Dr. Mohamed Mohsen - د. محمد محسن

⛔⛔
الاخوه الأعزاء متابعي الصفحة الكرام انا بعتذر لكم جدا عن غيابي عنكم الفترة الماضيه لانشغالي شوية بالعمل لكن يبقى تواصلي معكم شيء محبب جدا لنفسي ..
👈 انا انهارده مش حابب اطول عليكم ولكن حبيت ابشركم ان العالم والأطباء فعليا على وشك الاعلان عن لقاح آمن وفعال في مواجهة مرض -19 والحقيقة أن إنجاز شركة #مودرنا الأمريكية وشركة #فايز الامريكيه بالتعاون مع شركاء انجليزي وألمان هو بشرى مهمة للبشريه أن الوباء قارب على الانتهاء بإذن الله تعالى ..
👈 صحيح أن في بعض المشاكل والصعوبات في التصنيع والتخزين والجرعات التنشيطية لكن خلال شهور بسيطه أن شاء الله هنقدر نتخطى الصعوبات دي.
انا بوعدكم اني قريبا جدا هجهز موضوع علمي بالطريقة البسيطة اللي اتعودتو عليها معايا عن تفاصيل هذا الاكتشاف العلمي ومقارنه بين الأنواع وكمان مدى أمان وفعالية هذه اللقاحات بإذن الله تعالى وربنا يسلمنا جميعا من هذا الوباء..

⛔⛔
أعتقد إننا في مصر بقالنا حوالي أسبوعين بنشهد نشاط ملحوظ لزيادة أعداد حالات الكورونا..
صحيح نسب الشفاء عاليه والمرض أخف كتير في الأعراض لكن يظل كبار السن وأصحاب الامراض المزمنه زي السكر وأمراض الكبد والكلى والضغط معرضين للخطر بشكل كبير..
احتياطات العدوى مهمه جدا للمحافظه على نفسك ومن حولك وأهمها #الكمامه و #التباعدالاجتماعي.. ولو سبق لك الاصابه ماتآمنش لانك احتمال تصاب تاني بسلاله مختلفه من الڤيروس ولازم كلنا نخلي بالنا الخطر لسه قريب جدا ..

مع الاسف لبنان بيدفع ثمن الفوضى وحكم الميليشيات .. عزاءنا لأهالي الضحايا والحزن يملأ قلوبنا على هذا البلد العربي العزيز وسائر البلاد العربيه اللي بتعاني من الفوضى هذه الأيام 🥺

⛔⛔ هل من مرض كوفيد -19 آمن ولا لأ ؟
👈 حسب دراسات أجريت قدرت تحدد إن مع بداية استخدام البلازما في علاج المصابين كانت نسبة الوفيات عالية بين المجموعة الأولى ودا كان بسبب إن كمية البلازما كانت غير كافية في الوقت ده وتم استخدامه للمرضى في وقت متأخـر من مرضهم.

بعد كده قلت النسبة تدريجياً لحد ما أثبتت فاعليتها بنسبة كبيرة في العلاج وأمانها الكامل، والملاحظ انه كان لأكتر من سبب وهو إن أصبحت البلازما متاحة بكمية مناسبة وبيتم استخدامها للمصاب في وقت مناسب لمرضه قبل تدهور الحالة المرضية بالإضافة للوعي عند المصابين واللجوء للمستشفيات قبل زيادة حدة المرض وبالتالي بيكون في فرصة مناسبة للعلاج.

كل عام وجميع المصريين والاخوه العرب والمسلمين جميعاً بخير وسعاده وعيد اضحى مبارك

⛔⛔
كتير من الناس مفكر نفسه لو لابس #الكمامه بقى خلاص محمي ودا كلام غلط ..
🔴🔴 انت ممكن تكون لابس الكمامه وتتعدي بكل سهوله .
👇 في الصوره موجود خمس حالات :
واحد مريض وواحد سليم والاتنين مش لابسين كمامه ومش واخدين احتياطات المسافه الآمنه وكده نسبة العدوى اكتر من ٩٠٪
مهمة جدا لأنها اكتر حاله شبه اللي بيحصل مع ناس كتير مننا كل يوم .. الشخص السليم لابس كمامه والمصاب هو اللي مش لابس وكده برضه نسبة العدوى كبيره.
الشخص المصاب لابس كمامه والسليم مش لابس وهنا نسبة العدوى اقل من السابق بس مازالت نسبه عاليه.
الشخص السليم والشخص المصاب لابسين كمامات ودا كلام كويس لكن مش واخدين احتياطات التباعد بينهم والمسافه بينهم قريبه جدا وهنا مازالت في نسبه ضعيفه للعدوى حتى لو الاتنين لابسين كمامات.
الاتنين لابسين كمامات وواخدين بينهم مسافه آمنه حوالي ١.٥-٣ متر يبقى كده انعدمت فرصة العدوى من الشخص المصاب للسليم بإذن الله .
🔴🔴 نتعلم من الكلام ده أن لبس الكمامه مهم جدا لكل الناس وكمان مهم جداً جداً التباعد والمحافظه على مسافه آمنه بينك وبين الناس وربنا يسلم الجميع من كل شر.

⛔⛔ لڤيروس كورونا
👈 لم يثبت علميا ان فى الدورة الحياتيه للفيروسات يوجد ما يسمى الموجه الثانيه لكن ما يحدث هو ما يسمى بالموجه الارتداديه لزيادة الإصابات كالتى تحدث حاليا فى اسرائيل وأمريكا والسعودية والإمارات وقطر وبعض دول أوربا وهى تحدث عادة لاسباب محدده اهمها التسرع فى رفع اجراءات الامان والشعور المبكر بان الجائحه قد انتهت او فتح السفر من والى البلاد.
👈 ويعود الاعتقاد بوجود موجه ثانيه الى جائحة التى ظهرت بين الجيوش اثناء الحرب العالميه منذ اكثر من 100 سنه فى ظل انهيارات اقتصاديه ومنظومات صحيه انهكتها الحرب . ولم يتم حصر الوفيات فى الجيوش بسببها , وبعد انحسارها عادت الجيوش الى بلادهم واسرهم بدون إجراءات احترازية ويحمل بعضهم المرض فعاد وانتشر بشده بين الناس وسمى هذا الانتشار بالموجه الثانيه للفيروس.
🔴🔴 لذلك وجب التحذير من التفاؤل والتسرع فى الاستغناء عن الكمامه والاجراءات الاحترازيه حتى لا تحدث موجه ارتداديه ويعود منحنى الاصابات للتصاعد.
ربنا يسترها على الجميع ويسلم بلادنا من شر الأوبئة.

⛔⛔ كلام بسيط بس مهم ..
👈 هو اسم شائع لمرض مزمن يؤدي لارتفاع نسبة سكر الجلوكوز في الدم أعلى من المعدلات الطبيعيه اللي الجسم محتاجها..
مرض السكر انواع متقسم كالتالي:
🔴 سببه نقص #الانسولين اللي بينتجه البنكرياس و غالبا بيكون في سن صغير ( اطفال او شباب ) والعوامل الوراثيه ليها تأثير كبير في حدوثه وعلاجه الأساسي حقن الانسولين وهو اكتر نوع معرض لحدوث المصاعفات.
🔴 سببه زيادة مقاومة الجسم ضد الانسولين وده اكتر نوع منتشر وبيجي اكتر في السن الكبير واهم أسبابه زيادة الوزن والاكثار من أكل النشويات والسكريات والدهون وعلاجه الأساسي الحبوب لكن أحياناً بنضطر ندي حقن انسولين للسيطره عالمرض.
🔴 وده ارتفاع السكر في الدم للامهات خلال فترة الحمل ( ) وممكن ينتهي مع الولاده او يكمل بنفس مسار النوع الثاني باستمرار.
🔴 وده حاجه مكتشفه جديده خاصه ببعض امراض المناعه وقليل الحدوث.
👈 علشان نشخص المرض ده لازم نقيس معدل سكر الدم ويكون صائم ٦- ٨ ساعات ونقيس تاني بعد أكل ٧٥ جم جلوكوز بساعتين وممكن نعمل منحنى السكر ولو الأرقام أعلى من المعدلات الطبيعيه بنسب بيحددها الطبيب يبقى لازم نعمل تحاليل أخرى زي ويسمى ايضا وده تحليل ممتاز وأهم واحد في تحاليل السكر للتشخيص والمتابعة لانه بيقيس معدل السكر في مدة ٣ شهور وكمان لازم نعمل تحاليل قياس نسبة الأنسولين وتحاليل وظائف الكبد وتحاليل الكلى واهمهم تحاليل بروتينات البول و تحليل الدهون لتقييم معدل مضاعفات مرض السكر وكمان مهم جداً المتابعه الدوريه مع طبيب كلى و طبيب مخ واعصاب لأن السكر بيأثر عالاعصاب وطبيب عيون لانه بيعمل مياه بيضاء وزرقاء لو أهملنا العلاج وتكون المتابعه مرتين سنوياً عالاقل لو الدنيا مستقره.
👈 مرض السكر هو مرض مزمن و تناول العلاج والمتابعة مع الدكتور شيء مهم ولكن الأهم أن المريض يحافظ جدا في الاكل وممارسة الرياضه أو عالاقل المشي وتناول الخضار والفاكهة الطازجه وياكل النشويات المفيده زي العيش السن وتقلل الزيوت والسمن النباتي ونستخدم زيوت صحيه زي زيت الزيتون والزيت الحار وزيت الذره وتمنع أو عالاقل نقلل تناول الحلويات بشكل كبير.
كمان المرض ده بيسبب ضعف في المناعه لذلك متابعه معدلات السكر واخذ الاحتياطات من الامراض المعديه زي ادوار البرد والكورونا والعدوى والتقرحات والجروح الجلديه مهم جدا.
👈 افتكر أن السكر مرض بسيط طول المريض ماهو محافظ وملتزم بالنظام الصحي السليم ومرض عنيف ومتعب جداً لما المريض بيكون مهمل في نظام الاكل ومواعيد العلاج..
ربنا يشفي كل المرضى ويرزقنا جميعاً الصحة والعافيه وأشوفكم في موضوع طبي جديد قريباً إن شاء الله..

⛔⛔ .. كلام مهم ..
حمد الله على سلامتكم أولاً.. اكيد كانت محنة وامتحان من ربنا ألف مبروك إنكم من اللي اختارهم ربنا للنجاة.. عايز في البوست ده أجاوب على أبرز التساؤلات .. ازاي نعرف اننا تعافينا هل بانتهاء الأعراض بس ؟ لحد امتى المصابين يبقو معديين للآخرين ؟ ازاي بالتحاليل والاشاعات نعرف اننا خفينا تماماً ؟ والسؤال الأهم ..هل ممكن المتعافي من كورونا يصاب تاني 🤔؟؟؟
👈 هلخص اجابات كل اللي بيدور في بالكم في النقاط التالية:
🔴 احتمال كبير أن اللي جالك سابقاً مش كورونا إلا إذا كنت اتأكدت بالتحاليل أو الاشاعات لان ناس كتير بيجيلها دور برد وياخد علاج ويخف ويفتكر أنه كورونا لذلك مش معنى انك خفيت انك تهمل في الحذر وماتلبسش الكمامه..
🔴 فيروس #الكورونا بيموت من مناعة الجسم خلال اسبوعين او تلاته من ( ) حتى لو تحليل البي سي آر بيقول نتائج مختلفه .. والقصه دي ليها نظريات طبيه كتير حتى لو الأعراض مستمرة زي الكحه أو فقدان الشم والتذوق فهي اعراض مضاعفات وليست اصابه ڤيروسيه نشطه.
🔴 الشخص المصاب معدي من تاريخ الإصابة ولمدة أسبوعين فقط من ( ) وبعد كده المريض غير معدي حتى لو الأعراض مستمره وممكن يمارس حياته الطبيعية ويخرج من العزل لو أحواله الصحيه كويسة بعد هذه المده لكن يفضل أنه يلتزم بالراحه كنوع من النقاهة لاستعادة كامل عافيته.
🔴 لازم لازم لازم نتابع كل اسبوع مره على مدار ٤ اسابيع تحليل D.dimer لتحديد جرعة علاج السيوله علشان مايحصلش جلطات رئويه لاقدر الله ويفضل المتابعه مع طبيب مختص.
🔴 الكحة والالتهاب الرئوي وفقدان الشم والتذوق اخر حاجة في الاعراض بتخف وممكن تستمر ٤٥ يوم وأحياناً اكتر بالرغم أن الڤيروس انتهى لذلك المتابعة بالاشعه مش كل اسبوع ولكن كل شهر .
🔴 تقدر تعتبر نفسك خفيت تماماً من الاصابه والمضاعفات ورجعت طبيعي لما تعمل تحاليل ( D.dimer, Ferritin, LDH ) وتطلع طبيعية بعد اسبوع من انتهاء اخر الأعراض ويفضل تعيدها كمان مره بعد اسبوع كمان وتكون صور الأشعة المقطعية على الصدر خالية من نقاط الالتهاب الرئوي المميزه للكورونا.
🔴 المعلومة الاخيره أن المتعافين من كورونا عندهم مناعه ولكن مش أكيد انها مستمره علطول وكبار السن والناس اللي عندهم امراض مزمنة زي السكر والضغط وأمراض الكبد والكلى ومرضى السرطان معرضين للإصابة مره تانية اكتر من الاخرين لذلك مش معنى انك أصبت بكورونا يبقى تهمل في إجراءات الوقايه المعتادة خليك ملتزم لأن في تفاصيل ومعلومات ونظريات كتير في إعادة الاصابه وفي حالات فعلياً ( حوالي ١٥٪ ) من المتعافين أصيبو تاني وهما صحياً ماعندهمش مشاكل في المناعه لذلك خليك حذر .
ربنا يشفي كل المرضى ويرحم المتوفين ويسلمنا جميعاً من شر الأوبئة والأمراض 🤲

⛔⛔
سمعت من بعض الاصدقاء عن حملات غريبة ومش مفهومة للتحذير ضد
باعتبار أن (اليوتيوب بيقول انها مش كويسة) وبنسمع أن التطعيمات بالحقن ( #سولك ) مسرطنة أو منتهية الصلاحية أو فيها مواد بتسبب العقم وفي الحقيقة كل هذا افتراءات مضللة عن غير علم..
القصة باختصار أن احنا عندنا ٣ أجيال من تطعيمات شلل الاطفال ..
🔴 وكان اول استخدام له سنة ١٩٥٠ وهو ڤيروس مضعف وبيؤخذ بالفم ووجدوا أن بيحصل منه مضاعفات شلل خطيرة بنسبة ٣ حالات في المليون ولا يستخدم الان.
🔴 وكان اول استخدام سنة ١٩٥٥ وهو ( #السولك ) بيؤخذ بالحقن وهو ڤيروس ميت ومعالج كيميائياً والنوع ده آمن و اقل انواع تطعيمات شلل الأطفال في حدوث مضاعفات ولا يسبب أي انواع من الشلل المرضي وتنحصر مضاعفاته احيانا في ارتفاع بسيط في درجة الحرارة أو في بعض الحساسية وفيه ميزة أنه بيتحمل ظروف التخزين والنقل السيئة وبيتحمل ارتفاع درجة الحرارة والرطوبة وأعتقد أن الميزة دي بتخلي الوزارة هنا في مصر تتجه لاستخدامه.
🔴 أول استخدام له كان سنة ١٩٦١ ( #سابين ) وبيؤخذ بالفم زي الجيل الاول لكن تم تحسين أداؤه وتقليل مضاعفات حدوث الشلل المرتبط بالتطعيم لأقل من حالة واحدة لكل مليون تطعيم وبيحتاج تخزين في الثلاجة وظروف نقل مناسبة علشان يفضل محتفظ بجودة تأثيره.
👈 في خطوات التصنيع بتكون المواد الفعالة مضاف ليها مواد حفظ ومواد حامله ممكن يدخل فيها بعض الكربوهيدرات أو بعض الأملاح المعدنية المسموح باستخدامها وبنسب غير مضرة ومدروس كويس تأثيرها على الأطفال..
وحالياً النوعين التاني والتالت مدرجين ضمن جدول تطعيمات منظمة الصحة العالمية ووزارة الصحة المصرية وتحت إشراف الجهات المسؤولة عن أمن وسلامة الدواء العالمية واستخدامهم آمن للأطفال وأرجو عدم التخلف عن الحملة بسبب الاشاعات لمصلحة اولادنا وربنا يسلمهم من كل سوء إن شاء الله.

عمي الطبيب والشاعر د. محمد محسن
اخر ما كتب قبل وفاته بساعات في رثاء نفسه وقد توفي فجأة منذ حوالي ١٢ سنة :

فلتكتبوني أتعس الشعراء ...
مات ولم يزل في القلب أزهار وماء..

عليه رحمة الله .. أسألكم الدعاء

⛔️⛔️ #الحكومة قررت تفتح الحياة ..انهارده ليلة الوقفة بتاعت نهاية الحظر..
هل اللي حصل ده صح ؟ هل الاعداد فعلاً بتقل ؟ هل احنا هنعرف نفتح ونتعايش مع الكورونا ؟
كل دي أسئلة بتدور في بالنا كلنا وخايفين ومحتارين هنقعد عالقهوة ونتعامل طبيعي ولا لأ‼️..
👈 الحكومة لازم تفتح .. مجبرين مش بمزاجهم لان حجم خسائر الاقتصاد في الإغلاق وتوقف الحياة فادحة وعندنا قطاعات عمالية كتير خلاص بيشحتو بمعنى الكلمة وكمان في استنزاف كبير للنقد الأجنبي دا غير ان توقف السياحة الداخلية والخارجية بتهدد الاقتصاد بشكل كبير .. وفي واحد عنتر يقولك وإيه يعني نخسر شوية فلوس ونفضل قافلين ‼️
🔴 لا يا باشا يساوي ديون خارجية يساوي علاقات دولية متوترة يساوي توقف المستثمرين الأجانب يساوي مشاكل سياسية وعسكرية يساوي صعوبة التعامل مع إثيوبيا وليبيا وارهاب ومشاكل لا يعلمها الا الله ..
🔴 انت كمواطن تعمل ايه علشان تقدر تتعايش مع الفتح زي ما كنت متعايش مع الإغلاق ؟؟
👈 خلونا نقول على المراجعة النهائية قبل امتحان نهاية الحظر بكره ان شاء الله والحكومة بتقول للناس كل واحد والتزامه وانت أدرى بمصلحتك ..علشان كده الإجابة النموذجية للامتحان ده هي #الكمامة مهمة جداً جداً جداً و تبعد عن الزحام ويكون بينك وبين اللي بتتكلم معاه مسافه ولما تروح القهوة ممنوع الشيشة وتحاول تشرب وتآكل في حاجات كرتون تترمي وماحدش يعيد استخدامها وتحاول تعمل حظر على نفسك بإنك ماتخرجش من بيتك الا للعمل والضرورة مش لازم يعني الحكومة تجبرك علشان تلتزم وكمان مهم جداً نقلل من التزاحم في المعازي ونأجل الأفراح والخطوبات شهرين كده مثلاً بعد إذن الحب لو سمحتو 😄
🔴 أخيراً احب أطمنكم مبدئياً احنا في العيادات والمستشفيات أعداد المرضى والحالات الخطرة قلت بشكل ملحوظ خلال هذا الاسبوع واحنا كأطباء بدأنا نلاحظ ده وهتلاحظوه انتم في الفترة القادمة ان شاء الله وانا مش بتكلم عن الأرقام الحكومية المعلنة انا بتكلم عن الوضع عالارض من مشاهداتي الخاصة ومشاهدات زملاءنا في مختلف المحافظات بس علشان اللي جاي يكون أحسن اعمل اللي عليك والتزم وحافظ على نفسك وأسرتك .. ربنا يسترها علينا كلنا

الطبيعة والغابات اتنفست لما التلوث قل في العالم ..
صورتي في القناطر الخيرية امبارح 😄😄

كلنا في كافة مجالاتنا جنود في خدمة الوطن ..
وقت الأزمات المصريين لازم يكونو إيد واحده في مواجهة أعداءنا سواء كان العدو مرض او وباء أو اعتداء على مواردنا الطبيعية او ارهاب او جريمة او فساد او أي شيء يضر مصر والمصريين ...🇪🇬🇪🇬🇪🇬

⛔️⛔️ ناس كتير بتسألني عن موضوع اعادة انتشار سلالة جديدة في الصين مسمينها الصينيين ..
الصينيين بيقولو انها ڤيروس جديد مش شبه اللي كان عندهم والفرق ان السلالة القديمة كانت بتعمل مشاكل في الكلى والكبد وكانت بتعمل التهاب رئوي بدون ماتعمل اعراض في الحلق وبيقولو ان السلالة الجديدة جاتلهم من برا الصين وأعراضها أخف لكنها بتعمل التهاب شديد في الحلق وصداع وتكسير في الجسم والتهاب رئوي وبتنتشر أسرع من القديمة لكن مش بتعمل مشاكل خارج الرئة زي السلالة اللي كانت عندهم في شهر ديسمبر في مدينة ووهان وكمان وفياتها اقل من اللي فاتت ..
👈 طبعاً اللي هيراجع منشورنا السابق اللي أنا نشرته في ١٥ مايو الماضي تفسير علمي وتوقع اللي حصل ده .. أرجو منكم اعادة قراءته وربطه بما يحدث اليومين دول ..
⭕️ ببساطة الصين انتشر فيها السلالة الجديدة اللي انتشرت عندنا وفي اوربا بسبب فتح البلد والاستيراد والمسافرين من اوربا اللي راحو الصين في الفترة الاخيرة ...

بنسمع اليومين دول عن لفظ غريب على الناس شوية وهو ( للڤيروس ) وممكن نسمع كلمات تانية مشابهة وهي ( #تطور أو ) ..

⛔️ انا هنا مش هتكلم بطريقة علمية معقدة وهحاول أبسط الفكرة زي مابنحكي حكاية..

🛑 تطور الڤيروس او تحور الڤيروس او الطفرات الوراثية للڤيروس هي ببساطة ان الڤيروس بيغير من صفاته مع الأجيال المتتالية منه لملائمة مناعة الناس علشان يقدر يقاوم ويستمر ..

👈 يعني لما الڤيروس يصيب شخص ويتعرض لهجوم من مناعة هذا الشخص بيبدأ يغير شكله وصفاته ويتطور ويتحور علشان يقدر يعيش ويتكاثر وينتقل لعدوى شخص آخر ..

⛔️⛔️ طيب هل الطفرات في العادة بتخلي الڤيروس اخطر على الناس ؟؟؟

👈لا مش دايماً ‼️. واللي هقوله ده ينطبق على معظم الڤيروسات بدرجات وأشكال مختلفة وهناخد مثال.. يعني في العادة الڤيروس الجديد بيكون شرس بس مش عارف بيعمل إيه لانه غريب في أرض جديدة بيتعرف عالناس لأول مرة فيعمل اعراض غريبة وكتير ومش مفهومة ويصيب #الكلى و #الكبد و و #العين و #القلب وكل حته ( متخبط ) مثال كده الجيل الاولاني اللي كان في #الصين.. وبعدين يبدأ ينتج جيل تاني بعد منه شرس جداً و عارف هدفه ومحدده كويس ( #الرئة ) وعنيف جداً بس خروجه برا الهدف ده قليل شويه يعني مش بيعمل مشاكل او مضاعفات كتير في الكبد والكلى وباقي الجسم زي الجيل السابق ودا اللي حصل في الجيل الڤيروسي التاني اللي أصاب أوربا وإيران وأمريكا وبعد كده الڤيروس بيتحور تحت تأثير المناعة بتاعت المصابين وينتج أجيال أقل شراسة لكنها أسرع في الانتشار ( نظرية المحافظة على البقاء ) وكل همه ساعتها إنه يتنكر ويتخفى من اجهزتنا المناعية علشان يحافظ على التكاثر والانتشار بأعراض مرضية بسيطة او حتى بدون أعراض خالص ( علشان ما يستفزش مناعتنا ) زي اجيال الكورونا اللي احنا بنشوفها حالياً في #مصر والمنطقة العربية مصابين كتير ووفيات الحمد لله قليلة.. وبعد كده تيجي مرحلة التعايش مع البشر زي اللي حصل في انتشار ٢٠٠٧-٢٠٠٩ و ٢٠٠٣ اللي بتيجي خفيفة كل كام سنة دلوقتي و مش مؤذية أوي زي المرات السابقة او ممكن يحصل إختفاء زي فيروس #سارس في ٢٠٠٢ اختفى والحمد لله مش بيظهر و نرجو من الله انه يكون اختفى للأبد.

⛔️ طيب ايه علاقة الطفرات بإنتاج #اللقاح ؟؟
👈 تابعونا في بوست قريب عن تفاصيل وعقبات انتاج اللقاحات 🌸🌸🌸

⛔️ بعض المصادر في أول تعليق👇👇

⛔️⛔️⛔️ ‼️
المناعة قصة وموضوع ومادة لوحدها بتدرس في كلية الطب ومش هتصدقوني لو قولتلكم ان كل ورقة مكتوبة في هذا العلم شيء يدعو للانبهار بقدرة الخالق عز وجل ..
ناس كتير مش فاهمة وبتسأل هو انا مناعتي كويسة ولا ضعيفة 🤔؟ هو ايه الاكل او الأدوية اللي بترفع المناعة 🤔؟
يالا نحكيها ببساطة زي ماتعودنا مع بعض ..
👈 #المناعة باختصار هي الجيش اللي ربنا خلقه علشان يواجه اي أعداء بتهاجم جسم الكائن الحي وربنا خلقها بميزان حساس علشان المناعة الضعيفة بتسمح للميكروبات انها تهاجم الجسم والمناعة الزايدة عن اللازم بتعمل أمراض #روماتيزمية و #حساسية زايدة..
🔴 ربنا بيخلق الانسان عنده خلايا المناعة لكن بتكون مش كلها مدربة علشان كده بيحتوي على مناعة مؤقته للطفل لمدة ٩ شهور لحد الطفل ماتبدأ خلايا المناعة بتاعته تدرب وتجهز لحمايته وتتعرف على الميكروبات اللي عايشة حواليه
🔴 وبالتالي المناعة حاجة بتكبر معانا وكمان بتعجز معانا علشان كده الاطفال وكبار السن اقل مناعة وكمان الأمراض المزمنة بتقلل المناعة زي مرض ارتفاع سكر الدم وارتفاع ضغط الدم وأمراض الكبد المزمنة وأمراض الكلى وغيرها
وهلخصلكم اهم أسباب تحسين المناعة في نقط سريعة :
➖ البعد عن التوتر والعصبية والضغوط النفسية والاهتمام بأداء الواجبات الدينية والتقرب لله
➖ النوم مبكراً ( قبل ١٠ مساءاً ) من ٦-٨ ساعات يومياً
➖ المشي والرياضة بشكل عام مهمة جداً لتحسين الصحة عموماً والمناعة خصوصاً
➖ البعد عن التدخين والتدخين السلبي
➖ البعد عن تناول المواد الكيماوية الضارة زي المعلبات والعصائر المعلبة والكولا والوجبات السريعة والأكل خارج المنزل عموماً والأدوية بدون وصفة طبية وحتى حبوب الڤيتامينات بدون وصفة طبية كمان ممكن تضعف المناعة وتأثر على الكبد والكلى
➖ شرب الماء من ٢-٣ لتر يومياً وكل السوائل الدافية
➖ الأكل المتوازن المحتوي على الخضار والفاكهة الطازجة وشرب الحليب وعسل النحل وتقليل اللحوم والدهون والنشويات والسكريات والملح
➖ اهم الخضراوات ( الليمون والفلفل الأخضر والطماطم والجزر والباذنجان والقرنبيط والبروكلي والمشروم والبصل والثوم والألياف الخضراء زي الجرجير والفجل والسبانخ وكل البقوليات )
➖ اهم الفواكه ( التفاح والبرتقال واليوسفي والجوافه والجريب فروت والقشطة والكاكا والتين والرمان والتمر والمشمش والخوخ والكيوي والموز )
➖ اهم التوابل والأعشاب ( الكركم وحبة البركة والجنسنج والزنجبيل والقرفة والريحان والكمون والكزبرة والبابونج والزعتر والحلبة والينسون والتليو )
وآخر الكلام انا بوصيكم في مواجهة #كورونا اعمل اللي عليك في اللي قولته لتقوية المناعة وابعد تماماً عن أي أدوية أو حبوب ڤيتامينات بدون استشارة طبية لان كل مريض وله ظروفه الصحية وربنا يسلمنا كلنا ..

🔴🔴🔴
أي أدوية أو حبوب ڤيتامينات ممنوع تناولها إلا بعد استشارة الطبيب لأنها مضرة وأحياناً قاتلة ..
كل مريض له ظروفه الصحية المختلفة والأدوية وحبوب الڤيتامينات بتأثر على الكبد والكلى واللي انت فاكره هيقوي مناعتك ممكن يكون السبب في انهيار المناعة وتناول الحاجات دي بدون وصفة طبية أشبه بالانتحار..

😡😡😡 اللي بشوفه وبسمع عنه في مناطق الأرياف والمناطق الشعبية اللي الناس بتبقى عارفه بعض فيها ان المتوفين بالمنازل بالكورونا مش لاقيين حد يغسلهم او عربية تنقل النعش للمقابر وأحيانا اهل البلد مش عايزين يدفنو المتوفي في مقابرهم شيء يدعو للاشمئزاز وعار علينا والله ‼️
⛔️ المتوفين لا ينقلو العدوى كلام على مسؤليتي وأنا متخصص في مجال الڤيروسات..
👈 المغسلين ياخدو احتياطاتهم ولبس كمامات وواقي شفاف عالعين وملابس بلاستيكية والغسل يبقى بماء مخفف بالكلور والتكفين العادي ثم كيس بلاستيك كبير او حتى كيسين جوا بعض ونرش بعد كده ماء مخفف بكلور وكفاية أوي كده وكتير كمان لو عملنا كده .. لكن اللي بنسمع عنه مهزله والله

السادة متابعي الصفحة الأعزاء أنا تحت أمركم جميعاً في الرد على الاستفسارات الطبية الخاصة بالعزل المنزلي للكورونا و التحاليل والأشعات في حدود علمي واستطاعتي على رسائل الصفحة الخاصة هرد في خلال ٢٤ ساعة او أقل ان شاء الله ونحتسب هذا المجهود لوجه الله تعالى مع خالص الأمنيات للمرضى بالشفاء العاجل

📛📛
سؤال كل الناس بتسأله لنفسها ولأصحابها وللدكاترة .. سؤال يبدو سهل بس أحياناً التفكير في الإجابة مخيف ‼️
طبعاً ڤيروس جديد على الاطباء واللي نعرفه عنه اقل من الحقيقة بكتير ولم يبح لنا بكل أسراره بعد ..
لكن انا هحاول أذكر أهم الأعراض السائدة اللي بنشوفها كتير وتقريباً كلها مشابهة لأعراض أدوار البرد والالتهابات الرئوية وحساسية الجيوب الأنفية ولكنها لو ظهرت بتبقى عنيفة شويه لكن برضه ممكن ماتظهرش والموضوع يمر بهدوء ..
- فقدان حاسة الشم والتذوق ودي علامة مبكرة ومهمة جداً وبتحصل كتير
- ارتفاع الحرارة في العادة مابين ٣٧.٥ - ٣٩.٥ درجة مئوية وبنقيسها أفضل بالترمومتر الزئبقي
- التهاب شديد جداً بالحلق مع ألم شديد وصداع وتكسير بالجسم وهمدان
- أعراض معويه زي القيء والمغص والإسهال
- سعال جاف مع ألم شديد بالصدر
- ضيق وصعوبة في التنفس
هتسألوني كلكم هل دول بس ؟؟ هرد وأقول دي ( أهم وأشهر ) الأعراض وفي غيرها كتير مش هنقدر نحصرهم وبما إننا في جائحة وطوارىء وظروف استثنائية لازم ناخد بالنا كويس بس بدون ذعر او ارتباك ..
🔴 لو حسيت بالأعراض أنا او حد من اسرتي أو أقاربي.. هقولك في نقاط سريعة واللي هقوله هي إجراءات احترازية سريعة لكن الأساس استشارة الطبيب ولو تلفونياً ..
- لو عرض او اتنين ظهرو فجأة مع تنفس طبيعي .. إلزم منزلك لا داعي للذعر ولا داعي للمستشفى واعزل نفسك عن اسرتك في غرفة جيدة التهوية ولو الحمام مشترك يتم تطهيره بالكلور المخفف واستخدم فوطة لوحدك وتغذية كويسة بدون إكثار من كمية الاكل مع تقليل السكريات والنشويات والإكثار من الفاكهة والخضار الطازج وعسل النحل وشرب سوائل دافية وراحة ونوم كويس ولو الحرارة مرتفعة ( بالترمومتر ) باراسيتامول ١٠٠٠ملجم كل ٦ ساعات وكمادات فقط وبالنسبة للأطفال يفضل استشارة طبيب الاطفال لتحديد الجرعات حسب الوزن والسن
- لو ازدادت شدة الأعراض شوية او ظهرت كل الأعراض مع تنفس طبيعي هيبقى كل ماسبق + #ڤيتامينات ( لا تؤخذ للوقاية ) اهمهم ڤيتامين (سي) وڤيتامين (هـ) والزنك ولاكتوفرين مع دواء مكمل غذائي طبيعي من الصيدلية لعلاج السعال ويفضل استشارة طبيب خاص تلفونياً في مضاد حيوي مناسب حسب الظروف الصحية لكل مريض والأكثر استخداماً هو زيثرومايسين ٥٠٠ ملجم مره واحده يومياً
- في حالة ظهور مع وجود زي السكر او الضغط او كان المريض من او كان في هنا لابد من التوجه للمستشفى سريعاً لاتخاذ اللازم طبقاً للبروتوكول المصري المحدد من وزارة الصحة .

👈 بشكل عام الكورنا كوڤيد ١٩ هو مرض غالباً ٨٠٪؜ يمر بدون اعراض او تحس بأعراض خفيفة جداً و قليل من الناس اللي بيحصل عنده مضاعفات لكنه كمان سريع الانتشار ويصعب التنبؤ بمشاكله وتأثيره ولم يكتشف له علاج او لقاح معتمد حتى الآن علشان كده ماتنساش ان طوق النجاة بعد المولى عز وجل متعلق في #الكمامة و و
ربنا ينجينا جميعاً ويرفع عنا الوباء ويحفظ أهلنا وأحبابنا إن شاء الله 🤲

⛔️⛔️⛔️
الصين عملت ايه في العالم ‼️ .. أمريكا رايحة فين⁉️ .. وباقي العالم خسايره وصلت أد إيه ❓
👈 من باب التنويع عايز أدردش معاكم شوية فيما نشاهده على الساحة العالمية في زمن الكورونا ..
⭕️ لا يخفى عليكم ان #الصين حتى الآن هي المستفيد الأكبر من اللي حصل بغض النظر عن نظرية المؤامرة انها صنعت او سربت الڤيروس متعمده او لأ ‼️.. لكن فعلياً زادت صادرات الصين الطبية وهيمنت على الصناعات الثقيلة وكمان شراء اسهم الشركات الأوربية والأمريكية في البورصات العالمية بأبخس الأثمان ولو الصين قدرت تصنع لقاح جديد زي الاخبار المتداولة الأيام دي يبقى نقدر نقول انها المستفيد الوحيد من الأزمة ..
⭕️ #أمريكا الان تجني ثمار العبث في مقدرات الشعوب في السنوات الاخيرة ..بمجرد حدوث هذه الأزمة ( #الكورونا ) ظهرت على حقيقتها وماطلعوش متطورين كفاية لمواجهة أي أزمات زي ماقالولنا في أفلام هوليوود.. وزاد الطين بلة #العنصرية البيضاء ضد السود الأمريكان وما يحدث من مظاهرات هناك ودلوقتي بيتفرجو عالمسرحيات اللي عيشونا فيها سابقاً .. وأنا بطالب بضبط النفس والاستجابة للمطالب الشرعية للمتظاهرين ‼️..
مش عارف اضحك ولا أشمت ولا احزن لما نراه في أمريكا من أعمال العنف والنهب والسلب لكن بقول للإدارة الامريكية احصدوا ما زرعتم ..
⭕️ #أوربا البلاد الجميلة ذات الطبيعة الساحرة برضه بتجني نتايج انجرارهم زي قطعان الماشية خلف رعاة البقر الأمريكان ونشاهدهم متخبطين متألمين من خسائرهم البشرية والمادية الفادحة وأتوقع ان استمرار اتحادهم الأوربي المفتوح والقوي اقتصادياً وعسكرياً أصبح محل شك .. الاتحاد الذي أظهر عيوب كبيرة وهشاشة كانت متدارية خلف صورهم الجميلة..
⭕️ بالنسبة أظهر ڤيروس الكورونا أننا أمام تطور #سعودي #إماراتي كبير في المجال الصحي وغرفة ادارة أزمات محترمة مع إمكانيات مادية هائلة ساعدت البلاد في تقديم نموذج يحتذى بيه عالمياً وأنا كمواطن عربي فخور بالأشقاء السعوديين والإماراتيين بهذا الإنجاز .. و بالنسبة لباقي أعتقد ان الحكومات بشكل عام اشتغلت بمسؤلية وبوطنية في تخطي الأزمة في حدود الإمكانات المتاحة
⭕️ أخيرا فيما يخص #مصر انا شايف ان الحكومة بذلت مجهودات معقولة في حدود الإمكانيات المتاحة مع الأخذ في الاعتبار ان مصر بتعاني من تحديات إقليمية وداخلية كلكم عارفينها وكمان اثر بشكل سلبي وكلنا عارفين ولامسين تصرفات كتير من الناس في عدم الالتزام بقواعد النظافة والتباعد والكمامات والحظر وغيره وفي النهاية بنستغرب من انتشار الڤيروس ‼️
👈 لكن انا #متفائل بإن الوعي بينتشر بالتدريج مع اكتساب الحكومة والشعب خبرات في مواجهة الأزمة بشكل أفضل مع مرور الوقت وتطوير خطط العزل في المستشفيات وخارجها حسب الحالة المرضية وكمان تجهيز عدد كبير من المستشفيات لمواجهة الأزمة ..
🔴🔴 خلاصة الكلام اننا هنشوف العجب في عالم ما بعد كورونا..

👈 وافتكرو درس الكورونا المهم إن .. { أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ ۚ كَانُوا أَشَدَّ مِنْهُمْ قُوَّةً }‼️.. .. { وَأَمَّا مَا يَنفَعُ ٱلنَّاسَ فَيَمْكُثُ فِى ٱلْأَرْضِ ۚ كَذَٰلِكَ يَضْرِبُ ٱللَّهُ ٱلْأَمْثَالَ} .. خير الناس انفعهم للناس ..
👈واحنا شايفين ان ربنا وحده هو القادر والمتحكم في كل شيء وهو سبحانه وتعالى { إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ } هو مالك الملك ولا تستطيع دولة مهما عظمت او كبرت ان تقف في وجه إرادته سبحانه وتعالى..

بصو يا جماعة انا مش هقول غير حاجة واحدة بس إلبس الكمامة علشان نخرج من الأزمة سريعاً غير كده احنا مطولين مع الاسف ..

التبرع ببلازما الدم من المتعافين من الكورونا هو أقل شكر لله سبحانه وتعالى على الشفاء والنجاة وهو واجب وطني مهم تجاه مصر والمصريين ماينفعش نبخل بيه ..

بصراحة انا مستاء جداً من الزملاء الاطباء اللي بيتعاملو مع موضوع الكورونا بجهل طبي وتخويف الناس من اعراض بسيطة وشائعة زي الإسهال او العطس او ألم الحلق باعتباره كورونا ... كل دي أعراض ماختلفناش انها ممكن تكون كورونا لكن غالباً بتكون اي حاجة تانية ..
👈 التشخيص لازم يكون بتسلسل وتدرج طبي سليم ومؤيد بأشعات وتحاليل ولازم اللي يشخص تحليل او أشعة يكون فاهم ودارس الموضوع وعارف الحاجات المتشابهة مع الكورونا وإزاي نفرقها ..
👈 كل حالة مرضية تختلف في ظروفها مما يستدعي وصف الدواء لكل حالة حسب ظروفها الصحية..

⛔️⛔️ ..‼️
شاغلنا اليومين دول موضوع اللقاحات وانواعها ومشاكل تصنيعها واستخدامها وليه #الكورونا مش لاقيين له لقاح مناسب حتى الان ..
👈 يالا بينا نحكي الحكاية بالطريقة البسيطة اللي احنا متعودين عليها وهنعملها على شكل نقط ..
➖ #اللقاح يا جماعه هو ماده بننتجها في المعامل الهدف منها عمل تمثيلية على المناعة بتاعت جسمك كأنك اتصابت بميكروب علشان المناعة تنتج وتبقى في وضع استعداد لمحاربة هذا الميكروب..
➖ كل لقاح بيبقى مخصوص لميكروب او مجموعه صغيره من الميكروبات زي اللقاح #الثلاثي بتاع الاطفال..
➖ واحنا صغيرين بناخد مجموعة من اللقاحات العالم قرر انها لأمراض خطيرة ولازم ننشط مناعة الطفل ضدها لأن الاصابة بهذة الأمراض أمر خطير جداً زي و #الدرن و #الحصبة و ( أ ، ب )
➖ انواع اللقاحات مختلفة حسب طريقة التصنيع يعني في نوع عباره عن حتة بروتين صغيرة من جوا ميكروب وفي نوع تاني بيبقى غلاف الميكروب بدون باقي جسمه وفي لقاح اخر بيبقى ميكروب كامل مقتول بمواد كيميائية وندخله جسمك علشان مناعتك تتعرف عليه وفي لقاح تاني بيبقى ميكروب عايش بس شايلين منه الأسلحة بتاعته علشان مايقدرش يهاجمك ويخليك تمرض بيبقى بس مهمته تنشيط المناعة ..كل دي انواع بننتجها في المعامل بفضل الله ثم بفضل علم .
➖ لما بنصنع لقاح جديد بنواجه مشاكل أهمها اننا مش بنبقى عارفين ايه هو الجزء في الميكروب اللي بيسبب المرض علشان نشيله واحنا بنصنع اللقاح وكمان مش عارفين الجرعة المناسبة اللي ياخدها الشخص علشان ينشط المناعة بدون ما نضر جسمه وكمان مش بنبقى متأكدين هل الميكروب هيطور نفسه ويعمل طفرة وراثية تخليه يتغلب على اللقاح والمناعة زي #الإنفلونزا مثلاً ولا لأ مش هيتطور ..
➖ لك ان تتخيل كذا اختيار بكذا نوع بكذا اختبار علشان بس مجرد تحدد الطريق اللي هتمشي فيه لتصنيع لقاح جديد علشان كده الموضوع بياخد سنوات من الدراسة.
➖ طيب لو افترضنا اننا حددنا طريق ومشينا فيه بنوصل لمرحة ثم ثم ثم مرحلة وكل مرحلة من دول بتاخد وقت لتقييم اداء اللقاح وتحديد المضاعفات وقدرته على تنشيط المناعة وبعد اجتياز المراحل دي بنجاح بيبقى فاضل أخذ الموافقات المطلوبة من الهيئات الدولية المسؤله عن الأمراض في العالم.
➖ كلمتين عن اللقاحات المقترحة للكورونا هو ان معدل وسرعة الانتشار اكبر بكتير من مراحل انتاج اللقاحات ومن المتوقع ان اول جيل للقاح الكوفيد_١٩ تكون جاهزة مع نهاية السنة ودي مدة كبيرة وكمان مش هنكون متأكدين ١٠٠٪؜ من جودتها والخبر الكويس ان الصين بالفعل وإنجلترا أعلنو انهم في مراحل متقدمة ومبشرة من الأبحاث دا بالاضافة لحوالي ٨ شركات في دول اخرى نتائجهم الأولية برضه مبشرةلكن التزامك بالعادات الصحية السليمة والتباعد الاجتماعي والمحافظة على غسل اليدين باستمرار ولبس الكمامة هيحميك من الاصابة بإذن الله.

🔵 ارجو اني ماطولتش عليكم واستفدتم من المعلومة 🌸🌸🌸

وداعًا عّم حسن حسنى .. أيقونة الكوميديا وتميمة حظ النجوم الكبار
انا لله وانا اليه راجعون الله يرحمه ويغفر له

⛔️⛔️⛔️ #الكمامة ‼️‼️
موضوع مهم وكتير من الناس مش فاهمين ألبس الكمامة ازاي وامتى وفين وايه هي الأنواع اللي نلبسها ؟؟؟ وأهمية الكلام هنا علشان ..
👈يالا بينا نحكي الحكاية..

🔴 الكمامة مهمة جداً لتقليل فرص الاصابة بالأمراض التنفسية ومنها #الكورونا ونسبة الحماية للشخص لو لابس الكمامة من ٥-٢٥٪؜ ...لكن لو انت والشخص اللي قدامك لابسين كمامات يبقى النسبة بترتفع ل ٩٥٪؜
🔴 الكمامة لازم تتلبس في الأماكن المغلقة او المزدحمة زي المكاتب والبنوك والمواصلات العامة والمولات والأسواق والمصالح الحكومية وخلافه واعتبرها سبب رئيسي بعد ربنا في حمايتك لكن ممكن نخفف لبسها لو انت لوحدك في السيارة او في مكان مفتوح ( غير مزدحم ) او في بيتك
🔴لبس الكمامة #وجوبي للمرضى بأي أعراض تنفسية او اشتباه كورونا داخل وخارج المنزل اذا كان في منزل مشترك مع الاسرة وكمان الناس اللي خفت من الكورونا لمدة اسبوعين بعد انتهاء الأعراض
🔴 لازم الكمامة تتلبس بشكل مستمر ولازم تغطي الفم والأنف بشكل كامل يعني ماينفعش تبقى منزلها تحت أنفك علشان انت بتتخنق منها مثلاً😄
🔴الكمامات انواع وأشكال كتير وكل نوع لبسه بيتحدد حسب الاستخدام وكل نوع بتكون كفاءته حسب وِسع الفتحات المجهرية اللي في نسيج الكمامة وكل ماكانت الفتحات اصغر كل ما كانت الكمامة أقوى وممكن نقسم اهم أنواعها كالتالي :
- لازم تكون قطن وطبقتين واغسلها بالماء البارد والمسحوق فقط وممنوع الماء السخن او المكواه او ترش عليها كحول او كلور .. وهي كمامة ضعيفة في الحماية لأن فتحات نسيجها واسعة نسبياً لكن مريحة للوجه وبتقفل كويس حوالين الفم والأنف ممكن نستخدمها وفوقها الكمامة الجراحية العادية هيكونو كويسين جداً
- اللي كل الناس تقريباً لابسينها هي معقولة مش وحشة لكن لازم يكون فيها قطعة حديد او بلاستيك فوق الأنف علشان تحكم إغلاقها وتمنع تسرب الرذاذ ولازم تكون تلات طبقات عالاقل اللي في النص طبقة فلتر وتكون فتحات نسيجها المجهرية مطابقة للمواصفات وقطرها صغير ونقدر نقول ان الكمامة دي اول طرق الحماية الحقيقية وتتلبس بحد أقصى ٥ ساعات ولاتستخدم مرة تانية ولا يتم تعقيمها تماماً ونرميها في كيس قمامة مغلق ويفضل نتلفها ونقطعها قبل رميها.
- ممتاز مع الكمامات المختلفة لانه بيغطي العين لكن لوحده غير كافي علشان مش بيمنع استنشاق الهواء الملوث او الرذاذ
- ومنها كمامات N95 ودي ممتازة جداً للحماية ولابد من استخدامها في التعامل مع شخص تم تأكيد اصابته ويفضل مع واقي بلاستيك للعين وهي بتمنع الڤيروسات الدقيقة بنسبة اكتر من ٩٠٪؜ ويمكن لبسها حتى ٨ ساعات مع إمكانية اعادة تعقيمها في جهاز التعقيم الطبي ولبسها مرات اخرى حتى ١٠ مرات حسب توصيات منظمة الصحة العالمية.
- ومنها كمامات 3M و FFP وهي ممتازة للحماية من الفيروسات والعوالق الترابية ورذاذ الأشخاص و رذاذ السوائل وتستخدم للتعامل مع المصابين وبتوفر حماية فائقة ويمكن تعقيمها بجهاز التعقيم الطبي وتغيير فلاترها حسب ارشادات الاستخدام.

👈 بشكل عام انصح بالكمامة القطنية وفوقها الجراحية في الأماكن المغلقة والمزدحمة غير عالية الخطورة وكمامات الحماية الفائقة مع غطاء الوجه البلاستيك في التعامل مع المصابين او بالأماكن عالية الخطورة زي المستشفيات ..
الكمامة هي سبب مهم لحمايتك بإذن الله ووسيلة مهمة هتساعدنا في ماتنساش تلبسها
ربنا يسلمكم جميعاً
ارجو تكونو استفدتم من المعلومة وكل سنة وانتم طيبين 🌸🌸