Gorilla gym

أهداف صغيرة بسيطة قصيرة المدى أحسن بكتير من أهداف كبيرة اوي صعبة بعيدة المدى.

حط هدف انك تنزل أول ٥ ك من وزنك، لما تنزلهم فكر هتعمل ايه بعدهم.

حط هدف انك تزود ٢.٥ ك في تمرين معين، بنفس عداتك ونفس الشدة، ولما توصل لكدة، فكر هتعمل ايه.

حط هدف تزود خطواتك اليومية ١٠٠٠ خطوة عن الخطوات الحالية، لما تبقي عادة يومية، فكر بعدها هتعمل ايه.

حط هدف تقرأ صفحتين من أي كتاب في مجالك في اليوم، لما تبقي عادة يومية، فكر بعدها هتعمل ايه.

بلاش الحماسة الزيادة، بلاش الخطط بتاعة ال ٢٠ ك نزول وزن، وكسر اوزان البنش ب ٣٠ ك، وانك تخلص ٦٠ كتاب في ٢٠٢٢ وكدة .. عشان غالبًا .. هتزهق ومش هتعمل حاجة

Coming soon 💪🏼😉💜

الدروب ست والسوبر ست في عالم كمال الاجسام💪🏋️‍♂️

👈الدروب سيت والسوبر سيت ايه الفرق بينهم وايه الهدف منهم وازاي تلعبهم صح👇

👈الدروب سيت👉
👈ببساطة دا نظام تمرين من اسموا دروب يعني نزول الوزن اللي انت شايله بمعني انك مثلا شايل وزن عشرين كيلو وبعدين 15 كيلو وبعدين اقل اقل لحد ما تجيب اخرك

👈السوبرسيت👉
👈تمرين لعضلتين قصاد بعض او للتوضيح زي الباي والتراي او الصدر والضهر وهكذا وممكن لنفس العضلة بس اختلاف زوايا زي مثلا تجميع صدر وتفتيح بعدها علي طول

👈الهدف منهم 👇
👈هو هدف مشترك وهو توصيل اكبر كمية دم محمل بالاكل والاكسجين للعضلة ودا هيساعد في تضخيمها واستجابتها افضل وبرضوا كسر ملل التمرين بالتغيير

👈ازاي تلعبهم صح 👇🏻
👈الدروب سيت 👉
👈مثلا انت بتتمرن باي بوزن عشرين دامبل وجبت عشر عدات متريحش تمسك دمبل 15 كيلو وتجيب اخر عدات اقدر تحسبهم وبعدين بوزن اقل وتجيب عدات تاني لحد ما تقدرش تشيل الوزن فعلا💪

👈السوبر سيت👉
👈بلعب زاويتين لنفس العضله بوزن ثابت او علي حسب قوه العضله انها تشيل بمعني انك بتلعب صدر بار مثلا شايل خمسين كيلو تمسك دامبل تفتيح الوزن اللي تقدر تلعب بيه

👈امتي تلعب بالاساليب دي 💪🏻👇🏻
👈لو حسيت بملل من التمرين زي ما قلت فوق او حسيت ان العضلة مبقتش تستجيب معاك تبدأ تلجأ للاسلوبين دول وغيرهم اساليب كتير هنزلهم علي الصفحة برضوا💪

حجات حتفرق معاك 💪

👈لازم يكون معاك لاعب عشان يقدر يساعدك لو الوزن تقيل في الدروب سيت وكمان يشيل معاك الاوزان بسرعة
👈لو الاوزان معاك مش عملية انك تفضل تشيل وتحط اوزان تقدر تستخدم الاجهزه افضل
👈الاكل مهم جدا جدا لان انت بتحرق سعرات اكتر والعضلة عايزه تتغذي بشكل افضل
👈متحملش علي العضلة بالاسلوبين دول كتير يعني كل شهر مثلا تلعب تمرينه 💪

اكيد زي ما فيه ناس عايزة تخس
فيه ناس عايزة تزود وزنها برده

و للأسف اغلب النصائح اللي بتتقال غير مفيدة ان مكنتش مضرة
و فيه ناس بتاخد ادوية باعراض جانبية خطيرة عشان تزود وزنها

انك تاكل سكريات عمال علي بطال
و تشرب عصائر و بيبسي
او نشويات غير صحية
او مقليات و حلويات
ده مش هيزود وزنك بشكل صحي بالعكس ده ممكن يسبب مشاكل صحية كتيرة

النهاردة هنتكلم عن زيادة الوزن بشكل صحي
و النصائح دي من توصيات الأكاديمية الأمريكية للتغذية
اول حاجة اصلا انت محتاج تزود وزنك؟

لو فيه ضعف او مشكلة صحية نزلت الوزن تمام
لكن لو ده جسمك و صحتك تمام يبقي ملوش داعي تزود وزنك ابدا

تاني حاجة ابعد تماما عن الادوية اللي مكتبهاش طبيب تغذية متخصص و موثوق فيه

تالت حاجة ، اعتمد في اكلك على مصادر الغذاء الغنية و ركز في جودة السعرات مش بس كميتها
زي الحبوب الكاملة مع الدهون المشبعة و الغير مشبعة و حاول تعلي سعرات اكلك بطريقة صحية

حبوب كاملة زي البليلة و الشوفان و البرغل و الفريك و الدره و الكينوا
و دهون صحية زي زيت الزيتون و القشطة و الزبده الطبيعية و المكسرات و الأفوكادو.

ما تشربش بيبسي و تاكل شيبسي و كاندي علشان تتخن ، دي سعرات فاضية عمرها ما تبني جسم سليم

نبدأ بالسلطة ، زود عليها جبنة و زيت زيتون و لو ينفع مكسرات كمان
الشوربة خليها دايما بكريمة كاملة الدسم

البطاطس المشوية زودلها كريمة و زبدة

الشوفان الصبح زودله قشطة و مكسرات و فواكه مجففة ،عسل ، وزبدة فول سوداني

اعمل فول بزيت الزيتون و الطحينة

البيض زودله شوفان مطحون و اعمله بسمنة بلدي و جبنه موتزاريلا

متشربش اي حاجة اثناء الاكل ، اشرب قبله بشوية او بعد الاكل بشوية

ابعد القهوة و الشاي عن مواعيد الاكل

اوعي تستخدم اي منتج خالي او قليل الدسم

لو مبتحسش بالجوع ، او بتشبع بسرعة ، قسم وجباتك ل ٥ او ٦ وجبات في اليوم

و طبعا تمارين المقاومة بأوزان هتساعدك تزود الكتلة العضلية مع المتابعة مع اخصائي تغذية فاهم ان شاء الله توصل لنتيجة ممتازة

هتلاقي في التعليقات بوستات تفهمك عن المكسرات و الحبوب الكاملة

اعمل منشن لاي حد تعرفه عايز يزود وزنه بشكل صح

#زيادةالوزن

🚫 تابع الافتتاح ❤️💪🏼