Dr. Ethar Jawad
صيدلانية..هدفي التوعية عن العناية بالبشرة والشعر.
البوست يمكن يكون طويل شوية، لكنه مهم ومفيد بإذن الله
أساس علاج أي مشكلة تخص البشرة أو الشعر ، تبدأ من التوصل للسبب الأساسي لها..
يعني مينفعش نرشح أي منتج من غير ما ناخد History كويس من البيشنت
ف تساقط الشعر أنواع ، سواء وراثي أو تفاعلي
بمعنى في نقص لفيتامين دال أو انيميا ولا لا ، وجود القشرة عامل مهم جدا في التساقط وإضعاف منبت الشعر.
والسبب الأهم والرئيسي المشترك في معظم الحالات هو ال Stress للاسف ، قادر إنه يُسبب ويزود التساقط بشكل ملحوظ.
وبعد علاج أي سبب مما سبق ذكره فوق، ممكن نرشح:
- لوشنز تساعد ع تغذية الفروة وإنبات بيبي هير
- قص الأطراف المقصفة باستمرار.
- علاج القشرة ( هتكلم عنها البوست الجاي )
- تناول فيتامينز ومكملات غذائية لمدة لا تقل عن 6 شهور مع الاهتمام بالتغذية السليمة.
- عدم الإفراط في استخدام المنتجات، لأنها بجد بتقلب بنتيجة عكسية.
- عدم إجهاد الشعر بالصبغات والحرارة المتكررة.
- استخدام leave in cream or serum مناسب وبكمية بسيطة توزع ع الشعر بعيدًا تماما عن الفروة ويفضل 3 مرات أسبوعيًا بس.
- واخيرًا، مهما استخدمنا من منتجات قيّمة أو غالية وفي مشاكل كتير داخلية وبنستخدم المنتجات غلط، لن يُجدي استخدامها أبدًا.
وافتكروا دايمًا إن ال باظ مننا في سنين، عمره ما هيتصلح في أيام ولا شهور قليلة، فالصبر مهم عشان نوصل للنتيجة المطلوبة.
بما إننا في الشتا فمعظمنا تقريبا بتواجهنا مشاكل في بشرتنا أو شعرنا.
وغالبيتنا بيتجه للبرودكتس وبيعتمد عليها هي لوحدها
بس للاسف مهما كانت قيمتها أو جودتها مش هتعمل أي حاجة لو:
1) مش بنشرب ماية كويس، لأن الماء أساس صحة كل شيء
أو
2) لو عندك نقص فيتامينز أو أنيميا أو حالات مرضية معينة
ودي طبعا لازم تستشير فيها طبيبك الأول وبتبينها التحاليل
فنصيحتي الوقتي إننا نهتم بالأساس عشان الشعر والبشرة مش بس بيحتاجوا تغذية ظاهرية لكن كمان محتاجين تغذية من الداخل.
بحب المنتجات الكورية فعلا لأن منتجاتهم جميلة وجنتل واتشهرت آخر فترة اوي
غسول الحلزون بيتميز بترطيبه وتحكمه في إفراز الدهون
وبيهدي البشرة فبالتالي مناسب للبشرات الحساسة.
سعره في العرض 170 بدلا من 190 ✨
أهم حاجة في الصيف هو الصن بلوك بجد
من غيره الشمس ممكن تحرق الجلد حرفيا
دا غير إن التعرض المباشر لأشعة الشمس الحامية بيفقد الجلد مرونته بمرور الوقت وبيسرع من ظهور التجاعيد!
عشان كدا لازم نحط مقدار إصبعين قبل التعرض للشمس بربع ساعة ويتم التجديد كل ساعتين
ولو عالبحر يبقي نجدده كل ساعة.
بوباي لطيف خصوصا الجل، ناس كتير شكروا فيه فعلا وامتصاصه جميل ومش بيسبب طبقة بيضا
مناسب للبشرة الدهنية والمختلطة.
سعره في العرض 190 بدلا من 220 ✨
بداية من الأسبوع دا ولآخر الأسبوع هعمل عروض ع منتجات مهمة وكتير مننا بيحتاجها وتمنها فيها ✨
شان عملت مرطب للجسم وكمان ينفع للبشرة المختلطة والدهنية والحساسة لانه خالي من العطور
وفيه سيراميدز وهيالورونيك اسيد بيعززوا الترطيب
وبجد أكتر من رائع عن تجربة شخصية
أول منتج مصري يثبت فاعليته في الترطيب بالشكل دا
يعتبر بديل للسيرافي المستورد وبنص تمنه حرفيا
ب 170 بدلا من 190 ✨
مساء الخير 💞
كان هدف إنشاء الصفحة من البداية هي التوعية فيما يخص مشاكل الشعر والبشرة
وترشيح منتجات مناسبة لكل حالة
بس كتير طلب مني إني اوفر المنتجات دي وبصراحة مكنتش الفكرة في دماغي
لكن حاليا بعد ارتفاع الأسعار واستغلال بعض السيلرز الاونلاين أو حتى الاوفلاين الموضوع بقى مكلف اوي
فأنا دورت ع مصادر كتير وقدرت اوفر اكتر من مكان ثقة ممكن اتعامل معاه واوفر لكم المنتجات دي بسعر مناسب جدا إن شاء الله وهبدأ في نطاق المنصورة الاول كتجربة يعني وممكن نبدأ ننزل هنا بعض المنتجات ال كتير مننا بيحتاجها
لو حابين تسألوا عن أي حاجة أنا معاكم 💞
معلومة مهمة نكون عارفينها
إن قبل ما نروح ندور ع منتجات عناية بالبشرة والشعر
نبص الأول ع تغذيتنا هل مناسبة ولا لا
وهل بنشرب ماية كافية ولا لا
لأن التغذية والماية من أهم الحاجات ال بتأثر ع جميع وظائف الجسم بشكل عام
والفيتامينز كمان مهمة لكن مش عمال ع بطال
لأن قليل أوي لما بيبقي في نقص فيها، فدايما قبل ما تاخدها شوف جسمك ناقصه إيه وعوضه عشان متاخدهاش عالفاضي وتضر جسمك.
المينوكسديل ملوش بديل
مفيش بديل للمينوكسديل
بديل للمينوكسديل مفيش
أي حد يقولك غير كدا متصدقهوش ، لحد الوقتي فعلا مفيش منتج زيه فعّال في علاج الصلع الوراثي
أي كلام غير دا يبقى تجارة وضحك ع الناس مش أكتر!
وطبعا المينوكسديل لازم يتصرف تحت إشراف الطبيب المختص ويكون فعلا indicated للحالة مش أي حاجة !
المينوكسديل✨
يمكن البوست يكون طويل لكن مهم جدا..
أفضل علاج لتساقط الشعر الوراثي
لازم دكتور جلدية ال يوصفه بعد ما يشخص الحالة فعلا
للاسف كتير من الدكاترة مش بيعملوا patient counseling صح ، ودا بيأثر ع العميل بشكل كبير
أهمهم إنه ممنوع يقع ع الوجه لأنه بيطلع الشعر جدا فساعتها السيدات هتعاني من الموضوع دا
احتمالية إنه يسبب قشرة كبيرة ، فلازم نستخدم شامبو مناسب معاه
لو حد تحسس من الاسبراي ال في صورة solution ساعتها هيلجأ للنوع ال foam .
الصلع الوراثي هو مرض مزمن ، يستلزم العلاج تقريبا مدى الحياة
ممكن الدكتور يبدأ بجرعة معينة فالاول وبعدين يقللها تدريجيا ، إنما مش بيقف نهائيا !
لو وقفته شعرك هيرجع يقع فعلا ، مش عشان هو السبب، إنما بسبب إنك بتعاني من صلع وراثي وزي ما قلنا هو مرض مزمن.
الصيدلي دوره مش مجرد يصرف الدوا ، إنما يوعي المريض لو الدكتور نسى أو تغافل عن حاجة زي دي.
معاكم في أي استفسار ❤️
ناس كتير بتيجي الصيدلية تشتكي من قشرة شديدة لونها أصفر غالبا ومهما يعملوا مش بتروح !
وكمان مش بتقتصر ع الفروة بس ، لكن بتمتد للحواجب وسوالف الشعر كمان.
دي ببساطة فالغالب بتكون اكزيما دهنية وللاسف بتتواجد كتير فالشتا وملهاش علاج نهائي لكن ممكن نتحكم فيها.
استخدام شامبو يحتوي ع كيتوكونازول زي nizapex يوضع لمدة خمس دقايق ع المناطق دي ويتغسل بعدها.
وممكن استخدام ع الحاجب كريم candicure D مرتين يوميا لمدة أسبوع فقط ، هتلاقي فعلا نتيجة مرضية.
ومتنسوش ترطبوا دايما فالشتا.
شوفت من شوية وصفة لتقليل نمو الشعر وكمان بديل ممتاز لليزر ، عبارة عن بطاطس مهروسة وعسل وعصرة ليمون
وطبعا المشاهدات عليها قوية جدا
أحب اقولكم إن الوصفة دي متتحطش ع الجسم ابدا ،المفروض تجيب رغيف بلدي وتاكلها أفيد لك بجد 😂
جماعة انتو ازاي بتصدقوا الحاجات دي او الزيوت المروج لها بقدرتها ع وقف نمو الشعر وكمان بتكون طبيعية ١٠٠%
مش بعتقد ابدا في الكلام دا ، وال عنده دليل ع صحتها أو الميكانزم ال بتشتغل بيه تمام يجيبه ونشوفه
لكن كفاية فتي واستخفاف بعقول الناس رجاءا..
مساء الخير يا حلوين ❤️
لو حد جالك الصيدلية وبيشتكي من حبوب في وشه ، ازاي ممكن تتعامل معاه ؟
مبدأيا كدا لازم نفرق بين أنواع الحبوب وإذا كانت فطرية أم بكتيرية
تعرف إيه الروتين ال ماشي عليه من غسول ومرطب
بقالها أد إيه وعددها كام اقل ولا اكتر من ١٠ عشان بيفرق
نوع البشرة إيه ، دهنية ولا جافة " آه ممكن جافة يطلعلها حبوب عادي لقلة الترطيب المناسب متستغربوش" .
طبيعة الأكل ، الحالة النفسية ، هل تم استخدام منتج جديد
في أسئلة كتير اوي لازم إجابة لها عشان نقدر نحدد العلاج المظبوط أو نعمل refer لدكتور الجلدية حسب الحالة.
معاكم في أي استفسار ❤️
مين قال إنه عشان أحصل ع نتيجة كويسة ومُرضية ، يبقي لازم اجيب براند أو حاجة مستوردة وتكون غالية جدا !
في كتير منتجات مصرية وحقيقي جميلة جدا سواء منتجات خاصة بالشعر أو البشرة
زي منتجات شركة حياة ، عندهم اكتر من برودكت كويسين جدا للجسم
وكلاري كويس جدا للشعر واسعاره كويسة وغيرهم كتير
المهم الاستمرارية واختيار المنتج المناسب لكل حالة.
معاكم في أي استفسار ❤️
مساء الخير يا حلوين ❤️
معلومة غايبة عن ناس كتير اوي ، كتير مننا بيعتقد إنه طالما بشرته فيها حبوب يبقى يجيب غسول للبشرة الدهنية فيُفاجىء بظهور حبوب اكتر وبشرته تبوظ اكتر !
تحديد نوع البشرة من أهم خطوات العناية بالبشرة.
ممكن حد بشرته تكون جافة وفيها حبوب اصلا وساعتها من الخطأ إنه يستخدم غسول البشرة الدهنية لأنه هيزود الجفاف وبالتالي الحبوب هتزيد.
معاكم في أي استفسار ❤️
معلومة ضروري نكون عارفينها
مفيش حاجة اسمها كريم تفتيح للركب والاكواع خصوصا لو درجة الاسمرار عالية.
الاول بنعمل جلسة تقشير بارد عند دكتور جلديه متخصص وبعد كدا بنكمل بكريمات التفتيح للحفاظ ع النتيجة.
مع الالتزام بالترطيب اليومي ومنع الاحتكاك.
معاكم في أي استفسار ❤️
مساء الخير يا حلوين ❤️
كان هدف إنشاء القناة التوعية في مجال البشرة والشعر
هل حابين نزود حاجة تانية مثلا نتكلم فيها ونتناقش سوا ؟
ياريت تشاركوني هنا فالكومنتس ❤️
قبل أي خطوة لتفتيح الوجه، يجب الالتزام بواقي الشمس وتجديده كل ساعتين
ساعتها نضمن لك نتيجة مرضية في التفتيح.
مساء الخير يا حلوين ♥️
مفيش حاجة اسمها كريم تفتيح يعطي تأثير خلال أيام.
لازم الالتزام بروتين يومي من واقي الشمس وكريم تفتيح مناسب لمدة لا تقل عن شهر أو شهر ونص عشان نبدأ نشوف نتيجة مُرضِية فعلا.
معاكم في أي استفسار ❤️
كل عام وأنتم بخير عيدكم مبارك ❤️
بمناسبة العيد، حابين نقولكم إن الاستشارة المجانية بقت متوفرة عندنا في الصيدلية كمان ونقدر نساعدك ع اختيار المنتج المناسب ليك.
هنستنى تشرفونا ❤️
خلينا متفقين إن مفيش كريمات مهما وصل تمنها إنها تعالج التجاعيد والخطوط الرفيعة.
لكن بالالتزام بالمرطب وواقي الشمس المناسب بنضمن لك تأخر ظهور علامتهم ونضارة البشرة.
معاكم في أي استفسار ❤️
ومتنسوش الاستشارة مجانية فيما يتعلق بالشعر والبشرة.
ريفيو النهاردة عن غسول مشهور من شركة بايودرما المعروفة
مكتوب عليه مناسب للدهنية والمختلطة،
لكن للاسف لو مختلطة مائلة للجفاف مش هيناسبها إطلاقا وهينشف الوش جدا.
فأنا شايفاه مناسب للدهنية بس أكتر.
ومش بيقلل من ظهور الحبوب ولا حاجة.
ريفيو النهاردة عن صن بلوك حقيقي جميل جدا.
صناعة كورية وتكلفته متوسطة بالنسبة لأسعار الباقي. وحمايته عالية
بيحتوي ع الالوفيرا ال ليها دور في تهدئة الالتهاب.
الجميل بقي إنه مناسب لجميع أنواع البشرة.
ممكن البشرة الجافة تحتاج ترطب قبله بس بعشر دقايق.
معاكم في أي استفسار ❤️
هل لازم مع كورس علاج الشعر ناخد مالتي فيتامينز وخصوصا ال biotin ؟
الإجابة لا !
المفروض مناخدش أي فيتامين إلا لو ثَبُت بالتحاليل إنه ناقص فعلا ، وبالمناسبة نقص البيوتين نادر والكمية ال بنحتاجها منه ممكن ناخدها من أكلنا!
طب حاجة زي السيلينيوم والزنك لو زادوا عن الطبيعي بيؤدوا إلي تساقط الشعر أصلا
وبالمناسبة هم موجودين في أغلب المالتي فيتامينز المشهورة
من الآخر متاخدوش دوا من نفسكم لأنه ممكن يضركم
حتى لو كان فيتامينز.
معاكم في أي استفسار ❤️
ومتنسوش الاستشارة مجانية فيما يتعلق بالشعر والبشرة.
إيه رأيكم في فيتامينات الشعر زي بيرفكتيل وبانتوجار وسنترم ؟
وال له تجربة مع أي فيتامينز ياريت يشاركنا
واستنوا بوست مهم جدا الفترة الجاية ✨
معاكم في أي استفسار ومتنسوش الاستشارة مجانية فيما يتعلق بالشعر والبشرة ❤️
هل السلفات مضر للشعر؟!
سؤال كتير بيتسأل وفعلا مفيش كلام علمي أثبت إنه مضر
بل بالعكس هو خيار مفضل لفروة الرأس الدهنية وممكن تستخدمه مرتين فالاسبوع لو القشرة جامدة ، ولو متوسطة يكفي مرة واحدة.
الفكرة إن الناس بتستخدمه غلط ، بتجيبه ع الشعر نفسه ودا بينشف الشعر جدا ، المفروض يتحط ع الفروة فقط من دقيقتين لخمس دقائق ويتغسل كويس بعدها ، بينما الشعر بيتم غسله بالبلسم عشان مواد الترطيب ال فيه.
يفضل تغيير نوع الشامبو عامة كل ٣ شهور لنتائج أفضل.
معاكم في أي استفسار ❤️
ومتنسوش الاستشارة مجانية فيما يتعلق بالشعر والبشرة.
كتير جدا من البنات بتجيلي وتشتكي من تساقط رهيب وفراغات في شعرها
وطبعا بتروح لدكاترة تكتبلها مينوكسديل المعروف في حالات الصلع الوراثي.
وطبعا مش كله بياخد history من البيشنت ولا بيعملوا تحاليل ،لمجرد إن التساقط كتير!
ودا خطأ كبير جدا بجد، لأن فعلا أغلب الحالات ال قابلتها لاما انيميا أو نقص فيتامينز أو في الأغلب عاملة بروتين أو صبغة المعروفين إنهم بيدمروا الشعر ع المدى البعيد اول ما يروح تأثيرهم!
رجاءا روحوا لحد فاهم أو موثوق فيه لأن في بعض العلاجات مينفعش نوقفها من نفسنا ولا ناخدها اصلا لو مفيش حاجة لدا
معاكم في أي استفسار ❤️
ومتنسوش الاستشارة مجانية فيما يتعلق بالشعر والبشرة.
إيه فايدة كريمات العين؟!
ببساطة أغلب ال فالسوق المصري بيعتمد فقط ع الترطيب ، والترطيب مهم جدا خصوصا لو في مبادىء تجاعيد أو خطوط رفيعة.
بس في كريمات فيها مواد فعالة زي الريتينول للتجاعيد ، وكمان الكافيين عشان الانتفاخات ال تحت العين.
طب ينفع استخدم المرطب بتاعي بدل ما اجيب كريم مخصوص؟!
اه ينفع خصوصا لو القوام بتاعه خفيف زي CeraVe moisturizing lotion ، ساعتها هيرطب كويس وهيحمي الجلد من ظهور التجاعيد ال ممكن تنتج من الجفاف.
معاكم في أي استفسار ❤️
ومتنسوش الاستشارة مجانية فيما يتعلق بالشعر والبشرة.
ناس كتير بتحب تدخل السيرم في روتينها اليومي، لكن مبتبقاش عارفة تستخدمه ع بشرة مندية ولا جافة؟!
الحقيقة إن الموضوع بيتوقف ع تركيب السيرم ، يعني لو التركيب أساسه مواد مرطبة زي سيرم الهيالورونيك يبقي الأحسن يكون ع بشرة مندية.
إنما لو فيه مواد فعالة ومواد مقشرة فالأفضل يبقى الجلد جاف.
معاكم في أي استفسار❤️
ومتنسوش الاستشارة مجانية فيما يتعلق بالشعر والبشرة.
ازاي تبوظي بشرتك ؟!
-متغيريش كيس المخدة ال بتنامي عليه كل أسبوع مرة.
-متغسليش الصن بلوك لما ترجعي بالغسول.
-تستخدمي سكين كير برودكتس كتير.
- تستخدمي سكراب لوشك فيه سكر او حبيبات.
من أجمل الريفيوهات ال جاتلي حقيقي ❤️
أكتر حاجة بتسعدني لما ألاقي نتيجة مُرضية للي معايا ، حقيقي دا أهم شيء عندي ، ودا كان هدف إنشاء الصفحة من الأساس.
بفرح لفرحتكم ودايما هكون معاكم في أي وقت ❤️
Click here to claim your Sponsored Listing.
Category
Contact the business
Telephone
Website
Address
Opening Hours
9am - 9pm |