القـــــرآن بالمصــري

ســــــورة الكهــــف
#بالمصري

https://www.quran.com/18/83-100

بيسألوك (يامحما) علي أبو قرنين، قولهم هاحكي لكم عنه حكاية

أنا (الله) خليته متمكن في الأرض واديته طرق علشان يتبعها

فإتبع طريق منها

(وفضل ماشي فيه) لغاية ما وصل للحتة اللي بتغرب فيها الشمس فلقاها بتغرب في عين معكرة، ولقي عندها ناس فقلتله يا ابو قرنين اما انك تعذبهم او تعاملهم كويس

قال الظالم فيهم هاعذبه وبعدين اموته علشان يروح لربه فبرضه يعذبه عذاب رهيب

أما اللي آمن وعمل حاجات كويسة هاديله جزاء الحاجات الكويسة وهاقوله أوامر سهلة

وبعدين (ابو قرنين) اتبع طريق تاني

(وفضل ماشي فيه) لغاية ما وصل للحتة اللي بتطلع منها الشمس فلقاها بتشرق علي ناس أنا مش ساترهم منها

بس علشان (ابو قرنين) يبقي عنده خبر عنهم

وبعدين (ابو قرنين) اتبع طريق تالت

(وفضل ماشي فيه) لغاية ما وصل لحتة فيها جبلين وفي ناس بينهم يكادوا يكونوا مش فاهمين اي حاجة بتتقالهم

الناس دول قالوا: يا أبو قرنين يأجوج ومأجوج خاربين الدنيا فساد، ممكن نديلك حسنتك بشرط انك تحط بينا وبينهم جبل

قالهم ان بعون الله اللي عندي احسن بس ساعدوني وانا ابني بينكم وبينهم سد

هاتولي ازبار (خوابير) حديد، وبعدين لما حطهم جنب بعض قالهم انفخوا فيهم، لغاية ما بقوا سخنين نار قالهم هاتولي نصب عليهم نحاس

فمقدروش (يأجوج ومأجوج) يعدوا فوقه او يحفروا فيه

(ابو قرنين) قال ان السد ده رحمه من ربنا لكن ربنا وعد ان هايدك السد ويساويه بالارض ووعد ربنا ده حقيقي

ويومها (انا ربنا) سبتهم يخبطوا في بعض وبعدين اتنفخ في البوق فجمعتهم

وعملت عرض للكافرين وفرجتهم علي جهنم

ســـــورة الشَّــــــــرح
https://quran.com/94


هو انا مش وسعتلك صدرك -(آمحمد؟)
وشلت عنك ذنبك
اللي كان حمل تقيل علي ضهرك
وعليت من قدرك
طب الشدة أهي بيبقي معاها تساهيل
الشدة بيبقي معاها تساهيل
لما تخلص اللي وراك اقف وشد حيلك
وخلي عندك رغبة في ربك

#بالمصري

ســـــورة البـــــــروج
#بالمصري


القـــــرآن بالمصــري https://quran.com/85

القـــــرآن بالمصــري

#بالمصري
https://quran.com/7/58

ســــــــورة الشمـــــــس
#بالمصري

https://www.quran.com/91

أقسم بالشمس ووقت الصبح وبالقمر اذا جه بعدها
وبالنهار اذا كشفها وبالليل اذا غطاها
وبالسماء وبالطريقة المبنية بيها
وبالأرض وسطحها
وبالنفس واللي صنعها
واللي ألهمها فجورها
وطاعتها لربنا
اللي طهرها كسب
واللي خباها في المعاصي خسر
قوم ثمود ماصدقوش وعصوا
وجري بسرعة أشقي ناس فيهم
فقالهم رسول الله ده جمل ربنا ودي المياة بتاعته
(بمعني ابعدو عن الجمل وبلاش تئذوه)
فما صدقوش ودبحو الجمل ..
ففعصهم ربنا بسبب ذنبهم وجابها الأرض
وماخافش من رد فعلهم

ســــورة الأعــــــراف #بالمصــــــــــــــــري

أنا مش بأبعت نبي لقرية إلا لو نزلت علي أهلها الفقر والضرر، علشان يمكن يتضرعوا ليا

وبعدين أروح مبدل أحوالهم السيئة دي بأحوال كويسة لغاية ماتتحسن أوضاعهم ويقولوا أهالينا برضه مسهم الضرر وبعدين الدنيا بشبشت معاهم.. أروح أنا واخدهم علي خوانة وهما مش حاسين!

ماهو أهل القري دول لو أمنوا بيا وأتقوا شري كنت فتحت عليهم بركات من السما ومن الأرض، لكن هما كذبوني فأنا أخدتهم علي خوانة هما واللي بيكسبوه

هما أهل القري دول فاكرين نفسهم آمنين من إن عذابي يجيلهم وهما بايتين في بيوتهم ونايمين؟

ولا هما أهل القري فاكرين نفسهم آمنين من إن عذابي يجيلهم في عز النهار وهما بيلعبوا؟

هما فاكرين نفسهم آمنين من مكر الله؟ ده ماحدش بيفتكر نفسه آمن من مكر الله الا الناس الخسرانة

هما الناس اللي بيجوا بعد الناس اللي كانوا علي الأرض دي، مش بيجي في دماغهم إن أنا لو عايز.. ممكن برضه أعاقبهم علي ذنوبهم وأبرشم قلوبهم علشان ما يسمعوش؟

القري دي اللي بأحكيلك عليها [يامحما] رغم إن كان بيجيلهم رسلهم بالأدلة الباينة الا إنهم ماكانوش هيصدقوا اللي كذبوه قبل كده، وبرضه ربنا بيبرشم قلوب الكافرين
https://quran.com/7/94-101
ســــورة الأعــــراف


#بالمصــــــــــــــــري

ياجماعة المؤمنين إقرأوا القرآن وتدبروه، فذلك هو خير طريق لإكتشاف ما أنتم فيه من ضلال!