Dr.Mohammed Khoga dental clinic عيادة أسنان د/محمد خوجه

كل عام وانتم بخير .. 🕌
مواعيد العيادة فى شهر رمضان ان شاء الله
يوميا عدا الجمعة من ١ ظهرًا لـ ٤
ومن ٨ لـ ١٠ للطوارئ مع اسبقية الحضور
تقبل الله منا ومنكم صالح الاعمال

نهنئكم بحلول شهر رمضان المبارك 🌙
أعاده الله علينا و عليكم بالخير والبركة 🤲
و نسأل الله ان يتم علينا صيامه و قيامه 🌙🤲
كل عام و انتم بخير🕌

مساء الخير ✨✨

تركيبة بورسلين لتعويض اسنان امامية pfm .. ✨

🕌

جمعتكم مباركة 🕌

للاستعلام : 01229499569

ايه هو تسوس الرضاعه ؟!
ياترى ليه بقينا نشوف تسوس الاسنان فى الاطفال بالطريقة العنيفه ديه و فى سن صغير يبدأ من سنه ونص 💔 المعروف بتسوس الرضاعه .
ده بيكون بسبب 👇
1. اهمال غسيل اسنان الاطفال :
*احنا بنبدأ غسيل الاسنان من ٦ شهور حتى قبل ظهور الاسنان ده بيكون بفرشه سيليكون بالمايه فقط من غير معجون ممكن نستبدل عنها بقطعة شاش مبلوله و تعمل تدليك ل اللثة و اللسان ده بيحافظ على الوسط فى الفم صحى بيقلل من البكتريا و الفطريات فبيقلل احتمالية التسوس فى الاسنان بعد كده.
** كمان خلال الفترة ديه نحاول نقلل من الرضاعه الطفل و هو نايم ( فطام ليلى) على قد مانقدر بدرى.
*** عند سن سنتين بنبدأ نستخدم الفرشه و المعجون بيكون معجون بدون فلوريد (معجون اطفال) زى ما اتكلمنا قبل كده و يكون بحجم حباية الرز بس ..
2. عادات الاكل السيئة :
زى الحلويات المتكرره خلال اليوم و الفاست فود و الاكلات الغير صحية و مش بتحتوي على المعادن اللى بتقوى السنه و تخليها مقاومه للتسوس اكتر.
طيب ايه الحل ؟!
1. غسيل اسنان الاطفال ٣ مرات فى اليوم بعد كل وجبه . كمان لو اكل حاجة بتلزق بين الاسنان و استيكى زى البونبونى و شوكلاتة يغسل اسنانه بعدها .
2. يقلل من كمية الحلويات او على الاقل يكون ليها معاد محدد و نغسل اسناننا بعدها مش طول اليوم و كل الوقت لان المشكله الاكبر بتكون فى تكررها اكتر من اكلها.
3. اكلات صحيه زى 👇
*الخضروات و الفواكه لما فيها من الياف بتغسل الاسنان و انت بتاكلها.
** البيض و الالبان اللى بتقوى السنه اثناء تكونها فى العضم و تطلع اكثر مقاومه للتسوس و الاحماض.
2. تستخدم العلاج الوقائى ضد التسوس و ده بيتمثل فى اكتر من حل هنتكلم عن واحد واحد فى بوستات جايه ان شاء الله 🫡❤️

✨ ✨

كل عام و انتم بخير مولد خير الخلق صلى الله عليه وسلم✨

ايه هو انحسار اللثة ؟!🤔
هو تراجع فى اللثة عن سطح الاسنان و ظهور جزء من جدر الاسنان و ده بيؤدي الى مشاكل فى المظهر و الم حساسية الاسنان زى ماتكلمنا عنه قبل كده او تسوس فى الجدر بعد كده و مش بس اللثة بتتراجع كمان العضم اللى حول السنه بيتراجع و ده بيخلى الاسنان تتلخلخ و تقع مع الوقت 💔
طيب ايه اسبابه 🤔
1. التهابات اللثة و ديه بتكون نتيجة ل : * عدم تنظيف الاسنان بالفرشة و خيط الاسنان و المضمضة زى ماتكلمنا قبل كده ان ده بيؤدي الى تراكم البكتريا حول اللثة. ** ازدحام الاسنان و ده بيخلى التنضيف بين الاسنان صعب توصل لكل الاماكن.
2. التدخين لتأثيره على مناعة اللثة
3. الجز على الاسنان زى ماتكلمنا قبل كده
4. تنظيف الاسنان بعنف او بفرشه خشنه
5. كبر السن اللى بيسبب فقدان نسيج اللثة لمرونتها
6. بعض الامراض المزمنه زى السكر وده لتأثيره على المناعه و الالتأم و جفاف الفم من اللعاب اللى بيقلل البكتريا الموجوده فى الفم بطبيعته
7. تراكم الجير و ده لانه بيكون سطح بيسهل للبكتريا تتراكم عليه
8. تغير الهرمونات وقت الحمل و البلوغ و غيره
9. عوامل وراثية
طيب ايه هو علاجه 🤔
الحقيقة ديه اكتر حالة بنقول فيها جملة "الوقاية خير من العلاج " حاول تتجنب الحاجات اللى فوق 👆
طيب حصل كده مافيش حل 🙃
الاول بتعليمات بتساعد بالحفاظ على الوضع من غير زياده و احيانا بيجيب نتيجة و اللثة ترجع مكانها تانى:
* تنضيف جير كويس جدا لضمان قلت البكتريا فى المكان ده * الدكتور هيكتب لحضرتك مضاد حيوى لفترة محدده
* و كمان هيكتب مضمضه بتستخدمها لمده اسبوع برده فيها مضاد للبكتريا زى ماتكلمنا فى بوست مضمضة الاسنان قبل كده
* تغسل اسنانك بفرشه ناعمه بتجاه من اللثة الى الاسنان زى ماتكون بتعمل مساچ للثة بيساعد انها تستعيد حيوتها و ترجع تانى .
** الحل التانى جراحى و هى عملية زراعة اللثة بياخد جزء من سقف الفم و يحطها مكان انحسار اللثة بس على قد صعوبتها هى كمان ليها نسبة نجاح 💔

جمعتكم مباركة ان شاء الله ✨

للاستعلام : 01229499569

ايه حل الجز على الاسنان ؟!
على حسب السبب ايه:
1. ممكن يكون سبب العصبية والتوتر الزائد او عادة ده علاجه انك تاخد بالك لما تيجى تعمل كده و توقف لو فيه مشكله كبيره بتروح لدكتور نفسية و عصبيه يكتب على المهدئات و ال muscle relaxent اللازم
2. انك تكون خالع اسنان من غير تعوضها او العضة غير صحيحة زى فى حالات العضه المعكوسة او غيره من مشاكل انطباق الاسنان ديه حلها عند دكتور الاسنان حسب تقيمه للحالة لو محتاجة تقويم او غيره
3. او وجود تسوس خلى انطباق الاسنان و العضة قويه تسمى حالة ال deep bite و ده محتاج تدخل دكتور الاسنان برده بيرفع العضه تانى
4. اضطربات فى النوم و قلة الراحة
5. لقوا انه احيانا بيكون وراثى
فيه حل مع كل اللى قولناه ده بيحافظ على الاسنان و مفصل الفك و يقلل من الصداع لحد ماتلاقى المشكله و تحلها و هى ال night gard او الواقى الليلى و صورته تحت 👇

GOOD MORNING ✨✨

مشاكل ضرس العقل؟!
ضرس العقل هو الضرس التالت بيظهر من ١٨ ل ٢١ سنة مشهور عنه مشاكل كتير من اول ما يبدأ يطلع لحد ما يتخلع 🦷 و ده بسبب :
1. بيظهر متأخر و ده ممكن مايلقيش مكان يطلع فيه يبقى مدفون.
طيب ايه مشكلة انه يبقى مدفون ؟!
* لو مدفون بشكل كامل بيكون مشكلته لو مايل على الضرس اللى قبله ممكن يسبب تأكل فى جدر الضرس اللى قبله زى صوره الاشعه اللى تحت 👇
**او مدفون بشكل جزئى و ده بيسبب ان البكتريا تتجمع تحت جزء اللثة اللى على الضرس و تسبب التهابات مؤلمة جدا بيسمع فى الجنب كامل من الفك و او تورم تحت الفك و صعوبه فى فتح الفم و كمان رائحة نفس كريهة.
*** او يطلع مايل ناحيه الخد بتعض الخد زى الصوره اللى تحت 👇
2. و كمان بسبب انه ورا خالص بيكون صعب تنضيفه و الوصول ليه بالفرشاه و ده بيخلى احتمال تسوسه بسرعه كبير واحيانا بيكون صعب الوصول اليه و حشوه.
3. كمان بيكون خلعه صعب غالبا بيكون خلع جراحى بيحتاج الدكتور يفتح عليه و ده لو مدفون او يكون مايل تحت اللثة او حتى مش مدفون بجدر معوج بيكون صعب طلوعه من العضم من غير ما يتفصل الاول عن باقى الضرس .
عشان كده لازم يكون معانا اشعه للضرس و علاقته بالضروس اللى جنبه ( اشعة بانوراما) و نتابعه و نروح لدكتور اسنان لو حسيت بالم

للاستعلام : 01229499569

🍇🍇

جمعة مباركة ان شاء الله ✨

ايه اسباب التصبغات ؟!
تصبغات الاسنان بتكون نتيجة لاسباب خارجية على سطح السنة من برا او لاسباب داخلية هنتكلم عنها فى بوست لوحده ان شاء الله
طيب ايه اسباب التصبغات الخارجية ديه🤔
1. نتيجة لعدم غسيل الاسنان بيتكون بكتريا بتسبب تصبغات فى الاسنان اسمها chromogenic bacteria بتكون مشهوره فى الاطفال اكتر بتكون سودا او بنى.
2. نتيجة للتدخين بتزيد التصبغات ديه فى الاسنان من الداخل و عند عنق السنه ناحية اللثة
3. نتيجة لبعض المشروبات زى الشاى و القهوة بتسبب اصفرار فى الاسنان
4. نتيجة لبعض الاطعمه زى الخرشوف و الكرز و التوت و البطاطا
5. استخدام غسول الفم اللى بيحتوي على ماده ال Chlorhexidine لفتره اكتر من اسبوعين زى ماتكلمنا فى بوست غسول الفم قبل كده.
6. بعض الادوية زى تناول ادوية الحديد.
7. الناس اللى بتشتغل فى مصانع التعدين و المناجم و الحديدين لان حبيبات المعادن ديه بتترسب على الاسنان و تسبب تصبغات.
8. تصبغات نتيجة لتراكم الجير زى ماتكلمنا عنه فى بوست قبل كده.
طيب ايه حلها؟!
على حسب نوع التصبغات فيه منها حاجات بسيطة زى -الاطعمه و المشروبات ممكن تكتفى بغسيل الاسنان بمعجون للتبيض زى ماتكلمنا قبل كده.
-لو نتيجة لتراكم البكتريا او المعادن او الجير هتحتاج تروح لدكتور اسنان يعملك تنضيف و تلميع للاسنان.

🍓🍓

ايه اسباب قرح الفم ؟!
قرح الفم هى قرح بتظهر فى الفم بشكل متكرر شكلها مميزه انها مدورة و شكلها منتظم و سطحية بتظهر فى اى مكان فى الفم ما عدا سطح اللسان من فوق و اللثة تحت الاسنان.
طيب ديه ايه اسبابها؟
مش معروف ليها سبب محدد بس لقوا عوامل بيصاحبها قرح فى الفم زى:
1. انه وراثى لو مشهور فى افراد العيله الواحده
2. مشهور فى الناس اللى عندهم انيميا نقص الحديد او فيتامين B12 او الفوليك اسيد.
3. مصاحب لامراض مناعيه بتكون اجسام مضاده ضد نوع من خلايا فى اللثة.
4. او لو عضيت او اتخبط فى المكان زى فى حالة انك مركب تقويم .
5. التدخين
6. تغير الهرمونات وقت الحمل او غيره عند السيدات.
7. وقت التوتر زى ايام الامتحانات او ضغط الشغل.
عايزين نعرف هى ليه بتوجع قبل مانعرف علاجها !
الالم بيجى انها بتسبب تعرى للنهايات العصبية فى المنطقة المصابة فتوصل اشارات الم للمخ باستمرار من اى حاجة تاكلها مجرد قرب اللعاب منها كمان بيسبب الالم ده.
طيب ايه علاجها بقى؟!🤔
هى بتروح لوحدها بعد ١٠:١٥ يوم
يعنى اقعد انا استحمل الوجع ده اسبوعين😫
لا طبعا احنا قولنا ان الالم جاى نتيجة النهايات العصبيه
الحل
1. تحط مخدر موضعى مايخليش النهايات العصبية توصل الالم . و ده بيكون موجود فى :
‏ ١) B.B.C
‏ ٢) oracure
2. احط ماده تساعد على التآم القرحة بسرعه زى هيالويورينك اسيد و ده موجود فى :
‏ ١) Afta med
‏ ٢) gengigel
كمان بيقولوا انها بتقلل من حدوثها بعد كده
3. او انك تحط حاجة تعزلها عن اللعاب فى الفم زى الطحينة 🤷‍♀️😂

🍒🍒

JUST COMPOSITE ♥️

ايه هو جير الاسنان🤔؟!
هو ترسب المعادن و الاملاح (زى فكرة حصوات الكلية)
و ده بيحصل بعد تراكم طبقة البلاك على الاسنان من ١٢ : ١٤يوم.
طيب ايه طبقة البلاك ديه؟
ديه الطبقة اللزجة بيضة او صفرا بتكون على الاسنان نتيجة لعدم غسيل الاسنان بطريقة صحيحة و بشكل منتظم زى ماتكلمنا قبل كده فى بوست غسيل الاسنان.
طيب ايه المشكلة فيها برده؟!🤷‍♀️
المشكلة انها بتكون سطح خشن على السنة بتخلى البكتريا تمسك فيها و تتراكم عليها على عكس سطح السنة الناعم اللى البكتريا مش بتقدر تمسك فيها.
طيب البكتريا ديه بتعمل ايه ؟!
1. التهاب اللثة و نزيف اللثة زى ماتكلمنا قبل كده.
2. جيوب لثوية
3. خراج فى اللثة
4. انحسار فى اللثة و العضم حول السنة تخليها تتلخلخ و تقع بعد كده.
5. رائحة الفم الكريهة.
6. تسوس فى السنة تحت طبقة الجير من غير ماتشوفه و يوصل للعصب بالرغم ان السنة باين انها سليمة من برا.
طيب انا بغسل اسنانى كل يوم مرتين و بطريقة صحيحة ليه بيكون فيه جير برده؟!🤦‍♀️
ده ممكن يكون بسبب:
1. انك تكون بتتنفس من بوقك و ده بيخلى كمية اللعاب تقل فالبكتيريا بتزيد و ده بيظهر ان الجير بيتراكم على الاسنان الامامية العلوية.
2. او نتيجة للمعادن اللى الغدد اللعابية بتفرزها و ده بيحصل فى الامراض اللى بتزود لزوجة اللعاب زى السكر وده بيظهر ان الجير يتراكم على الاسنان الامامية السفلية من الداخل .
الحل ؟!
انك تعمل تنضيف جير كل ٦ شهور
ديه صورة من العيادة كان فيها كمية كبيرة لو تلاحظوا كمية التهاب اللثة و النزيف نتيجة للالتهاب ده.

ليه لازم اركب تلبيسة بعد حشو العصب؟!🤔
ده لان اثناء تحضير السنة لحشو العصب للوصول للقنوات العصبية بيتشال جزء كبير من وسط السنه بالاضافة اللى الجزء اللى بيتشال نتيجة التسوس و ده بيخلى السنه ضعيفة🦷
كمان لان بعد ازالة العصب اللى بيمد السنة بالسوائل ده بيخلى السنة جافة و هشه friable بتتفتفت زى فكرة رغيف العيش لما يتساب من غير تغطية بيبقى ناشف و بيتكسر بسرعة.
عشان كده الطربوش او التلبيسة بيقوى الجزء الباقى من السنة و كمان بيغطى السنة عشان ماتفقدش كل السوائل اللى بتخليها تتحمل و تبقى مرنة اللى حد ما ما تتكسرش زى الرغيف الناشف🥖. و ديه صورة من العيادة لضرس اتكسر نصين بعد حشو العصب لان مافيش تلبيسة عليه و حله انه يتخلع للاسف 💔

اخطاء اثناء غسيل الاسنان؟!
1. استخدام الفرشة بشكل عرضى او فوق و تحت لانها بتسبب نزيف فى اللثة🩸. الصح انك تخلى الفرشة ٤٥ درجة باتجاه اللثة ( الصف الفوق من فوق لتحت و الصف اللى تحت من تحت لفوق ) كأنك بتعمل مساج او بتسرح اللثة و ده بيخلى اللثة صحية و مافيهاش بقايا اكل تعمل التهابات بعد كده و ينتج عنها مشاكل زى ماتكلمنا عنها فى بوست نزيف اللثة.
2. استخدام فرشة خشنة لانها بتجرح اللثة و بتسبب نزيف اللثة و حساسية الاسنان زى ماتكلمنا فى بوستات قبل كده. - الصح انك تستخدم فرشة ميديام او سوفت.
3. عدم التنضيف بين الاسنان بخيط الاسنان الطيبى (dental floss ). لان السنة ليها ٥ اسطح الفرشة تصل اللى ٣ اسطح و السطحين مابين الاسنان بأستخدام خيط الاسنان.
4. استخدام فرشة الاسنان بعنف.
5. مده غسيل الاسنان تكون غير كافية.
- الصح انك تغسل اسنانك من دقيقتين الى ٤دقائق لان كل سطح محتاج من ١٠ مرات بالفرشة على الاقل.
6. غسيل الاسنان بعد شرب المياة الغازية او الحامضية لانها بدوب معادن السنه محتاجة فتره تدى فرصة للعاب يعادل الحامضية دية. لتجنب تأكل السنه زى الصوره الموجوده تحت👇
7. استخدام فرشة اسنان كبيرة و طويلة.
- الصح انك تستخدم فرشة صغيره لان التحكم فيها اكبر بتوصل لاماكن الفرش الكبيره مش بتقدر توصلها زى منطقة الضروس ورا . و كمان فرصة انها تجرح اللثة اقل.
8. يفضل يكون ضهر الفرشة من المطاط الطرى عشان مايجرحش اللثة و انت بتغسل و يخليها تجيب دم.
9. استخدام كمية كبيره من المعجون.
الصح انك تستخدم حتة معجون بحجم البسلة او بمعنى اخر تلت حجم الفرشة فيه فرش بيكون التلت اللى فى النص متلون بلون مختلف للغرض ده .
10. استخدام فرشة الاسنان المناسبة لعمرك خصوصا للاطفال شركة اورال بى عامله لكل عمر فرشة.
بالاضافة اللى الفرشة المستخدمه للاطفال الرضع و قبل التسنين لازالة بقايا اللبن اللى بتعمل فطريات لو اتسابت صورتها موجودة تحت👇.
11. استخدام فرشة اسنان لفترات طويلة و ده لانها بتبقى خشنة او بيكون فيها بكتريا تسبب التهابات فى اللثة. الصح انها تتغير من ٣ ل ٤ شهور او لما الفرشة شغيرتها تبقى مش متساوية و متفحكشة كده يبقى لازم تغيرها.

توقع نتيجة مباراة الزمالك والاهلى القادمة ..
صاحب أول توقع صح ليه "تنضيف جير وتلميع" هدية 🖤
ولو توقعت فوز الزمالك .. يبقى ليك وواحد كمان انت اللى هترشحه 🎊

تقبل الله منا ومنكم شهر الطاعات
رمضان كريم 💕💕

Happy New Year: welcome 2021

‎Dr.Mohammed Khoga dental clinic عيادة أسنان د/محمد خوجه‎ updated their website address.