Maged Hamed - ماجد حامد

مصر فيها 124 هرم لملوك و ملكات مصر .
و دول 3 بس منهم . يا تري تعرفوا الباقي فين 🤔🤔

Send a message to learn more

افهم سفر
المره ده بقى هتكلم يعني ايه عدد النجوم اللي على كل فندق؟؟🤔🤔
بص يا سيدي هو مفيش نظام عالمي للموضوع يعني كل دولة ماشيه بمزاجها و تصنيفها الخاص 😅
و بما ان مصر هي ام الدنيا😍 .. تعالي نتكلم ازاى وزاره السياحه المصريه بتقييم الفنادق
اتفقنا ان انواع الفنادق مختلفة ( apartment hotel - motels - pension - hostel - inn - lodge - hotel - resort )
و ممكن ترجع للبوست اللي عدا من هنا
www.facebook.com/story.php?story_fbid=148957763633244&id=100388498490171
كل تصنيف من دول بيكون له تقييم لوحده . يعني لو lodge و hotel الاثنين 5 نجوم ده مش معناه انهم زي بعض❌❌. معناه ان كل واحد الجامد في تصنيفه
ازاي بقا التقييم يتعمل . الوزارة بتحط شويه معايير و بتدي لكل معيار عدد درجات و في الاخر بتشوف الفندق جمع قد ايه من الدرجات و بناء عليه بتديله عدد النجوم ( ممكن معايير انت مش مهتم بيها اصلا بس المكان بتقييم علشانها ..زي مثلا في محلات للهدايا ولا لا . حجم المطبخ قد ايه . تليفون الاوضه بيكلم دولي ولا لا .فيه قاعه مؤتمرات و لا لا ...) و هكذا
ده نموج للمعايير بتاعه الفنادق https://lelsyaha.com/.../%D9%85%D8%B3%D8%AA%D9%88%D9%8A...
و ده مثلا للresort
https://lelsyaha.com/.../%D9%85%D8%B3%D8%AA%D9%88%D9%8A...
نستنتج ايه من ده كله 🤔
اقولك بقى من الاخر .. بلاش يكون تصنيفك الوحيد للمكان اللي هتقعد فيه بعدد نجومه ليه ؟؟ ⁦☑️⁩❎
اولا هنقول تاني علشان التقييم بيختلف من انت نازل في أنه تصنيف؟ هوستل و لا فندق ولا منتجع ؟
ثانيا ان انت لو عارف انت محتاج خدمات ايه بالظبط . ممكن تلاقي فندق 5 نجوم و مفيهوش الحاجه اللي انت عايزه❌
و فندق 4 نجوم و موجود فيه كل حاجه انت عايزها ⁦☑️⁩⁦☑️⁩
نقطه كمان لو احتياجاتك كلها موجود في ال4 نجوم ليه تنزل في فندق 5 نجوم مثلا و تدفع فلوس في خدمات انت مش محتاجها .🤔
ملخص القصة ده كلها بقا . و انت طالع الرحلة اعرف انت عايز ايه بالظبط من المكان اللي هتقعد فيه و متمشيش ورا المظاهر و التسويق الجذاب و كلام الشركات .🤑🤑
و دور علي اللي انت عايزه في الفندق و كلم الفندق و اسئله على كل الخدمات اللي محتاجه متاحة و الشكل اللي انت عايزه و لا لا . بس كده 👌👌

افهم سفر
كلنا بنسمع الفندق ده خمس نجوم و لا اربع نجوم . و ممكن حد يقولك يا اسطه الفندق ده و لا السبع نجوم 🔥👌
يعني ايه الكلام ده بقا
تعالي براحه و انا افهمك 🤔🤔
قبل كده قولنا ال accommodation ممكن تكون يا شقق يا camps يا hotels
امسكلي بقا في كلمة فنادق بقا و تعالو نتكلم شويه
كلمة فنادق هي حاجة واحدة من ضمن تصنيف ( زي ما بنقول علي اي حاجه بصودا بيبسي ..)
اقولك بقى ايه كل التصنيفات (هتلاقي اسم الاقامه و وراه واحده من التصنيفات ده )
1- apartment hotel الشقق الفندقيه
زي استئجار الشقق بس من غير عقود حجزها زي حجز الفندق . مفيش اي سياسات للوجبات علشان في مطبخ في الشقة . بتكون تكلفتها اقل من الفنادق (زي porto sokhna مثلا )
2- الموتيلات motels
عبارة عن مزيج من الكلمتين Motor and Hotel. الموتیل هو فندق خاص بالمسافرين علي الطريق يعني ليله و السلام . بيكون بسيط و شويه اوض جنب بعض و بس . مفيش عماله كتير فندق للنوم بس ( مفيش منه في مصر . هتلاقيه في الافلام الاجنبيه بتاعه الرعب .. )
3- البنسيون pension
موجود في اماكن تواجد السكان (القاهرة . اسكندريه . جنب الجامعات جنب المصالح الحكوميه ..) بيبقى عنده من 5-20 اوضه و غرفه اكل . معظم الناس بياجرو فيه على أساس الشهر أو السنة ومش بيقبل الضيوف من بره الفندق لتناول العشاء و بباب البنسيون بيتقفل ويتفتح بمواعيد.( من الاخر علشان منتهش.. في مصر زي بيوت الشباب و المدن الجامعيه ده أشبه مثال له )
4- الهوستل hostel
هاستل هو في الواقع فندق تم بناؤه للمسافرين المؤقتين مع مرافق قليلة أو معدومة.حاجه علي القد كده ( زي هوستلات وسط البلد و طلعت حرب في القاهرة . او في المنشية في الإسكندرية ) و بتستقبل الناس في اي وقت و ساعات تحجزها بالافطار او بالغدا
5- inn
زي ما كانت بتيجي زمان في أفلام رعاة البقر (الحانه ) . زمان كان واحد عنده بيت و بيعمل اوض جنبه للمسافرين وهو عيلته بيقومو بكل حاجه في المكان . دلوقتي الموضوع اختلف فيه فنادق بتحط نفسها في التصنيف ده علشان تاخد rate أعلى من وزاره السياحه مثلا او تكون مستهدفة شريحه old fashion شويه وعايزه تحسسهم انها زي فنادق زمان ( زي park inn و sharming inn في شرم مثلا )
6- lodge
علميا هو فندق من غير اي خدمات زياده غير الاقامه . نزل يعني . قريب من inn بس تجاري اكتر و عدد اوض اكتر و هرجع تاني واقولك دلوقتي الموضوع اختلف فيه فنادق بتحط نفسها في التصنيف ده علشان تاخد rate أعلى من وزاره السياحه مثلا . ومتدخلش في مقارنة مع الفنادق و المنتجعات .(زي marina lodge في مرسي علم مثلا و زي dream lodge في سيوه )
7- الفندق hotel
هو الشكل الاعم و الاوضح من كل دول . بيكون في مكان حيوي مش متطرف يعني فيه اوض كتير ممكن تعدي 100 اوضه و مختلفة .فيه خدمات أكثر و سياسه للوجبات فيه حمامات سباحه فيه مطعم اوضه اجتماعات ….الخ
8- منتجع resort
غالبا بيكون بره المدينه ده بقى قمه الرفاهيه مساحات شاسعة اكتر من مطعم و حمام سباحه فيه محلات و ماكينات صرف و ممكن سنتر غطس و مساج ( مكان للاستجمام )
يعني لو انت رايح انتخه ده انسب حاجه ليك . قمة الرفاهية
9- سلاسل الفنادق
مجموعة فنادق موجودة على مستوى العالم و الكل بيشهد بخدمتها ( و غالبا بتكون شركات اداره يعني مش هي صاحبة الفندق نفسه كمبني ) زي ايه ؟
1-هيلتون . 2-شيراتون .
3-فور سيزون . 4-موفنبيك .
5-ماريوت . 6-سونستا .
7-نوفوتيل . 8-لي مريديان .
في الاخر بقا : كل تصنيف من ده علي حده ( يعني معايير الفندق تختلف عن الريزورت تختلف عن الهوستل ) وزارة السياحة تحطله معايير من نص نجمه لحد 5 نجوم
فمينفعش نقارن مثلا فندق 5 نجوم ب منتجع 5 نجوم و نقول الاتنين زي بعض ❌❌
لما تيجي تقارن قارن كل تصنيف مع بعضه او قارن بالخدمات اللي انت محتاجها و بيوفرها كل مكان
ملحوظه اخيره : الفنادق ساعات بتحط نفسها في تصنيف مختلف علشان تغير في عدد النجوم و تبيع اكتر🤑🤑🤑
البوست اللي جاي بقي هنشرح فيه ازاي وزاره السياحه بتقييم الفنادق و هنشرح انواع الاوض و الاقامات في الفنادق و شويه tricks في الحجز ممكن تعملهم ( موضوع السبع نجوم هنتكلم فيه في البوست اللي جاي )😊
و فيه فيه حد عنده معلومه تانيه يبعتلي و نزودها علي البوست . اشطه 💫💫

لو مش عارف تروح دهب ازاي ؟؟
اومحتار بين شركات السياحه او انك تظبط رحلتك بنفسك ؟؟😵😵
تعالي اقولك ازاي تظبط رحلتك في 3 خطوات 🥰🥰
1- افتح الفورم ده forms.gle/cBFw68gr2y8yGtXn6
2- املا الفورم
3- اقفل الفورم ... مبروك كده عملت رحلتك😜😜 ( شوفت الموضوع بسيط ازاي)
ملحوظه : لو محتاج اي معلومات عن دهب . اقرا المقالات ده
1-www.facebook.com/TheFirstMapper/posts/101302511732103
2-www.facebook.com/TheFirstMapper/posts/102206194975068
3-www.facebook.com/TheFirstMapper/posts/106857861176568
4-www.facebook.com/TheFirstMapper/posts/121926556336365
5-www.facebook.com/TheFirstMapper/posts/122179932977694

و علشان تتابعوني اكتر
youtube
www.youtube.com/channel/UCxoo86v78_0LQRTZ9ADohAw
instagram
https://www.instagram.com/maged.7amed/

Map your trip to Dahab

كل اللي محتاجه علشان تخطط رحلتك في دهب (الجزء الرابع 2 )
في البوست ده هنكمل باقي الأنشطة الفرعية (اللي لو لقيت عندك وقت في رحلتك ممكن تعملها )
شرح الانشطه الرئيسيه هتلاقوه في البوست اللي عدا (الجزء الرابع 1 )
هنا هتتخيلو معايا اللي اللي هتعملوه في يومكم بالظبط و هتحتاجو ايه في كل يوم و هتكلفكم كام ؟؟🤷‍♀️
** الاسعار هنا كبرنامج مش متفصله ( لو محتاج تفصيل كل حاجه اقرأ الجزء التاني )

يلا بينا نبدأ علي طول
1-رحلة اليخت ( LE 350 نص يوم ) ( LE 450 يوم كامل ) 🛥️🛥️
اليوم الكامل من 9-3 و النص يوم له معادين من 9-12 او من 12-3
و بتيجي العربية قبل معادنا بنص ساعة تودينا المرسي و بنقضي اليوم على اليخت و بيبقى فيه وقفتين سنوركلينج للعوم و الشعب و طبعا المشروبات براحتنا طول الوقت

2-رحله الجلاس بوت ( 150 LE )⛴️
بتبقي مدة الرحلة ساعة و نص بنوصل مركب قاعه من الزجاج و بيتحرك في نص البحر و بنشوف من الزجاج ده الشعب و السمك بدون نزول ميه
3- رحله الغواصه ( 250 LE )
بتوصلنا عربيه جيب لحد المينا و بنركب الغواصة لمدة ساعة و بيكون حواليك السمك من غير نزول الميه و بيبقى فيه مشروب for free

4-رحله الوشواش و راس شيطان (350 LE)🌊🏞️
الرحلة يوم كامل بنطلع من دهب على 9 الصبح بنروح كامب في راس شيطان نتغدا وبعدين نروح الوشواش ( عباره عن بحيره في نص الجبل علشان نوصلها بنعمل hiking فعلا علشان كده هتكون صعبه علي الاطفال و الناس الكبيره ) الرحلة بيكون فيها الغدا و الديلي اللي هيمشي معانا و و الانتقالات

5-رحلة الكانيون الملون (350 LE ) 🏝️🏖️
الرحلة تبدأ من الساعه 9 الصبح بنتحرك في نويبع علشان نروح الكانيون ( عبارة عن شق بين جبلين بس الصخور بتكون ملونه ) بنمشي نص ساعة في الكانيون و بعدين الجيب بتاخدنا علي عين حضره ( واحه فوق الجمال ) بنتغدا هناك و بعدين بنطلع علي دهب تاني و الرحلة شاملة الغداء و الشاي البدوي و طبعا الدليل البدوي و الانتقالات

6- رحله سانت كترين و جبل موسي ( 250 LE )⛰️⛰️

بنتحرك علي 10-11 بليل من دهب بنوصل كترين علي 12 بيقابلنا الدليل اللي هيطلع معنا و بنبدأ نطلع الجبل ( الجبل 7 كيلو متر اول 6 عباره عن طريق طالع لفوق و بيلف حوالين الجبال اخر كيلو متر عباره عن سلاليم معموله من الحجارة فطبعا الموضوع صعب علي الاطفال و كبار السن ) بعد ما نحضر الشروق بننزل تاني و في اخر الطريق هنلاقي دير مريم بندخل و الدليل يشرحلنا و يورينا الشجرة المعلقة و بير موسي و كنيسة مريم العذراء و بعدين بنركب العربيات و نرجع تاني

كده احنا شرحنا كل حاجه في دهب بكل تفاصيلها .. لو محتاجين اي استفسار بقا كلموني
و قولينا في الكومنتات عايزين نشرح مكان ايه تاني

كل اللي محتاجه علشان تخطط رحلتك في دهب (الجزء الرابع 1 )
في البوست ده هنشرح ايه اللي بيحصل في كل حاجه من أنشطة دهب ( الانشطة الاساسية اللي الكل بيعملها )🦾
و في جزء تاني للأنشطة الفرعية في دهب علشان اللي عايز يملأ برنامج رحلته
علشان تتخيلو معايا اللي اللي هتعملوه في يومكم بالظبط و هتحتاجو ايه في كل يوم و هتكلفكم كام ؟؟
** الاسعار هنا كبرنامج مش متفصله ( لو محتاج تفصيل كل حاجه اقرأ الجزء التاني )
بس قبل ما نبدا . لازم تقرأو ال3 بوستات اللي بتشرح كل حاجه في دهب و لينكاتهم اهه

لو عايز تقرا عن الفنادق و المواصلات لدهب اضغط هنا https://www.facebook.com/TheFirstMapper/posts/101302511732103

لو عايز تقرا عن الانشطة و المواصلات الداخليه اضغط هنا https://www.facebook.com/TheFirstMapper/posts/102206194975068

لو عايز تعرف ازاي تظبط برنامجك بالظبط اضغط هنا
https://www.facebook.com/story.php?story_fbid=106857861176568&id=100388498490171

يلا بينا نبدأ
1- اول حاجه طبعا رحلة البلو هول و شق التعبان (بتكلف 75 LE ) 🏊🏖️🏝️
بنتحرك الصبح بدري في حدود 9-10 بالعربيات بناخد في حدود نص ساعه علشان نوصل بنستلم الماسكات و بنقضي اليوم كله سنوركلينج في البلوهول ( نزله البلوهول من شق التعبان و نعوم لحد السلم اللي في اول البلوهول )
+ ممكن تزود غدا في الكافيتريا من 50-70 LE
+اي قطعه تانيه زي life jacket أو الزعانف 15-20 LE

2- رحله البلوهول و ابوجالوم و بلولاجونا ( الرحلة الكاملة ) (300 LE )🏖️🏝️
لازم نتحرك بدري علي 9 الصبح بنتحرك بالعربيات بناخد نص ساعة و نستلم الماسكات و نخليها معانا طول اليوم بنعمل سنوركلينج في البلو هول و بعدين بناخد حاجتنا و نركب مركب بيودينا علي محميه راس ابو جالوم و نعمل بردو سنوركلنج نخلص و ناخد عربيه نص نقل ( بنركب ورا في الصندوق ) لحد بلو لاجونا (المكان هناك رملي يعني عوم من غير شعب و رايق اوي ) و بعدين بناخد الطريق بالعكس (عربيه نص نقل لأبو جالوم و بعدين مركب للبلو هول و بعدين عربيه جيب للفندق )
+ ممكن تزود غدا في الكافيتريا من 50-70 LE
+اي قطعه تانيه زي life jacket أو الزعانف 15-20 LE
+ ممكن تعمل مبيت في أبو جالوم او بلو لاجونه ب 300 LE بالفطار والغدا

3- الثري بولز ( 75 LE )🏊🏖️
التحرك مش لازم صبح بدري ( في اي وقت عادي المهم قبل 2 الضهر بس) بنتحرك بالعربيات بناخد نص ساعه و نستلم الماسكات و نخليها معانا طول اليوم بنعمل سنوركلينج في الثري بولز (بننزل الثري بولز من اول نزله في المكان و بنعوم يمين لحد اخر المكان و بكده هنعرف نشوف ال3 فتحات اللي في البحر )
+ ممكن تزود غدا في الكافيتريا من 50-70 LE
+اي قطعه تانيه زي life jacket أو الزعانف 15-20 LE

4- لاجونا و البحيره المسحوره (50 LE )🏊🏖️🏖️
التحرك مش لازم صبح بدري ( في اي وقت عادي المهم قبل 2 الضهر بس) بنتحرك بالعربيات بناخد ربع ساعه ونعوم في اللاجونه طول اليوم ( الشط كله رملي )

5- الغطس (450 LE )
الغطس في دهب
- (three poles - lighthouse ) دول لل (intro) للمبتدأين و الغطسة بتكون 20-30 دقيقة و في حدود 450 ج
-(blue hole - Eel garden - canyon - جبر البنت - caves - abu galum ) دول للي معاه رخصه ومدتها بتكون علي حسب ما تخلص اسطوانه الاكسجين بتاعتك و في حدود 500 ج ( ما عدا جبر البنت هتزود عليه تمن اليخت علشان لازم تروحو باليخت)

6- رحلة سهره الطويلات (100 LE ) 🔥
التحرك من بعد 7 مساءا و العوده بتكون علي 12 ليلا العربيات الجيب بتاخدنا لمده نص ساعه علشان نوصل وهناك بنلاقي جو بدوي و شاي زردة و بعد 10 بليل بيعملو حفلة بدوي صغيرة من الغدا و الدف و اي اله موسيقيه معاهم .
+ ممكن تزود غدا في الكافيتريا من 100 LE

7- رحلة البيتش باجي 225 فردي 300 زوجي🏞️🏞️
- وادي جني
بتبقا وقت الشروق أو الغروب بناخد عربية للثري بولز و وبعدين بناخد البيتش باجي نص ساعه لحد ما نوصل وادي جني بنتصور هناك و نزور الوادي و بعدين بنرجع بالبيتش باجي تاني
-الممشى
بتبقى برده شروق او غروب بتبقى ساعه و نص بالبيتش باجي بنلف حول دهب ليها طريقين يا اما بنروح وادي كونكشن و نرجع او بنروح بانورما دهب و وادي الطويلات و بنعدي علي اللاجونه في طريق العودة

استنو البوست التاني اكمل فيه باقي الانشطه بالتفصيل

حكايه فندق

زمان كان فيه شاب مصري جميل جدا كان اسمه خالد اتعرف علي سائحه ايطاليا .. و عمل اللي مش متوقع خالص حبها و اتجوزها. 💃⁦♥️⁩
و علشان تعرفو قد ايه الحب زمان كان له رونقه. خالد اختار احلي مكان في دهب و بنالها فندق باسمها.🏨⁦♥️⁩
السائحه ده كان اسمها دانيلا.
و من هنا ظهر فندق دانيلا علي طريق البلو هول في مكان هادي و منعزل و علي البحر علي طول و كل الاوض شايفه البحر و الشط بتاع من احلي الشواطئ الصخريه في دهب.
الفندق لسه موجود و لو دخلتو مطعم الفندق هتلاقو علي جدران المطعم من جوه صور لخالد و دانيلا بتظهر قد ايه ان افعال الحب قادره تعيش لسنين
فندق الحب … فندق دانيلا 💙💙

ازاي تعيش زي ملك في العصور الوسطي 🤴👸؟؟
تخيل كده لو الواحد معاه اله زمن و راحت بيه العصور الوسطي و هوبا علشان انت جامد تنين خلوك الملك 🤴
اهه المكان بتاع النهارده هيعيشك نفس الجو
هي قلعه مبنيه من الحجر فوق تله علي خليج العقبه ( جو game of thorens ) بناها مصري و علي ارض نويبع (بينها و بين راس شيطان 12 كم )
المكان عباره عن
1 قلعه بمطعم متخصص في الطهي البطئ(يعني مش جو takeaway food ) و مفيهوش اي اقامه للاسف.👌😍
2 بركة مياه صناعية صغير جباره لازم تتصور فيها (الصوره هناك متتفوتش) 🙈
3 شاطئ خاص تحفه
حلاوه المكان ده في موقعه و المنظر اللي بيبوص عليه و طبعا اكلهم حلو جدا والمكان هادي و مميز جدا و قليل جدا اللي بيروحوه ( يعني لو حابب تعمل proposal ) مش هتلاقي احلي من كده 🥰😉😉
عنده مشكلتين
1 سعره:تقريبا بالغدا بيعمل 700 جنيه الفرد والحجز من هنا https://orders.castlezaman.com/Menu.aspx)🤑🤑
2 البركه الصغيره اللي في قلب المكان ممنوع النزول فيها باي اقمشه (تي شيرت، شورت، حجاب، طرحة ، ملابس رياضية، full-body suit ) علشان البركه صغيره و مش بتقبل كميات زياده من الكلورين لمعادله الاقمشه في الميه (و ده كلام المكان مش كلامي)😭😭
و الافضل تروحو في الشتا .. علشان في الصيف الجو بيكون صعب 😤🤯
في الاخر شوفو الصور... علشان تعرفو قد ايه المكان ده وهم 🙈🥰🙈🥰

‎Maged Hamed - ماجد حامد‎ updated their phone number.

كل اللي محتاجه علشان تخطط رحلتك في دهب (الجزء الثالت )
ازاي تعمل برنامجك في رحله دهب ؟؟🤔🤔
لازم تدخل تقرا الجزء الاول و التاني قبل ما تقرا الجزء ده ( انا قولت اهه)🧐🤫
اتكلمنا علي الاقامه و المواصلات في الجزء الاول facebook.com/story.php?story_fbid=101302511732103&id=100388498490171

و عن الانشطة و الانتقالات الداخليه في الجزء التاني
facebook.com/100388498490171/posts/102206194975068

النهارده بقا هنتكلم عن ازاي تظبط برنامجك في دهب و ترتبه 💪
هنشرح علي رحله 4 ايام-3 ليالي ..و بعديها هقولك تزود انشطه في ايام زياده ازاي ؟

اليوم في دهب بيتقسم فترتين صبح⁦🏖️⁩ و ليل 🌌
تعالو نتكلم هنعمل ايه الصبح ⁦🏖️⁩
بص يا سيدي
اول يوم : و ما ادراك ما اول يوم بنكون لسه جايين من السفر و مفرهدين 🥱 و غالبا بنوصل في الفتره من 11 الصبح ل 2 الضهر
فانسب حاجه نعملها في اليوم ده نروح اللاجونه او الثري بولز (اوعي تروح البلوهول اول يوم❌ )
تاني يوم بقا :لو روحت الثري بولز اول يوم روح اللاجونه تاني يوم و العكس و قضي اليوم كله هناك و استمتع بروقان دهب 🥰⁦🏖️⁩
تالت يوم : خليه كله بلوهول و ابو جالوم و بلولاجونه (و ده يوم فرهده جدا ) بس ممتع و هنشوف شويه شعب و سمك🏊🐟🐠
رابع يوم : ده بيكون هنرجع فيه . فممكن نعمل فيه سافاري شروق
و لازم علي 10-11 الصبح نروح الممشي نتصور فيه الصبح مع -المرجيحه في everyday cafe و -الفراشه في خان كافيه و -باب الحياه في باب الحاره كافيه

كده 4 ايام خلصو طيب لو حد عايز يقعد 5 او 6 ايام عايز يعمل انشطه
تعالي اقولك تعمل ايه
1- رحله يخت ⁦🛥️⁩⁦🛥️⁩
2-رحله الوشواش في نويبع 🧗
3- رحله الكانيون و عين حضره ⁦⛰️⁩

كام ملحوظه بقا علي جنب
1- الغطس بيتعمل في اليوم الثري بولز او اللايت هاوس ( و لو هتعمله في الثري بولز يبقا الاحسن يكون في تاني يوم و اول يوم نروح اللاجونه )
2- السافاري يا ما تتعمل في يوم الثري بولز وقت الغروب (و برده يفضل يكون اليوم التاني ) او في اليوم الاخير للرحله وقت الشروق

بالنسبه بقا لفتره بليل
في 3 حاجات بس تتعمل في دهب بليل
1- الممشي 🌉🌃
2- سهره الجبل او الطويلات 🔥
3- سهره في اللاجونه 🌅
دول وزعهم في رحلتك زي ما انت عايز . بس خد بالك اول يوم خليه ممشي علشان بنكون في اليوم ده مفرهدين . و الليوم بتاع البلو هول خليه ممشي او لاجونه علشان بردو هنكون مفرهدين

من تاني بردو : لو حد جرب حاجه مختلفه ياريت يقولنا في الكومنتات
و لو حد محتاج يظبط حاجه في حجز رحله في اي حته في مصر او تايه في حاجه معينه يبعتلي⁦⁩⁦⁩

كل اللي محتاجه علشان تخطط رحلتك في دهب (الجزء التانى )
زي ما قولنا في البوست اللي قبل ده ان اي رحله 4 حاجات
1 الانتقالات (من و الى المكان ) 🚌🚍🚆
2 الاقامه (فنادق شقق كامبات )🏨🏫
3 أنشطة ( غطس - سافاري - يخت - سنوركلينج...)🧗🏊
4 مواصلات داخليه ( جوه المكان)🛻🚗

البوست اللي عدا اتكلمنا علي الانتقالات و الاقامة
و ده اللينك بتاعه facebook.com/story.php?story_fbid=101302511732103&id=100388498490171
البوست ده هنتكلم عن الانشطة و المواصلات الداخلية

تعالو نشرح دهب على الخريطة الاول و نقسمها لكذا منطقة علشان تفهموني اكثر ⁦🗺️⁩
طبعا الكل عارف ان دهب في سيناء . بص على الخريطة في الصور اللي تحت هتلاقيها علي يمين (شرق ) سيناء⁦▶️⁩
تحتيها شرم الشيخ🔽 و فوقيها نويبع و راس شيطان و طابا 🔼و على شمالها سانت كاترين ⁦◀️⁩
دهب نفسها بقى نقسمها ل 4 اماكن كبار
1- منطقه blue hole م:: bluehole - abo galoum - blue lagoon - caves - canyon

2- منطقه three pools :: وادي جني - قبر البنت - three pools

3- منطقة الممشى :: سوق دهب - العسلي - المشربة - lagoon - Eel garden -light house

4- منطقه الطويلات :: جبل الطويلات و القعدة البدوى

ايه بقا الانشطه اللي ممكن تتعمل في دهب
7 حاجات ممكن تعملها في دهب (سنوركلينج - غطس - سافاري - يخت - سهره بدوي - nightlife and shopping )...........................................................................................
الاول طبعا الغطس😍😍
الغطس في دهب ملوش زي . لو من محبي الغطس لازم تجربه في دهب
في 6 أماكن للغطس في دهب
2 للمبتدأين و 4 للي معاهم رخصه غطس

- (three poles - lighthouse ) دول لل (intro) للمبتدأين و الغطسة بتكون 20-30 دقيقة و في حدود 350 ج
-(blue hole - Eel garden - canyon - جبر البنت - caves - abu galoum ) دول للي معاه رخصه ومدتها بتكون علي حسب ما تخلص اسطوانه الاكسجين بتاعتك و في حدود 450 ج ( ما عدا جبر البنت هتزود عليه تمن اليخت علشان لازم تروحو باليخت)

طبعا ده ملخص للغطس في دهب. المقال اللي جي هيكون بيشرح كل مكان بتفصيل اكتر و الفروق بينهم ...........................................................................................
تاني حاجه ال snorkeling في دهب 🏊⁦🏖️⁩
من احسن الاماكن اللي ممكن تعوم فيها طبعا
1- blue hole
- هتاخد عربيه من فندق للبلو هول
-هتقطع تذكره ب 15 ج
-هتقعد علي كافيتريا من هناك و تسيب حاجتك عادي الدنيا أمان . نظام الكافيتريات هناك بتقول القعدة free بس بتطلب عصير او غدا مثلا
Blue hole من احسن الاماكن للغطس علي مستوى العالم . ومعظم الغطاسين بيحبوا يجو يغطسو فيه . هو امان جدا جدا
بس الغطاسين بيحبو التحدي و بيحاولو يغطسو منه لحد البحر المفتوح فللاسف ساعات في ناس بتموت ( و هتلاقي اسامي الغطاسين مكتوبة على لوح رخام عند الجبل عند آخر كافيتريا )🙀🙀
- مكان النزول من مكان زي شق التعبان كده ورا الجبل اللي في اخر الblue hole و بنعوم لحد السلالم اللي في اول blue hole . و لازم الجولة تكون بالطريقه ده علشان تكون اسهل و مع التيار و تقدر تشوف المكان كله و طبيعته البحرية .

2- abo galoum ⁦❤️⁩
- بتاخد مركب من الـ blue hole ل abo galoum الفرد ذهاب و عودة ب 120 ج
- بتنزل هناك علي كافيتريا بتدفع في حدود 20 ج او تشرب حاجه و خلاص
المكان هناك مليان شعب و تحفه غالبا بنقعد هناك ساعتين ل تلاته

3- blue lagoon 💙
- بناخد عربيه جيب من abo galoum ل blue lagoon العربيه كلها ذهاب و عودة ب 150 ج بتشيل 7-8 افراد
- نفس الكلام بنقعد على كافيتريا و ننزل نعوم
-ال شط هناك رملي مش صخري زي abo galoum , blue hole و الميه تحفه جدا
-بنقعد هناك ساعتين علشان اليوم يكفي نروح blue hole, abo galoum and blue lagoon

4- Three pools ⁦🏖️⁩⁦🌈
عباره عن 3 دواير مليانين شعب و اسماك
- بناخد عربيه لهناك و برده الكافيتريا يتكون free مقابل انك تشرب حاجه هناك

5-lagoon ⁦🌅⁦🏕️⁩
شط رملي علشان الناس اللي مش بتحب تعوم جنب الشعب او مش بتعرف تعوم
المكان هناك for free مجرد بناخد عربيه لهناك و ننزل نعوم بس كده ...........................................................................................
تالت حاجه السفاري 🛻😍
نوعين بس من حيث مكان الطلوع (معادها يا شروق يا غروب )
1 بطلع من ال three pools ( و ده بنسميها سافاري وادي جني ) و ده اللي بفضلها . وادي جني تحفه اصلا احط لكم صور له تحت . الرحله كلها بتكون بالبيتش باجي
و احنا رايحين بنسوق البيتش باجى فى الصحراء و احنا راجعين بنسوق جنب البحر و بتكون صور و تجربه تحفه
البيتش باجي غالبا بيكون في حدود 150-200 ج
2 بتطلع من الممشي السياحي
بيكون وقتها اكتر شويه بس اغلي في حدود 200-250 ج ...........................................................................................
رابعا اليخت ⁦🛥️⁩⁦🛳️⁩
يا اما بيكون نص يوم او يوم كامل ( و ركز في الحته ده و انت بتحجز اليخت )
رحلة اليخت ممكن تروح اكتر من مكان
1 three pools
2- Lagoon
3 جبر البنت .. و ده اكتر مكان بفضله
رحلة اليخت بتكون عامله من 300- 350 ج للفرد بالغدا و المشروبات ...........................................................................................
خامسا السهرة البدوي 🔥⁦⛰️⁩
عندنا 2 سهرة … واحده مشهوره و التانيه ممكن احنا نعملها
طبعا المشهورة بتاعة الطويلات
و ده بنروح بالعربيه الجيب و بيكون رسم الدخول 15-20 ج علي حسب هتقعد عند مين ؟
فيه مثلا في جبل الطويلات قعده الشيخ -قعدة عيد - قعده ابو عدي ( و ده اللي بفضلها قصدي علي قعده ابو عدي علشان من غير DJ و هاديه و بيغنو اغاني من فلكلور سينا )
القعدة الثانية بقي في ال lagoon
لو انتو شله خدو عربيات جيب توديكو . و ممكن تطلبوا منهم يولعو لكم نار و تسهرو هناك و يا سلام لو سماعه صغيره كمان. الموضوع هيكون حلو فوق الوصف . ...........................................................................................
اخر حاجه بقا في الأنشطة هي shopping and nightlife🌃🌌
و قصدي طبعا الممشى السياحي و everyday cafe و صوره الاجنحه بتاعه دهب و صوره المرجيحه اللي على الميه
طبعا الممشى السياحي في دهب تحفه و البازارات اللي هناك حلوه جدا . هتلاقي نفسك غصب عنك بتشتري .و ممكن تأجر عجل من عند الكوبري كمان لو حابب . و التمشيه فيه لوحده متعه ...........................................................................................
كده اتكلمنا عن ايه اللي يتعمل في دهب . فاضل بقى هنتحرك ازاي في دهب
اشهر مواصلات في دهب هي العربيه الجيب التعلبه ( زي بتاعه احمد السقا في شورت و فانلة و كاب ) بتاخد 7 افراد
فيه كمان النص نقل ( و ده اه وسيلة مواصلات عادي و مفيهاش كسوف انك تركب في الصندوق ورا ) بتاخد 10 أفراد
التاكسي هناك قليل جدا او شبه معدوم ( أنا عمري ما ركبت تاكسي هناك )
في دهب في الاغلب انت بتأجر العربيه كلها في المشوار
اسعارها بقا كام ؟؟
طبعا لازم تتفق مع سواق العربيه قبل ما تركب ( الاتفاق بيكون ذهاب و عودة غالبا )
الاسعار بتختلف على حسب انت قاعد فين و هتروح فين ..
بس خلينا نبسطها شوية . فاكرين لما قسمتها دهب 4 مناطق ( blue hole - three pools - ممشي سياحي - جبل الطويلات )
من منطقه blue hole ------------- إلى منطقة three pools (و العكس) (ممكن يركب فيها لحد 7 افراد)
العربية ذهاب و عودة بيتكون من 200 ل 350 على حسب مكان فندقك

من منطقة الممشى ------------ الى منطقة three pools او blue hole (و العكس )(ممكن يركب فيها لحد 7 افراد)
العربيه ذهاب و عوده بتكون من 150 ل 200 على حسب مكان فندقك بردو

من اي مكان بقا في دهب ---------- الى جبل الطويلات (و العكس )(ممكن يركب فيها لحد 7 افراد)
العربية ذهاب و عوده من 180 ل 250 على حسب مكان فندقك

كده يعتبر جمعنا حاجات كتير عن دهب في بوستين . البوست اللي جي هنتكل عن ازاي تظبط برنامج الرحله بتاعك علي ايام الرحله و ايخ في الانشطه اللي ينفع يتحط في نفس اليوم و ايه لا .. و مواعيد الانشطه و التوقيت المناسب لكل حاجه . تابعوني لو عايزين تعمل احسن رحله 👌👌

من تاني بردو : لو حد جرب حاجه مختلفه يا ريت يقولنا في الكومنتات
و لو حد محتاج يظبط حاجه في حجز رحله في اي حته في مصر او تايه في حاجه معينه يبعتلي⁦❤️⁩⁦❤️⁩

كل اللي محتاجه علشان تخطط رحلتك في دهب (الجزء الاول )

اي حد بيحب السفر يا اما راح دهب او نفسه يروح دهب
فالكلام ده كده لكل الناس اللي بتحب السفر 🤩

اولا كده مصر من البلاد اللي كل مكان فيه بطبيعة مختلفة عن التاني .. يعني من الاخر بلاش نقارن دهب باي مكان تاني ( شرم او الغردقه او نويبع …)✋✋

ثاني حاجه دهب مكان بسيط جدا ال nightlife فيه قليل … اسعار دهب عاديه مش سياحية الجو العام هادي الفنادق في المجمل بسيطه و مش كبيره 🙈
فبرده من الاخر دهب للاستجمام او للأنشطة زي الغطس ( من اروع الاماكن للغطس )

ازاي بقا تعمل رحله تناسبك في دهب :
اي رحله عباره عن 4 حاجات
1 الانتقالات (من و الى المكان ) 🚆🚍
2 الاقامه (فنادق شقق كامبات )🏨🏣🏰
3 أنشطة ( غطس -سافاري -يخت - سنوركلينج...)🪂🏂🏊
4 مواصلات داخليه ( جوه المكان)🛵🚗

البوست ده علشان يوضح لك ازاي تظبط ال 4 دول

اولا الانتقالات :

فيه 3 اختيارات قدامك بناء على حاجتين مهمين
1 السعر
2 مده الاقامه

لو هسافر من اسكندريه
قدامك اول حاجه gobus >>> و ده الذهاب و العودة هتعمل 630
تاني حاجه blue bus >>> و ده اريح اكتر و عدد كراسي اقل في الاتوبيس بس هيعمل ذهاب و عودة 870
تالت حاجه شركات اتوبيسات السياحة >>> و ده هتعمل ذهاب و عودة 450 بس لازم تكون رحلتك 3 ليالي بس

طيب لو مسافر من القاهرة :
برده قدامك نفس ال3 حاجات
اول حاجه gobus >>> و ده الذهاب و العودة هعمل 530
تاني حاجه blue bus >>> و ده اريح اكتر و عدد كراسي اقل بس هيعمل ذهاب و عوده 920 ( علشان من القاهره مفيش غير بيزنس)
تالت حاجه شركات اتوبيسات السياحة >>> و ده هتعمل ذهاب و عودة 400 بس لازم تكون رحلتك 3 ليالي بس

طيب رايي ايه :
لو رحلتكم 3 ليالي اطلعو اطلعو مع شركه سياحه (انتقالات فقط) بس تكون شركة سمعتها كويسه .. اما لو اكتر من 3 ليالي خليكو في الـ go bus

تاني حاجه بقى الإقامة
عندكم 3 انواع حاجات ممكن تقعدو فيها في دهب
1 فنادق
2 كامبات
3 شقق

يلا نتكلم علي الفنادق علشان الاغلبيه بتحب تقعد فيها

في دهب الفنادق بسيطه يعني اغلب الفنادق 3 نجوم ونجمتين بس في الاغلب بيبقى الفندق نظيف جدا
اما فنادق 4 و 5 نجوم فيتعدو علي الصوابع

فنادق 5 نجوم في حدود 2000 double room /night

Le Meridien Dahab Resort

فنادق 4 نجوم في حدود 1200/1700 double room/night

Swiss Inn Resort Dahab
Jaz Dahabeya
Tirana Dahab Resort
Ecotel Dahab Bay View Resort
Dahab resort

و فنادق 3 نجوم : علي سبيل الذكر مش الحصر 800/1200 double room/night
Happy life
Tropitel oasis
Daniela
Negma dahab
Shams hotel
Dahab paradise
Ganet sinai
فيه بقى فنادق الممشى اللي فيه ناس كتير بتحبها علشان قريبه من كل المطاعم و الكافيهات و night life
من 400/900 double room / night

Diarna hotel
Oricana
Nesema hotel
Dahab holiday
Roketa
Larine

نيجي بقي علي الكامبات
السعر في اليوم بيبدا من 90 جنيه الي 150 جنيه و ديه انصح بيها الناس اللي بتسافر Low Cost و هنا هرشح:
-كامب Charlie house dahab و ده خيام شبابيه
-كامب Fighting kangaroo camp و ليه اسم تاني و هو Oasis
الاتنين جنب بعض قريبين من الممشي بالظبط 3 دقائق تمشيه من عند مطعم علي بابا.
و طبعا الكامب الغني عن التعريف
Seven heaven ⁦♥️⁩💙
كمان ممكن تخيم في أبو جالوم ( جربت كامب لواحد اسمه طارق من اسكندريه … كانت تجربه حلوه جدا)💙💙

اخر حاجه الشقق
الشقه كلها من 250 /400 على حسب السيزون و الشقة
بس في الاغلب بتكون اوضتين و مكيفة .. و الاغلب بيكون شايف البحر .. يعني لو لك مزاج تشوي و الكلام الحلو ده يبقي ده انسب اختيار😍🙈
كمان ممكن تأخر فيلا ببيسين برايفت ده هتكون غاليه شويه في حدود 1500 في الليله بس تجربه متتعوضش 🙈🙈

نصيحتي بقا
لو عايزين حاجه low cost >>> الشقق تجربه حلوه و علي قد الايد ومش متعبه
أما لو عايزين فندق في الممشى عندكم oricana او nesema >>> دول احسن اللي دخلتهم من حيث النضافه

اما بقا لو عايزين فنادق مميزة اكتر تعالو اقولكم شويه فنادق و ايه يميزها :
فندق زي Daniela >>> من احب الفنادق على قلبي : بعيد عن الممشي بس ده مخليه فيه خصوصيه بشكل حلو .
الفندق كله 40 اوضه كلهم على البحر . بحر الفندق صخري و مليان شغب و ينفع للغطس كمان

فندق تاني زي tirana >>> شطه رملي و ده قليل جدا في دهب و كمان فيه خدمات كتير زي جيم و بار و بيسين كبير و مطعم حلو جدا يعني ينفع للعائلات

فندق happy life >>> فندق في قلب ال3poles و فيه اكوا بارك

و لو honey moon >>> جربو الفيلا في دهب ب private pool مفيش حد معجبتوش

كده اول جزء من مقال دهب خلص لو حد عنده تجربه في فندق او طريقه مواصلات متكلمتش عندها ممكن يقولي و نستفاد من بعض
و لو حد مش عارف يحجز بالاسعار اللي قولتها ده ممكن يكلمني و انا هساعد في الحجز بتاعه .

انا مين ؟؟ و الصفحه ده ليه ؟؟🤔🤔
انا ماجد حامد . بسافر من اكتر من 8 سنين في كل حته في مصر . فلفيت مصر حته حته و شوفت قد ايه مصر حلوه بجد .⁦❤️⁩⁦🇪🇬⁩ وقد ايه فيه ناس كتير مش مدركه مدي جمالها . و قد ايه مصر فيها كل حاجه و حاجات متخطرش علي بالك .⁦⛰️⁩🌌🧗🏇⁦⛷️⁩🏊⁦🏖️⁩⁦🌧️⁩
فمن النهارده هعرض كل اللي عرفته و اتعلمته علي صفحتي هنا . علشان الكل يكون قادر يسافر من غير قيود و بشكل سلس و يكون قادر يختار اللي بيحب يعمله في سفره .🥰

اعملو لايك للصفحه و تابعوني⁦☑️⁩
و اللي عندو اي استفسار في اي مكان في مصر يبعتلي🤳