Dr Ahmed El Far - حكيم عيون

دلوقتى تقدر تبعت استفسارك ف اى وقت ع الواتساب ع رقم
6 99 00 3 22 011 و د أحمد هيرد عليك برسالة صوتية.

لو عندك أى استفسار يخص امراض العيون تقدر تبعته ، لكن مهم جدا تبعتلنا السن وهل فيه اى امراض ولو موجود اى اشعات تصورها صورة كويسة وتبعتها ، برجاء ارسال الشكوى ومعاها الحاجات دى حتى يمكن الرد عليها !

اذا كانت الشكوى طارئة، برجاء ارسال تفاصيل الشكوى ، ثم ارسال كلمة " طارئة " ف رسالة منفصلة بعد كتابة الشكوى !

د. أحمد الفار
أخصائي جراحات العيون والليزر
د. دكتوراة طب وجراحات العيون
عضو المجلس العالمى لطب العيون
عضو الجمعية المصرية لطب العيون
عضو الاكاديمية الأمريكية لطب العيون
ت: 6 99 00 3 22 011

التهاب الملتحمة البكتيري

دا التهاب بيحصل ف ملتحمة العين ، وبتكون اعراضه إنه بيحصل احمرار ف العين ومعاه افرازات بتكون اكتر الصبح ، وغالبا المريض بيصحى من النوم يلاقى الجفون لازقة ف بعضيها !

غالبا بيبدأ ف عين واحدة وبعدين بينقل للعين التانية ، مهم جدا تعرف النقطة دى ، لأن بعض المرضى بيروح لطبيب علشان مشكلة ف عين واحدة ، ياخد العلاج ، يلاقى عينه التانية اتأثرت فيرمى اللوم ع الطبيب ويروح يكشف عند حد تانى وهو اصلا مش محتاج ولا حاجة !

غالبا بياخد وقت من اسبوع لأسبوعين وبيتحسن مع العلاج !

النقطة الأهم ان الألتهاب دا بيتنقل من المريض لاى فرد اخر بمجرد التلامس ، وبالتالى لو فيه طفل مصاب يبقى الافضل ياخد أجازة من الحضانة او المدرسة حفاظا ع زمايله ، ولو فيه فرد مصاب يفضل يكون فيه فوطة ومخدة خاصة بيه أثناء فترة الالتهاب حفاظا ع باقى افراد الاسرة !

العلاج مع كمادات ماية دافية وتنضيف الجفون باستمرار من اى افراز بيعالج الالتهاب دا ف أقل من اسبوع !

حقوق الطبع محفوظة 😄

مركز د. أحمد الفار لجراحات العيون والليزر
العنوان: حلوان - برج دهب مول - الدور الأول
الأيام: الأحد - الاربعاء - الخميس
ت: 6 99 00 3 22 011

قالو عن العيون !

ّبة

بنات كتير بيسألو عن عمليات تغيير لون العين ، وبيفكرو يعملوها ، والعملية ف الحقيقة خطيرة جدا وممكن تؤدى ف النهاية الى فقدان البصر بسبب حدوث التهابات داخلية ف العين او حدوث مياه زرقاء وارتفاع ف ضغط العين !

لون عينيكى حلو وجميل ، ومتخليش حد يضحك عليكى ويقنعك تغيّريه ، علشان ممكن متشوفيش عينيك تانى اصلا !

مركز د. أحمد الفار لجراحات العيون والليزر
العنوان: حلوان بجوار المترو - برج دهب مول - الدور الأول
الايام: الأحد - الأربعاء - الخميس
ت: 6 99 00 3 22 011

عينيك بتحرقك كتير ومبقتش مريحاك !

الرؤية بقى فيها مشاكل ومبقتش تشوف زى الأول !

حاسس بوجع ف عينيك باستمرار ومش عارف السبب فين !

لو بتشتكى بأى حاجة من دول ؛ يبقى إنت محتاج تعمل عَمرة لعينيك ، وزى ما عربيتك بتعملها صيانة ف التوكيل ، عينيك برضه يلزمها صيانة ف العيادة ، وتفحصها فحص شامل وتتطمن عليها ؛ وعلشان نقدر نطمنّك ؛ فاحنا وفرنا كل أجهزة الفحص اللى نقدر نطّمن بيها ع كل جزء ف عينيك ، وكل دا ف مكان واحد !

مركز د. أحمد الفار لجراحات العيون والليزر
العنوان: حلوان بجوار المترو - برج دهب مول - الدور الأول
الأيام: الأحد - الاربعاء - الخميس من كل اسبوع
ت: 6 99 00 3 22 011

العين بتتكون من أجزاء كتير ، وكل جزء ف العين ليه وظيفة خاصة ؛ علشان تقدر ف النهاية تشوف رؤية واضحة !

احنا وفرنا أحدث أجهزة الفحص ، علشان نقدر نفحص كل جزء ف عينيك ونعرف طلباته إيه ، ونحاول نوفرها ؛ علشان ف النهاية تقدر توصل لرؤية واضحة وسليمة !

لو عندك اى مشاكل ف عينيك وعاوز تتطمن ؛ تقدر تحجز معانا من خلال رسايل الصفحة او الواتساب !

مركز د. أحمد الفار لجراحات العيون والليزر
العنوان: حلوان - برج دهب مول - الدور الأول
الايام: الاحد - الاربعاء - الخميس
ت: 6 99 00 3 22 011

علشان نقدر نطمنّك ع عيونك ،، وفّرنا أحدث أجهزة فحص العيون ، واللى بيها ان شاء الله ؛ هنقدر نعرف المشكلة فين بالظبط ونعالجها ،، علشان تقدر ترجع تشوف زى الأول وأحسن كمان !

دلوءت لو عندك أى استفسار ؛ تقدر تراسلنا ع الصفحة او عن طريق الواتساب ، و د. أحمد سيقوم بالرد عليك بعد قراءة رسالتك !

مركز د. أحمد الفار لجراحات العيون والليزر
العنوان: حلوان بجوار المترو - برج دهب مول - الدور الأول
الأيام: الأحد - الأربعاء - الخميس
ت: 6 99 00 3 22 011

انا باشوف حاجة زى دبانة بتتحرك قدام عينى ؛ أعمل إيه ؟
الذبابة الطايرة كما نسميها ، دى حاجة بتحصل لأسباب كتير جدا منها أسباب عادية كتغيّرات بتحصل نتيجة كِبر السن ، ومنها أسباب تانية كالتهابات داخلية ف العين ، ومنها اسباب خطيرة زى انها تكون بداية لانفصال ف شبكية العين ، واسباب أخرى زى ضعف النظر الشديد وأسباب أخرى !

طيب حضرتك هتعمل إيه لو بتشتكى من حاجة زى دى !
مهم جدا نستبعد الأسباب الخطيرة زى إنها تكون بداية انفصال ف شبكية العين ، لأن لو كان دا السبب ، فحضرتك هتحتاج تدخّل بصورة طارئة، ونوع التدخّل دا هيكون حسب حالة الشبكية نفسها !

طيب هاستبعد دا ازاى ؟
حضرتك احنا بنعمل فحص قاع عين بسيط جدا داخل أى عيادة طبيب عيون، وعن طريق الفحص دا بنقدر نعرف هل فيه مشكلة ف الشبكية ام لا !

طيب بالنسبة للأسباب الأخرى ؟
الأسباب الأخرى كتيرة جدا ، لكن لو كان السبب هو تغيّرات بسبب عامل السنّ ، حضرتك مش هتحتاج أى شيء ، لكن هتحتاج إنك تحفظ شكل الدبانة دى كويس وعددها ، بحيث لو حصل تغيّر فيما بعد ، هنضطر أن احنا نعمل قاع عين مرة تانية كنوع من الإطمءنان ، لأن مش معنى ان حضرتك فحصت مرة واطمأنيت ؛ ان انت كدا أصبح عندك مناعة ضد الأنفصال ؛ أوقات كتير جدا مريض بيجى ف المرة الأولى ومش بيكون فيه شيء ، لكن فيما بعد الأمور تزيد عنده ويكسّل إنه يروح يفحص تانى ، ونتفاجأ إن المرة التانية دى كانت بداية لإنفصال شبكى !

الذبابة الطايرة دى حاجة كدا ممكن ف أوقات نهملها ونحاول نتأقلم مع وجودها ، وف أوقات تانية بتكون ليها دلالة مهمة جدا جدا ، واللى يقدر يفصل بين دا و دا هو طبيب العيون !

مركز د. أحمد الفار لجراحات العيون والليزر
العنوان: حلوان بجوار المترو - برج دهب مول - الدور الأول
الأيام: الأحد - الاربعاء - الخميس
ت: 6 99 00 3 22 011

لو بتشوف الحاجة اتنين ؛ يبقى لازم تبقى عارف ان ف بعض الأسباب ؛ الدقيقة بتفرق جدا جدا ف علاجك ، وكل وقت بتضيّعه ؛ للأسف ممكن يعملك مشاكل كبيرة جدا قد تصل الى الشلل لا قدّر الله !

لو ف أى لحظة شوفت الحاجة اتنين ؛ فيه اختبار بسيط جدا بتعمله ، وهو إنك تغطى عين وتشوف بالعين التانية ؛
#لو لسه بتشوف اتنين ؛ يبقى متقلقش ان شاء الله ، الموضوع شيء غير طاريء ، وممكن تروح للطبيب ف أى وقت حسب راحتك، بس لازم تروح تطمأن.
#لكن لو الموضوع اختفى؛ يبقى حضرتك لازم تشوف طبيبك ف أقرب وقت ممكن ، يعنى لو انت ف شغلك ؛ تستأذن وتروح ع الدكتور مباشرة قبل ما ترجع ع بيتك !

عزيزى المريض ؛ إعمل الصحّ ف الوقت الصحّ !

مركز د. أحمد الفار لجراحات العيون والليزر
العنوان: حلوان بجوار المترو - برج دهب مول - الدور الأول
الأيام: الأحد - الاربعاء - الخميس
ت: 6 99 00 3 22 011

أوقات كتير جدا بنلاقى ناس تستخدم قطرات من دماغها ، يحصل له إحمرار ف عينيه مثلا ؛ فيحط القطرة بدون الرجوع للطبيب ، او يروح الصيدلية ويشتريها من نفسه ع اساس إنها بتريّح عينه ، وللاسف ممكن يستخدمها ف اوقات بيكون فيه ضرر كبير جدا ع عينيه لو استخدمها ، وبيجيلنا بعد فوات الآوان !

أمثلة بنقابلها كتير جدا ، ان مثلا حد يتخبط ف عينيه ، فيلاقى قطرة عنده ف البيت ويستخدمها ، والقطرة دى بتكون فيها كورتيزون زى القطرات الموجودة ف الصورة ، وعينيه تلتهب أكتر ، فيقرر انه يروح يكشف ونكتشف وجود قرحة ف القرنية ، والسبب الاكبر ف تدهور حالة عينيه إنه استخدم القطرات دى دون الرجوع للطبيب المختص !

مثال أخر ؛ مريض عينيه بتستريح جدا لما يحط القطرات دى ، فيقوم المريض يخزّن كمية منها ف البيت ، ويستمر ع القطرة دى شهور ، وللاسف يجيلنا بعد كدا بمياه زرقاء ف العين ، والسبب استخدامه للقطرات دى دون الرجوع للطبيب المختص !

القطرات دى ليها مفعول السحر عندنا ، وبنستخدمها كتير جدا ف التعامل مع أمراض العيون لأنها بتجيب نتايج كويسة جدا جدا ، لكن لازم استخدامها تحت اشراف طبى !

عزيزى المريض ؛ حذارى من استخدام أى قطرة فيها كورتيزون لمجرد إنها بتريّحك ، او لمجرد ان فيه طبيب كان كاتبهالك قبل كدا وإتحسنت عليها !

أعزائي الكرام ؛ الدواء قد يكون فيه سم قاتل وأنت لا تدرى ، وعينيك دى مش قارورة ترمى فيها أى حاجة ، استشر قبل وضع أى قطرة ف عينيك !

عزيزى المريض ؛ انا معاك لو فيه اى استفسار ، بس بلاش قطرات من دون استشارة لو سمحت !

د. أحمد الفار لجراحات العيون والليزر
العنوان: حلوان بجوار المترو -برج دهب مول -الدور الاول
الأيام: الأحد - الاربعاء - الخميس
ت: 6 99 00 3 22 011

انسداد القناعة الدمعية عند الأطفال حديثى الولادة ؛

كتير من الأطفال لما بيتولدو ؛ بيكون عندهم انسداد ف القناة الدمعية ، ودا بيسبب لهم ان عينيهم تدمع اوقات كتير ، وممكن يحصل التهابات وتتكوّن افرازات داخل العين ، والطفل يصحى من النوم جفونه ملزقة ف بعض ومش قادر يفتحها ، والأم بتديه قطرة ومرهم والالتهاب يروح ،، لكن اسبوع او اتنين والالتهابات ترجع تانى ، وهكذا !

الدراسات أثبتت إن طفلين من كل عشر أطفال حديثى الولادة بيعانو من المشكلة دى ، وغالبية الاطفال دول بيتحسنو مع مرور الوقت ، ونسبة قليلة جدا اللى بيحتاجو تدخّل علشان نعمل تسليك للقناة الدمعية !

طيب امتى نحتاج تدخّل جراحى ؟
بالنسبة لنا ؛ احنا بننتظر لحد ما الطفل يوصل لسن ٩ - ١٢ شهر وبنعمل له تسليك لو المشكلة ما زالت قائمة لأن زى ما قلت غالبية الأطفال بيتحسنو قبل الوقت دا !

ايه المطلوب منى كأم وأب علشان اساعد طفلى ؟
المطلوب من حضرتك ان لو طفلك عينيه بتدمع ؛ يبقى لازم تاخديه لطبيب يفحصه ويطمأن ان مفيش أى اسباب أخرى للدموع دى ، وان المشكلة كلها ف القناة الدمعية فقط !
بعدين بيكون مطلوب من حضرتك انك تعمل مساج بطريقة معينة بيساعد ف فتح القناة الدمعية مع تنظيف عين الطفل من اى إفرازات !

طيب هل التسليك دا فيه خطورة ع الطفل ؟
لا أبدا ، دى حاجة بسيطة جدا مبتاخدش خمس دقايق ، لكن بتتعمل تحت مخدر كلّى ، والأمور مفيش منها أى قلق أو خوف !

د. أحمد الفار لجراحات العيون والليزر
العنوان: حلوان بجوار المترو -برج دهب مول -الدور الاول
الأيام: الأحد - الاربعاء - الخميس
ت: 6 99 00 3 22 011
(( برجاء الحجز مسبقا ))

ابنى عنده حول ومش عارف أعمل أيه !
لازم نعرف إن أسباب الحول كتيرة جدا ، وبتختلف من اسباب بسيطة الى اسباب خطيرة جدا ؛

ككلام عام بدون الدخول ف تفاصيل ، احنا عندنا ٣ أنواع من الحول :

١ - النوع المرتبط بضعف النظر ؛
ودا شايع جدا وسهل وبسيط وعلاجه سهل برضه ، وتقريبا بيظهر عند عمر سنتين الى ثلاث سنوات ، وغالبا بيكون مصحوب بطول النظر ، وعلاجه الامثل هو النضارة ، ودا ممكن نتكلم عليه ف بوست لوحده ، لأنه ع قدر بساطته ع قدر رخامته ، وعلاجه بيقع ف المقام الاول ع أهل الطفل !

٢ - النوع المرتبط بسبب أخر غير النضارة ؛
ودا أخطر انواع الحول ، وتشخيصه ف غاية الأهمية لانه ممكن يؤثر ع حياة الطفل لأن الاسباب دى وارد تكون شيء خبيث زى أورام العين لا قدر الله او وارد تكون مشكلة عصبية ، او وارد اسباب اخرى ، ودا محتاج فحص دقيق لمعرفة السبب ولازم نتوصل لسببه لأن زى ما قلت مشكلة الحول بتكون أقل حاجة بنهتم بيها مقارنة بالمشكلة الاكبر اللى تسببّت فيه !

٣ - النوع التالت ؛
ودا اللى بيكون موجود ومفيش سبب واضح ليه ،وغالبا بيحتاج تدخل جراحى لعلاجه !

طيب ايه اللى بنعمله علشان نطمأن ؟
احنا بنعمل حاجتين مهمين جدا ؛ لازم بنفحص نظر الطفل ونشوف هل عنده ضعف نظر ولا لا وبناءا عليه بنكتب له ع نضارة ،، وتانى حاجة بنفحص عينه نفسها علشان نستبعد وجود اى اسباب أخرى وأحيانا بنضطر لعمل بعض الاشعات للإطءنان بصورة اكبر !

د. أحمد الفار لجراحات العيون والليزر
العنوان: حلوان بجوار المترو - برج دهب مول - الدور الاول
الأيام: الأحد - الاربعاء - الخميس
ت: 6 99 00 3 22 011
(( برجاء الحجز مسبقا ))

برجاء الحجز مسبقا !

أمتى لازم نغيّر نضارة الطفل ؟
سؤال بنتسأله كتير جدا ، وفيه ناس عندهم قلق زيادة وبيجيب الطفل كل ست شهور و ف اوقات أقل من كدا وهو مش محتاج دا اصلا ، وفيه ناس تانية بتحب تكبر دماغها ومبتجيش تغيّر نضارة الطفل الا لما تتكسر ودا شيء خطر جدا وهنوضح ليه !

غالبا ف معظم الاطفال؛ النظر عندهم بيتغير كل فترة ، والطفل لو استمر ع نضارته القديمة مع وجود زيادة ف ضعف النظر ؛ فهو بيعانى من ضعف الرؤية برغم ارتداءه للنضارة لان فيه درجات زيادة ف ضعف نظره لم يتم تحسينها ، وبيفضل الطفل رؤيته ضعيفة للأسف وممكن يدخل ف كسل للعين مع انه لابس النضارة ومواظب عليها لكن الإهمال ف تغييرها كل فترة أدى الى حدوث الكسل دا !

والسؤال ايه الفترة اللى لازم بعدها أغيّر النضارة !
ف الحقيقة دا بيختلف من طفل لآخر ، والطبيعى ان احنا ف بداية الأمر بنفحص الطفل كل ست شهور ، ولو النظر بيضعف يبقى لازم نغيّر نضارته كل ست شهور ونتابع ع كدا ،، أما لو النظر عنده ثابت ومبيحصلش فيه تغيرات كبيرة؛ يبقى ممكن نغيّر النضارة كل سنة ومفيش داعى للست شهور !

يبقى القاعدة اللى لازم نحفظها ؛
لو النظر بيتغيّر؛ يبقى لازم نتابع كل ست شهور.
لو النظر ثابت؛ يبقى ممكن نتابع كل سنة ومفيش داعى لتغيير النضارة كل ست شهور.

وعلشان نقدر نطمنك ع عينيك او عيون طفلك ، وفرنا أحدث أجهزة الفحص بالعيادة !

مركز د. أحمد الفار لجراحات العيون والليزر
العنوان: حلوان بجوار المترو - برج دهب مول - الدور الاول
الأيام: الأحد - الأربعاء - الخميس
ت: 6 99 00 3 22 011
(( برجاء الحجز مسبقا ))

والامر كله بيد الله 🌸

مرض السكر غالبا مع الوقت الطويل بيبدأ يعمل تأثيرات ع العين وخاصة الشبكية ، والموضوع دا بيزيد اكتر لو السكر كان غير منتظم ودايما عالى !

التغيّرات اللى بتحصل ف الشبكية بسبب السكر بتمرّ ف أكتر من مرحلة وكل مرحلة بتكون ليها طريقة ف التعامل معاها ، وكل ما قدرنا نشخّص الموضوع دا بدرى كل ما يكون علاجه أسهل وافضل !

لو حضرتك مريض سكر يبقى لازم تتابع عينيك بصفة دورية وتعمل فحص للشبكية ع الاقل كل سنة مرة ، حتى لو معندكش أى مشكلة وحتى لو مفيش اى وجع او ضعف نظر ، ضرورى جدا جدا تعمل فحص شبكية كل سنة بحيث نقدر نشخص المشكلة ف بدايتها وقبل حدوث مضاعفات اكتر !

طبعا مع كل دا ؛ مهم جدا جدا تحافظ ع مستوى السكر عندك ودايما تتابعه ، لأن دا مهم جدا ف الحفاظ ع عينك من حدوث أى مشاكل بيسببها السكر !

وعلشان متنساش افتكر الاستاذة فيروز لما قالت وهيا بتشرب القهوة " زورونى كل سنة مرّة ، بلاش تنسونى بالمرّة "

مركز د. أحمد الفار لجراحات العيون والليزر
العنوان: حلوان - برج دهب مول - الدور الأول
الأيام: الاحد - الأربعاء - الخميس
ت: 6 99 00 3 22 011

كتير جدا بنقابل أباء وأمهات اول لما يعرفو ان ابنهم عنده ضعف نظر وهيلبس نضارة ، تلاقيهم اتضايقو ويقعدو يدورو ع أى حل للطفل غير النضارة ، وفى أوقات بتوصل انه يمنع طفله من النضارة علشان هو مش حابب شكله بالنضارة !

للاسف بيكون وضع صعب جدا ، والضّرر كله بيقع ع الطفل دا لما يكبر ، لأن الطفل لو عنده ضعف نظر وأهمل ف النضارة من صغره بيحصل له كسل ف العين ، ودا لو استمر مع الطفل لحد ما يكبر فاحنا مش بنقدر نصحح له نظره بأى طريقة أو حتى عملية ، والطفل دا بيكمل حياته وهو نظره ضعيف وغير قابل للتصحيح حتى لو قرر يلبس نضارة مش هيشوف بيها برضه ، وبيفشل ف كل اختبار يعتمد ع النظر ، لو عاوز يطلع رخصة عربية مش هيعرف ، لو عاوز يقدم ف شركة مش هيعرف ، لو عاوز يسافر والسفر محتاج درجة نظر معينة مش هيعرف يسافر ، دا غير المعاناة اليومية ليه بسبب ضعف نظره ، ،، والسبب ف كل دا إنك مش حابب شكله بالنضارة !

خليك سند لإبنك ، وإوعى تخليه يحس بنقص بسبب النضارة ، دا دورك انك تحميه من التنمّر و ف نفس الوقت تحافظ ع نظره بحيث لما يكبر و يقرر يتخلى عن النضارة ويعمل عملية يقدر يعملها ويشوف كويس !

انا شخصيا لابس نضارة ومعنديش أى مشكلة ، لأنى مؤمن بمقولة " العظماء يلبِسون النضّارة " 😄

وعلشان طفلك غالى علينا ، احنا قربنا ليكم اكتر وجينالكم حلوان ، معانا تقدر تطمأن ع طفلك بأحدث اجهزة الفحص !

مركز د أحمد الفار لجراحات العيون والليزر
العنوان : حلوان بجوار المترو - برج دهب مول - الدور الأول
الأيام: الأحد - الاربعاء - الخميس
((برجاء الحجز مسبقا ))
ت: 6 99 00 3 22 011

اطفال كتير جدا بيكون عندهم ضعف نظر وهما مش عارفين ، ودا بيخليهم مش مركزين ف المدرسة وبيأثر ع مستواهم ، وللاسف الطفل بيتعرّض للضرب والأهانات المتكررة سواء من المدرس او الأهل علشان ضعف مستواه ، ومع أنه ذكى جدا لكن بيكون مستواه الدراسي أقل من زمايله اللى ف سنه ، ،، ووارد يكون السبب ف دا كله هو ضعف النظر !

لو طفلك عنده مشاكل ف الدراسة ، يبقى المفروض أول حاجة تعملها إنك تتطمن ع نظره وتعرف هل هيحتاج نضارة ولا لا !

معانا هنطمنك عليه بأحدث أجهزة الفحص المتاحة !

مركز د. أحمد الفار لجراحات العيون والليزر
العنوان : حلوان بجوار المترو - برج دهب مول - الدور الأول
الايام : الاحد والاربعاء والخميس
ت : 6 99 00 3 22 011