين حوليهم شغالين علي ايه ، بيفكروا ازاي وايه غايب عنهم وممكن يستغلهوه ويبدأوا يشتغلوا عليه ،،،، فهتعرف:
✅أهم ٣ منافسين ليك في المجال
✅مميزاتهم وعيوبهم
✅المحتوي التسويقي الخاص بيهم
✅الخدمات والمنتجات
✅جودة صفحاتهم علي السوشيل ميديا
✅طريقة عمل واسلوب فريق المبيعات
✅شرايح العملاء اللي بيشغلوا عليها

👈كل اللي عليك تنزل الفيل ، تطبعة وتبدأ تملاه

https://drive.google.com/file/d/1tre5RSljJU3ERgLABw8_vgnBHfAJaVCn/view?usp=sharing

💲هدفنا نضيف قيمة فعلية لحياة متابعينا أكتر من مجرد حاجه بتقرأها أو بتشوفها وبتعجبك او متعجبكش وبعدين تعديها لحاجة تانية
تابعونا 💚
#مشروع #تسويق
#ِASSET

💚

ا✨
بتابع كام صفحة علي السوشيل ميديا ؟
طب خلينا نسألك سؤال كام صفحة منها نفعتك في حياتك؟ وهنا بنقصد نفعتك بشكل فعلي أو إدتك حاجه تقدر تستخدمها في حياتك اليومية مش مجرد حاجه شفتها , اه ممكن تكون عجبتك ولفتت انتباهك لكن مكنش فيه استفاده فعليه علي المدي الطويل منها سواء مادية أو معنويه.

🟩أصل Asset هي كلمة إنجليزية معناها "أصل" حاجه مفيدة ليك سواء فلوس أو عقار أو موظف شاطر عندك. وده تعريف جوجل ممكن يوضحلك الفكرة أكتر " كل ما تمتلكه الشركة من أموال ومنتجات ومبان وممتلكات يمكن تحويلها إلى نقد، فهي كل الموارد القيمة في أي مؤسسة سواء كانت ملموسة أو غير ملموسة، والتي تكون تحت حيازة أصحاب المصلحة ومن لهم حقوق في تلك الأصول كالملاك والمساهمين الذين يمتلكون سهماً في الشركة"

✅بداية إختيارنا للبراند كان هدفه انه يضيف حاجه فعلية لحياة أصحاب الشركات أكتر من مجرد حاجه بتقرأها أو بتشوفها وبتعجبك وبعدين بتنساها وبتعديها لحاجة تانية أو في أفضل الأحوال بتعملها save ومن هنا هنبدأ الفترة الجاية ننزل “ assets " هدفها تخليك تاخد خطوات فعليه علي أرض الواقع وتبدأ التنفيذ
تابعونا💚
#مشروع #تسويق

إزاي🤔 #4
✨وعدناك من أول السلسلة دي نعطيك شوية أفكار تستخدمها بدل ما تعمل بوست " احنا مين؟ " أو " 5 أسباب ليه تختارنا " أو " خدمات الشركة كذا كذا كذا " علشان تختلف عن منافسينك وتتميز عنهم والنهاردة هنقولك علي فكرتيين ممكن تستخدمهم 👇

🟩الأولي وهي تطبيق لحاجة كتير مننا بيغفل عنها وهي إن البشر يغلب عليهم العاطفة أكتر من العقلانية فانت بتحاول تقنعة بشكل عقلاني بأسباب وأدلة إنك أفضل من أي حد بيقدم الخدمة دي وهو ممكن ميكنش مهتم إنك عندك الخدمة الفلانية أو بتقدم الخدمة علي إيد متخصصين _زي كل الناس ما بتكتب_ أو الخدمة بتتقدم بجهاز جديد هيوفر عليه 30 ث من وقته في المقابل 👈أحكيلة قصة بداية الشركة وايه التحديات اللي واجهتك في الأول احكيلة انك كتير قربت جدا تستلم لكن كملت , الناس بتحب الأمل بتحب تسمع من شركة شبها ممكن تحس لما تسمع لما تقرأ قصتها بشوية أمل علشان تكمل في حياتها لو مش مصدقني فكر في اعلانات شركات زي بيبسي وكوكاكولا واللي بتحاول دايما تعطيك شعور بالسعادة والأمل وكمان أكيد متابع الترند بتاع البنوك في السنوات الأخيرة خصوصاً البنك المصري و بعده كل البنوك استخدمت نفس الاسراتيجية. إمته سمعت اعلان لكوكولا بيتكلم عن مكونات المشروب وفوايدة الصحية وخليني أأكدلك ان الناس دي عارفة هي بتعمل ايه.
✅كمان ممكن تستغل نفس الفكرة بطريقة مختلفة بإنك تحكي مبادئ الشركة وهدفها والرؤية والأثر اللي هي حابة تسيبه في المجتمع فمثلا بدل ما تقول ان المنتج بتاعك بيوفر 10 دقايق من وقت العميل هتقول ان هدفك توفير للناس وقتهم علشان يقدروا يقضوا وقت أكتر مع عيلتهم والناس اللي بيحبوهم. ركز انك تربط البراند بتاعك بحالات انسانية الناس تتعاطف معاها وبرندات كبيرة زي شوكولاته كادبيري ماشية بالاستراتيجية دي من فترة وآخرة كامبين " الليل ليه حراسة " دليل علي ده , حاول تربط منتجكك بالعميل وان مفيش فرق بينك وبينة وان كل هدفك ان حياته تبقي اسهل وبين ولاء عملائك ليك كبير باستراتيجية بيستخدمها كتير "زيوت موبيل" وتركيزهم دايما في حملاتهم الدعائية علي انهم عارفين كل تفاصيل عميلهم وانهم معاهم دايما وان عملائهم بيحبوهم جدا وبيثقوا فيهم ومستحيل يغيروا لمنتج تاني.

🟩الفكرة التانية إنك متتكلمش عن نفسك لكن خلي عميلك هو الي يتكلم عنك لإن مهما حصل
_ إلا إذا كنت بتبيع منتج حياة الناس بيتوقف عليه زي الدواء مثلا او منتج ضروري جدا لا يمكن للعميل الاستغناء عنه في الوقت ده _ الناس دايما حذرة ومش بتثق في الناس بسهولة خصوصا لو حد عاوز ياخد منهم فلوس فمها كتبت في بوست انك احسن واحد في الدنيا وسردت أسباب كتير ليه يختارك إنت مش هتقدر تتفوق علي عميل راضي عنك بيرشحك لحد يعرفه. الدليل الإجتماعي بوجود عملاء راضيين عنك وترشيحهم ليك للناس دايما طريقة أفضل كتير علشان تعرف الناس عنك.

كلامنا في إزاي تختلف وتتميز عن غيرك لسه مخلصش لكن علشان متملش هنكمل في بوستات جاية
تابعونا💚
#مشروع #تسويق
#ِASSET

إزاي🤔 #3
✨خلينا نكمل في سلسة إزاي و الإجابة علي سؤال
أنا زي كل منافسيني في كل حاجه -ببيع نفس المنتج أو الخدمه -وفي نفس المكان -السعر كمان نازل ليا لسته ومش هعرف اغير فيه
أعمل إيه؟👇

🟩لو مش عندك وقت تقرأ البوست اللي فات هفكرك بشكل سريع, اتكلمنا علي 3 حاجات تقدر تعملهم علشان تختلف في الحالة الصعبة دي . أولها كان الباكدجينج والفكرة هنا ان حتي لو انت نفس منافسك فانت تقدر بشوية إبداع صغيرين انك تخلي العميل يبص ليك من وجهة نظر تانية
ويحس انك بتبيع حاجه تانية خالص , اتكلمنا كمان عن المكان وأهمية انك تفكر فيه كويس لو ناوي تفتح شركة منتشره بشكل كبير وأخر حاجه كانت الخدمات التكميلية وقدرتك إنك توفر خدمات اضافية وتسهيلات للعميل ممكن تبعدك عن المنافسه الشديدة

✨النهاردة هنكمل في مجموعة جديدة من الأفكار اللي ممكن تميزك عن غيرك

🟩 خدمة العملاء : ليه البرندات الكبيره بتهتم بالنقطة دي خليني أسألك سؤال ممكن يجاوبك علي السؤال ده بتحس بايه لما حد يكلمك ياخد رأيك في المنتج او الخدمة ويطمن عليك وعلي نسبة رضاك؟ الميزة الكبيرة اللي بتضيفها خدمة العملاء ليك إن مش كل الناس بتعملها ,قليل أوي اللي عنده استعداد ياخد رأي العميل وأقل كمان اللي ممكن يوصل لمرحلة انه يضحي بالبيعه كلها علشان يرضي عميله وكله ماشي بمبدأ دخول الحمام مش زي خروجة ولو دفعت ابقي قابلني ان خدت فلوسك تاني ولو جه علي نفسة أوي ممكن يسمحلك تبدل بمنتج تاني وهنا يجي دورك بالاهتمام الذائد بعملائك رأيهم انطباعهم حسس العميل لا وخلي الرسالة دي واضحة جدا وقلهاله بشكل مباشر في اعلاناتك ورسيلك التسويقية " انت أهم عندي من الفلوس " ولو وصل الأمر اني أضحي بالفلوس دلوقتي علشان توصل للي انت متوقعة علي حساب اننا نفضل مع بعض وولائك ليا يذيد فمش مهم ولو لسه مش مصدقنا تفتكر ليه أطلب بتعمل خصم 50 جنية عي أول 3 أوردرات

🟩فريق العمل والجو داخل المكان: عمرك رحت مكان بس علشان سمعت انهم بيعملوا الناس خصوصا في الشركات الخدمية فريق عملك بيمثل نسبة كبيرة جدا من خدمتك والأوفر اللي بتقدمة لعملائك خليك حريص ان اللي بيتعامل بشكل مباشر مع عملائك سواء ريسبشن او حتي متخصص دايما مبتسم دايما متفائل دايما العميل وراحته هو رقم واحد اشتغلنا مع شركة في المجال الخدمي مؤخرا وكانت بطور برنامج جديد لمتابعة العملاء ومدير الشركة العبقري كان من ضمن المزايا اللي عاوز يضيفها علي السيستم الجديد انه يدي الريسبشن نوتفيكيشن ان ده عيد ميلاد العميل فالريسبشن مش بس هيقله كل سنه وانت طيب لا كمان هيعرض عليه هدية بمناسبة عيد ميلاده وعلشان تتأكد كمان من أهمية النقطة دي إسأل اي شلة شباب ليه اختاروا القهوه الفلانية مش القهوه اللي في وشها او علي بعد 10 متر منها واللي بتعمل نفس الشاي من نفس خط المية هيقولك علشان خاطر أبو أحمد

🟩استغل منتفذ تانيه للبيع: بتبيع في من مقر الشركة بس ليه مفكرتش تستغل السوشيل ميديا طب ليه مفكرتش تستغل المسوقيين بالعموله طب ليه مجربتش تروح لعميلك بدل ما تستناه هو يجيلك اللي علمنا النقطة دي كان مدرب كرة يد للأطفال والفكرة العبقرية اللي وصل ليها من غير ما يتعامل مع اي شركة تسويق هو انا العميل بتاعي طفل سنه من 4 ل 15 سنه العميل ده فين في الحضانه او المدرسة طب انا ليه استنهاه لما يسمع عني بالصدفه او وليه امره يشوف اعلانه علي النت انا ارحله انا بنفسي وكانت الفكره انه بيعمل ليوم مفتوح للحضانتات والمراكز الخاصة والانترناشونال ويقدم عرض للإدارة صعب يترفض انا هاجي يوم مجاني مش عاوز فلوس وهعمل حفله عندكوا بمسابقات وتدريبات وهعمل عروض بتوصل لشهر مجاني علي خدمات التدريب وكلنا نطلع كسبانيين وده مثال خلانا نفكر كتيير في اهمية فتح واستغلال منافذ تانية للبيع وده اللي المفروض انت كمان تعمله

🟩التفاعل مع العملاء:اخر حاجه هنتكلم فيها النهارده هو التفاعل مع عملائك وهي نقطة قريبة من اللي اتكلمنا عليه في فكرة خدمة العملاء والمثال اللي قلناه في اهمية فريق العميل ورجل الأعمال اللي كان عاوز يجيله اشعار بعيد ميلاد العملاء بتوعه علشان يقدملهم هديه فالتفاعل الدايم مع العملاء سواء بالعروض أو الهدايا او المسابقات او حتي بخفة دمك بيحطك دايما في حته تانية عن منافسيك حتي اسأل براند اسمه ستره او تابعهم علي السوشيل ميديا وده هيأكدلك كلمنا

ده كان رد سريع ومختصر علي سؤال أنا زي كل منافسيني في كل حاجه وكام فكره علشان تتصرف مع المشكلة
دي لسه الكلام مخلصش تابعونا 💚
#مشروع #تسويق

✨سمعتك وبراندك اهم احيانا من المنتج نفسه
🟢من الحاجات اللي لفت نظرنا مؤخرا في السوق المصري هو انتشار براندات ذي بلبن او كنافة وبسبوسة مع ان المنتجات دي كانت في السوق من زمان لاكن فجأه صحينا لقيناه تريند كبير وممكن تفكر ان السعر ليه علاقة بالموضوع لكن لو ركزت في المنيوهات بتاعهم هتلاقي ان سعر منتج او اتنين بس اللي أقل لكن معظم المنتجات التانية سعرها مقارب جدا للسعر السوقي لها بل وكل فترة هتلاقيهم بيطلعو باسم غريب لمنتج وبيتباع بسعر يعتبر عالي ولو نسبيا بالنسبة للسوق وعلشان تعرف اهمية البراند تخيل معايا انك هتفتح جنبهم بكره وهتبيع نفس المنتجات وبنفس الأسعار تفتكر هتقدر تنافس معاهم
, غالبا لا
#مشروع #تسويق

-إزاي🤔 #2
🟢اتكلمنا في البوست اللي فات عن أهمية دراسة السوق اللي هتنافس فيه والتأكد إنك فعلا عندك حاجه مش موجوده عند كل منافسييك , وأكيد مش محتاجين نقول لك إن الحاجه دي لازم تكون مفيده جدا "من وجهة نظر عميلك" مش الاختلاف لمجرد الاختلاف فمثلا لو بتصنع اثاث متقولش لعميك تعالي عندي علشان انا بعمل الكرسي ب 5 رجليين لإن ردة فعل العميل المنطقية هنا هي : "وانا أعمل ايه يعني ايه اللي استفادته" بل كمان هيتكلفوا مخاطرة إن الناس يضحكوا عليهم ويوصفوهم اما بالغباء او بالهطل لان حد قدر يقنعهم بحاجه مش مهمه زي كرسي ب 5 رجلين فهنا السؤال لازم يكون اعمق شويه وهو ايه الحاجه اللي عندي ومش عند حد تاني وعميلي لما يعرف انها عندي هيخترني انا

✨ طب أنا زي كل منافسيني في كل حاجه ببيع نفس المنتج أو الخدمه والسعر كمان نازل ليا لسته ومش هعرف اغير فيه👇

-اتأمل معانا المثال ده , البشر عبارة عن ايه؟ _علي الأقل معظمنا_ عنده ايدين و رجلين و عنين وعقل وقلب و و و فتقريبا كلنا نفس البراند وعندنا نفس الموارد وخلينا نفترض اننا اتولدنا في نفس البلد وفي شريحة إقتصادية واحده , ايه يخلينا مختلفين ايه يخلي مجموعه مننا ناجحه جدا وقادره تختلف عن الباقي؟

🟩الباكدجينج : وهنا نقصد تجميعة المنتجات والخدمات بتاعك فلو بتبيع أدوات منزلية والمنتجات هي هي عند الكل والسعر نازل لسته فتقدر تختلف انك تعمل تجميعة معينه للمنتجات دي في صورة تخليها من وجهة نظر العميل مختلفه عن اللي حوليك فتقدر تعمل باكدج للعرايس او باكدج للناس اللي بتجدد بيوتها او باكدج للشركات والأماكن الخدمية او حتي ممكن تقسهما بالأماكن في البيت فعندك تجهيز المطبخ وعندك تجهيز للحمام وعندك تجهيز للمكاتب وده بالظبط نفس المثال اللي ذكرناه من شوية وهو مع اننا كبشر متشابهيين جدا لكن توليفة كل واحد واستخدامه و توظيف موارده بصورة تانية ده اللي بيخلي مننا ناجحين ومختلفيين.

🟩 الخدمات التكميلية: مع ان المنتج والسعر واحد لكن فيه بهرات بتتحط علي المنتج ممكن تخليه من وجه نظر العميل مختلف جدا , فممكن تقدر توفر شحن او توصيل بل ممكن توفر شحن وتوصيل في نفس اليوم فهنا هتتميز بخدمة تانية غير المنتج ممكن نسميها السرعة او انك قدرت تريح عمليك وتشيل عن تفكيره تعب التجهيز والنزول والوقت الضايع في المشوار و من الخدمات التكميلية التانية واللي بتنتشر اليومين دول بشكل غريب جدا هي التقسيط ولو بتقدم خدمة معينة ممكن تقدمها برايفت او بشكل شخصي لفئة معينة من عملائك.

🟩المكان: وده صعب تتحكم فيه لو فتحت اوردي لكن لو لسه بتفكر تفتح مشروع منتشر فالمكان بيلعب دور مهم ولازم تفكر فيه بدل المرة ألف لإن اللي بيدور في دماغ العميل ساعتها انه ليه أروح بعيد واركب وأتعب لما ممكن أشتري نفس الحاجه بنفس السعر من عند المحل او الشركة اللي جنبي فهنا مكانك بيكون ميزه كبيرة ممكن تحطك في مكان بعيد جدا عن منافسييك.

وعلشان منطولش عليكوا خلينا نكمل البوست الجاي , نشوفكوا علي خير
تابعونا💚
#مشروع #تسويق

إزاي🤔 #1
لو حاولت تتكلم عن نفسك خصوصا في أول شغلك علي السوشيل ميديا طبيعي تحاول تعرف الناس عنك وانت بتعمل ايه والشركة بتقدم ايه ولو اتعاملت مع شركة تسويق غالبا هيقولوك أول حاجه هنعملها هنعمل بوست "احنا مين ؟ " أو " 5 أسباب ليه تختارنا " أو " خدمات الشركة كذا كذا كذا "
✨ومتفهمنيش غلط مفيش أي مشكلة في النوع ده من البوستات , عمليك مهم جد اً يعرف انت مين وبتعمل ايه وايه اللي بيميزك عن الشركات في نفس المجال , لكن الهدف هنا اننا نعطيك كام فكره _ ممكن مش جديدة _ لكن مش منتشره بين الشركات أو بطريقة تانيه خلينا نقول لك كام فكرة تطلع بيهم بره الصندوق🔥

🟩وقبل ما ندخل علي أي افكار لازم نخليك تاخد بالك من حاجه مهمه , أحيانا لما كنا نقعد مع عميل ويحكيلنا عن البيزنس بتاعه غالبا بيكون مقتنع بنسبة مليون في الميه إن اللي بيقدمه مفيش حد بيقدمه غيره وحتي لو موجود فهو أحسن واحد بيعمله . فمثلا لو قعدت مع دكتور نسا وسألته ايه عندك مش عند منافسينك وبيميزك عنهم ؟هتلاقيه علي طول يقول لك الولاده بدون ألم مع إن مفيش دكتور نسا في مصر الا وبقي قادر إنه يقدم الخدمة دي وبالتالي لما تيجي تقول للناس 5 أسباب يخلوك تختارني , من غير المنطقي إنك تقول ليه إني عندي الولاده بدون ألم لإن ردة فعله الطبيعية إنه ما كل الأطباء عندهم كده ايه المميز يعني ومن هنا🤚 لا غني عن دراسة متعمقة للسوق واللي انت عاوز وبتحاول تقدمه قبل ما تعمل بوست ذي ده او حتي قبل ما تفتح شركتك من الأساس

◾️طب أعمل ايه لو انا زي زي منافسيني في كل حاجه ؟ 🤦‍♂️
ده اللي هنجاوب عنه في البوست الجاي من السلسلة دي واللي هدفها تميزك عن غيرك
تابعونا💚
#مشروع #تسويق

✨هتعمل عرض علي السوشيل ميديا ؟
تعالي نقولك 5 خطوات تضمنلك فشله 😎

1- اعمل عرض وهمي للناس بمعني هتكون الحاجه 100 اكتب عليها 150 وبعها ب 100
أو اعمل عرض علي حاجه عندك مطلوبة جدا وبعها بسعر رخيص جدا واعمل عليها دوشة كبيرة علي السوشيل ميديا وانت اصلا مش موجود عندك الا قطعه او 2 او أقلك بدل ما تعمل المنتج اللي ب50 بسعره الحقيقي اعمله ب 100 وقول للناس اشتري واحده وخد التانية عليها هدية ولإن عميلك مش مغفل غالبا مش بس العرض بتاعك هيفشل لا كمان هتخسر ثقته وفرصة انه يشتري منك ويا حبزا لو قال لاصحابة وعيلته عنك👌

2-اصحي الصبح واعمل عرض للناس ومتقلش انت عامل عرض ليه وبكده هتأكد للناس حاجة من اتنين لإما انت واقع ومحدش بيشتري منك لإن غالبا جودتك سيئة او معاملتك للناس مش كويسة وعاوز تبييع لمجرد البيع او انت استغليت النقطة الأولي صح وعملت عرض وهمي

3- اعمل عرض لكل الناس للكبير والصغير وللرجالة والستات للبشر والحيونات في أي مكان في العالم واللي مهتم واللي مش مهتم ، مش مهم كل الناس أكيد محتاجة المنتج بتاعك وممكن تتطلبة

4- اعمل عرضك طول السنة في أي وقت هتعدي علينا هتاخد الأوفر ده، لما تيجي من الساحل ممكن تاخده او لما تفكر وترجعلي مش مهم العميل يغير رأيه دلوقتي أكيد بعد شهرين هيجي يسألك عن العرض اللي انت عاملة علشان العرض ده مينفعش يتفوت🔥

5- سيب العميل تايه مش عارف يعمل ايه مفيش رقم تلفون يكلمة ولا حد من خدمة العملاء يتواصل معاه وإوعي توضحله انك لازم تيجي المكان علشان يستفيد من العرض وخبي عليه ان فيه توصيل او شحن لاتتحسد ما انت عارف العين عملت ايه 💔

#مشروع #عروض