თსუ მუზეუმი / TSU Museum

🧑‍🏫 თსუ-ის ფსიქოლოგიისა და განათლების მეცნიერებათა ფაკულტეტის, დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო პროგრამის პირველი კურსის სტუდენტების ვიზიტი უნივერსიტეტის მუზეუმში

გილოცავთ დამოუკიდებლობის დღეს 🇬🇪

🇬🇪 🇬🇪
#26მაისი
#საქართველოსდამოუკიდებლობისდღე

🔔 თბილისის სახელმწიფო უნივერსიტეტის მუზეუმი გილოცავთ აღდგომის ბრწყინვალე დღესასწაულს!

🔺 დიდი ქართველი მეცნიერი, თბილისის სახელმწიფო უნივერსიტეტის ერთ-ერთი დამფუძნებელი - კორნელი კეკელიძე 145!

#კორნელიკეკელიძე145

"არც ერთ ეროვნებასა და ქვეყანას არ შეუძლია შეუჩერებელი კულტურული ზრდა, თუ რომ მას შესაფერისად განვითარებული და მუდამ წარმატებაში მყოფი მეცნიერება არ აბადია. ერის ყოველი წარმატება, თვით ნივთიერ კულტურის სფეროშიც კი, თეორიული მეცნიერების წარმატებასა და აღორძინებაზეა დამოკიდებული."

🎓 დღეს ივანე ჯავახიშვილის დაბადების დღეა!

#ივანეჯავახიშვილი148

📣 თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ ქართული მარცვლეული კულტურისადმი მიძღვნილი გამოფენა გახსნა.

🔸 თსუ-ის მუზეუმის საგამოფენო დარბაზში გამოიფინა XVI-XVIII საუკუნით დათარიღებული ძველი საბუთები და ეტრატები, ფოტოები და ხელნაწერები, მემორიალური ნივთები, მარცვლეულის უნიკალური ჯიშები და ეთნოგრაფიული მასალა.

💬 გამოფენა თსუ ეთნოლოგია-ანთროპოლოგიის ინსტიტუტის, თსუ მუზეუმისა და უნივერსიტეტის ბიბლიოთეკის ორგანიზებით გაიმართა. ექსპოზიციაზე წარმოდგენილია: თსუ მუზეუმის, თსუ ბიბლიოთეკის, ბოტანიკური ბაღის, საქართველოს ეროვნული არქივისა და ხელნაწერთა ეროვნული ცენტრის უნიკალური მასალა.

📅 გამოფენა გაგრძელდება 26 აპრილის ჩათვლით.

🌾 15 აპრილს, 12:00 საათზე გიწვევთ გამოფენაზე - ქართული ტრადიციული სამიწათმოქმედო კულტურა და თანამედროვეობა

🎗 საქართველოს ისტორიაში ერთ-ერთი უმძიმესი დღიდან 35 წელი გავიდა.

◼️ 1989 წლის 9 აპრილს საბჭოთა არმიამ საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია ძალისმიერად ჩაახშო. 9 აპრილის ტრაგედიამ ჩვენი 21 თანამემამულის სიცოცხლე იმსხვერპლა.

📷 ფოტოზე ხედავთ 9 აპრილის მოვლენებს უნივერსიტეტის პირველი და მეორე კორპუსების მიმდებარედ.

#მადლობათავისუფლებისთვის

🔸 აკადემიკოს შალვა ამირანაშვილის დაბადებიდან 125 წელი გავიდა.

👨🏻‍🎓🎨 შალვა ამირანაშვილი გახლდათ ხელოვნებათმცოდნე. იგი იყო თბილისის სახელმწიფო უნივერსიტეტის პირველი თაობის სტუდენტი. მისი სამეცნიერო მოღვაწეობის სფერო მრავლისმომცველია, თუმცა განსაკუთრებით აღსანიშნავია მისი კვლევები კედლის მხატვრობის შესახებ. მის კალამს ეკუთვნის ფუნდამენტური ნაშრომი „ქართული ხელოვნების ისტორია“. მონოგრაფიაში ასახულია ქართული კულტურის განვითარების სურათი უძველესი დროიდან მეოცე საუკუნემდე. შალვა ამირანაშვილს დიდი ღვაწლი მიუძღვის ქართველი ხალხის მატერიალური კულტურის ძეგლთა დაცვისა და შეგროვების საქმეში.

📰 შალვა ამირანაშვილის 125 წლის იუბილესთან დაკავშირებით გთავაზობთ მის ხელნაწერებსა და ფოტოებს. აქვე, მუზეუმის სახელით მადლობას ვუხდით შალვა ამირინაშვილის ოჯახის წევრებს დოკუმენტების მოწოდებისთვის.

🌸 22 მარტს, თბილისის სახელმწიფო უნივერსიტეტში, გაიმართა საღამო ,,რა ამბავია ყვავილთ სასახლეს?"

📜 ღონისძიების ფარგლებში სააქტო დარბაზის ფოიეში თსუ მუზეუმის ორგანიზებით წარმოდგენილი იყო უნივერსიტეტელ ქალბატონთა - მარიამ ჯამბაკურ-ორბელიანის, ვანდა ჰოპე-ღამბაშიძის, ელისაბედ ბაგრატიონ-ორბელიანის, მედეა ღამბაშიძის, ნინო თარიშვილის, ნინო ციციშვილის, თამარ ლომოურის, ქსენია სიხარულიძის, თამარ კალაშნიკოვას, თამარ ჟღენტის, მარო მაყაშვილის, მარიამ ლორთქიფანიძის, თინათინ ყაუხჩიშვილის, დალი გერსამიას, ვერა ბარდაველიძის, ჯულიეტა რუხაძის, ნუნუ მინდაძის, ლია მელიქიშვილის, ნანა ხაზარაძის და სხვათა ხელნაწერები, ფოტოები და მემორიალური ნივთები.

📚 აღნიშნული გამოფენისა და საღამოს მომზადების ინიციატორები იყვნენ თსუ ბიბლიოთეკა და თსუ ბიბლიოთეკის მეგობართა კლუბის წევრები.

📆 გამოფენა გაგრძელდება 12 აპრილის ჩათვლით.

🖤 თბილისის სახელმწიფო უნივერსიტეტის მუზეუმი ღრმა მწუხარებით იუწყება, რომ გარდაიცვალა თსუ მუზეუმის ყოფილი თანამშრომელი, ნანა მუსერიძე.
პანაშვიდი: 26-27 მარტს, 16:00 საათზე.
მისამართი: აკაკი შანიძის ქუჩა #5
დაკრძალვა: 28 მარტს 15:00 საათზე, ბორჯომის მუნიციპალიტეტში, დაბა წაღვერში.

🔈 22 მარტს თბილისის სახელმწიფო უნივერსიტეტის მუზეუმში ჯემალ აჯიაშვილის 80 წლის იუბილესადმი მიძღვნილი გამოფენა გაიხსნება

➡️ ექსპოზიციაზე იხილავთ ჯემალ აჯიაშვილის პირად ფოტოებს, ხელნაწერებს, წიგნებსა და საზოგადოებრივი მოღვაწეობის ამსახველ დოკუმენტურ მასალას, რომელიც დაცულია საქართველოს ეროვნული პარლამენტის არქივსა და საქართველოს ეროვნულ არქივში, კოტე მარჯანიშვილის სახელობის თეატრალურ მუზეუმსა და კერძო კოლექციებში, ილიასა და თბილისის სახელმწიფო უნივერსიტეტების არქივებსა და თსუ ბიბლიოთეკაში. ამასთანავე, გამოყენებულია ისაკ კირხელის, იოსებ ბარდანაშვილისა და მისი პირადი ფონდიდან უნიკალური ფოტოები და ხელნაწერები. გამოფენაზე დოკუმენტები თემატურად იქნება წარმოდგენილი

🌸🌷 თბილისის სახელმწიფო უნივერსიტეტის მუზეუმი გილოცავთ ქალთა საერთაშორისო დღეს

#გილოცავთქალთასაერთაშორისოდღეს ❗🌸

🟦 თბილისის სახელმწიფო უნივერსიტეტის ერთ-ერთი დამფუძნებლის, ივანე ჯავახიშვილის თანამოაზრისა და გამოჩენილი ენათმეცნიერის აკაკი შანიძის დაბადებიდან 137 წელი გავიდა

📚 🗃 მის იუბილესთან დაკავშირებით გთავაზობთ ფოტოებსა და მემორიალურ ნივთს

#აკაკიშანიძე137

✨ 21 თებერვალს პარლამენტის ეროვნულ ბიბლიოთეკაში ტურისტული გიდის საერთაშორისო დღისადმი მიძღვნილი ღონისძიება გაიმართა
💥 ღონისძიების ფარგლებში დამსწრე საზოგადოება გაეცნო საქართველოს სერტიფიცირებული გიდების ასოციაციის (Sakartvelo's Certified Guides Association) წლიურ ანგარიშსა და სამომავლო გეგმებს. ასოციაციამ ასევე წარადგინა ახალი გიდები
🤝 სხვა მუზეუმებთან და ასოციაციებთან ერთად ღონისძიებაზე მიწვეული იყო თბილისის სახელმწიფო უნივერსიტეტის მუზეუმიც. პრეზენტაციის ფარგლებში მუზეუმის წარმომადგენლებმა ალექსანდრე მარუაშვილმა და მეგი ჯალაღონიამ დამსწრე საზოგადეობას გააცნეს უნივერსიტეტის ისტორია და მუზეუმში დაცული ექსპონატები.

🔊 თბილისის სახელმწიფო უნივერსიტეტის მუზეუმში იუნესკოს პროგრამის ფარგლებში, ფილოსოფიის მსოფლიო დღისადმი მიძღვნილი გამოფენა - "თსუ ფილოსოფია 105" იხსნება

⏰ გამოფენა გაიხსნება 10:45 საათზე

✨ თბილისის სახელმწიფო უნივერსიტეტის მუზეუმმა საქართველოს სერტიფიცირებული გიდების ასოციაციის (Sakartvelo's Certified Guides Association) წევრებს უმასპინძლა.

👉 შეხვედრის ფარგლებში დამთვალიერებლებმა მოისმინეს ინფორმაცია მუზეუმის სტრუქტურის, ღონისძიებების, გამოფენებისა და ექსპონატების შესახებ.

📮 გთავაზობთ ასოციაციის წევრების კომენტარს საინფორმაციო შეხვედრის დასრულების შემდეგ: "მიუხედავად იმისა, რომ უმრავლესობა ჩვენგანს თბილისის სახელმწიფო უნივერსიტეტი გვაქვს დამთავრებული, მუზეუმში ნანახმა და მოსმენილმა ყოველგვარ მოლოდინს გადააჭარბა. სავსე შთაბეჭდილებებით და სიამაყით წამოვედით, ეს ის ადგილია, რომელიც უნდა ნახოს ყველამ, როგორც ჩვენმა მოქალაქეებმა, ისე სტუმრებმა.
ძალიან დიდი მადლობა განსაკუთრებული მიღებისთვის, ბატონ ალექსანდრე მარუაშვილს უაღრესად საინტერესო ლექციისთვის და ენთუზიაზმისთვის, რომელიც ძალიან გადამდებია. უდიდესი მადლობა მეგი ჯალაღონიას მასპინძლობისთვის და ჩვენი მხარდაჭერისთვის, გვეამაყებით. რამდენი რამე გაქვთ მოსაყოლი და გასაზიარებელი, რამდენად საჭიროა ბევრმა ნახოს ეს სივრცე."

🔺დღეს თამაზ გამყრელიძის დაბადებიდან 94 წელი გავიდა

🔘 თამაზ გამყრელიძე გახლდათ ენათმეცნიერი. იგი იყო საქართველოს მეცნიერებათა აკადემიის აკადემიკოსი და ამავე აკადემიის პრეზიდენტი. მან 1952 წელს წარჩინებით დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი. დიდი მეცნიერის კვლევის სფეროს ძირითადად წარმოადგენდა თეორიული და შედარებითი ენათმეცნიერება, სემიოტიკა. იგი არის 200-მდე სამეცნიერო ნაშრომის ავტორი, რომელთაგან უმრავლესობა დაბეჭდილია პრესტიჟულ, უცხოურ გამოცემებში. ის არჩეული იყო არაერთი უცხოური სამეცნიერო საზოგადოების წევრად. თამაზ გამყრელიძე აქტიურად იყო ჩაბმული საქართველოს ეროვნულ-განმათავისუფლებელ მოძრაობაში. ყველასათვის ცნობილია მისი გამოსვლა 9 აპრილის მოვლენებთან დაკავშირებით მოსკოვში, რამაც კრემლი აიძულა უკან დაეხია. სწორედ მისი ინიციატივით მიენიჭა თბილისის სახელმწიფო უნივერსიტეტს ივანე ჯავახიშვილის სახელი

👨🏻‍🎓თამაზ გამყრელიძის იუბილესთან დაკავშირებით თბილისის სახელმწიფო უნივერსიტეტის მუზეუმს მისი მანტია გადმოეცა, რომელსაც სხვა ხელნაწერებთან და ფოტოებთან ერთად თამაზ გამყრელიძისადმი მიძღვნილ გამოფენაზე იხილავთ

#თამაზგამყრელიძე94

🔈 თბილისის სახელმწიფო უნივერსიტეტის მუზეუმში აკადემიკოს გურამ ლორთქიფანიძისადმი მიძღვნილი გამოფენა გაიხსნა

➡️ გამოფენაზე წარმოდგენილია გურამ ლორთქიფანიძის ცხოვრებისა და მოღვაწეობის ამსახველი ფოტოები, ხელნაწერები და მემორიალური ნივთები

🎓 გურამ ლორთქიფანიძე გახლდათ არქეოლოგი, მან 1961 წელს დაამთავრა მოსკოვის სახელმწიფო უნივერსიტეტის ისტორიის ფაკულტეტი. 2006 წლიდან იგი იყო თბილისის სახელმწიფო უნივერსიტეტის სრული პროფესორი. ის ხელმძღვანელობდა ბიჭვინთის არქეოლოგიურ ექსპედიციას და ამავდროულად იყო თბილისის სახელმწიფო უნივერსიტეტის კულტუროლოგიის კათედრის დამაარსებელი და ხელმძღვანელი სიცოცხლის ბოლომდე

🔸 თამარ ლომოურის დაბადებიდან 140 წელი გავიდა

📸 🗃️ თამარ ლომოურის იუბილესთან დაკავშირებით გთავაზობთ ფოტოებსა და დოკუმენტებს, რომლებიც მის უნივერსიტეტში მოღვაწეობას ასახავს

🪙 თამარ ლომოური დაიბადა 1883 წელს, იგი გახლდათ მწერალ ნიკო ლომოურის ქალიშვილი. მან 1922 წელს დაამთავრა თბილისის სახელმწიფო უნივერსიტეტის ისტორიის ფაკულტეტი. თამარ ლომოური ერთ-ერთია თბილისის სახელმწიფო უნივერსიტეტის კურსდამთვარებულთა პირველ თაობას შორის. იგი ითვლება ნუმიზმატიკური მეცნიერების ერთ-ერთ ფუძემდებლად საქართველოში. 1922 წლიდან თბილისის სახელმწიფო უნივერსიტეტში სწორედ ნუმიზმატიკის კაბინეტს ხელმძღვანელობდა. დიდია მისი წვლილი ნუმიზმატიკური მასალის ინვენტარიზაციისა და კლასიფიკაციის საქმეში

#თამარლომოური140

🎉 თბილისის სახელმწიფო უნივერსიტეტის მუზეუმი ულოცავს სტუდენტებს ახალი სასწავლო წლის დაწყებას. ვუსურვებთ წინსვლასა და წარმატებას

👉 საორიენტაციო დღეების ფარგლებში თბილისის სახელმწიფო უნივერსიტეტის მუზეუმმა პირველკურსელებს უმასპინძლა. სტუდენტებმა მოისმინეს ინფორმაცია უნივერსიტეტის დაარსებისა და დამფუძნებელი მამების შესახებ

💬„...ფიქრისგან ნუ განიშორებ რომ შენ ხარ მისიით ადამიანი“ – დღეს ამ სიტყვების ავტორის, მიხეილ მამულაშვილის დაბადებიდან 150 წელი გავიდა

📝📸 მის იუბილესთან დაკავშირებით გთავაზობთ ფოტოებსა და თბილისის სახელმწიფო უნივერსიტეტის მუზეუმში დაცულ, ნათელა ჯავახიშვილთან გაგზავნილ წერილებს

🔹მიხეილ მამულაშვილი (1873-1973) იყო მებაღე-დეკორატორი. იგი 1890-1898 წლებში კავკასიის მეფისნაცვლის ბაღში მუშაობდა (დღევანდელი მოსწავლეთა რესპუბლიკური სასახლის ბაღი). მისივე თაოსნობით თბილისში გაიხსნა ყვავილების სალონი. მან მრავალი ველური ყვავილისგან არაერთი ახალი ჯიში გამოიყვანა. იგი ცნობილი გახდა ორიგინალური სტილის მხატვრული კომპოზიციებით. მიხეილ მამულაშვილი მონაწილეობას იღებდა ყვავილების რესპუბლიკურ და საკავშირო გამოფენებში. ის იყო ივანე ჯავახიშვილის ოჯახის უახლოესი მეგობარი და თანამოაზრე

#მიხეილმამულაშვილი150

🗓️ გიორგი ნიკოლაძის დაბადებიდან 135 წელი გავიდა

📊 გიორგი ნიკოლაძე პროფესიით მათემატიკოსი იყო. იგი თბილისის სახელმწიფო უნივერსიტეტის იმ წარჩინებულ სტუდენტთა შორისაა, რომლებიც უნივერსიტეტის დაფინანსებით საზღვარგარეთ სასწავლებლად გაგზავნეს. მან განათლება სორბონის უნივერსიტეტში მიიღო და დისერტაციაც იქვე დაიცვა

🔹 გიორგი ნიკოლაძის ხელმძღვანელობით აშენდა ზესტაფონის ფეროშენადნობთა ქარხნა

🏅 მრავალმხრივია გიორგი ნიკოლაძის ინტერესთა სფერო. მისი ინიციატივით დაარსდა სპორტული საზოგადოება „შევარდენი“. იგი მონაწილეობას იღებდა ოლიმპიადებსა და ალპინიადებში

📜 გიორგი ნიკოლაძის იუბილესთან დაკავშირებით გთავაზობთ ფოტოებსა და რამდენიმე ხელნაწერს

#გიორგინიკოლაძე135

🗓️ დღეს დიდი ქართველი მეცნიერის გრიგოლ გიორგაძის დაბადებიდან 96 წელი შესრულდა

🎓 გრიგოლ გიორგაძე 150-მდე სამეცნიერო ნაშრომის ავტორია, რომელთაგან 7 მონოგრაფიაა. ნაშრომები გამოქვეყნებულია ქართულ, რუსულ, გერმანულ და ინგლისურ ენებზე. იგი მრავალ რესპუბლიკურ და საერთაშორისო სამეცნიერო ფორუმში მონაწილეობდა: მოსკოვში, სანკტ-პეტერბურგში, ბუდაპეშტში, ბერლინში, პარიზსა და ვენაში. გრიგოლ გიორგაძე 1988 წლიდან ივანე ჯავახიშვილის სახელობის ისტორიისა და ეთნოლოგიის ინსტიტუტში აკადემიკოს გიორგი მელიქიშვილის მიერ დაარსებულ ძველი ისტორიის სექტორს ხელმძღვანელობდა. გრიგოლ გიორგაძე ქართული ხეთოლოგიური სკოლის ერთ-ერთი ფუძემდებელია. მან 1991 წელს ივანე ჯავახიშვილის სახელობის თბილისის სახელმწიფო უნივერსიტეტში მიხაკო წერეთლის მიერ დაარსებული ასირიოლოგიის კათედრა აღადგინა, რომელსაც სიცოცხლის ბოლომდე ხელმძღვანელობდა

#გრიგოლგიორგაძე96

⚜️ გთავაზობთ თბილისის სახელმწიფო უნივერსიტეტის მუზეუმის ისტორიის ფონდში დაცულ ივანე ჯავახიშვილის ხელით შესრულებულ ესკიზებს, რომლებიც შესრულებულია კალკაზე. ესკიზები გადმოღებულია ქართული ეპიგრაფიკული ძეგლებიდან