إسلام عزت الشرقاوي للمحاماةوالإستشارات القانونية. Eslam elsharkawy law firm

كل عام وحضراتكم طيبين و بخير رمضان كريم♥️🌙

للتنوية.....بالنسبة لعملاء مكتبنا بعرب الحصوة - طوخ - القليوبية؛ تم نقلة بالمنزل.
مواعيد عمل المكتب يوميآ من الساعة 9 م الي الساعة 11م ماعدا يوم الخميس.
للتواصل من خلال وسائل الاتصال الموضحة .
دمتم بخير.

[email protected]

‏كل‏ سنة وحضراتكم طيبين وبخير 🌙

‏ 𝐑𝐀𝐌𝐀𝐃𝐀𝐍 📿 𝐊𝐀𝐑𝐄𝐄𝐌

النهاردة صدر حكم هام جدا من المحكمة الدستورية العليا بخصوص القانون رقم 219 لسنة 2017 الخاص بجريمة الإمتناع العمدي عن تسليم الميراث ، والفصل في دستورية المادة 49 من القانون الخاصة بعدم وجود قسمة نهائية رضًاء أو قضاءً لقيام جريمة الامتناع عمدًا عن تسليم أحد الورثة نصيبه الشرعي من الميراث

معناه إيه الكلام ده ..

كانت في دعوي مقامة أمام محكمة جنح مستأنف بالإمتناع العمدي عن تسليم الميراث الشرعي لأحد الورثة ودفع بعدم دستورية نص المادة ( 49 ) علي وجه الخصوص ، وقيدت برقم الدعوى رقم 31 لسنة 42 قضائية "دستورية"
وذلك علي سند من أنها لم تتضمن نص خاص يفيد وجود قسمة نهائية بين الورثة وتحديد نصيب كل وارث في التركة تحديدا مفرزا حتي يتسني القول بوجود جريمة الإمتناع العمدي عن تسليم الميراث ✍️

المحكمة الدستورية حكمت برفض الدعوي المقامة بعدم دستورية المادة 49 من القانون رقم 219 لسنة 2017 ، وقيام جريمة الإمتناع العمدي عن تسليم الميراث حتي ولو لم يكن هناك قسمة شائعة أو مفرزة في التركة ، فكلاهما يقبل الحيازة والتصرف والتسليم ، وإستندت في حكمها إلي المذكرة الإيضاحية لمشروع القانون ، وكذلك مناقشات مجلس النواب ، وتركت الأمر لعقيدة القاضي يكونها من خلال الأوراق

وبذلك يكون الدفع الخاص بعدم وجود تقسيم للتركة الذي كان محلا للبراءة لكل الجنح المقامة بالإمتناع العمدي عن تسليم الميراث غير ذي محل ومعرضا لنقضه .

مواريث "جنحه امتناع تسليم ميراث"
د محمود خضر.

✍⚖

لو حضرتك رجل قانون وبتقابلك مشكله فى شراء الكتب القانونيه .. رجاء تقرا البوست ده 😊
***
زملاء كتير بتحتار فى شراء الكتب ، وبتبقى مش عارفه تشتري لانهى مؤلف ، وبيضطر يشترى اى كتاب يقابله اعتمادا على عنوان الكتاب او على سعره بصرف النظر عن اسم المؤلف أو القيمة العلميه للكتاب.
وعلى صفحتى كنت بحاول كل فتره انزل كتاب شايف – من وجهة نظري – انه كتا
والبوست ده بحاول أجمع أهم الكتب القانونية فى بعض أفرع القانون المتداوله فى شغلنا ( المدنى – المرافعات والاثبات والتنفيذ – العقوبات – الاجراءات – الاحوال الشخصيه – الادارى – التجارى ) أما القانون الدولى والبحرى والجوى فأنا غير مطلع عليهم اطلاع كافى يسمح لىّ انى أرشح كتاب دون الآخر.
***
لكن قبل ما نبدأ عايز أقول ملحوظة هامه جدااا : ان الكتب دى تعتبر من اهم الكتب من الناحيه العمليه ، بمعنى انك ممكن تعتمد عليها وتشتغل منها قضيه عاديه زى القضايا اللى بنشتغلها ، انما لو قضيه متخصصه جداا يبقى لازم تشترى كتاب متخصص فى هذه المسأله أو رسالة دكتوراه هتكون اكثر تخصصا ... يعنى لو عندك قضيه فيها اثبات نسب مثلا ، يبقى الافضل انك تشترى رسالة دكتوراه ( اثبات النسب فى ضوء المعطيات العلميه المعاصره ) للدكتوره عائشه المرزوقى ، ولو عندك قضيه فيها اعتراف متهم ، يبقى الافضل تشترى رسالة ( اعتراف المتهم ) للدكتور سامى الملا... لو عندك قضيه تحرش تجيب رسالة (جريمة التحرش الجنسي دراسة مقارنه ) للدكتور السيد عتيق ...وهكذا.
***
✳ اولاً : فى القانون المدنى :-
1- طبعا موسوعه الوسيط للسنهورى لا غنى عنها ، فيه طبعة بيروت القديمه ودى غير منقحه ، وفيه طبعه تنقيح المستشار مصطفى الفقى ، وفيه طبعه تانيه تنقيح المستشار المراغى ، واجمل طبعه وافخمها هى طبعه دار الشروق ، وتقع فى عشره مجلدات ، وسعرها هيزيد على الالف جنيه.
2- المطول فى القانون المدنى ، للمستشار أنور طلبه ، طبعه الازاريطه بالاسكندريه ، ودى كانت فى 14 مجلد ويقال انه زودهم وبقت 15 أو 16 فى طبعتها الجديده.
3- التقنين المدنى ، للأستاذ كمال عبد العزيز ، ، وده عباره عن مجلد واحد ضخم حوالى 1800 صفحه ، طبعة 2003 ، لكن يدوب شارح حوالى 200 ماده فقط من مواد القانون المدنى وتوفى قبل استكماله، لكن يعتبر من أهم مراجع القضاه. وفيه طبعه قديمه مكونه من جزئين لكن الافضل تشترى المجلد الاحدث لان به زيادات هامه.
4- التعليق على القانون المدنى ، للمستشار أنور العمروسى ، فى 8 مجلدات ، وبصراحه أنا مرجعتش ليها كتير فى شغلى لانه ناقل من السنهورى ، فديما برجع للاصل ، لان السنهورى شارح بتوسع اكتر ، لكن ميزة العمروسى انه بيعلق على المتون ، يعنى بيعلق على القانون المدنى ماده ماده ، اما الوسيط للسنهورى فمقسمها موضوعات.
5 - موسوعة سليمان مرقص في القانون المدني ، حوالي ١٨ مجلد.
وده طبعا خلاف امهات الكتب الفرديه ، طبعات قديمة لكبار فقهاء القانون المدني مثال دكتور حسن كيرة او اسماعيل غانم وغيرهما.
***
✳ وفى الايجارات :-
1- قانون ايجار الاماكن ، للمستشار عزمى البكرى ، خمسة مجلدات.
2- ايجار الاماكن ، للمستشار مصطفى هرجه ، ثلاثه مجلدات.
3- عقد الإيجار ، للدكتور عبد الناصر العطار، مجلد واحد ضخم.
4- الفسخ والاخلاء ، للمستشار مصطفى هرجه ، أربعه مجلدات.
5- موسوعة الايجارات والإخلاء ، للمستشار محمد ابوالليل في ثلاثه مجلدات.
***
✳ ثانيا:- فى المرافعات والاثبات والتنفيذ :-
1- موسوعة التعليق على قانون المرافعات ، للدكتور احمد المليجي ، سبعة اجزاء ، من اشهر موسوعات قانون المرافعات وتعتبر مرجع اساسى لمعظم القضاه.
2- تقنين المرافعات ، للأستاذ كمال عبد العزيز، فى مجلدين.
3- التعليق على قانون المرافعات ، للمستشار الدناصورى والأستاذ حامد عكاز وتقع فى اربعة مجلدات.
4- التعليق على قانون المرافعات ، للدكتور أحمد ابو الوفا ، فى مجلد واحد ضخم.
5- المبسوط فى القضاء المدنى للدكتور فتحى والى ، فى مجلدين.
***
✳ فى الاثبات :-
1- التعليق على قانون الاثبات ، للمستشار الدناصورى والأستاذ حامد عكاز، فى ثلاثه مجلدات.
2- التعليق على قانون الاثبات للدكتور احمد ابو الوفا ،فى مجلد واحد.
3- المرشد فى الاثبات ، للمستشار يحي اسماعيل ، مجلد ضخم
4- التعليق على قانون الاثبات ، للمستشار عزمى البكرى ،فى اربعة مجلدات.
***
✳ فى التنفيذ :-
1- موسوعه التنفيذ ، للدكتور احمد مليجي ، فى ثلاثة مجلدات.
2- التنفيذ للمستشار مصطفى مجدى هرجه ، فى اربعة مجلدات.
3- التنفيذ المدنى والتجارى ، للدكتور احمد ابو الوفا، فى مجلد واحد.
4- التنفيذ للأستاذ محمد على راتب ، فى مجلدين.
***
✳ ثالثاً العقوبات :-
1- التعليق على قانون العقوبات للمستشار مجدى هرجه ، وتقع فى اربعة مجلدات.
2- موسوعة العقوبات للمستشار ايهاب عبد المطلب ، فى اربعة مجلدات.
3- شرح قانون العقوبات الخاص للدكتور فتحى سرور ، مجلدين.
4- الوسيط فى قانون العقوبات العام ، للدكتور فتحى سرور مجلد واحد.
5- شرح قانون العقوبات الخاص ، للدكتور محمود نجيب حسنى، مجلد واحد ضخم.
6- شرح قانون العقوبات الخاص ، للدكتوره فوزيه عبد الستار، مجلد واحد ضخم.
7- شرح قانون العقوبات الخاص ، للدكتور مأمون سلامه، فى مجلدين.
8- شرح قانون العقوبات الخاص ، للدكتور مدحت سالم ، مجلد واحد.
9- شرح قانون العقوبات الخاص ، للدكتور عمر سالم، مجلد واحد.
10- المرصفاوى فى قانون العقوبات ، للدكتور حسن المرصفاوى، مجلد واحد. وهو عباره عن تعليق على مواد قانون العقوبات بأحكام النقض ويقع فى حوالى ألفين صفحه تقريباً
11- التعليق على قانون العقوبات ، للمستشار هشام الجميلى فى اربعة مجلدات.
12- التعليق على قانون العقوبات ، للمستشار صبرى الراعى ، فى ستة مجلدات.
13- الموسوعه الجنائيه ، للمستشار جندى عبد الملك ، وتقع فى خمسه مجلدات ، والموسوعه دى قديمه تمت كتابتها فى الثلاثينات ، لكن تعتبر من اهم المراجع ، وهو مقسمها ابجديا ، حسب الموضوعات وتشمل عقوبات واجراءات.
14- قانون العقوبات الخاص للدكتور محمود محمود مصطفى ، فى مجلد واحد.
15- قانون العقوبات الخاص للدكتور احمد شوقى ابو خطوه، فى مجلد واحد.
16- قانون العقوبات الخاص للدكتور رؤوف عبيد فى مجلد واحد.
17- قانون العقوبات الخاص للدكتور رمسيس بهنام فى مجلد واحد.
***
✳ الاجراءات الجنائيه :-
1- الاجراءات الجنائيه ، للدكتور مأمون سلامه ، ثلاثة مجلدات.
2- الاجراءات الجنائيه ، للدكتور نبيل مدحت سالم ، ثلاثة مجلدات
3- التعليق على قانون الاجراءات الجنائيه ، للدكتور حامد الشريف ، خمسه مجلدات.
4- المرصفاوى فى قانون الاجراءات الجنائيه ،للدكتور حسن صادق المرصفاوى، وهو عباره عن تعليق على مواد قانون الاجراءات بأحكام النقض ويقع فى حوالى ألفين صفحه تقريباً.
5- الوسيط فى الاجراءات الجنائيه للدكتور احمد فتحى سرور ، فى مجلدين.
6- قانون الاجراءات الجنائيه للدكتور محمود نجيب حسنى فى مجلدين.
7- قانون الاجراءات الجنائيه للدكتوره فوزيه عبد الستار مجلد واحد ضخم.
8- قانون الاجراءات الجنائيه للدكتور عبد الرؤف مهدى مجلد واحد ضخم.
9- قانون الإجراءات الجنائيه للدكتور محمود محمود مصطفى ، فى مجلد واحد.
10- قانون الاجراءات الجنائيه للدكتور رؤوف عبيد فى مجلد واحد.
11- المشكلات العمليه فى قانون الاجراءات الجنائيه للدكتور رؤوف عبيد ، فى مجلدين.
12- قانون الاجراءات الجنائيه للدكتور رمسيس بهنام فى مجلد واحد.
13- التعليق على قانون الاجراءات الجنائيه ، للمستشار مصطفى هرجه ، فى اربع مجلدات.
✳ فى المخدرات :-
1- البراءه والادانه فى قضايا المخدرات ، للمستشار مصطفى هرجه ، فى ثلاثة مجلدات ... وانا عن نفسي بفضل الموسوعه دى جدااا.
2- موسوعه المخدرات ، للمستشار السيد خلف ، فى مجلدين.
٣-المرجع العملي في قضايا المخدرات ، لمحمد ابو شقه ، في مجلد واحد.
4- الدفوع في المخدرات ، لايهاب عبد المطلب ، مجلد واحد.
✳ فى الدفوع الجنائيه :-
1- موسوعة الدفوع الجنائيه للمستشار ايهاب عبد المطلب ، فى اربعه مجلدات.
2- موسوعة الدفوع الجنائيه للمستشار مصطفى هرجه ، فى خمسة مجلدات ( ولو انى لاحظت انه ناقل ما ذكره فى موسوعتيه العقوبات والاجراءات )
3- موسوعة الدفوع للدكتور حامد الشريف وتقع فى ثمانية مجلدات وهى ممتازه جدا.
***
✳ فى الاحوال الشخصيه :-
1- افضل من كتب فى الاحوال الشخصيه بلا منافس هو المستشار اشرف مصطفى كمال ، ولذلك اى كتاب احوال شخصيه تلاقى عليه اسمه اشتريه على طول ، ونادرا لما تلاقى حكم لمحاكم الاسره لا يستعين بأحد مراجع المستشار مصطفى كمال.
2- موسوعة الاحوال الشخصيه لعزمى البكرى ستة مجلدات.
3- أحمد نصر الجندى ليه كتب كويسه فى الاحوال الشخصيه.
***
✳ فى القانون الادارى :-
1- اى كتاب للمستشار الدكتور ماهر ابو العينين ، وليه موسوعة مكونه من ستة مجلدات ، بعنوان الموسوعة الشامله فى القضاء الادارى.
2- مجموعة كتب الدكتور عبد العزيز عبد المنعم خليفه.
3- كتب الدكتور ثروت بدوى
4- كتب الدكتور جابر نصار
5- كتب الدكتور رأفت فوده
6- كتب الدكتور وهيب عياد سلامه
7- المستشار حمدي ياسين عكاشة ، وليه موسوعه ممتازه جداا في المرافعات الاداريه. وليه كتب كتير منفرده في القانون الاداري.
***
✳ فى القانون التجارى :-
1- اى كتاب للدكتور سميحه القليوبى استاذه القانون التجارى فأكيد لا يخلو من فائده وانصحك بشرائه مهما كان ثمنه.
2- كتب الدكتور محمود سمير الشرقاوي
3- كتب الدكتورعلى جمال الدين عوض
4- كتب الدكتور محمد بهجت قايد
5- كتب الدكتور هانى سري الدين.......
بعد ما وصلنا لنهايه البوست ، ضرورى اقول شوية ملاحظات :-
الأولى : ان الكتب دى انا اشتريتها بالفعل وشايف فعلا انها من افضل الكتب اللى بقدر اعتمد عليها من بين مئات الكتب غيرها.
الثانيه : بحر العلم لا شطآن له ، فلا تكتفى بشراء هذه الكتب ، لكن خلينا نقول ان القائمه دى ممكن تكون نواه لمكتبه قانونيه محترمه ، ومع الوقت لازم هتزودها بمئات الكتب غيرهم وغيرهم طبقا لاحتياجاتك.
الثالثه : انا مكتبتش اسعار الكتب لانها فى زياده مستمره ، يعنى مثلا كتاب للدكتور فتحى سرور كنت مشتريه بـ 350 دلوقتى سعره وصل 600 جنيه ، لذلك يفضّل تسأل بنفسك على سعر الكتاب لانى مش عارف سعره دلوقتى وصل كام.
الرابعه : طبيعي ان عدد المجلدات قد يختلف عن المكتوب تبعا لاختلاف الطبعات ، يعنى موسوعه فى اربع مجلدات ممكن يعاد طبعها فى ثمانيه مجلدات.
الخامسه : انا لا امتلك دار نشر ، فطبيعى ان يكون فيه مئات الكتب القيمه لم تصل إلى يدي بعد ، لذلك هذا العرض بمثابه اجتهاد شخصي منى اتمنى من اساتذتى يضيفوا اليه – سواء بالحذف او الإضافه – كل وفق وجهه نظره ، وكذلك انا لم اكتب امهات الكتب الفقهيه ( القديمه ) التي لا يعاد طباعتها ، لانها نادرة الوجود ، فكان كل تركيزي علي الكتب العمليه ، اللي هتفيدنا في الواقع العملي.
السادسه : فيه كتب لا تندرج ضمن الاقسام السابقه ، لذلك مكتبتهاش ، يعنى مثلا زي كتب الصيغ القانونيه ، او كتب فى مذكرات الطعن الجنائي او النقض الجنائى زي موسوعة ابو شقه او رجائي عطية ، او كتب بتتحدث عن عظمه المحاماه ... كل الكتب دى لم اذكرها لعدم الاطاله ، ولأنى اعتقد انها بتقل فى الاولويه عن الكتب اللى ذكرتها بعاليه لانها بتكون متخصصه فى مسائل معينه ، وعموما ممكن نخصص ليها بوست تانى لاحقا باذن الله تعالى.....
واعيد واكرر ان ده مجرد اجتهاد شخصي منى لزملائي ، واتمنى من اساتذتي يضيفوا اسماء الكتب القيّمه التى ربما اكون قد اغفلتها - سهوا منى - حتى تعم الفائده.
د. محمد الصادق.

📒 الشرط الفاسخ في العقد!! 📒
في حالة صاحب عقار أو وحده أو محل و معاه عقد بيع أو عقد إيجار، و طالب يفسخ العقد (مثلاً: مشتري و عايز يسترد فلوسه، أو مالك شقة عايز يطرد المستأجر)
📖📖
في فرضين:
ا👇
📒 الفرض الأول: ان العقد مفيهوش بند فسخ. 📒
في الحالة، حضرتك لازم تبعت إنذار على يد محضر، تذكر فيه سبب طلبك لفسخ العقد (مثلاً: عدم تسليم الشقة للمشتري، أو تأجير المستأجر للشقة من الباطن)
و بعد كدة، ترفع دعوى الفسخ، بس في ملحوظتين:
١. أي عقد فيه التزامات متبادلة (بيع، ايجار، عمل، وكالة بأجر، مقاولة..... إلخ) بيكون متضمن "لشرط فاسخ ضمني"، يعني حتى لو مفيش شرط مكتوب، المحكمة بتتعامل مع العقد "كأنه متضمن الشرط ده"
٢. إذا نفذ المدعى عليه التزامه قبل صدور حكم في الدعوى (مثلاً: تسليم الشقة، أو دفع الأجرة المتأخرة) ، القاضي هيحكم بإستمرار العقد (رفض طلب الفسخ) إلا إذا شاف ان في ضرر على المدعى من عدم الفسخ.
====
محكمة النقض حكمت:
(الشرط الضمنى فلا يستوجب الفسخ حتماً ، إذ هو خاضع لتقدير القاضى ، وله أن يمهل المدين حتى بعد رفع دعوى الفسخ ، بل المدين نفسه له أن يتفادى الفسخ بعرض الدين كاملاً قبل أن يصدر ضده حكم نهائى بالفسخ)
(الطعن رقم ١٢٥٠٨ لسنة ٧٨ قضائية - الدوائر المدنية - جلسة ٢٠١٧/٠١/٢٣)
===
ا👇 ا
📒 الفرض الثاني: ان العقد فيه شرط فاسخ صريح. 📒
في الحالة دي، صياغة الشرط هي اللي بتحدد لك تعمل ايه
🤔
و في ثلاث حالات شائعة في كتابة العقود:
١. إذا كانت صيغة البند "يجوز للطرف الأول فسخ العقد في حالة......."
هنا لازم تبعت إنذار بالفسخ، و ده ميعتبرش شرط فاسخ صريح، إنما ده ترديد لحق أطراف العقد في اللجوء للقضاء لطلب الفسخ.
(و نفس الحالة اذا كانت الصيغة "ينفسخ العقد إذا...........")
📖
٢. إذا كانت صيغة البند "يعتبر العقد مفسوخاً من تلقاء نفسه في حالة......."
هنا لازم تبعت إنذار بالفسخ قبل رفع الدعوى (زي الشرط الفاسخ الضمني)
📖
٣. إذا كانت صيغة البند "يعتبر العقد مفسوخاً من تلقاء نفسه - دون تنبيه أو أعذار - في حالة......."
هنا مش لازم تبعت إنذار بالفسخ، لإن الشرط المكتوب اعفاك من ده.
📖
هل توجد صيغة نموذجية للشرط الفاسخ الصريح؟
محكمة النقض جاوبت السؤال ده في عشرات الأحكام، و قالت ان لازم الشرط الفاسخ الصريح يكون واضح وضوح الشمس، و ان عباراته لازم تكون مبينة لإتفاق المتعاقدين صراحة على انتهاء العلاقة بمجرد حدوث الإخلال بالعقد.
===
محكمة النقض حكمت بأن:
(الاتفاق في العقود الملزمة للجانبين على أن يكون العقد مفسوخاً من تلقاء نفسه دون حاجة إلى تنبيه أو حكم عند عدم الوفاء بالالتزامات الناشئة عنه . أثره . وقوع الفسخ حتماً بمجرد تحقق الشرط دون حاجة إلى تنبيه أو رفع دعوى به)
(الطعن رقم ٦٩٠٣ لسنة ٦٥ قضائية - دوائر الايجارات - جلسة ٢٠١٤/٠١/٠٤)
===
📒يعني لو عايز تكتب شرط فاسخ في العقد ، يفضل انه يكون بالصيغة دي : 📒
"اتفق الطرفان و أقرا بموافقتهما الصريحة على اعتبار العقد مفسوخاً من تلقاء نفسه دون حاجة إلى تنبيه أو اخطار أو اللجوء إلى القضاء، و ذلك في حالة........................... "
📖📖📖📖
ا👇 ا
السؤال هنا: ايه الفرق بين الشرط الفاسخ الضمني و الصريح؟ أو إيه أثر كل شرط منهم على العقد؟؟
📖
الفرق مهم قوي، لإن الشرط الضمني مش بينهي العقد إذا الطرف التاني نفذ التزامه.
لكن الشرط الفاسخ الصريح، مش بيخلي فرصة للقاضي انه يحكم بإستمرار العقد، لإن الحكم هنا بيكون حكم تقريري (حكم بيأكد حصول تصرف أو واقعة معينة).
===
محكمة النقض حكمت بأنه:
(الفسخ متى وقع بمقتضى شرط العقد فان عرض الأجرة وعلى ما جرى به قضاء هذه المحكمة ليس من شأنه أن يعيد العقد بعد انفساخه)
(الطعن رقم 672 لسنة 48 ق جلسة 1983/1/27 ص320 لسنة 34)
(من المقرر أن الشرط الفاسخ الصريح ، وان كان يسلب القاضي كل سلطة تقديرية في صدد الفسخ ، الا أن ذلك منوط بتحقق المحكمة من توافر ذلك الشرط بعد أن يطالب به الدائن ويتمسك باعماله ، باعتبار أن الفسخ قد شرع في هذه الحالة لمصلحته وحده فلا تقضي به المحكمة من تلقاء نفسها)
(الطعن رقم 686 لسنة 49 ق جلسة 1982/11/30 ص1099)
📖📖📖
خد بالك: كل دعاوى الإخلاء، هي دعاوى لطلب فسخ عقد الإيجار.📖📖📖
د. محمد الشهير.
.⚖🦅

بتحلم بشقه تكون ملكك أوعايز تتجوز ومعكش فلوس لشقة أو قاعد في شقه إيجار وعايز تستقر وتبطل تنقل كتير من الشقه دي للشقه دي وبنفس سعر الإيجار تمتلك شقة بقسط ثابت وعلي مدة ٣٠ سنة وتستلم الشقة بعد التقديم مباشرة😉أولو عاوز تبيع شقتك ومش لاقي مشتري جاهز بالمبلغ كامل😇
الدولة عملتلك مباردة هتخلي كله يبقي عنده شقق تحت رعاية الرئيس عبد الفتاح السيسي ، تبدء من سن 21 ل 75 سنة لأصحاب المعاشات. ✌
وإحنا في مكتب إسلام الشرقاوي للمحاماة والإستشارات القانونية هنساعدك إنك تستفاد في المباردة دي سواء كنت بائع أو مشتري هنكمل وننهي المستندات أي كان المستندات إلي ناقصة سواء مستنادتك أو مستندات المالك صاحب الشقه إللي عايز تشتريها منه هنخلصلك كل حاجه
وإنهاء الأوراق مع البنك؛ حتى تسليم الشقة للعميل وتسليم الشيك للمالك بثمن الوحدة ✌💪
وغيرها كتير من التفاصيل الخاصه بمبادرة التمويل العقاري الجديدة 😍
كل إللي حابب يقدم مكتب إسلام الشرقاوي للمحاماة والإستشارات القانونية هيساعدك في تجهيز جميع أوراقك القانونية المطلوبة للتقديم في التمويل العقاري 😍✌
للإستفسار والتواصل علي صفحتنا او علي رقم الواتس الخاص بنا .
.
.
🦅⚖✌

⚖🦅

دعوي صحة التوقيع :-
من الدعاوي الشائعة والتي يكثر عنها الحديث ومن الشائع عنها أنها تنقل الملكية في شراء وبيع العقارات والأراضي... فا هنوضح يعني أي دعوي صحة التوقيع والغرض منها أي ؟
______________________________________________
دعوي صحة التوقيع هي :-
دعوي تحفظية الغرض منها إثبات صحة توقيع البائع علي عقد البيع ولكنها دعوي غير موضوعية أي لا تنظر إلي موضوع العقد ولا تنقل الملكية من البائع للمشتري ، هي فقط تحكم بصحة صاحب التوقيع فلا يستطيع بعد هذه الدعوي أن يدعي بأن هذا التوقيع لا يخصه أو أنه ليس توقيعه أو أنه توقيع مزور ، ولا تنتقل المليكة للمشتري إلا بعد التسجيل وليس بصحة التوقيع كما هو شائع ، ويحكمها نص المادة ٤٥ من قانون لإثبات المصري رقم ٢٥لسنة١٩٦٨ .
.
⚖🦅

المُحاماَة فَنّ قَبْلَ أَن تَكُون مِهْنَة .. لِيس المُحامُونَ مُحامِيْنَ كَلَهِم بِالضَرُورَة ..
لِيس عَمَل المُحامِي فَقَط مَعْرِفَة القانُون .. فَالكَثِير يُعَرِّف النُصُوص حَتَّى مِن غَيَّرَ المُحامِيْنَ .. لَكُننَ حَقِيقَة دَوْر المُحامِي تَكْمُن فِيَّ دَرّاسَة الوَقائِع كَدَرّاسَة القانُون وَالنَظَر إِلَى ما يَمْثُل هٰذِهِ الوَقائِع فِيَّ نَصَوْص القانُون ..

المُحاماَة فَنّ الحُجَّة وَالجَدَل وَالبُرْهان وَالإِقْناع .. فَقَدَ كَآن رُوّاد الفَلْسَفَة مُحامِيْنَ بِما يُمَلِّكُونَ مِن حُجَج وَلُغَة عالِيَة وَنَظْرَة ثاقِبَة .. وَكَثِير مِن الشَعْراء كانُوا مُحامِيْنَ بِما يَمْتَلِكُونَ مِن أَدَوات اللُغَة وَالبَلاغَة وَالفَطِنَة .. فَلَيْسَ عَمَل المُحامِي الفَصْل فِيَّ النُزّاع إِنَّما هُو عَمَل القاضِي .

لِيس مِن عَمَل المُحامِيْنَ قَلَّبَ الثَوابِت أُو تظليل الحَقائِق .. فَلا تُشْعِر بِالفَخْر كَثِيرا عَنْدَماً تَوَزَّعَ الرَشاوَى لِكَسْب القَضايا لِأَنَّكِ أَصْبَحتِ مُجْرِماً بِسَبَب مُجْرِم فَأَنَت إِذْن مِثْلهُ لِأَنَّكِ تُخْسِر ذاتكَ لِتَرْبَح قَضِيَّة .. فَالقَضِيَّة رابِحَة وَ سَتُكَوِّن أَنَت الخاسِر ..

أَن تَسْرِق حُقُوق زُمَلاءكَ المُحامِيْنَ وَإِن تَنافَسَهُم بِصُور غَيَّرَ مَشْرُوعَة فَهٰذا أَقْرَب لِلدَناءَة وَ أُبْعِدَ ما يَكُون مِن الأَخْلاق الرَفِيعَة آلَتَيْيَ هِيَ أَساس مَهَنتُكِ ..

لا تُكْذَب وَ لا تُعْط الوُعُود فَأَنَت لَسْتِ صاحِب قَرار وَلُستَ مَسْؤُولاً عَن النَتائِج .. وَ قَبْلَ ذُلّكَ كُلّهُ كَنَّ إنســانا لِتُكَنّ مُحامِيا .. لا تُكَسِّب دَعْوَى وَتَخْسَر نَفِسَكَ .
د. السنهوري .
رسالة وفن العظماء 🦅⚖