Abdullrahman Eslam

اعلن عن فتح باب الحجز لمادة العلوم للمرحلة الأبتدائية والإعدادية مجموعات وخاص

الحجز من اليوم إلي ١ فبراير

- خبرة في التدريس
- شرح المنهج بشكل تفصيلي
- امتحانات دورية لمتابعة مستوي الطلاب
- المتابعة مع أوليا الأمور بشكل مستمر
- المراجعة الدائمة علي المنهج
- حل اكبر كم من الأسئلة في كل حصة

العنوان :
- إدكو - شارع بورسعيد - بجوار مدرسة الأمين
- إدكو - شارع البحر

التواصل :
علي الماسنجر
أو علي الواتس اب علي الرقم 01286558580

مساء الخير

أنا المهندس عبدالرحمن إسلام خريج كلية علوم قسم كيمياء خاصة

إن شاء الله الصفحة دي هينزل عليها فديوهات وملخصات وأمتحانات في العلوم للإبتدائي والإعدادي

ولو حد محتاج درس في نطاق إدكو يتواصل معايا

التواصل :

01286558580

العنوان :

إدكو - شارع البحر - عند حلقة المخلول

الكيمياء بتتذاكر ازاااي .. قولي طريقه احب بيها الكيمياء .. انا الكيمياء دي بكرههاااااااا .. تعالي خد يسطا تعالي .. يا عم تعالي بس 😂

انا طريقتي غيرك غير محمد غير ابراهيم غير ندي غير سُعاد ، كل واحد طريقته غير التانيه لأنك ممكن بتفهم وانت بتذاكر بصوت عالي وصوتك جايب لأخر الشارع ، وانا ممكن افهم وانا موطي صوتي ، والبنت ندي بتحب تذاكر انها تبص ع الاسئله وتبص ع اجابتها وتعرف شكل الاسئله وتفهم ، كل واحد ليه طريقته بس انا هقولك عشان اريحك هتكلم عن مسيرتي الحافله مع الماده دي وانها اتحولت من ايه ل ااااايه .. يعني الكلام عباره عن ازاي حبيت الماده وازاي بذاكرها تمام تمام ⁦♥️⁩

كنت في اولي ثانوي لسا بقا كيميا بقا وخوف من الكيميا والظيطه دي وانا اصلا مكنتش عاوز اخش علمي بسببها .. بدأت السنه روحت درس كنت مبفهمش حاجه الحمد لله وبروح مبفتحش كتاب لحد ما جيت ليلة الامتحان بذاكر عامل زي البلحه بالظبط المهم دخلت الامتحان النتيجه كام 2 من 20 بالنسبالي ابقا محبط وكدا لاااا يا انا يا المادة دي ، الترم التاني كان عليا كيميا الترم الاول والتاني مع بعض دخلت الترم وبقيت اروح الدرس واجي اذاكره سواء فهمت مفهمتش وف الغالب مكنتش بفهم .. اروح البيت امسك الكتاب اخدنا مثلا المول النهارده وشويه المسائل اللي هما مهمين دول افتح بسم الله ابدأ فيه اذاكر واكتب علي ورقه مثلا اللي بذاكره اي حاجه اكتبها عشان دا بيساعدني ع ان ايدي تاخد علي الكتابه وبيسهل الحفظ ، والحاجه اللي مش بفهمها اعلم عليها عشان لما اجي احل اشوف اسئلتها ايه وكدا وحاجه تانيه هقول عليها شويه كدا ، ولما اخلص مثلا الجزء اللي المفروض اذاكره واكون مذاكره بتركيز فكك من كل حاجه فكك من الامتحان فكك من الماده دي ايه فكك ان الناس بتقول عليها صعبه او سهله فكك من كل حاجه ، وربي ما فيه حاجه صعبه دي مسأله نسبيه ، المهم لما اخلصه اقوم ادخل احل عليه واللي معرفهوش ببص عليه في الاجابات اعرف اجابته ايه بس بعد ما احاول فيه الاول مش بلح كدا ، والاحسن ابص ع اجابته في الكتاب عشان لما اذاكر تاني واراجع افتكر ان السؤال بقا هنا ، وبعد ما نمشي شويه في المنهج باخد شويه من القديم مع شويه من الجديد عشان يبقا المنهج كله موجود ف بالي علطول لان طبيعي هنسي ، والفهم بيساعد انك لما تراجع تفتكر بسهوله علي فكره لكن لو حفظ بس عاوز تراجع كذا مره هتحفظ المنهج اصلا ودا طبيعي ، اللي مش بيحفظ بقا يبقا مش بيركز وهو بيذاكر ملهاش حل غير كدا ..

والله انا ما كنت بعمل غير كدا ولقيت نفسي تلقائيا بحب الماده انا اعتبرتها ماده عاديه ، وخايف منها بردو لاني كنت جايب فيها كحكه حمره كدا من غير سكر ي خفيف 😂

معلومه : الوزن لا يحفظ ، بالذات لسنه اولي يعني لا يحفظ لانه ف الغالب مش هيجبلك معادله ف الكتاب ، ممكن تشوف شرح ازاي توزن بس متحفظش الله يسترك ..

المعادلات وبالاخص الثانويه العامه : اسئله المعادلات ف الغالب من كذا هات كذا ، دا تذاكره ومع كتر التمارين عليه زي ما قولنا بعد ما تذاكر تحل هتلاقي نفسك اتعودت ، طب ممكن انت تسألني احفظ المعادلات اه المعادلات بتاعه الباب الاول حفظ انا كعبدالرحمن كنت بحفظها لنفسي لما نأكسد كذا بيدينا كذا واكتب ف ورقه ولما نختزل كذا ف ظروف كذا بيدينا كذا يعني بفهمها لنفسي بحفظ كدا واكتب وفيه اوزان عشان اريح دماغي كنت بحفظها ، والباب التاني فهم بحت متتعبش نفسك ف الحفظ من غير ما تفهمها ، وانت اصلا لما تفهمها هتحفظها لانها سهله .. بالنسبه للي ف ثانويه فيه اوزان عشان تريح دماغك احفظها لانها هتاخد منك وقت ، وفيه اوزان سهله مش محتاجه يعني .. وحاول الحجات زي الباب التاني تقسمها كدا وتكتبها الاول وبعدين تدخل المعادلات في الحوار ..

فيه حاجه بردو ممكن اول مره وانت بتحل ع اي اسئله معادلات تكون فاتح قدامك المعادلات عادي وبعدين لما تخلص هتفهم تقوم راجع ومذاكر بقا جامد جدا وترجع تحل هتلاقي الحال بقا اسهل بكتير ..

وانت بتذاكر ابعد عن ايدك التلفون خالص خالص خالص كمان مره ، وانسي الامتحان خالص خالص كمان مره وتخيل السؤال وانت بتذاكر ، واستعن بالله ولا تعجز والله ما فيه ماده صعبه ..

فيه بقا حاجه بذاكر ومش بعرف بحل ؟!! ، بنسي علطول!!!!؟ ، فيه حجات فايتاني والمستر عداها من زمان !!؟

الاول لما تذاكر وتلاقي نفسك محلتش ، يبقا مذاكرتش بتركيز ريح نفسك علطول ، والله كانت تحصل اكروت الدرس اجي احل مفيش حل ليه مش مركز لا استوعبت حاجه ولا حفظت حاجه هحل علي انهي خيبه ، فتركز الله يسترك ف المذاكره عشان المراره بس ..

بتنسي علطول مش ذاكرت وحليت وبقيت فل ف الدرس انسي براحتك ، وانا ف الثانويه كنت خارج من الامتحان علي المدرس بتاع الكيميا علشان الامتحان اللي عليه الدور الكيميا فلما روحت عمال يحل ويعمل وانا مش فاكر حاجه ليه لاني نسيت بس الفكره اني فاهم وحافظ الكلام كتير اول ما روحت افتح يبني ذاكر ذاكر بقيت احسن من المدرس نفسه خلصانه ، فالنسيان طبيعي سيدنا ادم نسي ياخي .. 👍

لما تكون حاجات فايتاك ، تبدأ كدا وتسمي الله بسم الله الرحمن الرحيم ، هو ف الباب الرابع وانا ف التاني لسا يا عيني وماله هنزنق نفسنا اسبوع معلش ، هنذاكر الجزء اللي بيشرحه مع الحل طبعا زي ما اتفقنا ان الحل اهم حاجه متنساش ، ونقوم ماسك شويه من القديم ونفس الوضع حاجه من القديم واللي هو بيشرحه بردو لحد ما نوصل ليه هنزنق نفسنا بس هنلحق نفسنا وهنحس بانجاز وهنفرح ولا ايه يصحابببببي ..

طب انت قولتلنا فوق انت لو مش فاهم حاجه وانت بتذاكر او صعبه عليك اعمل عليها علامه اه صح نسيت ، يا تروح لمدرسك بيها يا تبحث ع اليوتيوب يا تكلم بني ادم زيي تسأله بس كدا وبعدين لما تراجع ع الدرس بعد كدا تذاكرها بقا وقتها مع المراجعه وتحل عليها وزا الفل ..

فيه ناس ع اليوتيوب محترمه جدا وكويسه واسلوبهم عجبني منهم مستر سامح ابراهيم والله لسا شايفه قريب بس اسلوبه فوق الروعه ، ومستر ايهاب بردو و قناة بسطتهالك .. ناس ف غايه الاحترام واطلب من الله اني ابقا ف ربع مستواهم العلمي ونفس الاخلاق اللي موجوده عندهم ..

بالنسبه ليا انا مش بشرح والله لا يوتيوب ولا غيره انا ف سنه رابعه لسا ، ف الاجازه بتاعه نص السنه هكون معاكم لا تقلقوا ابداااااااً وبالذات يعني سنه تالته فصبرا شهر بس ..

ف الاجازه هعمل فديوهات وجروبات وانا عامل جروب فيس فللاجازه بس هنبظط القلام 😂⁦♥️⁩