Idea

كلام هام جدااا جدااا بخصوص قانون التصالح

وكل التفاصيل اللي المفروض تعرفها كمالك للعقار

قبل فوات الوقت اخر موعد لتقديم طلبات التصالح هو 30/9/2020

دا لحد دلوقتي اللي قدم طلبات التصالح ٣٥٠ الف

من 3.5 مليون مخالف

طبعا مش كل المباني حينفع تتصالح



ودي الحالات اللي بينص قانون التصالح عليها.

🔹 لو معاك ترخيص وفية مخالفات معمارية.

🔹لو معاك ترخيص وفية مخالفات إنشائية.

🔹 لو معاك ترخيص وفية مخالفات إستخدام.

🔹 لو معاك ترخيص وفية أدوار مخالفة.

🔹 لو تم البناء داخل الحيز بدون ترخيص.

🔹 لو تم البناء خارج الحيز بدون ترخيص.



▪️البناء علي املاك الدولة

▪️التعدي علي خطوط التنظيم

▪️اعمال تخل بالسلامة الانشائية

▪️البناء علي اراضي خاصة بهيئة الاثار والري

🔸مش لازم يكون عندك محضر عشان تقدم علي تصالح

🔸طيب انا معنديش محضر هستفاد ايه من التصالح ؟!

اولا :- هتقنن وضعك

مش معني ان انت معندكش محضر يبقي مش مخالف لا مخالف ومش هتقدر بعد كده تعلي

#طوبه وحده في البيت عشان انت ما عندكش رخصه وما قدمتش علي تصالح

ثانيآ :- لوعندك محضر

والحمد لله اخدت براءة فيه وضعك ايه دلوقتى

محضر البناء بدون ترخيص له شقين:-

🔺شق جنائي

🔺شق اداري

البراءة بخصوص الشق الجنائي

اما الشق الاداري

فانت ما زلت مخالف ومش هتعرف تعمل تعليه او تبني ادوار تاني هتقف علي كده

‼️لو حبيت ترفع دور بعد كده:- هيتعملك

١) محضر مباني بدون ترخيص

٢) محضر استئناف اعمال

٣) محضر عدم تنفيذ قرار ازاله

ثالثاً:- التصالح يعتبر انك بتشتري رخصه للبيت حتي لو البيت خارج الكردون المباني يعني اصبحت داخل الكاردون وليك حق في جميع المرافق

رابعاً :- في حصر دلوقتي بيتعمل للقضايا الي من عام 2009 حتي 2020

عشان الغرامات التي لم تحصل حتي الان وهتلاقي جيلك محضر تبديد الغرامه بمبلغ وقدره

#طيب التصالح بيكون ازاي وايه المطلوب علشان تتصالح ؟؟

1-صورة بطاقة المالك

2-صورة عقد ملكية (خاص بالمحامي)

3-صور رسومات معمارية وانشائية فعلية(مهندس)

4-تقرير سلامة انشائية (مكتب استشاري أو استشاري )

5-ايصال دفع رسوم ملبغ خاص بفحص الاوراق واثبات جدية التصالح

6- ايصال كهربا او مياه قديم

#طيب القضايا اللي شغاله اعمل فيها ايه؟؟

لما بتروح تقدم علي تصالح وتقدم كل الاوراق المطلوبة منك بتاخد ورقة اسمها نموذج 3

اللي بيقدمها المحامي للمحكمه علشان توقف القضيه وتوقف قرار الازالة لحين الفصل في التصالح

# اخر ميعاد تقديم علي التصالحات؟؟

هو يوم 2020/9/30

يعني مش هتعرف تقدم علي تصالح بعد الميعاد ده

#طيب انا خايف الموضوع يكلفني كتير ‼️

مهما كانت التكاليف هيكون :-

اقل من غرامة المحكمه

واقل من الازاله للبيت

واقل من كفاله النيابه العسكريه التي تصل الى مليون وما بتقلش عن 15 الف

#وكمان قيمه المصالحه بتتقسط

بتدفع 25٪ والباقي علي ثلاث سنوات

سوق العقارات الفترة الجاية فى مصر هيختلف تمام بعد قرار وقف التراخيص ...على المدى القريب من دلوقتي نقدر نقول ان اسعار العقارات سعرها هيرفع لاكتر من 50% من سعرها
وبالذات المدن والمراكز الرئيسية فى المحافظات وخاصا فى محافظات الدلتا لان رقعة المبانى فيها بطبيعة الحال صغيرة وسعر الأراضى مرتفع لندرة القطع المتميزة وكان الاعتماد فى الاساس على الارتفاعات العالية والمخالفات عشان ينزل سعر متر البيع لاقل سعر ممكن ، والقرارات ال نزلت هتحد من المخالفات لكن هترفع الاسعار بطريقة خيالية فى ممكن سعر متر البيع فى المراكز والأرياف يبقى اعلى من المدن الجديدة بكتير .
فلكان بيفكر يشترى عقار او يستثمر فيه ده الوقت المناسب عشان يبدا يشترى سواء أراضى او شقق بعد ما يتاكد من اوراق التراخيص والملكية ويشوف اقل سعر بالنسبة للفرق بين سعر التنفيذ وسعر البيع

Our last business 👷‍♂️

Designing a joint work area for one of our distinguished clients outside Egypt 🇪🇬

Call us now and get your home design .

درجة الحرارة وصلت امبارح ل 46 درجة في بعض المناطق ,, 🥵

وانتا بتشطب شقتك لازم تراعي الحاجات ديه عشان تقلل من تأثير الحراره عليك وعلي أسرتك ,, ازاي يعني ؟

* متسترخصش في قطاعات الشبابيك وفتحات التهويه وهات قطاع محترم واعمل الزجاج دبل
* لو انتا دور اخير , اهتم انك تعزل السقف بعزل حرارة
* الحوائط الخارجيه تكون بسمك 25 سم عشان تديك عزل أقوي .
* وزع تكييفاتك مظبوط واستعين ب فني تكييف يحسبلك كل فراغ هيحتاج كام حصان , عشان متحملش عالتكييفات وتخرج من الضمان .
* حاول تحط زرع في البلكونه يرطب الجو
* بقدرالامكان تعمل الوان فاتحه في الشقه تعكس الضوء
*لو امكن تعزل الحوائط الخارجيه , اعزلها ,, فيه مواد عزل لمحارة الواجهه وفيه طوب بيكون فيه طبقة من الفوم لعزل أقوي

Amazing idea of Toilet in the space 💜🌍

التكلفه المبدئيه لاى مبنى :

لما يكون عندك شقه أو عماره وعايز سريعا تعرف كمياتها بدون حصر ...من المعدلات التى تم تقديرها بعد حصر العديد من المشاريع التى تم تنفيذها هى كالاتى :-

1- اجمالى كميات مكعبات الخرسانه المسلحه المطلوبه للمبنى = 40 الى 50 % من اجمالى مسطح الادوار لهذا المبنى ويتوقف ذلك على نوع بلاطه الاسقف ونوع الاساسات
مثال: عماره سكنيه بمسطح الدور = 300 م2 وعدد الادوار = 10 ادوار
اذن اجمالى مسطحات العماره = 300 * 10 = 3000 م2
اذن اجمالى مكعب الخرسانه المسلحه لهذه العماره من الاساسات للدور الاخير = 0.45* 3000 = 1350 متر مكعب

2- نسبة ووزن الحديد المسلح فى القواعد المسلحه المنفصله بدون وجود ميدات رابطه = 45 الى 60 كجم/م3 م3(للمتر المكعب)

3- نسبة ووزن الحديد المسلح فى القواعد المسلحه المنفصله مع وجود ميدات رابطه بين القواعد المسلحه = 90 الى 100 كجم / م3 م3(للمتر المكعب)

4- نسبة ووزن الحديد فى البلاطه العاديه solid slab من 90 الى 100 كجم /م3(للمتر المكعب)
يعنى مكعب السقف بالتقريب = مسطح الدور الواحد * 22 الى 25 سم

5- نسبة ووزن الحديد فى البلاطه الهوردى hollow block من 120 لى 130 كجم/ م3(للمتر المكعب) ( مع ملاحظة أن مكعب السقف شامل الطوب الهوردى)

6- نسبة ووزن الحديد فى البلاطه اللاكمريه flat slab = 130 الى 150 كجم/م3 (للمتر المكعب)

7- كمية مكعبات خرسانه الاعمده فى الدور الواحد = 15 الى 25 % من كمية مكعبات الخرسانه المسلحه لهذا الدور

8- نسبة ووزن الحديد فى الاعمده وحوائط القص = 180 الى 250 كجم/م3 (للمتر المكعب)

9-عدد الطوب المطلوب للبلاطه الهوردى للدور الواحد = مسطح الدور الواحد مضروبا فى 4 الى 5 طوبات مقاس 20 *40 * ارتفاع الطوبه المذكور فى اللوحات
مثال : سقف بمسطح أفقى = 300 م2 والسقف كله بلاطه هوردى يحتاج هذا السقف الى عدد طوب هوردى = 300 م2 * 4.5 طوبه = 1350 طوبه بمقاس 20 *40 * ارتفاع الطوبه المذكور فى اللوحات

10-عدد الطوب لعمل مبانى الدور الواحد مقاس 25*12*6 سم = 85 الى 95 طوبه للمتر المسطح الافقى من الدور الواحد
مثال : المسطح الافقى للدور المتكرر لعماره سكنيه = 300 م2 فان كمية الطوب المطلوبه بمقاس 25*12*6 سم لبناء هذا الدور = 300 * 90 =27000 طوبه اى سبعه وعشرون الف طوبه بالتقريب طبعا

11-عدد شكاير الاسمنت اللازمه لبناء الف طوبه مقاس 25*12*6 سم = 3.50 الى 4 شكاير

12- اجمالى مسطح المحاره الداخليه للدور الواحد أو للشقه على سبيل المثال= مسطح الدور أو مسطح الشقه مضروبا فى عدد= 2.70 الى 3.00 على حسب ارتفاع الدور
مثال : شقه بمسطح 150 م2 المسطحات التقريبيه للمحاره (اللياسه) الداخليه = 150 م2 *2.8 = 420 م2 تقريبا

13- معدل استهلاك معجون الدهانات للحوائط الداخليه عدد 3 سكينه = 1.50 الى 2.00 م2 لكل 1.00 كجم معجون

14- معدل استهلاك دهان البلاستك الداخلى عدد 3 اوجه = 6.00 الى 8.00 م2 لكل 1 لتر بلاستك

15- معدل استهلاك برميل البتومين الممتلى انتاج شركة الاسكندريه اللازم لعزل الخرسانه المسلحه بعدد 2 وجه = 60 الى 70 م2 لكل برميل

Eng/ Hussein ElSharkawey

هتجيب صنايعية وهتبدأ تشطب شقتك لكن مش هتعجبك وهتعدل فيها كتير.
وفلوسك هتخلص، والتشطيب مش هيخلص.

احنا بنوفرلك فلوس ووقت ومجهود.

هنصمملك الشقة ونشطبهالك ونفرشهالك علي حسب احتياجاتك ورغبتك، ومش هتحتاج لتعديل ولا هتضيع فلوسك.

ابدأ دلوقتي، واحصل علي خصم 25% علي التصميم.

للمزيد، تواصل معنا.

صمم شقتك او محلك التجارى دلوقتى بأحترافيه وإبداع على يد فريق متمرس من المهندسين 👷
بأرخص سعر للمتر فى مصر
#50جنيه 💰
والمعاينه مجانيه طول شهر رمضان الكريم 🌙❤

كلمنا دلوقتي على رقم/01092908366
او سيب رقمك فى رساله وسيتم التواصل معاك

كل ما يخص أعمال المباني :
-هنبدأ في أول وأهم بند في التشطيبات لإنه متأسس عليه بنود كتير جايه، والخطأ فيه هيصدر مشاكل مباشرة ومكلفة تماماً هتظهر حتي في باقي البنود المتتابعه.

- وصف بند المباني في المقايسة :
بالمتر المربع - توريد وعمل مباني بالطوب الأحمر مع عمل أول وآخر 3 مداميك ومدماك منسوب جلسة الشباك بالطوب الأسمنتي بسمك نصف طوبة، يلصق بمونة مكونة من 300 كجم أسمنت للمتر المكعب ومما جميعه طبقاً للمواصفات الفنية.

- أنواع الطوب :
1- الطوب الطفلي "الأحمر" :
طوب معمول من الطفله وبيدخل أفران وبيتحرق فبيتحول لطوب طفلي وعادة بيكون مفرغ، ومقاس الطوبه دي بيكون 25*12*6 سم دا المقاس الشائع بتاع الطوبه، لكن في آخر 10 سنين بدأت الطوبه اللي بتنتجها المصانع عشان يوفروا في الفلوس إنهم يصغروا حجمها، فهتلاقي معظم الطوب المنتشر دلوقتي 20*10*5 سم بس لا يفضل هذا المقاس عند البناء لان الطوبه الكبيرة بتوفر معايا علي عكس الطوبه الصغيره اللي بتسف مونه وكمان هستخدم فيها عدد اكبر من المقاس الكبير، وكمان لو أنا ببني علي كمره سمكها 12 سم بسمك طوبه 10سم فبالتالي الكمره هتكون بارزه والبروز ده هعالجه في بياض المحاره ب إني أعمل البياض بسمك كبير وبالتالي هيزيد التكلفة بسبب المونه الزياده دي فخلي بالك لما تيجي تشتري طوب لشقتك إنه يكون مقاس كبير ويتماشي مع عرض الكمر.
2- الطوب الأسمنتي :
الطوب الأسمنتي من إسمه يعني الماده الخام بتاعته هي الأسمنت وهو عباره عن عجينه أسمنتيه وبتتشكل لكنها بتكون مصمته وليست مفرغه.
* طب إمتي أستخدم الطوب الطفلي وإمتي أستخدم الطوب الأسمنتي وإيه مزايا كل نوع فيهم؟؟
- لما أجي أختار نوع طوب عشان أبني بيه يهمني إنه يكون خفيف عشان يخفف الأحمال عن المنشأ والطوب الأخف هو الطوب الطفلي، وكمان الطوب الطفلي أرخص نسبياً فيبقي الأصل في الموضوع إن أنا بستخدم الطوب الأحمر، إلا في حالتين معينين مقدرش أستخدم فيهم الطوب الأحمر فبلجأ إني أستخدم الطوب الأسمنتي :
1- لو كنت هبني حيطه معينه معرضه للرطوبه والمياه زي حيطة الحمام والمطبخ ومباني قصة الردم كدا يفضل معملهاش من الطوب الطفلي لإن الطفله عدوها المياه ولو أنا بنيت بطوب طفلي هيظهر مشاكل زي الرشح والتمليح.
2- أنا عندي الطوب الطفلي ده مفرغ، والطوبه المفرغه لا تتحمل إنك تكسر فيها، فمينفعش مكان عرضع إنك تكسر فيه تقوم عامله طوب طفلي مفرغ، زي مثلا حوالين فتحة باب او شباك او الدرابزين بتاع البلكونه اللي متثبت في مباني إسمها جلسه وهيتركب فيها عشان أركب الدرابزين.
* ويفضل إني أعمل أول وآخر 3 مداميك مصمت عشان الرطوبة وكمان مدماك في منسوب جلسة الشبابيك في الدو عشان متانة البنية.

- كيفية فرز الطوب :
الطوب يعني "جوده - عدد"
- الجوده : إمتي تبقي الطوبه جيدة وإمتي تكون سيئة
* بالنسبه للطوب الأسمنتي عشان المصانع توفر في تمنه بيقللوا الأسمنت ولما يقللوه يبقي الإجهاد بتاع التكسير بتاعها هيقل، يبقي في الموقع لما أجي أستلمها أمسك الطوبه و بإيدي عند الاركان أحاول أكسرها لو الأركان إتفرولت في إيدي معناه إن الطوبه دي أي كلام، وممكن أعمل إختبار تكسير للطوبة، وكمان أتأكد من تمام الجفاف بتاع الطوبه الأسمنتية لأن الطوب الأسمنتي بعد ما يتصب في الموقع لازم يقعد علي الأقل أسبوع عشان يشد حيله شويه قبل ما يتورد للموقع، وكمان لازم أتاكد من أبعاد الطوبه وأقيس منها عينات عشوائية.
* بالنسبة للطوب الطفلي المصانع بتسرق في الحرق "المازوت - السولار" عشان كدا الطوبه الحمراء ساعات نلاقيها مش محروقة بشكل كافي ولو مش محروقه بشكل كافي بيبان علي لونها تلاقي لونها كدا فاتح جداً، ولو لقيتها كدا إمسكها بإيدك من عند الأركان وحاول تكسرها لو إتكسرت يبقي الطوبه دي مش تمام، وممكن أمسك الطوبه وأرفعها بإيدي وأسيبها، لو الطوبه دي كويسة الطوبه دي هتنزل ومش هيحصل ليها حاجه ولو العكس يبقي مش مظبوطه.
- بالنسبة للعدد : أنا بستلم الطوب طول * عرض * إرتفاع، وأعرف أنا عندي كام طوبه وأستلم العدد مظبوط تماماً.
3- طوب بلوك :
طوب أسمنتي مفرغ به فتحات وموجود في الخليج بكثره، وبيستخدموه عشان يقلل شويه الاحمال وكمان بيساهم في عزل درجات الحرارة وكمان الصوت.
4- طوب ساندوتش :
ده طوب مفرغ ومحشي فوم عشان يبقي عازل للصوت والحرارة.
5- طوب خفاف :
بيقولوا عليه طوب منياوي والطوب ده معمول من أحجار الكالسيوم ووزنه خفيف ولكن مقاومته ضعيفة ويستخدم في بناء سور مصنع أو سور مؤقت وسعره قليل.
6- طوب وردي :
بيقولوا عليه كمان طوب رملي والطوب ده اللي بيتبني بيه الأسوار بتاعت المدارس ومبيتعملش عليه محارة لإنه بيدي شكل جمالي.

- وعشان تعرف أي بند لازم تعرف الأول مصطلحاته لأنه مينفعش تبقي مهندس ومش عارف تتعامل في البند بلغته الدارجة.
1- مباني علي السيخ :
حيطه مبنيه والمونه غاطسه لجوه ومفيش حاجه فيها ظاهره وغالباً بتبقي في أسوار المدارس، المونه دي بتكون داخله لجوه حوالي 1سم، البَنا وهو بيبني بيجيب سيخ حديد فاي 10 وبيبني مدماك ويحط سيخ الحديد ده أعلي المدماك ويحط مونه بحيث انها متعديش السيخ ده وبعدين يبني المدماك اللي بعده، وبعد ما يخلص يشيل السيخ و السيخ ده فاصل بين المدماك والمدماك عشان يخلي المونه متخرجش بره.
2- المدماك :
لو أنا عندي حيطه كل صف في الحيطه إسمه مدماك وأول مدماك ببدأ بيه تحت خالص إسمه مدماك القد.
3- الترويسه : الترويسه دي تطلق علي أول طوبه في المدماك سواء يمين أو شمال.
4- الكنيزر : الكنيزر دي بتكون عبارة عن ربع طوبه وبستخدمها لما أجي أخلف اللحمات في كل مدماك.
- بالنسبه للحمات ما بين الطوب فيه لحامات أفقيه بنسميها لحام مرقد، وفيه لحامات رأسية بنسميها عراميس.
- الطوبه في المباني ممكن يظهر فيها الجنب الكبير اللي هوا ال 25سم وممكن يظهر منها الجنب الصغير اللي هو ال 12سم، فيطلق علي الجنب الطويل "شناوي" ويطلق علي الجنب الصغير "أديه".
5- حيطه علي سيفها :
أنا عندي الطوبه بتكون 25*12*6 سم السمك بتاع الطوبه بيكون 6سم، ممكن أبني حيطه سمك 6 سم بس مينفعش أبني كدا إلا في حالات معينه.
- الحيطه سمك 12سم بنقول عليها حيطه نص طوبه، ولو سمك 25سم نقول عليها طوبه.
فتخيل معايا كدا أنا لو هبني حيطه كلها نص طوبه يبقي اللي هيظهرلي الشناوي، ولو هبني حيطه طوبه يبقي هيظهرلي الاديه والشناوي لإن في الحيطه دي ببني مدماكين واحد آديه وواحد شناوي.
- لو عندي حيطه وعايز أعمل فيها فتحة باب فعشان أعمل فتحة الباب دي لازم أحط فوق حاجه إسمها عتبه خرسانية وحتت الرخام اللي بتتحط تحت في الباب إسمها معبره ومهم جداً الاتنين دول إن المنسوب بتاعهم يكون مظبوط.
6- مسافة الطية : المسافة الأفقية المحصورة بين عرموسين رأسيين في مدماكين متتالين.
7- وش الحائط : الجهة التي يقف بها الصنايعي أثناء بناء الحائط و يكون الحائط أكثر استواءاً من هذه الجهة.
8- ظهر الحائط : الجهة المعاكسة للجهة التي يقف بها الصنايعي أثناء بناء الحائط وتكون جودتها أقل من وش الحائط.
9- التزهير : هو ظهور أملاح على الحائط بسبب عدم رش الطوب و المباني بالمياة.
10- الخيط طاعن : عندما يكون الخيط المشدود ملامس لطوبة من الطوب.
11- الكتف : هو الحائط الصغير بطول أقل من 1 متر.
12- القاطوع : الحوائط الصغيرة التي تستخدم للفصل بين الفراغات.
13- المحاكية : هي الجزء من الحائط المجاور لفتحات الأبواب و تكون بطول 25 سم أو 12 سم.
14- السلاح : هي أجزاء صغيرة من المباني تكون متعامدة على الحوائط لغرض معماري معين مثل تركيب القرميد على الأسطح
15- قلب اليد : تطلق على حوائط الواجهات عندما يكون الصنايعي واقفاً داخل المبنى و يريد جعل وش الحائط من جهة الخارج فيسمى "شغل قلب يد".
16- الساعي : هو خيط يقوم البنا بشده على بدايات و نهايات الحوائط و الفتحات لضبط رأسيتها و يجب أن يكون خيط الساعي موزون تماماً.
17- طرف الرباط : فتحات يتم تركها ببعض الحوائط للربط مع حائط عمودي عليها.
18- المفاتيح : تطلق على طوب الربط بين الحوائط المتعامدة.
19- كانة الربط : زاوية من الصلب المجلفن على شكل حرف L تستخدم للربط بين الحوائط المبنية من الطوب و الأعمدة الخرسانية و يتم تثبيتها في الأعمدة بمسدس الطلقات.
21- أشاير الربط : قطعة من سيخ حديد 8 مم يتم تزريعها بالأعمدة لربطها مع المباني.
22- مسدس الطلقات : مسدس يستخدم في تثبيت كانات الربط بالأعمدة الخرسانية.
23- تملية الحائط : أي ملئ الفراغات بين الطوب جيداً بالمونة من الجهتين.
24- تكحيل العراميس : هو إزالة المونة البارزة من اللحامات بين الطوب باستخدام قطعة من الخشب أو خرطوم كهرباء و يجب تكحيل العراميس قبل جفاف المونه.
25- حل الرباط : عندما يكون أكثر من عرموس رأسي لمداميك متتالية متصلة مما يسبب شروخ في الحائط.
26- الدروة : هي سور السطح أو البلكونة.
27- الطبانة : هي الجزء العلوي من الدروة.
28- الجلسة : هي المباني أسفل الشباك.
29- المصطبة: هي مباني يتم تشكيلها على هيئة كنبة في التراسات أو الروف.
30- السوكة : هي حافة أي حائط عند الزاوية القائمة.
31- الشنايش : فتحات يتم تركها في الحائط لمرور السقالات.

- كيفية العمل :
1- أول حاجه طبعاً هيتم توريد الطوب والأسمنت والرمل بالمواصفات اللي إتكلمت عنها في أنواع الطوب وهنجهز المايه وكل ده هيترفع في الدور اللي هتبني فيه بس فيه حاجه لازم تاخد بالك منها، وإنت بتشون "بتخزن" الخامات دي حطها حوالين الكمرات و عدم وضعها في منتصف البواكي "السقف" عشان ميحصلوش ترخيم Deflection.
2- قبل ما نبدأ نشتغل بالطوب اللي عندنا نرشه بالمياة جيداً عشان حاجتين "نتخلص من الأملاح والقلويات الزائده بالطوب - وكمان لو الطوبه مشربتش مايه وجينا نبني بيها هتشرب المياه اللي في مونة اللحامات وبالتالي هتضعفها" فنهتم برش المياه قبل البدأ في العمل.
3- هنبدأ نبني 3 مداميك بكل حائط من الطوب الأسمنتي، طيب ليه طوب أسمنتي؟ لإن أول 30 سم من الحائط بيكونوا دايماً عرضه للرطوبه وزي ما قولنا إن الطوب الأسمنتي بيقاوم الرطوبه، يجب أن يتم الإلتزام بالأبعاد الواردة باللوحات ويجب وزن رأسية مداميك القد، وإحنا بنبني مداميك القد بنحدد فتحات الأبواب و يراعى أن يكون مقاس فتحات الأبواب أكبر من المقاس المذكور في اللوحة ب5 سم عشان هنركب لسا حلق زفر أو بياض الفتحه لو مكنتش هركب حلق زفر.
4- يتم شد خيط رأسي ببداية و نهاية كل حائط لضبط رأسية الحوائط و يسمى خيط الساعي ويتم شد خيط أفقي بين خيطي الساعي لضبط أفقية المداميك و يبدأ البناء في الحائط حتى منسوب جلسات الشبابيك.
5- يستمر البناء لأعلى حتى منسوب الأعتاب و الذي غالباً ما يكون على إرتفاع 2.20 م من التشطيب و يتم تثبيت أعتاب الأبواب و الشبابيك بعد تجهيزها مسبقاً بالمقاسات المطلوبة و يكون طول العتبة أكبر من عرض فتحة الباب أو الشباك بمسافة 30 سم على الأقل حتى تستقر العتبة على المباني مسافة لا تقل عن 15 سم من كل جهة و كلما زادت تلك المسافة كلما كان أفضل "لعدم ظهور شروخ تركيز الإجهادات".
6- يتم بعد ذلك إستكمال المباني المتبقية أعلي الأعتاب حتى إنهاء كل حائط بتلاقيه مع الكمرة أو السقف.

- ملاحظات :
1- الخرسانه ليها معامل تمدد حراري والطوب ليه معامل تمدد حراري مختلف عن الخرسانه عشان كدا منطقة إلتقاء المباني مع الخرسانه بتكون عرضه دايما إن يظهر فيها شروخ، عشان نمنع ظهور الشروخ بنربط المباني بالأعمدة الخرسانية إما من خلال تزريع أشاير بالأعمدة على مسافات متساوية بإستخدام فضل حديد التسليح والشنيور ومادة تزريع الأشاير، أو يتم عمل كانات ربط بين الحائط والعمود وهي عبارة عن شريحة من الصلب على شكل حرف L و يتم تثبيتها في الأعمدة باستخدام ما يسمى بمسدس الطلقات أو مسامير صلب "بما إن مسامير الصلب اللي في السوق كلها مغشوشه دلوقتي هات مسدس طلقات - لو الإمكانيات محدوده هات مسامير صلب بس نوع نضيف" .
2- المونه اللي بنستخدمها للمباني لازم تتخمر.
3- الجهة التي يقف فيها البنا أثناء بناء الحائط تسمى "وش الحائط" والجهة الأخرى تسمى "ظهر الحائط"، وش الحائط يكون مستواه أفضل من ظهر الحائط.
4- يجب أن يقوم البنا بتمليه اللحامات و العراميس جيداً بين الطوب من جهتي الحائط "الوش والظهر".
5- لازم المونه الزياده اللي في العراميس تتشال بالمسطرين لان ده من أهم الأسباب في شروخ بياض المحاره، لأنها في المناطق دي سمك المحاره بيكون قليل تماماً، وفي مناطق تانيه سمك المحاره فيها بيكون كبير أوي فبياض المحاره في المنطقة دي بيكون نقطة ضعف.
6- غير إني مش عايز المونه تكون بارزه أنا عايزها تكون غائره لجوه والعمليه دي إسمها "تكحيل العراميس" وبعملها بسن المسطرين أو بحاجه إسمها مكوة عراميس، وبكحل العراميس
عشان ده بيساعد علي تماسك المونه بتاعت المحاره بالطوب، لإن الطوب لو ممسكش في بياض المحاره كويس بياض المحاره بيشرخ.
7- تسمى الجهة الطويلة من الطوبة "شناوي" وتسمى الجهة القصيرة "أدية" وفي الحوائط التي يتم بناؤها بسمك 25 سم يجب بناء مدماك أدية و مدماك شناوي للحصول على حائط متماسك و بحد أدنى 3 مداميك شناوي و مدماك واحد أدية.
8- لو هبني حيطه جديده عمودية علي أحد الحوائط الأخري يتم ربطهما من خلال تفتيح شنايش بالحائط القائم لعمل طرف رباط و تسمى "مفاتيح".
9- يجب أن تكون اللحامات بين الطوب منتظمة بحيث لا يتواجد أي لحامين فوق بعض لأن ذلك يضعف الحائط و يؤدي إلى حدوث تشرخات في الحوائط فيما بعد و في حالة إذا وجد لحامات فوق بعض فيطلق عليها "حل رباط".
10- في حالة وجود أرشات للفتحات يتم تنفيذها عن طريق عمل" فرمة" خشبية أو معدنية بنفس شكل ومقاسات الأرش و يتم إستخدامها في تنفيذ الأرش.
11- يجب أن يقوم البنا بتنظيف كل دور من بقايا التشوينات و ساقط المونة بعد إنهاء و تسليم أعمال المباني "أسلمك نضيف تسلمني نضيف".
12- بعد إنهاء كل حائط وقبل جفاف المونة يقوم البنا بوضع خوابير خشبية أعلى المدماك الأخير والدق عليها في محاولة لدمك الحائط إلى أسفل قليلاً ثم يتم تملية المسافة الموجودة بين أعلى مدماك وخرسانة السقف أو الكمرة بكسر الطوب و المونة جيداً و تسمى تلك العملية" تشحيط الحائط" .
13- لو ببني واجهة مبني وعايز وش الحيطه هوا اللي يكون بره بقول للبنا إشتغل شغل "قلب يد".

- مشاكل في المباني وكيفيه معالجتها :
- الشروخ في الحوائط :
- شرخ فوق باب أو شباك :
شكل الشرخ بيبقي بزاويه 45 درجه وبيكون عند أركان الأبواب والشبابيك وسببه إن طول العتبه الخرسانيه فوق فتحة الباب أو الشباك قصير وفيه كمان سبب تاني اللي هوا مفيش سلك شبك محطوط عند أركان الفتحات أثناء عمل بند بياض المحاره.
- الشرخ مفيش منه خطر ولا حاجة زي ما هو شائع عند الناس، لكن منظره مش لطيف فلازم نعالجه.

- كيفيه معالجة الشرخ :
1- هتكسر المحاره ويكون الحواف اللي أنا كسرتها جايه بميل.
2- هعمل طرطشه، بس قبل ما أعمل طرطشه أرش الطوب اللي هعمل طرطشه عليه بمياه عشان ميشربش مياه الطرطشه.
3- بعد ما الطرطشه تنشف تحط سلك شبك أو فايبر وأثبت السلك كويس.
4- ثم يتم عمل مرمة البياض ونسيبها 5 أيام عشان تطلع الرطوبه اللي فيها ويفضل إن مونة المحاره دي تكون مونه غير قابله للانكماش عشان متشرخش بعد كدا.
5- نمعجن وندهن عادي بعد أن إنتهي معالجة الشرخ.

- شرخ شكله متصل بنفس شكل عراميس ولحامات الطوب، وسبب الشرخ وجود حل رباط في المباني، ومفيش منه خطوره
وطريقة علاجه بنكسر بياض المحاره ونحط سلك شبك أو فايبر وإعادة البياض مره أخرى بنفس طريقة علاج شرخ الأبواب والشبابيك.

- شرخ أفقي بسيط في الحائط عند إلتقاء الكمره الخرسانية مع المباني الطوب.
وسبب الشرخ عدم تشحيط المباني أسفل الكمره أو عدم وضع سلك شبك عند إلتقاء الكمره مع الطوب، ومفيش خطوره من الشرخ ده.

- شرخ رأسي بالحائط عند إلتقاءه مع العمود الخرساني، وسببه عدم الربط بين المباني والعمود الخرساني بالكانات أو عدم وضع سلك شبك عند إلتقاء الخرسانه مع الطوب، ومفيش منه خطوره
وطريقة علاجهم نفس طريقة علاج الشرخ اللي فات.

- بند المبانى مقارنة بالبياض والنقاشة غير مربح.
- بند المبانى فى السوق بيتقاس بالمتر المسطح لسمك نصف الطوبة "١٠ سم" وبالمتر المكعب لسمك طوبة "٢٠ سم".
ديه طريقة الحساب المعروفة فى البند.
- شغل الأهالي بالألف طوبه ولكن عدد الطوب الفعلى اللي تم بناؤه على الحيطه مالوش دعوة بالطوب كله " عشان مايحسبش الطوب الهالك والإربع المكسرة من ضمن المصنعية وبيعد الطوب عالحيطه ويحاسب عليه".

- العامل الى ورا البنا غير مبيض المحارة، ممكن عامل "مناول" واحد يشغل ٢ بناين على عكس مبيض المحارة كل صنايعى وراه العجان بتاعه.

- البنا الصنايعى إنتاجيتة من 1500 إلي 2000 طوبة فى اليوم حسب كفاءة العمل.

- يومية البنا من 160 إلي 200 جنيه والعامل من 80 إلي 120 جنيه.
- مصنعية الألف طوبة من 180 إلي 250 جنيه.

- 1000 طوبة بيفرد 12 متر مسطح بسمك نصف طوبة،
"أبعاد الطوبة المستخدمة 10×20 × 6 سم، مساحة الطوبة من الجنب فى الحائط النص طوبة = 0.2 × 0.06 = 0.012 م ٢.
- المتر المسطح فيه 1 / 0.012 = 83 طوبة.
- الألف طوبة يفردوا 1000/ 83 = 12 متر مسطح.

- سعر المتر مسطح مباني من 14 جنيه إلي 22 جنيه.
- الألف طوبة "شامل الرمل والأسمنت" بيتشون بمتوسط من 50 إلي 70 جنية تقريباً.

- سعر الألف طوبة أحمر فرداني 6*10*20 من 450 إلي 500 جنية.
- سعر الألف طوبة أحمر فرداني 6*11*24 من 650 إلي 700 جنية.
- سعر الألف طوبة أحمر بلوك 10*12*20 1000 جنية.
- سعر الألف طوبة أسمنتي نص آلي 6*10*20 من 550 إلي 600 جنية.
- سعر الألف طوبة أسمنتي نص آلي 6*11*24 700 جنيه.
- سعر الألف طوبة أسمنتي آلي 6.5*12*25 من 850 إلي 900 جنيه.

ايه هو الباركيه الجاهز Hdf ؟

هو عباره عن نوع من الخشب بنعمله ف الارضيات مكان السراميك او البروسلين
فيه منه انواع كتير ( الصيني و التركي و البلجيكي و السويدي و الالماني )...افضلهم الالماني.

الـ Hdf مقام للخدش ..بيكون في رقم مكتوب ع العبوه بيعبر عن درجة مقاومته للخدش (31 ، 32 ، 33) .. كل ما زاد الرقم كل ما زاد استحمله للاحتكاك.

طريقه التركيب؟

مبيركبش بالمسمار او لصق .. بيتركب بطريقه التعشيق بيكون في تفريزه موجوده ف جانب كل شريحه طريقه تركيبه سهله.

#ملحوظه: ممكن لما تمشي من الشقه لو كانت ايجار تفكه تاخده معاك بكل بسهوله👨‍🔧

الوانه كتير و شيك جدا زي ما موجود ف الصور.
اما بقي بالنسبه للتكلفه فهي مش غاليه بالنسبه للباركيه الطبيعي.

أسعاره؟

المتر بيتباع توريد و تركيب و بيبدأ من ١٤٥ جينه.

هو المطبخ الامريكي حلو ولا وحش..؟!

طيب ايه مميزاته ..؟ و ايه عيوبه..؟ ( American Kitchen )

1. من اهم مميزاته انه بيدي احساس بالمساحه الكبيره و تقدر تستخدم البار كطرابيزة صغيرة..
2. وبما ان المطبخ بيكون مفتوح دايما ف ده بيساعد في تهويه المطبخ و ميبقاش مكتوم..

3. كمان بيكون سهل انك تعمل اضائات و ديكورات مع الفراغ المفتوح عليه المطبخ و يفضل انه يبقى مفتوح على اللينفج..

نتكلم بقي عن العيوب🤷🏻‍♂
1. اولها انك بتفقد المساحة العلوية للتخزين في المطبخ ممكن توصل لربع المطبخ..

2. تاني حاجة الخصوصيه وديه من اهم العيوب اللي بتخلي الناس تبعد عن فتح المطبخ..

3. لازم تحط شفاط قوي فوق البوتجاز عشان الدهون.

قولنا رأيك مع ولا ضد فتح المطبخ؟

One of our work in the interior design of a restaurant🍕🌭
in Nasr City👷‍♂️

Contact us now and enjoy Ramadan offers on design and implementation with discounts of up to 20%. Do not miss this opportunit 🌙❤️

مطلوب مهندس مدنى خبرة لا تقل عن ٣سنين فى التشطيبات
و٢مهندسين عمارة او فنون تطبيقية يجيد استخدام برامج:-_

كاد، ريفت ، 3dmax , V-ray ,ps
يرجى ارسال ال cv و portfolio على الميل او رسائل الصفحة فقط

[email protected]

المعظم مننا بيسمع عن انواع التشطيبات لكن ميعرفش ايه الفرق بينهم زى الوكس والترا لوكس وخلافه ....فاحنا دلوقتى هنشرحلك الفرق باختصار

1 – شقة على الطوب :
معناها إن الشقة يتم إستلامها علي الطوب فقط بدون أي شيء أخر. و يعرف ذلك أيضا بإن الشقة علي العظم.

فعند دخول الشقة لن يوجد بها سوي الأعمدة و السقف الخرساني بالإضافة إلي الجدران.

فليس هناك اي اعمال او تمديدات للكهرباء او السباكة. كما لا يوجد اي ارضيات او ابواب او خلافه.

2 – شقة نصف تشطيب :
شقة نصف تشطيب أو شقة علي المحارة معناها إن الشقة يتم إستلامها بعد عمل تأسيس الكهرباء و السباكة.

لذلك سيكون هناك مواسير للكهرباء تم تمديدها داخل الحوائط. إلا إنها بدون اسلاك من الداخل.

كما إن السباكة تشمل تمديد وصلات المياة و الصرف للنقاط الرئيسية فقط.

هذا و يتم عمل المحارة و تركيب الحلوق الخاصة بالأبواب و الشبابيك.

3 – شقة تشطيب كامل :
شقة تشطيب كامل معناها إن الشقة تم الإنتهاء منها و عمل كافة أعمال التشطيبات مثل تأسيس و تشطيب الكهرباء و السباكة.

كذلك تم دهان الجدران و الأسقف و تركيب الأرضيات و سيراميك الحمامات و الأبواب و الشبابيك.

مع ضرورة العلم إنه يتم إستخدام انواع من الخامات الرخيصة نسبيا، لذلك يعرف هذا النوع بالتشطيب التجاري.

4 – شقة تشطيب لوكس :
شقة تشطيب لوكس معناها إن الشقة تم الإنتهاء منها بالكامل و أصبحت جاهزة للسكن مثل التشطب الكامل.

إلا إن الفرق هنا يتمثل في جودة الخامات المستخدمة التي تكون درجة أعلي من التشطيب الكامل.

فعلي سبيل المثال يتم إستخدام سيراميك فرز ثاني في التشطيب الكامل بينما يستخدم سيراميك فرز اول في التشطيب اللوكس.

و هكذا في الانواع الاخري من التشطيبات مثل الكهرباء و السباكة و الدهانات التي تكون كلها أكثر جودة.

يعتبر التشطيب اللوكس هو السائد في الكثير من المنازل التي تبحث عن الجودة و السعر المناسب معا.

5 – شقة تشطيب سوبر لوكس :
شقة تشطيب سوبر لوكس كما يبدو من إسمها تكون أعلي في المستوي من التشطيب اللوكس، فكلمة سوبر Super بالإنجليزية تعني الأفضل.

هذا و بينما يقتصر التشطيب اللوكس علي النقاط الأساسية فقط، فإن التشطيب السوبر لوكس يشمل عمل إضافات في السباكة مثل عزل الأرضيات و تركيب وصلات السخان و عمل صرف للتكييف.

كذلك تكون الأرضيات من البورسلين مع عمل أسقف من الجبسون بورد مزود بكرانيش مع أبواب من الخشب الموسكي و نوافذ من قطاعات الألمونيوم مع الزجاج العاكس.

6- شقة تشطيب هاى سوبر لوكس :
لا يختلف كثيرعن السوبر لوكس من حيث الجوده ولكن يتميز بزيادة بعض الديكورات فى الحوائط والاسقف وفرق السعر بينهم بسيط نسبيا .

7– شقة تشطيب الترا لوكس :
شقة تشطيب الترا لوكس هي درجة أعلي من السوبر لوكس. و التشطيب الالترا لوكس هو بالتأكيد مكلف في السعر حيث يتم إستخدام خامات و إكسسوارات من أنواع مرتفعة السعر.

فعلي سبيل المثال يتم إستخدام دهانات الديكور و عمل بعض البانوهات علي الجدران، كما إن الأسقف تكون مستويين مزودة ببيت النور مع الكرانيش.

الأرضيات تشمل إستخدام البورسلين أو الأرضيات الخشبية مع أبواب من الخشب الماسيف الزان أو العزيزي. كما تستخدم قطاعات الألومنيوم الكبيرة في النوافذ مع الزجاج الدبل.

8 – شقة تشطيب ديلوكس :
الديلوكس هو أعلي مستوي من التشطيب و الديكور حيث يتم إستخدام أغلي الخامات و الإكسسوارات من الماركات العالمية المعروفة.

الأرضيات تكون من الرخام أو الباركيه الطبيعي، و الأسقف تكون من مستويات متعددة من الديكورات المتميزة.

الجدران يتم تزويدها ببانوهات و أعمال تجاليد مميزة في بعض الأماكن مثل الصالون و السفرة. مع إستخدام أغلي أنواع الدهانات.

الأبواب تكون من الخشب الأرو الأمريكي الطبيعي و النوافذ تكون من أفخم قطاعات الألومنيوم الكبيرة مع الزجاج الدبل العاكس.

ولو حابب تعرف عروضنا واسعارنا بالنسبة لكل نوع تقدر تكلمنا علىرسائل الصفحة
او على رقمنا /01092908366

ليه انت محتاج مهندس او مصمم داخلي ؟؟؟
من اهم المتطلبات الاساسية للانسان المسكن و كل واحد فينا بيكون عايز يعيش في مكان رائع و مريح نفسيا و مبهج و منظم بشكل كبير مش شرط المكان تكون مساحته كبيرة لانك ممكن مع اي مساحة متصممه مظبوط تحس بالراحة المهم يكون المكانح بيعكس شخصيتك و اسلوبك في الحياة و ده مش حاجة مستحيلة انها تحصل في اي مكان متصمم و متنفذ عن طريق مهندس ذو خبرة قوية في المجال ده
(((التصميم الداخلي القوي و الراحة في المكان لا تحدث عن طريق الصدفة)))
ودي بعض الفوائد للمهندس او المصمم الداخلي ليست علي سبيل الحصر
1-هتوفر فلوووس :
ناس كثيرة جداهتقولك يا عم اشتغل انت و هات صنايعية و ابدا والصنايعية فاهمين و اختار انت الحاجة و الالوان و الدنيا هتتطلع بس هتصرف اكثر و مع المهندس هيطلع احسن و هتوفر فلوس
زي مبقولك كده هتوفر فلوس هوا صحيح هياخد منك فلوس علي شغله بس هيوفرلك فلووس كثيرة قصاد ده طب ازاي ؟؟
أ -المهندس هرس البنود دي 30 الف مرة قبل كده و عارف تنفيذها و
عارف الصح من الغلط و مش هيهد تاني بعد ميخلص علشان
الصنايعي غلط لانه بيرتب كل حاجة تتعمل ازاي و عارف متتابعات
ده علي مدار السنين و ايه المشاكل اللي ممكن تحصل و حللولها في
مرحلة التنفيذ فهيوفرلك كتيير .
ب -المهندس بيتعامل مع صنايعية ذوي خبرةو حرفية و مجربهم 90
الف مرة قبل كده و عارف انهم شغلهم قوي و جودتهم عالية و
مبيهدروش في الخامات اللي هيوفرلك بسببها كتيير.
ج-المهندس بيكون عنده حسابات و رسم مفصل لكل تفاصيل الشغل
وراسم علاقاته مع بعضها و احتياجات الفراغ من كهرباء و انارة و
غيرها و بيرسمها مع الصنايعي بصورة مظبوطة فميحتجش يغير و
يهدر وقت و بضاعة فهيوفرلك كتيييييييير .
د- بيرتب البنود للتنفيذ بطريقة مظبوطة بحيث كل بند ياخد حقه من
حيث الوقت و الترتيب و التنفيذ فمفيش حاجة تتعمل قبل حاجة فتبوظ
و تتكسر فهيوفرللك كتيييييييييييييييييييير .
ه- المهندس عنده اسطول من الموردين اللي بيتعامل معاهم بشكل دوري
فيقدر يجبلك البضاعة باسعار غير اللي انت بتجبها و بجودة اعلي
بكتير من اي حد في السوق فهيوفرللللللك كتيييييير جدا .
2- هتوفر الوقت :
كلنا بنحتاج ننفذ الحاجة باسرع وقت و باقل تكاليف و بجودة عالية و
هيا دي المعادلة الثلاثية اللي المهندس دايما بيكون ماشي بيها في شغله و
عرفنا توفيره للفلوس كمان معاه صنايعية كثيرة جدا و شغلهم قوي و سريع
و يقدر يرتب الشغل انه يخلص في وقت معين زي ما يحدد بدون
الاضرار بالجودة .
3-يفرق جيدا بين التعامل مع عميل و التعامل مع عامل اثناء التنفيذ .
المهندس بيعرف ازاي يتعامل مع العميل في اختياراته فيما يخص
التصميم و الالوان و العلاقات المختلفة في اختيار الخامات و الاقمشة و
الاثاث و بيقدر يوصل ده للعمال في الموقع بالصورة اللي يفهموها علشان
ينفذه اللي هوا عايزه بنفس النسب و العلاقات .
4-حل المشكلات :
المهندس بيعرف كويس اوي ازاي يحل المشكلات اللي في الموقع
سواء مشكلات قبل التنفيذ او اي حالات طارئة اثناء التنفيذ لانه عنده شبكة
علاقات قوية بمختلف التخصصات من حيث المهندسين او العمالة .
5-منتجاته اصلية و ذات جودة عالية :
كلنا عارفين ان السوق مليان منتجات مختلفة في الجودة و النوع و
السعر و كل تاجر بيبيع علي مزاجه المهندس عنده علاقات بموردين
كثيرة جدا يقدر يجيب من عندهم البضاعة باسعار جيدة جدا و اصلية و
جودتها ممتازة جدا مقارنة بالموجودة في السوق .
6- منتج نهائي قوي جدا متتطابق مع تصميمك :
المهندس دايما بيكون مدرب انه يفكر بشكل مبدع خارج الصندوق في اختياره للتصميم و العلاقات و الخامات المختلفة و ربط كل ده بجوانب التنفيذ مش بس بيفكر في التصميم لا بيفكر في كل التفاصيل الصغيرة اللي هتركب بعد انتهاء التصميم من حيث الاضاءة و علاقاتها في الفراغ و اوضاع الفرش و علاقة الكهرباء بالجلوس و هتشحن ازاي و هتاكل ازاي و هتريح اكتر في المكان ازاي و القماش و علاقته بالديكورات سواء كانت متحركة او ثابتة .

((( كده مش بس بيتك هيكون شكله جميل لا هيكون منظم و مدروس عمليا و مريح و مبهج ))).

call us now / 01092908366