አማረ መክብብ አሐዱ

የኢትዮጵያ ቤተ መዛግብትና ቤተ መጻሕፍት አገልግሎት (ወመዘክር) በመጪው ቅዳሜ የካቲት 16/2016 ዓ.ም 80ኛ አመት የምስረታ በአሉን ያከብራል።
አዲስ ያስገነባውን የቤተመዛግብት እና የቤተ መጽሃፍት አገልግሎት ህንጻ ምረቃዉን ያከናውናል።

አጠቃላይ በአንድ ሺህ አራት መቶ /1400 /ካሬ ሜትር ላይ ያረፈ ባለ 17 ወለል ሲሆን የመዛግብት ህንፃው የስነ- ጥበብ ሊቁ ሜትር አርቲስት አፈወርቅ ተክሌ በተቋሙ ውስጥ ለነበራቸው መስሪያ ቦታ መታሰቢያ ሊሆን የሚችል የስዕል ኤግዚቢሽን ስፍራን ጨምሮ በዋናነት ለመዛግብት ማከማቻ የሚያገለግል እንዲሁም በዘመናዊ ቴክኖሎጂ የታገዘና በተለይም ስለ ንባብ እና መዛግብት ለሚደረጉ ሁነቶች በሰፊው የሚውል አምስት መቶ /500/ ሰው መያዝ የሚችል አዳራሽ ያለዉ ነው፡፡

ይሄን ስራ ደከመኝ ሳትሉ ለዚህ ያበቃችሁ ጀግናዉ ወጣት ይኩኖአምላክ እና ባልደረቦቹ እንኳን ደስ አላችሁ እንኳን ለዚህ አበቃችሁ።

ለአፍሪካ አንድነትና ነፃነት ትልቅ አበርክቶ ከነበራቸው የአፍሪካ መሪዎች መካከል የቀድሞ የታንዛኒያ ፕሬዝዳንት የነበሩት ጁሊየስ ካምባራጌ ኔሬሬ መታሰቢያ ሀውልት ተመርቋል።

የመታሰቢያ ሐውልቱ በአፍሪካ ህብረት ውስጥ በሚገኘው የአፍሪካ ሰላምና ፀጥታ ፅ/ቤት ፊት ለፊት መገንባቱ ተጠቅሷል።

በሐውልቱ ምረቃ ላይ ጠቅላይ ሚኒስትር ዐቢይ አሕመድ (ዶ/ር)፣ የአፍሪካ ሕብረት ኮሚሽን ሊቀመንበር ሙሳ ፋኪ ማህማት፣ የአፍሪካ ሕብረት ሊቀመንበር መሐመድ ኦውልድ ጋዙዋኒ፣ የታንዛንያ ፕሬዚዳንት ሳሚያ ሱሉሁ ሀሰን እንዲሁም የተለያዩ የአፍሪካ ሀገራት መሪዎች፣ የቀጣናዊ ተቋማት የሥራ ኃላፊዎችና ሌሎች ጥሪ የተደረገላቸው እንግዶች ተገኝተዋል።

የጎርጎራ ፕሮጀክት ግንባታ ተጠናቀቀ

የገበታ ለሀገር ፕሮጀክት አንዱ አካል የሆነው የጎርጎራ ፕሮጀክት ግንባታው ሙሉ በሙሉ ተጠናቀቀ።

በጣና ሀይቅ ላይ የተገነባውን አንፊ ቴአትር ጨምሮ ሆቴሎች፣ ሪስቶራንቶች፣ የስፖርት ማዘውተሪያ ስፍራዎች እና ሌሎች አገልግሎት መስጫ ግንባታዎች ሙሉ በሙሉ ተጠናቀዋል።

ፕሮጀክቱ በባሕርዳር እና በጎንደር አካባቢዎች ያሉ የቱሪዝም መዳረሻዎችን በማስተሳሰር በኢትዮጵያ ተመራጭ ዓለም አቀፍ የቱሪዝም መዳረሻ ማድረግ የሚያስችል ነው።

የጎርጎራ ፕሮጀክት ግንባታ ማራኪ ገጽታና መልካም ምድር ባለው ቦታ እንዲሁም በጣና ሀይቅ ዳርቻ ላይ የተገነባ በመሆኑ በኢትዮጵያ ከሚገኙ የቱሪዝም መዳረሻዎች መካከል ቀዳሚ ያደርገዋል።

የጎርጎራ ፕሮጀክት በቅርቡ ተመርቆ አገልግሎት መስጠት ይጀምራል ተብሎ ይጠበቃል።

በኢትዮጵያ የመጀመሪያው እና ግዙፍ የተባለ የነዳጅ ዴፖ በድሬዳዋ ሊገነባ ነው

የኢትዮጵያ ነዳጅ አቅራቢ ድርጅት ለሀገሪቱ 14ኛዉንና ግዙፍ የተባለ የነዳጅ ዴፖ በድሬዳዋ ለመገንባት ለድሬዳዋ ከተማ አስተዳደር የካሳ ክፍያ መፈፀሙን ካፒታል ጋዜጣ ዘግቧል።

ይህ ትልቅ የነዳጅ ዴፖ በ16 ሺህ ካሬሜትር መሬት ላይ ያርፋል ተብሎ እንደሚጠበቅ የተገለፀ ሲሆን 300 ሚሊዮን ሊትር የመያዝ አቅም እንዳለዉና ፕሮጀክቱን ለመጀመር አስፈላጊው ቅድመ ዝግጅት መጠናቀቁን የኢትዮጵያ ነዳጅ አቅራቢ ድርጅት ዋና ስራ አስፈፃሚ እስመለዓለም ምህረቱ መግለፃቸውን ዘገባው ጠቅሷል።

በድሬዳዋ የሚገነባው ይህ ዴፖ በዋናነት ተግባሩ የ ኦፕሬሽንናል ስራዉን ማቀላጠፍ እንደሆነ የተገለፀ ሲሆን ከጅቡቲ የሚመጣዉ ነዳጅ እዛዉ እየተራገፈ ወደ ተለያዩ የሀገሪቱ ክፍሎች ማድረስ እንዲሁም ዴፖዉን እንደ እርጥብ ወደብ ለመጠቀም መታሰቡ ተጠቁሟል።

ኢትዮጵያ አሁን ያሏት አጠቃላይ የነዳጅ ዴፖ ብዛት 13 ሲሆን በድሬዳዋ የሚገነባው ግዙፉ የነዳጅ ዴፖ ለሀገሪቱ 14ኛ በመሆን ከ150 ሚሊዮን ዶላር በላይ አጠቃላይ ኢንቨስትመንት የሚደረግበት መሆኑ ነው የተገለፀው።

አስደሳች ዜና ለስራ ፈጣሪዎች !
https://t.me/+emuR_xneOa9lZmQ0
በኢትዮጵያ ከተባበሩት መንግስታት የልማት ፕሮግራም እና ከዓለም አቀፉ የጀርመን ተራድኦ ድርጅት (Private Sector Development - PSD-E) ጋር በመተባበር በአይነቱ ልዩ የሆነ የውድድር መርሃ ግብብር አዘጋጅቷል፡፡

መርሃ ግብሩ በሀገራችን በተለያዩ የተፈጥሮና ሰው ሰራሽ ችግሮች ምክንያት ጉዳት የደረሰባቸውን ኢንተርፕራይዞች ወደ መደበኛ ሥራቸው እንዲገቡ በዲጂታል ስነ-ምህዳሩ ላይ መፍትሄ አለን ለሚሉ ሥራ ፈጣሪዎች የሥልጠና፣ የምክር እና የተለያዩ አገልግሎቶችን ድጋፍ እንዲሁም የመነሻ ካፒታል ማግኘት የሚያስችል ነው፡፡

በዚህ መርሃ ግብር መሳተፍ የምትፈልጉ ከዚህ በታች በምታገኙት ማስፈንጠሪያ በመጠቀም መመዝገብ የምትችሉ መሆኑን እንገልፃለን፡፡

https://docs.google.com/.../1TLfYpyD_9nXKjeN-6Drin.../edit

Join group chat on Telegram

ከንቲባ አዳነች አቤቤ በጎንደር ከተማ የምገባ ማዕከል ግንባታ የመሰረት ድንጋይ አስቀመጡ

የአዲስ አበባ ከተማ አስተዳደር ከንቲባ አዳነች አቤቤ እና የሲዳማ ክልል ርዕሰ መስተዳድር ደስታ ሊዳሞ በጎንደር ከተማ የመመገቢያ ማዕከል የግንባታ የመሰረት ደንጋይ አስቀምጠዋል።

በመርሃግብሩ ላይ ከንቲባ አዳነች አቤቤ አዲስ አበባና ጎንደር በተለያዩ ዘርፎች በልምድም ሆነ በሀብት በጋራ እና በመተጋገዝ የሚሰሩ እህትማማች ከተሞች መሆናቸዉን ገልጸዋል፡፡

በአዲስ አበባ ከተማ በርካታ ሰው ተኮር ፕሮጀክቶች እየተሰሩ ነው ያሉት ከንቲባዋ ይህም በሌሎች የሀገሪቱ ከተሞች እንዲስፋፋ መንግስት በትኩረት እየሰራ ነው ብለዋል።

በጎንደር ከተማ የሚገነባው የምገባ ማዕከል ግንባታ እስኪጠናቀቅ የአዲስ አበባ ከተማ አስተዳደር ሙሉ ወጪውን እንደሚሸፍን ከንቲባዋ ጠቁመዋል።

የሲዳማ ክልል ርዕሰ መስተዳድር ደስታ ሌዳሞ በበኩላቸው አንድነትን በማጠናከር ለብዙ ችግረኞች መድረስ ተገቢ መሆኑን ጠቅሰው፤ ለፕሮጀክቱ ፍጻሜ የክልሉ መንግስት የ10 ሚሊዮን ብር ድጋፍ እንደሚያደርግ ቃል ገብተዋል።

የጎንደር ከተማ አስተዳደር ተቀዳሚ ምክትል ከንቲባ ባዩ አቡሃይ፤ ሰው ተኮር ፕሮጀክቶችን በስፋት በማከናወን የህብረተሰቡን ተጠቃሚነት ለማረጋገጥ እየተሰራ ነው ማለታቸውን የብልፅግና ፓርቲ ያገኘነው መረጃ ያመለክታል፡፡

የአስተሳሰብና የተግባር አንድነት ያለው አመራርና ተቋም ለብልጽግና ጉዞአችን !!"

የጉለሌ ክፍለ ከተማ አስተዳደር የ2016 ዓ.ም የ6 ወራት አፈፃፀም ግምገማ እና በሚከናወኑ ዋና ዋና የቀጣይ ትኩረት አቅጣጫ ላይ የውይይት መድረክ አካሂዷል።

አስተዳደሩ በበጀት ዓመቱ ባለፉት 6 ወራት በስኬት ያጠናቀቅናቸው ተግባራት ለእኛ ለቀጣይ ስራችን አቅም ናቸው፤ ያሉት የጉለሌ ክፍለ ከተማ ዋና ስራ አስፈፃሚ አቶ ወልዴ ወገሴ በቀጣይም በዕቅዳችን ውስጥ ያሉትንና በንቅናቄ የሚከናወኑ የስራ ዕድል ፈጣራ ስራችንን ፣ የከተማ ግብርና የሌማት ትሩፋት ስራችን፣ አገልሎት አሰጣጥና የመልካም አስተዳደር ስራዎች ለማሻሻል የተሰራው ስራ አበረታች መሆኑን ገልጸዋል።

ዋና ስራ አስፈጻሚው አክለውም ኑሮ ውድነት ከመቅረፍ አኳያ ሸማችን የማጠናከር የእሁድ ገበያዎች የማስፋት የተሰራው ስራ፣ የአመራሩንና የሰራተኛውን የመፈጸም አቅም ለማሳደግ የተሰጠው ስልጠና፣ በአገልግሎት አሰጣጥ የህዝብን አንገብጋቢ ጥያቄዎችን በመለየት የተግባር ምላሽ በመስጠት የተሰራው ስራ መልካም ነው ብለዋል።

የንግድ ቁጥጥር ስርዓት ማጠናከር፣ ህዝብን ያሳተፈ የልማት ስራዎችን መስራት፣ ቀጣይነት ያለው ህዝብን ያሳተፈ የፀጥታ ስራ መስራት፣ የፓርቲ መሪነትን የማረጋገጥ ተግባር ቀጣይ ትኩረት አድርገን ልንሰራ ይገባል ብለዋል።

የክፍለ ከተማው የዴሞክራሲ ስርዓት ግንባታ ማስተባበሪያ ጽ/ቤት ኃላፊ አቶ ይከበር ስማቸው በበኩላቸው ሁሉም አመራራር የህዝብ አገልጋይ በመሆኑ ሙሉ አቅሙንና ችሎታው በመጠቀም በተግባር ለውጥ በማምጣት ተገቢውን አገልግሎት በከፍተኛ ሞራልና ቁርጠኝነት መስጠት ይገባል ብለዋል ፡፡

በምንሰራቸው ተግባራት ለህብረተሰቡ ተጠቃሚነትና ጥያቄዎችን መመለስ ላይ ትኩረት ሰጥተን የምንሰራ ይሆናል ብለዋል፡፡

የክፍለ ከተማው ምክትል ዋና ስራ አስፈጻሚና የስራና ክህሎት ጽ/ቤት ኃላፊ አቶ ሰሎሞን ታደሰ በቀጣይ ቁልፍ ስራዎቻችን ላይ ማተኮር፣ የስራ ዕድል ፈጠራ ስራችን ቅብልነት ያለው እንዲሆን በትኩረት መስራት ፣ የአካባቢ ጸጋዎቻችንን በመለየት የሴቶችና ወጣቶች ተጠቃሚነትን ማረጋገጥ ባለድርሻ አካላትን ያሳተፈ ስራ መስራት ፣ የፓርቲ ስራዎች ታች ድረስ ማጠናከር ቀጣይ ትኩረት አድርገን ልንሰራ ይገባል ብለዋል።

አስተዳደሩ በቀጣይ የትኩረት አቅጠጫዎች በማድረግ የስራ ዕድል ፈጠራ፣አገልግሎትና መልካም አስተዳደር ፣የመንግስት ፕሮጀክት አፈጻጸም መከታተል ፣የመንግስት ቤቶች የማጥራት ፣ህገወጥነትን መከላከል፣የአካባቢ ልማትና በጎ አድራጎት ፣የውበት አረንጓዴ ልማት ስራ ፣ የጸጥታ ስራ ፣ የኑሮ ውድነት ማረጋጋት ፤ የህዝብ ግኑኘት ስራዎችን ማጠናከር በቀጣይ ተግባራት ተሰጥቷል፡፡

የስነ ምግባር ጥሰት በፈፀሙ አመራርና ሰራተኞች ላይ እርምጃ ተወሰደ

በ2016 በጀት ዓመት የመጀመሪያ ስድስት ወራት ውስጥ የተጠያቂነት ስርዓትን ለማስፈን ባከናወነው ስራ በ23 አመራርና ሰራተኞች ላይ የተለያዩ አስተዳደራዊ እርምጃዎች መውሰዱን አስታወቀ።

ተቋሙ በበጀት ዓመቱ የመጀመሪያ ስድስት ወራት ውስጥ ከደንበኞች ከቀረቡለት 63 ጥቆማዎች ውስጥ ተገቢውን የማጣርት ስራ በማከናወን በ23 አመራርና ሰራተኞች ላይ ከጽሑፍ ማስጠንቀቂያ እስከ ስንብት የሚደርስ አስተዳደራዊ እርምጃዎችን እንደወሰደ ነው ያመላከተው፡፡

በተጨማሪም የዲሲፕሊን ችግር በታየባቸው 409 ሠራተኞች ላይ የተለያዩ አስተዳደራዊ እርምጃዎችን የወሰደ ሲሆን በ106 ሠራተኞች ላይ የጽሑፍ ማስጠንቀቂያ፣ በ282 ሠራተኞች ላይ የደመወዝ ቅጣት፣ በ11 ሠራተኞች ላይ ስንብት እና በ10 ሠራተኞች ላይ ባደረገው ማጣራት ነጻ ብሏቸዋል፡፡

ተቋሙ ከአገልግሎት አሰጣጡ ጋር የተያያዙ ቅሬታዎችና ጥቆማዎችን ለመቀበል ከተዘረጉ የ905 እና 904 ነጻ የጥሪ ማዕከላት በተጨማሪ ደንበኞች ቅሬታቸውን ቀላልና ምቹ በሆነ መንገድ ማቅረብ የሚችሉበት ዘመናዊ የሙስና ጥቆማ መቀበያ ስርዓት ለመዘርጋት በሂደት ላይ መሆኑን ከአገንግሎቱ የተገኘው መረጃ አመላክቷል፡፡

።

በከተማዋ በህዝብ ትራንስፖርት የሚጠቀሙ ነዋሪዎች በስራ መግቢያ እና መውጫ ሰዓት እንዳይቸገሩ፣ መንገድ ላይ ጊዜያቸው እንዳይጠፋ፣ እንዲሁም በስራ ላይ የሚፈጠር ክፍተትን ለማስቀረት አዲስ አሰራር ማርቀቁን የትራንስፖርትና ሎጅስቲክስ ሚንስቴር አስታውቋል፡፡

በዚህም እቅድ መሰረት በስራ መግቢያ እና መውጫ ሰአቶች በተለየ ሁኔታ ለተወሰነ ሰዓት የግል ተሽከርካሪዎች እንዳይንቀሳቀሱ ለመገደብ ማቀዱን አስታውቋል።

ይህንንም በቅርብ ተግባራዊ እንደሚያደርግ የትራንስፖርት እና ሎጅስቲክስ ሚንስትሩ ዶ/ር ዓለሙ ስሜ ገልፀዋል፡፡

ሚንስትሩ ይህን የገለፁት ጥር 20 ቀን 2016 ዓ.ም በህዝብ ተወካዮች ም/ቤት ለከተማ መሰረተ ልማትና ትራንስፖርት ጉዳዮች ቋሚ ኮሚቴ የ6 ወር እቅድ አፈፃፀም ሪፖርትን ባቀረቡበት ወቅት ነው።

በሪፖርታቸውም በመዲናዋ በትራንስፖርት የሚሄደው ህዝብ አገልግሎቱን በአግባቡ የማያገኝበት፣ ባሰበበት ሰዓት የፈለገው ቦታ እንዳይደርስ የሚያደርጉ ሶስት ምክንያቶች መኖራቸውን ገልፀዋል።

እነዚህም የህዝብ ትራንስፖርት የተሽከርካሪ እጥረት፣ የመንገድ መዘጋጋት እንዲሁም የስምሪት እና የተሽከርካሪ ማናጅመት አለመዘመን መሆናቸውን ጠቁመዋል፡፡ ሚንስትሩ አክለውም ተቋማቸው በነዚህ ሶስት ጉዳዮች ላይ እየሰራ መሆኑን አስረድተዋል።

በተጨማሪም በስራ መውጫና መግቢያ ሰዓት የግል መኪና ተጠቃሚዎች የሚገደቡበት ሁኔታ ይፈጠራል ብለዋል። ይሄም የግል መኪና ተጠቃሚዎች ወደህዝብ የትራንስፖርት አማራጭ እንዲገቡ የማስገደድ ሁኔታ እንደሚኖርም ገልፀዋል።

ከዓድዋ ድል ጋር የተያያዙ ቅርሶች በዓድዋ ድል መታሰቢያ ሙዚየም እንዲቀመጡ ከንቲባ አዳነች አቤቤ ያቀረቡትን ጥሪ ተከትሎ የደቡብ ኢትዮጵያ ህዝቦች ክልላዊ መንግስት ተወካዮች በእጃቸው የሚገኙ ቅርሶችን ለከተማ አስተዳደሩ አስረክበዋል::

የከንቲባ ጽ/ቤትና የካቢኔ ጉዳዮች ኃላፊ አቶ ጥላሁን ወርቁ የከተማ አስተዳደሩ ያቀረበውን ጥሪ በመቀበል የደቡብ ኢትዮጵያ ህዝቦች ክልላዊ መንግስት ከተለያዩ ዞኖች ያሰባሰባቸውን ከዓድዋ ድል ጋር የተያያዙ ቅርሶችን ስላበረከቱ በከተማ አስተዳደሩ ስም ምስጋናቸውን አቅርበዋል::

ሌሎችም የነዚህን አርዓያ በመከተል ከዓድዋ ድል ጋር የተያያዙ ቅርሶች ትውልድ እንዲማርባቸው በዓድዋ ድል መታሰቢያ እንዲቀመጡ በእጃቸው የሚገኙ ቅርሶችን እንዲያበረክቱ ጥሪያቸውን አቅርበዋል::

የአዲስ አበባ ከተማ አስተዳደር የደንብ ማስከበር ባለስልጣን የ2016 በጀት አመት የስድስት ወር እቅድ አፈጻጸም ገምግሟል።

የባለስልጣኑ ዋና ስራ አስኪያጅ ሻለቃ ዘሪሁን ተፈራ እንዳሉት፤ ተቋሙ ባለፉት ስድስት ወራት በከተማዋ የሚከሰቱ የደንብ መተላለፎችን የመከላከልና የመቆጣጠር ስራ ሲሰራ ቆይቷል። በዚህም አመርቂ የሚባል ዉጤት ማየት ተችሏል።

በተለያዩ አካባቢዎች ከ56ሺ 300 በላይ ህገ ወጥ የጎዳና ላይ ነጋዴዎችን፣ 254 ሺ 255 ህገ ወጥ ማስታወቂያዎችን የለጠፉ፣ ሶስት ሺ700 ህገወጥ ግንባታዎችን ሲከዉኑ የተገኙ ሰዎች ላይ እርምጃ መዉሰድ መቻሉን አብራርተዋል

በእነዚህና በሌሎች ደንብ ጥሰቶች በተወሰደ እርምጃም ባለስልጣኑ ከ18 ሚሊዮን ብር በላይ መሰብሰቡን ስራ አስኪያጁ ገልጸዋል።

ወደ ጅቡቲ ለመጓዝ ሌላ አማራጭ ነው የተባለው የአሳይታ- አፋምቦ-ጅቡቲ ድንበር መንገድ ግንባታ ፕሮጀክት ዋና ዋና ስራው ተጠናቆ ለትራንስፖርት ክፍት ሆነ።

ወደ ጅቡቲ ለመጓዝ አገልግሎት በመስጠት ላይ ከሚገኘው የጋላፊ መስመር በተጨማሪ ለወደፊቱ ሌላ አማራጭ ሆኖ የሚያገለግለው የአሳይታ-አፋምቦ-ጅቡቲ ድንበር መንገድ ግንባታ ፕሮጀክት ተጠናቆ ለትራንስፖርት አገልግሎት ክፍት መሆኑን የኢትዮጵያ መንገዶች አስተዳደር አሳውቋል።

- የመንገዱን ግንባታ ለማከናወን የተመደበው 1,600,901,379 (አንድ ቢሊዮን ስድስት መቶ ሚሊዮን ዘጠኝ መቶ አንድ ሺህ ሶስት መቶ ሰባ ዘጠኝ ብር) ሙሉ ለሙሉ የተሸፈነው በኢትዮጵያ መንግስት ነው።

- የመንገዱ ርዝማኔ 50.34 ኪሎ ሜትር ነው። የጎን ስፋቱ ትከሻን ጨምሮ በገጠራማ ሥፍራዎች 10 ሜትር ፣ በወረዳ ከተሞች 19 ሜትር እና በዞን 21.5 ሜትር ስፋት አለዉ።

- ፕሮጀክቱ የ3 ድልድዮች ግንባታንም ባካተተ መልኩ ነው የተካሄደው።

- ግንባታውን ያካሄደው ሀገር በቀሉ የስራ ተቋራጭ አሰር ኮንስትራክሽን ኃላፊነቱ የተወሰነ የግል ማህበር ነው። የማማከርና የቁጥጥር ስራውን ደግሞ ይዲዲያ ኢንጅነሪንግ ኮንሰልታንትስ አከናውኗል።

#ጉለሌ

👉ጥቅምት 30/2002 ዓ.ም በአዲስ አበባ ከተማ አስተዳደር እና በአዲስ አበባ ዩኒቨርሲቲ የጋራ ጥምረት በአዋጅ ቁጥር18/2002 ተቋቋመ፡፡
👉 በሰባት መቶ አምስት ሄክታር ላይ አርፏል፡፡ 705 ሄክታር ማለት ከ705 የእግር ኳስ መጫወቻ ሜዳ ጋር እኩል እንደሆነ ልብ ብለዋል?
👉በስፋቱ ከአፍሪካ የመጀመሪያው ነው፡፡
👉የመልከዓ ምድሩ አቀማመጥ የተለያ አይነት ለዕፅዋት ማዕከልነት ተመራጭ ያደርገዋል፡፡በዚህም የዕፅዋት ማዕከሉ ከ2567 ሜትር አስከ 2918 ሜትር ከባህር ጠለል በላይ ዝቅተኛና ከፍተኛ ሥፍራዎችን ይዟል፡፡
👉 አራት ዋና ዋና ዓላማዎች ለማሳካት እየሰራ የሚገኝ ተቋም ነው፡፡እነሱም
1 የዕፅዋት ምርምር
2 እንክብካቤና ጥበቃ
3 የብዛ ህይወት ትምህርት
4 ኢኮቱሪዝም ናቸው፡፡
👉እ.ኤ.አ በ2018 ከአለም አቀፉ የዕፅዋት ማዕከላት ማህበር BGCI (Botanic Garden conservation International) ዕውቅና በማግኘት አባል ሆኗል፡፡
👉የዕፅዋት ማዕከሉ በሰሜን ምዕራብ አዲስ አበባ ጎጃም በር በጉለሌ ክፍለ ከተማ ሲገኝ ዋና መግቢያ ደቡብ በር ሸጎሌ ቀለበት መንገድ አደባባይ ፊትለፊት ይገኛል፡፡