Dr /Faten Hamam

بسم الله الرحمن الرحيم
حتكلم النهاردة ان شاء الله عن #القولون-العصبي
ما هو القولون العصبي؟
اضطرابات تحدث في المعدة والامعاء.
طيب ايه أعراضه؟
تقلصات... ألم في البطن... انتفاخ وغازات.... اسهال او امساك او ممكن يحصل الاتنين
أولى خطوات العلاج الالتزام بنظام غذائي متوازن يعني تبعد عن الأكل الحار والمسبك والمياه الغازية
وتاني حاجة البعد عن التوتر والانفعال
ما هو العلاج؟
طبعا فيه أنواع كتييير نازلة لعلاج القولون العصبي لكن حذكر أشهر اسماء الأدوية المستخدمة في علاج القولون زي
كولوفيرين د...... كولوفيرين A...... كولوفيرين sR..... كولونا
ليبراكس ... كولوسبازمين فورت وجرعتهم قرص قبل الأكل ب تلت ساعة ٣ مرات يوميا
بندي علاج للاعراض
ايوكاربون او ديسفلاتيل اقراص.. . قرص ٣ مرات بعد الأكل او سايمثكون شراب للمغص والانتفاخات
انتينال او فلاجيل او ستربتوكين للاسهال قرص ٣ مرات يوميا
لاكتيلوز او دوفلاك او لاكسولاك شراب او بيكولاكس نقط ده ملين في حالة الإمساك
سبازموديجستين او ديجستين قرص ٣ مرات علشان تساعد في الهضم وتقلل من ألم المعدة
وزي ما قلنا الهدوء ولا تستهين بمرض القولون العصبي
ولو استفدوا اعملو متابعة وشير علشان الكل يستفاد
وكل سنة وانتو طيبين.. رمضان كريم

بسم الله الرحمن الرحيم
نكمل موضوع الحروق ومعانا بعض أدوية علاج الحروق زي
بيفتراسين بخاخ.. ميبو او ميوبركس كريم...
مرتين الي ٣ مرات يوميا
بتدي مسكن للألم وده بيتحدد على حسب السن وطبعا اتكلمنا قبل كده على انواع المسكنات بشكل كافي
وبياخد حاجة مضاد للالتهاب والتورم
للأطفال بياخد ماكسلاز او ميجاليز شراب
لو حد كبير بياخد الفنترن او ميجاليز أقراص
وجرعتهم بتبقى ٣ مرات قبل الأكل ب نص ساعة
كريمات مرطبة للجلد زي بنثينول... بيبانثن.. علشان تحافظ على الجلد من الجفاف
وممنوع تدي كريمات او مراهم فيها كورتيزون طبعا لانه بيزود فترة العلاج والحرق بيحتاج وقت أطول علشان يخف
وطبعا الالتزام بالنصايح الموجودة في الصور
واستنوني في موضوع جديد.. #علشان-صحتك-تهمنا
لو استفدتوا اعملوا شير و لايك للصفحة خلي الكل يستفاد

بسم الله الرحمن الرحيم
ومعانا النهاردة حالة طورائ🚑 وهي الحروق 🔥
و حنتعرف ان شاء الله على انواعها ودرجاتها والاسعافات الاوليه وبعض النصائح الهامة
الحروق : تلف لانسجة الجسم نتيجة التعرض لحرارة حارقة زي زيت او ماء مغلي او حرارة أشعة الشمس او لمادة كيميائية او تيار كهربي او غيرها...
درجاتها : زي ما موضح في الصورة
١-حرق من الدرجة الأولى : يحدث احمرار وتورم في طبقة الجلد السطحية والشعور بألم شديد
٢_حروق من الدرجة التانية : الجلد يصبح رطبا ويحتوي على فقاقيع ماء او بثور ويمكن ان يترك ندبة مزمنة.. والشعور بألم شديد أيضا
٣_حروق من الدرجة الثالثة : يصبح الجلد قاسي وشمعي ويحدث تدمير لاطراف الاعصاب وبالتالي يشعر بوخز او تخدير في منطقة الحرق
٤_حروق من الدرجة الرابعة : يتفحم الجلد مصاحبا تدمير كلي للاعصاب لذلك لا يشعر المريض بالالم وقد يصل الحرق للعضلات والعظام
دور المسعف ايه؟؟؟
ابعد المريض فورا عن مصدر الحرق سواء مادة كيميائية او نار او ماء مغلي مع الحذر الشديد في حالة الحرق بالكهرباء ابعد المريض باستخدام عازل للكهرباء مثل (عصا خشب او اي شي غير موصل للكهرباء)
من خلال نظرتك حتحدد نوع الحرق:
اذا كان درجة أولى او تانية✋ فيتم التعامل معها في المنزل من خلال تبريد المنطقة المصابة بماء بدرجة حرارة الغرفة (ممنوع استخدام ثلج لانه حيزود الالتهاب)
استخدام مرطب للجلد✅
لا تلمس البثور او تقم بأزالتها او فقعها ❎
استخدم شاش لتغطية الحرق
وابتعد عن التعرض للشمس حتى لا يترك الحرق أثر في الجلد
استخدام مسكنات ومضاد حيوي (حنتكلم عنهم بكرة ان شاء الله)
لكن في حالة حروق الدرجة الثالثة والرابعة ✋
_حتبعد المريض عن مصدر الحرق
_وتتأكد انه بيتنفس كويس
_استخدام شاش على الحرق لمنع التلوث
ولازم يروح المستشفى علشان ياخد العلاج بالكامل
ولحد هنا الموضوع ما خلصش حنكمل بكرة اهم النصائح وأشهر الأدوية المستخدمة ولو استفدتوا ياريت لايك وشير علشان الكل يستفاد وتابعوني علشان تكملوا معلوماتكم مع الدكتورة فاتن حمام...

بسم الله الرحمن الرحيم
حتكلم النهاردة ان شاء الله عن أشهر أدوية الكحة الموجودة في الصيدلية المناسبة لكل فئة عمرية معانا :
الرضع :
وادويتهم بتكون في صورة
[نقط]...
زي سولفين ..... امبروكسول وهما الاتنين (مذيب للبلغم)
[لبوس]...
زي coughsed infent وطبعا زي ما قالنا قبل كدا بيستخدم للكحة وخافض للحرارة
[شراب]
في صورة أعشاب وتديها بالسرنجة.... زي بنتامكس... جوافة..... ايفيبرونت....
[جلسات بخار]... ودي تستخدم في اذابة البلغم وتوسيع الشعب الهوائية خصوصا لو الرضيع عنده حساسية في صدره
زي... اتروفنت ٢٥٠.... بلمكورت ٠،٢٥ .... فاركولين
تاني حاجة الأطفال (من سنتين الي ١٥ سنة)::
[لبوس].. زي coughsed child...... سيلجون
[شراب]
لو كحة ناشفة.... بتدي جوافة شراب ..... بنتامكس... ايفروسبان...سيناويت... كوديلار... بلسم
لو كحة ببلغم... باي سولفين... ميوكوسول.... ميكو... ميوكوفيلين...
الكبار :
[أقراص]
لو كحة ناشفة...... سيلجون
لو كحة ببلغم..... ميكوتك... سولفين أقراص
[شراب]
كحة ناشفة... بتاخد أعشاب زي اللي ذكرتها فوق
كحة ببلغم.... التراسولف..... فيندكسين.. فينتوكف... نيوبرونكوفين
أدوية للكحة الناشفة والبلغم .... اوبلكس... توسكان... اولفنت... ترهكسين. .. في منهم بدايل بنفس المادة الفعالة
[لبوس].. زي ريكتوبلكسيل
طيب الحامل :
بتاخد أعشاب زي اللي قولناهم قبل كده...اشهرهم برونشيكم
مرضى الضغط والسكر :
أمن حاجة ليهم نوتوسيل.... فينتوكف خالي من السكر او أدوية بتحتوي على أعشاب
يارب تكونو استفدتوا اعملوا لايك وشير علشان الكل يستفاد وتابعوني حتلاقوا نصائح مفيدة مع الدكتورة فاتن حمام
وفقني الله واياكم

بسم الله الرحمن الرحيم
طبعا يجي الشتا والكحة تزيد من رضع لاطفال لكبار والكل بيعاني لذلك حنتعرف على اسباب الكحة وعلاجها.....وايه أدوية الكحة الآمنة للحوامل ومرضى الضغط والسكر وأفضل حاجة للرضع....
ايه هي اسباب الكحة:
١- دور برد او انفلونزا بسبب عدوي فيروسية
٢_عدوي بكتيرية
٣_حساسية
٤_تعرض لتيار هواء بارد او تراب او دخان
نصائح مع العلاج :
تناول مشروبات ساخنة زي اليانسون.. النعناع وغيرها
لو شخص مدخن يقلل من التدخين
ابتعاد المريض عن الشخص المدخن
البوست الجاي حنقسم علاج الكحة الي فئات عمرية وحالات مرضية زي مرضى الضغط والسكر والحامل
تابعوني في كل ما هو جديد وفقني الله واياكم معاكم الدكتورة فاتن حمام

بسم الله الرحمن الرحيم
حكمل موضوع السمنة و حتكلم النهاردة عن بعض الأدوية المستخدمة في إنقاص الوزن وجرعتها وطبعا زي ما قلنا اهم حاجة تغير life style بتاعك معانا النهاردة مادة ::
1-orlistat
توجد في الصيدليات في:
اورلي... اورلي ستات..... سليم سيف... فات لوس...ريجيماكس.. اورلي سمارت... زانيكال.. كويك سليم
قرص قبل الوجبات الدهنية بحد أقصى ٣ أقراص في اليوم
2-chrmium picolinate
حتلاقيه في أدوية زي :
اكت لايف... كرومويوم ميباكو
قرص مرة الي مرتين يوميا
3-chitosan
شيتو...فيتو شيتوزان.... ديلفات
قرص مرة الي مرتين يوميا قبل الوجبات الدسمة
4-green tea extract
جرين تي ... مالتي تريت... ميباكو جرين تي
قرص ٣ مرات يوميا
(((اكتر من مادة فعالة في دوا واحد )))
زي دوا:
Chitogree..... Merti.... Ultraslim... Chitocal... Fattache... Chromax... Hoffslim... Apple lite... Grapexon... Topgang... نوفوسيل... سلفستر١.... . بايوكت
وجرعتهم قرص من مرة الي ٣ مرات يوميا قبل الأكل خصوصا الوجبات الدسمة
و في النهاية لو استفدتوا ما تنسوش تشيروا البوست علشان الكل يستفاد واعملو متابعة علشان يوصلكم كل جديد

بسم الله الرحمن الرحيم
وبما ان ناس كتير بيزيد وزنها في فصل الشتا 🙅‍♂️🙅‍♀️
تابعوني حتكلم عن موضوع جديد ورائع والكل ان شاء الله حيستفاد منه و هو السمنة و اضرارها علشان تتحفز تخس ومنين ابدأ وأهم النصائح وأشهر الأدوية المستخدمة في علاج التخسيس
#تعديل
اولا :
حساب كتلة الجسم علشان تعرف انت في اي مرحلة من زيادة الوزن وده عن طريق قسمة الوزن على مربع الطول بالمتر وحتلاقي جدول مقسمهم
ثانيا :
اضرار السمنة علشان ما تستهونش :
١- الاكتئاب نتيجة عدم أريحية الشخص بجسمه وده ضرر ما تستهونش بيه لانه بيؤدي للانتحار
٢- رفع خطر الإصابة بداء السكري
٣-ارتفاع ضغط الدم و زيادة الكوليسترول
٤-ضيق النفس والألم في العمود الفقري ونقرس ومشاكل في الإنجاب وبعض السرطانات عفانا الله واياكم
ثالثا :
العلاج... يعتبر أولى مراحل العلاج هي تحديد السبب ومن اكثر اسباب السمنة هي :
١- ممكن تكون مرض وراثي
٢- اكل غير صحي ووجبات سريعة ومشروبات غازية وكربوهيدرات ودهون كتييييير .............
٣- قلة ممارسة الرياضية
٤-قلة النوم
٥- الإصابة ببعض الأمراض ومنهم كسل الغدة الدرقية او تكيس المبايض _ شخص عنده روماتيزم مانعه يلعب رياضة
٦- تناول بعض الأدوية زي :أدوية بتعالج التشنجات وخاصة مادة الجابابنتين...... أدوية السكر..... حد بياخد كورتيزونات عمال على بطال.... أدوية مضادات الاكتئاب
وقبل ما تاخد أدوية التخسيس حتبدأ تغير life style او نمط حياتك اليومية وشوف السبب اللي عندك وأبدأ صلحة وده حيسهل عليك كتير يعني تخلي حياتك صحية والعب رياضة ماهو كده كده الوقت والعمر حيمر فأستغله صح
و نصيحة مني كمان ابعد عن وجبة العشا تماما.. شيلها من قاموسك الغذائي وانت حتشوف الفرق من بعد وجبة الغدا وبعد كده كتر من السوائل لأنها حتحسسك بالشبع وفي نفس الوقت الجسم حيتخلص منها يعني مش حتتخزن
والصيام المتقطع ده جميل جدااااا.. تصوم يومين في الأسبوع
ونكمل بكرة ان شاء الله أشهر الأدوية المستخدمة في التخسيس وازاي بتشتغل وجرعتها وفقني الله واياكم
لايكات بقى وكومنتات 😍

بسم الله الرحمن الرحيم
حتكلم النهاردة عن مادة فعالة جديدة وهي
#الديكلوفيناك وفي منها نوعين ديكلوفيناك صوديوم و ديكلوفيناك بوتاسيوم
استخدامه :
مسكن للألم وخافض للحرارة ومضاد للالتهاب
تجنب الاستخدام مع :
مرضى الضغط والسكر وأمراض القلب والاوعية الدموية... مرضى الكلى والكبد وقرحة المعدة والمرضى المصابين بالهيموفيليا ومرضى الربو وحساسية الصدر
&&وممنوع للحوامل خصوصا في الشهور الثلاثة الأخيرة من الحمل لانه بيأثر على الجنين
توجد ماده الديكلوفيناك صوديوم او بوتاسيوم في أدوية كتير في الصيدلية في صورة :
[اقراص].. زي ارثروفاست .... انوفا... كاتفلام... ديكلاك... ديكلوفيناك.... ديكلوسب... ديفيدو.. فلكتور... اولفن... فولتارين
[لبوس].. زي دولفين (ممنوع للاطفال اقل من سنة)
[فوار]... زي كتافست..... فلاش اكت
[حقن] فولتارين... ديكلوفين......ايبيفيناك
[جيل]... زي ديكلوفيناك.. ديكلاك... فلكتور... اولفن... فولتارين
[شراب]...زي الكتافلاي
&&&ملحوظة لو طفل او حد كبير عنده كحة ومحتاجلهم مسكن او خافض للحرارة ابعد تماما عن المادة دي لأنها حتزود الكحة والحساسية عندهم
وحاول تدي المسكنات عموما بأقل تركيز وأقل جرعة ممكنة. ومنعا لحدوث قرحة في المعدة ينصح بتناوله بعد الأكل
ولو استفدتوا شيروا البوست علشان الكل يستفاد وما تبخلش في نشر معلومة تفيد الناس.. اثابكم الله
ربنا يوفقني وإياكم في فعل الخير

احنا ليه بنحس بالالم في جنبنا لما ناكل أملاح طيب ليه بتحس بالالم لما تتجرح ايديك او تتخبط ؟؟؟
طيب هو ليه بنحس بالالم عموما وازاي بيحصل ده؟؟
طبعا سبحان الله من حكمة ربنا في الموضوع ده انه يحصل... هو أنه لكل فعل رد فعل يعني على سبيل المثال انت اكلت أملاح كتيررر واخدت مسكنات اكتر فكليتك حتتأثر.. رد الفعل بتاعها انها تتحسسك بالالم ده علشان تبطل وتحافظ عليها وتدور على نفسك وتاخد علاج لو تكونت حصوات لكن تخيل معايا كده ان ما فيش حاجة اسمها الألم يااااااه..... كمية إهمال حتتعرض لها اعضاءك ماحصلتش ليه.....؟ ما انت مش حاسس بحاجة
وطبعا على قد كمية الألم اللي انت بتحس بيه على قد الضرر او المرض اللي حصل في الجسم لذلك حتلاقي ألالم مقسم حسب شدته الي خفيف ومتوسط وشديد
&&طيب ازاي بيحصل الألم ده وايه الميكانيزم بتاعه؟؟
معانا كام مصطلح لازم تعرفهم الأول......
اول حاجة انزيمات الأكسدة الحلقية هما اتنين:
( Cox1)
ده اختصار كلمة cyclooxegenase1
وهي انزيمات الأكسدة الحلقية ١ وموجوده في معظم انسجة الجسم ومنها الجهاز الهضمي و يحافظ على جدار المعدة يعني وجوده مهههههههم
( Cox2)
وده اختصار cyclooxegenase2
وهي انزيمات الأكسدة الحلقية ٢ وموجود في مواقع الالتهاب
الانزيمين دول يحفزوا افراز انزيم Prostaglandins وهو المسئول عن حدوث الالتهاب
وبالتالي عند حدوث ضرر لأي نسيج من انسجة الجسم فيفرز الجسم كرد فعل انزيمات الأكسدة الحلقية و اللي بتحفز افراز البروستاجلاندين فيحصل الالتهاب و تحس انت بألم فتخلي بالك على نفسك وتعتزل ما يؤذيك
حسيت بألالم خلاص؟... اه
وعرفت السبب؟... اه
خد بقى مسكن مع العلاج الاساسي 😂
ومن هنا المسكن يمنع الانزيمات دي من انها تتفرز بطرق مختلفة وميكانزمات كتيير
و علشان تعرفوا المواد الفعالة وتجميعات ممتعة و معلومات كتير ان شاء الله تابعوني علشان يوصلكم كل جديد مع الدكتورة فاتن حمام و لو استفدتوا دوسو لايك واعملوا شير
وفقني الله واياكم

بسم الله الرحمن الرحيم
ومعانا النهاردة مادة فعالة جديدة وهي
#الايبوبروفين
ويستخدم كخافض للحرارة ومسكن للألم الخفيف والمتوسط ومضاد للالتهاب..
موانع الاستعمال نفس بتاعت المادة الفعالة كيتوبروفين ونقولها للتذكير :
_ممنوع لمرضى الضغط والسكر
_ممنوع لمرضى الكلى والكبد
_ممنوع للي عندهم أمراض في الجهاز الهضمي زي قرحة المعدة والاثني عشر والتهابات القولون والفم
_ممنوع للحوامل
وطبعا عرفنا الأسباب قبل كده.
و حماية لكل شخص عنده مرض من الأمراض دي لما يروح لدكتور يكشف يقولها حالته المرضية علشان ما يكتبش حاجة تضره..
وطبعا علشان ما تأثرش المسكنات على المعدة فتنصح المريض ياخدهم بعد الأكل 🤚
معلومة تاني & & ممنوع تدي المسكنات دي لمريض بيتناول الأسبرين (يستخدم في حماية القلب) وذلك لانه حيتداخل معاه..
يتوافر الايبوبروفين في الصيدليات في صورة :
[نقط].... زي فلابو ( يستخدم من عمر ٦ شهور الي سنة)
[شراب]....زي بروفين.. كونتافيفر.. ميجافين ان... ماركوفين... إيبوفين... سيتافين ان
[أقراص]..... زي بروفين بتركيزاته.... ماركوفين... ادفيل advil..... ميجافين... فلاموتال بتركيزاته
[لبوس] ماركوفين ١٠٠او ٣٠٠ او ٤٠٠
[جيل]..... ايبوفيل جيل.... فلاموتال جيل..... الجانتيل جيل
&&و مادة الايبوبروفين تندرج تحت مسميات تجارية اخري ولكن دول اشهرهم.
وفي النهاية لو استفدتوا اعملوا متابعة علشان يوصلكم كل جديد وشير علشان الكل يستفاد وان شاء الله نكمل باقي التجميعات للمواد الفعالة مع الدكتورة فاتن حمام
واخيرا اسأل الله التوفيق لي ولكم 🌹

بسم الله الرحمن الرحيم
حتكلم ان شاء الله النهاردة عن تاني نوع من المواد الفعالة المستخدمة في خفض درجة الحرارة وتسكين الألم بالإضافة لذلك يستخدم في علاج الالتهابات سواء كان التهابات العظام اوالمفاصل اوالأسنان هو :
#الكيتوبروفين
نخلي بالنا جدااااااا🤚🤚
١_انه ممنوع لمرضى الجهاز الهضمي سواء كان عنده قرحة المعدة او الاثني عشر او التهاب القولون لانه حيزيد من حجم المشاكل دي
٢_او شخص عنده نزيف او ضغط عالي او أمراض القلب تجنبا لحدوث جلطات او سكتات دماغية
٣_او مرضى الكبد لانه حيؤدي الي ارتفاع انزيمات الكبد.
٤_وممنوع للحوامل في شهور الحمل الأخيرة والأفضل الحامل ماتخدش اي نوع مسكن غير الباراسيتامول (أمن حاجة ليها) حفاظا على الجنين 👶
&&&ونكون على دراية بموانع الاستعمال قبل الاستخدام وذلك علشان ما تأذيش المريض مقابل تسكين الالم
توجد مادة الكيتوبروفين في الصيدليات في صورة :
[أقراص]... زي باي الكوفان.. باي كيتوجيسك.. كيتوفان.. بروفيند.. وبأي بروفيند.. كيتولجين.. كيتوبروفين أقراص.. كيتوبروف.. كيتوبريك
[حقن].. زي كيتوفان.. سبازموفين...كيتولجين
[كريم أو جيل]... زي برونيد (pronid)......
فاستم (fastum)... منتوبروفين (mentoprofen)
[شراب]... زي كيتوفان... بروفيند
وفي فيه أسماء تجارة تانية كتير بس حبيت أوضح أشهر حاجة متواجدة في السوق
و في النهاية ما تنسوش تشيروا البوست علشان الكل يستفاد ويارب تكونو استفدوا و اعملوا متابعة علشان تشوفوا باقي التجميعات مع الدكتورة فاتن حمام
واخيرا اسأل الله العظيم ان يوفقني وإياكم...

بسم الله الرحمن الرحيم
#ادوية علاج( السخونية) 🤒🤒
حتكلم اليوم عن أشهر وآمن مادة فعالة مستخدمة كخافض للحرارة ومسكن للألم وهي:
مادة #الباراسيتامول
تستخدم في خفض الحرارة وتسكين الآلام الخفيفة والمتوسطة وذلك في حدود الجرعات الموصى بها..
امن للرضع والأطفال والكبار ولا يسبب تهيج لجدار المعدة على عكس باقي المسكنات لذا فهو أمن للأشخاص الذين يعانون من قرحة المعدة وأمراض الجهاز الهضمي أمراض الكلى والكبد وأمراض الضغط والسكر وآمن برضو للحوامل والمرضعات (((في حدود الجرعات الموصى بها)))
يمكن يعطي على معدة فارغة او بعد الأكل وعرفنا السبب طبعا ✋
ومن أشهر الأدوية التي تحتوي على الباراسيتامول paracetamol بتكون في صورة :
[نقط].......زي سيتال نقط (يستخدم للرضع)
[شراب]....زي سيتال .. بارامول.... ابيمول... تيمبرال... تيمبرا
للاطفال من سن سنة فما فوق وكل سن ليه الجرعة الخاصة بيه
[لبوس ] ......زي سيتال... بارامول.. ابيمول. Coughsed وده ليه ميزة انه مسكن للألم وخافض للحرارة ويعالج الكحة في نفس الوقت فيه منه للاطفال وللرضع
[أقراص]..... بنادول باشكاله سواء عادي او إكسترا او ميجران
ابيمول .... ادول... باراسيتامول... ترايمد فلو... بارامول.. سيتال..
[محاليل] ... بنفس اسم المادة الفعالة باراسيتامول عن طريق التنقيط الوردي
وطبعا المادة دي نازلة بأسماء تجارية كتير حاولت اذكر أشهر حاجة متواجدة في السوق
ولو استفدتوا ما تنسوش تعملو شير وخلي الكل يستفاد وتابعوني علشان تكملوا باقي المواد الفعالة واستخدامها وان شاء الله حتلاقو أمتع التجميعات علشان تثبتوا المعلومات وتعرفوا تفيدو وتستفيدوا مع الدكتورة فاتن حَمام

حتكلم النهاردة ان شاء الله عن السخونية🤒 واسبابها وبعض النصائح الواجب اتخاذها والبوست الجاي نتكلم عن الأدوية الخاصة بعلاج السخونية
أسبابها: لو طفل صغير ممكن يكون بسبب التسنين او دور برد و احيانا بيكون سببها عدوى بكترية او عدوى فيروسي او اسباب تانية كتير......
فأول حاجة تنصح بيها هي الكمادات وبتكون ماية فاترة وبتكون تحت الابط وبين الفخذين و ده افضل مكان لخفض درجة الحرارة بسرعة .... ومن بعض الأخطاء الشائعة استخدام ماء ساقع جدا على الرأس.
و نبدأ ندى خافض للحرارة وده بيكون على حسب السن وده نتكلم عنه المرة الجاية..
ومن الأخطاء اللي بيوقع فيها الاهل هي إعطاء مضاد حيوي بمجرد ما يسخن الطفل وجرعة غير مكتملة 👎👎

Now it's easier to send Dr /Faten Hamam a message.

بسم الله الرحمن الرحيم
معاكم الدكتورة فاتن حمام
برحب بكافة أعضاء الصفحة وانا سعيدة بيكم جدا.😍.
ومحتوانا حيكون مناقشة أمراض وعلاجها بصورة مبسطة يستطيع اي حد يفهمها وذلك لكي نوصل للأباء والأمهات الطريقة الصحيحة والاحتياطيات أثناء إعطاء الدواء لاطفالهم او لأنفسهم ...وايه النصائح الواجب اتخاذها أثناء فترة العلاج
والاسعافات الأولية المطلوبة من الشخص المتواجد عند حدوث مشكلة ما للطفل او شخص بالغ