David Simonia • დავით სიმონია

2024 წლის თებერვლის თვეში გავმართეთ ერთობლივი შეხვედრა აჭარისა და იმერეთის რეგიონში მცხოვრებ პარალეგალებთან.

შეხვედრაზე პარალეგალებს გავაცანით სამომავლო გეგმები და განსახორციელებელი აქტივობები. ასევე, მათ გადაეცათ 5-9 თებერვალს გამართულ ტრენინგში მონაწილების დამადასტურებელი სერტიფიკატები.

იურიდიული დახმარების სამსახური / Legal Aid Service - ს USAID Rule of Law Program I USAID სამართლის უზენაესობის პროგრამა - ის მხარდაჭერით უკვე 70 მოქმედი პარალეგალი ჰყავს. ისინი უკვე გადამზადდნენ ადგილობირივი მოსახლეობისთვის მნიშვნელოვან სამართლებრივ საკითხებზე და აქტიურად ახორციელებენ შეხვედრებს. მხოლოდ 2023 წლის განმავლობაში, საზოგადოების ცნობიერების ამაღლებისა და მართლმსაჯულებაზე ხელმისაწვდომობის გაზრდის მიზნით, განხორციელდა 47 აქტივობა. აღნიშნული შეხვედრები 2024 წელსაც აქტიურად განხორციელდება.

2024 წლის 5 თებერვლიდან 9 თებერვლის ჩათვლით პარალეგალებისთვის გაიმართა ტრენინგი სახელწოდებით - „ეფექტური კომუნიკაცია“.
ტრენინგი განხორციელდა 2 ნაკადად, იმერეთისა და აჭარის რეგიონის პარალეგალებისთვის.

ტრენინგს უძღვებოდა დარგის ექსპერტი - ვლადიმერ მკერვალიშვილი. გარდა თეორიული ნაწილისა ტრენინგის ბოლოს პარალეგალებმა ჩაატარეს საჩვენებელი ტრენინგები, რომელსაც სამომავლოდ ადგილობრივ მოსახლეობასა და სკოლის მოსწავლეებთან შეხვედრისას წარადგენენ.

შეგახსენებთ, რომ პროექტი „პარალეგალი“ ერთ წელზე მეტია აქტიურად მიმდინარეობს და იგი ხორციელდება, მოძრაობა - „ვაქციოთ კანონი ყველასთვის ხელმისაწვდომის ფარგლებში“.

მადლობას ვუხდით Rule of Law Program I USAID სამართლის უზენაესობის პროგრამა - ს პროექტის დაფინანსებისა და მნიშვნელოვანი მხარდაჭერისათვის.

ვუსამძიმრებ დასავლეთ საქართველოში სტიქიის შედეგად დაღუპულთა ოჯახის წევრებსა და ახლობლებს.

ვიმედოვნებ, რომ მაშველების დაუღალავი შრომის შედეგად დაკარგული ადამიანები მალე უვნებლები დაუბრუნდებიან თავიანთ ოჯახებს.

✍️ 6 თებერვალს, სსიპ იურიდიული დახმარების სამსახურსა და ააიპ საქართველოს საზოგადოებრივ საქმეთა ინსტიტუტს (GIPA) შორის ურთიერთთანამშრომლობის მემორანდუმი გაფორმდა.

👉 მხარეები შევთანხმდით, რომ იურიდიული დახმარების სამსახურის კლინიკის პროგრამის ფარგლებში, სამართლის ფაკულტეტის სტუდენტები გაივლიან როგორც თეორიულ, ასევე პრაქტიკულ სწავლებას საზოგადოებრივი ადვოკატების დახმარებით.

2024 წლის 19 იანვარს, სსიპ იურიდიული დახმარების სამსახურის 2023 წლის ანგარიშის წარდგენა და წარმატებული ადვოკატების დაჯილდოების ცერემონია გაიმართა.

დამსწრე საზოგადოებას მივაწოდეთ ინფორმაცია, 2023 წელს წარმატებით განხორციელებული აქტივობების, პროექტებისა და ღონისძიებების შესახებ.

შეხვედრას ესწრებოდნენ და დამსწრე საზოგადოებას სიტყვით მიმართეს: იურიდიული დახმარების სამსახურის ყოფილმა დირექტორმა, სსიპ ანტიკორუფციული ბიუროს უფროსმა - რაჟდენ კუპრაშვილმა; საქართველოს ადვოკატთა ასოციაციის თავმჯდომარემ - დავით ასათიანმა; იურიდიული დახმარების სამსახურის საბჭოს წევრმა - რამაზ ჩინჩალაძემ და საქართველოში მოქმედი საერთაშორისო ორგანიზაციების წარმომადგენლებმა (USAID/EWMI; OHCHR; UNHCR), რომელთაც დიდი წვლილი მიუძღვით იურიდიული დახმარების სამსახურის რეფორმების მხარდაჭერაში.

შეხვედრის ბოლოს, დონორ და პარტნიორ ორგანიზაციებს გადაეცათ სპეციალური მადლობის სიგელები.

გილოცავთ შობა-ახალ წელს და გისურვებთ თქვენი მიზნების წარმატებით ასრულებას ახალ 2024 წელს !

მიმდინარე წლის 21 დეკემბერს, ახალციხეში, გაიმართა შეხვედრა სახელწოდებით - „ ადამიანის უფლებების დაცვის გაძლიერება ადგილობრივ დონეზე“.

შეხვედრა გახსნა USAID სამართლის უზენაესობის პროგრამის ხელმძღვანელმა - გიორგი ჩხეიძემ.

იურიდიული დახმარების სამსახურის დირექტორის მოადგილემ - ლევან გვენეტაძემ, მონაწილეებს გააცნო სამსახურის შესახებ დეტალური ინფორმაცია. ასევე, სასწავლო ცენტრის უფროსმა - მარიამ ბურკაძემ, დამსწრე საზოგადოებას წარუდგინა პროექტ „პარალეგალის“ ფარგელბში განხორციელებული აქტივობები, რომელიც ერთ წელზე მეტია წარმატებით მიმდინარეობს ბათუმსა და ქუთაისში, ხოლო მომდევნო წლიდან აღნიშნული პროექტი ახალციხეშიც განხორციელდება.

შეხვედრის მიმდინარეობისას USAID სამართლის უზენაესობის პროგრამის საზოგადოებაზე ორიენტირებული მართლმსაჯულების მრჩეველმა - თიმ ბუნიავეცმა, წარადგინა მოხსენება თემაზე - „მართლმსაჯულებაზე ხელმისაწვდომობის გაუმჯობესება საზოგადოებაზე ორიენტირებული მართლმსაჯულების დანერგვის გზით“.

ღონისძიებაში მონაწილობას იღებდნენ ადგილობრივი იურიდიული დახმარების სამსახურის, სასამართლო სისტემის, ადვოკატთა კორპუსისა და სხვადასხვა ორგანიზაციების წარმომადგენლები. შეხვედრის ბოლოს წარიმართა დისკუსია, რომელსაც მოდერირებას უწევდა USAID სამართლის უზენაესობის პროგრამის მრჩეველი სამართლის უზენაესობის საკითხებში - ირინა ლორთქიფანიძე.

მადლობას ვუხდით USAID Rule of Law Program I USAID სამართლის უზენაესობის პროგრამა - ს მნიშვნელოვანი მხარდაჭერისა და თანამშრომლობისთვის.

მიმდინარე წლის 12 დეკემბერს, გაიმართა დახურვის ცერემონია ევროპის საბჭოს პროექტის - „იურიდიული დახმარების სერვისებზე ხელმისაწვდომობის გაუმჯობესება მარგინალიზირებული მოსახლეობისთვის“.

ღონისძიება გახსნეს და მონაწილეებს მისასალმებელი სიტყვით მიმართეს - გიორგი გიორგაძემ - ევროპის საბჭოს საქართველოს ოფისის პროექტის უფროსი ოფიცერი; ნატალია ვუტოვამ - ევროპის საბჭოს საქართველოს ოფისის ხელმძღვანელმა; ფრედერიკ დოლტმა - ადამიანის უფლებათა, მართლმსაჯულებისა და სამართლებრივი თანამშრომლობის სტანდარტების დანერგვის დეპარტამენტის უფროსმა და ადამიანის უფლებათა და კანონის უზენაესობის დირექტორმა; მიხეილ სარჯველაძემ - საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე. ირაკლი ყანდაშვილმა - მედიატორთა სოციაციის თავმჯდომარემ.

დამსწრე საზოგადოებას პროექტის შედეგების შესახებ დეტალური ინფორმაცია მიაწოდა იურიდიული დახმარების სამსახურის დირექტორის პირველმა მოადგილემ ნინო მელაძემ.

ღონისძიების ბოლოს გაიმართა HELP-ის პროგრამის წარმატებული კურსდამთავრებულების დაჯილდოვება. შეგახსენებთ, HELP გახლვათ ელექტრონული სწავლების პლატფორმა, რომელშიც იურიდიული დახმარების 23 თანამშრომელი სამი თვის განმავლობაში ინტენსიურად გადიოდა სწავლებას თემაზე - „სიძულვილის ენა და სიძულვილით მოტივირებული დანაშაულები“.

მადლობას ვუხდი ევროპის საბჭოს მიმდინარე პროექტის ფარგლებში მნიშვნელოვანი მხარდაჭერისთვის.

🇬🇪🇪🇺 საქართველოს მიენიჭა ევროკავშირის კანდიდატის სტატუსი!

🇬🇪🇪🇺 Georgia Granted EU Candidate Status

👏 ადამიანის უფლებათა დაცვის საერთაშორისო დღე !

მიმდინარე წლის, 4 დეკემბერს, ხელვაჩაურის მუნიციპალიტეტში, განთიადის საჯარო სკოლის მოსწავლეებისთვის გავმართეთ შეხვედრა.

შეხვედრას ესწრებოდნენ, როგორც სკოლის მოსწავლეები ისე პედეგოგები. პარალეგალებმა სკოლის მოსწავლეებს გააცნეს შემდეგი თემები: ბავშვის უფლებები, ბულინგის სახეები, ინკლუზიური განათლების მნიშვნელობა და შეზღუდული შესაძლებლობების მქონე პირთა უფლებები. შეხვედრა წარიმართა მოსწავლეების აქტიური ჩართულობით.

სკოლის მოსწავლეებს გავაცანით იურიდიული დახმარების სამსახურის შესახებ დეტალური ინფორმაცია, ჩვენი სერვისები და მიმდინარე პროექტები.

მადლობას ვუხდით USAID Rule of Law Program I USAID სამართლის უზენაესობის პროგრამა - ს მხარდაჭერისთვის.

მიმდინარე წლის, 4 დეკემბერას, ხელვაჩაურის მუნიციპალიტეტში, სოფელ ზედა განთიადის საჯარო სკოლის მოსწავლეებისთვის პარალეგალებთან ერთად გავმართეთ შეხვედრა.

პარალეგალებმა სკოლის მოსწავლეებს გააცნეს შემდეგი თემები: ბავშვის უფლებები, ბულინგის სახეები, ინკლუზიური განათლების მნიშვნელობა და ქალთა უფლებები. შეხვედრა წარიმართა მოსწავლეების აქტიური ჩართულობით. ასევე, სკოლის მოსწავლეებს გავაცანით იურიდიული დახმარების სამსახურის შესახებ დეტალური ინფორმაცია, ჩვენი სერვისები და მიმდინარე პროექტები.

მადლობას ვუხდით USAID Rule of Law Program I USAID სამართლის უზენაესობის პროგრამა - ს მხარდაჭერისთვის.

მიმდინარე წლის 3 დეკემბერს, იურიდიული დახმარების სამსახურისა და USAID სამართლის უზენაესობის პროგრამის ორგანიზებით, გაიმართა იმიტირებული სასამართლო პროცესი ბათუმის საქალაქო სასამართლოში.

აღსანიშნავია, რომ პროცესზე მხარეებს წარმოადგენდნენ სტუდენტი პარალეგალები, ხოლო ნაფიცი მსაჯულები - ქალაქ ბათუმში არსებული სხვადასხვა სკოლის მოსწავლეები.

იმიტირებულ პროცესზე მოსამართლეები გახლდნენ - იურიდიული დახმარების სამსახურის ბათუმის ბიუროს უფროსი იამზე ზანდარაძე და ბათუმის საქალაქო სასამართლოს მოსამართლე - ხათუნა ბოლქვაძე.

მოსწავლეებმა დეტალური ინფორმაცია მიიღეს ბავშვთა უფლებებთან დაკავშირებით. ასევე, იმიტირებული პროცესის საქმის მასალები იმგვარად იყო შედგენილი, რომ ნაფიც მსაჯულებს შესაძლებლობა ჰქონდათ ემსჯელათ ბავშვის საუკეთესო ინტერესიდან გამომდინარე აქტუალურ საკითხებზე და შემდგომ გაცნობოდნენ კვალიფიციურ სამართლებრივ შეფასებებს. განსახილველმა თემამ დიდი დაინტერესება გამოიწვია სკოლის მოსწავლეებში.

იმიტირებული პროცესი განხორციელდა პროექტის - "ვაქციოთ კანონი ყველასთვის ხელმისაწვდომი"-ს ფარგლებში.

მადლობას ვუხდით USAID Rule of Law Program I USAID სამართლის უზენაესობის პროგრამა - ს მხარდაჭერისთვის.

2023 წლის 2 დეკემბერს, იურიდიული დახმარების სამსახურის მობილური საკონსულტაციო ცენტრი საერთაშორისო სტუმრებთან ერთად სოფელ ხურვალეთს ეწვია. სომხეთის, მოლდოვისა და უკრაინის წარმომადგენლები ადგილზე გაეცნენ, თუ როგორ მუშაობს იურიდიული დახმარების მობილური საკონსულტაციო ცენტრი, რომელიც UNDP-სა და გერმანიის ხელშეწყობით გაიხსნა და კონფლიქტით დაზარალებულ მოსახლეობას ემსახურება.

სტუმრებს შორის იყვნენ გაეროს განვითარების პროგრამის (UNDP) წარმომადგელები მათ შორის კანონის უზენაესობის, უსაფრთხოებისა და ადამიანის უფლებების ხელმძღვანელი, ქეით ტომპსონი.

ვიზიტის ფარგლებში იურიდიული დახმარების სამსახურმა მოსახლეობას წარუდგინა მობილური საკონსულტაციო ცენტრი. მოგეხსენებათ “მობილური საკონსულტაციო ცენტრი” არის შესაბამისი ტექნიკით აღჭურვილი სპეციალური მიკროავტობუსი, სადაც შესაძლებელია ინდივიდუალური სამართლებრივი კონსულტაციის გაწევა და საჭირო შემთხვევაში სამართლებრივი დოკუმენტების მომზადება. პროექტი გერმანიის მთავრობისა და გაეროს განვითარების პროგრამის (UNDP)"კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის" ფარგლებში ხორციელდება.

1-2 დეკემბერს, თბილისში გაიმართა რეგიონული კონფერენცია თემაზე -„კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის.“

ღონისძიება გაეროს განვითარების პროგრამისა (UNDP) და გერმანიის მთავრობის ხელშეწყობით ჩატარდა, რომელშიც საქართველოს იურიდიული დახმარების სამსახურთან ერთად მონაწილეობდნენ სომხეთის, მოლდოვისა და უკრაინის იურიდიული დახმარების მიმწოდებელი სახელმწიფო უწყებების წარმომადგენლები. კონფერენციის ერთ-ერთი საკვანძო მომენტი იყო "თბილისის დეკლარაციის" მიღება, იძულებით გადაადგილებული მოსახლეობისთვის გარანტირებული იურიდიული დახმარების ხელმისაწვდომობის შესახებ.

დეკლარაციის მიღებით, ოთხი ქვეყანა შეთანხმდა რეგიონულ თანამშრომლობაზე, კანონის უზენაესობისა და მართლმსაჯულებაზე ხელმისაწვდომობის სტანდარტების ასამაღლებლად.