Ukmrpr (2024)

06/11/2024

[大獲全勝💯]

事實證明，博彩公司既賠率係非常準🤭🤣

所謂民調😅

#侵侵
#入主白宮
#今次連搖擺賓州都唔使

05/11/2024

[誰主白宮?!🤲]

最快今晚就會有結果，七個搖擺州既選舉人票將會決定邊個入主白宮。

部分搖擺州好似Pennsylvania既各個票站，都出現過百人龍投票，連岩岩過18歲既候生仔都出黎投票，情況對比過往罕見，因為以往選舉好多共和黨人除左郵寄選票之外，未投既好少會出黎投票，多人投票對共和黨係好事。

侵侵已經係自己社交媒體Truth警告Philadelphia有龐大選舉舞弊，另一邊廂卡米拉就話選舉目前民主黨係領先。

鹿死誰手，好快有答案，主流媒體靠左既都報導卡米拉領先既消息，相反KOL或者民間一d媒體就報導侵侵既正面消息，好似一個平行時空咁。😟

大家放完煙花睇美國大選，精彩過任何賽事 😆

#叮噹馬頭
#你又想邊個入主白宮

05/11/2024

[呢套野真係好癲 🤯]

筆者唔係追開劇既個d人，黑白大廚係聽人講好睇然後求其按左中間 "便利店敗部復活戰" 無心插柳睇到，點知一睇就停唔到，非常緊湊，甚至有一刻係覺得睇緊魷魚遊戲。😟

點解咁講?! 事關去到last第二round既決戰前夕 - 無限料理地獄，要黑匙白匙廚師，限時限刻限食材去鬥，連煮五至六道菜，每道菜仲要指定做豆腐，每道菜只得30分鐘去準備 🫨 成件事超癲!!

如果你叫筆者每30分鐘要寫唔同類型文章每篇3000字仲要同其他人鬥文采、鬥創意、鬥風格，仲要鬥五至六輪先可以脫穎而出，筆者會形容自己參加左魷魚遊戲 🤣

只要出錯少少，你之前既心機全部白費!! 即係過五關斬六將黎到呢關先至因為小小野仲要係因為整豆腐而被人淘汰，比著你，會唔會甘心?! 🥹😆

但Edward Lee既呢個回合既六道菜式，真係超變態!! 起承轉合，有冷湯、前菜、主菜、甜品、甚至係扮雞脾但其實係豆腐既分子料理，令人驚嘆佢腦海入面真係超多貨! 仲要用巧手整哂出黎! 仲要超好味! 仲要比所有對手都好味!! 仲要夾埋根本係一個完整既menu! 令筆者諗起曾經去京都食過既全豆腐宴，超級好味，令人驚豔!😋

佢完成最尾一道菜勝出個刻，筆者認為係成個節目既高潮位，之後係點已經唔重要，因為你要一個廚師可以做到咁既功架，真係極之不容易，唔好忘記佢仲要係岩岩由美國飛去南韓有時差咁去比賽，好難想像當時年紀唔細既佢係點拍呢個節目 😆基本上話用燃燒生命去錄節目都不為過。

及後最尾決賽雖然輸左比意大利仔，但筆者認為佢已經係韓國人以及睇黑白大廚既人心中勇奪左寶座，曾經係美國 "鐵人料理" 比賽攞冠軍既佢堅唔係流。🥸

總結埋佢前兩三集作為總廚帶隊搞餐廳煮野食比KOL食鬥高營業額、又有一集係叫左勁多觀眾大概100個左右黎試食黑白廚整既野食佢都勝出，就知道呢個人實力深不可測、精益求精，不斷超越自己成就更完美既自己。

黑白大廚，作為一個飲食節目，可以透過設立唔同關卡，帶出唔同廚師真實生活以及奮鬥既故事，引人共鳴，令人一再回味。🥺

#超級熱血
#真係好癲
#黑白大廚

#半夜都仲比賽緊
#使唔使鬥到咁
#白種元黎過香港食面幾搞笑

05/11/2024

[英國人最鐘意點乜野外賣? 🤔]

差雞飯、雞蛋仔、譚仔呢d可能係香港最多人叫既外賣，咁英國呢? 😋

Deliveroo 最新公佈左頭二十大外賣熱賣榜! 發覺雞翼、pizza、酒同沙律係最受歡迎! 🤣

第一位竟然係wingstop既雞翼! 筆者都食過，係幾惹味架! 但無諗過竟然係第一位 😆

第二位係SP Caesar既凱撒沙律，以及第三位既atis 雞肉沙律，都係位處倫敦。

最搞笑係某d地方嗌既外賣係有一樣特色野，例如肯特 (Kent)外賣買香檳係特別多; 住倫敦既人就鐘意嗌橄欖同松露暑片; Brighton 就鐘意買oat milk; 劍橋就對比其他地方買得多避孕套。其實件事都幾make sense，風景靚、人傑地靈、個地方又舒服，自然會諗愛愛既事情 🤣

大家有興趣可以睇埋其他上榜野食有乜揀，pad thai 同芝士漢堡都係正既，但其他... 好似帶出一個訊息 - 英國真係無乜好食，自己煮最好食 🤣 又或者比到貴一貴，倫敦都係大把選擇，不過唔係外賣，係堂食~

#問你死未

#美食沙漠
#比得起錢倫敦其實都大把野食

05/11/2024

[Voxi Drop 😁]

Voxi既朋友，記得去自己account度claim code啦~

今期係under eye treatment 同facial gel 🤩 之前筆者收過gruum 既薰衣草寧神rolling pen同噴霧已經好開心，今次竟然有呢個 🥰

----------------------------
想黎緊一齊玩? Join Voxi轉會而家d plan仲有3倍data! 講緊300GB! 一個月每日可以用10GB數據! 仲要Social media + youtube睇片唔計流量，唔怪得有d師兄連寬頻都取消埋，一張sim卡走天涯 🤑

用留言既referral link 仲有giftcard 獎比你，可以揀amazon voucher/just eat/paypal cash，簡單講即係頭一個月月費free比你！

利申: 筆者大曼城搬過3次Voxi都收爆仲要訊號超穩定，而家仲有5G! (筆者住過hazel grove / salford / warrington)

05/11/2024

[全球關注🤞]

侵侵上次2016勝出，第二日已經公佈到，但上次拜登贏，就足足用左兩日時間先公佈勝選。😉

筆者會形容今次美國選舉基本上係會影響全球，無論政治或者經濟甚至安全都係超級大既影響。🫣 如果賀錦麗贏，話美國玩完可能嚴重左，但可以肯定美國影響力係全球影響力一定大減。

如果侵侵咁都唔贏，筆者真係無野講，只能話美國選民盲左，或者我會形容美國已經唔再係以前既美國。東方呢邊既局勢一定有好大既變化，某國虎視眈眈，一定趁你病攞你命，只有侵侵上台先有機會改變現時戰火處處既局面，諗遠d筆者甚至覺得會加快工黨落台。

香港人既命運都係一線牽。🤠

#叮噹馬頭
#各個階層各個企業都關注既選舉
#特朗普
#賀錦麗
#川普

博彩公司認為侵贏既比率係59% vs 賀錦麗既41%。

*筆者會好似英國財政預算案咁實時跟進，請密切留意。

04/11/2024

[璀璨奪目😉]

今晚同聽晚bonfire night，唔落雨多雲吹微風氣溫又ok，聽晚諗住去睇煙花既朋友應該會幾舒服。筆者回想過往兩年，都係大雨收場，最後變成落湯雞。🐔

如果有活動煙花通常7點至8點放，大家記得check時間，想自己放又得，可以放到午夜12點。😆聽晚其實好難早訓，因為周圍都澎澎聲。

筆者去過曼城 / 利物浦 / Blackpool既Bonfire night，想像到如果好天觀賞心情會靚好多 😁🤣

#射錢上天
#璀璨耀眼
#一年一度
#留下美好回憶

04/11/2024

04/11/2024

[加完私校加大學學費😵‍💫]

岩岩工黨財政預算加完私校20%VAT，引起超過1000間私校聯署反對，並訴諸法律訴訟，理據係人民應該有更多選擇教育既權利，因為現時除左state school，家長係無其他渠道比學生接受另類教育，簡單講，名符其實左鬥左，場戲好睇啦~ 😉

最新patpat癢，黎緊諗住加大學學費，為8年黎首次。工黨政府預計下個秋天公佈加價方案，由cap位9250鎊加到9535鎊。工黨曾揚言學費應該取消，獲一眾市民歡呼叫好。現實是，同美國民主黨話會管制邊境一樣，吹水唔抹嘴，做更衰既野壓搾人民，加學費! (美國邊境更加唔使講，三藩市同加州已淪陷。)

下次你見到白頭佬笑笑口，右手張開表示歡迎減免學費，左手其實渣住把刀諗緊點樣插多你一鑊。😈

#睇睇佢會違反幾多競選諾言先
#信佢一成雙目失明

#八年加一獲都正路
#但佢之前話減免個下搞笑

03/11/2024

[完了吧，如無意外?! 😱]

經專材途徑岩岩移居香城既英國snooker王奧蘇利雲，黎緊有場榮譽之戰!!

成功移居之後當然要打響頭炮，不過咪住! 主辦係咪靠害 😱 見完面已經預示左賽果 😨 火箭好慘🥶

#成龍死亡魔咒佢知唔知
#翻查紀錄好似全部出哂事
#祝福定靠害 🤣
#唔渣手可能還好
#但渣左
#仲要渣左幾次

03/11/2024

[肥彭獲旭日大綬章😁]

講起肥彭，大家一定諗起佢落街食蛋撻，如果講為香港人著想既事，真係寫成日都未必寫得哂。如果有睇佢本香港日記，相信知得更多。😉

一個人，係 "千古罪人" 定 "為市民著想" ，唔使等後人評論，而家既人既反應已經反映到，最新肥彭仲要因為過往致力推動英日友好同文化交流，獲頒最高級既旭日大綬章。😯

共同網及《產經新聞》報道，現年80歲、在7月底卸任牛津大學校長的肥彭表示，對授勳感到非常榮幸，形容日本一直是自己人生的重要部份。彭定康提到，自己年輕擔任國會議員時曾多次訪日，並在2009年起擔任「高松宮殿下記念世界文化賞」的國際顧問，指日本是美國以外踏足次數最多的國家。除左彭定康，日裔既美國國安局局長兼網戰司令部司令仲宗根（Paul Nakasone）同樣獲頒旭日大綬章。

--------------------

早前，肥彭除左致涵滙豐同渣打之外，亦有向英國財政大臣及外交大臣反映，呼籲英國政府採取行動協助移英港人取回強積金。🫡

#一直都做緊野
#估唔到英日方面肥彭都咁多貢獻
#筆者想講日本都係筆者人生重要既一部分🤣
#肥彭黎講筆者最深刻反而係玫瑰園計劃
#長遠發展既目光

03/11/2024

[成個冬天延遲左? 🤔]

英國天氣預報黎緊去到11月中就會急速降溫，講緊10度以下。以往，通常11月頭就已經橫風橫雨好凍，今年都幾反常，有高壓脊所以到而家依然有唔落雨既日子，但唔係晴天，灰灰曚曚咁。🧐 冬天彷彿延遲左，真正冬天變左1-4月。

英國呢邊成日講netzero，但依家不斷postpone個target，其實講乜都無用，你睇下某國日日外賣一個order都幾個膠袋，除非有革命性既科技演進可以回收呢類有食物殘渣既膠袋循環再用，否則環保只係比各派別人士用黎cap水既偽命題。😉

雖然筆者唔支持電車，但超級支持鋼鐵人既自動駕駛，講緊最快下年就正式路面玩，就算唔係下年，都會係下下年，人類未來點都要學識駕駑AI以及同AI共存。🥸

#11月成日有雪玩
#10度以下又來了
#富士山到而家都未有初冠雪
#聽講香城環保團體又推緊垃圾徵費
🤣

03/11/2024

[有無想撞佢既衝動?😆]

莫非係何太專車...😳

但又唔似，正常應該係 “禾”，唔會用 “我”🤔

#星期日趣聞

英國好興黏

"max speed already, black box fitted"

"just married"

"this driver is trying his best"

"when you see me, you are too closed"

🤣

你仲見過乜野搞笑貼紙？😏

02/11/2024

[煙火的季節🎆]

掃完貨好happy? 仲有煙花等緊你😁

寒寒地嘆住杯熱朱古力，睇埋煙火表演係賞心樂事☺️😘

大家準備好黎緊bonfire night未? 😆

#下個月就放假
#衝埋今個月爆起業績
#掃
#不停掃
#貨😆

02/11/2024

[10月電煤單係幾多?! 😳]

踏入11月明顯凍左，但又未係話好凍，為左令老婆阿囡舒適d筆者已開哂暖氣同暖風機等等。😇

早前，每個月都有同大家分享用左octopus後既電煤費，今個月都唔例外分享返10月既用量同費用，盛惠98鎊 (電費係34鎊、煤費係31鎊，standing charge兩個夾埋33鎊)，對比年幾前筆者用edf同期比較，慳大概30-40鎊左右，大概7折左右。🥰

背景係三人家庭，細半獨立屋、epc C、浸多左bath、每日太太有係廳及房開暖風機，無就住就住，鐘意開就開，筆者work from home。😉

有其他讀者有電車用電車plan，慳得更多，亦有讀者用agile，可以避開下午4點至晚上9點用電，慳更多。筆者唔想太太阿囡就住，所以繼續用tracker plan，希望分享對大家有幫助。😁

#但依然總計帳單全城最平

之前筆者有拍片講點解用octopus，鐘意既朋友可以睇返。

02/11/2024

更新: 政府要改例唔會咁求其，所以大家可以繼續依照返原有辦法申請永居同入藉。

===============

[BNO可以豁免Life in the uk test及英文試?!😳]

英國政府回應左早前有關BNO既一個有一萬鬆d人數既petition，當中提及BNO可以豁免考英文試以及life in the uk test，黎去永居及入藉。

筆者覺得政府既回應渠道有d得意，因為佢係回應petition，並唔係寫係正式文件度，有機會係英式辦事搞錯左，大家可能要等多一等先知事情真相，唔好胡亂猜測住。

大家係度住左幾年，都知道政府都可以出錯，但如果係真都幾好，對好多英文麻麻既朋友係好消息。

#大家要比多少少耐性
#英國國藉法

利申: 筆者兩樣都已經搞哂，你係英國生活，呢兩樣野其實都係基本野黎。

02/11/2024

[失去左先知你既好 😅]

3年黎第一次保守黨民調反超萬惡工黨，以29%稍微超前工黨既28%。

歷史總在重演，肥波走左先知肥波好，用派對門事件整走左肥波搞到保守黨無左個有遠見既人。同樣，工黨公佈完個財政預算案，聲稱增長係英國首要目標，點知樣樣措施都係壓制你增長。😵‍💫

大大增加私人企業成本已經係壓制增長既元兇，玩死企業即係玩死人民，睇黎唔少英國人都開始反思自己當初投左個咩黨 🥹

有錢佬走佬離開英國、調升離境稅Ryanair 將會減少數千班航班相等於5百萬個座位、農夫硬食遺產稅... 輸家不能盡錄。

業主 - 比多d stamp duty (第二個物業比5%) - 影響租務市場少左選擇個價又升下先
投資者 - 資本增值稅稅大幅增加
私校 - 20% VAT
Non-dom - 燒埋你同我 😤

表面上整哂所有資本家，但惡果係最尾影響最深既係市民，咁既操作令你諗起咩? 😉

#返唔到轉頭
#等睇第二波反工黨潮
#幾時再大選
#改革黨已經睇緊幾時上位
#人類總是重複犯錯

01/11/2024

[英超大戰🤪]

呢邊廂紅魔鬼撬走士砵亭教練艾摩希望重振球隊引起全球關注，香城原來都上演緊英超大戰。😁

邊個英邊個超相信唔使多介紹，明日大嶼事在必行係國策黎架噃，呢鑊真係撐超超，英英睇黎真係好多貨，但點夠城管黎😏 你懂的，英英真係要了解多少少國情。

話時話，如果兩位隻抽，應該可以令全港市民齊歡呼留港消費😆但賠率就可能有d難揣摩🤔

#唔使開火啦
#上頭叫到
#點都要開波
🤣

01/11/2024

[究竟私校可以做d乜？🤔]

相信大家都領教過呢度local既state school，衞生情況，管理質素以及學生質素黎講部分的確存疑，亦都明白呢度既私校有價有市有需求，起碼家長都會有d質素先。😇

工黨最新預算案話對私校學費加VAT，多達1400間私校投票反對呢個措施，仲話會法律起訴政府。😯

究竟佢地除左拖延之外有咩板斧可以對抗萬惡工黨?🤔 有錢佬對有牌賊匪，花生即時升價😋

#掀起反工黨浪潮
#第一波

01/11/2024

[英國唔同歲數既人工薪酬中位數係幾多? 🤔]

早前，筆者就同大家講過英國既人工中位數係稅前35000鎊。可能會有人好奇，究竟最新唔同歲數既人工中位數又係幾多? 睇下面。

Age:
18-21: £22,932
22-29: £30,316
30-39: £37,544
40-49: £40,040
50-59: £37,804
60+: £33,852

當然，唔同地區都會有唔同pay，倫敦pay多d，其他地區pay少d係正路，但你如果倫敦生活物價當然就相對其他地區高，筆者甚至覺得高過香城。🥶

基於英國份人工基本上稅後真係大打折扣，之前講過就算年薪一球，稅後查實得返一半，所以呢度係好多人玩公司。😄

英國好多family business已經係公開既秘密，避開4成個人入息稅收、可以扣開支、最多只係比25%公司稅 (適用於盈利多過25萬鎊既公司，如果盈利少於5萬鎊只係19%公司稅)，大家見好多youtuber拍片搵外快，查實都可能係開左公司玩。😉

英國創造多元收入係好常見既事，否則單單依賴人工比通漲蠶食，又扣稅，就難搞。另外，如果壇生意可以收cash，更有彈性處理稅務。

過到黎做野，work life balance左，工餘有時間真係可以開創下屬於自己既事業，將興趣變做專業，自己開心之餘，更多香港人可以展現一技之長，惠及香港人社區。🥰

#人工中位數
#開公司搵外快
#家庭生意

31/10/2024

[嘩鬼出動😆]

今晚唔志在攞糖，但志在睇人地d化妝😁

最正係天晴😇🤣

31/10/2024

[血併大減價🤑]

你以為仲要等black friday? 而家早到halloween已經大減價，聽日踏入11月更加係各大商家開始大減價，務求令人先消費😆因為錢洗左就要再等下個月payday，起碼對local黎講係咁解。

今日各大outlet已經率先減，講緊outlet價再8折🤯 平到hihi，現場都見唔少香港人😁

今日收獲頗豐，patreon朋友亦早已通知飲左頭啖湯，堅係射波都要黎掃貨🤣

#血併
#越黎越早
#人山人海
#好似唔洗錢咁

31/10/2024

[最嚇人halloween扮相?🤔]

仲諗緊今晚扮乜好？呢度有最佳參考😏😉

#攞你命3000
#無得洗眼個下弊
#你估葉劉會扮乜

30/10/2024

[別讓+×跑了!]

誠哥一出手，便知有沒有! 同區全部冧檔是常識吧😆

btw，可能好快有6.4折😉

點解筆者知？佢之前東莞個盤5折，香城港島南blue coast都7折😏

#一定唔使等8年9年
#全面撤出
#個價仲平過二手樓
#北京朝陽區東四環

30/10/2024

[倫敦錄首宗猴痘變種個案]

患者曾經去非洲渡假，10月21號返英國，24號身體出現紅疹，隨即27號就醫，早前居家隔離，後往Royal Free 醫院高傳染疾病中心治理。

患者曾接觸少於10人，當局正追踪有關人士。

𤠣痘可透過親密接觸傳播，患者全身會長出痘狀特徵，頗嚇人。出門回家記得勤洗手消毒先做其他野。

#𤠣痘

Ukmrpr

Videos (show all)

Contact the business

Telephone

Website