EMLE explained

لما عملت فيديوهات للباثولوجى فى أواخر سنة 4 طب .. اتأخرت فى نشرها لأسباب كتيرة .. ابتداءً من انها ناقصة معلومات ولازم يتم التعديل عليها (Perfectionism) .. وانتهاءً بعدم وجود وسيلة مجزية مادياً تسمح لغير القادرين على تحمل تكلفتها بالاستفادة منها .. وده خلانى للأسف اتأخرت فى نشرها حوالى 4 سنين! .. قررت انه كفاية تسويف لحد كده وانى أتخلى عن كل الأسباب دى وأنزل الفيديوهات على اليوتيوب؛ لعل وعسى تكون علم نافع ينتفع به ان شاء الله وده يكفينى جداً لو ربنا كرمنى بيه .. اللى كنت سجلته هو الجينيرال باثولوجى (3 شباتر) وناوى أنزلهم تباعاً بمعدل فيديو أو فيديوهين كل أسبوع ان شاء الله .. شابتر الهيماتولوجى ( الشابتر ال 4) متاح بالفعل على القناة .. أتمنى انه ربنا يعيد ليا الشغف والوقت اللى يخلونى أكمل المشروع ده فى مرحلة ما فى المستقبل ...
أزعم والله أعلم ان الفيديوهات ومحتواها جيدين للغاية .. وأنها تؤسس جيداً لفهم عميق للأمراض والطب الاكلنيكي .. اعتمدت فيها بالأساس على مصادر المعادلة الأمريكية؛ مع تطعيم ذلك بمصادر أخرى بريطانية ومصرية وغيرهما .. والشرح موجه بالأساس لطلاب الفرقة الثالثة فى كليات الطب؛ لكن المحتوى قد يفيد أيضاً المتقدمين لامتحانات المعادلة الأمريكية والزمالة البريطانية والماجستير وغير ذلك .. المحتوى متاح للجميع ومش طالب غير الدعاء بالبركة والتوفيق ❤
https://www.youtube.com/watch?v=cLJOYrlrlBM&lc=UgzHViF1U0uKt85n9Ip4AaABAg

1.1 Overview Of Cellular Changes Part 1

ده ويبينار كانت استضافتنى فيه AMBOSS يوم 26 يناير .. أول ربع ساعة منه شرح لل study guide الخاص بال EMLE وكيفية استخدامه مع الموقع للمذاكرة لامتحان المزاولة .. باقى الفيديو أنا بشرح فيه 3 مواضيع كانت رخمة عند بعض الناس .. ACLS .. Acid base disorders .. Cognitive biases .. مع استخدام أمثلة من الامتحانات التجريبية للتدريب عليها .. أتمنى تفيدكم .. بالتوفيق ❤

https://www.youtube.com/watch?v=27609ia_G5g

AMBOSS EMLE Guidance Webinar (featuring Dr. Moaz Adel, Kamel) This Webinar was hosted by AMBOSS, an international medical learning platform best known for its services for the USMLE. The first fifteen minutes or so cove...

ده تسجيل مييتنج الزووم اللى ناقشنا فيه الامتحان التجريبى رقم 4 .. متأسف ان فى ناس معرفتش تبقى معانا فى المييتنج بسبب موضوع الحد الأقصى للعدد .. وحابب أشكر كل الناس اللى شاركتنا وخاصة السبيكرز اللى استفدت منهم جداً ...

الفيديوهات بتنزل تباعاً .. اعمل subscribe عشان تعرف لما حاجة جديدة تنزل .. لايك عشان اليوتيوب يظهره لناس أكتر .. شير مع اللى ممكن يستفيد .. بالتوفيق ❤

https://www.youtube.com/watch?v=kNNlduvXmY4&list=PLKsy5tT0HRyVfkidYBJabTnGHO0_8Zeax

EMLE trial exam 4 - Part 1

دى مراجعة للامتحان التجريبى بتاع النهاردة .. أنا وشريف جبنا درجات كويسة الحمد لله .. فكانت الفكرة ان لو احنا الاتنين اتفقنا على إجابة ما فهى إحصائياً نسبتها عالية انها تكون فعلاً صح .. ولو اختلفنا، كل واحد بيقول إجابته اختارها بناءً على ايه .. والطرف التانى اما انه يقتنع .. أو انه يظل متمسك برأيه وإجابته .. وساعتها بنسيب الحكم النهائى ليكم انتم .. بانكم تشاركونا فى التعليقات برأيكم ..

بعض الأسئلة الصعبة رجعنا للمصادر وجبنا أصل المعلومة الصحيحة .. وبعضها مقدرناش نعمل كده عشان ضيق الوقت .. ومرحب بإضافاتكم فى التعليقات عشان كلنا نستفاد .. بالتوفيق ❤

https://www.youtube.com/watch?v=qecIa-UK8bs&list=PLKsy5tT0HRyW9NuZmPp7HtfannA1SDvzr

EMLE Trial Exam 3 - Part 1

سيبك من البلوبرينت اللى ناقلين فيه ال index بتاع سنين الطب ده وحل معانا الامتحان رقم 24 😂
https://www.youtube.com/watch?v=gF4qZ9VHjGk&list=PLKsy5tT0HRyVZA7sZpfbiQFTd5Q7JU_CF

EMLE 24 (Dec 4) - Part 1

عشان نحل امتحانين فى اليوم كنا محتاجين نسرع الريتم شوية .. فجبت Sherif Kasem وركبنا الطيارة واحنا بنحل ✈️🚀😁 .. بس برضو مع تعليق سريع ليه خدنا الإجابة دى وسيبنا الباقى .. بالتوفيق ❤
https://www.youtube.com/watch?v=BvAwNtxSvWc

EMLE 23 (Dec 3) - Part 1

الامتحان رقم 22 .. و باقى فيديوهاته بتتسجل وهتنزل تباعاً ان شاء الله .. وربنا ييسر ويبارك فى الوقت والجهد وننزل الامتحان ال 23 بالليل .. كمية كتيرة معلش .. لكن مضطرين نعمل كده لو عايزين نخلى الأيام الأولى فى فبراير للمراجعة ... بالتوفيق ❤

https://www.youtube.com/watch?v=GDiWvkSLM6U&list=PLKsy5tT0HRyXbCJHX8GFT-DwB0QMEJNDJ

EMLE 22 (Dec 2) - Part 1

الامتحان الأول فى ديسمبر نصه متسجل فى المستشفى، ونصه فى البيت .. لأننا الحمد لله خرجنا من مستشفى العزل على خير .. شكراً لكل الناس اللى اهتمت ودعت حتى لو ميعرفونيش شخصياً .. أنا ممتن ليكم ❤

الخبر السعيد التانى هو إننا خلصنا من أسئلة نوفمبر الرخمة .. صحيح لسه بدرى عشان نحكم على أسئلة ديسمبر لكن البداية مبشرة يعنى ...

حاول متتزاولش بكل خبر تقرأه أو تسمعه عن امتحان المزاولة .. هيجيبوا من الامتحانات التجريبية .. هيطلعوا براها .. هيتضاف للتراكمى .. مش هيتضاف .. الامتحان فى الكلية .. الامتحان من البيت .. ميكاسا بتحب ايرين .. لا مش بتحبه .. كل ده عبارة عن تشتيت لذهنك وللحاجة اللى ممكن تشتغل عليها وفى ايدك وهما ال 30 امتحان .. ان شاء الله هنكمل زى ما احنا لحد ما نخلصهم .. وهنحل بفهم وتفكير زى ما احنا عشان لو طلع براهم نبقى جاهزين مش مبصمجين .. وهنسرع الوتيرة ان شاء الله لامتحانين فى اليوم عشان نخلص على نهاية يناير، ونخلى أول كام يوم فى فبراير لفيديوهات المراجعة .. والله المستعان ...

ان شاء الله النهاردة الساعة 5:30 هبقى موجود فى ويبينار تابع ل AMBOSS هنتكلم فيه شوية عن بعض المواضيع الرخمة زى ال ACLS وال Acid base disorders وغيرهم ... المحاضرة مجانية ولينك الاشتراك فى أول كومنت ...

شكراً تانى لكل اللى اهتم خلال الفترة العصيبة الأخيرة .. أنا سعيد بوجودكم فى حياتى وفخور بمعرفتكم ❤
https://www.youtube.com/watch?v=8S1GNNkjU2s&list=PLKsy5tT0HRyVcItpjRzlnVYkm6D4jU_6J

EMLE 21 (Dec 1) - Part 1

ده الامتحان رقم 20 .. برضه من المستشفى .. وبكده نكون خلصنا النص لو يعنى لسه هينزلوا 10 امتحانات فى يناير (مظنش) .. ونكون خلصنا التلتين لو ده كل المتاح ...

شعور جميل إننا نخلص من امتحانات نوفمبر اللى طلعت عينينا .. وان شاء الله ديسمبر يكون أحلى ... بالتوفيق ❤
https://www.youtube.com/watch?v=KDVpa1GXatk&list=PLKsy5tT0HRyVCMcXk9zySOdOjBAOvYX23

EMLE 20 (Nov 10) - Part 1

الامتحان رقم 19 .. هانت .. كلها كام امتحان ونخلص ...

شكراً لكل اللى بيدعي لنا .. الحمد لله أمى حالتها الصحية أفضل بكتير .. الامتحان متسجل برضه من المستشفى، فعذراً لو كان فيه أصوات متداخلة مع صوتى ولا حاجة ...


https://www.youtube.com/watch?v=S3AxfFJNuvk&list=PLKsy5tT0HRyW6XcufboHO6tE_-CKcv4fd

EMLE 19 (Nov 9) - Part 1

حابب قبل أى حاجة أشكر كل الناس على دعواتهم الجميلة ليا ولوالدتى -ربنا يتمم شفاها- .. هى أفضل بكتير الحمد لله .. ربنا يسمع منكم ويجبر بخاطركم ويحفظكم انتم وجميع أحبابكم من كل مكروه ❤️

الامتحان ال ١٨ يأتيكم هو أيضاً من مستشفى العزل .. فحاولوا متتزاولوش بالكول اللى بيتعمل على نايب الرعاية وخلينا احنا فى مزاولتنا 😂

دعواتكم بتمام الشفاء وان شاء الله أرجع قريب لمكتبى ومكتبتى من تانى ...

https://youtu.be/L3l8Ljgwakg

EMLE 18 (Nov 8) - Part 1

حصل كتير فى اليومين اللى فاتوا اللى انقطعت فيهم عنكم .. والدتى -ربنا يتمم شفائها- اتحجزت فى مستشفى عزل بعد هبوط نسبة الاكسجين فى دمها بسبب مرض كورونا .. وأنا اتحجزت معاها وان كانت أعراضى أخف ولكن لرعايتها وتمريضها .. ومع انى كنت على وشك أسيب باقى الفيديوهات تماماً، رأيت إنى أشغل ذهنى عن اللى أنا فيه وأستغل بعض أوقات الفراغ وأكمل اللى بدأناه مع بعض ...

للأسف بعد ما رفعت الفيديوهات اكتشفت ان الصوت مختفى من رقم ٢ لرقم ٦ .. فكرت أمسحهم وبعدين قلت طب وايه ذنب البنات اللى بتتفرج بس عشان تستمتع بوسامتى؟! .. فسبتهم وأمرى لله ...

اشتغلت من الفايلات المشروحة ومكمل منها طول منا فى المستشفى لعدم وجود نت يعتمد عليه لفتح الموقع .. فاللى حابب يتابع منها هيلاقى أسئلة الامتحان بنفس الترتيب ...

رجائى من اللى حاسس انى بفيده بالفيديوهات دى، انه يدعى لوالدتى بتمام الشفاء .. وربنا يحفظنا احنا وجميع أحبابنا من كل سوء ❤️
https://youtu.be/d2SWZtm4wEM

EMLE 17 (Nov 7) - Part 1

Hello my friends
In this exam, you will find me confused between thrombolytics vs anticoagulants for ttt of PE .. I didn’t know by then that the answer depends on the stability of the pt .. stable = anticoagulant .. not stable = thrombolytic
I also try to memorize nadolol for esophageal varices prophylaxis but I’ll probably forget it anyway 😂🤷‍♂️

I had a lot of fun recording this exam in particular and I hope you find it entertaining and helpful.

Enjoy 😉

https://youtu.be/W1yzuPp1j9Y

EMLE 16 (Nov 6) - Part 1

ليه بيحصل سلس البول فى مرضى الزهايمر؟! .. امتى تعالج المريض بدون إذنه؟ .. امتى نعتبر ال hernia حالة طارئة؟ .. وازاى نحسب ال sensitivity من خلال 2x2 table ... انضموا ليا أنا و Shiref Kasem واحنا بنحل الامتحان ال 15 ونشرحه بالتفصيل ...
Have fun! ❤


https://www.youtube.com/watch?v=C3PPmfC6Cto&list=PLKsy5tT0HRyXIx_B2M1Pgc9ELHeJVSaLf

EMLE 15 (Nov 5) - Part 1

الامتحان ال 14 لا سهل أوى ولا صعب أوى .. بعيداً عن ان عضة الكلب فى الوجه ممكن نخيط عليها غرز عادى .. وعن ال norplant اللى بيساوى progestin + Levonogestrol .. وعن ان ال Hemophilia تعتبر absolute contraindications لل lithotripsy ... بعيداً عن دول، الباقى مفهوم إلى حد كبير ...
الموقع هنج معايا فى الآخر ومشوفتش آخر 5 أسئلة ولا عرفت السكور (أحسن برضه 😂) ..
P.S: My cat is back 🤦😆
Enjoy ❤

https://www.youtube.com/watch?v=TkIv6qphEJw&list=PLKsy5tT0HRyWeyV6FhhtkC6RhncEhTRyC

EMLE 14 (Nov 4) - Part 1

الامتحانات بدأت تزيد عن الساعة شوية صغيرين .. السبب فى كده هو إنى -بناءً على اقتراحات بعض الناس اللى كلمتنى واللى قالت انى أحياناً بعدى حاجات صعبة بالنسبة لهم بسرعة - بقيت بقرأ السؤال والإجابات وأحاول أشرح بسرعة ليه خدنا الإجابة دى وليه باقى الإجابات غلط .. وده أعتقد مفيد جداً عشان تعمل ريفريش للمعلومات وفى نفس الوقت تكون جاهز لو غيروا فى الأسئلة ومجابوهاش بالنص (استر يا رب 😂)
اقتراحاتكم مفيدة جداً .. فمثلاً مكنتش أعرف ان الكلمات بتظهر صغيرة ليكم الا لما حد نبهنى فعملت زوم ببساطة بحيث الأسئلة تكون أوضح .. أى اقتراحات أخرى مرحب بيها ...
حابب أرجع أنبه الناس ان ده كله مجرد اجتهاد وان أى معلومات بقولها فهى صحيحة على حد علمى .. ولكن وارد جداً أغلط أو أقول معلومة خطأ وأى حد بينبهنى أو يصحح لى بشيله فوق راسى .. معظمكم ما شاء الله تبارك الله شاطرين ومتمكنين وغالباً أحسن منى .. فأى مناقشات علمية أو تصحيحات مرحب بيها جداً .. كلنا فى الأخير زمايل وبنحاول نساعد بعض نعدى من المزاولة اللى الوزارة قارفانا بيها دى بسلام وأمان 😂
لينكات الامتحانات اللى فاتت فى الكومنتات .. يا رب تستمتعوا .. وبالتوفيق ❤
https://www.youtube.com/watch?v=0C7ghDL-NMw&list=PLKsy5tT0HRyWetXASQdbkn7mbacvxEGWs

EMLE 13 (Nov 3) - Part 1

بعد علقة الامتحان الأول فى نوفمبر، قلت لأ أنا مهو أنا مش هتضرب لوحدى .. رحت جبت Shiref Kasem عشان نوزع الأحيه .. هو يقولها مرة وأنا أقولها مرة .. بس الحمد لله مضطرناش لكده خالص فى الامتحان ده وجبنا تانى أعلى سكور من ساعة ما بدأنا 😁
بنتعمد اننا نقرأ الأسئلة بصوت عالى ونفكر بصوت عالى ونناقش بعض ونشرح ليه خدنا الإجابة دى وليه مخدناش دى .. ده غالباً كافى يغنيك عن الرجوع للفايلات المشروحة باستثناء سؤالين تلاتة للى حابب يستزيد .. الطريقة دى كمان بتخلى الإجابات تثبت فى ذهنك لو انت هتبصمج وخلاص (مش بفضل البصمجة شخصياً لكن جمهورها كبير ويحترم 😂)
أخيراً، مع تتابع نزول امتحان يومياً وارد بعض الناس تسقط يوم فى النص أو أكتر فهبقى أسيب لينكات آخر كام امتحان نزلوا فى الكومنتات .. وان كنت أنصح بشدة انك متفوتش يوم بدون ما تجيب ولو امتحان على الأقل .. فكرة انك هتجيب الأسئلة كلها قبل الامتحان بأسبوع وكده فكرة ساذجة جداً وغالباً هتدخل بدون ما تتعرض لجزأ كبير من أسئلة الوزارة
انجوى .. وبالتوفيق ❤

https://www.youtube.com/watch?v=2Pa5GaOUOP4&list=PLKsy5tT0HRyVIBJlrn_vC4Lwat_WeFtHK

EMLE 12 (Nov 2) - Part 1

هو الظاهر ان أسئلة اكتوبر كانت الشامبيون شيب وان أسئلة نوفمبر هى البريمير ليج 💔 .. ولو انتى بنت ومش فاهمة، أقصد أقول ان أسئلة نوفمبر أصعب سيكا 😆 .. بس مش مشكلة .. يتحط علينا فى التجريبى ونتعلم أحسن ما يتحط علينا فى الحقيقى ...
الامتحان ال 11 (أول امتحان فى نوفمبر) داخل علينا بصدره وبأسئلة acid based disorders و كثير من الأحيه .. هيتضاف على غير العادة فيديو فى الآخر هعدى فيه على الغلطات من الفايلات المشروحة (ما زال الفيديو قيد التسجيل) ..
حاول تخلص ولو امتحان واحد يومياً عشان متتراكمش عليك الامتحانات وتفوت حاجة منهم (هنزل امتحان جديد يومياً ان شاء الله) .. الهدف اننا نتعرض لل 4000 سؤال ولو مرة واحدة قبل الامتحان الحقيقى .. اللى هيدخل بدون ما يتعرض للأسئلة دى غالباً هيقول أحيه كتير أوى يوم الامتحان 😂

https://www.youtube.com/watch?v=76Nbei55OVw&list=PLKsy5tT0HRyV4sozHqKgXiPIF-2DCyeMw

EMLE 11 (Nov 1) - Part 1

ده الامتحان العاشر .. وبكده نكون خلصنا ربع الامتحانات الحمد لله 😁.. متوسط مدة الامتحان فى الفيديوهات ساعة واحدة فقط .. يعنى لو وفرت من وقتك كل يوم ساعة واحدة أو أقل هتلاقى نفسك جاهز على يوم 6 فبراير بال 4000 سؤال بتوع الوزارة بدون ما تحس بتعب أو إرهاق ان شاء الله .. وزع مجهودك من النهارده ومتزنقش نفسك
بفكر ابتداءً من الامتحان ال 11 (الأول من امتحانات نوفمبر) إنى أسجل من الفايلات المشروحة بحيث لو حد حابب يتابع منها معايا ويستزيد من الشرح .. اللى خلانى معملتش كده من البداية هو إنى كنت حابب نتعود على ال interface بتاع موقع الوزارة اللى غالبًا هيكون الامتحان شبهه .. ايه رأيكم؟ .. نكمل من الموقع ولا نجرب الفايلات؟ .. عرفونى فى الكومنتات
هسيب فى الكومنتات لينكات ال 10 امتحانات اللى فاتوا عشان لو حد مكنش شافهم أو فاته منهم حاجة
دمتم بعافية .. وبالتوفيق ❤
https://www.youtube.com/watch?v=npn6bFYqJjY&list=PLKsy5tT0HRyXwDE9B3z6KhyvrXPPFdacM

EMLE 10 (Oct) - Part 1

ملقتش القط بتاعى فجبت تانى أنسب حاجة لقيتها تحل معايا الامتحان التاسع Shiref Kasem 😆
كالعادة المتعة مضاعفة والوقت بيعدى بسرعة وسكورات حلوة الحمد لله .. Enjoy ❤
https://www.youtube.com/watch?v=nIvkdlr12f0&list=PLKsy5tT0HRyX1Oz2PN933zDTxO3FOaEUG

Emle 9 (Oct) - Part 1

بمناسبة ان ده الامتحان رقم ٨ .. الامتحان هييجى بنسبة ٨٠٪؜ من الامتحانات التجريبية (بناءً على كلام أحد أساتذتنا النهارده) .. وده خبر جميل لأن معناها إن اللى بنعمله ده هو أفضل طريقة تخليك تتفوق فى الامتحان مش بس تنجح فيه .. لأن الحمد لله الدرجات بتزيد مع كل امتحان جديد 😁
ان شاء الله ابتداءً من بكره هنزل امتحان جديد يومياً عشان نخلص مع بعض ٣٠ امتحان على نهاية شهر واحد .. ثم امتحانين يومياً فى أول خمس أيام من شهر ٢ عشان نخلص مع بعض آخر عشر امتحانات قبل يوم ٦ فبراير ان شاء الله
دمتم بعافية .. وبالتوفيق لينا جميعاً ان شاء الله 😄

https://www.youtube.com/watch?v=k8Fo0BlstBw&list=PLKsy5tT0HRyUCPsO0Ecm66l1sz8Jewg__

EMLE 8 - Part 1

ايه الحلاوة دى يا جدعان أقسم بالله! 😂😂

https://www.youtube.com/watch?v=s0qEGJpEFAo&list=PLKsy5tT0HRyVmh7rHQkQ9DV2YTd_aNNzw

EMLE Oct 7 - Part 1

هو أنا بيتهيألى ولا الموضوع بيبقى أسهل مع زيادة الحل؟! 😁

https://www.youtube.com/watch?v=JcMcj4AlMd4&list=PLKsy5tT0HRyXt87dUVOC_-Ag6sOeK_e5S

EMLE Oct 6 - Part 1

حل الامتحانات التجريبية عشان ربنا يكرمك 😂
https://www.youtube.com/watch?v=rdu77WoMnrI&list=PLKsy5tT0HRyWv10RJsVwciPW-UqjL2nhA

EMLE Oct 5 - Part 1

بعض الناس كانت نبهتنى ان طول الفيديوهات كان مرهق فتم اختصار كتير من الوقت وتقطيع المحتوى النهائى لفيديوهات قصيرة فى حدود ١٠ دقايق تقريباً أو أقل 😀
تمنياتى بالتوفيق للجميع وأرحب بأى اقتراحات أو تعليقات

https://www.youtube.com/watch?v=1mqBMLi2BzQ&list=PLKsy5tT0HRyWln8aMJZ6KzfAWsUvkJ21f

EMLE Oct 4 - Part 1 امتحانات مزاولة المهنة الطبية بمصر الامتحان التجريبى الرابع من امتحانات شهر أكتوبر .. امتحانات مزاولة المهنة الطبية بمصر

اللى يخسر هيعزم التانى على أكلة من عند صبحى كابر 😋 .. تفتكروا مين فينا هيفوز؟
تابعونا النهاردة الساعة 9 مساءً واحنا بنحل الامتحان التجريبى الثالث من امتحانات شهر أكتوبر .. امتحانات مزاولة المهنة الطبية بمصر .. فى أقل من نص وقت الامتحان!!

https://www.youtube.com/watch?v=uvK1QNAciz0&list=PLKsy5tT0HRyXlZRVK2OMdZMjKAGaPkf9w&index=3

Emle Oct 3: امتحانات مزاولة المهنة الطبية بمصر اللى يخسر هيعزم التانى على أكلة من عند صبحى كابر 😋 .. تفتكروا مين فينا هيفوز؟ تابعونا واحنا بنحل الامتحان التجريبى الثالث من امتحانات شهر أكتوبر .. امتحانات...

الامتحان الثانى من امتحانات شهر أكتوبر .. امتحانات مزاولة المهنة الطبية بمصر
نسكافيهك .. ورقة وقلم .. وحل معايا 😁
ممنوع حد يتريق عليا لما أغلط فى سؤال، خاصة لو كان من ال 🐣🐥 ... 😂
معلش حصل مشكلة فى التسجيل والصوت طالع غريب شوية 🤦 .. وفى حوالى 10 أسئلة يفضل ترجعوا فيها للملفات المحلولة اللى عملوها الزملاء الأفاضل للحصول على تفسير كامل أوضح
أرحب بالتعليقات والاقتراحات .. ويسعدنى اشتراككم فى القناة وشير فى الخير ... دمتم بعافية ❤
https://www.youtube.com/watch?v=a2G43hUIVR4&list=PLKsy5tT0HRyXlZRVK2OMdZMjKAGaPkf9w&index=2

Study with me: EMLE Oct 2 - امتحانات مزاولة المهنة الطبية بمصر الامتحان التجريبى الثانى من امتحانات شهر أكتوبر .. امتحانات مزاولة المهنة الطبية بمصر بعتذر عن العطل الغير مقصود اللى حصل فى الصوت

أصحابى وأخواتى اللى مسجلوش أصلاً على موقع المزاولة .. اتطمنوا، انتوا مش لوحدكم 😂 .. أنا سجلت امبارح على الموقع وقلبت كده فى الامتحانات بسرعة .. انطباعى الأولى ان الموضوع سهل ان شاء الله .. ولكن برضو محتاج إنك تاخد بالأسباب عشان ربنا يكرمك، وخاصة إن جزأ مش بسيط من الأسئلة معدتش علينا فى المناهج المصرية، ومحتاج تتعرض ليها أو تسمع عنها ولو مرة واحدة قبل الامتحان ...
ولأنى عارف إن معظم الناس مش طايقة تذاكر ولا تفتح كتاب، قولت ليه مسجلش فيديوهات أدردش فيها معاكم وأنا بحل، من باب إننا نشجع بعض، وأهو اللى مش قادر يعمل أى حاجة خالص هيبقى سهل عليه إنه يفتح فيديو ويتفرج عليه .. ان شاء الله ناوى إنى أحاول أحل امتحان كل فترة وأرفعه على قناتى فى اليوتيوب، فلو حابب المحتوى وعايز تتابعه، اشترك فى القناة عشان تعرف أول ما تنزل فيديوهات جديدة ان شاء الله .. حاجة أخيرة بس لازم أنوه عنها وهى إن أى معلومات بقولها فهى على حد علمى صحيحة، ولكن وارد جداً إنى أنسى أو أقول حاجة غلط .. فاللى حابب إنه يصحح أو يضيف حاجة، مرحب إنه يعمل كده فى التعليقات
ده مجرد جزأ بسيط من الامتحان الأول من باب التجربة، وجمع الاقتراحات لتحسين الفيديوهات القادمة اللى ان شاء الله هحل فيها امتحان كامل فى كل فيديو .. ولأن فى ناس جميلة - جزاهم الله خير - كانوا عاملين تفسيرات لامتحانات شهر 10 فغالباً هتخطاها وأبدأ من امتحانات شهر 11 أو 12 .. عرفونى برضو رأيكم
ربنا يوفقنا جميعاً، وإن شاء الله كلنا نعدى بكرم ربنا 😄
https://www.youtube.com/watch?v=Hm5BDZ5Eh6Q&list=PLKsy5tT0HRyXlZRVK2OMdZMjKAGaPkf9w

Study With Me: EMLE Oct exam 1 هذا جزأ من الامتحانات التجريبية المتاحة على موقع الوزارة لامتحان مزاولة المهنة الطبية بمصر .. غرضى من الفيديوهات دى إننا نشجع بعض على المذاكرة والاستعداد للا...

هنحاول نزاول الوزارة مع بعض زى ما هى بتزاولنا ..
Welcome to EMLE explained ❤️