خلاصات دوت كوم - Kholasat.com

عن عسل المانوكا عشان نعرف سوا ليه دايماً بتكلم عنها كتير …
نبات التقشير النيوزلاندي اللي تم تلقيح النحل منه هو اللي خلى عسل المانوكا هو الأهم والأقوى .. واللي بيفرقه عن باقي العسل هو تركيز الميثيل جليوكسال اللي هو MGO ..
خلينا نبطل نقول على عسل المانوكا إنه خام .. بس ممكن نقول متخصص ..
متخصص في إنه حرفياً مرهم الشفاء للجروح ومداوي لمشاكل البشرة .. ومضاد بكتيري لدرجة إن البكتيريا لا تحتمل مدى تأثير المانوكا ..
بيطهر الألتهابات وبيعالج مشاكل المعدة زي قرحة المعدة .، بيقتل الميكروب الحلزوني و الإسهال .. الإمساك .. الإنتفاخ ..
وبيحسن الهضم جداً وبيدي طاقة جسدية وجنسية .. وطبعاً والأهم الفترة دي ((المناعة))
مشاكل الفم زي التقرحات . الكانديدا . رائحة الفم . جير الأسنان .. التهاب اللثه .. تسوس الاسنان ..
في 2017 منظمة الاغذية الامريكية صرحت بيه انه قادر على علاج الجروح .. زي جروح القدم السكري وغيرها من القرح اللي مش بتلتئم .. وكمان بيشيل الاثر
مشاكل الجهاز التنفسي العلوي زي حساسية الصدر .. بيمنع إنتاج المخاط بكميات زي عدوى الكـ ـورونا .. علاج جذري لإلتهاب المثانة والبروستاتا ..

فيه دراسة هحُطهالكوا تحت بتأكد إن المانوكا أقوى مضاد حيوي ..
وفي وقت تصنيع العسل وتركيزه المصنعين بيعتمدوا على الـ UMF واللي رقمه بيوصف مدى تركيز مستويات الـ MGO واللي من خلاله هتتأكد إن العسل مضمون ..
وخلينا واضحين إن أي نسب أقل من 10+ بتكون ضعيفة جداً عشان كدة بتتباع رخيصة ..

أسباب الإمساك المُزمن:
عدم تناول المياه فتقوم المياه بدور التليين والمساعدة في مرور الفضلات
_-سوء التغذية:
_ عدم تناول الطعام المُفيد والصحي كالخضروات والفواكه التي تحتوي على كثيرٍ من الألياف إلى التعرض للإمساك المُزمن، فقد أوصت مؤسسة الغذاء في بريطانيا بضرورة تناول ثمانِ عشر جرامًا من الألياف يوميًا لأنها تساعد في عملية الهضم
-الرغبة في إنقاص الوزن:
قد يتم وصف بعض الوجبات التي لا تحتوي على الألياف فيؤدي ذلك إلى حدوث الإمساك المُزمن.
-قلة الحركة:
فيؤدي ذلك إلى خمول العملية الهضمية له، أو يتعرض الأنسان للكسل والخمول العام.
-بعض العقاقير الطبية:
بعض أدوية المسكنات، بعض أدوية الحموضة، بعض أدوية مضاد الاكتئاب، أدوية عنصر الحديد، أدوية الملينات التي تؤدي كثرتها إلى إضعاف عضلة الأمعاء).
-الإصابة ببعض الأمراض:
كالإصابة بالغدة الدرقية والإصابة بالتهابات بالقولون العصبي، وحدوث اضطراب في الأمعاء والإصابة بالبواسير.
حدوث الحمل:
فيرجع ذلك إلى حدوث تغيرات هرمونية لديهن أثناء الحمل، فيؤدي ذلك إلى حدوث بطء في حركة أمعاء البطن.
__طُرق علاج الإمساك المُزمن: بإتباع بعض العادات ومنها:
- تناول ثلاثة أو أربعة أكواب إضافية من المياه يوميًا (إذا لم يكن ذلك ممنوعًا لأي سبب طبي).
- يُفَضَّل تناول بعض المشروبات الدافئة عند الاستيقاظ صباحًا.
-الحركه والرياضة
- وذلك بممارسةالمشي نصف ساعة يوميًا، أو بممارسة أي رياضة يفضلها أو الجري أو ركوب الدراجة؛ لأن كل ذلك يُساعد في عملية الهضم وتسهيل مرور الطعام بالأمعاء.
_التشخيص
بعمل منظار قولوني لإستبعاد وجود أي سبب عضوي مثل زوائد القولون أو أورام القولون و كذلك لإكتشاف بعض الأمراض التي قد تسبب آلام البطن أيضاً مثل جيوب القولون.
__الأطعمة المُناسبة لعلاج الإمساك المُزمن
-الفاكهة المجففة كالتين و المشمش و التمر و الزبيب.
-الخبز الأسمر-الخس ،-الخوخ-رقائق الذره الكرنب
الاملاح
سترات الماغسيوم و اليود لأنه بينشط الغدة الدرقية
الاعشاب
زى قشور الاسبغول الجنكو

العرقسوس إدمـ ـان زي القهوة كدة …
لو من الناس اللي كبرت وفهمت إننا بندور على الفايدة مش الطعم.. شوف اللي جاي ..
**مريض الضغط العالي مايجيش**

المشروب رقم واحد والأقوى لمرضى البهاق مايستغنوش عنه ..
عارف أنت الألتهابات المزمنة اللي بتيجي لأي عضو عندك وعملالك مشاكل عشان اتأخرت في علاجها هو قادر يديلك الكورتيزون الطبيعي اللي يمنع حاجة تهاجم جهاز المناعة ..
‏٣ x ١ يقلل هرمون الذكورة عندك كـ ست - فـ يقلل وزنك - فـ يحللك مشكلة تكيس المبايض ..
جهازك الهضمي شغال فيه عسكري ، يمنعلك إلتصاق الميكروب الحلزوني بالمعدة ، لو فيه قرحة معدة يساعدها ، فيه بلغم يخففه ويجيب لبان الذكر يساعده ، حساسية صدر يهديها مايقولش لا .. خدوم خدوم يعني ..
مكواة الكبد الدهني وتقرُحات الفم ..

بقولك عظييييم .. مش حاسس بحاجة أنت .. لو بتحبه وبتشجعني أعمل شير لصاحبك اللي مابيحبوش وخلينا نغيظهم ..
دمتم بصحة

زمان كان سى السيد بينده لأم السيد الحاجة امينة عشان تجيبله الطشت وفيه ميه ملح وتنقعله رجله فيه الملح ده ياجماعه مش ملح الأكل اللى بنحطه على أكلنا ابلسليوتلى دا كان الملح الإنجليزى اللى هوه كبريتات الماغنسيوم وليس ملح الطعام اللى هوه كلوريد الصوديم سى السيد راجع من الشغل عنده تقلصات برجله واحنا قلنا اللى بيعمل شد عضلى مين الكالسيوم ومين عكسه الماغنسيوم يبقى وانا راجع من الشغل ورجلى شده ومولعه نار اعمل ايه انده لأمينة او تقوم تخدم نفسك ياخويا وتجيب طشت ولا جردل ولا طبق بلاستيك او تعمل زى الامريكان بقا فى البانيو وتحط ملح كبريتات الماغنسيوم وتستمتع بإزالة الشد العضلى من جسمك وراحة ما بعدها راحة ياه والله محتاجينو كلنا بالمناسبة الميزة ان عنصر الكبريتات بيقتل كمان تنيا القدمين و بينضفها ويخليها ناعمة ومفيهاش اشف
اعمل الصح زى سى السيد
مهم جدا لكل الناس خاصة الكبار عشان التنيا اللى بين صوابعهم والم عضلاتهم
انا كنت بأمريكا بيتباع فى كل حته وفى ولمارت اسمه ابسوم سولت هناك
شير وعرف الكل الملح الإنجليزى متوفر بالصيدليات وعندنا كمان
فيه استخدام تانى ليه عن طريق الفم جبار فى علاج الإمساك

مرض مهم تاخد بالك منه وتفهمه خصوصاً في ظل القلق دة .. حساسية الصدر ..
حساسية الصدر من أعراضها : الكحة لوقت طويل - صعوبة التنفس - ثقل في منطقة الصدر - صعوبة في التحدث ..
وبتتشارك أعراضها مع حاجات كتير .. فـ لو أنت مريض حساسية صدر لازم تهتم بأدويتك وتبعد عن الدخان والروائح النفاذة وتحمي نفسك من البرد وتتجنب القلق والتوتر وأفراط الحركة والمجهود ..
وعشان تبقى متطمن أكتر وأكتر إستخدم الحاجات اللي هقولك عليها دي ، ولكن نصيحتي الثابتة ليك (عالج الحساسية علاج جذري يغنيك عن القلق والشك والتعب كل يوم) .. فيه فرق بين شفاء وعلاج ..
كوقاية هنستعين من البيت بـ :
الحبة السوداء (حبة البركة)
العرقسوس
العسل
عصير الطماطم
شوربة الفراخ
لبان الذكر
القرنفل

هننضف الصدر من البلغم وهناخد مناعة ..
النباتات والمشروبات دي مهمة تخليك تعرف الحالة اللي جت دي هي مرضك ولا لا قدر الله حاجة تانية .. عالج نفسك وصدرك وكفاية كورتيزون وأدوية بتتعب أكتر وأبعد عن الأكل اللي يحفز ضيق التنفس والحساسية والكحة ..
شفاك الله وعفاك وأنا معاك لحد ما تبقى كويس ..
أعمل شير لأي حد عنده مشكلة في الصدر وطمنه

أنسب عسل لفصل الشتاء هو #عسل .
إحنا دلوقتي بنـ ـواجه مُشكلة في التنفس، ومفيش ما يمنع من ألـ ـتهاب في الحلق، ورشح وبرد ومنـ ـاعة 0% تقريباً.
ومع الكوكتيل دة أنت مالكش نِفس تاكل ولا قادر تبلع أي مشروب سُخن والأدويـ ـة إبتدت توجع بطنك ..

فـ معلقة عسل حبة البركة هي بنزينك لحد آخر الشتاء
تقاوم نزلات البرد المتكررة، وترفع من مناعتك، وتحافظ على نظافة صدرك عشان يتنفس صح وكفاية كُحه.
مش هيبقى برد الشتاء وبرد الجسم والأعضـ ـاء كمان ..

حلو البابونج في الشتاء ..
والله أنت حتى لو مش محتاجُه علاجياً .. فـ أكيد محتاجُه نفسياً .. نبات مُريح وريحته وشكله جُمال جداً ..
بيريح أعصابك وأعصاب جسمك ومعدتك من أي وجع ومغص .. بيهدئ من جنان قولونك وألم الكلى عندك .. منوم طبيعي لأطفالك من غير قلق وترتاحي من عياطهم شوية .. ولو كبروا شوية وعندهم فرط حركة شقاوة وقفيهم مرة واحدة وأديهم كوباية بمعلقة عسل كدة وأتفرجي من بعيد وهما بيهدوا واحدة واحدة ..
وجوا البابونج فيه مفاجأة حلوة .. بيقول للستات لو أستخدموه مع عود الصليب ٦ شهور هيرتاحوا من التجاعيد خالص ..

يا جماعة مجرد ما كتبت عنه بس حسيتني أرتاحت .. أنا عازمك أنت وأي حد هتعمله شير على بابونج

أسرار وفوايد عن بدء موسم الرُمان ..

الرمان صديق الجهاز الهضمي خصوصاً المعدة والقولون .. وبيقتل ميكروب السالمونيلا (السالمونيلا دة بيجي من الشيكولاتة/الخضراوات/البيض اللي مسممين أو مش كويسين) ..
لو خدت الكركمين ووراه كوباية عصير رمان هحسدك على قوة مفاصلك وعضلاتك ..
مشكلة دهون الكبد اللي منعانا نخس بسهولة الرمان جاي يساعدك فيها أهو ..
لو لا قدر الله جالك نزيف أو جلطة دماغ قبل كدة الرمان هيشيلك آثار التعب اللي حصلك دة ..
لو بتدخن كتير ودة عملك ضعف في عضلة القلب والرئة .. الرمان يساعد ونبات اللوبيليا يعالج ..
وكمان مضاد للأكسدة وبيساعدك في المناعة .. وحلو لألتهاب اللثة .. ومليان ڤيتامينات من كل نوع ..

طب والقشر ؟
منشط للجهاز العصبى المركزى أعظم من القهوة دة غير إنه بيكسح كل دخلاء الجهاز الهضمى زى السلامونيلا اللى بتعمل تيفود و الديدان و كمان الميكروب الحلزونى وبينفع للناس اللى بتعانى من إلتهاب الجهاز الهضمى زى القرحة والحموضة يعنى لو بيجيلك تعب فى معدتك بعد الشاي وعاوز بديل له يفوقك ويصلحلك جهازك الهضمى كله عليك وعلى قشر الرمان ..
بينضف الجهاز الهضمى للأطفال الصغيرين من الديدان لأنه بيشل الدودة فتفقد القدرة على إلتصاقها بالجهاز الهضمى بس لازم تشرب الطفل بعده زيت الخروع ينضف الدنيا ..
شير وماترميهوش وخزن الرمان يلا ..
دمتم بصحة ♥️

‎
‎طبعا القصه دي مشكله بتواجه اي بيت فيه اطفال عمرهم فوق اربع سنوات
‎المرض ده بينقسم لنوعين :
‎ (nocturnal enuresis)
‎ (diurnal enuresis)
‎- دول نقدر نقسم كل واحد فيهم لنوعين التبول
* الأولي (primary)المستمر
*التبول الثانوي(secondary) المتقطع.
- التبول اللاإردي الأولي :
*وهو ان تبول الطفل بيستمر منذ الولادة وحتى بعد سن 4 سنوات وهو بيمثل 80% من الحالات.
‎- التبول اللاإرادي الثانوي :
‎☆ هو حدوث التبول لا إراديا في طفل استطاع التحكم في البول فترة لا تقل عن 6 شهور وبعد كده معادش قادر يتحكم
‎ المشكله دي بتظهر في الولاد اكتر من البنات وللاسف الاباء بيتعاملوا بغباء في القصه دي بلوم الطفل وده بيتسبب اذي نفسي للطفل وبتزود الحاله
‎ طيب ما سبب الحكايه دي ؟
‎أسباب نفسية
‎- إستخدام القسوة والعنف في التعامل مع الطفل
‎- تدليل الطفل المبالغ فيه أو الإهمال المتعمد في تربيته مع نقص الحب والعطف الحنان.
‎- الغيرة من وجود مولود جديد يحوز اهتمام الوالدين.
‎- تدريب الطفل على التحكم في البول قبل سن سنتين حيث أن سن سنتين هو السن المناسب لذلك.
‎- بٌعد الوالدين عن الطفل بسبب السفر أو الإنفصال أو بداية دخول المدرسة.
‎- عدم تدريب الطفل على إستخدام الحمام
‎أسباب عضويه
- التهاب المجاري البولية, بتسبب صعوبة في التحكم في البول
- مرض سلس البول السكري
‎وهنا بنلاحظ أن الطفل قدر يتحكم في البول فتره وبعد كده فقد التحكم الكامل وده بيكون معاه عادة عطش شديد
- مرض سلس البول غير السكري
‎ويكون بسبب اضطراب في هرمون ADH وهوالهرمون المسؤول عن تقليل افراز البول خاصة في الليل.
‎- مرض فرط النشاط ونقص الانتباه
- المثانةالعصبية
‎وهي بتحدث بسبب تشنجات في عضلة المثانة وده بيعمل رغبة متكرره في التبول بتوصل ل 8 مرات بالنهار ومرتين بالليل
- الإمساك
‎أو احتباس البراز في القولون وكذلك إحتباس البول في المثانة.
‎- بعض الديدان زي الدوده الدبوسية oxyuris قد تسبب صعوبة في التحكم في البول
‎وهو الطفل حيفضل كده علطول؟
‎ عادة مرض التبول اللاإرادي بيقف فجأة بدون مقدمات ومع حدوث ذلك الشفاء المفاجئ، الطفل ببيشعر براحة وتحسن نفسي وبتعود نقته بنفسه .
- اهم حاجه ما تطلبش من الطفل اكتر من طاقته فلو حصل وتبول على نفسه على فترات متباعدة فده امر مقبول
‎- افتكرو دايما ان حوالي 80% من الأطفال ما يقدروش يكملوا سنه كامله من غير ما يعملوا مرة واحدة على الأقل تبول لاإرادي وغياب ده نهائيًا مش بنشوفه غير في الأطفال الي عندهم 8 سنوات.
‎- أما بعد 8 سنوات فلو حدثت ولو لمرة واحدة فلازم ناخد الامر بجدية ونستشير طبيب متخصص لانه ممكن يكون بسبب عضوي.
‎طب ايه علاج التبول اللا ارادي:
- تذكر دايما انك لازم تبدا تعلم طفلك الحمام من سن سنتين إلى 4 سنوات ..
‎بس التحكم الكامل في المثانة لا يحدث في سن مٌحدد
‎خدى بقي شوية النصايح دول:
*بلاش مشروبات بالليل كفايه اوي ربع لتر يعني مج مياه فتره المغرب وما بعدها ..
‎*بلاش المشروبات اللي بتسبب إدرار البول زي الشاي والكوكاكولا .
‎* تعويد الطفل علي انه يفرغ المثانة مرتين, الأولى في بداية الليل والثانية قبل النوم مباشرة.
‎* استخدام اضاءة لطيفة بالليل أثناء النوم عشان لو عاز يروح الحمام ما يخافش من الضلمه
‎* تشجيع الطفل على الذهاب للحمام عدة مرات نهارا وليكن كل ساعتين.
‎*عند وجود إمساك فلازم نعالجه لان ده بيشجع حدوث التبول اللاإرادي.
‎*استخدام جدول النجوم والمكافآت:
‎يعني تعمله جدول من السبت للجمعه اليوم اللي مايعملش فيه ياخد صح واليوم اللي يعمل فيه ياخد خطا وتقوله كل صح بمكافاه وهكذا بس المهم من غير عقاب.
‎طب ايه الأعشاب اللى ممكن نستخدمها
١- مغلى قشر البلوط ملعقة صغيرة على كوب ماء ويشرب ٣ مرات يوميا .
٢- منقوع الحبهان ملعقة صغيرة من الحبهان المفتوح على كوب ماء ويشرب ٣ مرات يوميا
٣- مغلى ورق المورينجا ملعقة صغيرة على كوب ماء و يغلى و يشرب ٣ مرات يوميا
‎

زيادة كفاءة حيواناتك المنوية
عشان متنقرضش زى الديناصورات
بوست لزيادة كفاءة حيواناتك المنوية
قلة عدد الحيوانات المنوية واحد من الطرق اللى بنقيم كفاءة الحيوانات المنوية فيه عوامل أخرى زى الحركة و التشوهات إلى آخره. النهاردة بوستنا عن العدد
بص ياسيدى فيه دراسة اتنشرت فى ٢٠١٧ بتشرح ان عدد الحيوانات المنوية من سنة ١٩٧٣ لسنة ٢٠١٧ اضمحلت بنسبة ٥٩.٣٪، عاش رجالة السمنة البلدى عاش أحنا جيل للأسف ضعيف عاوزين نعرف أسباب الضعف ده و إزاى نعالجه بالأغذية و النباتات الطبية :
١- حافظ على الرياضة ولو حتى المشى مع النوم لفترات كافية . دراسة منشورة ٢٠١٧ ان ٥٠ دقيقة من التمارين ٣ مرات أسبوعيا حسنت من السائل المنوى ٤٥ مشارك فيها.
٢- خف التوتر و القلق شوية لو وصلت لمرحلة أدوية الإكتئاب هتقل كفائتك جدا.
٣- التدخين : دراسة منشورة فى ٢٠١٦ بتؤكد قطعيا إن التدخين ليه دور فى خفض كفاءة الحيوانات المنوية .
٤- أخذ الأدوية عمال على بطال بدون إستشارة الطبيب أو الصيدلى زى الإصراف فى تناول المسكنات و الكورتيزونات و المضادات الحيوية و أدوية الإكتئاب.
٥- اشرب حلبة كتير الدراسات المنشورة فى ٢٠١٧ بتؤكد فاعليتها فى علاج ضعفك والمناسبة انا شوفت ناس مش متخصصة بتقول الحلبة بتعمل أضرار للرجالة دا كلام عك .
٦- فيتامين د مهم جدا ليك كرجل قضيها فى الشمس شوية ياسلام لو ٣٠ دقيقة باليوم و طبعا تكون لابس خفيف عشان جسمك يشوف الشمس بلاش لبس رواد الفضاء وأنت بتتشمس .
٧- ٢٠١٧ إتنشرت دراسة عن خلاصة نبات الأشوجندا أو الجنسنج الهندى إنه فعال لزيادة كفائتك المنوية و الجنسية .
٨- مضادات الأكسدة زى فيتامين سى اديها برتقان وليمون و السلينيوم اللى موجود بالخميرة .
9 - من عندنا طلع النخيل و فطر الميتيك وحبوب اللقاح اللى بيجمعها النحل و خلاصة الجنسنج يساعدوك جدا وينفعو الطرفين .

منتجات خلاصات
كلها منتجات مصرية ١٠٠٪؜ 🇪🇬
صنعت بايادي مصرية
لكل المصرين 🇪🇬❤️

8 أسباب بتمنع حرق الدهون في جسمك
ليه جسمك مبيحرقش الدهون ودور العوامل الوراثية فيه
-العوامل الوراثية بتلعب دور مهم جدًا في قدرة الجسم على حرق الدهون، ومبتتعالجش إلا بممارسة الرياضة بشكل منتظم علشان نسبة الحرق تزيد في الجسم.
ازاي السن ممكن يأثر على دهون جسمك؟
- العضلات بتساعد في حرق الدهون بكمية كبيرة جدًا ولكن كل ما سنك كبر كل ما العضلات بتخف فبتزيد الدهون وتتراكم بسبب ضعف العضلات وعدم قدرتها على الحرق.
تأثيرالوجبة الواحدة على حرق الدهون في جسمك
- تناول وجبة واحدة في اليوم بيقلل من قدرة الجسم على حرق الدهون.
ازاي قلة تناول البروتين بتمنع حرق الدهون في جسمك
-إهمال تناول البروتين بيقلل من حرق الدهون في الجسم، وده لأن البروتين بيساعد على تغذية العضلات ويقلل من نسبة الدهون ب ٥٣٪؜
تأثير نقص الحديد على حرق الدهون بجسمك
-نقص الحديد في الجسم بيقلل من قدرة الجسم على حرق، لأن الحديد بينقل الأكسجين للخلايا الموجودة في العضلات فتحافظ على قوتها وتسرع من حرق الدهون.
ازاي الغدة الدرقية بتأثر على حرق الدهون بجسمك
- وجود اضطرابات في الغدة الدرقية بيكون سبب في عدم حرق الدهون بالنسبة المطلوبة، لأن الغدة الدرقية بتلعب دور مهم جدًا في تنظيم عملية الأيض وحرق الدهون.

ايه اللي بيحصل للدهون لما الماية تقل من جسمك
-عدم شرب كمية كبيرة من المياه بيعرض الجسم للجفاف فبيخزن الدهون ويقلل من عملية التمثيل الغذائي.
ازاي اكل بليل الدسم بيأثر على حرق الدهون
-تناول وجبات غذائية مليانة سكريات في وقت متأخر من الليل وخاصة قبل النوم بيخلي الجسم يحتفظ بالدهون ويقلل من عملية الحرق.

تيجوا نحكي حكاية الأعصاب ؟

مالك كدة مش قادر تصلُب طولك ؟
مش عارف حاسس إن جسمي كله منمل وتقيل ومش قادر أرفع إيدي أو رجلي من على الأرض وعرقان رغم إن الجو برد ، قولت يمكن الضغط بس ماطلعش هو ..

طيب وسببه إيه ؟
مش عارف

طيب وقعت أو حصلتلك إصابة ؟
لا

تيجي نروح للدكتور نشوف الأوعية الدموية كويسة ولا لا ؟
تفتكر يكون حصل تلف والدم مش واصل للأعصاب

ممكن برضو وممكن عشان السكر اللي عندك يكون بيحصلك كدة ؟
جايز برضو أنا أصلي مش مهتم أوي بموضوع السكر دة
————————
لو حطيت نفسك في الكلام اللي فوق دة وشايف نفسك فيه يبقى ضروري تشوف عينة من تحليل الدم عشان نكشف عن أي ألتهاب وبعدها نحاول نوصل للباقي ..
جرب وخلي اللي عنده الأعراض دي يجرب ونشوف

لو عندك الأعراض دي .. يبقى أكيد بتعاني من الصداع النصفي ..

بتتاوب طول الوقت وعايز تنام برغبة مُلحة .. عايز تدخل الحمام كتير .. نفسك رايحة للسكريات وخصوصاً الشوكولاتة.. حاسس بدوخة وغثيان ومش قادر توقف .. بتشوف بضبابية شديدة وبيجيلك حساسية تجاه الصوت والضوء أصلاً ..
لما بتجيلك الأعراض دي وتحس ببوادر صداع بتلجأ للمسكنات وكل ما بتلحق نفسك بيها بتجيب نتيجة أسرع دي حقيقة بس مسكنات يعني قرحة معدة ودة أمر بديهي .. هتلحق نفسك بكافيين وأه فعلاً معاك حق الكافيين بيعمل مفعول بس لو ماشربتش يوم هتحس بأعراض إنسحاب وصداع أكبر ..

الصداع النصفي أو الشقيقة ممكن يستمر من حد أدنى ٣ ساعات متواصل لحد ٣ أيام مابيروحش .. ولو عودتُه على المسكنات والكافيين مش هتحوق فيه حاجة خلاص ..
الشقيقة علاجها الجذري بيتلخص في أكتر ٣ حاجات فعالة منهم لحاء الصفصاف ودة بيعزز من كفاءة الجهاز العصبي كله ومُسكن طبيعي أمن جبار .. والكوهوش الأسود تسمع أسمه تفتكره تحضير عفاريت وهو فعلاً عفريت في علاج الأرق والتقلبات المزاجية العصبية .. وأشرب معاهم الروزماري كوباية كدة كل يوم مكان الشاي والقهوة عشان تغير دمك بس لو ضغطك عالي بلاش ..

✔️ فوائد زيت الأوريجانو:
يعزز صحة المناعة ويساعد في مكافحة الالتهابات
يحسن هضم الطعام ويساعد على تخفيف الانتفاخ والغازات
يقلل من القلق والتوتر ويحسن المزاج
يساعد على تخفيف آلام العضلات والمفاصل

الكركمين لعلاج الالام المفاصل ؟!🤔
جربت كل طرق العلاج والألم بيخف وبيرجع تاني دا غير الاثار الجانبية؟
انت مش محتاج علاج انت محتاج مسكن طبيعي (الكركمين) بشكل منتظم
ودا هيقلل احساسك بالخشونه وكمان هيساعدك تنسي الالم اللي بتحس بيه دايما
سواء قبل النوم واثناء الحركه

كل ما زاد عن حده أتقلب ضده 💯.. والبكتيريا في جسمك كترت وكل يوم بتاخد معاها عضو بتأذيه🤦🏻‍♂️ .. مش عارف تلحق اللي جاي ولا تعالج اللي فات 🤯.. ويت جراس (عشبة القمح)يقضي على اللي فات ويقويلك كل اللي جاي 💪💪..
علشان تعرفوا معلومات أكتر عن فوائد ويت جراس

هنقولك 6 فوايد لزيت جوز الهند مهمين ليكي
1. ترطيب البشرة:
يعمل زيت جوز الهند الطبيعي على ترطيب البشرة الجافة وتحسين مرونتها.
يمكن استخدامه كمرطب طبيعي للوجه والجسم حيث يزيد من نضارة ونعومة البشرة كما يضيف اليها رائحة جوز الهند الزكية.
2. تعزيز صحة الشعر:
يعمل زيت جوز الهند على تغذية فروة الرأس وتعزيز صحة الشعر. يمكن استخدامه كزيت للتدليك فروة الرأس أو كماسك للشعر.
3. مكافحة التجاعيد:
يحتوي زيت جوز الهند على مضادات الأكسدة التي تساعد في مكافحة علامات التقدم في السن مثل التجاعيد والخطوط الدقيقة.
4. مضاد للبكتيريا:
يحتوي زيت جوز الهند على مركبات مضادة للبكتيريا والفطريات، مما يجعله مفيدًا في مكافحة الالتهابات الجلدية وحب الشباب.
5. تحسين صحة القلب:
يمكن أن يساهم زيت جوز الهند في تحسين صحة القلب وخفض مستويات الكولسترول الضار في الجسم.
6. دعم صحة الجهاز المناعي: يحتوي زيت جوز الهند على مركبات مضادة للأكسدة ومضادة للالتهابات التي تعزز صحة الجهاز المناعي وتعزز الاستجابة المناعية.

سبب الوقفة الكتير يتعب المفاصل .. ويجيب دوالي ..
أيوه هي الدوالي دي ..

للأسف بيحصل زي عُطل في صرف الدم للأوردة بشكل صحيح فـ بتتراكم كلها في أوردة الساق فـ يتكون الشكل اللي بنشوفه .. والشكل دة بيوصل لألم أكتر من هشاشة العظام أو ألتهابها كمان ..

6% من العالم عندهم الدوالي وبتتعالج مش مابتتعالجش ..
بس إياك تعالجها بحُقن الكورتيزون .. وأغلبكوا لجأ لعملية ربط الأوردة .. وبرضو بترجع تاني وأسوء ..
والكورتيزون لو سبب الدوالي هو وزنك وضغطك على الساق والأوردة هيزودك أكتر بكتير ..

أنت كل اللي محتاجُه هو إنك تنشط دورتك الدموية صح وتوزع الدم اللي أتراكم ودة ممكن يعمله من الأعشاب الطبية قسطل الفرس .. وإنك تحرك رجلك لو بيستدعي شغلك الوقوف كتير .. لو في البيت أقعد شوية وأرفعها عن مستوى جسمك وأدهن الحسك ..

الموضوع بساطته في علاجه أخف من ألمه في إستحماله ..
شير لو حد بيعاني معاناتك ..

عن الماتشا ..

1. الماتشا فيها نسبة عالية من مضادات الأكسدة ودة بيساعد في إستقرار الجذور الحرة الضارة اللي ممكن تـ ـدمر الخلايا وتعرضنا لأمراض مزمنة ..

2. الماتشا ليها عامل مساعد في حماية الكبد، وإنها تقدر تخليه يقوم بوظيفته بصورة طبيعية عشان نتخلص من السـ ـموم .. حسب دراسة أتعملت وأتنشرت على موقع International Journal of Preventive Medicine إن أدوا الماتشا لـ 80 شخص بيعانوا من الكبد الدهني بعد 12 أسبوع قلل من مستويات إنزيمات الكبد العالية اللي هي دليل على تلف الكبد ..

3. الماتشا بتعزز وظائف المخ .. ودة اتأكد عن طريق الدراسات اللي أتعملت على 23 شخص واللي أثبتت إن الماتشا حسنت الانتباه ووقت رد الفعل والذاكرة عندهم

4. الماتشا ممكن تساعدك تقلل الوزن .. ودة عشان هي بتشاعد في تسريع عملية التمثيل الغذائي يعني طاقة أعلى وحـ ـرق للدهون زيادة ..

ومع ذلك كتره مش هيحل المشكلة أسرع
ضروري أوي الإعتدال فيه ..

لو أول مرة تعرف إنك ممكن ماتعرفش تخس عشان عندك أنيميا .. كمل باقي البوست ..
فقر الدم سهل تعرفه من الأعراض وبعدها تتأكد بالتحليل ..
بيعتمد 100% على نظام أكلك، ولو حصل هيبقى 50% أكل 50% علاج ..

أعراضك كالتالي :
تعب وإرهاق دايماً .. صعوبة تركيز وشحوب في الجسم .. تساقط الشعر وصعوبة التنفس .. صعوبة في فقدان الوزن ...... ودول في الأغلب نقص حديد تحديداً ..

وممكن كمان فقدان حاسه اللمس(الإحساس بالأشياء عموماً) وآلام في العضلات ووجع في الرآس .. وصعوبة في المشي أحياناً ممكن تفتكرها مشكلة مفاصل ...... وهنا دة نقص ڤيتامينات خاصةً B12 وحمض الفوليك ..

لو نسبة الأنيميا عندك أقل من 11 فـ هنا أنت أكيد محتاج علاج …

فايتك كتير لو بتشرب شاي من غير قرنفل …

بيمحي الكانديدا وبيطهر اللسان وبيمنع رائحة الفم ..
لو بتثبت وزنك و عايز الخلايا الدهنية ماتكبرش أشرب قرنفل ..
القرنفل مع أقراص الفحم بيمنعوا الأنتفاخ ..
عظيم في الإرتجاع والحموضة والميكروب الحلزوني ..
هو والقرفة والحبة السوداء والزعتر عصابة فتاكة لألتهابات صديد الكلى وحوض الكلى ..
مسمار منه تحت لسانك أو لسان أطفالك لو أنتوا من الناس اللي العربيات والسفر بتعملكوا دوار وحالة قئ وغثيان ..
زيت القرنفل هو البنزوكايين الأعشاب ، للتخدير الموضعي للجلد ..
وزيت القرنفل برضو اللي بيقلل سرعة القذف ..

بتحب القرنفل عشان طعمه ؟ طب وفوايده ؟ أعمل شير وعرفها لغيرك ..

تعالى دوق كدة الأكل دِلع ولا لا …
الملح ..

إحنا بناخد الملح بكفة الإيد ونرمي في الأكل ومابنحسبهاش تماماً ..
مع إن الملح نفسه من ضمن أسباب السمنة وزيادة الوزن عشان بيزود إحتباس السوائل في جسمك لأنك بترفع الصوديوم زيادة .. وكمان الضغط العالي .. والأملاح .. والكلى .. والنقرس ..
وممكن يحصل جلطة دماغية (أنت فاهم إنها من غير سبب وهي بسبب أكلك)

نسبتك كـ بني آدم طبيعي مابتعانيش من الضغط مثلاً هو ربع معلقة صغيرة (5-6جرام) … طبعاً الربع معلقة دي بنرميها على الفشار بس لوحدها .. بس هو الأكل مش هيقول لا لو كلتُه من غير ملح على فكرة .. يعني مش لازم كل وجبة بملح قد كدة .. دة غير المعلبات وأكل برا ..

طبعاً أفضل ملح بالنسبالي هو الهيمالايا..
ومابقولش نقطع ملح .. بس نحافظ على النسب ..
وممكن بين فترة والتانية نقطع ملح تماماً ٣ أيام نتخلص من اللي عملُه فينا لما زودناه.. وبعدين ناكل تاني بنسب طبعاً ..

الأكل حلو بس لو ناكله كويس ..

جربت الزيزفون قبل كدة ؟
اللي هو
نبات التليو

جربتي تشربيه قبل مواعيد الدورة الشهرية ؟
شوفتي قد إيه هيقلل تقلبات المزاج والإنتفاخات

لو عندك طفل جاله برد وفطسان من الكحه جربتي تشربيه التليو وتشوفي هيهدأ الكحه ويفتح مجرى التنفس إزاي ؟

لو شربت التليو ولاقيت نفسك بتعرق كتير ، أعرف إن كان فيه شوية سموم على دهون على أملاح زيادة في جسمك والتليو بيطلعها ..

لو عندك شغل وفيه إجتماع خلي التليو مشروب القاعدة عشان يهدي الأعصاب والتشنج كدة والكلمتين يتقالوا على خير ..

كويس للضغط وصحة القلب ..
بس مش كويس للحامل ولا المرضعة ..

كوباية زيزفون كدة بمعلقة عسل وهتلاقي نفسك رايق البال كدة .. شير و هدّي بيه أعصاب غيرك برضو

🟡🛑 النهاردة اليوم العالمي للصحة النفسية.. في الحقيقة صحتك النفسية دي من أكتر الحاجات اللي هاتخليك واقف على رجيلك وتقدر تكمل. كل شيء تقريباً مرتبط بصحتك النفسية.. علاقاتك بأسرتك وأصدقاءك.. تطويرك لنفسك.. عباداتك.. رغبتك في عمل أي شيء..

دي شوية نصايح عشان تحسن من صحتك النفسية في حالة إن الموضوع مش مرضي، لإنك لو حاسس إن الموضوع سيء جداً ماتترددش إنك تروح للطبيب.

✅ ابعد عن السوشيال ميديا على أد ماتقدر: متابعتك للأخبار المستمرة بيأثر على نفسيتك جداً خصوصا مع كثرة الأخبار السلبية.

✅ العب رياضية: مش شرط تكون رياضة عنيفة ومحتاجة مجهود بدني شاق.. يكفيك إنك تتمشى أو تمارس بشكل خفيف. الرياضة هاتقلل من الضغط النفسي بشكل ممتاز.

✅ كل أكل صحي: أكلك مرتبط بشكل كبير بالموود بتاعك، يعني لو أكلت سكريات كتير دا بيأثر على مزاجك.. اقرأ عن الموضوع دا هاتكتشف مفاجاءات كتير.

✅ ماتدب*حش نفسك: يعني اعمل اللي تقدر عليه، انت مش في إيدك أكتر من كدا.. ماتسمعش كلام الناس اللي بتكرهك في عيشتك وبيضغطوا عليك بكلام زي انت ازاي لسة في مكانك.. اتحرك.. عافر.. ويحسسوك إن الدنيا هاتطير لو معملتش كدا، وإنك دايماً مقصر.

✅ ماتقارنش نفسك بغيرك: شيء مؤذي جداً ليك إنك تعمل كدا.. انت ماتعرفش ظروف الشخص التاني إيه، يمكن حد بيساعده.. يمكن دا رزقه.. يمكن حاجات كتير.. ركز في ورقتك هاتتبسط.

✅ تخلص من العلاقات السامة: أي وسط مش مفروض عليك بالإجبار وتقدر تخلص منه اعمل كدا بلا تردد.

✅ خليك مع ربنا قدر استطاعتك: أذكارك.. صلاتك.. صدقتك.. مساعدتك للناس

دا الفرق بين جسم الإنسان العادي والمرأة الحامل
علشان كدا الحامل دايما بتحس بضيق التنفس وعدم الراحة 💔
وسبحان الله مجرد ما تولد وتشوف البيبي بتنسي التعب كله 💖
صحيح الأمومة مش سهلة بس مستاهلة 💕

الكرش مابيعتمدش على وزنك كام !
الكرش معناه إن فيه دهون أتكونت حول الكبد والبنكرياس وغيرهم ..
والدهون دي ممكن جداً تعملنا ( سمنة فيما بعد - سكر نوع تاني - مقاومة أنسولين - بنكرياس / كبد دهني ) ،، وهنا بنسميهم خلل هرموني ..

أسباب بقى الخلل الهرموني اللي عملنا كرش وهيعملنا مرض من دول هما :
النشويات والسكريات زيادة عن اللزوم ..
الوجبات اللي بين الوجبات طول اليوم (اللي بنسميها سناكس) ..
التوتر اللي بيفرز الكورتيزول ..
قلة الحركة !!!

كل دة هيعلي الأنسولين (اللي أصلاً بيخزن الدهون) مع الكورتيزول اللي قولنا عليه فوق ،، لو أتفقوا عليك هيخزنوا دهون بس ودة هيصعب عملية التخلص من الدهون وهيخليها تاخد وقت أكبر .. بسبب إنهم هيقللوا هرمون الحرق وهرمون الشبع وهرمون النمو كمان ..

يعني هتزيد دهون ، أمراض .. وهتقل عضلات ، أعصاب ..

إيه رأيك تقوم تعملك عصير بنجر "شمندر" بالجزر وتعالى أقعد واقرأ تشربُه ليه ؟!

ديتوكس لجسمك من السموم .. وفيه كمان ڤيتامين سي ..
مناعة كويسة .. ضغط مظبوط .. بشرة نقية .. طاقة عالية ..
هضم كويس جداً جداً .. إمتصاص حديد لو ماعندكش أنيميا ولو عندك برضو ..
يمنع تكوين الجلطات .. فيه نسبة كويسة من البوتاسيوم .. سعراته الحرارية قليلة يعني لو جنب نظام سعراته الحرارية عاليه مش هيخسر ..
يقلل الإلتهابات والأكسدة ويساعد الكبد يقوم بمهامه ..
بيخفض الكوليسترول الضار ويرفع الجيد ..

***تعديل بسيط: الأفضل يبقى مسلوق وبعدين يتقطع قطع صغيرة ويتضرب في الخلاط .. مانزودش سكر عشان كدة بقول اعملوا معاه جزر عشان طعمه يبقى حلو .. أقصد البنجر الصغير زي اللي في الصورة ، مش بنجر السكر الكبير دة نبعد عنه****
قولي بقى إيه رأيك في الفوايد دي كلها .. وطعمه حلو ولا طعم الفواكه المُصنعه بالنسبالك أحلى ؟

5 أضعاف كالسيوم اللبن في معلقة صغيرة
معلقة إيه ؟
معلقة بذور الشيا …

الشيا فيها كالسيوم ، فسفور ومغنيسيوم للعظام جبار ..
معلقة صغيرة بس فيها 5 جرام بروتين للناس اللي بتحسبها ..

بيقولوا إنها للحرق ؟
هي فعلاً مساعد قوي للأنسولين إنه يحفز الحرق ومايخليش الأنسولين يعلى ويخزن السكر …

مصدر ألياف جميل جداً عشان قولونك العصبي ..
طاقة فظيعة من وراها ..

تاخدها بالمعلقة ..
على كوباية زبادي ..
مرشوشة على طبق سلطة ..
جنب شوية فراولة ..

المهم تاخدها وتخليها جزء مهم من نظامك ..

خدعوك فـ قالوا
العصبية بتخليك تحرق في نفسك فـ بتخس 😄
سمعتها كدة قبل كدة وحصل عندي صدمة من الأي حاجة اللي بتتقال بين الناس خصوصاً في اللي يخص الصحة

لحد وقتنا هذا
محدش فيكوا عارف لما تتوتر وتتعصب إنك كدة بتغذي هرمون الكورتيزول وبتديله فُرصة يتنفس في جسمك ويعلى ..

ودة ممكن تعرفُه لو قيست على نفسك التالي :
بتصحى في نص نومك من غير سبب ونومك متقطع
عندك دهون حوالين البطن رغم إن تحليل الأستروچين مظبوط
إرهاق وكسل وخمول وعصبي بدون سبب
حُبك للأكل المالح حتى لو بتجيب طبق مخلل تنقنق فيه
عدم تركيز وبتنسى حاجات لسه حاصله من شوية عشان ما كُنتش فايق

الهرمون دة بيلاعبك بس مفيش حاجة بتقدر عليه غيرك
لو محتاج تعمل تحاليل عشان تتأكد منه أعمل تحليل دم عادي
بس لو بطلت قلق
عملت جلسات تأمُل ١٠ دقايق في يومك ، جدولت اللي عليك عشان ماتتوترش من الوقت ، أتمشيت ربع - نص ساعة في اليوم ، خدت أوميجا ٣
هتلاقي واحدة واحدة التوتر قل والنشاط زاد وكل الأعراض دي بتنسحب
محدش مابيتعصبش أو بيتوتر .. بس لو دة زاد ٣ أيام ورا بعض هيبقى أسلوب حياتك إنك تتوتر بسهولة وماتعرفش تطلع من اللي أنت فيه .. وصحتك المفروض تهمك أكتر ما تهمني ألفت نظرك ليها ..
شير وفهم غيرك اللي حاسس بيه دة سببه إيه ممكن مايعرفش

تعالوا نفصص فوايد #المانوكا
منهم مشاكل الفم
زي التقرحات والفطريات
لو خلعت أي ضرس من ضروسك هيورم أول ٣ أيام وممكن بعمل فطريات لو مانضفتوش كويس (المانوكا هيعالج كل دة تماماً)
الكانديدا اللي بتظهر في الفم بيقضي عليها تماماً

مشاكل اللثة دايماً هتسمع حد بيقولك (أدهن معلقة عسل هتخف) ما بالك لو كانت نيوزلاندي أصلي بتركيز المادة الفعالة فيه 263+

يعني ضمان مشكلة في البرطمان دة 🐝

واحنا بنعمل نظام غذائى عشان نخس إتعود إنك تنزل فى الدهون وتزيد فى العضلات القصة مش قصة خسارة وزن بس لا دا كمان تغيير فى تركيبة الجسم بأننا نحافظ وننمى النسيج الطيب ونقضى على النسيج الضار أو يكون وزنه وحجمه تحت السيطرة .
النهاردة هنشرح مع بعض ازاى انقص دهون وابنى عضلات. .
١- كل هبر كل لحمة كل فراخ كل بيض كل سمك بس حذارى إنك تسرف فى أكل البروتينات لو أنت مريض قصور كلوى .
٢- كل كل الأكلات اللى فيها نسبة عالية من عنصر الكروم لأن الكروم بيعالج مقاومة الإنسولين فيديك طاقة وبناء للعضلات و يحرق الدهون زى مثلا عصير البرتقال غنى جدا بالكروم خليه يوميا فى نمط حياتك الغذائى بلاش تضيف عليه سكر .
٣- اعمل تمارين كارديو الكارديو دا نوع من التمارين بيقوى عضلاتك وقلبك ودا محتاجينه ١٥٠ دقيقة فى الأسبوع زى الجرى البوكس ركوب العجل أو إلعب مع أصدقائك ماتش كورة مرة فى الأسبوع .
٤- أشرب شاى أخضر كتير الشاى الأخضر ممتاز فى توسيع الشرايين اللى بتغذى العضلات وبيساعد على حرق الدهون .
شير لغيرك وقله هنلعب كورة مرة فى الأسبوع عشان ننسى الهموم ونبنى العضلات ونحرق الدهون .

في الوقت الحالي جهاز مناعتك يا يبقى الحارس بتاعك يا يبقى عدوك

لتجنب نزلة البرد بتاعة المروحة دي
وتجنب العدوى من أي حد
والكمامة اللي مابقتش بتتلبس
كل دة سبب كافي يخلي مفيش مناعة ومحدش هيتأذي غيرنا وغير حبايبنا

٥ حاجات معاك عشان المناعة :
ڤيتامين د
ڤيتامين سي
زنك
كركمين
الثوم
الأقحوان

أثبتوا فعاليتهم في تعزيز المناعة ومضادات الأكسدة والألتهابات
ضروري يبقوا جزء منك
ضروري يبقوا في جسمك
شير ضروري وحافظوا على دول وماتبخلوش على نفسكوا بحاجة تقويكوا بدل أكل الشارع اللي بيبهدلنا

علاج عرق النسا
عرق النسا أو التهاب العصب الوركي بيكون الالام بتاعته سببها اما الانزلاق الغضروفي القطني أو بسبب هشاشة الفقرات او الشوكة العظمية ودا خلى بالك طبيعى بنسبة ٨٥٪؜ من الناس بعد سن ال ٤٠ اللي هوه العادي يعنى النهاردة هنتكلم عن دور العلاج الغذائي في علاج التهاب العصب ده اللى بتكون اعراضه التنميل الشديد وعدم الراحة والالام من اول الظهر الى المؤخرة دا غير انه ممكن يسبب ضعف عضلى للعضلات اللى بيغذيه العصب ده.
العلاج بالتغذية والأعشاب :-
١- التين البرشومى دى اهم وصفة يا جماعة التين فيه مواد مسكنة للإلام ومليان ماغنسيوما لليى بيمنع الشد العضلي الصعب اللي بيكون مصاحب والتين الموسم بتاعه الايام دي وغير موسمه هاته مجفف عادى يبقى انقعه في زيت زيتون وبالهنا والشفا.
٢- الأطعمة الغنية بأوميجا ٣ زى الأسماك زى الماكريل والسلمون والتونة والرنجة والنباتية زى زيت بذر الكتان و بذور الشيا .
٣- الأطعمة الغنية بفيتامين بى ١٢ زى المحار والكابوريا .
٤- اشرب شاى أخضر وزنجبيل كتير مضادين للإلتهاب وابعد عن السكر والمقليات والتدخين مسببين للالتهاب .
٥- الورقيات الخضرا ملك علاج الالام الظهر من الورقيات الحضرا هوه الفجل .
شير لغيرك وقله حتى نتجنب الالام اسفل الظهر المبرحة لازم نحافظ على أكل الأسماك والكابوريا والفجل والتين وشرب الزنجبيل خاصة لو أنا مريض سكر بتكون فرص إصابتى أكتر .
اكتب فى التعليقات مشاكلك الصحية وتابعنا بإنتظام هنعملك ليها بوستات وعشان يظهرلك بوستك المفضل اعمل لايك وهنرد عليك على الخاص

"لقد كان الليل طويلاً وثقيلا ولكن الأمة لم تفقد إيمانها أبدا بطلوع الفجر" ✨
اسرة خلاصات تهنئكم بنصر ٦ اكتوبر المجيد
كل عام و كل مصري بخير
#نصرأكتوبر

أول ايام دراسة .. وأول يوم خوف وقلق على صحة ولادنا .. بس مش عايزين نقلق ولا نوصلهم التوتر ده عشان مناعتهم ..

خلينا نركز على أكتر ٧ نصايح غذائية ممكن تفيدهم :
- بلاش حلويات تماماً عشان السكريات بتضعف المناعة جداً ..
- بلاش Fast Food ، الأكل اللي من برا وقت كمان اختلاطهم بعدد هيسد جوع بس مش هيحمي صحة ..
- نفضي ليهم ١/٢ ساعة أو ساعة في اليوم رياضة ، الرياضة بتعلي المناعة وبتقوي الجسم ..
- نديهم فاكهة وخضار ومكملات ڤيتامينات وعصائر معمولة في البيت دة هينفعهم جداً ..
- ندعم وجباتهم بالبروتين والدهون الصحية وزيت الزيتون ..
- نعودهم على شرب السوايل الدافية مع التحلية بالعسل زي التليو / اليانسون / الشمر / الزنجبيل ..
- والأهم بقى الماء ، الماء هيحافظ على جسمهم من الجفاف ودي خطوة مهمة ..

طيب وجنب الأكل ؟ نديهم أسكوربيك أسيد اللي بيدعم ڤيتامين سي بنسبة كبيرة وفي نفس الوقت آمنه عشان يقدروا ياخدوه كل يوم .. ومعاه البروبليس ودة اللي هو عكبر النحل أو صمغ النحل إحنا إتكلمنا عن دوره من وقت طويل ، وبجانب إنه مهم للمناعة هو بيقي من إلتهاب مجاري التنفس الجرثومية وما يصاحبها من نزلات برد وأنفلونزا ..

بدورك يا ست الكل التعقيم ثم التعقيم .. عوديهم مايلمسوش حاجة إلا ويعقموا إيدهم بعدها .. الأحذية لازم تتقلع برا البيت وتتعقم وتتساب للشمس .. الملابس خليها أكتر من طقم عشان يبقى سهل التنظيف والغسيل على مدار الأسبوع .. الأدوات اللي بياكلوا فيها واللي بيستخدموها جوا الشنط هنتعبك معانا معلش وتتعقم كمان ..

الموضوع يكاد يكون مُقلق وصعب على أولادنا بين تعليمهم وبين صحتهم .. بس خلينا نسيبها على ربنا وهو الحامي بإذن الله ..