Aliyi Ahamad

barnoota guddaa if keeysaa qabdii dubbisi!

Bara tokko mootiin tokko namticha tokko hidhe. Gosti namticha hidhamee lafa guutanii dallansuu guddaan gara mana hidhaa dhufanii akka gadi dhiifamuuf gaafatan.

Mootichis : Sababni kana hunda rakkattaniif Inni maal keessani? Jedheen.

Gostiis: Inni hogganaa keenya jedhaniin. Mootiinis : Eega hogganaa keeysan tahe inni maaf ofitti cal'ise dura ?! jedheen.

Isaanis : gatii isaa ummanni isaa akka dhufee isinitti garsiisuuf ofiif dubbatuuf tuffate use " jedhaniin.

Achumaan mootiin namticha gadi lakkise.

Garuu dubbiin akka gosti jettee miti.
namtichi hogganaa isaanii osoo hin taane, tiksee re'ee isaaniiti!

Guyyoota muraasa booda Mootichi dubbii tana dhagahee xalayaa itti ergee:
Maaf akkas jettan? namtichi hidhamee ture tiksee re'eetii mitii ?!" Jedheen.

Ummatniis ; Yoo tiksee re'ee keenyaatiif ulfina hin qabaanne, akkamitti mootii keenyaaf ulfina qabaanna ?! Jedhaniin !!!

Ummatni tiksee re'eetiif akkana tahu, mootii fi hayyuu isaatiif akkam taha ?!

Ummatni beekaa fi hayyuu isaatiif gatii hin kennine: ummata guddinaa fi kabajaan maluu miti!

Ummatni kufaansaaf dhiyaate, hayyuu fii beekaa isaa kuffisa !

Ummanni beekaa fii hayyuu qabu ummata mataa qabuudha, ummanni beekaa fii hayyuu if keeysaa dhabe ummata mataa dhabeedha, ummanni mataa dhabe ummata jiruu dhabeedha!!

Jiruun if dhabanii wal dhabanii baduu mannaa lubbuu dhabanii baduu wayya!

Seenaa tana daawwitii godhannee keeysatti yoo if laalle gaariidha.

Wal wallaallee if wallaallee jiruun du'uun qaaniidha!!

Ummanni jaarame tiiysitee re'eeti mootii taasisa!
Ummanni jaarmeya dhabe mootii isaati tiiysitee re'ee hanqisa!

Nuti ummata wal guddisu moo ummata wal sslphisuudha?
If gaafachuun gaariidha, tan qabnu jabeeyfannee tan dhabne barbaaddachuun dansaadha!

Ani fixadhee naaf qalbeeyfadhaa, Osoo lubbuun jirtanii wal jabeeyfadhaa!!.......