خيال للتصميم الداخلى والتشطيبات
تشطيبات متكامله.. مقاولات عامة.. مستلزمات ديكور..
متابعه احدي اعمالنا ..الحي الاماراتي بورسعيد..
Khayal Decoration Company is preparing an apartment in Al Noor Towers, wait for the final finishes
الجمال عدي الكلام ❤️
لسه اللى جاى شديد مع خيال #احلم باللى نفسك فيه تشطيب اعمال الكهرباء بوحدتين بورتو❤️
متابعه لبعض اعمالنا خلال الفتره الماضيه .. #خيال💜
من اعمالنا ..بوحدتين ببورتو سعيد ..انتظروا التشطيب النهائى والفرش ❤️💜 #خيال
المكتب الإدارى لمجموعه جلال كافيه قبل وبعد ..انتظروا فيديو المكتب بعد الفرش
من أحد مواقعنا ..جارى العمل ..بصريات دار العيون .
التشوين😀
من اعمالنا بوحدتين ..ببورتو سعيد 😍
من إحدى مواقعنا ..التعديلات المعماريه واعمال البناء واستخدام ميزان الليزر وتعليم الشيرب لتجهيز مقاسات الابواب والاعمال الكهربا والسباكه ..عيدكم مبارك
🔴👌 حاول تخطط لكل تفصيله قبل ماتبدأ شغل او هات مهندس/ة بيفهم وبلاش نتفذلك ونرجع نشتكي فالجروبات او تابعنا هنحاول نساعدك فى #خيال ☺️🏠
🟣ارسم فرش افتراضي للشقة عشان تقدر تحدد أماكن مخارج الكهربا و السباكة صح.
🟣 اختار كل حاجة قبل ماتبدأ تنفيذ أي حاجة.. دي قاعدة أساسية
🟣🙃 و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.
⚫⚫ لو بياض المحارة وحش و فيه مطبات أو شرخ حاول تعالجه قبل الدهانات.
⚫ لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.
🔴🔴🔴 اعمل تصميم للمطبخ قبل اي حاجه 👌
🔴🔴 المطبخ من أهم الفراغات في الشقة بلاش تضيق مساحته عشان توسع الريسبشن.
🔴 حاول تختار رخامة المطبخ جرانيت
🔴 اهتم إنك تشتري شفاط محترم للمطبخ.
🔴الشفاط اللي بيركب فوق البوتاجاز شكله حلو و شيك ومهم
🔴 اعمل حسابك تجيب ترابيزة أكل صغيرة في المطبخ دي أهم من ترابيزة السفرة لو مساحتك تسمح طبعا
🙄
🔴 الدييب فريزر و المايكروويف أساسيات أكتر من الصيني الكتير اللي ماحدش بيستخدمه.
🔴🔴🔴🙂 الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام. بس خليها فى المطبخ
🔴 ركب فلتر في المطبخ عشان مية الشرب في مصر غير صالحة للشرب
👌
🔴🔴 لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
🔴 لو ما اخترتش البورسلين صح و ركبته صح هيفك من الأرض بعد سنتين.
🔴 لو حابب تدلع شقتك ركب hdf - hpl في الغرف.. هتنبسط.
🔴 لو مش حابب تدلع شقتك على الأقل ركب hdf في غرفة النوم.. صدقني هتنبسط.
🔴 ركب في الأرضيات السيراميك المستطيل اللي شبه الباركية بس اختار نوع كويس
🔴 إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد..
👨🔧
🔴🔴🔴 أكتر 3 حاجات عاوزاك تهتم بيها هي تأسيس السباكة و تأسيس الكهرباء و العزل.
🔴 اعمل حسابك لتأسيس التكييف حتى لو مش هتشتري تكيييف
🔴 البيبة في المطبخ حلوة عشان التنضيف
🔴 إعزل الحمام و المطبخ عزل أسمنتي أسهل و أفضل و أرخص
🔴👀 بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.☠️
🛀
🔵 لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.🚽🧻
🔵 في تأسيس السباكة مواسير التغذية أكواثيرم أو باننجر أو BR و مواسير الصرف الشريف وسمارت.
🔵 لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.
🔵 الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.
🔵 الغالي رخيص ف الخلاطات و الإكسسوار و النواكل.
🔵 الأحواض و القاعدة المعلقة بيدوا وسع للحمام و أسهل في النضافة. 👀 والله مش بيبوظ
🔵 إشتري الخلاطات و الصيني و النواكل للحمام و المطبخ قبل ما السباك يأسس.
🔵 قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. و هتعيش مبسوط بعدها.
🧘🏼
🟣🟣 الدهانات السبونج مش أحلى حاجة في الدنيا.
🟣 ورق الحائط الـ 3d هايل بس بلاش منه.
🟣 دهانات مط او ربع لامع ع حسب المكان و بلاش دهانات لامع.. لان التاني أشيك بكتير.
🟣🟣 حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.
🟣 أسس اسكيب او سايبس و شطب جوتن.. ده في الدهانات ياريت
🟣 بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.
🟣 مافيش أشيك ولا أرقى من الدهانات السادة بس تختار الألوان صح.
🟣 لو عندك غرفة أطفال.. ادهنها لون يمشي أولادي أو بناتي.
🟣 بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.
🟣🙂 خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش او طبعا هات مهندس ديكور ☺️
🟣 الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عند البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل
🪟
🔴🔴 الشبابيك الألومينيوم عملية أكتر من الشبابيك الخشب.
🔴 لو هتركب شبابيك ألومينيوم إختار أي قطاع غير قطاع السعد.
🔴 الألومينيوم بيتدهن ألوان كتير غير البيج و الأوف وايت على فكرة.
🔴 لو معاك فلوس ركب شاتر على الشبابيك الألومينيوم.
🔴 غرفة النوم الرئيسية ركب للشباك بتاعها زجاج دبل
🔴 الشبابيك الجرار بتساعد على سهولة الفرش حتي لو بتقلل الإضاءة و التهوية.
🔴 الشبابيك المفصلية بتزود الإضاءة و التهوية بس هتصعب عليك الفرش.
🔴 لو شقتك واسعة اعمل شبابيك مفصلي و لو ضيقة اعمل الشبابيك جرار.
🔴 الشبابيك الـ pvc جميلة و بتعيش.
🔴 كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.
🔴 الزجاج العاكس للشبابيك بيحجب 50% من الإضاءة.
🔴 الزجاج العاكس للشبابيك بيعكس الصبح بس مابيعكسش بالليل
🔴 ماتنساش تركب سلك لكل الشبابيك عشان الحشرات.
🔴 السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.
👀
⚫⚫ لو شقتك مجروحة من الجيران ماتنساش الستاير البلاك أوت.
⚫ البراقع و البلتكنات اللي حماتك هتختارها دي بطلت من 15 سنة
📽️
⚫⚫ لو شقتك في منطقة مقطوعة ركب كاميرات خارجية مابتتكلفش كتير على فكرة.
🚪
🟤 لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.
🟤🟤 معابر الأبواب مهمة عشان بتمنع الصوت و الضوء و الحشرات.
🟤 إختار أبواب خشب كويسة عشان ماتندمش و باب الشقة هاته باب مصفح لو معاك فلوس ولو مش معاك استلف المهم تجيبوا 😁
🟤 خلي النجار يركبلك جوانات كاوتش لكل الأبواب عشان بتمنع التراب و الصوت.
🟤 القاعدة الذهبية في إختيار أكر و كوالين الأبواب " الغالي رخيص"
🟤 لو شقتك راكب فيها أبواب وحشة و مش معاك فلوس تغيرها ركبلها وشوش MDF .
🟤 لو مش هتركب باب مصفح لباب الشقة يبقى يفضل تعمل باب حديد حماية.
🧑🎤
🔴🔴 الجيبسوم بورد بيتعمل بيه حاجات كتير غير حركات الأسقف على فكرة.
🔴 الجيبسوم بورد حاجة أساسية بس تستخدمه صح لما تحتاجه.
🔴 جرب الأسقف السترتش اللامعة لو مساحتك مش كبيره ومحتاج تدي وسع للمكان
🔴 الكرانيش الجاهزة (فيوتك) أفضل 100 مرة من الجبس البلدي
💡
🟡 أكتر حاجة هتخلي شقتك شيك هي توزيع الإضاءة صح.. خلي حد متخصص يوزعلك الإضاءة.
🟡 اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت وكشافات الطوارئ ومقوي الشبكه وبرايز ال USB
🟡 حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.
🟡 لو هتجيب سخان كهرباء هات سعته كبيرة.
🟡 السخان الفوري مناسب بس في المطبخ لأنه بيستهلك كهرباء كتير.
🟡 في تأسيس الكهرباء ماتشتغلش غير بسلك السويدي الأصلي
🟡 بلاش أباجورة جنب السرير.. ركب 2 أبليك على الحيطة أجمل و أشيك.
🟡 إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.
🛋️
🟢🟢🟢 اهتم بالليفينج أكتر من الريسيبشن.
☺️
🔴 لو عاوز تدلع مكان معين في شقتك ممكن تعمل ديكورات بـ CNC بس وظفها صح
🔴 أي حاجة مط بيبان عليها التراب.. لازم تبقى عارف ده كويس.
🔴 مش لازم تجيب نيش.. الجزامة أهم
🔴🔴🔴 ماتجيبش نيش.
🔴🟡⚫🟣 ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.
⚫ لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.
⚫ لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس..
🔴 ماتنساش تركب منشر في مكان بيوصله شمس عشان مهم.
🔴🔴 اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير. 🙂 🧙
#خيال
#تكسير #محاره #مباني #سباكه #كهرباء #المونيوم #نقاشه #نجاره #ديكورات #كلادينج #رخام #سيكوريت #مرايات #كاميرات #بلاط #حجر #ستاير #تكييفات
تصميم داخلي، ديكور، تنسيق ألوان، تركيبات كهربائية، تصميم وتصنيع أثاث، تنفيذ تشطيبات، تنفيذ البيت الذكي، تحكم في الإنارة، التكييف، الأجهزة
لما حد يسال عن تناسق الالوان ..جبتلكم الوان جديده واسيبكم مع الصور
#خيااال
اعمال السباكه كما يجب أن تكون ❤️❤️
#خيال
#تشطيبات
#ديكورات
#مقاولات
#خيال
هنتكلم النهارده عن فاللون والكتله والمضمون 👌💡.
🔵 #اللون ..
من أساسيات خلق مساحات إضافية استخدام الألوان الهادئة والابتعاد عن كل ما هو قاتم، لكن في هذا التصميم تم الاعتماد على الألوان الهادئة ولكنها متعددة في الغرفة لبث المزيد من أجواء البهجة والمرح على المكان دون الشعور بضيق المساحة.
🟣 #التابوهات
يستخدم ورق الحائط او الرسم علي الجدران لاكساب الجدار بعد اخر من هلال التكوينات الفنيه والاختيار هنا لعناصر المشهد ذلت بعد ثالت يمنح الاتساع
كذلك الاعتماد علي نفس الفكره اثناء اقتناء التابلوة او اللوحه المناسبه من ناحيه الوظيفه واللون والمضمون
🟣
يمنح الاحساس بالاتساع
🔴
في المنازل الصغيرة يفضل الاتجاه للتصميمات المفتوحة حتى وإن كانت بسيطة من خلال فتح جدار واحد فقط من الغرفة على الغرفة المقابلة، و يتم تصميم الجدار الفاصل ليكون مفرغ من الخشب لإضفاء لمسة مميزة على المنزل
الاعتماد على النماذج المفتوحة في فواصل فنيه انيقه يعتبر طريقة مثالية للتخلص من الشعور بضيق المساحة
يمكن الاعتماد على الجدار غير المكتمل من الخشب البارتشن لمزيد من أجواء العصرية ويمكن استخدام الاستانلس ايضا
🟣 #الاتجاه الي
يمكن جعل مساحة متعددة الاستخدام من خلال تقسيم المساحة بالطريقة المثلى دون الاتجاه لأية فواصل مادية
مثل المطبخ المفتوح بدون فاصل سوي منضده الطعام
🔴
اذا امكن توظيف ذلك يعطي احساس بالتعدد لمستوي الفراغ التدرج يُعد من الطرق المستحدثة في تصميم المنازل الصغيرة، لأنها بالتأكيد تشعرك بأن مساحة المنزل كبيرة، لكن ينبغي الأخذ في الاعتبار تصميم المستويات بطريقة متكاملة للحصول على الهدف المنشود.
🟡
الإضاءة الطبيعية تضفي مزيد من أجواء الإشراق داخل المنزل، و الاعتماد على النافذة الكبيرة للسماح بدخول أكبر قدر من الضوء وتعزيز أجواء البيئة الخارجية.
🔵
مثل المساحة المحيطة بالدرج ليتم تصميم مكتبة على امتداد طوله لوضع عدد من الاكسسوارات والتحف لتزيين هذه المساحة المهملة وجعلها عامل جذب هام في المنزل او مساحه بين اعمده
استغلال أحد مساحات غرفة المعيشة لوضع مكتبة ركنية علي سبيل المثال
🟡
الاتجاه باللعب بالإضاءة الصناعيه وتوزيع شده الاضاءه المناسبه للمكان مع اللون المستخدم وتوظيفها وكذلك اضاءات الخلفية فالديكور لتبدو المساحة أكثر تألقًا و تجعلنا ننتبه لهذا التصميم وننسى ضيق المساحة.
🔴
جعل نسبه من الاتزان بين الفراغ وكتل الفرش يلعب دورا هانا في ذلك حيث ان تكدث الاثاث يعطي الاحساس بالزحام ويجعل المكان اديق ممكن هو عليه
حافظ علي مساحه بعد من الجدران للاثاث يعطي ذلك شعور بالاتساع
استخدام وحدات الاثات السمارت ومتعدده الاغراض يلعب دورا هام في ذلك لجعل الفراغ يتمتع بالاتساع اكبر وقت ممكن
وكذلك احترام مسارات الحركه وجعلها خاليه من معوقات السير مما يشتت المسار ويؤثر علي النفسيه بشكل سلبي ويبعدنا عن الغرض المطلوب في منح الراحه والبساطه للمكان
وإعادة النظر في الأماكن المهملة من خلال استغلالها كأماكن للجلوس ووضع أرائك مريحة للجلوس عليها
#خيال
للتصميم الداخلي ⚜️
#خيال
إستخدام فى أرضيات الحمامات
اشتهر منذ مئات السنين، وكانت مصانع هذا النوع من البلاد تعمل في حي المنشية وحي العجمي بيافا الفلسطينيه، وقد اشتهر البلاط المزخرف بألوانه المميزة وزخارفه الجميلة.
وبعد مرور مئات السنين، يعود هذا النوع من البلاط اليافاوي الى الأسواق بقوة، وكان يلاحظ وجود هذا البلاط في جميع البيوت العربية القديمة
#خيال
#خيال
هنشطبهالك ونسلمك على المفتاح 🔥
ارخص سعر للمتر بمناسبة افتتاح الشركة قريبا .. ♥️
مش هتشيل هم التعامل مع الصنايعية تانى ..
تشطيب شقتك بالكامل مع #خيال باحدث التصاميم واقل تكلفه مع اعلى خامات .. 😎👌
معادله صعبه قدرنا نحققها
والمعاينه مجانا لفتره محدووووده 🖤🖤💥
كل اللى عليك انك تكلمنا على رقم
01050156555
#خيال
#تشطيبات
#مقاولات
مكتبة شاشة بالجزامه لغرفة ليفينج تصميم وتنفيذ المكتب❤️
❤️💙💜 افضل طريقة تركيب البورسلين. 💙💜❤️ لو حضرتك خلاص هتركب بورسلين و اشتريت البورسلين
طريقة تركيب البورسلين الصحيحة 100٪ أكبر الأخطاء تركيب البورسلين بإستخدام الخلطة الأسمنتية حيث أن البورسلين مادة صناعية مستقبلا يحدث له تفكك وانسياب من الخلطة الأسمنتية , وأفضل طريقة لتركيب البورسلين هي بإستخدام الغراء
إن الارضيه وحوائط كلها تتمحر و تتعمل ميزان و البورسلين يتلزق بمادة ولتكن ( سيوتكس يو ) من كيماويات البناء الحديث و يركب عن طريق فواصل كلبسات مش اقل من ٢ ملي لتلافي مشكلة التمدد فيما بعد لأن البورسلين بيتمدد فلو مفيش مساحة يتمدد فيها هيقب من مكانه و اخيرا السقية تكون سيتوفيل أو جراوت من كيماويات البناء الحديث و السقية تكون بفرطاسة مش لباني بمادة الاصق المستخدمة في تركيب الارضيات البورسلين هي نفسها المادة التي تستخدم في لصق سيراميك الحوائط العادية، وتتم مراحل التركيب من خلال الخطوات الاتية:
1 – يتم تسوية مناسيب أرضية الغرفة التي نريد تركيبها مع التأكد من انتهاء كافة أعمال التمديدات اللازمة للأعمال الكهربية والصحية.
2 – يتم تركيب كل الأرضيات ببلاط موازيكو أو أسمنتي عادي بأي مقاس على أن يكون ظهر البلاط الموزايكو أقل من منسوب التشطيب النهائي المطلوب بنحو 1.2 سم.
3 – يتم ترك الأرضيات الموزايكو يوم واحد ثم يتم تنظيفها جيدا بحيث تكون سطح خالي من أي شوائب أو أتربة.
4 – يتم لصق بلاطات البورسلين على الأرضية الموزايكو التي تم تركيبها في الخطوات السابقة بمادة لصق، مع التأكيد على أن يكون توزيع مادة اللصق على البلاطات بشكل منتظم وخالي من الفراغات.
5 – يتم الاستمرار في تركيب الارضيات البورسلين بنفس الطريقة حتى الانتهاء منها مع ملاحظة فرد مادة اللصق على كلا من الأرضية وعلى البلاطة البورسلين نفسها لضمان مع التأكيد على طرق البلاطة
طب اي الجديد في الجبسيوم بورد ؟؟
... سؤال ممكن يسأله اي شخص بيشطب شقه لنفسه
طيب بالنسبة للجودة الجبسيوم بورد أحسن و لا الجبس البلدي ؟
تعالو اجاوبكم علي الاسئله دي
طبعا الجبسيوم بورد الجودة بتاعته اعلي بكتير لانه مش معتمد علي حرفة الصنايعي الألواح بتيجي مكبوسة جاهزة من المصنع فلا هاتلاقي لوح " مموج و لا معرج و لا فيه رايش ده غير ان فيه انواع مقاومه للرطوبه " الجبس الاخضر " و انواع مقاومه للحراره " الجبس الاحمر " .
- الجبسيوم بورد بيتركب ازاي ؟
بيتعمله نظام تعليق تسليح صاج في السقف الأساسي و بعد كده بنركب في الجبس بمسامير و بعد كده يتشطب بمعجون الفواصل .
أنا سمعت إن الجبسيوم بورد بيتشرخ و يشقق مع الوقت ؟
ده بيحصل لسبب واحد " قلة الضمير او لعدم المعرفة "
1-إن الصنايعي يقلل في الصاج بتاع التسليح في السقف يشرخ و يريح .
2-إن الصنايعي مايستخدمش فايبر الفواصل .
طب في مميزات تاني تخليني أشتغل جبسيوم بورد غير الوقت و التكلفة ؟
أه طبعا ...
انت بتخلق فراغ بين السقف العادي و السقف الجبسيوم بورد و ده بيديك الفرصة انك تركب " اسبوتات دفن ، سماعه ، تكيفات_كونسل"
و الفراغ ده بيخلي عندك ميزة انك ممكن في اي وقت بعد التشطيب تمشي سلك في السقف " تليفون ، نت ، فايبر كهرباء " .
طب بالنسبة لو عايز أفصل غرفة أو أقسم ريسبشن ؟
بتعمل قاطوع جبسيوم بورد بيفصل بين الغرف بيبقى زي الحيطة بالظبط و يتشطب دهانات او ورق_حائط او اي تشطيب من الناحيتين .
طب إستخدمات الجبسيوم بورد في الديكور ؟
الميزة دايما في أني اقدر اعمل كذا نظام اضاءة سبوتات او -ليد لايت و طب.... بتشتغل في الديكور زي الفل .
وفى اى رسومات زى الورود والفرشات .
انه قابل للدهان باي لون واي ماده بعد العزل ( السيلر)
طيب يتحسب إزاي ؟
1-يتحسب بالمتر المسطح المساحات الفلات .
2-أما الديكور أو أي زوايا نازلة أو طالعة يتحسب بالمتر الطولي .
طب إيه الأنواع الكويسة في الجبس ؟
(-كناوف-تركي-بلاكو-سعودي - عثماني)
الأسعار إيه ؟!
دلوقتي طبعا مع غلاء اسعار المواد الي بيشتغل بيها الصنايعي السعر بيبدأ من 130 إلي 200ج ووممكن اعلي من كدا بس بانظمة تعليق مختلفه او حسب نوح اللوح والصاج الي بيشتغل بيه الصنايعي
ياريت تكونو استفادتو من المعلومات دي وفهمتو اي الفرق
دا مش كلام منقول عن لسان حد دي معلومات بحكم خبرتي ونظرتي المتواضعه في المجال
وشكرا كثيرآ 🏠
للتواصل
01050156555
ليه تختار شركه مقاولات علشان تشطب لك ؟؟؟
1- لاننا مهندسين متخصصين فى شغلنا وكل تخصص معين ليه المهندس المسئول ( انشائى - ديكور - كهرباء - معمارى ) علشان كده بتطلع جوده الشغل عاليه
2- احنا بنحميك من خساره فلوسك .. اكتر الناس اللى شغاله فى المقاولات غير مؤهلين فبيخلوك تدفع فلوسك فى حاجات غلط وهتبوظ بعد فتره او انت هتلاقى انك دفعت فلوس كتير فى حاجه ملهاش فايده
3- اننا بنديك ضمان لمده عام ( يعنى حط فى بطنك بطيخه صيفى 😄 )
4- احنا اشتغلنا فى جميع المنشئات ( فلل - شقق - محلات - مستشفيات - مبانى تعليميه - مجمعات سكنيه - فنادق -مبانى اداريه )........
وشوش كهربا خرجت عن المألوف ♥️😍
اهتم بادق التفاصيل 👌🥰
سلمنا شقتك أو مكتبك أو محلك او فيلتك عالطوب و نسلمهالك عالمفتاح 😍🗝
لو هتشطب شقتك أو فيلتك أو مكتبك أو محلك , بنقدملك تصميم بشكل جديد وعصري و ديكور مميز 🏠 لان اهم حاجه عندنا ارضاء العميل
عندنا هتلاقي جميع اعمال الديكورات والتشطيبات المتكامله بأعلى جوده وأفضل أسعار..🙃وان شاء الله فى اسرع وقت ممكن
والتشطيب كمان شامل الفرش والاجهزه و تصميمات المطابخ , يعني مفيش راحه اكتر من كده 😍
شركتنا تضم مهندسين ديكور متخصصين فى التصميم واستغلال المساحات اى كانت ..وفنين وصنايعيه على أعلى مستوى فى تنفيذ التصميم تحت إشراف هندسى متكامل🤗 انتظروا عروضنا والباقات المختلفه أن شاء الله تناسب الجميع ..عروض هتقلب الدنيا بمناسبه افتتاح أول فرع لينا عن قريب باذن الله فى بورسعيد
للتواصل /
📞01050156555
📞01271970015
او رسالنا عل واتساب/01552633054
#خيال
#تشطيبات
#ديكورات
#مقاولات
أفكار لأضاءة الأَرْفُف في غرفة الملابس ✨
Click here to claim your Sponsored Listing.
Videos (show all)
Category
Telephone
Website
Address
Port Said, 42511
Interior designers who specialize in interior finishes, décor and architectural work.
Port Said
Port Said
نسعى دائما إلى أعلى جودة وأقل تكلفة للعميل حتى يتثنى لنا إرضاء الله والوصول إلى أعلى مستوى من الخدمة
Port Said, 42523
دبوس مثبّت hMjG2TFUe6ttps://maps.app.goo.gl/RxtXauSx
Port Said
شركة الشيخ للمقاولات العامة والديكورات تعمل علي تشطيب الشقق بأعلي جودة وأقل سعر
٢٣ يوليو
Port Said
تشطيبات لكل المستويات سرعه �جوده🖒 إتقان �
شارع الجيزه والبلديه
Port Said
مكتب نيو أرت لجميع أعمال المقاولات و الديكور و التشطيب?
Port Said
خبره كبيره في مجال الروخام و الجرانيت بجميع اعماله (مطابخ - واجهات -ارضيات - حوائط - سلالم )
شارع اوجينا والبزار/برج ريالتو/امام البان نظيم
Port Said
وكالة اعلانات وتسويق وتصميم الديكور وتنفيذ التشطيبات ?