Dr. Mohamed Magdy
عيادة أسنان تحتوى على كل التخصصات باحدث أجهزة شاملة ال?
14/03/2024
من الحالات الصعبة اللى قابلتنى الصراحة 😓
اخدت منى مشوار رهيب لإعادة ترميم الاسنان وظبط العضة فى وقت مكنش كافى انها تخلص فيه
كانت تحدى كبير الصراحة بس بحمد لله وتوفيقه وصلنا للمرحله النهائية دى وكانت مرضيه جدا للمريض ❤️
02/11/2023
رحلة معالجة الاسنان الأمامية بالحشو التجميلى
الشرح أسفل كل صورة 😊
10/09/2023
تم بفضل الله تزويد العيادة بجهاز أشعة حديث وسينسور للحصول على أعلى جودة فى التشخيص والفحص قبل واثناء وبعد العلاج والمتابعة بعد العلاج على المدى الطويل لخدمة عملائنا الكرام ♥️🙏
ونعمل جاهدين للتطوير المستمر الدائم لرفعة المستوى الخدمى والعلاجى فى العيادة بفضل ربنا ثم بفضل ثقتكم والدعم المستمر لنا ♥️🤝
19/08/2023
حالة النهاردة
تسوس بسيط فى الاسنان الأمامية لكن كانوا عاملين عقده
لصاحبهم
الحمد لله قدرنا نشيل التسوس ونعوضها بحشو تجميلى بلون الاسنان
وكانت النتيجة زى ما انتو شايفين 👇❤️🌸
لو عندك مشكلة متترددش روح ومتخافش الموضوع اسهل ما يمكن 👌😍🔥
31/01/2023
حالة جديدة بشكل مختلف بس كانت حلوة ومرضيه بالنسبة لصاحبتها ♥️🫶🥰
حالة عندها 35 سنة كانت عامله تركيبه قبل كده واتكسرت وشكلها مكانش عاجبها لما بتضحك 🙂
غير الاسنان اللى قدام كانت عاملاهم حشو عصب وشكلها برضه مش حلو
الحمد لله قدرنا بفضل الله نعالجهم ونركبلها كراوان وبريدج وحشو ليزر عشان نستعيد الشكل الجمالي والوظيفه ولون مطابق للون الاسنان بتاعتها مافيش فرق
وكانت النتيجة مرضيه الحمد لله
قالتلى " تسلم ايدك يا دكتور شكلها حلوة وعيالى قالولى كده احسن من الحديدة اللى كانت ف يوقك يا ماما "
طبعا احساس ميتوصفش لما يبقى شغلك بيفرق ف ضحكة حد ونفسيته 🫶 فاللهم لك الحمد ♥️
28/01/2023
بنوته عندها 13 سنة جاتلى بتشتكيلى من شكلها خصوصا انها مضايقه مش عارفه تضحك ودائما تلاقى تنمر من اللى حوااليها 🙄🥺
تم بفضل الله حشو السنة الأمامية #حشو ضوئى تجميلى لاستعادة الشكل الجمالي للسنة بعد كسرها ♥️🤩
لله الفضل والنعمة 🙏
22/01/2023
حشو تجميلى للسنة الأمامية ♥️🥰
24/11/2022
حالة جديدة بشكل جديد
والشرح أسفل كل صورة 🥰🫶
لو حد عنده تعليق او استفسار يقول ميتكسفش 😂🤝
21/11/2022
حالة جديدة بشكل جديد 🌸
ناب كان حالته مش تمام وكان المريض عايز يخلعه قال مافيش منه أمل 🙆🥹
فعرضت عليه فكرة أننا نحشيه ونعيد بنائه ونركبله كراون عشان يحافظ عليه وافق الحمد لله ،🙏🤩💥
وعشان صفى نيته ووافق 😂🤝
كانت النتيجة ولا اروع الصراحة ♥️😍🥰😂
19/11/2022
الحاله دى جاتلى كنت بعيد حشوها اى نعم مش كل الضروس بس من اكتر ضرس كان ف مشكله 🙆
جاتلى المريضه وكانت بتشتكى أنها عامله حشو اسود وكان الحشو مضايقها وبيوجعها ومتصل ببعضه من غير فاصل ،
وطبعا ده كان مشكلته مشكله 🥹🤦
فطبعا شيلت الحشو القديم وعملتها علاج عصب وتم تغيير الحشو البلاتين بحشو ابيض لون الضروس ، وعقبال الباقى ♥️🤝
11/11/2022
بفضل الله تم تركيب كراون بنفس ابعاد وحجم ولون الاسنان الطبيعيه المجاورة 🙏
وعدم الفرق واضح 😍🥰
15/10/2022
حشو ضوئى باستخدام العازل المطاطي ♥️🥰🌸
07/10/2022
عندك تسوس بسيط او كبير ف أسنانك إلى قدام ومضايق من شكلك ومش عارف تضحك براحتك 🙂
بفضل الله نقدر نحافظلك عليها ويتم حشوها بلون مطابق للون الطبيعى زى اللى ف الصورة واجمل كمان 🤝♥️
04/10/2022
عندك ضرس عقل معووج وتاعبك ومطلع عينك بس خايف
متقلقش خلعنا الضرس ف ربع ساعه ومن غير قلق أو تعب بفضل الله ،🙏♥️
معانا متقلقش أسنانك ف أمان 🥰🤝
من الحاجات الضرورية اللى لازم نهتم بيها عشان شكلنا يبقى حلو لما نضحك أو ريحة الفم تبقى مقبوله لما نتكلم أو صحة الفم والأسنان والوقاية من اى حاجه ممكن تعرض الاسنان التسوس أو اللثه للالتهابات المزمنة 👌
الا وهيا نظافة الجير المتراكم على الأسنان 😁♥️🤝
وده عبارة عن حاجتين ✌️☺️
1- نظافة يومية وهيا بالفرشه والمعجون والمضمضة عشان نقلل اثر تكون الجير أو الصبغات على المدى الطويل
2- نظافة سنوية أو نصف سنوية عند دكتور الاسنان فى العيادة ودى ضرورية جدا عشان لو فى حاجه نلحقها من اولها ومنستناش لما تحصل مشكلة عشان نتعالج
وبالتالى فأنت كده تبقى تمام وهتوفر على نفسك كتير سواء ماديا أو معنويا
ثقافتنا لازم تتغير عشان صحتنا وصحة أسنانا ♥️🤝
09/08/2022
تنضيف الرواسب الجيرية والصبغات الخارجية على الأسنان 😁♥️💞🥰
08/08/2022
Composite Veneer ☺️😍🤍
30/07/2022
خلع ضرس عقل جراحى 🙂
25/07/2022
من الحاجات اللى لازم تعملها عشان تحافظ على ضروسك لو كنت عالجتها وحشيتها عصب لازم ولابد وحتما 👌👌تعمل كراون أو طربوش (كما هو معروف) ، فى منه انواع وخامات
بس المهم تعمله عشان الضرس ميجيبش ف الآخر ويتكسر وكانك معملتش حاجه 💔😥
الزيارة أو للاستفسار
ت:- 01062569393
واتس :- 01208864524
04/07/2022
حشو ضوئى باستخدام الرابر دام لعلاج التسوس وإزالة الصبغات الناتجه عن التدخين ،
تم عمل الحشو بنفس درجة لون الاسنان وتلميع باستخدام أحدث الخامات لمماثلة السن الطبيعى فى الشكل والانعكاس الضوئى 👌🥰
24/06/2022
حشو ضوئى 😍😊🥰🦷
#حالة جديدة وتحدى جديد بفضل الله 🥰✌️😉
ام حمزة كانت عندها مشكلة أنها كانت مركبه كراون على سنتين اللى قدام وكل شوية التركيبة تقع 😓
وكانت جيالى مشكورة عايزة تشوف حل 🙂
التحدى كان أن الاسنان مكسورة وكانت متحضره بشكل مبالغ لدرجه انها جربت تلزقهم كتير بماتيريال عالية وبرضه بتقع
بعد الفحص والأشعة عملنا إعادة حشو عصب ف الاسنان الأمامية وتركيب دعامات وزودنا حشو لتطويل الاسنان وحضرناها عشان نعمل كرازنز جديده بلون الاسنان الطبيعيه
وطبعا زى ما عودناكم صورنا كل خطوات شغلنا عشان نشارككم معانا 🥰🌸💪
معانا متقلقش أسنانك فى أمان ♥️🦷🥼
16/06/2022
تسوس بالاسنان الأمامية لبنت عمرها ١٨ سنة
وكانت خطة العلاج كالاتى :-
تم عمل حشو تجميلى لسنتين الاماميتين
وعلاج عصب ودعامات و٢ كراون بنفس اللون 🥰
وكانت النتيجة مرضيه بفضل الله 🥰🙏
13/06/2022
حشو تجميلى بالاسنان الأمامية بنفس درجة لون الاسنان 😍 🌸🥼
09/06/2022
من الحالات اللى أخدت منى وقت ومجهود لعلاج الاسنان سواء إزالة تسوس أو علاج عصب وتركيب أوتاد لإعادة بناء هيكل الضرس أو السن ثم عمل بريدج مكون من ٤ اجزاء لاستعادة الشكل الجمالي للاسنان
بشكر ربنا انى جعلنا سبب ف استعادة الضحكة من تانى 🥰
معانا ضحكتك هترجع هترجع 👌😍🤝🥰
04/06/2022
تسوس بسيط فى الاسنان الأمامية 🙂
من الصدف الحلوة أن الاقى مريض جاى يكشف ويطمن ع أسنانه من غير شكوى( ودى مابتحصلش كتير ) 😂
بعد الكشف لقيت تسوس غير ملحوظ للمريض خلف الاسنان الأمامية ولو كان سابها كانت زاد التسوس وباظت اكتر 😓
والحمد لله تم عمل اللازم بإجراء حشوه تجميلية باستخدام العازل المطاطى وقدرنا نحافظ على السنة ورجعت لشكلها ولونها الطبيعى 🥰♥️
مع عيادة الأسنان متقلقش!! 👈👈 أسنانك ف أمان ✨💞🌸
01/06/2022
من الحاجات المتكررة للاطفال التسوس الى بيحصل للاسنان 😓💔
وللاسف بيحصل ف وقت بدرى اوى قبل معاد تغيير الاسنان اللبنيه للاسنان الدائمة لأسباب كتير ممكن نتكلم عليها بعدين
وللاسف فى مننا بيهملهم ونعتمد على المسكنات لحد ما الدنيا بتبوظ اكتر الا من رحم ربى ♥️ويكون المبرر اصلهم هيتغيروا وده اكبر غلط طبعا 😓
وبنتعامل معاهم بالحشو زى الحاله دى أو الخلع بس ف حالات معينة ☺️
حالة النهاردة :-
طفل اسمه جلال 🥰🤝 جه بوجع ف ضرسه مكنش بينام منه
بعد ما كشفنا عليا وعملنا له أشعة عشان نطمن على حالته وحالة الاسنان الدائمة ال تحتيهم قررنا نشتغل حشو عصب وقفلنا الضرس بلون حشو زى لون الأسنان فى جلسة واحده 🥰♥️
وبعدين حطناله كراون معدن عشان نحافظ عليه لحد معاد التغيير
ودى الصور من البداية النهاية ♥️🥰
تحت امركم ف اى استفسار
30/05/2022
تركيب بريدج ثايت لاستعاضة ضرس مخلوع 🦷♥️🤝
28/05/2022
الحالة دى بنت عندها 20 سنة كانت مضايقة من شكل ووضع أسنانها بسبب البروز وتزاحم الاسنان على بعضها
بفضل الله خلال 3 شهور قدرنا نعدل وضع الاسنان لوضع أفضل شوية ولسا فى مرحلة العلاج لحد ما نوصل لاحسن نتيجة مرضية 🥰♥️
27/05/2022
جمعة مباركة ♥️🥰
Videos (show all)
