3bkareno

3bkareno updated their website address.

السلام عليكم …..
النهارده هنتكلم عن موضوع مهم وهو نزيف الانف 👃🩸
مين فينا منزفش قبل كده سواء كان السبب جفاف الاغشيه المخاطيه او الاصابه بالحساسيه او لو عندك اي مرض من امراض الدم زي الهيموفيليا او اتعرضت لاي خبطه في الانف 🤔
طب انا اعمل ايه لما يحصللي نزيف او اشوف واحد بينزف 🧐🩸

١/ الجلوس مع انحناء الرأس قليلا للامام🪑
ليه؟
عشان نمنع دخول الدم للبلعوم ومنه للمعده🤝

٢/ الضغط بالابهام والسبابه على الجزء اللين من الأنف لمدة ١٠ دقائق👃

٣/ مواصلة التنفس من الفم👄

٤/ وضع قطعه من الثلج او كمادات بارده على الانف لتضييق الأوعيه الدمويه (قطعة الثلج تكون ملفوفه بقطعة شاش منعا لحدوث اي حروق للجلد) 🧊👌🏼

بس كدا وان شاء الله النزيف هيقف 👌
ولكن اذا استمر النزيف لمدة اكثر من ١٥ دقيقه يجب الاتصال بالطوارئ فورا(123).🚑
او إذا حدث شعور بالدوار والإغماء 🥴
او اذا كان النزيف بسبب التعرض لصدمه قويه في الوجه تكون قد أدت الى كسر الانف
وبعد كده لازم تتابع مع طبيبك الخاص 👨‍⚕
دمتم بخير🤲
سلام❤️
BY:

السلام عليكم..
النهارده ان شاء الله هنستكمل سلسلة أمراض الدم
وهنتكلم النهارده علي الأنيميا الخبيثة (Pernicious anemia)
ودي انيميا سببها نقص العامل الداخلي اللي بيفرز من المعده (intrinsic factor)
بيفرز من المعده من خلايا جانبيه اسمها (parietal cells)
والعامل الداخلي دا بيساعد علي امتصاص فيتامين ب١٢ (زي م عرفنا وظيفته ف البوست اللي فات 👌)
والجسم بيحتاج فيتامين ب١٢ عشان يصنع كريات دم حمراء وطبعا عارفين وظيفه الكريات الدم الحمراء 😅(نقل الأكسجين للخلايا وغيره.. )
طب اي سبب الأنيميا الخبيثه دي🤔
من أهم الأسباب دي الناس اللي عاملين عمليه تكميم معده وف العمليه دي بيشيل ٨٠٪ من المعده (عشان ياكل قليل وبالتالي يخس)
اهو الناس دي معندهاش الخلايا الجانبيه او قلت بنسبه كبيره (parietal cells) اللي بتفرز العامل الداخلي (intrinsic factor) وبالتالي يقل امتصاص فيتامين ب١٢ فتحصل الأنيميا دي.. 😁
تاني سبب يكون الشخص عنده مرض مناعي وجسمه بيكوِّن أجسام مضاده ضد العامل الداخلي (intrinsic factor)
فالاجسام المضاده دي تحارب العامل الداخلي وتكسره.. فيقل
فتؤدي للانيميا..

طب هيا الانيميا دي خطيره..
طبعا.. الانيميا دي ممكن تؤدي الي شلل ف النهايه..
شلل! 😳 اه شلل..
نقص فيتامين ب١٢ بيعمل مشاكل ف الأعصاب الطرفيه بتبتدئ بتنميل في الأطراف ( وعشان كدا مرضي السكر بياخدوا من ضمن العلاج فيتامين ب١٢ عشان ميحصلش مشاكل في الأعصاب الطرفيه زي تنميل في الأطراف)
نرجع لموضوعنا تاني بقا😂
طب اي هيا اعراض الأنيميا دي🤔
زي اعراض الأنيميا العاديه (شحوب في الوجه والتهاب في اللسان وغيره..) ولكن بيزيد عليها مشاكل الأعصاب وتظهر مشاكل في الذاكره..
طب اي علاج الأنيميا دي..
علاجها هوا اننا نكتب للمريض فيتامين ب١٢ ممكن كل يوم أو كل أسبوع علي حسب الحاله.
لحد م مستواه يرجع طبيعي..
فيه مشكله خطيره جدا لازم تاخد بالك منها 😳😳
مينفعش المريض دا ياخد حمض الفوليك بس (اللي هوا فيتامين ب٩)
لان حمض الفوليك عشان يتنشط محتاج فيتامين ب١٢ وبالتالي هياخد الشويه الصغيرين اللي بجسمك
وبالتالي المريض هيسوء اكتر وممكن يخش في مراحل متأخره ويجيله شلل👌
فحذار ثم حذار نكتب للمريض حمض الفوليك (فيتامين ب٩) فقققط..
بسكدا
عافانا الله وإياكم.. ❤️
BY:

السلام عليكم
هنكمل سلسلة امراض الدم والنهارده معادنا مع اهم مرض وهو الانيميا👌💉
ايه هو الانيميا ده 🤔
الانيميا ده بيبقى خلل في تركيب ووظيفة كريات الدم الحمرا ونقصها في الجسم💁
كتير مننا بيسمع عن المرض واول سبب بييجي في دماغك انه نقص الحديد في الجسم هو السبب في ده😎
لكن في الحقيقه الانيميا ده مرض بينتج نتيجة اي خلل بيحدث في كريات الدم الحمراء (RBCs) وبيكون متعدد الاسباب يعني انت ممكن يبقى في جسمك نسبة حديد كويسه بس بتعاني من الانيميا😞
النهارده بقا هنتكلم عن سبب من الاسباب وهو نقص ڤيتامين ب١٢ (vit B12) في الجسم 🧐
هلمحلك عن حاجه وبعد كده نرجع للموضوع😊
احنا عارفين طبعا ان الخليه بتكون من نواه والنواه بتكون من DNA وRNA دول بقا بيتكونوا من قواعد نيتوچينيه زي الثيامين والسيتوزين كده فانا لما أأثر على القواعد النيتروجينيه ده اكيد هيحصل خلل في الDNAوRNA واكيد هيحصل خلل في الخليه مش عاوزه فقاقه 😁
طب تمام احنا بقا النهارده بنتكلم عن نقص vit B12 ده ماله ومال التلميحه ده🤔🤔
انا عاوز اقولك بقا ان vit B12 ده مهم لتكوين القواعد النيتروجينيه
طب احنا بقا عندنا نقص يبقى النقص ده هيأثر على القواعد وبعد كده هيأثر على تكوين كريات الدم الحمراء من حيث التركيب والوظيفه
والبعض هيسأل هو مش كريات الدم الحمراء مفيهاش نواه ازاي هتتأثر بقا🤔 والقواعد النيتروجينيه اللي حصل فيها خلل ده بتبقى موجوده في النواه🧐
هنقول ان كريات الدم الحمرا كان في داخلها نواه لغاية آخر مرحله في تكوينها فاحنا كده أثرنا على جميع مراحل التكوين عدا آخر خطوه فبالتالي الRBCs هيحصل فيها خلل😊
فبكده نقص vit B12 هيأثر على كريات الدم الحمراء وبالتالي كريات الدم الحمرا مش هتقدر تقوم بالوظيفه بتاعتها 😢
طب وايه السبب ورا نقص vit B12 🤔
1/ انك مش بتاكل اكل فيه vit B12 🤝🏼
2/ان الكميه اللي انت بتاخدها عاوز اكتر منها.. (لما تكون واحده حامل مثلا😁) 🤝🏼
3/انك مش عارف تمتصه وتستخدمه في جسمك 🤝🏼
اول سببين هقدر اتغلب عليهم وده عن طريق اني هاكل اكل فيه vit B12 وهكتر منها 😁
والنقص ده بنشوفه جامد في الاشخاص النباتيين اللي مش بيأكلو اي حاجه من منتجات الحيوان
طب دول يموتوا يعني من الانيميا 🧐
لا طبعا 😊
احنا بنعطيلهم فيتامينات خارجيه ومن اهمهم vit B12 💁
طب تالت سبب ده هنعمل فيه ايه🧐🤔
ده انا باكل منتجات حيوانيه ولحمه وممكن اكون باخد ڤيتامينات خارجيه وبردو عندي انيميا والسبب فيها نقص vit B12 ازاي 😢🧐
هقولك علطول ان vit B12 ده بيحتاج حمض الهيدروكلوريك اللي موجود ف المعده ومحتاج حاجه اسمها العامل الداخلي (Intrinsic factor) عشان يتم الامتصاص ف الامعاء
فبعد م بناخد الڤايتمين ب ١٢ بيتحد مع Intrinsic factor
ويقوموا ماشيين لغاية نهاية الامعاء الدقيقه وهناك يلاقو مستقبل ليهم هو ده المكان اللي هيحصل فيه امتصاص ل vit B12 ولكن مفتاح المستقبل ده هو Intrinsic factor 😊
فيقوم المستقبل مفتوح ويحصل الامتصاص بنجاح👌🏼🤝🏼
طب انا استفدت ايه من ده كله
انا عاوز اقولك ان لو حصل اي خلل خلال المسيره ده هيؤدي لعدم الامتصاص وبالتالي هيأدي الى حدوث انيميا واسمها ( prenicious anemia ) و ممكن يسبب مرض اسمه Crohn's disease والمرضين دول هنتكلم عليهم في بوست تاني باذن الله
بسكدا ربنا يعافينا ويعافيكم 🤍✨
سلام❤❤
BY:

السلام عليكم..
هنتكلم النهارده عن مرض مهم من أمراض الدم ومعظمنا بيسمع عنه وهو الثلاسيميا.
كتير مننا بيسمع عنها ولكن مش فاهم معناها.
وكتير مننا بيسمع نداء للتبرع بالدم لمرضى الثلاسيما وللأسف مش فاهم ليه.. 😔
بص هاخدك في لمحه سريعة عشان تفهم الموضوع من جذره.. 😉
عندنا بروتين اسمه الهيموجلوبين ودا بروتين مركب بيكون من اكتر من وحده
والهيموجلوبين دا موجود جوا كرات الدم الحمراء عشان ينقل الأكسجين لانسجه جسمنا.
اهو الهيموجلوبين (Hemoglobin) دا بيتكون من ال heme وال globin 😅😅
ال heme دا اللي بيحتوي علي عنصر الحديد ولكن دا مش موضوعنا دلوقت 😅
هنركز دلوقت علي ال globin ودا لو حصل فيه خلل او طفره (غالبا حذف الجين المسئول) هيحصل الثلاسيميا
والهيموجلوبين عند الإنسان البالغ بيتكون من سلسلتين من الالفا وسلسلتين من البيتا ( 2alpha chains and 2beta chains)

والثلاسيميا دي انواع (علي حسب الخلل او الجين اللي هيحصل فيه طفره) هيحصل فين في الالفا ولا البيتا
ولو حصل في الالفا هيبقي اسمه ألفا ثلاسيميا.. 😊
ولو حصل في البيتا هيبقي اسمه بيتا ثلاسيميا.. (وبتيجي اكتر للناس اللي موجوده في منطقه البحر المتوسط) وعشان كدا بيسموها انيميا البحر المتوسط 😉
معلومه سريعه كدا ان الجين المسئول عن الألفا جلوبين موجود علي الكروموسوم رقم ١٦
والجين المسئول عن تصنيع البيتا جلوبين موجود علي الكروموسوم رقم ١١
هنتكلم علي البيتا ثلاسيميا واشمعنا البيتا؟🤔لأنها اكثر الأنواع شيوعا 😅
ودي بتكون درجات:
-درجه صغري(thalathemia minor) : وفي الحاله دي الشخص هيكون حامل للجين اللي فيه خلل ولكن غير مصاب بالمرض وصعب اكتشافه لان ببساطه مش ظاهر عليه اعراض😅
-درجه متوسطه (thalathemia intermediate) :ودي بيظهر اعراض علي المريض
-درجه عظمى (thalathemia major) : وهنا بيعاني المريض من شده الأعراض بتاعت الثلاسيميا واللي ممكن توصل بيه انه محتاج ينقل دم مرتين ف الشهر... 😔
انت عمال تقول اعراض اعراض اعراض..
طب اي هيا اعراض الثلاسيميا 🤔:
تعب عام في الجسم ومشاكل في التنفس و الصفراء (اصفرار العين) وتضخم في الكبد والطحال..
ومن اهم الأعراض بروز عظام الوجه لدرجه انك بتعرف الشخص دا من بعيد اول لما تشوفه كدا..

طب اي علاج الثلاسيميا 🤔
العلاج علي حسب درجه الثلاسيميا
الدرجة الصغري مش بيظهر اعراض فبالتالي صعب الاكتشاف
والدرجه المتوسطه ممكن يحتاج نقل دم مرتين في السنه (علي حسب الحالة)
والدرجه العظمي بيحتاج نقل دم مرتين ف الشهر (علي حسب الحالة) وممكن توصل بينا الحالة اننا نستأصل الطحال (splenectomy)

ووممكن يتم زرع نخاع عظام (ودا للمريض اللي في بداية المرض ومنقلش دم او نقل بس بقاله فتره صغيره)
بسكدا ياصديقي ☺️
عافانا الله وإياكم ❤️
BY:

السلام عليكم
النهارده هنتكلم عن مرض شائع اوي وهو الصداع فيه حد فينا مبيصدعش🤔😅 بس خلي بالك مش هنتكلم عن أي صداع 🤯
احنا هنتكلم عن الصداع النصفي (Migraine)🔥
الصداع النصفي ده مش زي اي صداع عادي☠️
ده صداع بيشتكي منه حوالي فرد من كل سبع افراد على الكوكب وهو ايضا يعتبر ثالث أكثر مرض انتشارا في العالم
هتقولي طب ما ده كأنه اي صداع والصداع بييجي لناس كتير🤔
وهيكون الرد
ان أوصاف المرضى اللي بتعاني من المرض ده هي اللي حددت انه مش مجرد صداع عادي🤕🤯
طب ايه الاوصاف ده
١/ منشار بينشر في نصف دماغ المريض🪚
٢/ حد ماسك شاكوش وبيدق مسامير في نص دماغ المريض🔨🔩
٣/ او فيه حد بيصب مياه مغليه على نص دماغ المريض
هتقولي الحاجات ده كلها بتحصل في نص الدماغ🤔
هقولك اه انا مقصدش في منتصف الدماغ
انا اقصد في النص اليمين او الشمال من الدماغ
والنص التاني مش بيبقى بيعاني من اي اعراض
عشان كده سموه الصداع النصفي😎
والسؤال هييجي هنا وهتقوللي هو الصداع النصفي بيبقى صعب كده
قولتلك انه مش مجرد صداع👌☠️
والصداع النصفي ده ليه اعراض كتيره من اهمها حساسيه للصوت والاضاءه واضطرابات لبعض الحواس (الهالة)
يعني انت لو جالك اي عرض من دول وحسيت بصداع ده في الغالب هيبقى صداع نصفي🥴🤯
هتقوللي اكيد كثرة القعده على الفون📱هي اللي بتجيبه
هقولك لا المرض ده موجود من قديم الأزل
وللاسف لم يتم تحديد ادويه لعلاج هذا المرض الى حد الآن
ولكن الطريقه المتعارف عليها مصريًا😅❤️
انك تربط إيشارب (طرحه) حولين دماغك وعلفكره الطريقه ده كانت موجوده في واحده من اقدم المخطوطات الطبيه📃📃 اللي تم العثور عليها في مقبرة طيبه والتي تعرف ببردية إيبريس
وفكرة عملها انها كانت بتخفف من انتفاخ الاوعيه الدمويه الموجوده في الدماغ فبتخفف من الاحساس بالضغط على الدماغ فبالتالي الصداع النصفي بيخف😎
ولو انت مجالكش الصداع النصفي قبل كده يبقى تحمد ربنا
ربنا يعافينا ويعافيكم🤍
سلااام❤️❤️
By

السلام عليكم
النهارده هتكلم عن موضوع الفيديو اللي فات واللي هو كان بعنوان Drinking water within the food 🚰🥪

أكتر الأمهات بينصحوا الأبناء بعدم شرب المياه على الاكل وعندما يسأل الإبن عن سبب هذا ترد الأم
هو غلط وخلاص 😅 أو تقول انت لما بتشرب مياه كتير كده انت بتعوّم الاكل اللي انت أكلته وكده مش هتستفيد من الاكل

وبردو مش بنسمع الكلام وبنشرب على الاكل عادي جدا😂

نتجه للسبب الطبي 💉💊
أولا كلام الأم مش كله صح ومش كله غلط
عايز اقعد في البيت لأني مش مستغني طبعا😅
رأي الطب:
ان شرب المياه اثناء الاكل مش غلط بل حاجه كويسه وليها فوايد كتير جدا
بس متفرحش كدا كمل للآخر😂⬇️

من الفوايد
١/ شرب الميه بيحسن عملية الهضم ؛ لازم يكون فيه سوائل في المعده عشان تعرف تهضم الاكل
٢/ شرب الميه بيحسن من امتصاص المواد الغذائيه اللي موجوده في الاكل اللي كلته سواء في المعده او في الامعاء
٣/ شرب الميه بيقلل العرضه لحدوث امساك(constipation)
٤/ وده اهمهم بالنسبه لإخوتنا اللي عاوزين يخسوا👌😎
انت لما بتشرب مياه كتير فبكده بتقلل من المساحة الموجوده في المعده اللي هتستوعب الاكل فبكده اخوكم اللي عاوز يخس مش هياكل كتير يعني هيوفر😂 وهيخس يعني ضربنا عصفورين بحجر 😅😂
تحياتنا لإخواتنا اللي عاوزين يخسو😂♥️

نيجي بقا للأضرار
هتقوللي هو فيه اضرار
هقولك اه
هو مش اي حاجه لما بتكتّر منها بتقلب بالاضرار بتاعتها
بالظبط كدا
هو ده اللي هيحصل لو شربت ميه كتير على الاكل هيجيلك انتفاخ بعد الشر

وبكده خلصنا شرح الفيديو اللي فات
يعني من الآخر كوباية ميه او واحده ونص على الأكل ومتزودش عن كده
سلاااام♥️
YouTube channel link
https://youtube.com/channel/UCF5588HDh0dgYja1EzfZJbg
لنك الفيديو
https://youtu.be/3VtL78LrquA

Our page link
https://www.facebook.com/3bkareno-102954808792517/

شرب الميه خلال الأكل يسبب خلل في عملية الهضم!🧐🤔

لو عجبك الفيديو متنساش الاشتراك في القناه🔥❤️

Drinking water within food 🚰🥪 This video is showing if drinking water within the food is wrong or correct thing 🧐🤔Our channel is specialized in medicine 💊💉Our slogan is (The skill to ...

السلام عليكم
النهارده هتكلم عن موضوع الفيديو اللي فات واللي هو كان بعنوان اختلاف مدى تأثير كل من المورفين والكوكايين والحشيش
هنبدأ ازاي؟!
هنقول قصه صغيرة ونستنبط منها التأثير بتاع كل واحد فيهم⬇️
القصه: عندنا ٣ أشخاص راجعين البيت بالليل متأخر وكلهم عاوزين يناموا 🏙️😴
الاول كان متعاطي الكوكايين
الثاني متعاطي المورفين
الثالث متعاطي الحشيش
الاول جه قدام الباب لقاه مقفول، يعمل ايه؟!
يقوم يحاول يكسر الباب وده لان تأثير الكوكايين هو تحفيز اعضاء وعضلات الجسم
طب التاني هيعمل ايه؟!
اول ما يلاقي الباب مقفول مش هيتعب نفسه خالص ده هتلاقيه فرش قدام الباب ونام للصبح وده لان تأثير المورفين هو تثبيط عمل كل من اعضاء وعضلات الجسم
طب التالت ؟!
التالت ده بقا اول ما يلاقي الباب مقفول دماغه هتشتغل بس مش هتشتغل صح طبعا 😂 ده اول ما يلاقي نفسه في الموقف ده هتلاقيه بيفكر انه يدخل من فتحة المفتاح اللي في الباب وده لان تأثير الحشيش هو اصابة المتعاطي ب الهلوسه
وبكدا عرفنا نفرق ما بين تأثير كل من ٣ ادويه(مخدرات)

YouTube channel link/
https://youtube.com/channel/UCF5588HDh0dgYja1EzfZJbg