اسأل مجرب.؟ اسمعلاوي

للمره المليون ❌
لو لاقيت وش القهوة كده ارميها اوعي تشربها ،لأن القهوة
دي مغـ. شوشة ، و مضاف ليها مواد اخرى
و عشان ماتظلـ_ـمش مراتك و تقولها انتي ماتعرفيش تعملي قهوة، احب اقولك ان القهوة اللي بتشربها في المقاهي و الكافيهات بيحطو عليها كربوناتو عشان وش القهوة ينفش و تحس ان الوش واخد نص الكوباية و يفضل لغاية آخر شفطة الوش موجود و لا يتلاشى ، مع ان مراتك بتحط بن كتير لكن ف الشارع بيحطوا بن قليل جدا عليه كربوناتو ، فعلا احنا مابنحبش الا اللي يضحك علينا

- البيت كله قاعد ساكت.
انا كل ما اقف قدام المرايا: 🌚

عزيزي الرجل قبل الذهاب للماذون 💔
دي قصه حقيقه
ياريت الناس تستفيد من اخطاء الاخرينوهو بيحكي ويقول.....
أنا حبيت أعز اصحابي واتجوزنا ومع هوجة الطلاق الكتيرة انفصلنا، وكان عن اقتناع مني اكتر منها في البداية.. وبعد مرور 6 أشهر على طلاقنا، اقدر أقول لكل راجل لسه متجوز 20 نصيحة عشان ميكررش غلطتي

1- متبطلش تعاكسها، متبطلش تقولها كلمة حلوة، متبطلش تخرّجها، متفتكرش انك ملكتها بمجرد جوازك منها ! متبطلش كلامك الحلو، هو مش حصري للخطوبة والصحوبية بس !

2- أحمي قلبك، متكبرش، متعقلش، متقولش لأ هبطل اعمل كذا اصلي اتجوزت، هي مأجربتكش انك تكبر ! انت اللي بتمنع نفسك من الحياة ، مترميش مشكلتك على شريكة حياتك !

3- أقع في حبها مرة، وكمان مرة ، وكمان مرة متقولش خلاص حبينا بعض وعرفت عنها كل حاجة يلا نتجوز ! أعرفها اكتر، ادخل في تفاصيلها الحلوة وحبها، وتفاصيلها الوحشة وتقبلها ، اختارها في كل مرة عقلك الذكوري يقارن بينها وبين شخصية في احلامك، لان هي الواقع

4- شوف الحلو وحبه، بيّن انك بتحبه، قول انك بتحبه او بمعنى آخر "قدّرها"

5- مش شغلانتك ولا مطلوب منك انك تغيرها "للأحسن" او اللي انت شايفة احسن، ماهو هتاحبها زي ما هي وتاخدها وتتجوزها وتغيرها فمتحبهاش فتطلقها فتسيبها فتدمرها وتقنع نفسك انك مجني عليك !!!! افهمها ازاي دي ؟!

6- اتحمل مسئولية، اتحمل مسئوليه عشان انت مش متجوز امك، امك بتحبك حب غريزي فبتعمل المستحيل عشان تشوفك مبسوط، مراتك مش امك مش مسئوليتها لوحدها انها تخلي البيت وسيادتك سعداء !!

7- عصبيتك مشكلتك، انشف واتحملها ومتطلعهاش عليها !

8- حكمة متعلمتهاش الا متأخر Let it be ، لما مراتك تضايق، تتخنق، يحصل مشكلة وتتكلم معاك عليها Let her be يعني اديها مساحتها تتكلم وتشتكي وتعيط ومتطلعش السلاح وتقرر تحل كل المشاكل، هي مش صغيرة، هي لو عاوزة تحل هتحل ! هي عاوزاك تسمعها

9- أضحك، بيقولوا سر سعادة البيت في الست ؟ لأ سر سعادة البيت في حجم الابتسامة اللي على مش شريكة حياتك ودي بتقيس مدى رجولتك في بيتك. فأضحك !

10- اتعلم لغة حبها ليك، يعني مثلا بتحب اسم دلع معين كرروا ليها، بتحب الأكل ، بتحب الورد، بتحب الplay station ؟ شوف بتحب ايه، اعمل مجهود انك تعرفها

11- خليك موجود، أصحابك هيتجوزوا وقاعدة القهوة كل يوم هتبقى مرة في الشهر، هي اللي باقية وموجودة !

12- متبقاش مش واقعي، المشاكل بينكم هتحصل هتحصل ولا هي نكدية وزنانة ولا انت صح والحق معاك ! اما تحصل مشكلة بتسبهاش تتراكم حاول تفصل بين مشاعرك وبين السلوك اللي زعلك...

13- اديها مساحة تتنفس، تخرج مع أصحابها، متحولهاش لكائن بيتوتي لو هي بتحب الخروج ولا تجبرها تعزم اصحابك كل يومين في بيتها لو هي مش بتحب لمة الناس الكتيرة، خليها تتنفس

14- مش هيحصل حاجة لو عيطت في حضنها، متقلقش مش هتذلك عليها في أول خناقة بينكم زي ما انت بتعمل، هي هتحترم لحظات ضعفك اللي انت مش بتحترمها

15- ملعون ابو الفلوس.. اتجوز بالمبدأ ده وحياتك هتبقى رائعة لو عينها مليانة، بعزق فلوس عليها وعليك، الكفن مفيهوش جيوب أقسم بالله !!

16- سامح.. متشيلش، سامح عشان انت ليك غلطة هتتمسك عليك في يوم من الايام وهي احتراما لمسامحتك ليها هتسامحك وتمشي المركب "ده لو انت راجل سوي"

17- الحياة مش جنس بس، تأكدوا ان العشرة والحب بتخليكم تقبلوا بعض والكلام عن الجنس بينكم وبين بعض مش عيب، بالعكس ده مطلوب وبشدة !

18- احضنها، بوس راسها، ومتحسسهاش ان اي حاجة بتطلع منها تافهه او قليلة.. 3 قوانين احفظهم زي أسمك !

19- دايما اختار الحب.. مش رومانسية فارغة بس الحب هو اللي بيمشي المركب في الحياة البائسة دي، لا كرامتك ولا غرورك ولااحساسك انك دايما صح.. كل دي حاجات بتهدم.. إلا الحب !

20- كل اللي حواليك بيشتكوا من الجواز، اه دي حقيقة وانت بتعمل زيهم بس ولا واحد فيكم هيقدر ولا هيتجرأ على الطلاق وببساطة لاننا جميعا انصاف حياة من غير نصنا التاني !

وزي ما قلت كنت اتمنى حد يقولي كدة قبل ما أخسر صديقة عمري وحب حياتي، بس النصيب والقدر وحاجات كتيرة عملتها استحق عليها اللي حصل
خسرت حاجات كتير حلوة صعب تتعوض ياريت تفكروا الف مرة قبل اتخاذ القرار الصعب دة.اللي بتبقي فاكر انك نهيت المشكله والحقيقه انك بتمشي او خطوة في طريق المشكلات.... والوقت والمجهود اللي تبدوا بيه في قصة جديدة لو عملته في حياتك كلمت هتبقي احسن كتير...

ابشع جريمه ق-تل وغدر وخيانه في مدينه المستقبل
كتبت فاطمه عامر الاسماعيليه
حدث منذ ساعات قليله بالتحديد في مدينه المستقبل ابشع جريمه ق-تل لابن الشهداء شاب في عمر الثلاثين جريمه ق-تل بشعة في مدينه المستقبل
حيث هجموا خمسه اشخاص في أعمار مختلفه على
شاب ( لوده) وقاموا بتقطيعه بطريقه بشعه وكأنهم ذئاب
تحولت إلي وحوش تجردت منها الرحمه والإنسانية
حولوا جسده الي اجزاء واشلاء دون رحمه
محمد سعيد محمد احمد الحداد (شهرته لوده)
محمد لوده متزوج وابن الشهداء ولديه اطفال عددهم سته
وزوجته هم في حاله من الذعر والخوف وللحصول ولا قوه الا بالله العلي العظيم

🔴 مهرجان الربيع اليوم ١٣/ ٥ / ٢٠٢٤
دعوة عامة للجميع لحضور احتفالات أعياد الربيع يوم الاثنين الموافق ١٣ مايو الساعة ٥ عصرا أمام ديوان عام المحافظة القديم بشارع محمد عليالاحتفالية تشتمل على:
🛑 معرض للزهور سيقام على مدار ثلاثة ايام وسيتم افتتاحه في بداية الاحتفالية للاستمتاع باحلى تشكيلات من الزهور والنباتات التى تظهر خلال فصل الربيع
🛑 ديفلية العربات المزينة بأشكال مختلفة من الجهات الحكومية والشركات الخاصة.
🛑 الاحتفال بأميرات الفراولة من براعم بنات الإسماعيلية الصغار على متن طفطف الإسماعيلية المشهور
🛑 فقرات فنية وترفيهية مختلفة مصحوبة بأحلى ماسكات وعرائس لرسم البهجة على اطفالنا الصغار والعديد من المفاجأت الاخرى

🔴 تنويه
سيتم قطع المياه عن نطاق مركز ومدينة الاسماعيلية ' وذلك من يوم الاثنين ١٣ مايو وحتى يوم الخميس ١٦ مايو ٢٠٢٤م ' من الساعة ١٢ صباحاً وحتى الساعة ٧ صباحاً نتيجة لاعمال التطهير والصيانة .
بقلم / اسكندر ✍️

منذ صغري وأنا أحفظ سورة قريش ولما عرفت تفسيرها في الآونة الأخيرة... خفت الله أكثر
السورة مكونة من اربع آيات " لإيلاف قريش " هذه أول آية من سورة قريش، تناقش مشكلة حياتية وهي
«إلفُ النعمة»
​​​​أول مرة أسمع عتاباً من إيلافِ النعم...
كان أهل قريش معتادين على الفقر والجوع والحياة البدائية البسيطة..
لدرجة أن عندما يصل أحدهم لشدة الفقر .. كان يأخذ أهل بيته لمكان يسمى بالخباء .. يبقون فيه حتى يموتوا كلهم من الجوع .. وهذه العادة في الجاهلية كان إسمها "الإعتفار" ..
كان هناك عائلة كبيرة اسمها "بني مخزوم" .. كانوا سيموتوا من الجوع الشديد .. وعندما وصل خبرهم الى "هاشم بن عبد مناف" .. أحد كبار التجار .. استاء من وجود هذا الجهل والفقر في أهل البيت الحرام ..
فجاء هاشم بن عبد مناف وغير هذه العادة .. وقال لهم أنتم أحدثتم عادة تُذَلون بها بين العرب وأنتم أهل بيت الله والناس لكم تبعا ..
فقسم القبيلة لعشائر .. وأمر كل غني منهم بتقسيم ماله مع الفقراء من عشيرته حتى بقى الفقير مثل الغني .. وعلمهم أصول التجارة .. ونظم لهم رحلتين في العام " رحلة الشتاء والصيف"..
رحلة للشام .. علمهم تجارة الفواكه في الصيف ..
ورحلة لليمن .. علمهم تجارة المحصولات الزراعية في الشتاء ..
حتى جاء خير الشام واليمن الى مكة وأصبح سكانها في حال أفضل .. وانتهت ظاهرة الإعتفار...
بدأ أهل قريش يكفرون بالنعمة .. بعدم شكر الله عليها.. (كفران النعم هو أن تألفها فلا تراها نعمة) ..
فلما ألفت قريش وأهل مكة النعم التي أنزلها الله عليهم .. أنزل الله فيهم الأمر الإلهي بأن يعبدوا رب هذا البيت .. {{فليعبدوا رب هذا البيت الذي أطعمهم من جوع وآمنهم من خوف}}.
نِعمُ الله على الناس عموما لا تحصى .. فإن لم يعبدوه لسائر نعمه فليعبدوه لهذه النعمة الواحدة الظاهرة وهي
(دوام النعمة) ..
واطعامهم بعد الجوع .. وتأمينهم بعد اعتيادهم العيش في رعب وخوف من الموت ..
{{أطعمهم من جوع * وآمنهم من خوف}}.
لا تألف فتجحد .. لكن اشكر الله تألفك نِعمته .. افرح بنعمة الله عليك واشكرها حتى لو متكررة للمرة الألف .. لأن مجرد دوام النعمة "نعمة" .. وإلفُ النعمة وعدم شكرها جحود وظلم.
اجعل دائما كلمة "الحمد لله" على لسانك في كل وقت ..
قلها بقلبك عن رضا واقتناعٍ لما فيها من أجرٍ عظيم...
فالحمد لله كما ينبغي لجلال وجهك وعظيم سلطانك

مأساة تهز #الاسماعيلية و #السويس 😔
ست عجوز ركبت عربية من عربيات الأجرة اللى بتسافر من الاسماعيلية للسويس
وبعد مسافة سألت السواق
وصلنا #فايد يا ابنى؟
قالها لسه يا ماما
وكل شوية تسأله
وصلنا فايد يا ابنى؟
المهم السواق أخر ما زهق قالها
أول ما نوصل فايد هقولك يا ماما
فالست العجوزة نامت والسواق وصل السويس ونسى يقولها
فصحيت الست العجوز وسألته
وصلنا فايد يا أسطى؟
قالها يااااه إحنا فى #السويس يا امى وأنا نسيت اقولك
زعلت الست قوى وقالتله ليه كده يا ابنى هو أنا مش كل شويه أسألك وأأكد عليك
المهم ده كان بحضور الركاب اللى زعلوا وزعقوله عشان يرجعها لفايد
المهم وصل الركاب للسويس واضطر السواق يرجع بيها لوحدها لفايد لانها ست عجوزة ولوحدها 😔
لما وصل قالها ادينا وصلنا فايد اتفضلي انزلى
قالتله أنزل ليه؟
قالها ينهار اسود انتى مش عايزه تنزلى فى فايد
قالتله لا خالص
دى بنتى قالتلى يا ماما أول ما توصلى لفايد خدى حباية الضغط وحباية السكر بس أنا أصلا نزلة السويس
بيقولك السواق جاتله ذبحه صدرية ونايم الآن فى مستشفى السويس العام
خلينا نبعد عن الهم شوية
الي كمل للاخر يصلي علي النبي ويسمعني ضحكته⁦☺️⁩

تعنت لا يأتي الا من شخص غير امين على مصلحة الرياضه وكرة القدم
تأجيلات بالجمله لاندية القاهره ودوري في مهب الريح
ويرفض طلب النادي الاسماعيلي بترحيل المباراه ثلاث ساعات فقط
هل تعلم ان الجمهور سيتواجد بالمدرجات من الساعه الواحده ظهرا تحت اشعة الشمس
هل تعلم ايضا ان اكثر من ٨٠٪ من محبي الدراويش فى مصر لن يتمكنو من متابعة اللقاء بسبب المواعيد الجديده لتخفيف الاحمال في مصر والتي تبدأ من ٣ عصرا وحتى السابعه اى ان مستحيل متابعة اللقاء
ومحظوظ من سيشاهد نصف ساعه من اللقاء

بينما ستلعب فى السابعه مساءا مباراه لنادي زد امام سموحه مباراه لن يشاهدها مائة شخص على اقصى تقدير
هذا في مصلحة من ؟؟؟؟

الجمهور ام الدوري ام تسويقيا .

حقيقي لم اجد اي مصلحه لهذا التعنت الواضح والمتكرر من رئيس الرابطه احمد دياب ضد نادي الاسماعيلي العظيم .
Ismaily SC
Hany Hathout - هاني حتحوت
رابطة الأندية المصرية المحترفة
إتحاد الكوره المصرى

قرّر الأستاذ الدكتور/ أحمد الطيب شيخ الأزهر 👇
إنشاء وحدة تسمى (بيان)، وذلك للإجابة على كل الأسئلة التي تثيرها 🔥تكوين🔥 التى أنشأها دعاة الإلحاد.
حفظ الله مصر العروبة والإسلام 🤲
وحفظ الله أزهرنا الشريف وشيخه وعلمائه وطلابه. 🤲♥️♥️♥️

الخط الساخن 👇

👈19906👉 للرد على كل الاستفسارات والشبهات الملتبسة والتي تحوم حولها الشبهات وذلك للإجابة على كل الأسئلة التي تثيرها 🔥تكوين🔥 التى أنشأها دعاة الإلحاد.
فعلوا هاشتاج

حل المشكله الأبدية :

- البقدونس على شكل هرم
- الكزبرة على شكل دائرة

- ورقة البقدونس خشنة
- ورقة الكزبرة ناعمة

ام قالت لابنها مراتك لو بتغير عليك تبقى بتحبك ولو مابتغيرش يبقى خساره تعيش معاها
الكلمه فضلت تكبر جواه وقعد يفكر ازاي يعرف اذا كانت بتغير عليه ولا لا
واخيراً جاتله فكره
اشترى ازازة برفان حريمي وبقى يحط منها كل يوم وهو في العربيه قبل مايدخل الشقه
مراته كانت تشم البرفان وماتتكلمش معاه بخصوصه
مره في التانيه في التالته صاحبنا بدأ يقتنع باللي سمعه وبدأ ياخد موقف من مراته
لحد مايتفاجئ يوم عيد ميلاده بشنطه هدايا محطوطه فوق مكتبه وفيها ازازه برفان حريمي جديده من اللي كان بيحطه
وجنبها ورقه مكتوب فيها
حبيبي ، عرفت ان الازازه اللي في العربيه خلصت
دي هديه عيد ميلادك وياريت ماترميش ودانك لحد ❤️

تأكد ان خراب البيوت بيبدأ بكلمه

شويه حاجات لازم كل ست تكون حفظاهم علشان تقدر تتعامل مع زوجها وتعيش حياه سعيده 🤫

١- ناكل ايه بكرة!!؟
في اللحظة دي الدنيا بتسود قدام الراجل وبيبدأ يدخل في حالة اكتئاب وبداية تخلف عقلي.. ويبدأ يفتكر الأسئلة التعجيزية في امتحانات الشفوي..
هو بياكل أي حاجة في أي وقت..
السؤال ده تسأليه بينك وبين نفسك وبصوت واطي وتعملي أي حاجة وهو هيطفح بمنتهى السعادة.
وهناك مكان محجوز في الجحيم لهؤلاء اللائي يسألن ازواجهن هناكل ايه بكرة.

٢- الحواس ٥ .. عند الراجل مابيشتغلوش مع بعض.. وأعطالهم كتير.. ومعظمهم شغال باتنين منهم بس.. حاسة التذوق وحاسة اللمس..
أما بقى انك غيرتي نوع البيرفيوم أو غيرتي قصة شعرك.. كل دي شكليات.

انك نضفتي الشقة أو غيرتي مكان الأنتريه أو مكان السجادة..
هو مش عارف ولا فاكر أماكن الحاجات دي أصلا!!..
لو غيرتي مكان التلاجة هياخد باله.

٣- لما تلاقيه قاعد سرحان.. مش لازم يبقى بيفكر في واحدة تانية!.. هما بيسرحوا في اللاشئ.. .. بيفسو دماغهم.

٤- كلهم بلا استثناء عندهم زهايمر..
يعني لو عايزة طلبات فمش كفاية تقوليله هات كذا وانت جاي.. لا..
لازم تبعتيله رسالة على كل برامج التواصل علشان يفتكر.. وتبعتيله تاني وهو راجع من الشغل..
ولو تقدري بنظارة مكبرة أو بندقية قناصة تحددي الوقت اللي هيعدي فيه جنب السوبر ماركت وتقتليه قصدي وتكلميه يبقى زي الفل.

٥- لما تحبيه يغيرلك لمبة أو يتصل بالسباك.. مش لازم كل اسبوع تقعدي تزني عليه.. في التأني السلامة والصبر مفتاح الفرج.

٦- الكسل دي صفة وراثية سائدة في الصنف كله.. .

٧- الرجالة نوعين بغض النظر عن أخلاقهم ومستواهم الثقافي نوع بيحب الأكل ونوع بيحب حاجة تانية. 😉

٨- الفانلة الداخلية في البيت مش عفانة.. ده الزي الرسمي للرجالة.. لو متضايقة هاتيله فانلات قطونيل ملونة.

٩- اختاري الوقت المناسب للمناقشات.. يعني مش وهو راجع تعبان من الشغل.. ولا وهو بياكل فتسدي نفسه.. ولا قبل النوم فينام متنكد.. ولا أول ما يصحى قيقوم متعكنن..
مش عارفة امتى الحقيقة!! 😂

١٠- لو عندك راجل بيتكلم ويسمع (الإتنين) ده تحافظي عليه وإوعي تقولي لحد انه بيتكلم ويسمع.. الحاجات دي بتتنظر.. 😂😂😂😂
دي فصيلة نادرة وهيعملولهم محمية طبيعية قريب.

١١- لو بيساعد بقى في البيت وبيقلع جزمته برة ويعلق هدومه ويعمل شاي ومبتسم وبيقول كلام حلو وبيلبيلك طلباتك وبيفسحك.. خاااافي !!.. ده غالبا عفريت أو كائن فضائي.. علشان النوعية دي انقرضت.😜😂

البيض مش محتاج شهر انا اخواتى تجار بيض وانا فاهم الشغلانه البيض تحديدا مقاطعه ٣ ايام أو اسبوع على أعلى تقدير هيوصل ٥٠ ج الطبق
حد هيقول ليه هقلك ليه اولا درجه الحراره عاليه ثانيا الإنتاج بتاع المزرعه ثابت بل فى اذدياد يعنى لما حضرتك متشتريش الرصيد هيعلى عند ا يعنى مش هيعرف يوقف الفراخ ويمنعها تبيض لا هتبيض ومش هيلاقى مخازن ولا هيعرف يحمى البيض من حراره الجو هتقلى هيحط البيض فى مبردات إذا دخل مبردات ونزل السوق بعدها هيفسد مباشرة
يعنى حضرتك اللى بتتحكم المفروض مش هو
طيب اذا البيع توقف هيدفع التزامات منين .وهيرمى البضاعه بعد اسبوع وف نفس الوقت الإنتاج شغال
ياجماعه الخير المقاطعه. وعي وثقافه وشطاره
وفى نفس الوقت حضرتك بتسحب وتضغط على السوق وهو بيستغلك ويرفع السعر
وبعدين ايه اللى هيحصل لو سيادتك مااكلتش بيض لمده ثلاث ايام اظن ولا حاجه لكن انا بقلك لا هيحصل حاجه هيحصل أن السعر هيوصل ٥٠ و٦٠ ج طبق البيض
استقيموا يرحمكم الله

واحده من حالات #الطلاق اللي حضرتها كان سبب موافقتي على الطلاق جمله قالتها : "بطني بتوجعني في معاد رجوعه "
واحدة تانية قالت لى من سنين " كنت أتمنى ولادى يعرفوا التمن اللى بدفعه كل يوم علشان يسمعوا صوت تكة مفتاح أبوهم فى الباب وأحساسهم بالأمان أنه وصل"..
توقفت أمام المعنى كثيرا !

غريب الاحساس اللى بيوصل كل ست مع تكة مفتاح جوزها فى الباب 🍂

فى ست قالتلى : أول ما كنت بسمع مفتاحه كنت بحس أنى مخنوقة، وصل الشخص اللى بيسحب مساحة حريتى واحترامى الآدمى، كنت بحس أنى من غيره انسانة ولما الباب بيتفتح بتمنى الموت ولا أنى أعيش معاه، خطواته كانت بتفكرنى بعشماوى
😞
فى راجل وجوده فى البيت نكد وهم ، مخبر عايش معاهم بيراقب كل حاجة وبيتخانق على أتفه حاجة وحتى لو العيال بتحبه فالأم بتدفع تمن الحب ده من نفسيتها كتير.

في واحدة قالتلى الأمان فى حياتى وقف عند تكة مفتاح أبويا الله يرحمه ودخلته علينا بالحضن

فى ست قالتلى ولا بيفرق معايا وجوده من عدمه، هو بيتعامل مع البيت على أنه أوتيل بيجى ياكل وينام ويغسل هدومه ويسلم على العيال ويجرى يخرج مع أصحابه ولا عارف كان يومنا ازاى ولا مين عيان ولا مين عنده تمرين، أعظم مشاركة ليه انه يسمعنا على العشاء واحنا بنتكلم مع بعض.
💔
ورغم كل معاناة الستات اللى فاتت الا أن فى ست بتستنى على نار تكة المفتاح

فى ست بتحس بأمان غريب مع صوت المفتاح، بتحس أن البيت كان من غير سقف، من غير حماية، بتحس أنها كانت وحيدة وبتستنى بفارغ الصبر اللحظة اللى بيوصل فيها الشخص اللى بيرسم ابتسامة على وشها،
بتفرح بتكة المفتاح وبتستقبله بحضن والعيال فرحانة أن أبوهم وصل ويمكن فى ايده كيس فيه حلويات أوهدية أوحاجة طلبوها منه، بتحس أن البيت ليه سقف أخيرا.

رجالة كتير بتدفعهم طبيعة شغلهم للسفر بالايام والاسابيع والشهورأحيانا،

الست اللى بتحب راجل بتفتقد أكتر حاجة صوت تكة مفتاحه فى الباب بتنام وهى أحيانا خايفة أن البيت مفيهوش راجل أو حتى لو مش خايفة لكن حاسة بوحدة وشايلة المسئولية لوحدها ومش محتاجة غير جوزها تحكيله وترغى معاه

الراجل اللى بيزرع فى قلب مراته حنية بترجعله أضعاف من الحب والحنان والاشتياق لصوته وريحته ودخلته عليها هى وعيالها💙

والراجل اللى بيرازى فى مراته وبيزرع قسوة بيتكسر وراه قلة وبيعيش وحيد حتى وهو فى وسط البيت والعيال والست،

بحس دايما أن الحياة عادلة جدا فى أنها ترجعلنا كل اللى زرعناه بالضبط.
منقول
اللهم لا تجعل الدنيا أكبر همنا ولا مبلغ علمنا ولا تسلط علينا بذنوبنا من لا يخافك فينا ولا يرحمنا وإجعل الجنة هي دارنا... اللهم ارزقنا رضاك والجنه
اللهم_امين يارب العالمين.
صلي على الحبيب محمد صل الله عليه وسلم

الله يرحمهم ويغفر لهم ويسكنهم الفردوس الأعلى من الجنة
وفأة اسرة كاملة اب وام وثلاث ابنأء اليوم
اللهم اكفنا شر الحوادث و فواجع الأقدار و مر القضاء ولا ترينا في اهلنا واحبابنا اي مكروه

مراحل تطور العروسة مع اهل جوزها 😅

رسمياً
تم تصنيف مواليد الثمانينات إلى الناس البركة بتوع زمان 😱

* إحنا جيل نادى الفيديو اللى كان في حضانة المنتزة فى شارع التجارى والفيلمين بربع جنيه وشاشات السينما في نادي المنتزة اللي جنب حمام السباحة الدولي بردوا بربع جنيه.
*احنا الجيل اللي كان بيشغل الفيديو في الشارع والناس كلها تتجمع عند صاحب الفيديو تتفرج علي المصارعه والافلام
* إحنا الجيل اللي أكلنا طلبات أم الخلول والأسترمباء من على العربيات في المحطة الجديدة وميدان عباس وعند نادي الرعاية وعند نادي التجديف وبحيرة الصيادين بربع جنيه بس وأحلى شوربة.
* إحنا الجيل اللي ما كانش ينفع ييجي شهر رمضان من غير ما نلم فلوس من أهل الشارع والجيران ونتجمع كبير وصغير ونعمل زينة رمضان بالورق والشرايط الملونة.
* إحنا جيل البومب في رمضان وبنحطة في علب ورنيش الجزم الصفيح ونفرقعة ساعة أذان المغرب وصوته أعلى من المدفع نفسه.
* إحنا جيل الفول من على العربيات والراجل بتاع اللبن يجيب اللبن بالقسط لحد البيت والزبادي الفخار على التروسيكلات.
* إحنا الجيل بتاع الدورات الرمضانية في المحطة الجديدة وعرايشية مصر عند المحكمة القديمة (الشهر العقارى حاليا ) ودورات جمال هيلتون ونخطط الشوارع علشان لعب الكورة كل يوم.
* إحنا الجيل اللي إشترينا البوم اللاعيبة (فوتبول) والحيوانات وبم بم و إي تي في الثمانينات ونجمع الصور ونلزقها فى الالبوم من ابو سريع
* إحنا جيل التقاطيع والكبده من عند السويسى فى المحطه الجديده ورفاعى وسماره. ونجيب
* إحنا الجيل اللي كنا بنشوي السمك على البلاطة ونحط السمك في علب الاحذية الكرتون.
* إحنا الجيل اللي كان موقف البيجو في ميدان الفردوس قدام سوق الجمعة، والمرور القديم كان مكان معهد آل نوح في شارع شبين وبعد كدا كل ده كان صحرا.
* إحنا الجيل اللى كان بيشترى البنطلونات الجينز من عند محمد على فى سوق السمك
* إحنا جيل أول حفلات الدي جي ياسر شاكر في الكامب والدنفاه.
* إحنا الجيل بتاع الخميس في الشتا الدنفاه والجمعة الجولف.
* إحنا الجيل اللى كانت شوارع إسماعيلية على أيامنا عبارة عن شجر عالي عبارة عن طريق زي الكهف مظلل وأشهرها شارع قناة السويس اللي من شامبليون لفيلا دي ليسيبس ووسط جناين الملاحة وشارع الجمرك من بعد كوبري سلا لحد نادي الشراع والتجديف.
إحناالجيل اللى حضر التاكسى لما كان لونه ازرق فى لبنى قبل تغيير لونه للون الحالى برتقالى فى ازرق
*أحنا الجيل اللى المدارس كانت بطلعنا رحلات داخلية فى مصنع الترانزستور ومصنع الالبان والكاكولا واللمبات والمكرونه .
* واحنا الجيل اللي كان بيركب اتوبيسات المقاولين العرب ويسافر ورا الدراويش
* واحنا جيل سندوتشات التقاطيع من عند عم احمد اللى عند ناصية تقاطع الثلاثينى والسكه الحديد احنا الجيل اللى حضر محلات فيديو محمد الاوزعة والوردانى فى المحطة الجديدة و محل top اللى عند جامع ابو بكر ومونتاج بالسكه الحديد وشارع المدارس ومارادونا والنجوم امام برج الضرائب ودالاس فى شارع المنصورة.
* ولعب الكرة بالملاعب المفتوحه الجيل الى شاف طرق كانت مخصصة للدراجات ولم تزل موجودة حتى الان في الشارع التجاري بس مبقتش للدراجات لان معدش فيه دراجات
* شارع المدارس اللى كان بيتقفل فى عاشوراء لما الموكب الدينى يعدى
* فاكرين سوق العيد اللى كان جنب المستشفى اﻻميرى القديمة..
طبعا كان في الارض الفاضية زمان اللي قدام دار المناسبات بتاع جامع المطافي .. وطلع فيها برج حاليا .. كان مسئول عنه استاذ منعم الله يرحمه .. اللي كان بيقف على بوابة بلاج عثماثون زمان
* احنا الجيل اللي شاف السيارات اللي كانت بترش مبيدات للحشرات
* احنا اللي كنا بنقف نجيب تذكره الماتش من سينما السكه الحديد وبعدين سندوتشات من عربى الرودي ولب من المقله واحلى عصير قصب عند سمارة
* فاكرين ناصر ( أووح أووووح) الله يرحمه ..
* فاكرين نادى الدنفاه لما كان كله اجانب كان و لا الشرم والكراسى الخرزان مدهونه ايام اما كان الباركينج بتاع العربيات كان ورا المسرح داخل النادى
* كان الواحد بيستنى كل خميس افراح بلدنا يمكن يشوف حد يعرفه
* والمانجه في فيلل الهيئه والكلاب تطلع تجري ورانا
* فاكرين بابا استراتى واحلى جبنة رومى فى الدنيا والزيتون اليونانى من عنده والشيكولاتة كنا بروح مخصوص عند ه علشان يقولى عاوز ايه يا خابيبي
* فندق ايتاب قبل اسمه ما يتغير لميركيور .
* نادي الشجرة كان فيه ملاعب تنس.والشارع قدامه كان جنينة كبيرة
* فرن شطا والعيش بتاع فرن العمدة اللي كان جنب بقالة سلمي في الافرنج وفرن ميتشو والكمبراتيف ...طب حد فاكر جريجارو
* والتاكسي من.الموقف بربع جنيه والراجل عشان يحرجك تركب قدام يقولك خلاص قدام يا كابتن نفسي اعرف ازاي كنا بنعد 2 قدام
* وعزيز بتاع الساعات فى شارع مصر .
* وكنا نروح نشترى السلم والتعبان من عند شهبور .
* ونفق الممر كان رايح جاى ومكتبه أل عمار واهالينا بتشترى مستلزماتها من عمر افندي وهانو والمصنوعات .
* فاكرين البطل شذام الله يرحمه لما كان بيلف بمكبر الصوت راكبا الدراجه.
* طلب تقاطيع من عم رفاعي و بعدها نص مشكل جلاش علي كنافه من عم حمدي فاترينه صغيره كده في المحطه الجديده جنب السرجاني الحلواني .. و لسه موجده علي فكره..
* احنا الجيل اللي كان بيروح المعرض اللي في خلف السكة الحديد نشتري الالغاز لوزة ونوسة وعاطف ومحب وتختخ
* شاطئ الشعبي والشبان المسلمين ده البلاج المفتخر ...
* ونفرتاتري السلطان حسين .
* كوتشيات باتا البيضه وفوتو اكسبريس وسوبرماركت العائلات وصيدلية شوقى ومكتبة مجدى فى شارع رضا والمحبه اللى عند جامع المطافى
* الجيل اللى لعب فى الخندق اللى عند مدرسة السادات وكنا بنحاول ننزل فيه
* الجيل اللى شاف السياح الاجانب لما كانوا كتير فى السلطان والافرنج
* الجيل اللى سمع اشاعة اعدام شباب فى ميدان شمبيليون وراح ومالقاش حاجة
* الجيل اللى حضر مديرية امن الاسماعيليه قبل ماتتبنى وكانت قسم صغير (البستان)
* الجيل اللى اكل احلى وارخص سمك من الحلقة قبل اختفائها
* الجيل اللى شوى السمك على بلاطة عم عادل وكمال بالعرايشية
* الجيل اللى أكل من مطعم الزعيم بالثلاثينى وكان حاطط صورة عادل امام يجلس على الكرة الارضية وأكل كشرى مصر من محل النصر قبل ما يكون شيخ البلد
* الجيل اللى شاهد مسرحية حلو الكلام لسعيد صالح بنادى الاجتماعى وريا وسكينه باستاد الاسماعيليه تقريبا والسيرك بمدرسة السادات.
* الجيل اللى حضر افتتاح القناة الرابعة ومجمع المحاكم من حسنى مبارك
* الجيل اللى حضر أكشاك الامن الغذائى فى الممر وعند مدرسة الجلاء وشارع الحريه عند مصنع البلاط وكشك مصنع مصر للالبان فى شارع الحريه
* الجيل اللى شرب سوبيا وعصير من عند سوق الحميديه فى شارع مصر .
* الجيل اللى حضر وشاف الكوبرى الازرق وهو بيتبنى
* الجيل اللى اشترى الفول من عربية عم حلمى فى طبق او شفشق قبل اختراع الاكياس البلاستيك وأكل احلى طعمية من عند معاطى ورجب فى عرايشية مصر
* لما كانت السيدات تشترى لوازم الخياطه من عند أوشا اللى عند جامع المطافى
* إحنا الجيل اللى لما كنا بنمشى فى شوارع إسماعيلية كنا بنحس بالأمان وكان الرصيف كبير وللمشاة فقط وكانت شوارع إسماعيلية هادية ونظيفة ومرصوفة وشوارع المحطة الجديدة وحواريها متبلطة زي شوارع باريس وقبل الغزو الفلاحى وكانت بتتغسل كل يوم بعربيات بترش ماية .. والشوارع فاضية والناس بتحترم إشارات المرور وما بترميش زبالة في الشارع.
* إحنا آخر جيل من أبناء إسماعيلية اللي كنا عارفين بعض كلنا حتى لو مش بالإسم بس كلنا عارفين بعض بالشكل ووجوهنا مألوفة لبعض وعبارة عن اسرة واحدة.
* إحنا جيل صلة الأرحام والود والمحبة والتواصل قبل الإنترنت والموبايلات.
ياااااه على الزمن وعلى الدنيا 😥😥

حينما ترسل طلب صداقة لفتاة ما على إحدى مواقع التواصل الاجتماعي، فإن تلك الفتاة لا تقبلك هكذا فورا و من أول نظرة، و إنما تدخل إلى حسابك الشخصي و تتصفح صورك جيدا باحثة عن أية قرائن تساعدها في معرفة مستواك المادي و الاجتماعي، كنوع جوالك و ساعتك و ملابسك و حذائك، و هل لديك سيارة أم لا، و وظيفتك و أين درست، و الفضاءات التي تلتقط فيها الصور و الأشخاص المحيطين بك...

فالفتاة تستقبل المئات إن لم يكن الالاف من طلبات الصداقة و الرسائل، و لا تتفاعل إلا مع الذكور الناجحين المتميزين ذوي القيمة العالية و المرتبة السامية، و الذين يستجيبون لمعاييرها الدقيقة الصارمة، و تقصي الذكور العاديين البسطاء الذين لا يصلحون لشيء.

و نلاحظ أن أعدادا كبيرة جدا من البنات قد بدأن يهجرن فيسبوك إلى إنستغرام، لاعتقادهن أن فيسبوك مليء بالدهماء الغوغاء الهمج الرعاع فقط، بينما إنستغرام يتواجد به القشدة الطرية للمجتمع من أثرياء و مشاهير.

فتجد أن الفتاة تشارك منشورات عادية جدا على فيسبوك من قبيل الآيات و الأحاديث و الأدعية و الحكم، بينما هي في نفس الوقت تشارك صورا مثيرة و ڤيديوهات جذابة لمفاتن جسدها على انستغرام علها تصطاد ثريا يحقق لها رغباتها.

و البعض منهن تكتب على حسابها جملة: "لا أضيف الرجال" أو "الخاص مهمل" و هي تقصد طبعا أنها لا تريد تضييع وقتها مع الدجاج، فإذا كنت نسرا فتفضل و إلا فالزم حدودك.

أما فئة أخرى فإنها في مقتبل عمرها تنشر صورا لجميع مفاتن جسدها حتى إذا اقتربت من سن الثلاثين و لم تنجح في اصطياد سيد الرجال فإنها تغير الخطة و تبدأ بنشر صورها بالحجاب أو النقاب لعلها تصطاد ضبعا مفتونا بالمظهر و غافلا عن الجوهر .

و الأنثى حينما تدخل في علاقة جادة مع رجل ما فإنها لا تكتفي به هو وحده، و إنما تجدها تتحدث مع ثلاثة أو أربعة آخرين غيره من باب الاحتياط، فإذا لم تنجح في الزواج بالأول فقد تكون من نصيب الثاني أو الثالث أو الرابع، فهي لا تضع كامل بيضها في سلة واحدة، و لا تراهن بجميع أوراقها على ذكر واحد، قد يكمل معها و قد يتركها في منتصف الطريق.

و خلاصة القول أن المرأة لا تشعر بالوحدة أبدا مثل الرجل، لأنها تحصل على الاهتمام أطنانا و تتلقى الاعجاب قناطيرا مقنطرة عبر وسائل التواصل، عكس الرجل الذي لا يأبه أحد لمنشوراته العلمية مهما بلغت فائدتها و منفعتها، و الدليل على هذا أنك تجد عالما أو دكتورا يشرح و يحلل و لا أحد يلقي له بالا، بينما تجد في المقابل إحداهن تنشر صور مفاتنها فتحصد آلاف الاعجابات و التعليقات دون أدنى جهد يذكر

الجمعه دى لازم أهم يوم في المقاطعة استحمل وخليك ايجابي🚫

من داخل محكمة الأسرة ..
نامي يا صغيرتي لحين إكمال والديك مرافعتهما بغرض الطلاق ..
فأمك تستطيع أن تدفع الكثير من المال حتي تثبت أن أبيكٍ ميسور الحال و أن لديه السيارة و الأموال ..
و أبيكٍ يستطيع أن يدفع الكثير لإثبات أنه لا يعمل و ربما يترك عمله كي يصبح بلا شغل حتى تنتهي التحريات بأنه بلا عمل و بلا أموال ..
نامي و أعلمٍ أن ذنبك الوحيد أن هذا أباك و هذه أمك ..
نامي حتى ينتهوا من إستكمال إجراءات سكنك مع إحداهما أو مع أجدادك أو في تقاطع أحد الطرقات ..
إذا لم تكونوا أهلاً للزواج لا تنجبوا أطفالاً لا ذنب لهم سوي أنهم نتاج لحظات سعادة في غرفة المنام عشتوها مع بعضكم ..
إما أن تكونوا أهلاً للإنجاب أو لا تنجبوا أبداً .........

🚫 الفسيخ داخل المقاطعة علشان السمك الى في الاسواق
كله داخل مرحله الفسيخ مقاطعة لنزول الاسعار 🚫

شوفتو حمله المقاطعه بتجيب نتيجه كويسه ازاي 🤷🐟
حملة مقاطعة شراء الأسماك ببورسعيد🐟💪
جابت نتيجه كويسه ازاي شابووه شعب بورسعيد 👏
الاسعار نزلت ازاي 👇

البوري الكبير كان بــ ١٢٠ جنية بقي 👈 ٦٠ جنية
الشبار الكبير كان بــ ١٠٠ جنية بقي 👈 ٣٠جنية
الشبار الوسط كان ب٨٠ جنيه بقي 👈 ٢٠ جنيه
الشبار الجوابي كان ب١٥٠ جنيه بقي👈 ٧٠ جنيه

سوق السمك خالى من المواطنين فى أولى أيام مقاطعه الإسماعيلية بالإسماعيلية.
خلى بالك لو فكرت تروح تشترى سمك مش هيبقى طازة وهيبقى بايت وغالى لأن التجار مش هيرموا القديم ويخسروا ويروحوا يجيبوا جديد.
بدأنا فى حاجة يبقى نكملها للآخر.

#شير فى الخير.

‼️علموا أولادكم
علم إبنك.. إنه لو معزوم عند حد
❎مايروحش فاضي، ومايخدش معاه شخص متعزمش
✅ويروح في ميعادة لا بدري ولا متاخر
✅ ويلبس كويس وريحته تكون حلوة عشان يوصل للي قدامه انه بيحترمه ومقدره
❎ ومايدخلش البيت بالجزمة أو الكوتشي حتي ولو صاحب البيت طلب ده
✅وإنه يخبط وياخد جنب "يمينه او شماله" المهم مايقفش في وش الباب 👌عشان مايجرحش اهل البيت
✅وياكل الموجود من غير ما يطلب أصناف مش محطوطة حتي ولو مخلل
✅وياكل من غير صوت للمضغ، ويقفل بقه وهو بيمضغ
❎ ومايختارش المكان اللي يقعد فيه، ولكن يقعد مطرح ماصاحب البيت يقعده👌 لأن كل واحد أدري بخصوصياته
✅ وياكل براحته عادي من غير كسوف👌ولو مش عاجبه حاجة في الاكل✋مايقولش وياكل من اللي عاجبه بس
✅ وماينساش يشكر اللي عزمه ويدعيله بزيادة الخير، ويوصل السلام للام أو الزوجة اللي ظبخت وإنه قد ايه أكلها جميل
❎ ومايقومش يغسل غير لو صاحب البيت أذنله، واما يغسل👈 يتأكد إنه نضف الحوض وراه وماسبش أي بواقي أكل، ويفرد الفوطة بعد ما ينشف بيها
✅ويمشي موطي ومايبصش علي تفاصيل الشقة اللي دخلها
👌ولو معزوم مع حد وقام يغسل زيه مايقعدش مكان اللي قام لأن ده حق غيره
👌ولو هيصلوا في البيت إبنك مايصليش إمام إلا لو صاحب البيت طلب منه ده
👌 ولو دخل ولقي ناس بتتكلم في موضوع من الادب إنه مايغيرش فجأه الموضوع اللي بيتكلموا فيه، ولا يقطع كلام حد ويتكلم هو👈 لأن ده بيقلل احترامه
👌 وإنه يستأذن قبل مايمشي، ولو صاحب البيت صمم يقعده يقعد ويجبر بخاطره
👌ولو هيخرج يعلي صوته وهو خارج عشان اهل البيت يستعدوا لخروجه
✅ ويدعي لصاحب البيت وهو خارج بالبركة والسعة
👌ولو قابل الأم أو الزوجة ضروري يشكرها ويمدح في أكلها وكرمها.

👌والعزومة الجاية أكيد هتكون 👈علي ابنك 😌
‼️علموا أولادكم اداب الزياره
دمتم في سعادة دائمة🥰