Yahia Ata

أنا يحيى

محب للإبداع

حبي للإبداع دخلني مجال التسويق من أكتر من 10 سنين.

مؤمن تماما إن الفكرة الأصيلة اللي ورا كل قيمة حقيقية بتضيف للقيمة دي ولكل ما يمسها.

من الحاجات اللي أثبتتلي ده وبشكل شخصي لوجو صممته لشغل زوجتي اللي كان بالفعل ماشي. قبلها كنت متخيل إن اللوجو ده - مع ضرورة إنه يكون احترافي - هو مجرد شكل بيعبر عن شخص، منتج أو خدمة. لكن اللي شفته بعد ما عملتلها لوجو جديد حاجة كنت بدرسها وبفتكرها كلام وخلاص، اللوجو ليه إحساس ممكن يحمس أصحاب الشغل والموظفين أو فريق العمل قبل حتى ما يعجب العملاء أو يبهرهم.

ومن هنا قررت أقدم خدمة تصميم لوجو

كنت من قبل التخرج بهتم بإن أي محتوى بقدمه سواء بنفسي أو مع مجموعة يكونله روح ظاهرة على شكله بطريقة تلمس الجمهور الصحيح للمحتوى.

ومن هنا قررت أقدم خدمة تصميم باور بويت أو عروض تقديمية في المجمل

وللأسف تكرر قدامي موقف في معظم إن لم يكن كل الأماكن اللي اشتغلت فيها وهي عدم اهتمام الأغلبية الكاسحة بتكوين الجمل وسلامتها اللغوية مع إن دي نقطة بتفرق جدا لما الواحد يكون بيتعامل مع فئات وطبقات راقية وممكن بسهولة تطعن في كفاءة مؤسسة أو فرد لمجرد إن الملف الفلاني ده أو الميل العلاني ده طلع من تحت إيده وهو مخدش باله من الأخطاء اللي فيه.

وبناءا عليه ونتيجة لأن ده دور كان عادة ما بيقع على كاهلي فقررت أقدم خدمة المراجعة والتدقيق اللغوي العام إلى جانب خدمة الترجمة من وإلى كل من العربية والانجليزية.

بحب أتعلم أدوات جديدة طول الوقت وبطور من مهاراتي في كل نقطة تهمني فتابعوني لأن الخدمات اللي بقدمها بعد توفيق ربنا بكل تأكيد هتزيد.