Thor Metty / "12"

და ვინ ხარ შენ?..

ის რასაც ადამიანები ობიექტურ რეალობას ვუწოდებთ სიზმარია, რომელიც ღმერთს ესიზმრება, ღმერთს რომელიც გონიერი სიცოცხლეა, ფორმისა და სხეულის გარეშე მყოფი. ისევე როგორც ჩვენ ადამიანები ვართ იმ სხეულს მიღმა, რომელიც გვგონია რომ ვართ.

ღმერთს საკუთარ არსებაში ესიზმრება ობიექტური რეალობა და მისი წარმოუდგენლად ძლიერი ენერგიით იქმნებიან მატერიალური ფორმები მისივე ცნობიერებაში. სწორედ ასე ავლენს თავს უფორმო და უსხეულო გონიერი ეგზისტენცია, მატერიალურ ფორმებსა და სხეულებში. სწორედ ამიტომაა ღმერთი ყველგან და ყველაფერში.... ისევე როგორც ჩვენში.
ჩვენი მატერიალური სხეულებიც ხომ სწორედ იმის გამოვლინებაა, რაც ვართ ჩვენ ამ სხეულებს მიღმა. ჩვენ ღმერთს ვესიზმრებით და ყოველ ჩვენგანში ის თავს განიცდის სუბიექტურ, განცალკევებულ მდგომარეობად. სწორედ ესგ გვხდის ინდივიდუალურს და ერთმანეთისგან განსხვავებულს.

ეს ყველაფერი კი იმისთვის, რომ ჩვენ ამ მოჩვენებითი პიროვნულობიდან, ჭეშმარიტ პიროვნულობამდე ავმაღლდეთ, ანუ განვიღმრთოთ და შევძლოთ ვიურთიერთოთ მამასთან.
კარიბჭეც რათქმაუნდა თავად ვართ მატერიის მიღმა, სხვაგვარად არც შეიძლებოდა, რადგან თავადვე ვართ ის რაც მატერიის მიღმაა.

სხვაგვარად აუხსნელი და უაზროა ამ უკიდეგანო, ვარკსკვლავებით სავსე, გალაქტიკათა ურიცხვი ქსელების უდაბნოს არსებობა.
სად არსებობს იგი? არსად! და ვერც ვერსად იარსებებდა, თუ არა ღმერთის გონიერებაში. უფრო სწორად კი მის სიზმრისეულ მდგომარეობაში, ცნობიერებაში.

ეს გასაგებს ხდის იმ მეცნიერულ აღმოჩენასა და ფაქტსაც, რომ ატომის ბირთვის ბოლოს არის მხოლოდ სინათლე და იქ სხვა არაფერია. ატომის რომლითაც არსებობს მყარი თხევადი და აირადი, სართოდ ყველაფერი მატერიალური. თვით შენი სხეულიც კი... თუ კი მას ელექტრონებამდე "ჩაზუმავ" იქ არაფერი იქნება, საერთოდ არაფერი...

და მაინც შენ შინაგანად განიცდი არსებობას და აღიქვამ რომ "ხარ".
და... ვინ ხარ შენ?..

Thor Metty 🪐"12"♠️
12.10.2023.