يوسف النجار - Yousef Elnaggar

لقد وصلت للتو إلى ‏‏٧٠٠‏ متابع‏! شكرًا على المساهمة في الدعم. ولم يكن بإمكاني على الإطلاق تحقيق ذلك دون مساعدة كل فرد منكم. ‏🙏‏‏🤗‏‏🎉‏

طريقتي في الغضب من الأشخاص إنتقامية جدًا، اتوقف تماما عن النظر في أعينهم.

لسبب مجهول جدا ، بحس ان صلاة الفجر دى هى أهم صلاة ، بحس ان الوقت و الحالة و الروح و النفس و كل حاجه بتكون صافية و نقية و مُريحه ، لو صليت فى الجامع بحس انى فى رحاب الله فعلياَ ، بحس انها نوع من انواع الترميم للروح ، صلاة الفجر عظيمة لو تعلمون .

"تعز علي نفسي وأعز عليها، ولا أرضى أن أرى انكساري في عين أحد، رغم اتفاقي مع فكرة أن الناس للناس، وأن الأصدقاء وجدوا من أجل هذا، إلا أني لا أهضم المواساة ولا أتقبلها، أنعزل عن الجميع في كل مرة يصيبني الحزن وألجأ لله وحده حتى يداويني الوقت، ثم أعود إليهم بقلبٍ سليم وصدرٍ منشرح."

لسبب مجهول جدا ، بحس ان صلاة الفجر دى هى أهم صلاة ، بحس ان الوقت و الحالة و الروح و النفس و كل حاجه بتكون صافية و نقية و مُريحه ، لو صليت فى الجامع بحس انى فى رحاب الله فعلياَ ، بحس انها نوع من انواع الترميم للروح ، صلاة الفجر عظيمة لو تعلمون .💙

واحدة جاتلي الصيدلية من شوية تسأل علي سيرم معين للشعر .. فبقولها هو مش موجود دلوقتي حضرتك بس ان شاءالله هنحاول نوفرهولك بكره ، ممكن تسيبي رقم حضرتك للتواصل ، قالتلي خلاص ماشي خد رقم بنتي أهو علشان مش حافظة رقمي.. فبقولها هي كبيرة يعني علشان أكلمها ، قالتلي اه دي كبيرة وحلوة حتي بص صورتها أهي ! 👀
ف بصيت لقيتها جميلة أوي الصراحة .. فقولتلها ماشاء الله زي القمر ربنا يخليهالك .
أنا تقريباً كده اتشقطت وبمزاجي ويارب الموضوع يكمل علي خير. 😂😂

كان فيه أفعى من زمان عايشه في البرازيل بتقتل أي حد يقرب منها بالسم بتاعها
واتكرر الموضوع أكتر من مرة ،
،،
قام فريق بحث بتاع سموم من البرازيل قالوا لازم نعرف سر الأفعى دي
اكتشفوا إن الناس اللي بتموت بسم الأفعى دي كلهم بيجيلهم severe hypotension من السم ويموتوا بعدها
☀ لما دققوا اكتر في الموضوع وجابوا المادة دي وعملوا عليها ابحاث
اكتشفوا انها بتوقف انزيم في الانسان اسمه Angiotensin Converting Enzyme اللي هو ( ACE )
معنى كدا ان السم دا ACE inhibitor بس قوي .....
قامت شركه bristol_mayers squibb استخرجت من السم دا مادة بجرعات صغيرة
علشان يستخدموها في علاج ضغط الدم المرتفع وسموها captopril
_ اللي هي المادة الفعاله في كابوتن وكابتوبريل وانجيوبريس 👋

"عرفتوا ليه شعار الصيادلة فيه تعبان ،، علشان بنعمل من السم شربات" 👏??



شيير للبوست وتابعو بقي
ولايك للبيدج اكيد 😉

انا من القلة اللي معدتهم اهم من قلبهم .. 😌🔥 ..
عيد حب سعيد يامعدتي .. 😋❤️

لما ترتبط بفيميل صيدلة ،وتجيبلها ورد .. 🌹🌷
Valentine's Day 🖤😂

لو انت مكتئب وبائس .. بص علي حالي ، وأحمد ربنا .. 💔🥲

عافية ذوق ، عارفة إني مش هطول الرف اللي فوق .. 😂💔

ايه اول كلمه عينك جات عليها ؟! 🤔😅💔

واحد صاحبي خاطب بقاله عشر شهور، هو وخطيبته متفقين علي خروجه كل جمعه بما انه بيكون اجازه وكده، كل جمعه ببخرجوا من غير مايتفقوا هيروحوا فين بيتقابلو الاول وبعدين بيقرروا براحتهم بعد كده، بيقولي بقالي سبع شهور علي الحال ده عمري ماخرجت معاها وصرفت اكتر من خمسين جنيه لدرجه اني والله مرات كتير برجع من الخروجه بكتشف اني مصرفتش حاجه اصلا!! بقوله ازاي يبني ده انت لو جبتلها شكولاتين بس هتصرف اكتر من كده مبتقعدوش في كافيه مثلا!! مبتتغدوش مع بعض في اي مطعم!! مبتروحوش اي مكان من البنات بيحبوا يتصوروا فيهم دول!!مبتجبلهاش هدايا!! مبتروحوش سينما مثلا اي حاجه ماهو متقنعنيش ان الخمسين جنيه دي هتكفي خروجه اليومين دول!! قالي والله زي مابقولك كده والمره الوحيده اللي جبتلها هديه من بعد الشبكه كانت سلسله فضه انفينتي لما شوفت معظم البنات مشيرنها ع الفيسبوك وموهومين بيها كده فقولت اكيد هتعجبها هي كمان فجبتهالها تاني شهر اول ماقبضت علي طول لقتها اتجننت واتنرفزت اول ماعرفت انها ب300 جنيه وقعدت تأفور بقه وتقولي مش شايل مسئوليه ومعرفش ايه وحلفتني مجبش هدايا تاني غير لما تكون معايا!! قولتله طب بتخرجوا بتروحوا فين طيب؟؟ قالي عمرنا ماروحنا اي مكان من اللي في دماغك دول كل خروجاتنا لاما بنقضيها مشي ع البحر مع شويه سوداني شكولاته او لب اي حاجه او بنروح كافيه عادي واغلي حاجه بتطلبها ياما قطعه تشيز كيك ب14 جنيه او ايس بوريو بنفس السعر، عمرها ماطلبت مني اي حاجه ولا شاورتلي علي اي مطعم ندخله او اي مكان نروحه انا دايما اللي بقترح عليها وهي اللي بترفض! مره لحيت عليها وجبتهالها بطريقه تانيه واني نفسي في اكله فراخ جديده غير اللي امي بتعملها نجرسكوا مثلا او فاهيتا او اي حاجه المهم اننا الجمعه الجايه هنتغدي بره وخلاص!! اتفقنا على كده وهي وافقت وعدي الاسبوع ورحت اعدي عليها الجمعه اللي بعد كده عشان نخرج زي ماتفقنا لقيتها بتفتحلي وهي لسه بلبس البيت قولتلها انتي لسه ده كله ملبستيش!! لقيتها قالت لا ماحنا مش هنخرج ولقيتها هي ومامتها مجهزين كل الاكل اللي اتفقنا عليه الجمعه اللي فاتت وعملالي كمان سلطه الكول سلو اللي بحبها وقالتلي هنا احسن هناخد راحتنا اكتر اتصدمت والله معرفتش اقول ايه واتحرجت من مامتها جدا وقعدت اغمزلها واخبطها في رجلها قالتلي متخافش والله ماقولتش لماما ان نفسك في النجرسكو خالص ده احنا عاملينها بالصدفه كده راحت مامتها ضاحكه واتكسفت جدا وكان اليوم كله بهجه واحسن من ميت خروجه والله.. قعدت معاها بعد كده قولتها انا محتاج اني اعملك حاجه محتاج اني احس انك مشاركاني مرتبي حتي لو انتي بتعملي كده عشان توفريلي انا مش محتاج التوفير ده ولا عاوزه انا الحمدلله بقبض كويس وعاوزك تشاركيني فرحه القبض كل اول شهر فبلاش طريقتك دي ارجوكي! قالتلي خلاص اشطه برحتك لو كده بقه فانا عاوزه حقي ناشف قولتلها يعني ايه!! قالتلي يعني اول كل شهر تديني 300 جنيه من مرتبك تمن الهديه اللي جبتها قبل كده مثلا واهو كده اكون شاركتك مرتبك اهو!! قولتلها اشطه موافق جداا وكل شهر فعلا كنت بديها ال300 جنيه اول ماقبض وخروجاتنا كل جمعه استمرت زي ماهي مره سينما مره دره مشوي وبوظه مره نتمشي ومنصرفش خالص وبرضو مكنتش الخروجه بتعدي الخمسين جنيه علي كل حال لحد ماجت في خروجه النهارده ولقيتها خدتني علي معرض اثاث وقالتلي ايه رايك في السفره دي للمطبخ؟ ( اه بالمناسبه احنا بنجهز شقتنا اليومين دول) سفره صغيره باربع كراسي للمطبخ قولتلها اها جميله قالتلي انا عايزاها هديه بقه قولتلها يخربيتك دي ب2900 جنيه ومعيش المبلغ ده وبعدين ماحنا اتفقنا ان انا كده كده اللي هجيب السفره لزمتها ايه دلوقتي!! قالتلي انا دفعت الفلوس علي فكره وجايباك معايا عشان تشيلها بس :p قولتلها ايه ده امك رجعت في كلامها وهتجيب هي السفره!! قالتلي لاطبعا يامغفل دي فلوسك انت واكتشفت النهارده انها دخلتني في جمعية بال300 جنيه اللي كانت بتاخدهم مني وقبضتها قبل الاخير 3000 جنيه!! فضلت واقف مصدوم نص ساعه واشترينا السفره اللي كنت شايل همها ومش عارف هجيب فلوسها منين اليومين دول!! البنت دي انا رحت اتقدمتلها السنه اللي فاتت وانا بحبها حب عمري ماكنت اتخيل ان فيه حب ممكن يوصل للدرجه دي لكن النهارده اكتشفت ان الحب ده كان صغييير جدااا قدام الحب اللي انا بحبهولها دلوقتي!! ربنا يخليها ليا وميحرمنيش منها ويمد في عمري بس عشان اقدر اسعدها.

جميل جدا الحب لما يكون سند وخصوصا في الظروف المهببه اللي بقينا فيها اليومين دول!

اللهم يسر لهما واجمع بينهما في الخير .. ❤️

صيدلانيه شرقاوية ، تكحلت فأربكت قلب الذي إيجا من بعيد، الله الوكيل ..

-
مني الشاذلي بتسأل كنده علوش .. لو عمرو يوسف دكتور صيدلي ، كنتي هتتجوزيه !؟
ردت عليها وقالت : هو انا اطول اتجوز دكتور صيدلي !💙 ، ونزلت دموع من عنيها الشمال زي رفاعه الدسوقي .. 💔
-

اول بوست من سلسله 🔥 الصيدلية فى جيبك 🔥

( مواعيد تناول الادوية )

موضوع النهاردة مهم و بيثير لخبطة وجدل كتير للمرضى والصيادلة والاطباء وخصوصا الطلبة اللى لسه بتتدرب جديد فى الصيدلية وهو مواعيد تناول الادوية قبل الاكل ولا بعد الاكل ؟؟؟؟؟؟

فى البوست دا مجمعين اغلب الادوية او كل الادوية الل بتتاخد قبل الاكل ( على معدة فاضية ) وخلاف ذلك يبقى الافضل انها تتاخد بعد الاكل او سط الاكل .

ركز معايا وسجل الادوية الل هنقول عليها دلوقتى .
............................................................................

🔥أولا ادوية متعلقة بالجهاز الهضمى .(ودا عشان تدى اثر ايجابى يجب ان يتم تناولها قبل الاكل لانها تقوم على تهيئة وتنشيط المعدة والجهاز الهضمى بشكل عام للتعامل مع الوجبات وتعمل على وقاية المعدة من التاثير المتوقع بسبب تناول الوجبات ويقلل الاحساس بالغثيان والتخمة )

1- ادوية علاج تقلصات الجهاز الهضمى بشكل عام زى مثلا

Buscopan ,, Spasmopyralgin , Visceralgin

2-ادوية علاج تقلصات القولون العصبى زى

Colona , Librax , spasmocolon

3-ادوية علاج الترجيع وعلاج الارتجاع المرئى زى

domperidone ( motilium ,motinorm , gastromotil )

metoclopramide (preimperan )

ا4- ادوية علاج قرحة المعدة peptic ulcer زى

مجموعة PPIs كلها امثلة زى مثلا (اومبيرازل omeprazole (اومبياك omepak
pantoprazole (pantoloc ) , rabeprazole (bapra)

مجموعة H2 blocker زى رانتدين (rantidine (Zantac و
famotidine (antodine)

5- ادوية فواتح الشهية زى فيتامين ب كومبلكس زى مثلا
Epicozyme ,vita-phos , medivit
ومادة فعالة سيبروهيبتادين cyproheptadine الموجودة فى دواء (Triactin )

& الوقت الامثل انها تتاخد الادوية دى قبل الاكل من ربع الى نص ساعة

______________________________________.

🔥ثانيا ادوية متعلقة بتداخل الادوية مع الاكل Food Drug interaction (الاكل بيقلل من فاعلية الادوية او بتثبط شغل الادوية )

1- بعض مجموعات المضاد الحيوية ( خصوصا اكل فيه ماغنسيوم او الومنيوم او كالسيوم )
a- macrolides زى مجموعة
azithromycin ( xithrone , zithrokan )

b- fluroquinolones زى مجموعة
امثلة
ciprofloxacin ( ciprocin , ciprofar ) , levofloxacin (levoxin )

c- tetracycline زى مجموعة

امثلة doxycycline ودا موجود فى مثلا (Vibramycin )

2- ادوية anti- edema (انزيمات هضم) زى دواء مادته فعالة ( trypsin + chemotrypsin ) ودواء موجود فى ادوية زى ( Alphintern , amebezim , newbezim , ) وكمان دواء maxilase

& التوقيت الامثل تجنبا لحدوث تداخل والوصول لفعالية اكبر يبقى قبل الاكل بساعة او بعد الاكل بساعتين

______________________________________.

🔥ثالثا ادوية لتنظيم وظائف الجسم على مدار اليوم ( ينطبق على ادوية السكر واشهرهم مجموعة سلفونيل يوريا وادوية الضغط وخصوصا مدرات البول والتى يجب تناولها على الريق بحكمة اخرى بتاثر الدواء بطعام بقدر ما هو مساعدة للمريض انه يضع فى ذهنه انه اهم شى يجب فعله فور الاستيقاظ انه ياخد الدواء بمعنى اكتر يكون تعود بالنسبة له عشان تنظم له على مدار اليوم )

1- مدرات البول زى مثلا lasix , lasilactone , examide وكمان مجوعة
ACE inhibitor زى كابوتريل ( كابوتين ) او كابوزايد capozide

2- ادوية السكر وخاصة مجموعة sulfonylurea زى مثلا جلمبريد (amaryl ) او جليكلازيد (diamicron )

3- ادوية لتظبيط هرمونات الغدة الدرقية thyroxin زى مثلا دواء Eltroxin لزيادة الامتصاص ايضا يتاخد على معدة فاضية .

& التوقيت الامثل يكون على الريق كدا او قبل الافطار ب 10 دقايق

______________________________________.

🔥رابعا ادوية تانية مختلفة بتقل فاعليتها مع تواجد الاكل فمن الافضل تتاخد قبل الاكل زى

1- ادوية الامساك عموما زى مثلا بيساكوديل (minalax )

2- ادوية الاملاح ( الفورات ) زى يورسلفين او يوريفين او يوريكول

3 - ادوية التخسيس خاصة مادة الفعالة orlistat ودا موجود فى دواء زى ( Quick slim , orly , regimax ) لانه دا fat blocker ودا قبل الوجبات الدهنية زى الغداء والعشاء

& التوقيت الامثل من 10 دقايق لنص ساعة قبل الاكل .

______________________________________.

لايك للبيدج .. وشير للبوست
وتابعو معايا
الصيدليه ف جيبك ..

حصل في الصيدليه ..
دخل شاب كده في أواخر العشرينات ، ومعاه بنت شكلها كبير ، تقريبا ( خطيبته ).
الشاب : لو سمحت يادكتور عاوز دواء برد وسخونيه لطفله .
أنا : عندها كام سنه !؟
البنت : 18 سنه يادكتور ..
مع نظره التناحه اللي علي وشي ، يرد الشاب يقولي أصلها طفله في عنيا .
- حاسس ببوادر mini Heart attack 💔😂

اسف 😂😂

".من مميزات الزواج ب "صيدلي ".
عشقه للبديل ...بمعني ..
أنه لو طلب منك تعملي فصوليا وعملتي باميه ه يقتنع ويأكل عادي جدا 😂😂😂
اتجوزي صيدلي .. 😂

-

صديق صيدلى راح يتقدم لبنت ف رابعه صيدلة
أول ما قعد يتعرف عليها والدها تركهم وقعد على مقربة منهم ..
صديقى بيقول لها : كلمينى عن نفسك شوية عامله اي ف الكليه ، وناويه تكملى لحد فين ، أهدافك إيه !!
البنت سكتت خالص ..
كرر السؤال بشكل مختلف
مفيش أى رد
والبنت بتبص له بصه فيها جزء من الإنكار أو الاحتقار
وهو بيحاول يفهم إيه سر البصه دى
بيقول لى والله ما دريت بنفسى غير وأنا بقولها : بتحبيه ؟
قالت لى : آه
قلت لها : ليه ميتقدمش ليكى ؟
قالت لى : معندوش شغل وبقاله فتره بيدور وهو خريج هندسة فمش لاقى !!
قلت لها : ممكن تدينى رقم تليفونه وأنا هجيب له شغل وأخليه ييجى يتقدم لك ..
صاحبى بيقول : البنت مصدقتش نفسها ومسكت التليفون وأعطيتنى الرقم
نزلت من عندها كلمت الولد قلت له : عيب عليك تسيب البنت لحد يتقدم لها لو انت بتحبها
الولد قال لى : والله فعلا عايز اتقدم لها بس مش عارف علشان ابوها هيرفضنى علشان معنديش شغل
فى ظرف يومين الولد كان اشتغل شغلانه محترمة من طرف صاحبى
واتقدم للبنت وبعد شهر من عدة محاولات مع والدها ابوها وافق واتخطبوا
اللى فكر صاحبى بالأمر ده إن الولد اتصل بيه يعزمه على عقيقة ابنهم الأول اللى سموه على إسم صاحبى
امش بين الناس خادما لهم ..
اسع فى حاجاتهم ..
ساعدهم على رسم ابتسامة قد تكون فقط هى مصدر سعادتك ..
فى ناس سعادتها إنها تشوف الناس سعيدة .. خليك دايما من الناس دى .. خلي السعادة عادة حتي لو بزيادة.. .
:)

- خطيبتي ايضا صيدلانية .. وبارك الله فيها بتعشيني يوميا حلويات وكيك من اللبن الاكسبير اللي في صيدليتها ..
..🖤

- بما انك شوفت البوست ده ، ف اهلا بيك .. 😍
دي بيدج جديدة ، وبداية جديدة ، هتكون شاملة لكل الفيلد الطبي👌 ، اعمل لايك ودعوه لكل اصحابك ، وتابعو معايا بقي اول ما نوصل 1000 لايك ..💙
🔥