FLEX GYM

الاحد و الخميس من ٥ ل ٦.٥ م

ماشاءالله ❤️ بنوتى الشطوره ..
فرق ٣ شهور 🤩 انتظام فى التمرين.. وشوية فى الأكل يعنى بنعك بردو 😂😂
بس بطلت دلوقتى حرام بردو 😂
برافو ياقمر ومكملين ان شاءالله 🌺🥰

من بناتى الشطورات ❤️😍 ماشاءالله فرق ٤ شهور
مع انها مش ملتزمة اوى فى نظام الاكل وكتير بتعك 😂
بس طبعا مش بسيبها 😏 . . لو ملتزمة اوى فى الاكل كانت حتفرق اكتر كتير
بس ملتزمة فى التمرين جدا بصراحه 🤩 برافو حبيبتى ولسه مكملين طبعا أن شاءالله
C. Ronetta Sami

مطلوب مدربين فتره مسائيه من ٦م ل ١٢
التواصل واتس فقط
٠١٢٠٠٩٥١٢٢٧

من بناتى الشطورات فى الچيم
فرق shape ومقاسات حلو جدا ماشاءالله
برافو حبيبتى .. احنا كدة تمام وحنثبت كدة دايت 🩵😍
وطبعا مكملين تمرين ورياضة دى مالهاش علاقة ☺️😁
C. Rana

بنوتي الشطورة .. فرق شهر ماشاءالله واضح جدا فى المقاسات ..
الموضوع كان صعب شوية الحقيقة لأنها صغنونه فى السن جدا وبتحب الحلويات جدا جدا .. فكان مجهود اننا نتحكم فى النهم للحلويات ومجهود عالى فى أنها تقدر تتحرك وتعمل التمرين ..
بس الحمدلله حاليا الحركة بقت احسن كتير والسيطرة على الاكل والحلويات زادت🥰 .. بجد شطورة اوى وانا مبسوطة منك جدا ومكملين أن شاءالله 💪😍
C. Ronetta Sami

الفترة اللى فاتت كان فى reels كتير نازلة تريقة على البنات فى الجيم 😁
ان مثلا يدخل شاب بعد فترة البنات وكل ما يقعد على اى جهاز للضهر أو البنش أو اى جهاز بيخص تمرين الجزء الupper يلاقيه خفيف جدا يعنى البنات مش حاطين اوزان
ولما يدخل على اى جهاز للرجل أو الجزء ال lower عموما يلاقي اوزان عاليه اوى هو بنفسه مش قادر يشيلها 😁

هو للأسف ده صح وبيحصل
بس طبعا مش كل الناس يعنى مش حعمم
لكن فعلا فى بنات بتعمل كدة كتير إنها بتهتم بتمارين الرجل وتشيل فيه اوزان عاليه وتعمل تضخيم
ولما تيجى تمرن الجزء العلوي تلاقيها حاطه وزن خفيف اوى ومش قادرة فعلا تشيل وزن عالاقل يكون مناسب.. لانها اصلا مش مهتمه بيه
وده طبعا مش صح المفروض انى بلعب رياضة وبنزل الجيم عشان اظبط كل جسمى ويبقى كله قوى ومتناسق من حيث زيادة الكتلة العضلية فى الجسم كله ويبقى مرسوم ومظبوط كاني برسم لوحة بالظبط 🥰 وبعيد نحت وتنسيق القوام

مش تبقى ماشية نصها اللى تحت عضلات ومنحوت و قوى والنص اللى فوق هزيل وضعيف . حتى شكلا مش مقبول👎

بالظبط زى بعض الشباب .. بيهتم جدا بالجزء العلوى ويتمرن باي وتراى وبنش وضهر ويبقى perfect من فوق .. ويهمل تمرين ال legs .. وبردو يبقى من فوق عضلات قوية ومرسومه والجزء اللى تحت ضعيف ورفيع ومافيش عضلات
غلط جدا وشكل عام سئ وتفكير خاطئ

المفروض الجيم والرياضة عشان اهداف كتير
❤️أولها صحتك ... بتخليك اكتڤ وبتظبط كل حاجه فى جسمك قلبك ودورتك الدموية واعصابك وعقلك وتركيزك حتى هرمونات السعاده والاسترخاء بتفرز أثناء ممارستك للرياضة..
وعشان لما تكبر فى السن تكون صحتك كويسة وجسمك قوى ومايحصلش اصابات بامراض الشيخوخه المشهورة

💚ثانيا نفسيتك... بتغير مودك جدا للاحسن لانك بتخرج كل الطاقات السلبية من جواك فى التمرين وبتحس براحه ولو مضغوط ومتضايق بتخرج من الجيم مودك حلو جدا وزى ما قلنا لان الرياضة بتفرز هرمونات الاندروفين والدوبامين وبتخليك رايق وسعيد🥰

💛ثالثا.... بتعلى مرونتك ولياقتك وتخلى شكل جسمك متناسق ورشيق مافيش دهون زايده تخلى شكلك مش لطيف وغير متناسق وتلاقى مقاساتك فى الهدوم 😁
وشكلك يبقى اصغر من سنك 🥰 لان السمنه طبعا بتكبر الشكل جدا ولو انتى ٣٠ سنة مثلا يبقى شكلك ٤٠ أو اكتر
ده غير الامراض الكتير اللى بتسببها السمنة

أنا طولت جدا عليكم .. بس لو اتكلمنا على فوائد واهمية الرياضة مش حنخلص ..
المهم ان هدفك وتفكيرك مايكونش انك رايح الجيم تعمل عضلات وبس .. العضلات كدة كدة حتزيد بالتمارين سواء بنت أو شاب .. لكن المهم تخلى فى اعتبارك كل ما سبق وتهتم ببناء عضلات جسمك بالكامل ..
مش نص اه ونص لا 😂

دمتم بصحة ونشاط وسعاده دائما 🩷🥰
C. Ronetta Sami

الجيم مفتوح اليوم
من بعد صلاه الجمعه
ال الساعه ٣ ونص

المدرب هو نصف الرياضة.. فهو الوحيد الذي سيجعلك تعشق😍 الألم والتعب.. وهو الوحيد الذي قد يفعل اي شيئ من اجل ان يراك افضل واقوى من الآخرين💪💪
يستحقون الكثير من الحب والاحترام.. 🙏
لذلك شيئان لاتتردد بهما الالتزام بالرياضه والاستماع الى مدربك😚👍
كل الحب لمتدرباتي الجميلات❤️❤️❤️أحبكم في الله 🫀

🏋️‍♀️ 🏋️‍♀️ C. Rana

كتاكيتى الصغننين ❤️😍😍
فى كلاس الfitness ..
Love u all 🤟😘💖
FLEX GYM
أحد وثلاثاء وخميس للبنات
صباحا .. من ١١ ونص ل١٢ ونص

بكره الجمعه الجيم
فاتح من ٢ ل ٦م
ومن ٨ م ل ١٢

خاصه بفرع ميامى ( فرع العصافره اجازه ٣ ايام العيد ) و كل عام و انتم بخير

براڤووووو جدا جدا 🥰🥰
من بناتي الشطورين فى الچيم .. التزام فى التمرين والأكل ماشاءالله نزلت ١٠ كيلو 🩷🩷 وفرق جامد جدا فى المقاسات كلها
بالتوفيق ياحبيبتى ومكملين أن شاءالله 💪💪
C. Ronetta Sami

من الحاجات الجميلة اوى والصعبة اوى ..
انك تقدر تنجح مع طفل
خصوصا اذا كنت بتتحكم فى كمية اكله ومنع الحلويات الكتير والضغط عليه فى التمرين ..

حنين الجميلة الدكتور شخصها مقاومة انسولين ولازم تخس طبعا .. ومشكلة المقاومة بيكون فيها نزول الوزن صعب شوية عن الشخص العادى ومحتاج نظام اكل معين وتدريب

الحمد لله فى شهر ونص نزلت ٧ كيلو والفرق واضح جدا ماشاءالله وبالتالى مقاومة الأنسولين نسبتها قلت كتير وان شاءالله تختفى تماما 🥰
برافو حبيبتى حنين وان شاءالله تخفى خالص وتبقى قمر اكتر مانتى 🩷

اهم نقطة لاى كابتن أو مدرس او واى مهنه بتتعامل فيها مع طفل .. أنه اولا... يحبك ❤️ ويحب المكان اللى بيروحه .. حتقدر تاخد منه وتطلع منه كل اللى انت عايزه 😍😍
C. Rana 🩵

ابطال فيلكس جيم للجودو و كابتنهم محمود اباوه والاستعداد لموسم البطولات الجديد

التكريم المميز ل ا ٠ فاطمه