م. محمد السيد دنقل

السادة مزارعي الخوخ والمشمش والبرقوق⁦✍️⁩👇
تجفيف المشمش
طريقة استهلاك المنتج لها دور مهم في تحديد سعر المنتج سعر الكيلو 300جنية مصري بتاريخ اليوم 22/2/20233 ومن المتعارف ان استهلاك المشمش فريش (طازج) ولكن من الأصناف الواعده ان شاء الله وهو مشمش صنف الكانينو حيث يصلح للتجفيف وعلشان كدا اسعاره خلال الثلاث أعوام السابقة مميزة عن باقي اصناف المشمش وهو مستقبل المشمش أن شاء الله داخل جمهورية مصر العربية
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
صن بلم 041 مكشوف
20/فبراير/2023
مع ملاحظة عدم القلق في البرقوق عمر سنتين في تأخير التزهير طبيعة الاعمار الصغيرة ..
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
المقالة حاليا النسخة الورقية متاحة في جناح مجلة حصاد في Agri Expo
واخر يوم غدا باذن لله
هحاول انزل المقالة pdf في الكومنتات علشان الخط صغير

السادة مزارعي الخوخ والمشمش والبرقوق⁦✍️⁩👇
لا تقلقوا من بطء تحضير العيون بعد الانتهاء من الانخفاض الكبير في درجات الحرارة هتلاقي الوضع ممتاز جدا أن شاء الله
13/فبراير/2023
موسم موفق إن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

شكراً لجميع المتابعين على ثقتكم الدائمة ووصول الصفحة ل12 ألف متابع
مستمر فى تقديم التوصيات لتعُم الفائدة على الجميع
م/محمد السيد دنقل
استشارى محاصيل النواة الحجرية
المشمش والخوخ والبرقوق

فلوريدا برنس
غرب المنيا
الصور بتاريخ
4/فبراير/2023
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
انتظرونا في مجلة حصاد
هناك بعض المزارع التي تعاني من وجود ازهار غير مكتملة النمو وبالتالي لا يحدث بها إخصاب وتلقيح وقولنا أيضا أن الخوخ لا يوجد بها ازهار مذكرة وقولنا أيضا أن أسباب وجود ازهار غير مكتملة النمو هناك أسباب
اسباب متعلقة بالصيف ومدي صحة نمو الاشجار في الصيف .
ان شاء الله انتظروا في مجلة حصاد النسخه الورقيه هتبقي متاحة في معرض اجري اكسبو Agr EXpo بدء من يوم12/2/2023
موضحين أن شاء الله الاسباب الرئيسيه في المقالة وكيفية تفادي هذه الاسباب والعلاج المناسب
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
تفطير المشمش والبرقوق
بالنسبة للمشمش والبرقوق
هتكلم عن التفطير طالما رية التفطير طويلة عدد ساعات طويلة والمياه عندك ملوحتها تحت 900ppm أو ري بحاري بلاش تحقن معالج ملوحة ملهوش لازمة تكلفة زيادة
المياه الحلوي احسن من اي حاجة وعدد الساعات بتغسل معاك اي حاجة .
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
لا يوجد ما يسمي بالأزهار المذكرة في الخوخ والمشمش كما يقال لا يوجد الكلام دا انما يوجد ازهار بها ضمور في بعض الاعضاء بسبب اجهاد حدث للاشجار في الصيف أثناء فترة الحث الزهري هما عبارة عن مرحلتين حيث تتكون البراعم الزهرية في النبات وتمر بمرحلتين هنتكلم عليهم فيما بعد فإذا كانت الأشجار كانت جيدة في النمو في فترة الصيف ولما تتعرض لأي اجهادات أو حدث تساقط اوراق مبكر ثم جددت أوراقها من جديد فلا تقلق من التزهير الل عندك دلوقتي لا يوجد ازهار مذكرة
الضمور ممكن يكون عبارة عن ضمور في أعضاء التأنيث أو البتلات أو غيرها
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
دا كروكي توزيع الملقح داخل مزراع البرقوق
الرسمة بتوضح كيفية توزيع الملقح
والمقال دا فيه سيرة تعريفية بأهم الأصناف لمحاصيل النواه الحجرية
https://www.facebook.com/100065507648952/posts/481608550699396/?app=fbl
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

الحمدالله 🙏🙏

المهندس/ محمد السيد دنقل - أستشاري محاصيل النواة الحجرية
من افضل الشخصيات الزراعية المؤثرة في عام 2022 ✨

السادة مزارعي الخوخ والمشمش والبرقوق⁦✍️⁩👇
الاستعجال في تفطير ورش كاسرات السكون في المشمش والبرقوق ملهاش لازمة
سيب ارضك تتعرض لأكبر عدد من وحدات البرودة أفضل ليك ولمحصولك ومواعيد تزهيرك واحده لا تقلق
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزراعي الخوخ والمشمش والبرقوق⁦✍️⁩👇
المقبلين علي زراعة الشتلات في الأراضي الجديدة..
زراعة الشتلات الجديدة
''''شتلات الخوخ _المشمش _البرقوق''''
مواعيد الزراعة من 15يناير الي 15فبراير
الكم بعض الاحتياطات
1-استلم الشتلة مفيش مشكلة من الاسبوع القادم واعملها خندق ..
2-يفضل تعمل خندق كبير يشيل كل الكمية ولكن قسمة من الداخل الي خنادق صغيرة كل خندق يأخذ 4 لفات اي 100عود شتلة يتم ريه لوحده ''''ودا إجراء وقائي من وجود بعض الشتلات المصابة ببعض مسببات الأمراض'''
التي من السهل نقلها أثناء فتح المياه علي الخندق بالكامل. ..
3-مراعاة غمس جذور الشتلة والجزء العلوي من الشتلة في مبيد فطري قبل الزراعة ..ثم فاصل 5دقائق ووضعها في منشط جذور ..
ثم الزراعة بعد ذلك ..
4-الزراعة ثم ري الأرض ريه غزيرة .
5- يتم قص الشتلات علي ارتفاع 50سم من سطح التربة عن طريق عمل مقاس .
6-يتم تطهير منطقة القص مبيد فطري مثل عجينة بورد واتكلمنا في المنشور السابق عن تركيبة عجنية بورد ..أو طلاء منطقة القطع بدهان لاكية ..
7- مراعاة كسر سكون الشتلة رش لها كاسر سكون.
8-تقليل الرطوبة خالص بعد ذلك إلي أن تتحرك العيون ..
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
رش مركبات النحاس بعد التقليم مباشرة مهم
مع مراعاة : في حالة تواجد أمطار في المنطقة وقف التقليم ...لمنع انتشار مرض الموت الرجعي
ومع مراعاة .....فك الالتحامات والتراكيب في الاشجار
انتظروا فيديو عن التقليم الشتوي في المشمش والبرقوق.
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
مواعيد البدء في التقليم في '''
''المشمش والبرقوق''
سؤال يتكرر كثيرا الل عايز يعرف موعد التقليم في المشمس والبرقوق
تقدر تبدء في التقليم من اول الاسبوع القادم
وهو الاسبوع الثاني من يناير
وخلي الأصناف المتأخرة اخر حاجة ..
مفيش مشكلة ان شاء الله
موسم موفق أن شاء الله
م.محمد السيد دنقل⁦🖋️⁩🌱⁦
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
توجد بعض الملاحظات الهامة في التقليم الشتوي
التقليم الشتوي في المشمش ..
أخطاء تؤثر علي محصول العام ''
التالي بعد القادم
1- لازم ياجماعة نراعي قص كل التراكيب الموجوده في قلب الشجرة بالمنشار قبل ما تفكر تشيل التراكيب الل فوق بص علي قلب الشجرة شكله اي ''تشيل تراكيب قلب الشجرة االلي طالعة منه الاذرع الرئيسيه''ثم بعد كدا بص علي التراكيب الل فوق ..
2- الافرع اللي تحت ولاحمة في بعض تشيل واحد منهم علشان ''اللحمات دي هتبوظ الفرعين مش واحد وتضطر تشيل الفرعين معا ''
3 - لازم نشيل من دماغنا فكرة أن أشجار المشمش التقليم الشتوي فيها عبارة عن تحبيز من فوق والل رامي برة الخط وبس علي كدا ..تعالي كدا بص تحت
4 -بعد تفتح قلب الشجرة تنزل بالعلو الشجرة علي دوابر وليس قروطة .
5 -تلم الافرع اللي رامية علي بره علشان خدمة الأرض بالمعدات ..
6-الاذرع الل طالعين من نقطة واحده شيل واحد منهم بالمنشار ..
7- مينفعش يبقي في أذرع في الظل هتلاقي دائما دوابره ناشفة وجافه ..
8-لازم تبقي عارف كصاحب مزرعة أن التقليم الشتوي والصيفي من أهم قواعد الإنتاج .
9-التقليم الشتوي لوحده مش كفايه وبردو التقليم الصيفي لوحده مش كفايه..''''الاثنين معاً..''''
7-رش النحاس بعد التقليم مباشرة ..
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩
تجهيز ارض المشمش الخوخ والبرقوق
أهمية الزراعة علي مصاطب
نوصى بالزراعة على مصاطب لأهميتها وفوائدها الكثيرة
1-خلق مساحة إضافية في رفع كفاءة خدمة الاشجار بالمعدات الزراعية ...
2-عمل المصاطب مهم في زيادة صرف الأرض وخلق مساحة مفككة باستمرار حول الجذور وبالتالي يعود علي الاشجار بالزيادة في الحجم ..
3--طرد الاملاح خارج نطاق انتشار الجذور..
4-احكام الرطوبة في نطاق المصطبة فقط .
5- انتشار الحشائش في نطاق المصطبة فقط وبالتالي يمكن السيطرة عليها .
6-في حالة الزراعة المكثفة المصاطب لها دور في التكثيف نظرا لخلق مساحة كبيرة ..
6-يتم عمل المصاطب بالحفار وليس جرار علشان الجرار مش هيجيب ال 50سم ارتفاع
ابعاد المصطبة 50سم ارتفاع وعرض 50 الي 80سم هيبقي ممتاز جدا..
والمنشور السابقة متضمن مقياس الاملاح المناسبة للأرض والصنف المناسب طبقا الاملاح ..
دا لينك المنشور الاول
https://www.facebook.com/109563044550216/posts
/379128694260315/?app=fb

موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والبرقوق والخوخ

السادة مزارعي الخوخ والمشمش والبرقوق⁦✍️⁩👇
المقبلين علي زراعة المشمش اليكم صنف مهم
مشمش الكانينو
من اهم الاصناف التجارية من المشمش والتي تصلح لتجفيف في مصر وبالتالي التصدير هو صنف مشمش الكانينو ..
1- وهو من الأصناف القوية في النمو وتختلف 2- احتياجة الغذائية عن باقي الأصناف
3- يحتاج الي طريقة تربية كأسية
4- ويحتاج الي مسافة زراعة 4*6
5- وقد ينزع علي مسافة 3*6
6- ويفضل الزراعة علي مصاطب .
7- يحتاج الي اصل مشمش بلدي
8- قد تصل حجم الثمرة الي 120جرام وتصل 150 واكتر .
9- لون الثمره الخارجية أصفر ذهبي خالي من اي خد احمر
10 يمكن تفصيص الثمار .
11-ميعاد الحصاد بداية يونيه
حقوق نشر الصور محفوظة لقناة TRTبالعربي
موسم موفق أن شاء الله

م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
عجينة بورد ودهان اشجار المشمش والبرقوق الخوخ 🌱⁦🖋️⁩⁦✍️
مواعيد الدهان بعد التقليم الشتوي..
وتركيب
( 1ك كبريتات نحاس (جنزارة)+٢ك جير مطفي +10 لتر مياه كمية المياه علي حسب قوام الدهان )
وممكن تضيف عليهم من 2 ل 3ك بلاستيك دهان كمادة حامله..أو مادة الغيراء
يلاحظ
1- يجب أن يكون الجير مطفئ طازج غير مكربن عن طرق التعرض الطويل للهواء ،،هيدروكسيد الكالسيوم غير معرض للهواء ..
وممكن تعمل تركيبة تانية ..
(3ك هيدروكسيد نحاس أو 6كيلو أوكسي كلور نحاس +٢بستلة بلاستيك ٩كيلو لكل عبوة وكمية المياه انت بتظبطها علي حسب قوام التحضيرة معاك انت بتحددها وفي الغالب بتبقي 10 لتر أو أكثر حاجة بسيطة ..)
طيب السادة آل هيختلفوا علي البلاستك بسبب سد مسام الشجر ..انا بقولكم التجربة ناجه جدا ومفيش اي مشكلة منها ..
2- مواعيد الدهان بعد التقليم الشتوي مباشرة ..
3- والافضل يبقي من بعد رش الدرومكس علشان الدرومكس بيحرق الدهان وبيبقي الفرق واضح من الدهان إللي قبل الدرومكس والل بعد الدرومكس ونسبة الحرق ..
4- يعني المواعيد من أمتي معاك يا سيدي اول يناير حتي منتصف فبراير قبل التزهير
وتقدر تبدء قبل كدا لو مش هترش دورمكس وبالأخص في المساحات الكبيره
في العموم بالنسبة للخوخ بعد التقليم الشتوي وهكذا .
5- عدم بقاء خطة التجهيز لثاني يوم ،،التجهيز علي الدهان مباشرة ..
يتم تقليب المواد الحامله ومواد الطلاء الاول ثم إضافة النحاس عليهم .
مع مراعاة إذابة سلفات النحاس قبل الخلط بيوم في المياه أو تسخين مياه سخنه لتسريع الاذابة علي الشغل مباشرة وفي حالة الجنزارة ناعمة لا تحتاج إلي ذلك بتدوب علي الشغل مباشرة.
مرحب باي إضافة ⁦🖋️⁩
موسم موفق أن شاء الله
م/محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعى المشمش والخوخ والبرقوق احب اوجه الشكر لجميع المتابعين المخلصين ،وبالأخص الذين يقومون بمشاركة محتوى الصفحة لتعم الفائدة على الجميع .مستمر بأذن الله فى تقديم التوصيات لحضراتكم

السادة مزراعي المشمش والخوخ والبرقوق 👇⁦✍️⁩ ..
.التقليم الشتوي
كل السادة الافاضل بتجهز الفترة القادمة للتقليم المشمش والبرقوق..التقليم ببساطة كالاتي 👇
1- تفتيح قلب الشجرة من اي أفرع جديدة الل بنسميها صواريخ .مع ملاحظة انك تحافظ علي الدوابر الصغيرة الل في قلب الشجرة
2- تلم حـجرالشجر لو فاتح للخارج مع المحافظة عليه بقول نلم الحجر مش ندوس عليه عايزين نحافظ عليه مع حاجة بسيطة بالمقص ..
3- تحبيز الشجر من فوق علي دوابر وليس تطويش كل الافرع وخلاص تنزل علي دوابر بالمقص ..(دوابر ياجماعة ننزل علي دوابر )
4- اي أفرع مركبة علي بعضها نفك واحد منهم بالمنشار أو علي حسب سُمك الفرع .
5- مش لازم تساوي كل الشجر ببعضه كل شجرة علي هواها أو علوها ..المهم لما تنزل تنزل علي دوابر وليس تطويش ..
6- الاذرع الل خارجة من نقطة واحدة يتم إزالة واحد فيهم بالمنشار .
بالإضافة إلي إزالة الافرع المريضة والجافة .
6- الل عندهم شتلة زراعة هذا العام ..
دوس في التقليم وظبط هيكل للشجرة من دلوقتي علشان متجيش السنة الل بعدها تلاقي نفسك بردو هتدوس عليها وتشيل منها اكتر من الل كنت هتشيلة السنة الاولي ..
والرابط دا فيه فيديو يوضح طريقة تقليم المشمش وهكذا البرقوق
https://m.facebook.com/story.php?story_fbid=293452869494565&id=109563044550216&mibextid=Nif5oz
وانتظروا فيديو عن تقليم البرقوق السلكي أن شاء الله
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

م.محمد السيد دنقل
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
السادة المقبلين علي زراعة البرقوق
ومش عارفين هيزرع برقوق سولر كلبس ولا صن بلم 41..
بصوا ياجماعة هناك تباين مهم خالص هو أن نسبة السكر في السولر كلبس عندك الجمع بتكون من 13Birx الي 15 Birx الكلام دا معناه أن الصنف دا يميل الي التصدير أكثر من المحلي .
بالنسبة لصنف الصن بلم 41 نسبة السكر تترواح من 18الي 20عندك الجمع معناه يميل الي السوق المحلي وللمستهلك المحلي أكثر من المستهلك الأجنبي ..بالإضافة إلي مواصفات الثمرة الل ذكرتها قبل سابق الصورة الل انا فيها دا برقوق 41 ..
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي الخوخ والمشمش والبرقوق⁦✍️⁩👇
الخوخ السولنج 🌱
مواعيد تقليم الخوخ صنف السولنج لسة بدري
علشان السؤال دا يتكرر كثيرا لسة بدري خالص علي مواعيد التقليم في الصنف دا ومن الخطاء البداء فيه هذه الأيام .
ولازم تلاحظ أن الصنف دا بدء جمع المحصول فيه مع بداية شهر يوليو . الخوخ السولنج وليس الايرلي سويلنج ⁦✍️⁩🌱
النصف دا يختلف عن باقي اصناف الخوخ
لا تستعجل في البدء في التقليم وان شاء الله هعمل منشور مفصل عن مواعيد تقليم الخوخ لوحده والبرقوق لوحده والمشمش لوحده
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزارعي المشمش والخوخ والبرقوق ⁦✍️⁩
👇تعالوا مع بعض نعرف عواقب عدم رش النحاس بعد التقليم 👇🌱
عارفين لية دائما بنقول لازم نطهر بالنحاس بعد التقليم
ويتم رش الاشجار جيدا في رشة التقليم يعني زود شويا في محلول الرش غرق
طيب إيه العواقب لو مرشتش
تعالوا نعد 👇⁦✍️⁩
1- ظهور عندك مرض Eutypa diback and bot canker
الداي باك
وهو الموت الرجعي للافرع من اعلي لاسفل ..
2- ظهور عندك مرض تثقب الاوراق أو الثقوب النارية canker diback and shot hole وهنا المسبب لمرض الثقوب النارية فطر وبكتريا كلاهما لهم نفس العرض ولهم نفس العلاج .
عارف دا معناه اي يعني النموات الخضرية الل هتطلع في الخوخ بعد التزهير هتلاقي كل الاوراق متخرمة يعني فيها ثقوب ..
3- ظهور مرض peach leaf curl
هو تجعد الاوراق حضرتك هتيجي في نص الموسم وتقول عندي تجعد شديد مع وجود تشوهات في الأوراق .
4- لها تأثير علي جراثيم المسبب مرض الصداء الجراثيم الخارجية .
5- لها تأثير علي الجراثيم الخارجية لمرض العفن البني Brwon rot .
6-لها تأثير علي الاشنات وتقليل ضررها علي الخشب ..
وغيرهم من الميكروبات الممرضة الأخري الخ ..
رش النحاس بعد التقليم مباشرة له دور كبيرة في تقليل نشاط الأمراض الل اتكلمنا عنها في وسط الموسم وبتبقي فعالها بكفاءة اعلي من أي وقت تاني في الموسم ..لأنها بتقضي علي مجموعة كبيرة في مسببات الأمراض.
كمان يبقي ممتاز جدا لو تم عمل عجينة بورد ودهان القطعيات الكبيرة ..
لا يفضل التقليم أثناء هطول الأمطار
👈افضل صورة للنحاس للاستخدام بعد التقليم 👇✍️
1- هيدركسيد نحاس معدل 180جرام/100لتر ممكن يوصل معاك المعدل 200/100 جرام مفيش مشكلة..
2-اوكسي كلور نحاس معدل الرش 250جرام /100لتر
3- مركبات النحاس المعدني الل بتتكون من كبريتات نحاس مع بعض الاكاسيد مثل اكسيد الكالسيوم .. معدل الرش 300جرام/100لتر ..
4- جلكونات النحاس الخ
الصور فيها اعراض بعض الأمراض في التعليقات علي المنشور
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش الخوخ البرقوق

خالص حبي ودعواتي وتقديري لحضراتكم 💓🌱⁦🇪🇬 شكرا للمتابعين وصل ل ‏‏٩ آلاف‏ متابع‏! شكرًا على المساهمة في الدعم. المستمر من جميع المتابعين ؟وبأذن الله مستمر دائما فى تقديم افضل الاستشارات والتوصيات لجميع الطوائف مزارعين ومستثمريين زراعين لسادة مزارعي الخوخ والمشمش والبرقوق علي مستوي الشرق الأوسط بالتوفيق للجميع ‏🙏‏‏🤗‏‏🎉‏
وان شاء الله دائما مكتب الدعم الفني للمهندس محمد دنقل مستمر في الدعم والتطوير علي المستوي الحقلي والمستوي الإعلامي .
باسم محمد السيد دنقل حابب اقدم الشكر والعرفان للمهندس عشري ناصر Ashry Nasser
والاستاذه نها محمد NO HA علي إدارة الصفحة والمساعدة في تقديم الدعم الفني لاخواني من السادة المزارعين والمستثمرين

السادة مزارعي الخوخ والمشمش والبرقوق⁦✍️⁩👇
هنتكلم عن كاسر السكون في الخوخ الفترة دي
نوعية كاسر السكون والتركيز مش قاعدة ثابتة ممكن نطبقها في كل الأراضي
كل ارض لها شغلها طبقا ل
1-حالة الطراحات
2-نسبة تسوية الطراحات ودرجة نضجها .
3- درجة تحضير العيون في فترة ما قبل رش كاسر السكون.
كل دي عوامل علي اساسها يتم تحديد نوع وتركيز كاسر السكون في الخوخ ..
ملاحظة مهمة اي حد حصل عنده تزهير مبكر في فترة التقليم الشتوي وما قبل رش كاسر السكون ياريت تعتبر الزهر دا مش موجود واشتغل كل معاملاتك في مواعيدها.
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزراعي الخوخ والمشمش والبرقوق⁦✍️⁩👇
(الزيت المعدني والحشري والطريقة المثلي)

للاستخدام في الرش والوقت الأمثل في الرش ..⁦✍️⁩👇
اولا لابد من معرفة أهمية استخدام دورة رش الزيت المعدني وخلطها مع الحشري فقط وأهميتها👈
1- مهمة جدا في القضاء علي معظم يرقات الحشرات والحشرات الكاملة التي دخلت في بيات شتوي داخل خلايا أو كبسولة ومتواجده ما بين الشقوق والفراغات علي جذوع الأشجار التي دخلت في بيات شتوي لبداء نشاطها مع بداية الموسم ولازم حضرتك تعرف هي مش آفة واحده دي مجموعة افات ..👈رش الدورة لها أهمية في تقليل نشاط الحشرات مع بداية الموسم
مثل 1- العناكب
مثل2- خنافس القلف
مثل3- دودة اكل البراعم الانارسيا
وغيرها الخ
هل دا فقط لا طبعا 👈لها علاقة بتحضير العيون ..
⁦✍️⁩👈 #الطريقة المثلي للاستخدام في فترة الشتاء استخدام الزيت بعد التقليم الشتوي 15يوم او اقل
طيب لو الوقت كان لا يكفي ممكن ترش بعد كاسر السكون ب 3 ل 5 يوم ..
**⁦✍️⁩👈هل اخلط الزيت مع البوتاسيوم أو اخلط الزيت مع اي حاجة 👇
الطريقة المثلي للاستخدام رشة الزيت يتم خلط الزيت مع الحشري فقط ولا يتم خلطها مع نترات البوتاسيوم..طيب هل دا علشان غلط لا مش غلط بس لا يفضل علشان عامل الوقت أو عدد الايام ما بين رشة البوتاسيوم أو كاسر السكون سواء بوتاسيوم أو درومكس مهم انت محتاجة علشان الزيت المعدني يبقي ليه دور معاك في التحضير للدخول في التزهير 👇
طيب انا لما بخلط كله مع بعضه انا بقلل كتير خالص من فائدة الزيت المعدني في تحضير العيون وبقتصر دورة علي المكافحة فقط
إذن الل عايز أقوله👈⁦✍️⁩( أن الزيت المعدني مع الحشري له دور في المكافحة ودور مهم ودور في تحضير العيون للتزهير) ..
اتمني عدم التقليل من دورة👈⁦✍️⁩👇 وانتظروا منشور خاص برش النحاس بعد التقليم مباشرة والعواقب في حالة عدم رشة
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

السادة مزراعي الخوخ والمشمش والبرقوق⁦✍️⁩👇
مواعيد التقليم ومواعيد الزراعة
الناس الل بتسأل عن مواعيد تقليم
((المشمش والبرقوق ))
في الوقت الحالي دا خطأ ياجماعة
مواعيد التقليم متفكرش في تحديد الميعاد قبل شهر يناير 1/1/2023لاي منطقة في جمهورية مصر العربية وبناء علي المناخ هنقول أن شاء الله مواعيد البدء في التقليم كام يناير للمناطق المختلفة ..
2-مواعيد الزراعة🌱
من منتصف شهر يناير الي منتصف شهر فبراير ..من منتصف شهر 1 الي منتصف شهر 2
سواء كانت ارض جديده او ترقيع شتلات أو نقل أشجار اعمار كبيرة كلها في نفس المواعيد ..
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواة الحجرية
المشمش والخوخ والبرقوق

السادة مزراعي الخوخ والمشمش والبرقوق⁦✍️⁩👇
1 - في حالة التقليم لصنف زيرو سفن أو وايت روبن
اعمل تقيم لحالة الطراحات قبل البدء في التقليم
ولو الطراحات الل فيها العيون الثلاثية قليله ..
لازم تخلي نسبة من الدوابر الل موجوده وتعمل حسابها في التقليم علشان تشيل معاك المحصول ..
ملاحظة مهمة بالنسبة لصنف الزيرو سفن ..
2 - الدوابر عيون أحادية خصبة علشان متقلقش
3 - ومتستعجلش في التقليم فيه متقلقش لسة بدري
وانتظروا فيديو عن تقليم الخوخ أن شاء الله الاسبوع المقبل .
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

عايز تعرف اخطر سبب من اسباب التصمغ في المشمش والخوخ والبرقوق⁦✍️⁩
بص علي الفيديو دا
ياريت تعملوا اشتراك للقناة علشان 👇
ان شاء الله مع الوقت هحاول انزل الفيديوهات الطويله علي اليوتيوب علشان تبقي متاحه للكل ..
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق

اسباب التصمغ في المشمش أو الخوخ أو البرقوق الأسباب كثيرة واخطرهم إلى هتشوفه في الفيديو دا

السادة مزراعي الخوخ والمشمش والبرقوق⁦✍️⁩👇
اضرار التبكير في التقليم 🌱👇
التبكير قي التقليم هتكلم في الموضوع دا بطريقة صريحة
اولا الاستعجال له أضرار كثيرة
1- عدم استيفاء الخوخ أو المشمش أو البرقوق لاحتياحاته من وحدات البرودة دا معناه اي بردو
معناه أن هيكون عندك عدم انتظامية التزهير وهيكون متقطع وفي لخطبة في الشجرة
هل دا بس لا طبعا ضعف النمو الخضري .
هل دا بس لا طبعا هيقابل التزهير ظروف جوية عاتية غير مناسبة للمرحلة الل حضرتك حاولت تشغل النبات فيها.
لان حضرتك بعد شويا هتكسر سكون الشجرة بطريقة صريحة .👆
2-هقابلك مشكلة اكبر تانية أن لو طراحات التسوية فيها ضعيفة يبقي مش هتكمل الموسم معاك وهيحصل معاك موت لهذه الطراحات ..
3- اعمل كدا ثلاث اربع سنين وراي بعض هتلاقي ضعف هيكل الشجر وبالتالي بتقلل من عمر الاشجار ..الل هي اصلا المفروض من ضمن أهداف التقليم لو تم في ميعاده المناسب يحافظ معاك علي عمر اطول للأشجار .
5- التبكير في التقليم ليس مبرر في انك تجيب محصولك بدري اشتغل في مواعيد طبيعية واشتغل صح هتجيب محصولك بدري ..
موسم موفق أن شاء الله
م.محمد السيد دنقل⁦🖋️⁩🌱
استشاري محاصيل النواه الحجرية
المشمش والخوخ والبرقوق