Mohamed Ayman Elmaghraby

ازاي انت شايفهم ليك أصحاب
دول عالم بايعه ،
ومحدش فيهم مره عليك هايخاف.
مين قالك أن الصحبه دليل صافي
ع حد هايفضل جنبك ونس ولا مره كانوا ليك أحباب.
ظالم نفسك وخادعها
وموقف حالك بوجودهم ، ولا مره دقوا عليك الباب.
مين فيهم جالك يحكيلك ويجري الدم ف وريدك
وشافك أقرب ليه من صاحب
وما فيهم حد يشبه كلب ف وفائه
وهم تملي يعيبوا ف خيرك
ياخي لو بتربي ف فار كان عز عليه الندبه اللي ف ايدك.
كانوا بيقولوا الصحبه تعيش لسنين
وف الشده تبان معادنهم ، ضهر ف ضهر معاك هتسد
رجل تشيلك يوم م تعجز
بس خساره نص أمثالهم عن صحوبيه كدب ف كدب
وكنت ي عم مجرد عابر مش لشهور دوول هم يومين.

_محمد المغربي

لو انتي حيطه مايله
فأنا فيكي قالب مكسور
وان ليكي ذكري معايا فيها بكيت
وفوت انا ف يوم من قدام بابك ، عمرك م هترديني
وهرجع انا من عندك أكيد الخاطر مجبور

-محمد المغربي

كان يا دووب أوضتين ومقعد فوق
وبابور نحاس بحبة جاز ، تاكل عليه حلة محشي
وكمان تغلي عليه المايه للتشطيف
ومقولكش بقي كوباية شاي اول م تغلي ، طعامتها تدوق.
كام لوح خشب للسقف وشوية بوووص
وحصيرة ناشفه عليها طبلية والكل حواليها يدووور
ودخلة ابويا اخر النهار تكفيني ، ونومتي جنبه
حضن دافي وحصن ليا أقوي من ألف جندي حامين ورا السور
وستي ليها ألف رحمة ونور تاخد دماغي ع رجليها
وتحكيلي حدوته قبل م تطفي النور
مش لامبه نايلون ، دي سبرتايه بشريط
وعليها كبه ازاز ، البركه فيها تنور الحاره ونورها يدخل من شبابيك الدوور "البيوت".
عارف بقي سيدي ، جلابيته ابويا واخدها ميراث
تووب الرجوله لا يتاقل بدهب ولا ألماظ
جاب م العيال تسعه
أكبرهم كان ابويا واصغرهم عمتي الدلوعه
ف الوسط جاب اتنين رجاله
مكانتهم ف القلوب متشاله
والسيره يحكي عنها رجال ، قد اي أكتافهم ف كتف ابويا للشقي حماله
وعندي بدل العمه خمسه
الدلوعه اقربهم مني سنا
والباقي دلعهم معشش ف راسي لسه
شالهم ابويا من وهم ف اللفه
واتباهي بيهم وسط الخلق والحته
امي اللي ساعدت ستي ف تربيتهم
وكانوا زي اخواتي
علي قلب العزيزه امي زي النسمه......
يمكن كانت بيوت متكركبه
لكن القلوب مرصوصه
تساع الود والرحمه
ولقمة عيش حاف هنيه تشبع عن اللحمه
ولو ف يوم سألوك عن أصلك
اياك ي واد تتغر وتنسي اللي كانوا أهلك💙

محمد_المغربي

بقالي شهور مبكتبش
وساكت ع اللي جوايا ، وراضي بحالي
وان ف مره حد سألني وجاني
بقولوا أنا كويس ومحلفش
واحد ورا التاني بيمشي ومبيرجعش
ولاموني بطول مسافات وحجج فارغه متمنعش.
كان نفسي اقول باقيلي من الحبايب واحد مش ألف
يجيني ونسمع بعض ، يطبطب أو يطيب
دا لو جبت فرخ صغير وربيته كان طمر فيه العلف😁...............

محمد_المغربي

ليت الدروب لم تلتقي ، لا اليوم ذاك الفتي انا
ولا الغد بكافي ان يفرغ ما بصدره امتلئ.

_محمد المغربي

هل زال وجهي من فؤادك ، حتي يصير بعد رسائلي تَعجُبًا
قد كنتُ نِصفٌ أراكِ لي مُكملا ، هل دام شوقي
أم كنت في دربك محض عابرًا.

_محمد المغربي

وكأن الحظ بيتبسملي لما بشوفها قصادي
من كوكب تاني أكيد هي
ملهاش وصف ، وضحكتها تنورلي بلادي.
انا بكتب من تاني عشانها
رغم كتير حلفان مش همسك قلمي
ولا حتي اشخبط وارسم حتي ف كراسه.
كوباية القهوة ف سهري هتحكيلكوا
قد اي انا مغرم بيها وفي بعادها مش راضي.
زي رساله ف إزازه وسط محيط
مستني الموج يحدفني ع شط عينيها
وتاخدني خطوة لفؤادها.
وهفضل أحفي لأجل م أطول نظره
وبكره مكمل ف خطاوي
زي كتير م مشيت لأجل اطولها ف الماضي.

صباح الخير للمارين
صباحك بما لذ وطاب لقلبك
صباح ضحكتك لا يخلو منها الامل واليقين.
🤍💙🌺.........

"خلي عندك يقين"
التلصص ع البعض قد يصيبك ببعض من الاحباط لمحض علمك بأن ضوئه خافت ، تخوفه من الغد ، تخوفه من التعامل مع أحد أو من الخوض في شئ ، يعتقد أغلبنا أن تقلبات القلق والفزع التي يطلقها هي من الفشل ؛ إنما هي دفاعات أطلقها من جهل ما ينتظره ولا يريد أن تضيع محاولاته وتنفذ طاقته ، لا تجعل تهشمات مرآهم تصيبك بالهلع فتدمي روحك فتقبع في ركن الظلام حبيس صومعتك.
ان الله لم يترك "يونس" ف ثلاث ظلمات ، لم يترك يوسف حبيس افترائات ، ولم يترك هؤلاء الثلاث حين أغلقت عليهم الصخرة نافذة الحياة ، أن اليقين بالله لهو كالسكينة التي تصب علي القلوب فتأمن تكهنات الغد ، ثق بأن هناك خير ينتظرك فما ضاقت إلا وفرج الله آت لا محالة ، لن يهون عليه تمغصات فؤادك ، لن يهون عليه سيل دمعك إلا وأن يكون فرحا لشدة عطائه ، استبشروا الخير كل حين ، صابروا فإن وعد الله حق "ان مع العسر يسرا * أن مع العسر يسرا".

_محمد المغربي

صباح الخير للحالمين ، الحاملين ما شاق عليهم من ألم عابرين به من هنا ، للمنتظرين سماء صافيه يصحبها دفئ الشتاء فتزول غمامة يومهم ليبدأوا في السعي ، صباحكم كما تستحق قلوبكم🤍🌺

الراحه:معانيها كتير لدرجة متتوصفش ، كل شخص أمنيته الذهبيه هي "الراحه" ، محدش في الحياة خالي من الضغوطات والمشاكل ولا حتي يقدر يهرب من دورة الحزن.
الحياة عبارة عن كم من التعب لما بنمر بكل الحاجات اللي فاتت دي ، الراحه هي المسعف لكل ده ، احنا بنفضل نقاوم في الحزن وفجأه يتملكنا الإكتئاب في دورة الحياه و بنيأس ، لكن في لحظة بنقدر نجمع كامل قوتنا ونتمالك أنفسنا شويه ونكسر الحلقه ونعدي ، لكن لا منفذ من التكرارية ابدا.
الراحه متعدده ، البعض مننا بيصورها في معيشة حلوة ، بيت ، عربية ، أكل ، خروج ، لبس أو شخص قريب كان أو غريب ،وبعض الناس بتصورها ف كلمه حلوه أو جبر خاطر تشفي بيه كل اللي السنين أرغمتنا عليه ، وناس تانيه خالص راحتها ف الأمان.
الامان:راحه من نوع خاص ، مجرد بس إني لو لمست راسي المخده ومحتوياني وحاسس بالدفء والأمان ده بالنسبه لناس كتير هو الراحه.
متعددة هي الراحه ، ولكن في الأخير هي ما نشتهيه ونرغب فيه بشده.
دوروا ع الراحه ، إوعي تستسلم ، هتكسب الجولد ف الأخر ، هتلاقيها في فنجان قهوة ، قراءة كتاب قبل النوم......إلخ
الراحه.....معيشه.....شفاء.....ملاذ......الدرب لسه منتهاش.

_محمد المغربي

هو انا ضيعت فرص كتير ، لكن الفرصه الوحيده اللي مش عايز اضيعها "هي" ، هي مش ست الحسن والجمال ولا هي عبقرية زمانها ، لكنها كفيلة تنتشلني من وسط التوهان اللي بقعد فيه سنين.

محمد_المغربي

"حنوا ع بعض ، العمر رايح"

تتكاتف القلوب قبل الاكتاف ، كلمات تصل جذور الود ببعضها فتتسلق أفرعها حتي تصل العيون فَتُجمل رؤيتنا للحياة ، وكلمات خلقتها المطرقه والسندال فأصبحت فأس تقضم أرواحنا.
احنا موجودين هنا اسباب لبعض ، اسباب نصنع منها الحياة اللي تشتهيها أرواحنا البيضاء.
كم سنعيش ف الدنيا؟!!
ستون ، سبعون ام مئة عام ، ما هي إلا أرقام أن وضعت ف ميزان الله مقابل كلمة تدنو بها من عطف طفل ليبتسم ، لطارت تلك الأعوام في مهب الريح ، أن البعض يشتهي الزاد من المعاملة التي تليق بصفاء روحه ولكنه لا يصنعها ف بادئ الأمر لكي ينال مرادها ، فيتزاحم القوم ويعلو الصياح "لماذا أكون أنا البادئ بالوصال؟!!" ، فتعج الطرقات بالصخور الحاده فتدمي روحك من اهوال الطريق ، ونظل حيري يُخايلنا السراب بالنور الذي يخرج من البشر فنتكئ ع أنفسنا قليلا ونواصل المسير لنزداد منهم رشفة تريق القلب طمأنينة ، لكن كيف السبيل وانت لا تزيح الصخور من الطريق خوفا ع من يأتي بعدك فيصيبه م اصابك.
الاختصار بلغة الشارع:
كلنا بندور ع حد يحسسنا ان الحياه لسه فيها حاجه جميله نكمل عشانها ، لكن احنا مش بناخد بالنا أننا واحنا بندور ممكن نؤذي اللي بنقابله ولو بنظره خفيفه تتوعد بيها الشر ، العمر مجرد وقت بنقضيه مع بعض ، بحلوه أو مره بيعدي ، بس الأثر ف النفس ثابت ، الحنيه سهله جدا ، انتوا لو بتستحسنوا الأمور ممكن كمثال بسيط أن لو حد خبط ع كتفك ف الشارع بالراحه عشان يعدي انت ممكن تحمل المشهد وتقول إنه طبطب عليا وانت بتبقي ف أوقات محتاج أن حد يحن عليك بطبطه زي دي عشان يعدي ، لكنه ف الأساس قلب فيك اثر جميل هتورثه لشخص تاني وتبقي الحلقه الوحشه اللي كارهها انت اللي فرغتها ، وتبقي عملت انجازين ، الاول انك هاتحس بإنجازك التاريخي اللي محدش قبلك عمله والتاني هو الأثر ف النفوس اللي هايفضل مكمل بعد عمرك م يخلص ، القلوب بتقرب وتسند بعضها قبل كتف ف كتف من حد انت مستنيه.
“إعمل لأثرٍ طيب فـيفني العمر ويبقي الجميل منك والطيب"

محمد_المغربي

امبارح قابلتها
هي هي مفيش إختلاف
نفس الملامح والضحكة الخفيفة جواها مكتومه
لسه عيونها بريئه واللي جوا القلب أبيض شفاف

_محمد المغربي

ما تيجي نكتب
عن اي؟!!
عن اللي كان ومكانش لينا
عن جروح سلمت وناس مشيت
وحاجات كتير من حدتها سابت أثر فينا
أحلام ونجوم سهرنا لاجلها ولا طولنهاش ليله
وفي الأخر الوجع ينهش ف قلبك
وكلهم من عيوبهم لبسوك ورموا اللوم علينا.
انت جاي تكتب شوية فتجدد همومنا
ولا ناوي تخف الحمل حبه وتخفف قلوب ياما شالت؟!!
مهما طلعت أو يوم نزلت هي كام خبطه وفينا سابت
علامات وكسور محتاجة عُمر
ف الناحية الشمال خلف الضلوع ع القلب ذادت.
طب ما ي عم سيبك وانسي اللي راح
وبلاش بكا أو تفضفض وتشكي ليلك
وخف همك وانظر تلاقي وسط شوكنا الورد فاح.

_محمد المغربي

الحياة بإختصار معادله صعبه ، تركيبه غريبه بتحاول انك تظبطها عشان متنفجرش فيك.
ما بين شغل وحب وأهل بتحاول تاخد جرعة راحه عشان تحسبها صح وتشوف مين اللي يقدر ينتشلك قبل الانفجار ولو بثواني ، هل اللي انت حبيتهم قادرين علي ده ام رفاق العمل اللي بيساعدوك تحقق التارجيت بتاعك كل شهر ولا الاهل اللي احتضنوك لحد م اكتمل نضوجك...؟!!! ، مبقتش مقتصرة علي الافعال انها تثبتلك ده لأن بعض الافعال ما هي إلا مجرد وسيلة لتكميم عينك عن إستبصار دوافعهم ، خليك دايما عارف ان الوقت مش هو العدو الأول ليك انما بصيرة نفسك هي العدو الوحيد اللي هايفجأك دايما ، الوقت بيضمد جراحك وبيسعفك في أغلب اللحظات اللي محتاج توصل فيها للحقيقة ، حاول انك تدي فرصة للوقت انه يكون صديقك.

محمد_المغربي

دائما ما كان السؤال الاصعب هو هل الانسان مخير ام مسير؟!!!!!!!!
:الحمل الأكبر الذي تستعصي علي أفئدتك تقبله هو "الإختيار" ، ما بين حياة واقعية وأخري ترتسم في وجدانك لهي جَلداتْ تنحب معها طوال الليل ، تظل حير لما لم أقع في مدينة أخر ، لمَ لمْ أكمل قصة الحب التي ارتسم طريقها امامي بريقا ، هل من الصعب أن أحظي ببعض الطمآنينة في عملي ام بيتي او حتي تلك الشوارع؟!!!!.
اسئلة كثيره تستلذ انت بها لجد ذاتك ، ماذا لو وقع عليك الاختيار ولم تنعم فيما اخترت ؟!! ، سؤال قد يجيب عن عده تساؤلات ولكن انت ترمي اللوم بعيداً في الأفق حتي لا يكمل الذنب جَلدُكَ ، قف عند بعض الاختيارات وبدل ان ترسم اسئلة زائفه اختر السؤال الاصعب الذي قد ينجيك من اهوال أفكارك.

محمد_المغربي

أبصروا القلوب التي تخلدون إليها ،فبريقها هو ما ينير عتمة الحياة.

محمد_المغربي

"نصي الحلو"
فاكر إحنا عرفنا بعض إزاي!!
:وكانت أجمل لحظه يا زينب ، مكنتش متخيل إني ألقي نص روحي واللي يشبهني في حلم.
:مكنتش متوقعه إن ده الحب ، ربنا اللي جمعنا دي لوحدها حب تاني خالص.
:بس بقي عشان أنا بتأثر بسرعه ودمعتي قريبه ، قومي جهزلنا يلا الغدا عشان عمي وحماتي جايين يتغدوا معانا.
:ما انت هتقوم تطبخ معايا مش إنت عمال تقولي أنا شيف انا شيف ، طب ورينا نفسك بقي.
:قولي بقي إنك مبتعرفيش تطبخي.
:ما هو إنت هتعلمني.............
:العشا جاهز ، يلا بقي يا وردتي وهعملك كوباية الشاي بلبن اللي بتحبيها ، بس متتعوديش علي كده.
:يا محمد ليه تتعب نفسك ، أنا كنت هخلص وأقوم أجهزلك الأكل.
:وإيه المانع في إني أساعدك ، كفاية وقفتك طول النهار في البيت وغير إنك حامل وكمان بتحضري رسالة الدكتوراة ، مبقاش شريك إن مقدمتش الراحه ليكي يا زينب.
:بتكثفني إنت دايما كدا يا محمد.
:طب يلا بقي ونبقي نكتب قصيده أنا وإنتي في اللحظه الشاعريه دي بعدين..............
:عندي ليكي مفاجأه أجمل من كنوز الدنيا يا روح روحي.
:طب قول بقي بسرعه إنت عارفني قلبي بيتقبض لحد ما أعرفها.
:ما هي مش هاتبقي مفاجأه لو قولت دلوقت.
:قول بقي يا رخم.
:بتضربيني بالمخده ، طب موجعتنيش.
:قول بقي عشان خاطر زينب.
:بتمسكيني من إيدي اللي بتوجعني.
:طب قول بقي.
:لا هاتي عيني في عينك كده الأول ، أصل بحب أشوف اللمعه اللي في عنيكي وإنتي فرحانه كده ، بتبقي عامله شبه العيال الصغيره.
:لا دا أني شكلي هرشق صوباعي في عينك لو مقولتش دلوقت.
:خلاص خلاص ، أسبوع من النهارده وأنا وماما وحمايا وحماتي وطبعا أولنا روحي هنروح نحج.
:دا بجد ، لا انت بتهزر ، قول والله.
:طب حتي كلمي بابا وإسأليه.
:هييييييييييييه....هيييييييييييه.
:يا صغيره ، بقي دا شكل واحده حامل ، هتكسري السرير.
:أنا مش عارفه أقولك إي ، بتحققلي أحلامي....
:هو أنا مستنيكي تقولي يا زينب ، كفايه إنتي جنبي..............
:طب ليه كدا يا محمد ، دا انت كنت بتحب العربيه دي قوي.
:وهل حبي لعربيه يخليني أتجاهل حبي ليكي ولأهلك ، ومش دا حلمك يا زينب إن بابا وماما يحجوا وكان نفسك تحقيقه وأنا وإنتي واحد ، وبعدين مش أنا إبنهم برضو.
:نفسي ألاقي يا محمد كلمه توصف حبي ليك.
:الله...الله...دا إحنا مغرمين بقي..............
:ألف مبروووك يا حبيبي ، ربنا يباركلك في المولود.
:ياااا رب يا أمي ، ويباركلي فيكي يا ست الكل وتعلميه كل اللي علمتهولي.
:هاتسموا إيه بقي.
:زي ما إتفقنا أنا وزينب........
_محمد المغربي⁦✍️⁩

نفسي ألاقي كلمه توصف حبي ليك"
الجمله دي انا كتبتها في اسكربت ولما براجع الاسكربت وأتمعن ف المواقف اللي حصلت بين الطرفين بحس اني لسه عاجز مهما أكتب اني اوصف الجنون ف العلاقه ما بين طرفين لما يبقوا وصلوا لمرحلة الهُيام ، كل اتنين بيبقي ليهم حالتهم الخاصه ف الحب ومع المواقف وصعوبة الشدائد بيكون الحب أقوي من الدقيقه اللي عدت ، كان أكثر تشبيه جميل أتمني في مره اني أوصفه بالصورة اللي وصلت للسيدة عائشة حينما قال لها الرسول'صلي الله عليه وسلم' : حبي لك كعقدة الحبل ، العقده بتاعة الحبل مع الغضب والنرفزه والضجيج اللي ف مخك عشان تحلها بيزيدها صلابه ، هكذا بعض العشاق مهما تُزايد الدنيا عليهم من هموم يشتد معها الهُيام.
⁦✍️⁩

‏قد تظن أن المتاح هو ما تستطيع تملكه ، إنما أغلب ما يتاح فهو متاحٌ للجميع فلا يكون بالحد الكافي أن يكون ملفت ليسرق انتباهك و يأثر فؤادك.🤍

محمد_المغربي

....
⁦✍️⁩

"حوار ليس بـمقدر"
:انتي لسه بـتكتبيني ي زينب!!!
:مَغبتش عن بالي يوم ، كان أَكتر حاجه ممكن تخليني أكرهك اني أَعيب وصفك ف كتابتي ، لكن للأسف كنت بـلاقيني بعتب غيابك ، و بوصف مَلامحك عشان مـتتمحيش من خيالي.
:هو احنا بقالنا قد اي مـتكلمناش؟!
:النهارده بقالنا 5 شهور و 8 أيام.
:ياااه ، ومفيش مرة البكا رجعنا.
:مع كل كلمه كنت بكتبها برجعلك ، بس انت مرجعتش.
:يمكن عشان انتي مبعدتيش عني حتي ف غيابك ، ما انا برضو لسه بكتبك وبوصف ملامحك ف شعري وصورتك لسه مرسومه ع جدراني.
:مملتش من الشخبطه ع الجدران؟!
:هو انتي قطعتي الدفاتر؟!!!
:انا اشتريت
مكتبه جديدة و قسمتها أيام وذكريات عنك ، وبعيد المشاهد لِيلاتي معاك.
:طب دَونتي أخر مشهد م بينا لما هان دمعي!!!!
:يا تري مبسوط وانت لوحدك؟!.
:من امتي وانا مبسوط ، دا حتي لحظة سروري معاكي كانت ضعيفه ، عشان كده وقعت مع الهدم.
:خلصت روايتي ولا لسه؟.
:لسه"زينب" مـخلصتش من ساعة البطلة م قررت تعتذر عن الحدوته.
:يا تري أحلامك حققتها؟.
:أحلامي كلها في روايتي ، ومع الأسف مـكملتش.
:ليه بـتظهري من تاني وخصوصا دلوقت!!! ، انا كنت مصمم اني هـكملها من غيرك ، لكن ملقتش نفسي غير ف أحلامك.
:يا تري مليت ف الخصام؟!!!!
:يا تري مليتي ف الخصام؟!!!

_محمد المغربي

_عابرة "فتاة القطار"
أين انا من مخطوطاتي ، لم أرغب بالكتابة منذ ان فقدتها ، كما لو كانت حاضرة بحبر قلمي ، أين هي الأن ، هل ما زلت في مُخيلتها ، ام اني حي بقلبها ، لا زلت أتجرع وهم عقلي وأنين قلبي في كأسٍ واحد حتي لا يقودني حُلمي الزائف إلي جنوني ، الأن أنا أقف في قطارٍ جامد تمنيت أن ألاطف تلك الحليمة ملامحُها ، كما اني أستنجي الحب في أوجه العابرين ، يا الله ألهُنا آل بيا الحال ، أستلطف من لا يود لطفي ، إرغامً......
طيات جفونها كما لو كانت تناديني ، ذاك الكُحل المرتسم في أعينها يخبرني أن مشاعرها لا زالت بعذريتها ، ما زلت أرسم وألون الشخصيات كما يحلو لي وتراه عيناي ، اللون الأصفر الفاقع ليس لأحدٍ أن يتجمل به ، هذه المرة الأولي التي أُغرم بذاك اللون ، كم لو أنه أُحيك مع بشرتها البيضاء الباهته وعيناها البُنيية.

محمد_المغربي

لم أعتقد أن الرسم قد يظل جميلا إذا انسكبت القهوة فوقه ، فقد أخلت بما اوجدناه من جمال يقبع داخلنا ، هكذا هي العلاقات بعد أن تجود علينا ببريقها لا يصح لها الفقدان ثم العوده و نطوي صفحات قديمة و نستهل لجديد .
حقا لا يمكن.

محمد_المغربي

مش هاخد من وقتك وهطول
أو اني أترجي يمكن تسمعني ونرجع زي الأول
ولا نفسي أفتح ف حاجات ، وياها مشاعر ماتت
دي قضيه ودروس مضمونه
ولو ايدي راحت ع خدي ونزلت دمعه
همسحها وأقول عيني مطروفه ، وكلامي هيخلص وتعدي
وأكيد هتفوت ، زي حكاوي كتير فاتت.

_محمد المغربي

:لم يكن من المقدر ان نخطو تلك الخطوات التي قادتنا إلي تآكل القلب ، من الواضح انها كانت سبب حتي تنير غريزة بقائك وتغرز أقدامك في الحياة وتقول ها أنا ، ولدت من رحم المصاعب و أنشأتني الهمم العالية رجلا لا يخاف المغامرة.

_محمد المغربي

:وحينما حان إغتراب صديقي ، أخبرته بنبرة لم أجد لها تبرير حينها "مش عايزك تنساني" ، وهنا إستنكرت حديثه بأني أبكي وأخبرته أني مصاب بخلل في عيني وحينما سقطت دمعة أم إثنين كنت غافلا عن حجبها......

محمد المغربي

صباح للحالمين ، صباح للمتمسكين بالغد ، دُمتم أقوي لتكونوا بخير🤍

أين نحن الأن؟!
في تلك البؤرة التي خَشينا أمس أن نقع بها.

بقلمي
إسكربت
:زغروطه يا أمي الليله ليلة عيد
:إعقل يابني
:أقدر أموت في سلام دلوقت😅
:بعيد الشر عليك.⁦☺️⁩
:أه ما هو بعد شهر بقي هاجي أحدد الفرح إن شاء الله ، ولا ايه يا عمي؟!.
:مستعجل علي إيه بس يا محمد!! ، لسه بدري دا انتوا يا دوب لسه ملبسين الدبل.
:بعد بكره إن شاء الله هنزل أنا ووالدتي وحماتي و زينب عشان تنقي شبكتها دا بعد إذن حضرتك يعني يا عمي.
: طب يابني خليها شوية أنا عارف ظروفك.
:يا عمي الحمدلله رزق زينب اللي ربنا مَن عليا بيه محفوظ ليها.
:خلاص يابني اللي يريحك.
:"مش هتبطلي تبصي بقي من ورا الباب وتيجي تزغرطي معايا"😅
:"لا يمكن"
:"ما هو لو مخرجتيش أنا هعمل بلوك دلوقت وأخد أهلي وخليلك الدبله وهروح بيتنا"
:"هو جرام الدهب بكام عشان ممعييش فلوس أشتري روايات وشكلي هبيعها مدام عايز تفشكل😁"
:"يا زينبُ خلاص مش حلمتي ان العريس كان قاعد مع باباكي وأديه إتحقق إيه لازمة الخيال تاني".............
:إنتي مبسوطه بالفانز اللي عندك دوول وكل شويه حد يبعتلك صراحه ويقولك بحبك
:يا محمد إعقل أنا مش برد علي حد ولا حد فيهم بيشد إنتباهي....
:أيوه ما هو واضح وكل شوية ألاقي بوست وإنتي طايره فرحه من الكلام
:كل مره بتكبر الموضوع رغم إنك عارف إنهم ولا شئ بالنسبالي ، غير انت معترض ان حد بيدعيلي بكلام حلو كده.
:إعملي اللي إنتي عايزاه ، إنتي ولا فارق معاكي غيرتي ولا حاجه وشايفاها تصنع ، سلاااام.............
:طب أعمل اي تاني ، أنا مغلطتش وجاي أصالح.
:لا انت اللي غلطان وشككت فيا لو سمحت متكلمنيش تاني والدبله هيعتهالك وكل واحد يابن الحلال يشوف طريقه.
:همشي الطريق لوحدي ي زينب ، مش إتفقنا هنمشيه سوا....
:لو سمحت متتكلمش تاني ، كفايه قوي لحد كده.
:أنا هسيبك يومين تهدي ونبقي نكمل كلامنا طيب.
:ولا يوم يا محمد ، سلاااااام..................
:بتعيطي ليه ي زينب
:مفيش يا فاطمه.
:متنكريش ي زوزو أنا أختك الصغننه وخبزاكي وعجناكي كمان😁
:إتخانقت أنا ومحمد وقولتله كل واحد من طريق
:لا حول ولا قوة إلا بالله ، هي عين خالتك بدريه اللي جنبهم😂 ، أنا قلبي كان حاسس ، قومي بس صلي الفجر وان شاء الله هتتحل.
:اي اللي مقعدك كده يا محمد.
:صباح الخير يا عم نصر ، صليت الفجر وقبل م أسافر قولت اجيبلكوا العيش وأسلم علي حماتي.
:مش انت قولت لسه قدامك أسبوع
:ما المدير كلمني وقالي أقطع إجازتي وأسافر ضروري عشان عايزني ف الشغل ولما أنزل إن شاء الله نشوف ميعاد تاني نحدد الشبكه.
:طب تعالي بقي نفطر سوا ونكمل كلام جوا.
:معلش بقي يا عمي مش هلحق عشان مسافر طيران المره دي وإحتمال أتأخر شويه هناك.
:خلاص يابني ربنا يقويك.....................
:إنت اي اللي كان موقفك تحت بيتنا بدري كده.
:مين قالك إني كنت واقف من بدري ، أنا فضلت طول الليل تحت البيت.
:إنت دماغك دي فين ، انت بتستهبل علي فكره ، اي اللي مسهرك طول الليل تحت بيتنا.
:دماغي مفيهاش حاجه يا زينب ولا موجوده في مكان غير عندك ، مش بلاقيها مرتاحه غير هناك.
:لو كان حد من الجيران صحي بقي وبلغ البوليس كنت هتعمل اي.
:ولا حاجه ، كنت هستني رد فعلك.
:محمد إنت مجنون.
:زينب أنا معنديش أدني مشكله إني أخسر أي حاجه ولا إني أخسرك.
:هتنزل إمتي؟!
:لما أشوف الدبله هتجيلي إمتي عشان أنزل أبيعها.
:هو انا مقولتلكش😁 ، مش بابا إتفق مع والدك إننا هنجيب الدهب تاني يوم تنزل......................
:بصي بقي يا بنتي محمد شاريكي ولو عليه هايشتريلك الدهب اللي في المحل كله لكن لازم نكون مقدرين ظروفه ونقي حاجه في المعقول.
:يا ماما أنا مبسوطه بالدبله ودي كفايه........
:إلبسي الشبكه لوحدك عشان إيدي بترتعش😅
:وانت مفكر هتمسك إيدي قبل الكتاب؟!!
:لا همسكها بعد الكراسه ، والله هروح أجيب المايك وأقول كل مشاعري دلوقت علي العلن.
:محمد يا حماده بطل هبل يا نصي الحلو وإعقل كده.
:قولتي إيه؟!..هه إيه!!!
:قولت لبسني الشبكه بدل ما أجيب إبن خالتوا يلبسهالي وإنت حر بقي.
:دا أنا أقطع صوابعه صباع صباع وإبقي قابليني إن عرفتوا تجمعوا أشلائه😡...................
:حادثه!!!!!!! ، إنتي بتهزري صح ي منار؟!!
:إحنا في المستشفي دلوقت ومحمد في العمليات....................
:خير يا عمي إن شاء الله هايقوم بخير ومش هايجري أي حاجه.
:لا حول ولا قوة إلا بالله ، يارب إلطف بيه.
:محمد ماله يا منار ، هو فين؟!!
:في العمليات جوا😭

:طمني يا دكتور
:الحمدلله العمليه نجحت قدرنا نوقق النزيف في المخ ، لكن هو حاليا في غيبوبه ومش عارفين بقي هايفوق إمتي ، شدوا حيلكوا وخلي أملكوا ف ربنا كبير....................
:يا زينب م انتي مش هتفضلي معلقه نفسك كده بنفس طالع ونفس داخل ، محمد بقالوا شهر ونص في غيبوبه ، اي اللي يخليكي معلقه نفسك بحبال دايبه.
:لو سمحتي يا شيماء متفتحيش الموضوع دا تاني ، لو فضل سنين أنا متأكده انه هايفوق ان شاء الله.
:براحتك ، بس بطلي عياط شويه ، يا بنتي في كذا واحد نفسهم في قربك ، وما علي الرفيق إلا البلاغ....................
:دقايق وهكون عندكوا.
:شكل محمد فاق ي عم😉
:الحمدلله ربنا نصر دعائي....................
:هتفضلي مبحلقه كده كتير.
:وعايزاك تغنيلي بالمره ، عايزه أفضل بصالك كده وسمعاك.
:طب افوق بس كده ونكتب الكتاب وأنا هغنيلك ليل نهار.
:إحكيلي بقي عن الفتره اللي قضتيها وأنا ف المستشفي كنتي بتعملي اي؟!
:مكنتش بعمل حاجه غير إني بدعي تقوم بالسلامه....................
:بالرفاء والبنين إن شاء الله.
:ألف مبروووك ي أولاد.
:الله يبارك فيك يا عمي ، كده بقي ننزل نتفق بكره ع القاعه إن شاء الله.
:علي خيرة الله ، ربنا يبارك في حياتكوا ويتمها علي خير....................
:مفيش سلام علي حد من دلوقت أهوووووو
:ما هو يا محمد قرايبي وجايين يباركوا.
:ولا قريبك ولا قريبي ، أنا بس اللي قريبك يا قمري.😅⁦☺️⁩
:طب يعني أحرجهم.....
:أنا هسلم عليهم بالنيابه عنك وأقولهم واكله طبيخ ومغسلتش إيديها ، بصي أنا بقول نقصر الفرح وأسيب أبويا وأبوكي يقضوها رقص مع المعازيم وإحنا نهرب منييهم😅😅........
:يعني أعاملك معاملة القرود دلوقت وأجبلك موز عشان تبطل تنطيط وجري في الشقه.
:لولوي...، إعملي اللي تعمليه أنا فرحتي النهارده دا أنا مش مصدق ، وخايف يطلع حلم سيبيني أزغرط براحتي😂😝
:محمد أنا بحبك.⁦☺️⁩
:أه يا دماغي ، إطلبي الإسعاف بسرعه ، انتي قولتي ايه عيديها تاني وتالت ومليون بسرعه قبل ما يغمي عليا🤯
:زينب أنا..........
يتبع.............
_محمد المغربي