ჟურნალისტიკა და მასობრივი კომუნიკაცია, თსუ,სოც-პოლი

https://www.facebook.com/100087669896308/posts/491308003801525/

🔉ვიწვევთ ადამიანის უფლებებითა და დისკრიმინაციის საკითხებით დაინტერესებულ სტუდენტებს სასწავლო სემინარში და სტატიების კონკურსში მონაწილეობის მისაღებად.

👩‍💼👨‍💼კონკურსში მონაწილეობის მიღება შეუძლიათ ჟურნალისტიკის, მასობრივი კომუნიკაციების, ასევე, ჟურნალისტიკასთან/პიართან დაკავშირებული სხვა ფაკულტეტის ბაკალავრიატისა და მაგისტრატურის სტუდენტებს.

1️⃣ეტაპი - განცხადებების მიღება და მონაწილეთა შერჩევა.

დაინტერესებულმა პირებმა, 2024 წლის 1 ოქტომბრის ჩათვლით, უნდა გამოაგზავნონ რეზიუმე (CV) და სამოტივაციო წერილი (არაუმეტეს 200 სიტყვისა), რომელშიც აღწერილი იქნება სასწავლო სემინარებით დაინტერესების მიზეზი. დოკუმენტები უნდა გამოიგზავნოს ელექტრონული ფოსტის შემდეგ მისამართზე 👉 📧 - [email protected]

გადმოგზავნილი დოკუმენტების საფუძველზე შეირჩევა 15 სტუდენტი.

2️⃣ეტაპი - სემინარების ჩატარება შერჩეულ სტუდენტებთან.

სასწავლო სემინარები ჩატარდება თბილისში, გაეროს სახლში (რაფიელ ერისთავის ქუჩა N9-ში) შემდეგი განრიგით:

I სემინარი - ადამიანის უფლებები და თავისუფლებები (10 ოქტომბერი, 14:00-17:00 საათი);

II სემინარი - თანასწორობის უფლება, მრავალფეროვანი საზოგადოების მნიშვნელობა, დისკრიმინაციის აკრძალვა (17 ოქტომბერი, 14:00-17:00 საათი);

III სემინარი - სტატიის წერის სტანდარტები (21 ოქტომბერი, 14:00-17:00 საათი).

3️⃣ეტაპი - სემინარის მონაწილეთა მიერ სტატიების მომზადება და ჟიურის მიერ სამი საუკეთესოს გამოვლენა.

გამარჯვებულებს გადაეცემათ სპეციალური პრიზები.

📞დამატებითი კითხვების შემთხვევაში დაგვიკავშირდით ტელეფონის ნომერზე: +995 591 451 904 ან მოგვწერეთ ორგანიზაციის Facebook გვერდზე.

პროექტი ხორციელდება კანონის უზენაესობის ცენტრის მიერ, გაეროს განვითარების პროგრამისა (UNDP) და ნორვეგიის მხარდაჭერით.

ლიანა მარქარიანი: დელის უნივერსიტეტისა და თბილისის სახელმწიფო უნივერსიტეტის ჟურნალისტურ სკოლებს შორის თანამშრომლობის რეალური პერსპექტივა გამოიკვეთა.👩‍💼

📌📌სასიხარულო ამბავი გვინდა გაცნობოთ - ჩვენი ფაკულტეტის პოლიტიკის მეცნიერებისა და ჟურნალისტიკის საბაკალავრო პროგრამების სტუდენტი თორნიკე ელაშვილი "მითების დეტექტორის ლაბორატორიის" კონკურსის გამარჯვებულია.
ვულოცავთ თორნიკეს ამ გამარჯვებას და კიდევ ბევრ წარმატებას ვუსურვებთ! 👏👏👏🕵️‍♀️🕵️‍♀️🕵️‍♀️

#თსუ
#სოცპოლი
#მითლაბი
#მედიისგანვითარებისფონდი
#დეზინფორმაცია

🏆 #მითლაბის კონკურსის გამარჯვებული და მითების დეტექტორის რჩეული თორნიკე ელაშვილი გახდა!

🤩 თორნიკე თსუ-ს პოლიტიკის მეცნიერებისა და ჟურნალისტიკის საბაკალავრო პროგრამის სტუდენტია. მისი ინტერესის სფეროა ევროკავშირი და პოლიტიკური ფილოსოფია.

"მითების დეტექტორის ლაბორატორიის" ფარგლებში, თორნიკეს საკონკურსო მულტიმედია ნაშრომია - “როგორ იყენებენ TikTok-ს დეზინფორმაციის გასავრცელებლად?” https://tornikeelashvili31.wixsite.com/my-site-1

#დაადგინესიმართლეშენით #მედიაწიგნიერება
DW Akademie Europe and Central Asia

"მედიის კვლევების" სამაგისტრო ნაშრომების დაცვის მეორე დღე და წარმატებული ორი დღის შემაჯამებელი ფოტოსესია:)) ნიჭიერი მაგისტრების კიდევ ერთი თაობა ტოვებს უნივერსიტეტის კედლებს, ცხადია, დროებით, სამუდამოდ კი არა!

25 და 26 ივლისი "მედიის კვლევების" პროგრამის სამაგისტრო ნაშრომების დაცვის თარიღებია. დღეს დაცვის პირველი დღე იყო, რომელიც საინტერესოდ, შთამბეჭდავად და კარგი შედეგებით დასრულდა. ფოტოებითაც ჩანს, რომ ყველა - ოსტატიც და შეგირდიც კმაყოფილია.

#მედიისკვლევები
#სამაგისტრონაშრომისდაცვა

დასრულდა ოთხდღიანი საბაკალავრო დაცვის პროცესი - საინტერესო მოსაზრებებით, მიგნებებით, სიხარულით, ვნებათაღელვით სავსე. კმაყოფილია პედაგოგიც და სტუდენტიც (სხვა განწყობაც არის, ცხადია:)) - ეს რუბიკონი გადალახულია, წინ ახალი გამარჯვებებია!

დღეიდან ჟურნალისტიკისა და მასობრივი კომუნიკაციის მიმართულებაზე საბაკალავრო ნაშრომების დაცვა დაიწყო. 4 დღის განმავლობაში დამამთავრებელი კურსის სტუდენტები თავიანთ საკვალიფიკაციო ნაშრომებს წარმოადგენენ შემფასებელი კომისიის წინაშე. დაცვის პროცესი საინტერესოდ დაიწყო, რასაც ჩვენი ფოტოქრონიკაც მოწმობს.

https://gazeti.tsu.ge/sazapxulo-skola/

ფრანგულ-ქართული საზაფხულო სკოლა თსუ-ში - gazeti.tsu.ge მიმდინარე წლის პირველიდან ხუთი ივლისის ჩათვლით თსუ სოციალურ და პოლიტიკურ მეცნიერებათა ფაკულტეტმა უმასპინძლა .....

ქართულ - ფრანგული საზაფხულო სკოლის სამუშაო პროცესი საინტერესოდ მიმდინარეობს. ხვალ მონაწილეები თავიანთ საბოლოო ნამუშევრებს წარადგენენ. პროცესი რომ ძალიან ნაყოფიერი აღმოჩნდა, ამ ფოტოკადრებითაც დასტურდება.

დღეიდან ქართულ - ფრანგულმა საზაფხულო სკოლამ მუშაობა დაიწყო. ხუთი დღის განმავლობაში, პირველიდან ექვს ივლისამდე, სტრასბურგის უნივერსიტეტის პროფესორი ალენ პეტერი და ავტორიტეტული ფრანგული გამოცემის "ლე მონდის" ჟურნალისტი სტეფანი ვანჟერი წინასაარჩევნო გაშუქების სპეციფიკაზე ჩაატარებენ მასტერკლასს ჟურნალისტიკისა და მასობრივი კომუნიკაციის მიმართულების ბაკალავრიატის სტუდენტებისთვის.

საზაფხულო სკოლის გახსნის ცერემონიას ესწრებოდნენ თბილისის სახელმწიფო უნივერსიტეტისა და ფრანგული ინსტიტუტის წარმომადგენლები. დამსწრეთ სიტყვით მიმართეს თსუ სოციალურ და პოლიტიკურ მეცნიერებათა ფაკულტეტის დეკანმა სალომე დუნდუამ, ფრანგული ინსტიტუტის წარმომადგენელმა ნათია მსხალაძემ, ჟურნალისტიკისა და მასობრივი კომუნიკაციის მიმართულების ხელმძღვანელმა მანანა შამილიშვილმა, საზაფხულო სკოლის იდეის ავტორმა, თსუ - ს ასისტენტ- პროფესორმა თინათინ მაჭარაშვილმა, შარშანდელი ფრანგულ- ქართული პროექტის მონაწილემ ნინი შავლაძემ. სიტყვით გამომსვლელებმა დიდი მნიშვნელობა მიანიჭეს აღნიშნულ პროექტს და ხაზი გაუსვეს მის როლს ჟურნალისტების დაოსტატების, პროფესიული პასუხისმგებლობის განვითარების საქმეში.

პროექტის მონაწილეები უკვე შეუდგნენ საინტერესო და დატვირთულ საქმიანობას. სიახლეებს საზაფხულო სკოლის სამუშაო პროცესის შესახებ მომდევნო დღეებში კვლავ შემოგთავაზებთ. 🇬🇪🇫🇷🇬🇪🇫🇷🇬🇪🇫🇷🇬🇪🇫🇷

‼️ გამოვიდა ჟურნალისტიკისა და მასობრივი კომუნიკაციის მიმართულების ტრადიციული სტუდენტური გამოცემის "გზავნილის" მორიგი ნომერი, ამჯერად - "გზავნილი მარნეულიდან". ამ საინტერესო ჟურნალის კონცეფციასა და შემოქმედებით ჯგუფზე მისი სულისჩამდგმელისა და უცვლელი მენტორის, ქალბატონი მაია ტორაძის პოსტიდან შეიტყობთ:

📌" სანამ კიდევ ერთხელ გაიხარებს ერი, მანამ ჩვენი პატარა სიხარული გვინდა გაგიზიაროთ... ჩემი ოქრო გოგო-ბიჭების ნაშრომი და ნაგვრისტევი ჟურნალი
‼️ "გზავნილი მარნეულიდან"!
კარგა ხანია ეს ნომერი მზადაა, მაგრამ ხან რა გახდა პრიორიტეტული და ხან - რა, ამიტომაც საფეხბურთო დღესასწაულსა და დღესასწაულს შორის შემოგაპარეთ.
გაეცანით მარნეულელებს - ყველაზე გულიან და კეთილ ადამიანებს - საქმიანებს, პროგრესისა და ერთიანობისკენ მიმართულებს! მუნიციპალიტეტს, რომელიც მრავალფეროვნების საუკეთესო მაგალითია და რომელიც ამ სტუდენტებს აქამდე მოჰყვებათ ყველა სიახლითა და საუკეთესო მოგონებებით.
ეს არაა ამ ჯგუფის საბოლოო ნამუშევარი. კიდევ ერთი გზავნილი აქვთ თქვენთვის შემონახული საშემოდგომოდ და ამჯერად ყვარლის დიდებულებას გაგაცნობენ, მანამ კი - ნახეთ და ისიამოვნეთ რედაქციის თითოეული წევრის თვალით დანახული მარნეულით და მარნეულელების სახეებით…
❤ აქვე, მადლობა ჩემს დაუღალავ თანაშემწეს, მეგობარს და პროფესიონალ Liana Markaryan -ს, ის რომ არა, ეს ნომერი ვერ იქნებოდა ❤
ვერ გამოვტოვებ ჩვენს გულითად მხარდამჭერ მიმართულებას Manana Shamilishvili და ფაკულტეტს Salome Dundua შემოდგომაზე კიდევ გვაჩვენებენ ჩვენი სტუდენტები, რა შეუძლიათ ❤️
❤ და მადლობა "გზავნილის" ნიჭიერ თაობას ამ სემესტრისთვის და თავდადებისთვის, რომელიც აჩვენეს ❤
განსაკუთრებით რედაქტორებს: Dito Belkania Kristine ShoniaMariam Baramidze
დამკაბადონებლებს - თიკა ჭილაური Saba Chitiashvili
ფოტოკორესპონდენტებს Mancho Balkhamishvili ანი ზედელაშვილი
სტილისტ-კორექტორებს Elene Gamiashvili თინათინ ჭავჭანიძე Vano Kakashvili Ani Korshia Giorgi Navrozashvili
ვებრედაქტორს Lika Giorbelidze
ჟურნალისტებს ნიკა ცოფურაშვილი Luka Tsutskiridze Ani Qochiashvili Begashvili Nika Dimitriadi Tata Saba Samushia Ellen Chokheli ნიკა შოშიტაშვილი Sophia Bolkvadze Mari Apciauri Anna Kvinikadze Salome Kervalishvili "

ჟურნალი "გზავნილი მარნეულიდან"

📌სიხარულით გაცნობებთ, რომ საქართველოს უნივერსიტეტის ყოველწლიური ლიტერატურული კონკურსის “FOLIO”-ს გამარჯვებულთა შორის თსუ-ს ჟურნალისტიკისა და მასობრივი კომუნიკაციის მიმართულების პირველი კურსის სტუდენტი არმაზ შავიძეცაა. კონკურსის თემა, რომლის მიხედვითაც კონკურსანტები პროზაულ ნაშრომებს ქმნიან, ქვეყანაში მიმდინარე მოვლენების, გამოწვევების კვალად ირჩევა. წლევანდელი კონკურსის თემად შეირჩა აკაკი წერეთლის ციტატა: “მერცხალი რომ კიდეც მოჰკლა, მაინც მოვა გაზაფხული”.

🔻“ზოგადად მიყვარს, როცა ვმონაწილეობ ისეთ კონკურსებში, სადაც თვითპრეზენტაცია და საკუთარი შესაძლებლობების გამოცდა შემიძლია, თითქოს ერთი ნაბიჯით კიდევ უფრო წინ მივიწევ და ვმაღლდები. შემოთავაზებული თემატიკის მიხედვით შევქმენი საბავშვო ნაწარმოები, რომელიც მიზნად ისახავს მკითხველში არდანებების, გზის გაგრძელებისა და იმ “განწირულის სულისკვეთების” მიგნებას, რომელსაც უკვალოდ არასდროს ჩაუვლია”, - შენიშნა ჩვენთან საუბარში გამარჯვებულმა, რომლის ნაწარმოებმა ჟიურის განსაკუთრებული სიმპათია დამისახურა.

🔻აღსანიშნავია ისიც, რომ კონკურსს, საქართველოს უნივერსიტეტის გარდა, სათავეში უდგას ლევან ბერძენიშვილი, რომლის რჩეულიც სწორედ არმაზი გახდა. კონკუსზე სულ სამი გამარჯვებული გამოვლინდა. მათ ფულადი ჯილდოები გადაეცათ საჩუქრად.

🔻ვულოცავთ არმაზ შავიძეს ამ გამარჯვებას და ვუსურვებთ მომავალ შემოქმედებით წარმატებებს! ⏳🖊📙

ანა თვალავაძე - მასობრივი კომუნიკაციის სადოქტორო პროგრამის დოქტორანტი; ჩემი ინტერესის სფეროა მასობრივი კომუნიკაციის საშუალებები, მათი მეშვეობით გადმოცემული/დანახული ახალი კულტურები და ამ კულტურათა შორის განსხვავებები თუ მსგავსებები. სწორედ ამ საკითხს ეხება ჩემი თემაც, რომლის ფარგლებშიც თბილისის სახელმწიფო უნივერსიტეტმა და კონკრეტულად, სოციალურ და პოლიტიკურ მეცნიერებათა ფაკულტეტმა მომცა საშუალება გაცვლითი სემესტრით წავსულიყავი ესპანეთში, გრანადის უნივერსიტეტში. ვფიქრობ, რომ მიღებული გამოცდილება და ახალი სოციალური კაპიტალი დახმარებას გამიწევს ჩემს შემდგომ კვლევაში.

‼️გაცნობებთ, რომ მიმდინარე წლის პირველიდან ხუთი ივლისის ჩათვლით თსუ სოციალურ და პოლიტიკურ მეცნიერებათა ფაკულტეტი უმასპინძლებს საზაფხულო სკოლას, რომელიც ფრანგულ - ქართული პროექტის ფარგლებში მოეწყობა.

🔻პროფესიული უნარების განმავითარებელი პროექტი, რომელიც მედიაში წინასაარჩევნო პერიოდის გაშუქების სწავლებას ეძღვნება, მომზადდა ჟურნალისტიკისა და მასობრივი კომუნიკაციის მიმართულების მიერ, სტრასბურგის უნივერსიტეტის ჟურნალისტური განათლების საუნივერსიტეტო ცენტრის (CUEJ) მონაწილეობით, ვისთანაც თსუ-ს მედიასკოლას თანამშრომლობის კარგი გამოცდილება აქვს. გასულ წელს წარმატებით ჩატარდა ერთთვიანი პრაქტიკული სწავლება ჟურნალისტიკის ბაკალავრიატის ქართველი და ფრანგი სტუდენტებისთვის. საზაფხულო სკოლის იდეა სწორედ ამ ნაყოფიერი გამოცდილების შედეგად დაიბადა.

🔻ფრანგული მხრიდან საზაფხულო სკოლაში მონაწილეობას მიიღებენ სტრასბურგის უნივერსიტეტის ასოცირებული პროფესორი, ბეჭდური მედიის მიმართულების ხელმძღვანელი ალენ პიტერი და ჟურნალ „ლე მონდის“ ჟურნალისტი სტეფანი ვაგნერი. მათთან ერთად სამუშაო პროცესში ჩაერთვებიან ქართველი სპეციალისტები - ჟურნალისტიკისა და მასობრივი კომუნიკაციის მიმართულების პროფესორები და დოქტორანტები, რომლებიც სამუშაო პროცესის მოდერატორობას გასწევენ.

📌ფრანგი და ქართველი მენტორების ხელმძღვანელობით პროექტის მონაწილეები იმუშავებენ წინდაწინ შერჩეულ აქტუალურ თემებზე და შექმნიან ორიგინალურ ჟურნალისტურ პროდუქციას. პროექტის დასასრულს მათ გადაეცემათ სპეციალური სერტიფიკატები.

🔻საზაფხულო სკოლა ითვალისწინებს 20 სტუდენტის მონაწილეობას, რომლებიც შეირჩევიან სპეციალურად შექმნილ კომისიასთან გასაუბრების შედეგად. პროექტში მონაწილეობის მიღება შეუძლიათ ჟურნალისტიკისა და მასობრივი კომუნიკაციის მიმართულების საბაკალავრო და დამატებითი - ე.წ. „მაინორ“ პროგრამების მეორე და მესამე კურსის სტუდენტებს, რომელთა GPA შეადგენს არანაკლებ 2,0-ს.

‼️მსურველებმა 17 - 23 ივნისის პერიოდში უნდა გამოგზავნონ თავიანთი მოკლე ავტობიოგრაფია (CV) შემდეგ მისამართზე: [email protected]

✔️კანდიდატებთან გასაუბრება შედგება 25 ივნისს, ხოლო კონკურსის შედეგები გამოცხადდება 26 ივნისს. 📙📖🖋

https://www.facebook.com/share/p/kUZNJMrP73QwQqN8/?mibextid=qi2Omg

მარიამ ტალახაძე თსუ სოციალურ და პოლიტიკურ მეცნიერებათა ფაკულტეტის ჟურნალისტიკისა და მასობრივი კომუნიკაციის საბაკალავრო პროგრამის 2020 წლის კურსდამთავრებულია. მარიამი 2023 წელს სრული დაფინანსებით ჩაირიცხა "დოიჩე ველე აკადემიის" (DW Akademie) University of Bonn-ისა და The Bonn-Rhein-Sieg University of Applied Sciences-ის ერთობლივ სამაგისტრო პროგრამაზე. ამჟამად ის "საერთაშორისო მედიის კვლევების" (International Media Studies (IMS) ორწლიან სამაგისტრო პროგრამაზე სწავლობს გერმანიის ქალაქ ბონში.

"ბაკალავრიატის საფეხურზე მედიის კვლევების გარშემო საბაზისო ცოდნა მივიღე და საბაკალავრო ნაშრომზე მუშაობისას მივხვდი, რომ სამომავლოდ ამ მიმართულებით მსურდა სწავლის გაგრძელება. პროგრამა, რომელზეც ამჟამად ვსწავლობ, კვლევისა და ჟურნალისტური პრაქტიკის მიმართულებას იდეალურად აბალანსებს, გარდა ამისა, მედიის განვითარების სტრატეგიებსა და მედიამენეჯმენტის საკითხებზეც კონცენტრირდება. ჩემთვის ძალიან მნიშვნელოვანია, რომ ამ მრავალმხრივ ცოდნას მსოფლიოს 22 ქვეყნის მედიაპროფესიონალთან ერთად ვეუფლები. ეს გარემოება მაძლევს უნიკალურ შესაძლებლობას, ინფორმაცია მედიასისტემების მრავალფეროვნებასა და გამოწვევებზე უშუალოდ თითოეული ქვეყნის წარმომადგენლისგან მივიღო".

ჟურნალისტიკისა და მასობრივი კომუნიკაციის მიმართულების "მედიის კვლევების" სამაგისტრო პროგრამის სტუდენტის თამარ კირკიტაძის პროექტი გამარჯვებულთა შორისაა. ვულოცავთ თამარს გამარჯვებას და პროექტის წარმატებით განხორციელებას ვუსურვებთ.
https://www.facebook.com/share/4jGKKfxaRC7eNj5C/?mibextid=oFDknk

პირველად საუნივერსიტეტო სივრცეში!

გამოვლინდა მაგისტრანტების კვლევით პროექტში გამარჯვებულები - გილოცავთ!

„შრომითი მიგრაციის გამომწვევი მიზეზები გურიის რეგიონის მაგალითზე და მათი ასახვა ადგილობრივ მედიაში“

პროექტის ხელმძღვანელი “მედიის კვლევების” სამაგისტრო პროგრამის მეორე სემესტრის სტუდენტი თამარ კირკიტაძე

შარშანდელი ფრანგულ-ქართული პროექტის მონაწილეთათვის მნიშვნელოვანი ამბავი მოხდა - დიდი ხნის ლოდინის შემდეგ პროექტის მონაწილეებმა სტრასბურგის უნივერსიტეტის სერტიფიკატები მიიღეს. ასე აღინიშნა ფრანგ თანატოლებთან ერთად მათი აქტიური ჟურნალისტური საქმიანობა აუდიოვიზუალური და ბეჭდური მედიაპროდუქციის შექმნის მიზნით.

სტრასბურგის უნივერსიტეტის მედიასკოლასთან თსუ ჟურნალისტიკისა და მასობრივი კომუნიკაციის მიმართულების ნაყოფიერი თანამშრომლობა კვლავაც გრძელდება. სამომავლოდ იგეგმება ერთობლივი საინტერესო ღონისძიებები, რომელთა შესახებაც თავის დროზე გამცნობთ.

https://www.facebook.com/share/p/cGVdgYxMYZiifE4c/?mibextid=oFDknk

🟧📍სოციალურ და პოლიტიკურ მეცნიერებათა ფაკულტეტის ჟურნალისტიკისა და მასობრივი კომუნიკაციის მიმართულების ასოცირებული პროფესორი ნინო ჭალაგანიძე უმაღლესი საგანმანათლებლო პროგრამების აკრედიტაციის 2024 წლის საბჭოს წევრი გახდა.