Maghrby Designs

Bulletin board number one

Fragrant work, wait for the next

خلي بالك وإنت بتشطب شقتك لازم تكون عارف الحاجات دي وتسأل فيها نفسك 👇

نيجي بقى لأول حاجه وهي المباني :-
إيه هي الحوائط اللي هتعدلها سوا كنت هتبنيها أو هتهدها ؟
- اوعى تكسر في أي عمود أو كمرة 👌

تاني حاجه ودي تعتبر أهم حاجه لأن كل حاجه فيها مدفونه وتعديلها بعد كده قدام هتدفع فيه كتير فركز بقى في السباكة واسأل نفسك وقولها 🤔
هتعمل عزل ولا لا وحاول تكون الاجابة اه ؟ّ
هي فين مكان ( الغساله – السخان – القاعدة – الحوض - البانيو – البلاعة )؟!
- السخان غاز ولا كهرباء ؟!
- الغساله في الحمام ولا المطبخ ؟!
- الحوض ركبة ولا عمود ؟!
- الشطاف بارد ولا سخن و بارد ؟!
- القاعدة دفن ولا عادية ؟!
- هتعمل شاور ولا بانيو ولو بانيو هيكون عادي ولا بشاسيه ؟!
- لو هتعمل جاكوزي اوعى تنسى مكان فيشة الكهرباء بتاعته لأن مش هتعرف توصل مشترك 😉
- هتعمل صرف تكييف ولا لا ؟!

نيجي بقى لثالث حاجه ولا تقل أهمية خاااالص عن تاني حاجه ( الكهرباء ) 🤷
- هتوزع إزاي الفرش علشان نعرف نوزع أماكن الكهرباء كويس ؟!
- هتعمل كاميرات قدام الشقه ولا لا ؟! ولو اه حدد مكانها 👍
- فين أماكن التكييف ؟!
- في خطوط تكييف مدفونه ولا لا ؟! ولو اه وهتمشيها في الارض حطها في مواسير 3 بوصه علشان تحميها وكمان لو في صيانه فيما بعد قدام تقدر تتحكم فيها 😉
- هتعمل ساوند سيستم ولا لا ؟!
- هتعمل سيستم تليفونات داخلي ولا لا ؟!
- مهم جدا تحدد أماكن التليفزيون علشان تعمل وصلاتها وترتاح من مشي الاسلاك ع الحيطة والارض 🤗
- هتعمل دش و تليفون في المطبخ ولا لا ؟! وحاول يكون اه
- اوعى تنسى تعمل لقمة كشافات الطوارئ علشان لما الكهرباء تقطع 😳
- هتعمل لقمة USB ولا لا ؟!
- اوعى تنسى تعمل فيشة أمريكي و شوكو في الحمام والمطبخ علشان الاجهزة 👍
- متنساس تجيب الاوشش في الحمام والمطبخ وتر بروف
- أماكن النجف علشان نزودلها خط كهربا وتكون شغاله على مفتاحين
- اوعى تنسى أماكن الابليك وخطوطه
- في ليد ولا لا علشان نعملها حساب في العلبة و المفاتيح ؟
- وبالنسبة ل الليد بروفايل متنساش تسألنا عن تصميماته لأنها بتعمل بهجة حلوة في المكان

رابع حاجه الابواب و الشبابيك 🚪
- التهويه عامله ايه في الشقه ؟!
- باب الشقة مصفح ولا خشب ؟!
- الأبواب الداخليه جاهزة ولا النقاش هو اللى هيشتغلها ؟!
- الشبابيك والبلكونات الوميتال ولا خشب ؟!
- أماكن الشبابيك وحجمها هتأثر ع العفش ولا لا ؟!
- هتعمل على الالوميتال شيش حصير ولا لا ولو اه هيكون عادي ولا اوتوماتيك ؟!

خامس حاجه طبعا الجبس سواء كان بلدي أو جبس بورد 🌊
- هتعمل أصلا ولا لا ؟!
- لازم تكون محدد عفشك كلاسيك ولا نيو كلاسيك ولا مودرن ولا اسلامي 🤔
- اوعى تنسى تعمل رسمه لصنايعي الجبس فيها أماكن تفتيح الاسبوتات والليد بروفايل علشان متعارضش الزاويه أو الاوميجا في التركيب (مهم جدااااااا )

سادس حاجه أعمال الديكورات والبانوهات والكرانيش 🌅
- هتعمل أصلا ولا لا ؟!
- اعمل رسمة للصنايعي علشان ميسوحكش وتكون عامل حساب أماكن الاوشش علشان متبوظش الشكل
- هتعمل كرانيش في الحمام والمطبخ بعد السيراميك ولا لا ؟!
- هتركب حجر أو أي تجاليد ولا لا ولو اه حددهم واعرف في اي حيطة و في اي عمود بالضبط ؟!

سابعا أعمال السيراميك والبورسلين 🛀
- لازم تحدد وتعرف أحجام السيراميك اللي هتجيبه صغير ولا كبير لأن لو كبير لازم تمحر الحوائط الأول وكل البلاط الكبير هيكون مقوس أي كانت الشركة مش عيب صنايعني (نخلي بالنا قوي ) 👌
- خلي الصنايعي يبدأ البلاط عدل من تحت لفوق في الحوائط وكد كد الكرانيش هتداري الفروق في آخر السقف
- حدد أماكن بلاطات الديكور في الحمام و المطبخ وحدد توزيعات علشان متعارضتش اوشاش الكهرباء
- الارضيات بورسلين ولا سيراميك ولو بورسلين اوعى تركبه بمونه لازم يتركب بماده والطريقة الصحيحة بتاعته وكد كد كله هيفك 😂
- نوع البورسلين وحجمه وكل ما كبرت البلاطة الشكل بقى أحلى والبلاطه بقت مقرفة أكتر و تقوسها زاد ولو هتجبها كبيره حاول تجيب الاسباني أو تريحنا وتجيب رخام وفرقها بسيط وشكل أحلى و أحلى 😉

ثامنا أعمال الدهانات 🖌️🖌️🖌️
- بلاش تجيب الصنايعي الرخيص لأن فرقها بسيط جدا ( اللهم بلغت )
- كل دهاناتك بلاستيك ولا في شغل ديكور وطبعا حددناها فوق من شوية 😜
- الاستر حلو قوي في الأبواب لو النقاش هيعملهالك بس يكون صنايعي نظيف
- أهم حاجه بقى لو انت في كمباوند اعمل حسابك هنشتغل كام يوم بليل كد فأتصرف بقى يا وحش 💪

ولو عايز تريح نفسك من كل الكلام ده ويتنفذلك كل اللي بتحلم بيه خليك مع وهنسلمك الشقة علي المفتاح ونساعدك في الفرش كمان 🤩

Maghrby Designs

للتواصل معنا :-
01090370536

أو ابعتلنا رقمك على رسائل الصفحه وسوف يتم التواصل معك ❤️

#تصميمات #تشطيبات #ديكور #تأسيس #إشراف

Mohmed Moghrby

التشطيب مش مجرد أعمال محارة ودهان وسيراميك وجبس التشطيب عبارة عن تفاصيل والتفاصيل دي يا إما بتخلى المكان مبهج أو بتقفله خالص علشان كده بتكون محتاجة متخصص فاهم وعارف إن أقل تفصيلة هتفرق معه في الشغل ودقته علشان كده بنقولك من دلوقتى ماتشيلش هم التشطيب خالص وإحنا معاك وهنشاركك في تشطيب المكان كل اللى عليك تكلمنا أو تبعتلنا صورة المكان وتفصيلته وإحنا علينا الباقى 👌
إحنا مكانك هنشيل عنك مشاكل التشطيب وهمه لغاية ما توصل للي بتحلم بيه ❤️

we sure you will see the difference with Maghrby Designs

للتواصل معنا :-
01090370536

أو إبعتلنا رقمك علي رسائل الصفحه وسوف يتم التواصل معاك

#تصميمات #تشطيبات #تأسيس #إشراف

لا مش دة اللون اللى كنت مختارة 🤦

مشكله عدم تطابق لون الدهان على الحائط مع العينه اللى كنت مختارها فى المعرض بترجع لعدة عوامل منها 👇

١ . الخامه المدهون عليها العينه فى المعرض ممكن تكون ورقه من الكتالوج أو أى نوع من الخامات التانية اللى بيحاولوا إنها تكون مقربه من الحائط ولكن بيكون فى اختلاف ودا بيأثر على درجه تشرب اللون والفينش بتاعه وبالتالى درجته النهائيه

٢ . المساحه
عينه المعرض بتكون بحجم مهما كبر بيكون في الحقيقة صغير بالنسبه للحائط وبالتالى درجه تخيله بتختلف وخصوصا لو إنت كمان مش متخصص

٣ . الاضاءة
الاضاءة المستخدمه فى المعرض مختلفه بدرجة كبيرة عن الاضاءة المنزليه وعن اضاءة المنزل الصبح فى ضوء الشمس أو بالليل واللى بتتغير بنوع اللمبات الموجودة أو الاسبوتات

٤ . درجه اللمعان
درجه اللون أو العينه المستخدمه من حيث هيا لامعه أو نص أو حتى مط عشان كل نوع بيكون له تأثير مختلف على درجه اللون

طب أعمل إيه علشان أتجنب المشكله دى وأختار الدرجه وتطلع معايا زي مأنا عايز أو متخيل 👇

علشان تختار درجه الدهان صح محتاج شوية حاجات تبقي عارفهم وأهمها 👌

١ . قبل ما تشترى الألوان بالكميات اللى النقاش قال محتاجها محتاج تشترى عينات من درجه اللون اللى عجباك الأول بمعنى
لما تختار درجه اللون اللى حاببها بتختار كذا درجه منها أو بتختار عينه من الدرجات اللى إنت المحتار بينهم كيلو مثلا من كل عينه أو أقل كميه متاحه بالنسبة ليك علشان تقدر تختبرهم على الحيطه اللى إنت هتدهن عليها اللون دة وبالتالى تشوف درجه اللون على الطبيعه هتبقي إزاى قدامك

٢ . هتطلب من النقاش يعملك عينات للون دة على الحائط
بمقاس ١متر * ٢متر او ١متر * متر ونص علشان يكون بمساحه مقبوله تقدر تشوف درجه اللون عليه

٣ . تعمل حسابك إن درجه اللون على الحائط بيغمق درجه أو درجتين فالافضل ليك تشوف درجه أفتح من اللى بتحبه لأنه لسه هيغمق معاك

٤ . وإنت بتختار اللون من الكرتله أو الكتالوج حطه على خلفيه سوداء عشان هيخليك تشوف اللون بوضوح مع كتر الألوان اللى هتشوفها فى المعرض

٥ . محتاج الحائط اللى هتدهن عليه يكون متشطب وجاهز كتشطيب نهائى علشان تقدر تقيس درجه اللون بالفينش النهائى بتاعه

٦ . تشوف درجه اللون الصبح وبالليل وفى كل أنواع الاضاءة المستخدمه عندك علشان تقدر تتخيله فى إضاءة الشمس أو إضاءة الاسبوتات المختلفه

٧ . خلى العينات فى مستوى مناسب ولا فوق اووى ولا تحت اووى فى مستوى نظرك تقريبا ويكون قريبين من بعض علشان تقيس فرق تأثير الاضاءة عليهم كلهم

٨ . طبعا تختار العينات وتدهنها فى نفس الغرفه اللى هتستخدم فيها الالوان دى يعنى لو لغرفه النوم هتجرب العينات فى غرفه النوم مش الريسيبشن علشان إضاءة الاماكن بتختلف

٩ . العينه تجيبها من نفس طبيعه اللون اللى هتجيبه مط او بيلمع اونص لمعه علشان تحس بالتأثير النهائى حتى لو العينه هتكون أغلى مش تكون هتدهن ربع لامعه وتجيب العينه مط لأن دة هيأثر على إحساسك باللون وبالتالى قرارك

١٠ . ادهن العينه نفس عدد الوشوش اللى هتدهنها لأن درجه اللون بتختلف مع كل وش فى تقلها

فى النهايه ممكن تحس إن الكلام دة هيكلفك فلوس أكتر وعينات كمان بس خليك متأكد إن العينات مهما كلفتك هتكون أقل بكتير من إنك تختار لون مش مناسب ليك أو ميطلعش زى ما إنت عايز فى النهايه وتضطر تغمق أو تكون عندك مشكله أكبر لو غامق ومحتاج تفتحه وتضطر تشترى كميات كبيرة تانى علشان تصلح المشكله أو للأسف تقرر تتعايش وتكون متضرر كل ما تبص للحوائط 👍

في Maghrby Designs بنقدملك العرض اللي كنت مستنيه من زمان ، مش هتدور تاني علي أقل سعر للمتر في مصر ولا علي الجودة العالية ، لأن إنت اللي هتختار السعر المناسب ليك وهنضمنلك دائما أفضل جودة معانا .
كل الي عليك إنك تبعتلنا تفاصيل مكانك أو العنوان وهنبعتلك متخصصين محترفين يعملوا معاينة (مجانية) للمكان ونحدد مع بعض سعر التشطيب المناسب ليك وأكيد طبعا بأعلي جودة .

we sure you will see the difference with Maghrby Designs
للتواصل معنا :-
01090370536

#تشطيبات #ديكور #تأسيس #اشراف