ال. ماهر عبده سليمان

مقصرناش وقدمنا اللى في ايدينا
وقدرنا عليه
وهبنا حاجات كتير جايز
مفيهاش اللى تحلموا بيه

وضحينا بعمر طويل
وعيشنا فيه بقلب عليل
واما قدرتوا وقويتوا
جه اليوم اللى خلاكم
تهدوا قلبى بايديكم وتقوىُ عليه

انا راضيا وعارفه انى استاهل
كنتوا تحلموا بحاجه
اجيب الحلم بالساهل
عيونكم شافت الماده
وقلوبكم حجر فيها
محسش بيه

بدعيلكم تفوقوا بدرى وتحاسبوا على غلطكم
تحاولوا تصلحوا حاجه يمكن يوم تورطكم
في حيره وجرح هتعيشوا تحاسبوا عليه

انا مسامحه واللهِ انا مسامحه
يمكن اختلافنا يكون عشان اعرف غلطت في ايه
واصلح جزء من غلطى واعدى باللى عديت بيه
مسمحاكم وهفضل فاكره ايامى وانا معاكم
واحافظ ع اللى باقيلى ومضحيش بيه 🦋🫶
مقصرناش وقدمنا اللى في ايدينا وقدرنا عليه 🤱🏻👩‍👧💔

حتى شكراً مش هقولها تانى ابدا
لو في فضل او عتاب
افترقنا واللى يجمع بس بنا الغياب
انت غيب او هغيب
او تعدى سنين علينا
واحنا بين احضان غريبه
وعد منى ان تفضل ليك ملامح جوه منى
وان في مره سالنى غالى قالى مالى وفيا ايه
هرد انى عشت قصه حب كامله بس من غير الحبيب
بقلمى

قال للطبيب يا طبيب
حاسس في قلبى لهيب
وعيونى فيها دموع
وخاطرى بات موجوع
فين الدواء يا طبيب

قاله الطبيب يا عليل
عديت عليك مواويل
ورضيت ببخت قليل
لجل ما تترقى
وفي شهود ودليل

ومد ايده وجاب
جايب في ايده كتاب
وصحبه. م الاحباب
وقالى مد ايديك
كل الشهود حوليك
فاتحينلك الابواب

باب النبى العدنان
خبط عليه بحنان
وقوله يا سيدى
جتلك عليل عيان

باب النبى يا حسين
يا ننى ضى العين
افتحلى باب جدك
ده عمره ما يردك
انا باقى على بابك
مستنى انول ردك

جاى ابنكم مسكين
مطعون ب ميت سكين
نازف اهات وانين
محسوب على ستى
زينب مع المساكين

جتكم يا ال البيت
وانا عليل وشفيت
بفضل انواركم
هفضل هنا جواركم
في خدمه الاعتاب
عاشق ل ال البيت

#بقلمى _منى_ماهر

خطوات من غير ما تخطيها
رسمت لوحه صورتك فيها
وانت بتسندى وتحمينى
وتحاسب اللى يبكينى
وتدافع عن صورتى في عينى
وتاخدنى في حضنك بعديها

خطوات من غير ما تخطيها 🥰

سامع قلبى
بيدق بسرعه كانى هموت
وضحكه عينى مسبقانى
ونفاسك بتقول وحشانى
وهدوئك وانت في احضانى
والعالم ثابت حولينا انا خايفه اموت

طبطبت بروحك على روحى
ووهبتنى تفاصيل تشبهلى
خلتنى اشوفك حوليا
خلتنى اشوفك حبتنى
ولقيتنى بروحلك برضايا
واصدق خوفك على قلبى
واستشعر ان انت معايا

والكون كله سكوت في سكوت 🤭

من غير ازاى مبفكرشى
هات ايدك وامشى متسالشى
هنروح على فين او مين هنقابل في طريقنا
هات ايدك واضغط على ايدى نبنى طريقنا

طول ما انت معايا هخاف من ايه
انا بكره لو انت مكنتش فيه
مش عاوزه اعيش لو يوم بعديه
ده انا قلبى عايش علشانك
وبمعنى اصح انت بتحييه 🫶

عيد ميلادى كمان دقايق🎂🥰🤍

كل شئ في الكون مزيف
اللى قالك انه حبك وانه جنبك
واللى شفت في عينه دمعه يوم لقاك
واللى باع الكل لجل ينول رضاك
كله كدب او مزيف مش حقيقي للاسف

كنت صلب ضهر ثابت للجميع
كنت بقلق لجل خاطر اى حد
كنت موجود تملى في اى وقت
للى فرحان او عليل

شوفت فيهم السماحه والامان
وان مهما اشوف في عمرى
مش هعوز غيرهم مكان
ارمى كل همومى فيه
واما اميل اسند عليه
واما جه الدور عليا واتوجعت
كنت قصه في كل قاعده
بين صغير او كبير

شوفت جرحى وهو نازف
شوفت ايدى وهى بتداوى الوجع
حتى دمعى كان بيصرخ ويقول كفايه
خدتوا طيبه قلبى منى مش كفايه
فاضل ايه عندى ممكن اديهولكم
قولت ابعد عنهم وانا قلبى خايف

وفي بعادهم شفتهم من غير قناع
شوفت القاسى الغبى
وشوفت السمح المنافق
والمخادع والكذوب
والله واخد كل قلبى
كان مفرح الجميع بحديث مزيف زيهم
قلبى مكسور بس حالف انه يسكت
وان مهما يتوجع مش هيرجع جنبهم

بقلمى

" أصعَب مُقاومة
عِندما يقاوم أحدُنا نَفسه ...!
عِندما يتجاذَب بينَ القبولِ ، والرَفض
بين الحُبّ ،،، والكَرامة !
بينَ الـ لا والـ نعم..!
،، وبينَ القَرار والإختيار!
عِندما تتنازع خيوطُ القلب مَع منطِقِ العَقل ،والنَفسِ العَزيزة!
حتّى يُريد أحدُنا شيئاً وعَقله يمنعُه ،، أو كَرامتُه تنهاه!
عِندما تحتّد المَعركة بينَ الحَقيقة والوَهم
فيقاوِم أشباهَ الحَقائِق
حتّى لا يَقع في فخّ الظُنون !

عِندما تهُبّ عَليه رياحُ الإحتياج
فـ يَضرب نواِفذَهُ جَبراً ؛ كي لا يعلو صفيرُهَا!
عِندَما يختلجُ في مَشاعره اشتياق
ثم يُعافِر ويتصنّع اللا مُبالاة ،،!!
حتّى لا يبدو ضَعيفاً في عينِ أحَد !
عِندما تشتّد لديه رَغبة قويّة بالبُكاء
فـ يَضحَك ....؛
كي يُدارى دُموعاً بالخَفاء!

عِندَما يتمزّق بينَ الـ هذا والـ ذاك
بينَ القَريب والبَعيد ..!
وبينَ الذِكرى والحاضِر والآت!
ويقاوِم جاهِداً.. عَلى حِساب قلبِه وعَقلِه وأحلامِه...
إنّها حقا أصعَب مُقاومة
أن تخطُوَ ذاتُكَ في وادٍ ،، وأنتَ في وادٍ آخر!! "

أبويا كان زي القمر
تحب روحه قبل شكله
يااااااه يا خبر
احكلكو ايه
عن ضحكته لا لا بلاش
حنيته
دي درس اقوي من دروس
الكون بحاله
كان جواه طيبه متتوصفش
كان كل حاجه حلوه عشناها
في زمانا
كان ضل بيتنا
راح وراح وياه امانا
وحشني جدا ومهما أقول
مش هقدر اوصف
أنا لما اروحله
هنام في حضنه
واقوله ياااااه
أنا مهما اقولك
مش هقدر اوصف
ياكل سندي وكل ناسي
أنا بنتك انت
اوعى يا ابويا
تكون لي ناسي
اناهي بنتك
اللي ياما
لعبت.. و..ضحكت
وبكيت . في حضنك
أنا هي بنتك
اللي زمنها كسرها
واحتاجت لسندك
أنا جيت خلاص
مش همشي تاني
خليني جنبك
أصل ده هو مكاني
خليني جنبك
مش همشي تاني

انطقي قولي في قلبك ايه
وأنا لو قولت هتفرق ايه
يمكن تفرق يمكن يمكن
هههههههههههه لا مش ممكن
أنا مسوده نفسي وحالي
وأما حد بيسال...مالي ?
كله تمام ديما هو ردي عليه
عارف ليه ?
لا مش عارف
بس انا جدا منك خايف اسأل ليه
لا متخافش أنا هحكيلك
كله تمام
ده رد يقصر في كلام
ممكن يبقى نقطه ضعفك
لو تحكيه أو هتلمح بس عليه
كله تمام يتبين انك مبسوط
مش معقوله
لا معقول
يا سلام لو تضحك ببرود
هتلاقي اللي بيسال مالك
ههههههههههه مغمي عليه
قادره ازاي
تضحكي كدا وانتي مكسوره
مش معقول دي من قلبك.
دي اكيد ضحكه رسم الصوره
أنا نفسي مش عارفه ازاي
بس انا بضحك علشان خاطرك
مش ذنبك تتحمل وجعي
لازم أضحك ذنبك ايه
مفيهاش ذنب
حاسس وجعك
حاسس صرخه جوه الضحكه
شايف قلبك وانتي يا عيني
بتجني عليه
لا من فضلك متطولش
أكثر من كده ومتسالش
أنا مبسوطه
انتي عايشه كده ازاي
أنا مش عايشه
أنا متعايشه
طب وحياتك أمنياتك
مش بتمنى
مش معقول
مش هسمحلك تقضي عليكي
اديني فرصه اخد باديكي
لا مرفوض
حتى كلامي معاك ليه حدود
أنا متمسك أفضل جنبك
بس أحاول أسعد قلبك
تسعد قلبي ههههههههههههه
العب غيرها أنا قلبي
بقى مش موجود
أبعد يعني
بألف سلامه
وأما احب اعرف اخبارك
ممكن اسأل
طبعا اسأل واعرف ردي
كله تمام يالا سلام .......

اما اموت اوعوا تبكوا باعلى صوت
عشت وسطيكم سنين
كنت فيهم جنب منكم
تبكوا ابكى فرح اكون اول حضور
سوقت كل الخير اليكم بالطابور
كان في قلبى تملى ليكم كل خير
وانتوا في قلوبكم بارود 😔😭

سألوني قالولي. بتحبيه
سكت مقولتش اه أو لا
رجعواسألوني من تاني
نفسك تشوفيه
دموعي سألت على خدي
لكن مبردش اه ولا لا
استغربو جدا من حالي
وقالولى مالك متردي
قولت لهم أصله شغل بالي
وتملى معايا في خيالي
والحب لا يمكن يبقى الوصف
ده اكبر اكتر مش معقول
ده شفيعي أمامي رسول الله
بعشق أحاديثه وحكاياته
وبدوب في مسيرته باولاده
طلعنا من الضلمه للنور
كان نفسي اشوفه في حياته
إذا كان هو المحبوب لله
وعليه ديما صلوات الله
آزاي أقدر اوصف حبه
ده منايا وكل ما بتمنى
أني اشوفك يا رسول الله

#بحبك يا رسول الله

المكيده
مش ضرورى تكون بغدر او خداع
هى ممكن تبقي صوره للحقيقه ب ١٠٠ قناع
واما تشعر انك انت كنت هاين ع الجميع
ابقي فارق للابد من غير وداع
#بقلمى

ومَالي هَكَذا ؟ حَسرةً مُؤلمه ، ونَدبّهً في صَدري لا تَزول ، حُروفي موجِعه وصَوتي خَافت ، مشاعري بارده ، وألمي جَحيمً يَحترِق بِصدري ، رُغم وجهتي الا إنني تَائه تعصفني ذكرياتً اُشكك بصدقها ، يُغرقني ألف سؤال ، أهَكذا ما أستحقه ، ألمً مقابل حُب وطَعنه مُقابل صداقه مَزُعومه أنها حقيقه ، تتشابك الأحزان ببِعضها لا أدري أهذا حزنً ام عَذاب ، لكن وفي كل مرةً إبحث فيها عَنِ الجواب أجد نفسي أقف في مُنحدر الطريق ، ذلك الماضي عُد لِتتألم وهذا المُستقبل أمشي فيه بِألمك أيا ويلاه ماهذا يُكاد قلبي ان ينفجر من بؤسه وحزنه الا هذا ما أستحقه بِصدقي وأحساسي انا المُلام في كُل شيء أنا من غرق وانا من سَيموت .

‏الحياة عندما تكشف أقنعة الناس
تكشفها بقسوة،
لدرجة أنك تحتاج وقتا طويلا
لتستوعب بشاعة الوجه الحقيقي
الذي تقاسمتٓ معه ذكرياتك بشتى أنواعها
فالحياه مفاجئات قد تأتيك من البعيد
وقد تأتي من أقرب الناس إليك …
فهناك خذلانٌ لايُغفر 💔
وفي النهايه ‏
"ليس هناك اناس يتغيرون بل هناك اقنعة تسقط."

مجرد وقت هيعدى بحلو ومر
هنساكم وتنسونى
وهنسى ازاى خدعتونى
وبكره هيجى باشاره ( خلاص انا حر )

" هذه شخصيه #الميزان".. فالحذر كُلَّ الحذر
من شخصيه تعرف قيمتها ..شخصيه تعرف جيداً مدى ثقتها بنفسها و قوتها
فهي الضعيفة التي لا تضعف مهما كانت شدة حاجتها
و الهادئه التي عندما تُهان لا كلمات تصف حدتها
هي التي تعرف كيف تُعطي بسخاء دون أن تقتطع أجزاء من ذاتها
و تعرف كيف ترحل دون عودة و دون أن تذرف على جاحد دمعتها
هي تعرف انها نجمة في عُلوها تكمن روعتها
لا يجرأ أحد على التلاعب بمشاعرها ففور أن يفكر يكون خارج مجرتها
لا يجرأ أحد على تحديها لأن العند و التحدي لعبتها
كالفرس المتمردة هي صعبة الترويض
لا تفتح قلبها الا لمن لمس بداخلها طفولتها
هي جحيم الجميع .. و جنة من عرف قيمتها.
#ميزان

الله يرحمك يا حبيبى

ف حضنها بتقولها
ان ريحتها ماسكه فيك
من وقت لما سبتها
وهى فرحانه برجوعك
وبتعترفلك
انك انت وحشتها
من وقتها
وانا قلبى مخطوف مش معايا
كآنه سبقك عندها
💔💔💔💔💔
بتقولها ان الشيطان فرق ما بينكم
وانك يوماتى بتفتكرها
وتفتكر كل اللى بينكم
بتقولها سمحينى ع اللى عملته فيكى
وانك ندمت ورجعت تجرى
وخلاص بقيت جوه حضنك
وف كل لحظه
هكون يا لولو بين ايديكى
💔💔💔💔💔
انا قلبى عندك
حاسس وشايف كل لمسه وكل ااااه
سامع كلامك كآنه بيفارق الحياه
صمم يروح عشان يصدق
انك انت عندها
وكل خوفه انه يسمع
صوتك يقول بتحبها
💔💔💔💔💔
طب كنت قولى جايز اخاف
وامسك اوى في ايدك اوى
واترجى فيك تفضل معايا
جنب منى وجوه منك استخبى
انا كنت همسك فيك اوووى
💔💔💔💔💔
قصر الكلام
مبقاش في وقت لاى حاجه غير السلام
سلام لقلبك اللى ساكن فيا روحه
سلام ل روحك اللى عشت معاها قصه من الخيال
سلام لنفسك اللى فارقت ولا بينت اى اهتمام
من قلبى يا كل قلبى مليون سلام
مش هشوفك تانى عارفه
لكن هشوفك في المنام
سلام مليون سلام 🤝🥺

مكنتش هتكبر كده بينا
مكنتش هتوصل لفراق

كان ممكن اسف سامحينى
او حضن واحس وحشتينى
او نبره صوت فيها مشاعر
تقدر توصفلى انك ندمان
كانت هتصلح وتعالج قلبى التعبانً

قلبى التعبان من افعالك
قرر يتنازل عن حبك
كان كل الدنيا ولا تسوى
لحظه في قربك

ضحيت ووهبتك ايامى
ورسمتك فارس احلامى
وصحيت على شوك
وانت بتغرز بيه ملامحى
وتقول سامحى
طب اسامح ازاى 😩

طب اسامح ازاى
وانت مصمم توصفنى لنفسى بابشع وصف
وانت مقرر تهدم جوايا اجمل قصه
ومركز بس في اخر فصل

ماسك خنجر وبترسم بيه على جدرانى
وبتدبح حب انا عشت عليه
زعلان وشايفنى اننا بيعتك
طب فكر بس انا بعتك ليه

كنت القدوه كنت الاحساس
انسان عادى بس في نظرى كنت الالماس
انا بعت كتير وهدمت اكتر علشان خاطرك
فرجت عليا كل الناس
لسه بتسالنى انا بيعتك ليه
الاصعب انك تسالنى حبيتك ليه

اذا ذهب العالم وعانفتك الحياه وهرب كل من حولك
ستجد طيفاً يدور حولك حتى ولو لم ترغب سيكون طيفى
لانه قرر يرافقك مدى الحياه

كان لك معايا اجمل حكايه في العمر كله
قولى ياست
اننا عشت معاه في حنان
كان بيحاوط قلبى بحب وشوق وامان
كان بيخاف من النسمه عليا
كان انسان
قولى يا ست

احكى عليه وعلى كل مشاعر قدمهالى
واوصفىً قربه ضعفه وغلبه
وان انا عمرى ما شفت معاه
انه انانى 😞😞😞
قولى ياست

ان الدنيا رفضت تحمى اتنين عشاق
سبته وسابنى واللى رابطنا
اننا كنا في يوم روح واحده وبتشتاق
رفضت ان الحب يدوم
زاد الهم بقى بالكوم
وانا مهزومه وقلبى وجعنى
ومنيش حمل عتاب او لوم

قالو علينا بينا مؤمره ونفذناها
قالو تضحوا ببعض عشان
نمحى ذنوب كنا عملناها
قالوا تضحوا وانا ضحيت
هديت قلب وحب وبيت
ورميت نفسى وسبت ايديه
وادى القصه وباقى معناها

قولى ياست
اتغيرت شويه شويه
جايز اتغير وابدا انسى
جايز او حتى مش جايز
انا هتظاهر ان انا بنسى او انى نسيت
بس لايمكن اقدر انسى ان انا حبيت
وانه هيفضل عايش فيا بكل جميل
هفضل فاكره قصه حبى وقلبى عليل
هفضل اردد ان حكايتى معاه تستاهل
انك تحيها بكوبليه ..كان لك معايا
اجمل حكايه في العمر كله

ال. ماهر عبده سليمان

هو مين فينا اللى باع ..؟
واللى خلى الغالى ضاع ..؟ .هو هو
اللى ضيع شوق ولهفه وحب صادق كان ما بينا
هو هو
اللى ضيع خوفنا اول ما اتقابلنا

كنا مش حاسبين حساب اى حد
كنا بندواى جروحنا ومش هاممنا جرح حد

لا بجد …..
قولى كنت حاسس ايه وانت جنبى
كنت حاسس انى انسان ليا قيمه

لا بجد ….
كنت حاسب يوم لخاطرى حساب معاك
واما تقسى عليا كنت بتبقي ندمان مش كده
… ويبقي ساكنك الهلاك

لا بجد ….
قولى عندك اساوى ايه
قلبى طيب اما حبك انت ليه قسيت عليه
كنت بفرح اما اشوفك وانت جى من بعيد
كنت بستناك بشوق زى طفله جوه عيد
عشت برسم بكره بيك بعده بيك
بعد بعده برضه بيك
وانت خاطرى كسرته ليه

لا بجد ….
دى حقيقه
هو هو الشخص اللى عنيه بريئه
اللى جرح واللى خان
هو هو الشخص اللى مشيت معاه ومغمضه
اللى باع كل غالى واللى خاطرى عنده هان

لا بجد …
لا بجد…
انت هو ولا واحد تانى غيره
انت هو اللى بعت الكون عشانه واشتريته
اللى نمت جوه حضنه وكنت بيته
انت هو اللى شفت نفسى جنبه في السما
ولا واحد تانى غيره جه لعب بيا انا

ااااااه انا

اللى ضحت واللى صانت
اللى اديتك حياتى بدون حساب
جاى دلوقتى وحتى رافض العتاب

لا بجد …
لو هشهد اى حد
هيقولولك انك انت
اللى ضحيت بيا وبارخص تمن
هيقولولك اللى خان لا يؤتمن
هيقولولك اللى ياما قولته ليك
بكره هيدور الزمن …..
وتلاقينى اختفيت
واتمسح .. كل ذكرى حلوه بينا
حتى لحظه ما اتقابلنا
بكره هيدور الزمن
وانت هتكون انحانيت

انا مش جبل من طوب
انا بشر زيك
مليان صفات وعيوب
ببكى وبتاثر
وسهل اتكسر
وقويه وقت الجد
ولا يملى عينى حد
وبحب واستمتع
واسقع واحس البرد
طفتنى ليه يا شيخ
ده انا كنت زى الورد

جرب تموت بالحيآ
وابعد وعيش وحدك
تابع وشوف الناس هتحس ايه في بعدك
هتلاقى جزء حزين دول حته من لحمك
وجزء تانى حزين لكن حزين ع القد
وجزء تانى دموعه نزله سيول ع الارض
وجزء من غيرك احسن ما كان وياك
وظرف بس يومين 👌🏻
هيعيشوا من غيرك ولا حتى فكرك حد 🤷‍♀️

شيزوفرينيا 🥺 في حياه تانيه
فيها راحه وسعاده
وفيها حساب للثانيه

حياه جديده
فيها كل احلامى
سهله ووقفه قدامى
وفي لحظه تكونى احلامى مش باينه
او هربانه وبعيده 🥺حياه جديده

فضلت ارسم في كل مكان
اللى في بالى او حساه
فضلت ارسم واقول عادى
بيكفى انى عايشه معاه
بيكفينى احس وجوده جوايا
فضلت ارسم
لقتنى رسمت .. ان انا سيباه

شيزوفرينيا🥺

بحبه وعمرى ما استحمل غياب ثانيه
وقلبى حزين ما بين اللحظه والتانيه
بيتمنى مايفرقوش
وحاسس انه من غيره حياته فاشوش
وفي لحظه يقرر انه هيفارق ميرجعلوش

دى عين حاسد ولا مريضه من جوايا بتالم
يقولى قولى واحكلى وابداء بس اتكلم
اخاف منه وخوفى عليه بيغلنى
احس انه متكسر
واطلب منه . يستغنى ويسبنى

وابات ابكى على غيابه
وهو لسه بين ايدى
واعيش دور ان انا ضحيه
وانه ظالمنى … وبايدى

وبايدى بكتف نفسى وارميها في بير اسرار
وقلبى عليل بيحبه مليش غيره وقلبى حمار
مش فاهم ان الدنيا دى غابه
وان غزاله وديابه مفيش بيت هيجمعهم
وان اسراره او سرى مش لازم نراجعهم
وان عشان يكون بكره مابينا ولاد
ضرورى يشوفوا كل الحب ومن روحنا نشبعهم

شيزوفرينيا بتقتلنى ومش قادره اواجهها
بتمحينى وترسمنى في لوحه ضايعه ملامحها

خطه عبرى مفهموش
شكله عادى زى اغلب الوشوش
صوته طيب بس ليه بحه غريبه
نبض قلبه سمعه قلبى
قالى كيفك يا حبيبه
وابتدت وياه حكايه
قولت فيها اللى عمرى مقولتهوش

حب ايه
اللى يوصف اللى بينا
حاسه انه قريبى يمكن
او عرفته من زمان
حاسه انه شبهى جدا
وانكتب من نصيبى
قبل ما يؤن الاوان

حب ايه
عاوزه وصف اكبر واغلى
كل خطوه عديناها
كت بسيطه وشبه سهله
هو كل الناس تشوف انه غريب
بس عندى قصاد عيونى
بحسه اقرب م القريب

بحسه دايب جوه شريانى وملامحى
في نسيج ضم روحه لروحى باين
نبض واحد والجسد مقسوم ما بينا
كل يوم نفتكر يوم ما اتقابلنا
قد ايه فهمنا بعض بدون كلام
قد ايه كان في شوق في السلام
كل يوم …نفتكر يوم ما اتقابلنا

حب ايه ده حياتى
عشت وياه اللى جاى
وهو اغلى ذكرياتى
هو غنوه حفظتها
روحى ليه وهبتها
هو اغلى من حبيبى
غنوه لحنها النياتى

بقلمى

احببتك دون علم منى دون رغبه ايضا 🤷‍♀️
واصبحت فى كل شئ اجمله واحلاه واقربه الى القلب ❤️

يدوب خانه بتملاها عشان الدنيا تمشى تمام
ووقت يضيع ودينا ربيع وحلم يشبه المواضيع
وفي الاخر يدوب خانه #بقلمى

مسلم أعلن اسم حداد على بلكونته
وأما الناس قعدت تستغرب
قالو اكيد مات له عزيز
راحو يعزو ولمو صحابه
بطرس وأحمد مينا وعبدالله وموريس
دقم بابه لقيو الحزن في كل مكان
والأولاد والاحفاد
لبسين اسود مش الوان
قالو بقاء الله يا حبيبي
مالك قولولنا
مين اللي فارقنا وفارق اهله
رد بدمع جوه عنيه
هو أنتم عايشين ويانا
ماتو اخواتك انت وهو
كانو امبارح هنا ويانا
بصو لبعض باستغراب
هو اتجنن لا كداب
مين اخواتنا اللي فاتونا
قال تعالو معايا شوفوهم
قالو نشوف
عادي برضه احنا ضيوف
خدهم وداهم يشوفوهم
قبل ميتدفنو وينسوهم
لقو كام جثه في الصناديق
جوه كنيسه وجوه حريق
تفجير جوه في كل مكان
بكو بدمائهم قبل دموعهم
ليه بقى كدا ثمن الانسان
كتبو حداد على قمصانهم
حضرو جنازه
وكل عيون الناس بصلهم
أصل اخواتنا اللي فاتونا
كان اغلبهم زي اعمرهم
ايوا حداد لجل ميرجع
حق اخواتنا الأموات
.
انا مسلم واخويا وصاحبي مسيحي
حقنا راجع راجع ان وعد الله حق